ციპზოლი

(CIPZOL)

ზოგადი დახასიათება:
საერთაშორისო არაპატენტირებული დასახელება: კლოტრიმაზოლი;
ძირითადი ფიზიკურ-ქიმიური თვისებები:
თეთრი ფერის ჰომოგენური კრემი, თავისუფალი ჩანართებისგან.
შემადგენლობა:
1 გ კრემი შეიცავს: კლოტრიმაზოლს _ 10 მგ.
დამხმარე ნივთიერებები: თეთრი რბილი პარაფინი, ცეტოსტეარილის სპირტი, ცეტომაკროგოლი 1000, მსუბუქი თხევადი პარაფინი, მეთილპარაბენი, პროპილპარაბენი, პროპილენგლიკოლი, ნატრიუმის დიჰიდროფოსფატის დიჰიდრატი, ნატრიუმის ჰიდროფოსფატი უწყლო, გასუფთავებული წყალი.
გამოშვების ფორმა:
1% კრემი, 20 გ.
ფარმაკოლოგიური ჯგუფი:
ფართო სპექტრის სოკოს საწინააღმდეგო საშუალება. იმიდაზოლის წარმოებული.
ათქ-კოდი: D01AC01.
ფარმაკოლოგიური თვისებები:
ციპზოლი წამოადგენს ფართო სპექტრის სოკოს საწინააღმდეგო საშუალებას, რომლის აქტიური ნივთიერებაა კლოტრიმაზოლი (იმიდაზოლის წარმოებული). მისი მოქმედების მექანიზმი განპირობებულია სოკოს უჯრედის მემბრანაში შემავალი ერგოსტერინის სინთეზის დათრგუნვით, რაც იწვევს მემბრანის სტრუქტურისა და თვისებების შეცვლას და უჯრედის ლიზისს. გააჩნია ფუნგოსტატური და ფუნგიციდური მოქმედება. აქტიურია დერმატოფიტების, ობის, საფუარა სოკოების

(Candida, Torulopsis glabrata, Rhodotorula) მიმართ. პრეპარატს გააჩნია ანტიმიკრობული მოქმედება გრამდადებითი (სტაფილოკოკები, სტრეპტოკოკები) და გრამუარყოფითი ბაქტერიების

(Bacteroides, Gardnerella vaginalis) ასევე,

Trichomonas vaginalis, Malassezia furfur (Pityriasis versicolor-ის გამომწვევი) და

Corynebacterium minussimum-ის (ერითრაზმის გამომწვევი) მიმართ.
ფარმაკოკინეტიკა:
კლოტრიმაზოლი ცუდად შეიწოვება კანიდან და ლორწოვანი გარსიდან და პრაქტიკულად არ გააჩნია სისტემური მოქმედება. ეპიდერმისის ღრმა შრეებში კონცენტრაცია მეტია, ვიდრე დერმაში და კანქვეშა ქსოვილში და აჭარბებს დერმატოფიტებისთვის მინიმალურ დამთრგუნველ კონცენტრაციას.
ჩვენება:
დერმატოფიტებით, ობის, საფუარა და სხვა სოკოებით გამოწვეული დერმატომიკოზები, ერითრაზმა, ტრიქოფიტია, მიკოზები, პარონიქია, ნაირფერი პიტირიაზი, ქატოსებრი ლიქენი, კანდიდოზური ვულვიტი და ბალანიტი.
მიღების წესი და დოზირება:
ციპზოლი 1% კრემი დაიტანება და შეიზილება წინასწარ დაბანილ, გამშრალებულ კანის დაზიანებულ უბანზე და მის გარშემო თხელი ფენის სახით 2-3-ჯერ დღეში. მკურნალობის ხანგრძლივობა დგინდება ინდივიდუალურად დაავადების სიმძიმის, პათოლოგიური ცვლილებების ლოკალიზაციის და თერაპიის ეფექტურობის მიხედვით. როგორც წესი, მკურნალობის პერიოდი შეადგენს არანაკლებ 4 კვირას. ტერფის დერმატომიკოზების მკურნალობა გრძელდება კლინიკური სიმპტომების გაქრობის შემდგომ არანაკლებ 2-3 კვირის განმავლობში.
გვერდითი მოვლენები:
იშვიათად შესაძლოა გამოვლინდეს ადგილობრივი რეაქციები: კანის ქავილი, წვის და ჩხვლეტის შეგრძნება, ერითემა, დაბებრება, შეშუპება, კანის გაღიზიანება და აქერცვლა აპლიკაციის ადგილას.
ალერგიული რეაქციები: ქავილი, ჭინჭრის ციება.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.
უკუჩვენება:
მომატებული მგრძნობელობა პრეპარატის რომელიმე კომპონენტის მიმართ.
ურთიერთქმედება სამკურნალო საშუალებებთან და სხვა სახის ურთიერთქმედება:
ერთდროულად გამოყენების შემთხვევაში ამფოტერიცინი B, ნისტატინი, ნატამიცინი აქვეითებენ კლოტრიმაზოლის ეფექტურობას.
კლოტრიმაზოლი არღვევს ლატექსის კონტრაცეპტივების მთლიანობას.
ჭარბი დოზირება:
გარეგანი გამოყენებისას ჭარბი დოზირების შემთხვევები არ არის გამოვლენილი.
პრეპარატის პერორალურად მიღების გაუთვალისწინებელ შემთხვევაში შესაძლოა გამოვლინდეს შემდეგი სიმპტომები: ანორექსია, გულისრევა, ღებინება, მუცლის ტკივილი, ღვიძლის ფუნქციის დარღვევა; იშვიათად – ძილიანობა, ჰალუცინაციები, გახშირებული შარდვა, კანის ალერგიული რეაქციები. ამ შემთხვევაში საჭიროა აქტივირებული ნახშირის მიღება და სიმპტომური თერაპიის ჩატარება.
ორსულობა და ლაქტაცია:
კლინიკური და ექსპერიმენტული კვლევებით არ იქნა დადასტურებული პრეპარატის უარყოფითი მოქმედება ორსულობის და ძუძუთი კვების პერიოდში. მიუხედავად ამისა, პრეპარატის დანიშვნის მიზანშეწონილობა უნდა გადაწყდეს ინდივიდუალურად ექიმის მიერ. პრეპარატის გამოყენება უშუალოდ სარძევე ჯირკვალზე ლაქტაციის პერიოდში უკუნაჩვენებია.
განსაკუთრებული მითითებები:
ციპზოლი არ გამოიყენება ოფთალმოლოგიურ პრაქტიკაში. საჭიროა მოვერიდოთ პრეპარატის თვალთან კონტაქტს. ალერგიული რეაქციების გამოვლენის შემთხვევაში საჭიროა მკურნალობის შეწყვეტა. 4 კვირის განმავლობაში მკურნალობის არაეფექტურობის შემთხვევაში საჭიროა დიაგნოზის ვერიფიცირება.
ბავშვებში პრეპარატის ეფექტურობა და უსაფრთხოება არ არის დადგენილი.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატი არ მოქმედებს სატრანსპორტო საშუალებების მართვის უნარსა და ყურადღების კონცენტრაციაზე.
შეფუთვა:
20 გ კრემი ტუბში, თითო ტუბი მუყაოს კოლოფში.
შენახვის პირობები:
ინახება არა უმეტეს 25ºC ტემპერატურაზე, სინათლისაგან დაცულ და ბავშვებისათვის მიუწვდომელ ადგილას. დაუშვებელია გაყინვა.
ვიზუალური დათვალიერების შედეგად აღმოჩენილი რაიმე სახის დეფექტის
შემთხვევაში პრეპარატის მიღება დაუშვებელია.
ვარგისობის ვადა :
3 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
აფთიაქიდან გაცემის პირობა:
გაიცემა ურეცეპტოდ.
მწარმოებელი:
შპს “ავერსი-რაციონალი” (საქართველო).
მისამართი:
საქართველო 0198, თბილისი, ჭირნახულის ქ. 14.
www.aversi.ge

შემადგენლობა: კლოტრიმაზოლი

ფარმაკოლოგიური თვისება: სოკოს საწინააღმდეგო საშუალება.

ჩვენება: დერმატოფიტებით, საფუარით, ობით, მრგვალი ჭიებით გამოწვეული ინფექციების, ათლეტის ფეხის, კანისა და
კანის ნაკეცების სოკოვანი დაავადების, ფრჩხილის სოკოვანი დაავადების, სოკოვანი გამონაყარი), საზარდულის
ნაკეცების ანთების და ხახუნით გამოწვეული კანის ანთების დროს. მხოლოდ გარეგანი გამოყენებისათვის.

უკუჩვენება: კლოტრიმაზოლის კრემი არ გამოიყენება კლოტრიმაზოლის ან ცეტოსტეარილის სპირტის მიმართ
მომატებული მგრძნობელობის შემთხვევაში.

სიფრთხილის მიზნით, იგი არ გამოიყენება ორსულობის ადრეულ პერიოდში.

დოზირება და მიღების წესი: თუ არ არის ექიმის განსხვავებული მითითება, კრემი თხელ ფენად ედება
დაზიანებულ ადგილას დღეში 2-3-ჯერ და შეიზილება.

გვერდითი მოვლენები : შესაძლებელია გამოვლინდეს კანის რეაქციები, მაგალითად წვის ან ჩხვლეტის შეგრძნება.

ურთიერთქმედება სხვა მედიკამენტებთან : კლოტრიმაზოლის კრემი ამცირებს ამფოტერიცინის და სხვა პოლიენის ანტიბიოტიკების (ნისტატინი, ნატამიცინი) ეფექტურობას.

შემადგენლობა: კლოტრიმაზოლი

ფარმაკოლოგიური თვისება: სოკოს საწინააღმდეგო საშუალება.

ჩვენება: დერმატოფიტებით, საფუარით, ობით, მრგვალი ჭიებით გამოწვეული ინფექციების, ათლეტის ფეხის, კანისა და
კანის ნაკეცების სოკოვანი დაავადების, ფრჩხილის სოკოვანი დაავადების, სოკოვანი გამონაყარი), საზარდულის
ნაკეცების ანთების და ხახუნით გამოწვეული კანის ანთების დროს. მხოლოდ გარეგანი გამოყენებისათვის.

უკუჩვენება: კლოტრიმაზოლის კრემი არ გამოიყენება კლოტრიმაზოლის ან ცეტოსტეარილის სპირტის მიმართ
მომატებული მგრძნობელობის შემთხვევაში.

სიფრთხილის მიზნით, იგი არ გამოიყენება ორსულობის ადრეულ პერიოდში.

დოზირება და მიღების წესი: თუ არ არის ექიმის განსხვავებული მითითება, კრემი თხელ ფენად ედება
დაზიანებულ ადგილას დღეში 2-3-ჯერ და შეიზილება.

გვერდითი მოვლენები : შესაძლებელია გამოვლინდეს კანის რეაქციები, მაგალითად წვის ან ჩხვლეტის შეგრძნება.

ურთიერთქმედება სხვა მედიკამენტებთან : კლოტრიმაზოლის კრემი ამცირებს ამფოტერიცინის და სხვა პოლიენის ანტიბიოტიკების (ნისტატინი, ნატამიცინი) ეფექტურობას.

კლოტრიმაზოლი 1 % კრემი

1.სამკურნალოსაშუალების სავაჭრო დასახელება:

კლოტრიმაზოლი

2. ხარისხობრივი და რაოდენობრივი შემადგენლობა:

თითოეული ტუბი შეიცავს 1% w/w კლოტრიმაზოლს.

კრემის ყოველი 1 გ შეიცავს 10 მგ კლოტრიმაზოლს.

დამხმარე ნივთიერება: ცეტოსტეარილის სპირტი.

დამხმარე ნივთიერებების სრული ჩამონათვალისთვის იხილეთ ნაწილი 6.1

3. ფარმაცევტული ფორმა: კრემი

თეთრი ფერის გლუვი კრემი.

4. კლინიკური მონაცემები:

4.1 გამოყენების ჩვენებები:

განკუთვნილია შემდეგი სახის მკურნალობისთვის:

• ყველა სახის ობისა და სხვა სოკოებით (მაგ.Trichophyton სახეობები) გამოწვეული დერმატომიკოზები, მათ შორის დერმატოფიტოზი(რუბროფიტია);

• საფუარებით გამოწვეული ყველა სახის დერმატომიკოზი (კანდიდას სახეობები), ასევე ტერფის დერმატომიკოზი (tinea pedis), ნაირფერი პიტირიაზი, ერითრაზმები;

• ამ სოკოებით გამოწვეული კანის დაავადებების მეორადი ინფექციები;

• საფენის დერმატიტი გართულებული კანდიდოზით, ვულვიტით და ბალანიტით.

4.2 მიღების წესი და დოზები:

დოზირება:

• არ არსებობს დოზირების ცალკე სქემა ახალგაზრდებისთვის და ხანდაზმულებისთვის.

მიღების წესი:

კრემი უნდა დაიტანოთ თხელ ფენად დაზიანებულ უბანზე 2-3-ჯერ დღეში და კარგად შეიზილოთ. კრემის 1/2 მმ სიგრძის ზოლი საკმარისია ხელის გულის ზედაპირის ზომის ფართობის დასამუშავებლად. ტერფის ინფიცირების დროს კრემის გამოყენებამდე უნდა მოხდეს ტერფის დაბანა, გამშრალება განსაკუთრებით კი თითებს შორის.

მკურნალობა უნდა გაგრძელდეს მინიმუმ ერთი თვე დერმატოფიტული ინფექციებისას და არანაკლებ ორი კვირისა კანდიდოზური ინფექციების დროს.

4.3 უკუჩვენებები:

ჰიპერმგრძნობელობა აქტიური ნივთიერების ან რომელიმე დამხმარე ნივთიერების მიმართ, რომლებიც ჩამოთვლილია 6.1 ნაწილში.

არ გამოიყენება ფჩხილების ან თავის კანის ინფექციების დროს.

4.4 სპეციალური გაფრთხილებები და სიფრთხილის ზომები გამოყენებისას:

ეს პროდუქტი შეიცავს ცეტოსტეარილის სპირტს, რომელმაც შეიძლება გამოიწვიოს კანის ადგილობრივი რეაქციები (მაგ. კონტაქტური დერმატიტი).

4.5 ურთიერთქმედება სხვა სამკურნალო საშუალებებთან:

კონტრაცეფტიული საშუალებეი:

ლაბორატორიული კვლევები აჩვენებს რომ ერთდროულმა გამოყენებამ შეიძლება გამოიწვიოს ლატექსის შემცველი კონტრაცეპტივების დაზიანება, შესაბამისად კონტრაცეპტივების ეფექტურობა შეიძლება დაქვეითდეს. ასეთ შემთხვევაში რეკომენდებულია კონტრაცეფციის ალტერნატიული მეთოდების გამოყენება აღნიშნული პრეპარატის გამოყენების შემდეგ არანაკლებ 5 დღის განმავლობაში.

4.6 ორსულობა, ლაქტაცია და ფერიტილობა:

ორსულობა:

ორსულობის დროს კლოტრიმაზოლის გამოყენების შესახებ მონაცემები შეზღუდულია. ცხოველებზე ჩატარებულმა კვლევებმა გამოავლინა რეპროდუქტიული ტოქსიკურობა მაღალი პერორალური დოზების (იხ. ნაწილი 5.3) მიღების დროს. კლოტრიმაზოლის ადგილობრივად დატანის შემდეგ მინიმალური სისტემური აბსორბციის გამო, არასასურველი ეფექტები რეპროდუქციული ტოქსიკურობის კუთხით არ არის პროგნოზირებადი. კლოტრიმაზოლის გამოყენება ორსულობის პერიოდში შესაძლებელია მხოლოდ ექიმის მეთვალყურეობის ქვეშ.

ლაქტაცია:

მეძუძურ ქალებში პრეპარატის გამოყენების შესახებ კლინიკური მონაცემები შეზღუდულია.

ცხოველებზე ჩატარებულმა კვლევებმა აჩვენა, რომ კლოტრიმაზოლი გამოიყოფა დედის რძეში.

ბავშვისთვის რისკი მთლიანად არ არის გამორიცხული. ძუძუთი კვების დროს პრეპარატის გამოყენების მიზანშეწონილობის საკითხი უნდა გადაწყდეს ინდივიდუალურად ექიმთან კონსულტაციის შემდეგ.

ფერტილურობა:

კლინიკური კვლევები კლოტრიმაზოლის მოქმედების შესახებ ფერტილობაზე ქალებში არ ჩატარებულა. ცხოველებზე ჩატარებული კვლევების მონაცემებმა პრეპარატის მოქმედება ფერტილობაზე არ გამოავლინა.

4.7 ზემოქმედება ავტომობილის მართვისა და მექანიზმებთან მუშაობის უნარზე:

პრეპარატი არ მოქმედებს მანქანის მართვის ან მექანიზმებთან მუშაობის უნარზე.

4.8 არასასურველი ეფექტები:

იმის გამო, რომ ჩამოთვლილი არასასურველი ეფექტები ეფუძნება სპონტანურ მოხსენებებს, თითოეული მათგანისთვის ზუსტი სიხშირის დადგენა შეუძლებელია.

იმუნური სისტემის დარღვევები: ანაფილაქსიური რეაქცია, ანგიონევროზული შეშუპება, ჰიპერმგრძნობელობა.

სისხლძარღვთა დარღვევები: სინკოპე, ჰიპოტენზია.

სუნთქვის, გულმკერდის და შუასაყარის დარღვევები: ქოშინი.

კანისა და კანქვეშა ქსოვილის დარღვევები: ბუშტუკები, დერმატიტის კონტაქტი, ერითემა, პარასთეზია, კანის აქერცვლა, ქავილი, გამონაყარი, ჭინჭრის ციება, კანის წვის შეგრძნება.

ზოგადი დარღვევები გამოყენების ადგილზე: გაღიზიანება, რეაქცია გამოყენების ადგილზე, შეშუპება, ტკივილი.

შეტყობინება საეჭვო გვერდითი მოვლენების შესახებ:

საეჭვო გვერდითი რეაქციების შესახებ შეტყობინება მნიშვნელოვანია პრეპარატის ავტორიზაციის შემდეგ. რაც საშუალებას იძლევა მოვახდინოთ მუდმივი მონიტორინგი სამკურნალო პროდუქტის სარგებელი/რისკის ბალანსზე. ჯანდაცვის წარმომადგენლებს სთხოვენ შეატყობინონ ნებისმიერი საეჭვო გვერდითი რეაქციების შესახებ.

4.9 ჭარბი დოზირება:

არ არსებობს მწვავე ინტოქსიკაციის რისკი, ვინაიდან მოსალოდნელი არ არის, რომ კანზე წასმის შემდეგ აღენიშნოს გადაჭარბებული დოზირება (კანის ფართო უბნებზე პრეპარატის წასმისას ისეთ პირობებში, რაც იწვევს მომატებულ აბსორბციას), აგრეთვე შემთხვევით პერორალურად მიღების შემდეგ. არ არსებობს სპეციფიკური ანტიდოტი. შემთხვევით პერორალურად მიღებისას კუჭის გამორეცხვა იშვიათად შეიძლება იყოს აუცილებელი, თუ სიცოცხლისათვის საშიში დოზა მიღებული იყო ბოლო ერთი საათის განმავლობაში, ან თუ სახეზეა ჭარბი დოზირების სიმპტომები (მაგ. თავბრუსხვევა, გულისრევა, ღებინება). კუჭის გამორეცხვა შეიძლება ჩატარდეს, თუ უზრუნველყოფილია სასუნთქი გზების სათანადო დაცვა.

5. ფარმაკოლოგიური თვისებები:

5.1 ფარმაკოდინამიკური თვისებები:

ფარმაკოთერაპიული ჯგუფი:

ადგილობრივი გამოყენების სოკოს საწინააღმდეგო პრეპარატები, იმიდაზოლის და ტრიაზოლის წარმოებული.

მოქმედების მექანიზმი:

კლოტრიმაზოლი მოქმედებს სოკოების წინააღმდეგ ერგოსტეროლის სინთეზის ინჰიბირების გზით. ერგოსტეროლის სინთეზის ინჰიბირება იწვევს ციტოპლაზმური მემბრანის სტრუქტურულ და ფუნქციურ დარღვევას.

ფარმაკოდინამიკური ეფექტები:

კლოტრიმაზოლს გააჩნია ანტიმიკოზური მოქმედების ფართო სპექტრი ინ-ვიტრო და ინ- ვივო, რაც მოიცავს დერმატოფიტებს, საფუარებს, ობებს, სხვ. შესაბამისი ტესტის პირობებისას სოკოების ამ სახეობების მინიმალური ინჰიბიტორული კონცენტრაციის (MIC) მნიშვნელობები არის 0.062-8.0 მგ/მლ სუბსტრატზე ნაკლები. კლოტრიმაზოლის მოქმედების მექანიზმი არის უპირატესად ფუნგისტატიკური, ფუნგიციდური. დამოკიდებული ინფექციის ადგილზე კლოტრიმაზოლის კონცენტრაციაზე. ინ-ვიტრო აქტივობა შემოიფარგლება სოკოვანი ელემენტების გამრავლებით, სოკოვანი სპორები მხოლოდ უმნიშვნელოდ მგრძნობიარეა. ანტიმიკოზური მოქმედების გარდა, კლოტრიმაზოლს აგრეთვე გააჩნია Trichomonas vaginalis, გრამდადებითი მიკროორგანიზმების (Streptococci/Staphylococci), და გრამუარყოფითი მიკროორგანიზმების (Bacteroides/Gardnerellavaginalis) საწინააღმდეგო მოქმედება.

ინ-ვიტრო კლოტრიმაზოლი აინჰიბირებს Corynebacteria და გრამდადებითი კოკების გამრავლებას, გარდა ენტეროკოკებისა 0.5-10 მგ/მლ სუბსტრატის კონცენტრაციებით. მგრძნობიარე სოკოს სახეობების რეზისტენტული ვარიანტები ძალიან იშვიათია; მგრძნობიარე სოკოების მიერ მეორადი რეზისტენტობის განვითარება ჯერჯერობით აღინიშნა მხოლოდ ცალკეულ შემთხვევებში თერაპიულ პირობებში.

5.2 ფარმაკოკინეტიკური თვისებები:

ჩატარებულმა ფარმაკოკინეტიკურმა კვლევებმა დერმატოლოგიურად გამოყენების შემდეგ აჩვენა, რომ კლოტრიმაზოლი ადამიანის სისხლის მიმქოცევაში მინიმალურად შეიწოვება დაუზიანებელი ან ანთებითი კანიდან. კვლევის შედეგად მიღებული კლოტრიმაზოლის პიკური კონცენტრაცია შრატში შეადგენდა აღმოჩენის ზღვარს ქვემოთ 0,001 მკგ/მლ. რაც იმას ნიშნავს, რომ გარეგანად გამოყენებულმა კლოტრიმაზოლმა ნაკლებად სავარაუდოა გამოიწვიოს სისტემური ეფექტები ან გვერდითი მოვლენები.

5.3 პრეკლინიკური უსაფრთხოების მონაცემები:

პრეკლინიკური კვლევების მონაცემების საფუძველზე არ არის გამოვლენილი პრეპარატის რაიმე საფრთხე ადამიანებში მრავალჯერადი გამოყენებისას ტოქსიურობის, გენოტოქსიურობის და კანცეროგენობის შესახებ. კლოტრიმაზოლი არ იყო ტერატოგენული რეპროდუქციული ტოქსიკურობის კვლევებში თაგვებში, ვირთხებსა და კურდღლებში.

ვირთაგვებში მაღალი დოზებით გამოყენება დაკავშირებული იყო ტოქსიკურ ზემოქმედებასთან დედის ორგანიზმზე, ნაყოფის ორგანიზმზე, ნაყოფის წონის შემცირებასთან და შთამომავლობის სიცოცხლის უნარიანობის დაქვეითებასთან.

ვირთაგვებს აღენიშნებოდათ კლოტრიმაზოლის და/ან მისი მეტაბოლიტების რძეში გამოიყოფა კონცენტრაციებით, რომელიც 10-20 ჯერ მეტი იყო პლაზმურ კონცენტრაციაზე შეყვანიდან 4სთ შემდეგ, შემდგომი დაქვეითებით მითითებული მნიშვნელიდან 0.4-მდე 24 საათის შემდეგ.

6. ფარმაცევტული დეტალები:

6.1 დამხმარე ნივთიერებების სია:

ცეტოსტეარილის სპირტი, კრემოფორი A6, კრემოფორი A25, მეთილის პარაბენი, პროპილპარაბენი, თეთრი რბილი პარაფინი, პროპილენ გლიკოლი, თხევადი პარაფინი და გაწმენდილი წყალი.

6.2 შეუთავსებლობა:

არ არსებობს

6.3 შენახვის ვადა:

24 თვე

6.4 შენახვის პირობები:

ინახება 300C დაბალ ტემპერატურაზე. დაიცავით სინათლისა და ნესტისაგან. შეინახეთ წამალი ბავშვებისთვის მიუწვდომელ ადგილას.

6.5 შეფუთვა, ფორმა და შემცველობა:

კრემი დაბეჭდილ ლამინირებულ ტუბში. ერთი ტუბი მუყაოს კოლოფში.

შეფუთვის ზომები: 15 გ.

6.6 განსაკუთრებული სიფრთხილის ზომები განადგურებისა და დამუშავებისას:

არ არსებობს განსაკუთრებული მოთხოვნები

გაცემის წესი: ** **

ფარმაცევტული პროდუქტის ჯგუფი III, გაიცემა რეცეპტის გარეშე.