კოკლავი
ტაბლეტები
COCLAV

საერთაშორისო დასახელება - amoxicillin, clavulanic acid

კლინიკურ-ფარმაკოლოგიური ჯგუფი - ბეტა ლაქტამური ანტიბიოტიკები (პენიცილინები და ცეფალოსპორინები); ამოქსიცილინისა და კლავულანის მჟავას კომბინირებული პრეპარატები

შემადგენლობა და გამოშვების ფორმა
500მგ+125მგ აბი #12
875მგ+125მგ აბი #12

პრეპარატის ერთი ტაბლეტი შეიცავს:
ამოქსიცილინის ტრიჰიდრატის 500 მგ-სა და კლავულანის მჟავას (კალიუმის მარილის სახით) 125 მგ-ს;
ამოქსიცილინის ტრიჰიდრატის 875 მგ-სა და კლავულანის მჟავას (კალიუმის მარილის სახით) 125 მგ-ს.
მოქმედების მექანიზმი
ფართო სპექტრის კომბინირებული ანტიბაქტერიული პრეპარატი.
ამოქსიცილინი – ნახევრადსინთეზური ფართო სპექტრის ანტიბიოტიკი. მოქმედებს ბაქტერიციდულად, არღვევს ბაქტერიების უჯრედის კედლის სინთეზის პროცესს. ეფექტურია როგორც გრამდადებითი, ასევე გრამუარყოფითი ბაქტერიების მიმართ.
კლავულანის მჟავა - აინჰიბირებს ბეტა-ლაქტამაზების ფართო სპექტრს. პრეპარატის შემადგენლობაში კლავულანის მჟავის არსებობა იცავს ამოქსიცილინს ბეტა-ლაქტამაზების მოქმედებისაგან და შესაბამისად ზრდის ანტიბაქტერიული მოქმედების სპექტრს იმ მიკროორგანიზმების მიმართაც, რომლებიც რეზისტენტულნი არიან პენიცილინებისა და ცეფალოსპორინების მიმართ.
პრეპარატისადმი მგრძნობიარე აერობული გრამდადებითი ბაქტერიები: Bacillus anthracis; Corynebacterium species; Enterococcus faecalis; Enterococcus faecium; Listeria monocytogenes; Nocardia asteroids; Staphylococcus aureus, კოაგულაზა-უარყოფითი სტაფილოკოკები (Staphylococcus epidermidis ჩათვლით); Streptococcus agalactiae; Streptococcus pneumonia; Streptococcus pyogenes; Streptococcus species; Streptococcus viridians. ანაერობული გრამდადებითი ბაქტერიები: Clostridium spp., Peptococcus spp., Peptostreptococcus spp.. აერობული გრამუარყოფითი ბაქტერიები: Bordetella pertussis; Brucella spp., Escherichia coli; Gardnerella vaginalis; Haemophilus influenza; Helicobacter pylori; Klebsiella spp., Legionella spp., Moraxella catarrhalis (Branhamella catarrhalis);Neisseria gonorrhoeae; Neisseria meningitides; Pasteurella multocida; Proteus mirabilis; Proteus vulgaris; Salmonella spp., Shigella spp., Vibrio cholera; Yersinia enterocolitica. ანაერობული გრამუარყოფითი ბაქტერიები: Bacteroides spp., (Bacteroides fragilis ჩათვლით); Fusobacterium spp.. სხვა მიკროორგანიზმები: Borrelia burgdorferi; Chlamydiae; Leptospira icterohaemorrhagiae; Treponema pallidum.
კოკლავი სწრაფად და სრულად შეიწოვება საჭმლის მომნელებელი სისტემიდან. აბსორბციისათვის ოპტიმალურია პრეპარატის მიღება ჭამამდე. აქტიური ნივთიერებების თერაპიული კონცენტრაცია ისაზღვრება სხვადასხვა ორგანოებში, ქსოვილებსა და სითხეებში, როგორიცაა ფილტვები, მუცლის ღრუს ორგანოები, ცხიმოვანი, ძვლოვანი და კუნთოვანი ქსოვილები, პლევრალური, პერიტონეალური და სინოვიალური სითხეები, კანი, ნაღველი, შარდი, ჩირქოვანი გამონადენი, ნახველი, ინტერსტიციალური სითხეები. პლაზმის ცილებს უკავშირდება ამოქსიცილინის 18%, ხოლო კლავულანის მჟავის 25%. პერორალურად მიღებული პრეპარატის T 1/2 ამოქსიცილინისათვის შეადგენს 1.3 საათს, ხოლო კლავულანის მჟავასათვის - 0.8 საათს. ამოქსიცილინის 70%, ხოლო კლავულანის მჟავას – 65% პირველი 6 სთ-ის განმავლობაში შეუცვლელი სახით გამოიყოფა შარდთან ერთად.

ჩვენებები
პრეპარატისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადებები:
- ზედა სასუნთქი გზებისა და ყელ-ყურ-ცხვირის ინფექციები (ბრონქიტი, მორეციდივე ტონზილიტი, სინუსიტი, შუა ყურის ანთება);
- ქვედა სასუნთქი გზების ინფექციები (ქრონიკული ბრონქიტი გამწვავების ფაზაში, წილოვანი პნევმონია, ბრონქოპნევმონია, პლევრის ემპიემა, ფილტვის აბსცესი);
- შარდ-სასქესო სისტემის ინფექციები (ცისტიტი, ურეთრიტი, პიელონეფრიტი, პიელიტი, პროსტატიტი, ცერვიციტი, სალპინგიტი, სალპინგოოფორიტი, ტუბოოვარიული აბსცესი, ენდომეტრიტი, ბაქტერიული ვაგინიტი).
- ნაწლავური და სანაღვლე გზების ინფექციები (ქოლანგიტი, ქოლეცისტიტი, დიზენტერია, სალმონელოზი);
- კანისა და რბილი ქსოვილების ინფექციები (წითელი ქარი, იმპეტიგო, მეორადად დაინფიცირებული დერმატოზები, აბსცესი, ფლეგმონა, ინფიცირებული ჭრილობები);
- ძვალ-სახსართა სისტემის ინფექციები (ოსტეომიელიტი);
- შერეული ინფექციები (სეპტიური აბორტი, მშობიარობის შემდგომი სეფსისი, ინტრააბდომინალური ინფექციები);
- საჭმლის მომნელებელი სისტემის, მცირე მენჯის ღრუს, თავისა და კისრის მიდამოს, გულ-სისხლძარღვთა სისტემის, თირკმლის, სანაღვლე გზებისა და სახსრების პოსტოპერაციული ინფექციები და მათი პროფილაქტიკა.
**
მიღების წესები და დოზები**
პრეპარატის დოზირება განისაზღვრება პაციენტის ასაკის, წონის, თირკმლის ფუნქციისა და ინფექციის სიმძიმის გათვალისწინებით.
საჭმლის მომნელებელ სისტემის მხრივ გამოვლენილი გვერდითი მოვლენების შესუსტების მიზნით რეკომენდებულია კოკლავის მიღება ჭამამდე.
14 დღეზე მეტი ხანგრძლივობით მკურნალობის კურსის გაგრძელება პაციენტის კლინიკური მგდომარეობის შეფასების გარეშე არ არის რეკომენდებული.
საჭიროების შემთხვევაში შესაძლებელია საფეხურებრივი თერაპია (მკურნალობის დასაწყისში პრეპარატის ინტრავენურად შეყვანა, ხოლო შემდეგ - პერორალურად).
მოზრდილებსა და 12 წლის ზემოთ 40 კგ-ზე მეტი წონის ბავშვებში: 1 ტაბლეტი (875 მგ ამოქსიცილინი / 125 მგ კლავულანის მჟავა) 2-ჯერ დღე-ღამეში ან 1 ტაბლეტი (500 მგ ამოქსიცილინი / 125 მგ კლავულანის მჟავა) 3- ჯერ დღე-ღამეში.
ბავშვებში 12 წლამდე: დოზა დამოკიდებულია პაციენტის ასაკსა და წონაზე. რეკომენდებული დოზაა 45 მგ/კგ 2-ჯერ დღე-ღამეში ან 40 მგ/კგ 3-ჯერ დღე-ღამეში, მათ შორის ბავშვებში 6 - 12 წლის ასაკში პრეპარატი ინიშნება 1 ტაბლეტი ( 500 მგ / 125 მგ) 2-ჯერ დღეში.
პაციენტებში თირკმლის უკმარისობით დღიური დოზის შერჩევა ხდება კრეატინინის კლირენსის გათვალისწინებით:

კრეატინინის კლირენსი > 30 მლ/წთ| კორექციას არ საჭიროებს
---|---
კრეატინინის კლირენსი 10-30 მლ/წთ| 1 ტაბლეტი (500 მგ /125 მგ) 2-ჯერ დღე-ღამეში (მსუბუქი და საშუალო სიმძიმის ინფექციების დროს)
კრეატინინის კლირენსი < 10 მლ/წთ| 1 ტაბლეტი (500 მგ /125 მგ) ერთხელ დღე-ღამეში (მსუბუქი და საშუალო სიმძიმის ინფექციების დროს)

ბავშვებში თირკმლის ფუნქციის დარღვევით:

კრეატინინის კლირენსი > 30 მლ/წთ| კორექციას არ საჭიროებს
---|---
კრეატინინის კლირენსი 10-30 მლ/წთ| 15 მგ + 3.75 მგ/კგ 2-ჯერ დღე-ღამეში
კრეატინინის კლირენსი < 10 მლ/წთ| 15 მგ + 3.75 მგ/კგ ერთხელ დღე-ღამეში

უმეტესად უპირატესობა ენიჭება პარენტერალურ თერაპიას.
ჰემოდიალიზზე მყოფი პაციენტებისათვის დოზის კორექცია ხდება ამოქსიცილინის მაქსიმალურ რეკომენდებულ დოზასთან მიმართებაში.
მოზრდილებში ინიშნება 1 ტაბლეტი (500 მგ/125 მგ) ყოველ 24 საათში. დამატებით ერთი დოზა ინიშნება უშუალოდ დიალიზის პროცედურამდე და კიდევ ერთი დოზა დიალიზის პროცედურის დასრულების შემდეგ.
ბავშვებში ინიშნება 15 მგ (ამოქსიცილინი) + 3.75 მგ (კლავულანის მჟავა)/კგ ერთხელ. დამატებით ერთი დოზა ინიშნება უშუალოდ დიალიზის პროცედურამდე და კიდევ ერთი დოზა დიალიზის პროცედურის დასრულების შემდეგ.
ასაკოვან პაციენტებში პრეპარატი ინიშნება მოზრდილებისათვის განკუთვნილი დოზით.
_
გვერდითი მოვლენები_
პრეპარატის გვერდითი მოვლენები სუსტად ვლინდება.
ალერგიული რეაქციები: გამონაყარი კანზე, ქავილი, ჭინჭრის ციება, ანგიონევროზული შეშუპება; ანაფილაქსიური რეაქცია. იშვიათად - ინტერსტიციალური ნეფრიტი.
საჭმლის მომნელებელი სისტემის მხრივ: დიარეა, გულისრევა, ღებინება, საჭმლის მონელების დარღვევა. ასევე შესაძლებელია განვითარდეს ჰეპატიტი, ქოლესტაზური სიყვითლე, ღვიძლის ფერმენტების დონის გარდამავალი მატება. იშვიათად – ფსევდომემბრანული და ჰემორაგიული კოლიტი; კანისა და ლორწოვანი გარსების კანდიდოზი.
სისხლმბადი სისტემის მხრივ: გარდამავალი ლეიკოპენია (ასევე ნეიტროპენია, აგრანულოციტოზი); თრომბოციტოპენია და ჰემოლიზური ანემია; სისხლის შედედებისა და პროთრომბინის დროის გახანგრძლივება.
ცენტრალური ნერვული სისტემის მხრივ: იშვიათად – თავბრუსხვევა, თავის ტკივილი, გულყრები, რომლებიც ვითარდება პაციენტებში თირკმლის ფუნქციის დარღვევით ან პრეპარატის მაღალი დოზით მიღების შემთხვევაში.
**
უკუჩვენება**
- ანამნეზში ბეტა-ლაქტამური ანტიბიოტიკების მიმართ მომატებული მგრძნობელობა;
- ანამნეზში კოკლავით ან პენიცილინით გამოწვეული სიყვითლე ან ღვიძლის ფუნქციის დარღვევა.
პრეპარატი სიფრთხილით ინიშნება პაციენტებში ინფექციური მონონუკლეოზით, ორსულობისა და ლაქტაციის პერიოდში, ასევე პაციენტებში საჭმლის მომნელებელი სისტემის დაავადებებით (ანამნეზში პენიცილინებით გამოწვეული კოლიტი) და ღვიძლის ქრონიკული უკმარისობით.
**
ორსულობა და ლაქტაცია**
ორსულობის პერიოდში პრეპარატის მიღება არ არის რეკომენდებული, განსაკუთრებით პირველ ტრიმესტრში, უკიდურესი საჭიროების შემთხვევების გარდა.
კოკლავი შესაძლოა დაინიშნოს ლაქტაციის პერიოდში ექიმის განსაკუთრებული ყურადღების ქვეშ, ვინაიდან პრეპარატის მცირე რაოდენობა მაინც გადადის რძეში.
**
განსაკუთრებული მითითებები**
პრეპარატით მკურნალობის დაწყებამდე აუცილებელია პენიცილინზე, ცეფალოსპორინებსა და სხვა ალერგენებზე მომატებული მგრძნობელობის გადამოწმება. ხოლო პრეპარატის მიღებისას ალერგიული რეაქციის განვითარების შემთხვევაში უნდა შეწყდეს მკურნალობა და ჩატარდეს შესაბამისი თერაპია.
კოკლავი, როგორც წესი კარგად გადაიტანება და დაბალი ტოქსიკურობით ხასიათდება, თუმცა ხანგრძლივი თერაპიის შემთხვევაში რეკომენდებულია თირკმლისა და ღვიძლის ფუნქციებისა და ჰემოპოეზის კონტროლი.
პრეპარატით ხანგრძლივი მკურნალობის შემთხვევაში შესაძლოა რეზისტენტული შტამების წარმოქმნა.
კოკლავი სიფრთხილით ინიშნება ღვიძლის ფუნქციის დარღვევისას, ხოლო თირკმლის ფუნქციის დარღვევის შემთხვევაში პრეპარატის დოზა დამოკიდებულია თირკმლის უკმარისობის სიმძიმეზე.
პრეპარატი ზრდის არაპირდაპირი ანტიკოაგულანტების ეფექტს, ვინაიდან ნაწლავური მიკროფლორის შემცირების შედეგად მცირდება ვიტამინ K-ს სინთეზი და პროთრომბინის ინდექსი. ამიტომ ანტიკოაგულანტებთან ერთდროული მიღებისას საჭიროა სისხლის შედედების მაჩვენებლების კონტროლი.
პრობენეციდი და მისი მსგავსი პრეპარატები (დიურეზული საშუალებები, ფენილბუტაზონი, ანთების საწინააღმდეგო არასტეროიდული პრეპარატები) ამცირებენ ამოქსიცილინის მილაკოვან სეკრეციას და შესაბამისად ზრდიან ამ უკანასკნელის კონცენტრაციას სისხლში. ამიტომ აღნიშნული პრეპატების ერთდროული მიღება არ არის რეკომენდებული. აღნიშნული პრეპარატები გავლენას არ ახდენენ თირკმლის მიერ კლავულანის მჟავას ექსკრეციაზე.
კოკლავისა და ალოპურინოლის ერთდროულმა მიღებამ შესაძლოა ალერგიული რეაქცია გამოიწვიოს.
პრეპარატი ამცირებს პერორალური კონტრაცეპტივების ეფექტურობას.
პრეპარატის გავლენა ავტომობილისა და სხვა მექანიკური საშუალებების მართვაზე არ არის დადგენილი.
**
ჭარბი დოზირება**
სიმპტომები: შესაძლოა გამოვლინდეს საჭმლის მომნელებელი სისტემის ან წყალ- ელექტროლიტური ბალანსის დარღვევები. იშვიათად შესაძლოა განვითარდეს ამოქსიცილინური კრისტალურია.
მკურნალობა: სიმპტომური თერაპია. კოკლავი ორგანიზმიდან გამოიდევნება ჰემოდიალიზის მეშვეობით.
**
შენახვის პირობები და ვადები**
პრეპარატის ვარგისიანობის ვადაა 3 წელი, ინახება არა უმეტეს 25ºC, ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!
**
აფთიაქში გაცემის წესი**
ექიმის რეცეპტის მიხედვით!

მწარმოებელი ფირმა, ქვეყანა
ჯი-ემ-პი
საქართველო

პრეპარატის ერთი ტაბლეტი შეიცავს:
ამოქსიცილინის ტრიჰიდრატის 500 მგ-სა და კლავულანის მჟავას (კალიუმის მარილის სახით) 125 მგ-ს;
ამოქსიცილინის ტრიჰიდრატის 875 მგ-სა და კლავულანის მჟავას (კალიუმის მარილის სახით) 125 მგ-ს.

ჩვენებები
პრეპარატისადმი მგრძნობიარე მიკროორგანიზმებით გამოწვეული ინფექციურ-ანთებითი დაავადებები:
- ზედა სასუნთქი გზებისა და ყელ-ყურ-ცხვირის ინფექციები (ბრონქიტი, მორეციდივე ტონზილიტი, სინუსიტი, შუა ყურის ანთება);
- ქვედა სასუნთქი გზების ინფექციები (ქრონიკული ბრონქიტი გამწვავების ფაზაში, წილოვანი პნევმონია, ბრონქოპნევმონია, პლევრის ემპიემა, ფილტვის აბსცესი);
- შარდ-სასქესო სისტემის ინფექციები (ცისტიტი, ურეთრიტი, პიელონეფრიტი, პიელიტი, პროსტატიტი, ცერვიციტი, სალპინგიტი, სალპინგოოფორიტი, ტუბოოვარიული აბსცესი, ენდომეტრიტი, ბაქტერიული ვაგინიტი).
- ნაწლავური და სანაღვლე გზების ინფექციები (ქოლანგიტი, ქოლეცისტიტი, დიზენტერია, სალმონელოზი);
- კანისა და რბილი ქსოვილების ინფექციები (წითელი ქარი, იმპეტიგო, მეორადად დაინფიცირებული დერმატოზები, აბსცესი, ფლეგმონა, ინფიცირებული ჭრილობები);
- ძვალ-სახსართა სისტემის ინფექციები (ოსტეომიელიტი);
- შერეული ინფექციები (სეპტიური აბორტი, მშობიარობის შემდგომი სეფსისი, ინტრააბდომინალური ინფექციები);
- საჭმლის მომნელებელი სისტემის, მცირე მენჯის ღრუს, თავისა და კისრის მიდამოს, გულ-სისხლძარღვთა სისტემის, თირკმლის, სანაღვლე გზებისა და სახსრების პოსტოპერაციული ინფექციები და მათი პროფილაქტიკა.

მიღების წესები და დოზები
პრეპარატის დოზირება განისაზღვრება პაციენტის ასაკის, წონის, თირკმლის ფუნქციისა და ინფექციის სიმძიმის გათვალისწინებით.
საჭმლის მომნელებელ სისტემის მხრივ გამოვლენილი გვერდითი მოვლენების შესუსტების მიზნით რეკომენდებულია კოკლავის მიღება ჭამამდე.
უკუჩვენება
- ანამნეზში ბეტა-ლაქტამური ანტიბიოტიკების მიმართ მომატებული მგრძნობელობა;
- ანამნეზში კოკლავით ან პენიცილინით გამოწვეული სიყვითლე ან ღვიძლის ფუნქციის დარღვევა.
პრეპარატი სიფრთხილით ინიშნება პაციენტებში ინფექციური მონონუკლეოზით, ორსულობისა და ლაქტაციის პერიოდში, ასევე პაციენტებში საჭმლის მომნელებელი სისტემის დაავადებებით (ანამნეზში პენიცილინებით გამოწვეული კოლიტი) და ღვიძლის ქრონიკული უკმარისობით.

ორსულობა და ლაქტაცია
ორსულობის პერიოდში პრეპარატის მიღება არ არის რეკომენდებული, განსაკუთრებით პირველ ტრიმესტრში, უკიდურესი საჭიროების შემთხვევების გარდა.
კოკლავი შესაძლოა დაინიშნოს ლაქტაციის პერიოდში ექიმის განსაკუთრებული ყურადღების ქვეშ, ვინაიდან პრეპარატის მცირე რაოდენობა მაინც გადადის რძეში.

შენახვის პირობები და ვადები
პრეპარატის ვარგისიანობის ვადაა 3 წელი, ინახება არა უმეტეს 25C, ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილზე!

აფთიაქში გაცემის წესი
ექიმის რეცეპტის მიხედვით!

შემადგენლობა: ამოქსიცილინი/კალვულანის მჟავა

200 მგ/28 მგ ფხვნილი პერორალურად მისაღები სუსპენზიის მოსამზადებლად

400 მგ/57 მგ ფხვნილი პერორალურად მისაღები სუსპენზიის მოსამზადებლად
თერაპიული ჩვენებები: კოკლავი გამოყენებულ უნდა იქნას ანტიბიოტიკების გამოყენების ადგილობრივი ოფიციალური გაიდლაინების და მგრძნობელობის მონაცემების მიხედვით.

კოკლავის სუსპენზია (228 მგ/5 მლ და 457 მგ/5 მლ) ნაჩვენებია ქვემოთ ჩამოთვლილი ინფექციურ-ანთებითი დაავადებების ხანმოკლე მკურნალობისათვის, როდესაც მათი მიზეზი ამოქსიცილინის მიმართ რეზისტენტული ბეტა-ლაქტამაზას წარმომქმნელი შტამებია. სხვა შემთხვევაში გამოყენებულ უნდა იქნას მხოლოდ ამოქსიცილინი.

• ზედა სასუნთქი გზების ინფექციები (მათ შორის, ყელ-ყურ-ცხვირის ინფექციები), როგორიცაა: მორეციდივე ტონზილიტი, სინუსიტი, შუა ყურის ანთება.

• ქვედა სასუნთქი გზების ინფექციები, როგორიცაა: ქრონიკული ბრონქიტის გამწვავება, წილოვანი პნევმონია და ბრონქოპნევმონია.

• საშარდე სისტემის ინფექციები, როგორიცაა: ცისტიტი, ურეთრიტი, პიელონეფრიტი.

• კანისა და რბილი ქსოვილების ინფექციები, როგორიცაა: ცელულიტი, ცხოველის ნაკბენი.

• სტომატოლოგიური ინფექციები, დენტოალვეოლარული აბსცესის ჩათვლით.

პრეპარატის მიმართ მგრძნობელობა შეიძლება შეიცვალოს დროის და გეოგრაფიული რეგიონის მიხედვით. აუცილებელია განსაზღვრული იყოს ადგილობრივი მგრძნობელობა. საჭიროებისას, უნდა ჩატარდეს მიკრობიოლოგიური სინჯების შეგროვება და ბაქტერიოლოგიურ მგრძნობელობაზე შემოწმება.

პრეპარატის მიმართ მგრძნობიარე მიკროორგანიზმები ჩამოთვლილია ინსტრუქციის პუნქტი “ფარმაკოლოგიური თვისებები”-ს მიკრობიოლოგიური აქტივობის ნაწილში. (იხ. პუნქტი 5.1).

შერეული ინფექციების, რომლებიც გამოწვეულია ამოქსიცილინის მიმართ მგრძნობიარე ორგანიზმებით და კოკლავის მიმართ მგრძნობიარე ბეტა-ლაქტამაზას მაპროდუცირებლი ორგანიზმებით, მკურნალობა შეიძლება კოკლავის სუსპენზიით (228 მგ/5 მლ და 457 მგ/5 მლ). ეს ინფექციები არ საჭიროებს სხვა ანტიბიოტიკის დამატებას, რომელიც რეზისტენტულია ბეტა-ლაქტამაზას მიმართ.

მიღების წესი და დოზირება

დოზირება დამოკიდებულია ინფექციის სიმძიმეზე, ასევე პაციენტის ასაკზე, წონასა და თირკმლის ფუნქციაზე.

ინახება ბავშვებისთვის ხელმიუწვდომელ ადგილას, ორიგინალ შეფუთვაში.

ინახება მშრალ ადგილას, არა უმეტეს 25რC ტემპერატურაზე.

მომზადებული სუსპენზია ინახება 2-8რC ტემპერატურაზე მაცივარში და გამოიყენება არაუმეტეს 7-10 დღის განმავლობაში.

დაუშვებელია გაყინვა.
ფარმაცევტული პროდუქტის ჯგუფი II, გაიცემა ფორმა #3 რეცეპტით

კოკლავი

COCLAV

200 მგ/28 მგ ფხვნილი პერორალურად მისაღები სუსპენზიის მოსამზადებლად

400 მგ/57 მგ ფხვნილი პერორალურად მისაღები სუსპენზიის მოსამზადებლად

ორალური გამოყენებისთვის

კოკლავი სუსპენზია (228 მგ/5 მლ)

აქტიური ნივთიერებები: სუსპენზიის ყოველი 5 მლ შეიცავს ამოქსიცილინის ტრიჰიდრატს 200 მგ ამოქსიცილინის ეკვივალენტურს და კალიუმის კლავულანატს 28.5 მგ კლავულანის მჟავას ეკვივალენტურ;

დამხმარე ნივთიერებები:

შაქარი (საქაროზა), ქსანთანის გუმფისი, კოლოიდური სილიციუმის დიოქსიდი (აეროსილ 200), სილიციუმის დიოქსიდი (სილოიდ AL-1FP), ნატრიუმის საქარინი, ქარვის მჟავა, ბანანის არომატიზატორი, ჟოლოს არომატიზატორი.

კოკლავი სუსპენზია (457 მგ/5 მლ)

აქტიური ნივთიერებები: სუსპენზიის ყოველი 5 მლ შეიცავს ამოქსიცილინის ტრიჰიდრატს 400 მგ ამოქსიცილინის ეკვივალენტურს და კალიუმის კლავულანატს 57 მგ კლავულანის მჟავას ეკვივალენტურს;

დამხმარე ნივთიერებები:

შაქარი (საქაროზა), ქსანთანის გუმფისი, კოლოიდური სილიციუმის დიოქსიდი (აეროსილ 200), სილიციუმის დიოქსიდი (სილოიდ AL-1FP), ნატრიუმის საქარინი, ქარვის მჟავა, ბანანის არომატიზატორი, ჟოლოს არომატიზატორი.

მოცემულ ინსტრუქციაში გაეცნობით:

1. რა არის კოკლავი და რისთვის გამოიყენება

2. რისი ცოდნაა საჭირო კოკლავის მიღებამდე

3. კოკლავის მიღების წესი

4. შესაძლო გვერდითი ეფექტები

5. კოკლავის შენახვის პირობები

პრეპარატის მიღებამდე ყურადღებით გაეცანით ინსტრუქციას.

· შეინახეთ ინსტრუქცია. შესაძლოა დაგჭირდეთ მისი ხელახლა წაკითხვა.

· დამატებითი შეკითხვების არსებობის შემთხვევაში მიმართეთ ექიმს ან ფარმაცევტს.

· პრეპარატი გამოწერილ იქნა მხოლოდ თქვენთვის. ნუ გადასცემთ მას სხვებს.

· მკურნალობის პერიოდში ექიმთან ან საავადმყოფოში ვიზიტის დროს, შეატყობინეთ ექიმს პრეპარატის მიღების შესახებ.

· გთხოვთ, იმოქმედეთ ზუსტად ინსტრუქციის შესაბამისად. ნუ მიიღებთ პრეპარატის მაღალ ან დაბალ დოზებს რეკომენდაციის გარეშე.­­

1. რა არის კოკლავი და რისთვის გამოიყენება

კოკლავი არის ანტიბიოტიკი, რომელიც კლავს ინფექციის გამომწვევ ბაქტერიებს. იგი კომბინირებული პრეპარატია და შედგება ორი სხვადასხვა სამკურნალო საშუალებისგან, კერძოდ – ამოქსიცილინისგან და კლავულანის მჟავასგან, რომელიც კალიუმის კლავულანატის სახითაა წარმოდგენილი და ხელს უშლის ამოქსიცილინის აქტივობის დაქვეითებას.

კოკლავი წარმოადგენს მოთეთრო ან კრემისფერ ბანანისა და ჟოლოს არომატის მქონე ჰომოგენურ გრანულირებულ ფხვნილს, რომლისგანაც გახსნის შემდეგ მზადდება ასევე ბანანისა და ჟოლოს არომატის მქონე მოთეთრო ან კრემისფერი სუსპენზია.

კოკლავის (200 მგ/28 მგ, 400 მგ/57 მგ) ფხვნილი 70 მლ სუსპენზიის მოსამზადებლად მოთავსებულია მინის ბოთლში მიხრახნილი თავსახურით და დალუქული უსაფრთხოების რგოლით. ბოთლი გამოყენების ინსტრუქციასა და დოზირებულ კოვზთან ერთად მოთავსებულია მუყაოს კოლოფში.

გამოიყენება პრეპარატის მიმართ მგრძნობიარე მიკროორგანიზმებით გამოწვეული ინფექციურ-ანთებითი დაავადებების სამკურნალოდ:

· ზედა სასუნთქი გზების ინფექციები (მათ შორის, ყელ-ყურ-ცხვირის ინფექციები), როგორიცაა: მორეციდივე ტონზილიტი, სინუსიტი, შუა ყურის ანთება.

· ქვედა სასუნთქი გზების ინფექციები, როგორიცაა: ქრონიკული ბრონქიტის გამწვავება, წილოვანი პნევმონია და ბრონქოპნევმონია.

· საშარდე სისტემის ინფექციები, როგორიცაა: ცისტიტი, ურეთრიტი, პიელონეფრიტი.

· კანისა და რბილი ქსოვილების ინფექციები, როგორიცაა: ცელულიტი, ცხოველის ნაკბენი.

· სტომატოლოგიური ინფექციები დენტოალვეოლარული აბსცესის ჩათვლით.

2. რისი ცოდნაა საჭირო კოკლავის მიღებამდე

ნუ მიიღებთ კოკლავს, თუ:

· აღგენიშნებათ ალერგია (ჰიპერმგრძნობელობა) ამოქსიცილინის, კლავულანის მჟავას ან პრეპარატის შემადგენელი სხვა ნებისმიერი კომპონენტის მიმართ;

· წარსულში რომელიმე სხვა ანტიბიოტიკის მიმართ გქონიათ მძიმე ალერგიული რეაქცია (ჰიპერმგრძნობელობა), რომელიც გამოვლინდა კანზე გამონაყარით, შეშუპებით სახისა და ყელის არეში;

· წარსულში გქონიათ სიყვითლე (კანის ყვითელი შეფერილობა) ან ღვიძლის პრობლემები ანტიბიოტიკების მიღების ფონზე.

· აღგენიშნებათ ანტიბიოტიკის მიღებით გამოწვეული კოლიტის ნიშნები.

ანტიბიოტიკის მიღებასთან დაკავშირებული კოლიტის განვითარების შემთხვევაში, პრეპარატის მიღება უნდა შეწყდეს და ექიმის მიერ დაინიშნოს ალტერნატიული მკურნალობა. ასეთ შემთხვევებში პერისტალტიკის დამთრგუნველი პრეპარატების მიღება დაუშვებელია.

კოკლავის მიღების დროს გამოიჩინეთ სიფრთხილე, თუ:

· ღებულობთ სისხლის შედედების საწინააღმდეგო პრეპარატებს;

· გაქვთ ღვიძლის უკმარისობა;

· გაქვთ თირკმლის უკმარისობა;

· გაქვთ დარღვევა შარდის გამოყოფასთან დაკავშირებით;

· სავარაუდოა ინფექციური მონონუკლეოზის არსებობა (ამ შემთხვევაში საჭიროა პრეპარატის მიღებისგან თავის შეკავება, ვინაიდან ამ დროს კანზე წითელას მსგავსი გამონაყარის გაჩენა ართულებს დაავადების დიაგნოსტიკას).

ზოგ შემთხვევაში ექიმმა შეიძლება გირჩიოთ გამოკვლევა ანთების გამომწვევი ბაქტერიის ტიპის დასადგენად. გამოკვლევის შედეგად მიღებული პასუხის შესაბამისად ექიმმა შესაძლოა დაგინიშნოთ კოკლავის განსხვავებული დოზირება ან სხვა სამკურნალო საშუალება.

აცნობეთ ექიმს, თუ ამჟამად უჩივით ან წარსულში გქონდათ ჩამოთვლილი პრობლემებიდან რომელიმე.

გარდა ამისა:

კოკლავმა შეიძლება გამოიწვიოს ზოგიერთი არსებული მდგომარეობის გაუარესება ან გამოავლინოს მნიშვნელოვანი გვერდითი მოვლენები, როგორიცაა – ჰიპერმგრძნობელობა, კრუნჩხვები, მსხვილი ნაწლავის ანთება. აღნიშნული სიმპტომების გამოვლენის საშიშროების გამო პრეპარატის მიღების პერიოდში, შესაბამისი რისკების შემცირების მიზნით, აუცილებელია სიფრთხილის გამოჩენა.

თუ კოკლავით მკურნალობის პერიოდში თქვენ გიტარდებათ სისხლის ან შარდის ანალიზი (შარდში გლუკოზის განსაზღვრა), აუცილებლად აცნობეთ ექიმს, ვინაიდან კოკლავმა შესაძლოა გავლენა იქონიოს აღნიშნული ანალიზების შედეგებზე.

კოკლავის მიღება საკვებთან და სითხეებთან ერთად

კუჭისა და ნაწლავის გაღიზიანების თავიდან აცილების მიზნით კოკლავის მიღება უნდა მოხდეს ჭამის დასაწყისში.

ორსულობა

პრეპარატის მიღებამდე მიმართეთ ექიმს ან ფარმაცევტს.

დაუყოვნებლივ აცნობეთ ექიმს ან ფარმაცევტს მკურნალობის პერიოდში დადგენილი ორსულობის თაობაზე.

კოკლავი ამცირებს ჩასახვის საწინააღმდეგო საშუალებების ეფექტურობას.

ლაქტაციის პერიოდი

პრეპარატის მიღებამდე მიმართეთ ექიმს ან ფარმაცევტს.

ავტომობილისა და სხვა მექანიზმების მართვის უნარი

კოკლავმა შესაძლოა გამოიწვიოს ალერგიული რეაქციები, თავბრუსხვევა, კრუნჩხვები, ამიტომ მკურნალობის პერიოდში სასურველია თავის შეკავება ავტომობილის ან სხვა მექანიზმების მართვისაგან, ვინაიდან აღნიშნული ქმედებები მოითხოვს ყურადღების კონცენტრირებას და სწრაფ ფსიქო-მოტორულ რეაქციებს.

მნიშვნელოვანი ინფორმაცია კოკლავის შემადგენელი ზოგიერთი დამხმარე ნივთიერების შესახებ

კოკლავი შეიცავს შაქარს (საქაროზას), ამიტომ არ უნდა გამოიყენონ პაციენტებმა ისეთი იშვიათი გენეტიკური დაავადებებით, როგორიცაა ფრუქტოზას აუტანლობა, გლუკოზა- გალაქტოზას მალაბსორბცია ან სუკრაზა-იზომალტაზას დეფიციტი.

სხვა პრეპარატებთან ურთიერთქმედება

კოკლავი ურთიერთქმედებს ქვემოთ ჩამოთვლილ პრეპარატებთან:

ალოპურინოლთან (პოდაგრის სამკურნალო საშუალება) კოკლავის ერთდროული გამოყენებისას იზრდება კანის ალერგიული რეაქციების გამოვლენის ალბათობა.

პრობენეციდთან (პოდაგრის სამკურნალო საშუალება) კოკლავის ერთდროული გამოყენება არ არის რეკომენდებული. ერთად მიღების აუცილებლობისას ექიმმა შესაძლოა საჭიროდ ჩათვალოს კოკლავის დოზის კორექცია.

ანტიკოაგულანტებთან (მაგ., როგორიცაა ვარფარინი) კოკლავის ერთდროული მიღებისას შესაძლოა საჭირო გახდეს სისხლის დამატებითი ანალიზების ჩატარება.

კოკლავმა შესაძლოა იმოქმედოს მეთოტრექსატის (პრეპარატი, რომელიც გამოიყენება სიმსივნური და რევმატოიდული დაავადებების სამკურნალოდ) თვისებებზე.
კოკლავმა ასევე შესაძლოა იმოქმედოს მიკოფენოლატის მოფეტილის თვისებებზე (პრეპარატი, რომელიც გამოიყენება ორგანოების ტრანსპლანტაციის დროს).

კოკლავი ამცირებს ჩასახვის საწინააღმდეგო საშუალებების ეფექტურობას.

აცნობეთ ექიმს ან ფარმაცევტს, თუ იღებთ ან იღებდით რომელიმე სხვა პრეპარატს ურეცეპტოდ გასაცემი პრეპარატის ჩათვლით.

3. კოკლავის სუსპენზიის მომზადების და მიღების წესი, დოზირება

დოზირება და გამოყენების სიხშირე:

კოკლავის სუსპენზია განკუთვნილია ბავშვებისთვის 2 თვიდან 12 წლამდე ასაკის.

დოზირება დამოკიდებულია ინფექციის სიმძიმეზე, ასევე პაციენტის ასაკზე, წონასა და თირკმლის ფუნქციაზე.

დოზირება მოცემულია ამოქსიცილინი/კლავულანატის შემცველობის მიხედვით.

რეკომენდებული დღიური დოზა შეადგენს:

· დაბალი დოზა: 25/3.6 – 45/6.4 მგ/კგ/დღეში გაყოფილი ორ დოზად გამოიყენება მსუბუქი და საშუალო სიმძიმის ინფექციების დროს (ზედა სასუნთქი გზების ინფექციები, როგორიცაა – მორეციდივე ტონზილიტი; ქვედა სასუნთქი გზების ინფექციები, კანისა და რბილი ქსოვილების ინფექციები).

· მაღალი დოზა: 45/6.4 – 70/10 მგ/კგ/დღეში გაყოფილი ორ დოზად გამოიყენება უფრო მძიმე ინფექციების დროს (ზედა სასუნთქი გზების ინფექციები, მაგალითად – შუა ყურის ანთება და სინუსიტი, ქვედა სასუნთქი გზების ინფექციები, მაგალითად – ბროქოპნევმონია და საშარდე სისტემის ინფექციები).

2 წლიდან 12 წლამდე ასაკის ბავშვები:

                                                                                                                         კოკლავი სუსპენზია 228 მგ/5 მლ

სხეულის წონა (კგ) | უფრო დაბალი დოზის დიაპაზონისთვის (მლ ყოველ 12 სთ-ში) | უფრო მაღალი დოზის დიაპაზონისთვის (მლ ყოველ 12 სთ-ში)
---|---|---
12-16 17-26 |
5 10 | 10 15

                                                                                                                   კოკლავი სუსპენზია 457 მგ/5 მლ

სხეულის წონა (კგ) | უფრო დაბალი დოზის დიაპაზონისთვის (მლ ყოველ 12 სთ-ში) | უფრო მაღალი დოზის დიაპაზონისთვის (მლ ყოველ 12 სთ-ში)
---|---|---
12-16 17-26 27-35 36-დან <40-მდე |
2.5 5 7.5 10 | 5 7.5 10 12.5

2 თვიდან 2 წლამდე ასაკის ბავშვები:

დოზირებას ადგენს ექიმი დაავადების გამომწვევი მიზეზის, ბავშვის ასაკის და სხეულის წონის მიხედვით.

                                                                                                                         კოკლავი სუსპენზია 457 მგ/5 მლ

სხეულის წონა (კგ) | უფრო დაბალი დოზა 25/3.6 მგ/კგ/დღეში (მლ ყოველ 12 სთ-ში) | უფრო მაღალი დოზა 45/6.4 მგ/კგ/დღეში (მლ ყოველ 12 სთ-ში)
---|---|---

2 | 0.3 | 0.6
3 | 0.5 | 0.8
4 | 0.6 |
1.1
5 | 0.8 | 1.4
6 | 0.9 | 1.7
7 | 1.1 | 2.0
8 | 1.3 | 2.3
9 | 1.4 | 2.5
10 | 1.6 | 2.8
11 | 1.7 | 3.1
12 | 1.9 | 3.4
13 | 2.0 | 3.7
14 | 2.2 | 3.9
15 | 2.3 | 4.2

სუსპენზიის მომზადების წესი:

1. სუსპენზიის მომზადებისთვის დაამატეთ ბოთლში წყლის საჭირო მოცულობის დაახლოებით 2/3 (სასურველია, წყალი იყოს წინასწარ გადადუღებული და გაციებული) დაახურეთ ბოთლს თავსახურავი და კარგად შეანჯღრიეთ.

2. პირველადი განზავების შემდეგ, ფხვნილის სრული გახსნის მიზნით, სუსპენზია დააყოვნეთ 5 წუთის განმავლობაში.

3. შემდეგ ბოთლის ნიშნულამდე კიდევ დაამტეთ დარჩენილი წყლის 1/3 და ისევ კარგად შეანჯღრიეთ.

4. მომზადებული სუსპენზია მიიღეთ 5 მლ-იანი საზომი კოვზით, რომელიც ბოთლთან ერთად მოთავსებულია კოლოფში. საზომ კოვზს გააჩნია 1.25 მლ-ის, 2.5 მლ-ის და 5 მლ- ის აღმნიშვნელი ხაზები. საზომი კოვზის მეშვეობით თქვენ შეძლებთ ბავშვს პრეპარატი მისცეთ ზუსტი დოზით.

5. ბოთლი მომზადებული სუსპენზიით უნდა შეინჯღრეს პრეპარატის ყოველი მიღების წინ.

მიღების წესი:

კოკლავი მიიღეთ პერორალურად, ჭამის დასაწყისში ან უშუალოდ ჭამადე. მიღებებს შორის დაიცავით მინიმუმ 4 სთ-იანი ინტერვალი.

არ მიიღოთ 2 დოზა 1 საათში. არ მიიღოთ კოკლავი 2 კვირაზე მეტი დროის განმავლობაში.

თუ თავს ისევ შეუძლოთ გრძნობთ, კვლავ მიმართეთ ექიმს.

ბოთლი მომზადებული სუსპენზიით შეინახეთ მჭიდროდ დახურული თავსახურით 2-8˚ჩ ტემპერატურაზე მაცივარში და გამოიყენეთ არაუმეტეს 7-10 დღის განმავლობაში.

პრეპარატი არ შეინახოთ საყინულეში. პრეპარატის გაყინვა დაუშვებელია.

კოკლავის სუსპენზიამ გამოყენების პერიოდში შესაძლოა მიიღოს მოყვითალო შეფერილობა და ამას არანაირი გავლენა არ აქვს პრეპარატის ეფექტურობაზე.

კოკლავი მიიღეთ მხოლოდ ექიმის დანიშნულების შესაბამისად. თუ გაქვთ კითხვები მიღების წესთან დაკავშირებით, მიმართეთ ექიმს ან ფარმაცევტს.

სხვადასხვა ასაკობრივი ჯგუფები:

გამოყენება ბავშვებში

იხილეთ ინფორმაცია ზემოთ.

გამოყენება ხანდაზმულებში

დოზის კორექცია საჭიროა არ არის.

განსაკუთრებული პოპულაცია:

თირკმლის / ღვიძლის ფუნქციის დაქვეითება

იმ შემთხვევაში, როდესაც პაციენტს აღენიშნება თირკმლის პრობლემა, საჭიროა პრეპარატის დოზის შემცირება. ექიმმა შესაძლოა დანიშნოს პრეპარატის განსხვავებული დოზა ან სხვა პრეპარატი.

ღვიძლის მხრივ პრობლემების არსებობისას, საჭიროა სისხლის ანალიზის ხშირი გაკეთება, რომ გადამოწმებული იყოს ღვიძლის ფუნქციის შესაძლო დარღვევები.

თუ კოკლავის მიღების პერიოდში ჩათვლით, რომ პრეპარატი ხასიათდება ძალიან ძლიერი ან სუსტი მოქმედებით, მიმართეთ ექიმს ან ფარმაცევტს.

საჭირო დოზაზე მეტი კოკლავის მიღების შემთხვევაში:

კოკლავის საჭირო დოზაზე მეტის მიღების შემთხვევაში დაუყოვნებლივ მიმართეთ ექიმს.

კოკლავის დოზის გამოტოვების შემთხვევაში:

ნუ მიიღებთ გაორმაგებულ დოზას გამოტოვებული დოზის შესავსებად.

თუ დაგავიწყდათ კოკლავის მიღება, პრეპარატი მიიღეთ როგორც კი გაგახსენდებათ.

შემდგომი დოზის მიღება არ უნდა მოხდეს მიღებებს შორის 4 სთ-ზე ნაკლები ინტერვალით.

კოკლავის მიღების შეწყვეტის შემთხვევაში:

აუცილებელია კოკლავით მკურნალობის კურსის დასრულება იმ შემთხვევაშიც კი, როდესაც პაციენტის მდგომარეობა გაუმჯობესდა. ეს აუცილებელია ორგანიზმში ანთებითი პროცესის სრულად გაქრობისთვის. მკურნალობის კურსის დაუსრულებლობის შემთხვევაში ბაქტერიებმა, რომლებიც შესაძლოა ნაწილობრივ სიცოცხლისუნარიანები აღმოჩდნენ, შესაძლოა გამოიწვიონ ანთებითი პროცესის თავიდან განვითარება.

4. შესაძლო გვერდითი ეფექტები

ყველა სხვა პრეპარატის მსგავსად, კოკლავმა შეიძლება გამოიწვიოს გვერ­დითი ეფექტები, მისი შემადგენელი კომპონენტების მიმართ მგრძნობიარე პირებში.

შეწყვიტეთ კოკლავის მიღება და დაუყოვნებლივ მიმართეთ უახლოეს სამედიცინო დაწესებულებას, თუ გამოვლინდა ისეთი სერიოზული გვერდითი მოვლენები, როგორიცაა:

ალერგიული რეაქციები:

· გამონაყარი კანზე;

· გამოხატული სისხლძარღვოვანი სურათი (ვასკულიტი), რომელიც ვლინდება კანზე მუქი წითელი ფერის ლაქების სახით;

· ცხელება, ტკივილი სახსრებში, გადიდებული ლიმფური ჯირკვლები კისრის, იღლიის და საზარდულის არეში;

· სახისა და ყელის არეში შეშუპება (ანგიოედემა), რაც ვლინდება სუნთქვის და ყლაპვის გაძნელებით, კოლაფსით (ვითარდება პერიფერიული ვენების გაგანიერების და სისხლის შეგუბების გამო, ვლინდება უეცარი, ძლიერი სისუსტით).

მსხვილი ნაწლავის ანთებითი პროცესი:

ვლინდება დიარეით (განავალში აღინიშნება სისხლი და ლორწო), მუცლის ტკივილით ან/და სხეულის მაღალი ტემპერატურით.

გვერდითი მოვლენების სიხშირე განსაზღვრულია შემდეგი თანმიმდევრობით: ძალიან ხშირად (≥1/10), ხშირად (≥1/100-დან <1/10-მდე), არახშირად (≥1/1000-დან <1/100-მდე), იშვიათად (≥1/10000-დან <1/1000-მდე), ძალიან იშვიათად (<1/10000-მდე), უცნობია (შეუძლებელია დადგენა არსებული მონაცემების მიხედვით).

ხშირად

· კანისა და ლორწოვანი გარსის სოკოვანი დაავადებები (კანდიდოზი);

· გულისრევის შეგრძნება მაღალი დოზების მიღებისას (ღებინების შემთხვევაში პრეპარატი მიიღეთ ჭამამდე);

· ფაღარათი;

· გულისრევა;

· ღებინება.

არახშირად

· თავბრუსხვევა;

· თავის ტკივილი;

· დისპეფსიური მოვლენები;

· გამონაყარი კანზე;

· ქავილი;

· ურტიკარია;

· ღვიძლის ზოგიერთი ფერმენტების აქტივობის მომატება.

იშვიათად

· კანის ბუშტუკოვანი გამონაყარი (ცენტრში აღინიშნება ბუშტუკი, რომელიც გარშემორტყმულია კანის ჩვეულებრივი ფერის მიდამოთი და წითელი ფერის გარე შრით – მულტიფორმული ერითემა);

· სისხლის სურათის ცვლილებები;

· შექცევადი ლეიკოპენია (ნეიტორპენიის ჩათვლით) და თრომბოციტოპენია;

· სისხლი შარდში.

უცნობია

· ყლაპვისა და სუნთქვის გაძნელება სახის, ტუჩების, პირის, ენის ან ყელის შეშუპების გამო (ანგიოედემა);

· მძიმე ალერგიული მდგომარეობა (ანაფილაქსია), რომელიც ვლინდება გამონაყარით კანზე, ქავილით ან ურტიკარიით, სახის, ტუჩების, ენის ან სხეულის სხვა ნაწილების შეშუპებით, სუნთქვის გაძნელებით;

· შრატისმიერი დაავადების მსგავსი ალერგიული მდგომარეობა, რომელიც ვლინდება გამონაყარით, ცხელებით, სახსრების ტკივილით, იღლიის ფოსოში მდებარე ლიმფური ჯირკვლების გადიდებით პრეპარატის მიღებისას 7-12 დღის განმავლობაში;

· ვასკულიტი (ჰიპერმგრძნობელობის ვასკულიტი), რომელიც ვლინდება ისეთი ალერგიული რეაქციებით, როგორიცაა კანქვეშ წითელი მრგვალი ლაქები და სისხლჩაქცევები;

· კანის იშვიათი დაავადება მსხვილი სისხლმდენი ბუშტუკების წარმოქმნით ტუჩებზე, თვალებზე, პირის ღრუში, ცხვირში, სასქესო ორგანოებზე (სტივენ-ჯონსონის სინდრომი);

· კანის მწვავე რეაქცია, რომელიც იწყება ტკივილით, შემდეგ ვითარდება ბუშტუკების წარმოქმნით და კანის ზედაპირის გადაცლით და რომელსაც თან ახლავს ცხელება, კუნთების სპაზმი და ზოგადი მდგომარეობის გაუარესება (ტოქსიკური ეპიდერმული ნეკროლიზი);

· წითელი ფერის ანთებითი გამონაყარი კანზე (ბულოზური დერმატიტი);

· ექსფოლიაცია შეშუპებით და კანქვეშა ამობურცულობით (მწვავე გენერალიზებული ეგზანთემატოზური პუსტულოზი);

· პათოლოგიური მდგომარეობა, რომელიც ვლინდება ისეთი სიმპტომებით, როგორიცაა ცხელება, შემცივნება, ყელის ტკივილი ან წყლულები პირის ღრუში (შექცევადი აგრანულოციტოზი);

· ანემია, რომელიც ვლინდება ისეთი სიმპტომებით, როგორიცაა სისუსტე, თავის ტკივილი, სუნთქვის უკმარისობა ფიზიკური ვარჯიშის დროს, თავბრუსხვევა, ფერმკრთალი და მოყვითალო ფერის კანი (ჰემოლიზური ანემია);

· დიარეა სისხლიანი და ლორწოვანი განავლით;

· ენის შავად შეფერვა;

· თირკმლების დაზიანება (ინტერსტიციული ნეფრიტი);

· შარდში კრისტალების არსებობა (კრისტალურია);

· ღვიძლის დაზიანება (ჰეპატიტი), რომელიც ვლინდება გულისრევით, ღებინებით, მადის დაქვეითებით, ზოგადი მდგომარეობის გაუარესებით, ცხელებით, ქავილით, კანის სიყვითლით, შარდის გამუქებით;

· კოლაფსი;

· სისხლის შედედების დარღვევები;

· კანის და თვალის სკლერების სიყვითლე, რომელიც გამოწვეულია ბილირუბინის დონის მომატებით სისხლში (სუბსტანცია, რომელიც გამომუშავდება ღვიძლში);

· ჰიპერაქტიურობა;

· სპაზმები, კრუნჩხვა (თირკმლის დაავადების მქონე პაციენტებში კოკლავის მაღალი დოზებით მკურნალობისას);

· კბილების ფერის ცვლილება (კბილების ფერის ცვლილების შეფერხება შესაძლებელია პირის ღრუს სისუფთავის სათანადო დაცვით);

· ასეპტიური მენინგიტი;

· გრიპისმაგვარი სიმპტომები: გამონაყარი, ცხელება, შეშუპებული ჯირკვლები, სისხლის სურათის ცვლილებები (წამლისმიერი რეაქცია ეოზინოფილიით და სხვა სისტემური სიმპტომებით).

გვერდითი ეფექტების გამოვლენის შემთხვევაში, რომლებიც მოცემულ გამოყენების ინსტრუქციაში არ არის აღწერილი, დაუყოვნებლივ მიმართეთ თქვენს ექიმს ან ფარმაცევტს.

5. კოკლავის შენახვის პირობები

ინახება ბავშვებისთვის ხელმიუწვდომელ ადგილას, ორიგინალ შეფუთვაში.

ინახება მშრალ ადგილას, არა უმეტეს 25˚C ტემპერატურაზე.

მომზადებული სუსპენზია ინახება 2-8˚C ტემპერატურაზე მაცივარში და გამოიყენება არაუმეტეს 7-10 დღის განმავლობაში.

დაუშვებელია გაყინვა.

გაცემის წესი:

ფარმაცევტული პროდუქტის ჯგუფი II, გაიცემა ფორმა #3 რეცეპტით.

ვარგისობის ვადა

3 წელი.

ნუ გამოიყენებთ კოკლავს კოლოფზე მითითებული ვარგისობის ვადის გასვლის შემდეგ.

არ გამოიყენოთ კოკლავი, თუ შეამჩნიეთ, რომ პრეპარატი ან მისი შეფუთვა დაზიანებულია.