გამოყენების ინსტრუქცია

ნატრიუმის ბიკარბონატი 8.4%

წამლის ფორმა: ი.ვ 8.4% საიფუზიო ხსნარი .

შემადგენლობა:

1მლ-ის შემადგენლობა:
ნატრიუმის ბიკარბონატი -------- 84მგ
საინექციო წყალი -------------------- ქ.ს 1 მლ-მდე.

აღწერილობა:

პრეპარატი წარმოადგენს უფერო, უსუნო, გამჭირვალე ხსნარს. F

ფარმაკოლოგიური ჯგუფი: სისხლის შემცვლელები და პერფუზიული ხსნარები, ელექტროლიტური ხსნარები.

ფარმაკოლოგიური თვისებები:

ნატრიუმის ბიკარბონატის საინფუზიო ხსნარი ხასიათდება ტუტე თვისებებით, რაც გამოიხატება ორგანიზმიდან ნატრიუმის და ქლორის იონების გამოყოფის გაძლიერებით, რის შედეგადაც აღინიშნება ოსმოსური დიურეზის მომატება.

ფარმაკოკინეტიკა:

ნატრიუმის ბიკარბონატის ინტრავენური გამოყენებისას იზრდება სისხლის პლაზმაში ბიკარბონატების რაოდენობა, ბუფერულ სითხეებში მატულობს წყალბად იონების კონცენტრაცია. იზრდება სისხლის პH და ქვეითდება ორგანიზმში აციდოზის
(მომატებული მჟავიანობა) გამოვლენის რისკი.
ნატრიუმის ბიკარბონატი წყალში დისოცირდება (NA+)Aდა ( HCO3-) იონებად.
სწორედ (NA+) იონი წარმოადგენს ძირითად იონს უჯრედგარეთა სითხეებში, ის დიდ როლს ასრულებს ორგანიზმში მიმდინარე ელექტროლიტური დისბალანსის აღდგენაში. რაც შეეხება ( HCO3-) იონს, ის წარმოადგენს ადამიანის ორგანიზმში არსებული სითხეების მნიშვნელოვან შემადგენელ ნაწილს. ის არეგულირებს ორგანიზმში პლაზმის დონეს 24-დან 31მექვ/ლიტრამდე. Bბიკარბონატის ანიონები განიხილებიან როგორც, საკმაოდ ლაბილური ნივთიერებები, რომლებისთვისაც დამახასიათებელია წყალბად იონების ზემოქმედების შედეგად ხელსაყრელ კონცენტრაციაში მათი რეკონსტრუქცია (გარდაქმნა) ნახშირმჟავად (H2ჩO3) და ნახშირორჟანგად (ჩO2). აღნიშნული ნახშირორჟანგის გამოყოფა ხორციელდება ფილტვების საშუალებით. Oორგანიზმიში არსებული უჯერდგარეთა სითხეებში ნახშირმჟავისა და ნახშირორჟანგის ნორმალური შეფარდება (ფარდობა) წარმოადგენს 1:20. ჯანმრთელი ადამიანის ორგანიზმში, როდესაც ნორმალურად ფუნქციონირებს თირკმლები, ბიკარბონატების იონების რეაბსორბცია (ხელახალი შეწოვა) ხორციელდება გლომერულარული ფილტრაციით და 1%-ზე ნაკლები გამოიყოფა შარდის საშუალებით.

**ჩვენება: **

ნატრიუმის ბიკარბონატის საინფუზიო ხსნარი გამოიყენება მეტაბოლური აციდოზის დროს, რომელსაც შეუძლია გამოიწვიოს მძიმე თირკმლის დაავადება, არაკონტროლირებადი შაქრიანი დიაბეტი (კეტოაციდოზი), დეჰიდრატაციით (ორგანიზმის გაუწყლოებით) გარპირობებული ცირკულატორული დარღვევა, სისხლის მიმოქცევის უკმარისობა, ლაქტოციდოზი, Aექსტრაკორპორალური პერფუზია და ა.შ.
ნატრიუმის ბიკარბონატის საინფუზიო ხსნარი წარმოადგენს ერთ-ერთ ყველაზე მთავარ არჩევის პრეპარატს, სხვადასხვა მედიკამენტებით მოწამვლის დროს, მათ შორის ბარბიტურატებით მოწამვლისას (სადაც დისოცირდება ბარბიტურატ-პროტეინის კომპლექსი), ასევე სალიცილატებით, მეთილის სპირტით და ა.შ.

მიღების წესი:
ნატრიუმის ბიკარბონატის საინფუზიო 8.4% ხსნარი გამოიყენება ინტრავენურად, წვეთოვნად, სუფთა სახით ან განზავებული სხვა საინფუზიო ხსნარში.
მოზრდილებში მწვავე აციდოსის დროს ნატრიუმის ბიკარბონატის 8.4% ხსნარი მიიღება სხეულის მასიდან გამომდინარე, საწყის დოზას შეადგენს 2-5 meq/კგ სხეულის წონის ექვივალენტური 4-8 საათის განმავლობაში. შემდგომში ხდება დოზის დარეგულირება ანალიზის მიხედვით ( 20-22მმოლ/L).
ბავშვებში საწყის დოზას შეადგენს 1 mEq/კგ, ნელი ინტრავენური ინფუზიით, გაზავებული 0.5 meq/მლ ხსნართან, დღეში სხეულის წონის 8 meq/კგ მაქსიმალურ დოზამდე, რადგან არ მოხდეს ცერებროსპინალური წნევის შემცირება, რამაც შესაძლოა გამოიწვიოს ინტრაკრინალური ჰემორაგია.
ხანდაზმულებში ისევე როგორც მოზრდილებში.

გვერდითი მოვლენები:
აღნიშნული პრეპარატის ხანგრძლივი გამოყენებისას, მაშინ როდესაც ხდება ორგანიზმში ყოველდღიური შეყვანა, შეიძლება გამოვლინდეს ალკალოზი, ზოგჯერ არაკომპენსირებული, რომელსაც თან ახლავს შემდეგი სიმპტომები: გულისრევა, ღებინება, მადის დაკარგვა, თავის ტკივილი, მოუსვენრობა, არტერიული წნევის მომატება. მძიმე ფორმის დროს შეიძლება განვითარდეს ტეტანური კრუნჩხვები, ასეთ შემთხვევაში აუცილებელია მოხდეს ნატრიუმის ბიკარბონატის 8.4% საინფუზიო ხსნარის დროებით შეწყვეტა.
ასევე შესაძლებელია გამოვლინდეს: ჰიპოკალიემია, ჰიპერნატრიემია, ჰიპეროსმოლარობა, ჰიპოკალცემია.

დოზის გადაჭარბება:
პრეპარატის დოზის გადაჭარბებისას შესაძლებელია ჰიპერალკალოზის, ტეტანური კრუნჩხვების განვითარება. ასეთ, დროს აუცილებლად წყდება პრეპარატის მიღება და ტარდება სიმპტომური თერაპია.

უკუჩვენება:
ინდივიდუალური მომატებული მგრძნობელობა პრეპერატის მიმართ, მეტაბოლური ალკალოზი.

გავლენა ავტომობილის მძღოლებზე და პოტენციურად საშიშ მანქანა დანადგარებთან მომუშავე პერსონალზე:
პაციენტებს, რომლებსაც ნატრიუმის ბიკარბონატის 8.4% საინფუზიო ხსნარის გამოყენებისას აღენიშნებათ მხედველობის სიმახვილის დროებით დაკარგვა, რეკომენდირებული არ არის მანქანის მართვა და მუშაობა რთულ მექანიზმებთან და სხვადასხვა ხელსაწყოებთან, რომლებიც საჭიროებენ მკვეთრ მხედველობას.

გავლენა ორსულობასა და ლაქტაციის პერიოდში:
დამტკიცებულია რომ მრავალი მედიკამენტის, მათ შორის ნატრიუმის ბიკარბონატის გამოყენება ორსულობისა და ლაქტაციის პერიოდში მოითხოვს დიდი სიფრთხილის დაცვას, რადგან შესაძლოა საფრთხე შეუქმნას როფორც მშობლის ასევე ბავშვის ჯანმრთელობას.

ურთიერთქმედება სხვა სამკურნალო საშუალებებთან:

ნატრიუმის ბიკარბონატის 8.4% საინფუზიო ხსნარის გამოყენება აძლიერებს ჰიპოტენზიური სამკურნალო საშუალებების ეფექტს, საჭიროა მისი სიფრთხილით გამოყენება პაციენტებში, რომლებიც Yღებულობენ კორტიკოტროპინს, თავი აარიდონ კალციუმის შემცველი ხსნარების დამატებით მიღებას.
დადგენილია რომ ნატრიუმის ბიკარბონატი აქვეითებს სისხლის პლაზმაში დოქსიციკლინის კონცენტრაციას, ასევე ქვეითდება ორგანიზმში მისი შეწოვის ხარისხი. პრეპარატი არათავსებადია შემდეგ ხსნარებთან: ასკორბინის მჟავა, ცისპლატინი, დუბუტამინი, დოპამინი, კოდეინის ფოსფატი, მაგნიუმის სულფატი, სტრეპტომიცინის სულფატი, ტეტრაციკლინი, ნორეპინეფრინის ბიტარტრატი, პენიცილინ კალიუმის მარილი.
ასევე ნატრიუმის ბიკარბონატის მიღება არ არის რეკომენდირებული ალკალოიდების მარილებთან და ისეთ პრეპარატებთან, რომლებიც ხასიათდებინ მჟავა რეაქციით.

ვარგისობის ვადა:
2წელი. პრეპარატი არ გამოიყენოთ შეფუთვაზე მითითებული ვარგისობის ვადის გასვლის შემდეგ.
ასევე სასტიკად დაუშვებელია აღნიშნული პრეპარატის გამოყენება თუ შეიცავს ნალექს.

გამოშვების ფორმა:
ნატრიუმის ბიკარბონატის 8.4%, 20მლ საინფუზიო ხსნარი, მინის ფლაკონი #6 მოთავსებული მუყაოს კოლოფში გამოყენების ინსტრუქციასთან ერთად.

შენახვის პირობები:
ინახება ოთახის ტემპერატურაზე, სინათლისგან დაცულ, ბავშვებისათვის მიუწვდომელ ადგილას.

აფთიაქიდან გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე.

მწარმოებელი:
საქართველო შ.პ.ს “დავათი”
ქ. თბილისი ხანძთელის ქ.#10.