ინდომეტაცინი

INDOMETACIN

სავაჭრო დასახელება: ინდომეტაცინი

წამლის ფორმა: რექტალური სუპოზიტორია

შემადგენლობა (1 სუპოზიტორია):

აქტიური ნივთიერება**:** ინდომეტაცინი 100მგ

დამხმარე ნივთიერებები: მყარი ცხიმი

ათქ კოდი: M01AB01

ფარმაკოთერაპიული ჯგუფი: ანთების საწინააღმდეგო და ანტირევმატული საშუალებები, ძმარმჟავას წარმოებულები და მონათესავე ნივთიერებები

ფარმაკოლოგიური თვისებები:

ინდომეტაცინი მიეკუთვნება არასტეროიდული ანთების საწინააღმდეგო სამკურნალო პრეპარატების ჯგუფს. გააჩნია გამოხატული ანთების საწინააღმდეგო, ტკივილგამაყუჩებელი და სიცხის დამწევი მოქმედება. მოქმედების ძირითად მექანიზმად ითვლება პროსტოგლანდინების სინთეზის დათრგუნვა, რომლებსაც მთავარი როლი აქვთ ანთების, ტკივილის და ციების პროცესებში.

გამოყენების ჩვენებები:

გამოიყენება სხვადასხვა გენეზის მწვავე ართრიტებისას (მათ შორის პოდაგრული); ქრონიკული ართრიტებისას, განსაკუთრებით რევმატიული ართრიტებისას (ქრონიკული პოლიართრიტები); ანკილოზირებადი სპონდილიტისას (ბეხტერევის დაავადება) და ხერხემლის სხვა ანთებითი-რევმატიული დაავადებებისას; ართროზებისა და სპონდილოართროზებისას (ანთებითი მდგომარეობა სახსრებისა და ხერხემლის დეგენერაციული დაავადებების დროს); რბილი ქსოვილების რევმატიზმისას; მტკივნეული შეშუპებებისა და ანთებების დროს ტრავმებისა და ოპერაციული ჩარევების შემდეგ (ზოგადქირურგიული, გინეკოლოგიური, სტომატოლოგიური და ა.შ.).

მიღების წესი და დოზირება:

ინდომეტაცინის სუპოზიტორები შეიყვანება ნაწლავის გამოსუფთავების შემდეგ, შეძლების და გვარად ღრმად სწორ ნაწლავში.
100მგ-იანი სუპოზიტორიები მოზრდილებში ინიშნება თითო სუპოზიტორია 1-2 ჯერ დღეში.
მაქსიმალური დღიური დოზა შეადგენს 200მგ-ს. მკურნალობის ხანგრძლივობამ არ უნდა გადააჭარბოს 7 დღეს.

უკუჩვენება:

ინდომეტაცინის გამოყენება უკუნაჩვენებია: ინდომეტაცინის, ასპირინის ან სხვა მსგავსი პრეპარატების მიმართ ჰიპერმგრძნობელობისას (მითითებები ანამნეზში ბრონქოსპაზმზე, ჭინჭრის ციებაზე ან რინიტზე, გამოწვეული აცეტილსალიცილის მჟავის მიღებით); პროქტიტის და სხვადასხვა წარმოშობის რექტალური სისხლდენებისას; კუჭისა და/ან ნაწლავის წყლულოვანი დაავადებისას გამწვავების ფაზაში; ორსულობისა და ლაქტაციის დროს; ბავშვთა ასაკში (14 წლამდე).
ინდომეტაცინის გამოყენება ექიმის განსაკუთრებულ ყურადღებას საჭიროებს: კუჭ- ნაწლავის ტრაქტის დაავადებებისას და/ან კუჭ-ნაწლავის ტრაქტის ანთებითი-წყლულოვანი დაავადებებისას (წყლულოვანი კოლიტები, კრონის დაავადება) ანამნეზში; გულის ქრონიკული უკმარისობისას; არტერიული ჰიპერტონიისას; სისხლის შემადედებელი სისტემის დარღვევებისას; ღვიძლისა და/ან თირკმელების ფუნქციის დარღვევისას; ხანდაზმულ ასაკში; უშუალოდ მძიმე ოპერაციული ჩარევის შემდეგ.
საჭიროა სიფრთხილე ინდომეტაცინის დანიშვნისას პაციენტებისათვის, რომლებსაც აწუხებთ ფსიქიური მოშლილობა, დეპრესია, პარკინსონიზმი, ეპილეფსია.
დიდი სიფრთხილითა და ექიმის პირდაპირი კონტროლის ქვეშ ინდომეტაცინის გამოყენება შეიძლება ავადმყოფებში, რომლებსაც აწუხებთ ასთმა, ალერგიული სურდო, ცხვირის ლორწოვანას პოლიპები, ასევე სასუნთქი გზების ქრონიკული ინფექციებისას ავადმყოფებში ჰიპერმგრძნობელობით აასს მიმართ ასთმის შეტევის, კვინკეს შეშუპების ან ურტიკარიის წარმოქმნის საშიშროების გამო.

გვერდითი მოვლენები:

წამლისმიერი გვერდითი ეფექტები დამოკიდებულია ინდივიდუალურ მგრძნობელობაზე, გამოყენებული დოზის სიდიდესა და მკურნალობის ხანგრძლივობაზე.
ადგილობრივი არასასურველი რეაქციებია: წვის შეგრძნება, ქავილი, სიმძიმე ანორექტალურ არეში და მკურნალობამდე არსებული ბუასილის გამწვავება.
კუჭ-ნაწლავის ტრაქტის მხრივ: ღებინება, გულისრევა, ფაღარათი, მათ შორის უმნიშვნელო სისხლდენებით კუჭ-ნაწლავის ტრაქტში. იშვიათად შეიძლება აღინიშნოს უმადობა, სპაზმები მუცელში, გადავსების შეგრძნება, რომლებსაც შეიძლება ახლდეს დაწყლულებები კუჭ-ნაწლავის ტრაქტში.
ცენტრალური ნერვული სისტემის მხრივ: შესაძლებელია აღინიშნოს თავის ტკივილი, ძილის დარღვევა, დაღლილობის შეგრძნება, გაღიზიანება, აგზნებადობა, თავბრუსხვევა.
არსებობს ცალკეული შეტყობინებები გემოს შეგრძნების დაკარგვის, მხედველობის დარღვევის (გაორება თვალებში ან მხედველობის დაბინდვა), სმენის დარღვევით ყურებში ხმაურის, მეხსიერების დაქვეითების, დეზორიენტაციის შესახებ.
კანის მხრივ: ზოგჯერ ქავილი, გამონაყარი, ჭინჭრის ციება. ცალკეულ შემთხვევებში გამოვლენილა ასევე სინათლის შეგრძნების მომატება, ეგზემა, ერითება, წერტილოვანი სისხლჩაქცევები კანზე, იშვიათად – კანის მხრივ რეაქციის მძიმე მიმდინარეობა (სტივენს-ჯონსონის სინდრომი, ლაიელის სინდრომი).
თირკმელები: ცალკეულ შემთხვევებში აღინიშნა თირკმელების ფუნქციის დარღვევა, პროტეინურია, ჰემატურია და თირკმელების დაზიანება (ინტერსტიციული ნეფრიტი, ნეფროზული სინდრომი). ამიტომ აუცილებელია თირკმელების ფუნქციის რეგულარული კონტროლი. გამოყოფილი შარდის ოდენობის შემცირებამ, შეშუპებებმა, ტეხვის შეგრძნებამ შეიძლება გამოიწვიოს თირკმელების დაავადების შთაბეჭდილება, თირკმლის უკმარისობისაც კი.
ღვიძლის მხრივ: ზოგჯერ ვლინდება შრატში ტრანსამინაზის დონის მატება.
სისხლის მხრივ: იშვიათად სისხლწარმოქმნის დარღვევები (ანემია, ლეიკოპენია, აგრანულოციტოზი, თრომბოციტოპენია).
იმუნური სისტემის მხრივ: შესაძლოა აღინიშნოს ინდომეტაცინის მიმართ ჰიპერმგრძნობელობის რეაქციები სახის, ენის, ხორხის საჰაერო გზების შევიწროვებით შეშუპების, ასთმის შეტევამდე სუნთქვის გაძნელების, გულისცემის, შოკის საშიშროებამდე სისხლის წნევის მომატების სახით.

დოზის გადაჭარბება:

ინდომეტაცინის ჭარბ დოზირებას შესაძლებელია მოყვეს შემდეგი სიმპტომები: ღებინება, გულისრევა, თავის ძლიერი ტკივილი, თავბრუსხვევა, მეხსიერების დაქვეითება და დეზორიენტაცია. უფრო მძიმე შემთხვევებში აღინიშნება პარესთეზიები, კიდურების დაბუჟება და კრუნჩხვა.
ზედოზირების მკურნალობა მოიცავს პრეპარატის სწრაფად გამოდევნას ორგანიზმიდან და შესაბამისი სიმპტომატური მკურნალობის გამოყენებას.

გამოყენება ორსულობისა და ლაქტაციის პერიოდში:

ინდომეტაცინის სუპოზიტორიების გამოყენება უკუნაჩვენებია ორსულობის (განსაკუთრებით ბოლო 3 თვის განმავლობაში) და ძუძუთი კვების დროს. პრეპარატის გამოყენების დაწყებამდე რჩევისთვის მიმართეთ თქვენს ექიმს.

გამოყენება ბავშვთა ასაკში:

უკუნაჩვენებია 14 წლამდე ასაკის ბავშვებისათვის.

განსაკუთრებული მითითებები:

ინდომეტაცინის სუპოზიტორიების გამოყენებისას შესაძლებელია ისეთი გვერდითი მოვლენების წარმოქმნა, როგორიცაა თავბრუსხვევა, ძილიანობა და დაღლილობის შეგრძნება, ამიტომ მკურნალობის პერიოდში არ შეიძლება ალკოჰოლის მიღება, ვინაიდან ეს მოვლენები ძლიერდება ერთდროულად ალკოჰოლის მიღების დროს.

ზეგავლენა ავტოტრანსპორტისა და მექანიზმების მართვის უნარზე:

ვინაიდან ინდომეტაცინის სუპოზიტორიების გამოყენებისას შესაძლებელია ისეთი გვერდითი მოვლენების წარმოქმნა, როგორიცაა თავბრუსხვევა, ძილიანობა და დაღლილობის შეგრძნება, აუცილებელია სიფრთხილე მისი დანიშვნისას პაციენტებისათვის, რომელთა საქმიანობა პოტენციურად სახიფათოა და მოითხოვს ყურადღების კონცენტრირებასა და სწრაფ ფსიქომოტორულ და მოძრაობით რეაქციებს.

ურთიერთქმედება სხვა სამკურნალო საშუალებებთან:

ინდომეტაცინისა და დიგოქსინის, ფენიტოინის ან ლითიუმის პრეპარატების ერთდროული გამოყენებისას, შესაძლებელია სისხლის პლაზმაში შემცირდეს ამ პრეპარატების შემცველობის დონე; დიურეზულებსა და ჰიპოტენზიურ საშუალებებთან კომბინაციაში შეიძლება შემცირდეს ამ პრეპარატების მოქმედება; კალიუმის შემანარჩუნებელ დიურეზულებთან შესაძლოა წარმოიქმნას ჰიპერკალიემია; სხვა აასს, გლუკოკორტიკოიდებისა და კოლხიცინთან ერთად მისი გამოყენებისას მატულობს გვერდითი მოვლენების განვითარების რისკი კუჭ-ნაწლავის ტრაქტის მხრივ; აცეტილსალიცილის მჟავისას და/ან სხვა სალიცილატებისას იზრდება გვერდითი მოვლენების განვითარების რისკი; ციკლოსპორინებთან ერთად შესაძლოა გაიზარდოს ამ უკანასკნელის ტოქსიკური ზემოქმედება თირკმელებზე; ანტიდიაბეტურმა საშუალებებმა შესაძლოა გამოიწვიოს ჰიპო- და ჰიპერგლიკემია; მეტოტრექსატმა, მის გამოყენებამდე ან გამოყენების შემდეგ 24 საათის განმავლობაში, შესაძლოა გამოიწვიოს მისი კონცენტრაციის გაზრდა და ტოქსიკური მოქმედების გაძლიერება; ანტიკოაგულანტებთან ერთად გამოყენებისას აუცილებელია სისხლის შედედების რეგულარული კონტროლი; ანტაციდები ზრდის ინდომეტაცინის პლაზმურ კონცენტრაციას.

გამოშვების ფორმა: 6 სუპოზიტორია პვქ ბლისტერზე. 1 ბლისტერი მუყაოს კოლოფში გამოყენების ინსტრუქციასთან ერთად.

შენახვის პირობები: ინახება არაუმეტეს 25OC ტემპერატურაზე, მშრალ, სინათლისაგან დაცულ, ბავშვებისათვის ხელმიუწვდომელ ადგილას.

ვარგისობის ვადა: 2 წელი

არ გამოიყენება ვარგისობის ვადის ამოწურვის შემდეგ!

გაცემის წესი: III ჯგუფი, გაიცემა რეცეპტის გარეშე

მწარმოებელი: შპს „ოფიცინა“ (საქართველო)

__

ინდომეტაცინი მიეკუთვნება არასტეროიდული ანთების საწინააღმდეგო სამკურნალო პრეპარატების ჯგუფს. გააჩნია გამოხატული ანთების საწინააღმდეგო, ტკივილგამაყუჩებელი და სიცხის დამწევი მოქმედება. მოქმედების ძირითად მექანიზმად ითვლება პროსტოგლანდინების სინთეზის დათრგუნვა, რომლებსაც მთავარი როლი აქვთ ანთების, ტკივილის და
ციების პროცესებში.
ინდომეტაცინი გამოიყენება მწვავე და ქრონიკული ტკივილების არახანგრძლივი სიმპტომატური მკურნალობისათვის
საყრდენ-მამოძრავებელი აპარატის ანთებითი და დეგენერაციული დაავადებების დროს, როგორიცაა: რევმატოიდური
ართრიტი; მწვავე და გამწვავებული ქრონიკული იუვენილური ართრიტი; მწვავე და გამწვავებული ქრონიკული
მაანკილოზირებელი სპონდილოართრიტი (ბეხტერევის დაავადება); პოდაგრა და პოდაგრული ართრიტი; ფსორიაზული ართრიტი; რაიტერის დაავადება; სახსრის ირგვლივი დაავადებები (ტენდინიტები, ბურსიტები, ტენდობურსიტები,
ტენდოვაგინიტები), ტრავმები სპორცმენებში; დისკოპათიები, ნევრიტები, პლექსიტები, რადიოკულონევრიტები;
დისმენორეა.

ნუ გამოიყენებთ ინდომეტაცის თუ:
- თუ თქვენ გაქვთ მომატებული მგრძნობელობა (ალერგია) პრეპარატის აქტიური ნივთიერების ან ნებისმიერი დამხმარე ნივთიერების მიმართ;
- თუ თქვენ გაქვთ მომატებული მგრძნობელობა აცეტილსალიცილის მჟავის ან სხვა არასტეროიდული ანთების საწინააღმდეგო პრეპარატების მიმართ, თუ მათ გამოუწვევიათ ასთმის შეტევა (გაძნელებული სუნთქვა), ალერგიული სურდო ან ჭინჭრის ციება (გამონაყარი);
- თუ თქვენ გაწუხებთ კუჭის ან თორმეტგოჯა ნაწლავის პეპტიური წყლული და/ან გაგაჩნიათ მონაცემები წყლულზე ან სისხლდენაზე კუჭ-ნაწლავის ტრაქტიდან წარსულში;
- თუ თქვენ გქონდათ სისხლდენები კუჭ-ნაწლავის ტრაქტიდან წარსულში, გამოწვეული სხვა სამკურნალო საშუალებებით არასტეროუდული ანთების საწინააღმდეგო საშუალებების ჯგუფიდან;
- თუ თქვენ გაწუხებთ გულის მძიმე უკმარისობა;
- თუ თქვენ გაქვთ ღვიძლის და თირკმელების მძიმე დარღვევები;
- თუ თქვენ გაქვთ ბუასილი, ანალური ფისტულა და ნახეთქები, პროქტიტი და სქელი ნაწლავის და ანუსის სხვა
დაავადებები;
- თუ ხართ 14 წელზე ახალგაზრდა ასაკის;
- ხართ ორსულად და ორსულობის პერიოდი არის ბოლო 3 თვე ან კვებავთ ძუძუთი.
ორსულობა და ძუძუთი კვება
ნებისმიერი სამკურნალო პრეპარატის გამოყენების წინ მიმართეთ თქვენს მკურნალ ექიმს ან ფარმაცევტს.
ინდომეტაცინის გამოყენება უკუნაჩვენებია ორსულობის (განსაკუთრებით ბოლო 3 თვის განმავლობაში) და ძუძუთი კვების დროს.
ყოველთვის გამოიყენეთ ინდომეტაცინის სუპოზიტორია ზუსტად თქვენი მკურნალი ექიმის დანიშნულებისამებრ. თ
დოზა და მკურნალობის ხანგრძლივობა დგინდება თქვენი მკურნალი ექიმის მიერ. ნუ შეცვლით დოზას და ნუ შეწყვიტავთ მკურნალობას ექიმის კონსულტაციის გარეშე, თუნდაც კარგად გრძნობდეთ თავს. ეცადეთ მიიღოთ სამკურნალო პრეპარატი ყოველ დღე ერთსა და იმავე დროს.
მოზრდილები და 14 წელზე ზევით ასაკის ბავშვები
ჩვეულებრივი დოზა – 1 სუპოზიტორი 50 მგ 2-ჯერ დღეში ან 2 სუპოზიტორი 50 მგ ერთხელ დღეში. სადღეღამისო დოზა, რომელიც აღემატება 120-2—მგ, ზრდის გვერდითი მოქმედებების გაჩენის რისკს.
ხანში შესული პაციენტები
არსებობს გვერდითი მოქმედებების მომატებული რისკი. რეკომენდირებულია ყველაზე დაბალი ეფექტური დოზა შესაძლო ყველაზე მოკლე ვადით. დაკვირვება უნდა მოხდეს პაციენტებში კუჭ-ნაწლავის ტრაქტიდან სისხლდენის განვითარებაზე.
ბავშვები: ნუ გამოიყენებთ 14 წელზე ქვევით ასაკის ბავშვებში.
მკურნალობის ხანგრძლივობა: არაუმეტეს 7 დღისა.
გამოყენების წესი: რექტალურად.
გაცემის წესი: ფარმაცევტული პროდუქტის II ჯგუფი (გაცემის რეჟიმი: რეცეპტით)

შემცველობა:
1 გ მალამო შეიცავს 100 მგ ინდომეტაცინს

ჩვენებები:
• სახსრების მწვავე და ქრონიკული ანთებითი დაავადებები (რევმატოიდული პოლიართრიტი, ანკილოზირებადი სპონდილიტი, ფსორიატული ართრიტი);
• რბილი ქსოვილების რევმატიზმი (ტენდოვაგინიტი, ბურსიტი, ფიბროზიტი, პერიართრიტი);
• აქტივირებული ართროზი; დისკოპათიები, ნევრიტები, პლექსიტები, რადიკულიტები;
• პოსტოპერაციული შეშუპება, კონტუზიები, ამოვარდნები, დაჭიმულობები.
უკუჩვენებები:
• ჰიპერმგრძნობელობა პრეპარატის რომელიმე კომპონენტის მიმართ;
• ჰიპერმგრძნობელობა არასტეროიდული ანთებსაწინააღმდეგო საშუალებების მიმართ;
• აქტიური წყლულოვანი დაავადება, ლეიკოპენია, თრომბოციტოპენია, კოაგულოპათიები;
• არ გამოიყენება ღია ჭრილობებზე, ლორწოვან გარსებზე, პირის ღრუში, თვალებზე.
ორსულობა და ლაქტაცია:
არ გამოიყენება ორსულობისა და ლაქტაციის დროს.
გამოყენების წესი და დოზირება:
• უფროსები
სამკურნალო პრეპარატი განკუთვნილია გარეგანი გამოყენებისათვის, კანზე წასასმელად. წაისმევა 2-3 ჯერ დღეში თხელი ფენის მსუბუქი შეზელვით დაზიანებულ მონაკვეთზე. ერთი დამუშავებისათვის საკმარისი რაოდენობა შეადგენს დაახლოებით 4-5 სმ მალამოს. საერთო გამოყენებული დღე-ღამის რაოდენობა არ უნდა აღემატებოდეს 15 სმ. მკურნალობის ხანგრძლივობა არაუმეტეს 10 დღისა.
• 14 წელზე უფროსი ასაკის ბავშვები
ერთჯერადი და დღე-ღამის დოზები დაახლოებით უდრის უფროსთა დოზის ნახევარს, ე.ი. ერთი შეზელვისათვის საკმარისი რაოდენობა შეადგენს დაახლოებით 2-2.5 სმ მალამოს. დღე-ღამის საერთო რაოდენობა არ უნდა აღემატებოდეს 7.5 სმ მალამოს.
მკურნალობის ხანგრძლივობა არ უნდა აღემატებოდეს 10 დღეს.
ინდომეტაცინის 10% მალამოს გამოყენება შეიძლება კომპლექსურ მკურნალობაში ამ სამკურნალო პრეპარატის ტაბლეტებთან.
შენახვის პირობები:
სინათლისაგან დაცულ ადგილას, არაუმეტეს 25C ტემპერატურაზე.
არ გაყინოთ! შეინახეთ ბავშვებისათვის მიუწვდომელ ადგილას!
აფთიაქიდან გაცემის პირობები:
ურეცეპტოდ.

შემადგენლობა**:**
ერთი სუპოზიტორია შეიცავს ინდომეტაცინს -100მგ
დამხმარე ნივთიერებები: აეროსილი, პარაფინის ზეთი (მედოლი), გლიცერიდები (ლიპექსი)**
ფარმაკოთერაპიული ჯგუფი:** არასტეროიდული ანთების საწინააღმდეგო საშუალება.
ახასიათებს ანალგეზიური ანთების საწინააღმდეგო მოქმედება, რაც განპირობებულია პროსტაგლანდინების სინთეზის დათრგუნვით. ხელს უშლის თრომბოციტების აგრეგაციას. ხელს უწყობს სხვადასხვა წარმოშობის ტკივილის სინდრომის შესუსტებას, განსაკუთრებით სახსრების ტკივილებს მოსვენების და მოძრაბის პერიოდში, ამცირებს სახსრების დილის შებოჭილობას და შეშუპებას, ზრდის მოქმედების მოცულობას. ანთების საწინააღმდეგო ეფექტი დგება მკურნალობის პირველი კვირის ბოლოს.**
**თერაპიული ჩვენება

• სახსრების სინდრომი (მათ შორის რევმატოიდული ართრიტი, ოსტეოართრიტი, ანკილოზური სპონდილიტი, პოდაგრა)
• საყრდენ-მამოძრავებელი სისტემის ტრამვები
• რევმატიზიმი
• შემაერთებელი ქსოვიის დიფუზური დაავადებები
• ნევრალგია
• დისმენორეა
• ანდეკსიტი (კომპლექსური თერაპიის შემადგენლობაში)
• პროსტატიტი (კომპლექსური თერაპიის შემადგენლობაში)
• ყელ-ყურ-ცხვირის ანთებით-ინფექციური დაავადებების დროს (კომპლექსური თერაპიის შემადგენლობაში)
  უკუჩვნება
  მომატებული მგრძნობელობა ინდომეტაცინის მიმართ; კუჭ-ნაწლავის ტრაქტის ეროზიულ- წყლულოვანი დაზიანებები გამწვავების ფაზაში, «ასპირინული» ასთმა, გარეგანი სისხლდენები, ღვიძლის და/ან თირკმელების ფუნქციის გამოხატული დარღვევები; ქრონიკული გულის უკმარისობის მძიმე ფორმა, არტერიული ჰიპერტონია, პანკრეატიტი; ორსულობა (3 სემესტრი), ბავშვის ასაკი (14 წლამდე), პროქტიტი.
  ურთიერთქმედება სხვა პრეპარატებთან
  ინდომეტაცინი აძლიერებს ანტიკოაგულანტების და სულფანილამიდების მოქმდებას, ინდომეტაცინი ასუსტებს ფუროსემიდის და თიაზიდების მოქმედებას, ნატრიუმის სისხლში შეკავების ხარჯზე.**
  ფარმაკოკინეტიკური ურთიერთქმედება
  სალიცილატების დანიშვნა ინდომეტაცინთან ერთად ამცირებენ მის კონცეტრაციას სისხლში. ერთდროულის მიღებისას, ინდომეტაცინი ზრდის პენიცილინის ნახევაგამოყოფის პერიოდს.
  ერთდროული გამოყენებისას ინდომეტაცინი ზრდის ლითიუმის შემცველობას პლაზმაში.
  განსაკუთრებული მითითებები
  პრეპარატს სიფრთხილით უნიშნავენ ეპილეფსიით, პარკინსონით დაავადებულებს; აგრეთვე ფსიქიკური დარღვევების, სისხლის შედედების სისტემის დარღვევის, მხედველობის და სმენის დარღვევისას და ხანშიშესულებს. რევმატოიდული ართრიტის მძიმე ფრომებისას ინდომეტაცინი ინიშენბა გლუკოკორტიკოიდებთან კომბინაციაში, ასეთ შემთხვევაში აუცილებელია უკანასკნელის დოზის შემცირება. მწვავე პოდაგრის დროს ინდომეტაცინი ინიშნება კომბინაციაში პრეპარატებთან, რომლებიც ამცირებენ შარდმჟავას დონეს სისხლის პლაზმაში. ინდომეტაცინის 150-200მგ/ 24სთ დოაზის გადაჭარბებისას პრეპარატის თერაპიული ეფექტი არ იზრდება, თუმცა ხშირია გვერდითი ეეფექტების რისკი.
  **დოზირება

რექტალურად. მოზრდილებში 1 სუპოზიტორია (50 ან 100მგ) 2-3-ჯერ დღე-ღამეში.
მაქსიმალური სადღეღამისო დოზა შეადგენს 200მგ, ხანგრძლივი გამოყენებისას არ უნდა აღემატებოდეს 75მგ. 14 წლის ზევით ასაკის ბავშვებში ნიშნავენ 1,5-2,5მგ/კგ სხეულის მასის დღე-ღამეში.რევმატოიდული ართრიტის დროს ინიშნება 50მგ ორჯერ დღეში (დილა საღამოს). მწვავე ტკივილების დროს შესაძლებელი საღამოს დოზის გაზრდა 100მგ- მდე. მწვავე პოდაგრის დროს დოზა შეიძლება გაიზარდოს 150-200მგ დღეში. დოზის შემდგომი მომატება ზრდის გვერდითი ეფექტების რისკს, ამასთან თერაპიული ეფექტი უცვლე¬ლია. თუ მკურნალობა გრძელდება ავადმყოფობის მწვავე სტადიის შემდეგაც დოზა უნდა შემცირდეს მინიმალურამდე, როდესაც შესაძლებელია ავადმყოფობის ნიშნების კონტროლი.
გვერდითი ეფექტები
კუჭ-ნაწლავის ტრაქტი, ღვიძლი: გულისრევა, ღებინება, დისპეპტიური მოვლენები, მადის დაკარგვა, ტკივილები ეპიგასტრიუმში, დიარეა, ღვიძლის ფუნქციის დარღვევა; იშვიათად პერფორაცია, სისხლდენები, ტოქსიკური ჰეპატიტი.
ცენტრალური ნერვული სისტემა და გრძნობის ორგანოები: თავის ტკივილი, თავბრუსხვევა, ძილიანობა, დაღლილობის შგრძნება; იშვიათად გონების არევა, გონების დაკარგვა; მხედველობის დარღვევა, ხმაური ყურებში.
გულსისხლძარღვთა სისტემა: არტერიული ჰიპოტენზია, არტერიული წნევის მომატება.
შარდმდენი სისტემა: თირკმელების ფუნქციის დარღვევები, იშვიათად ჰემატურია.
სისხლმბადი სისტემა: თომბოციტოპენია, პეიკოპენია, აპლასტიკური ანემია, ჰემოლიზური ანემია; იშვიათად აგრანულოციტოზი, ძვლის ტვინის ფუნქციის დარღვევები.
ალერგიული რეაქციები: ქავილი, კანის ანგიონერვოტული შეშუპება, ბრონქოსპაზმი.
ადგილობრივი რეაქციები: რექტალური სუპოზიტორიების გამოყენებისას შესაძლებელია ტენეზიმები, სწორი ნაწლავის ლორწოვანი გარსის გაღიზიანება, ქრონიკული კოლიტის გამწვავება.
დოზის გადაჭარბება: სიპტომები: თავის ტკივილი, თავბრუსხევეა, ღებინება, გულისრევა.
მკურნალობა: დოზის შემცირება ან პრეპარატის დორებით შეწყვეტა. სიპტომატიური მკურნალობა.
შენახვის ვადა**:** 3 წელი. არა გამოიყენოთ ვადის გასვლის შემდეგ. შეინახეთ ოთახის ტემპერატურაზე, ბავშვებისთვის მიუწვდომელ ადგილას.