საერთაშორისო დასახელება - acetylcysteine
კლინიკურ-ფარმაკოლოგიური ჯგუფი: ოტორინოლარინგოლოგია → რინიტისა და სინუსიტის დროს გამოსაყენებელი საშუალებები
შემადგენლობა
10 მლ ხსნარი შეიცავს 0,1 გ N - აცეტილცისტეინი, 0,05გ თუამინოჰეპტალის სულფატი.

ფარმაკოლოგიური თვისებები
აცეტილცისტეინის მუკოლიზურ და რეპარაციულ მოქმედებას ემატება ტუამინოჰეპტალის სულფატის ვაზოკონსტიქციული მოქმედება, რომელიც ამცირებს ცხვირისა და დამატებითი წიღების შეშუპებას, პრეპარატის ზემოქმედებით სწრაფად მცირდება ანთებითი პროცესის სიმპტომები.

ფარმაკოკინეტიკა
პრეპარატის ადგილობრივი მიღებისას მის შემადგენელ აქტიური კომპონენტებს არ გააჩნიათ სისტემური მოქმედება.

ჩვენებები
• მწვავე და ქვემწვავე რინიტი ( ლორწოვან-ჩირქოვანი გამონადენით)
• ქრონიკული რინიტი
• ვაზომოტორული რინიტი
• სინუსიტი.

მიღების წესები და დოზები
ცხვირის ღრუში პრეპარატის შესხურება ხდება სპეციალური დოზატორის საშუალებით

ბავშვები 1 დოზა (პიპეტის 1 მოჭერა)
3-4 ჯერ დღეში, თითოეულ ნესტოში
მოზრდილები 2 დოზა (პიპეტის 2 მოჭერა)
3-4 ჯერ დღეში, თითოეულ ნესტოში

მკურნალობის კურსი შეადგენს არაუმეტეს 7 დღისა.

გვერდითი მოვლენები
პრეპარატის ხშირი და ჭარბი დოზით გამოყენების შემთხვევაში შესაძლებელია გამოვლინდეს სიმპატომიმეტიკური ტიპის რეაქციები. გვერდითი მოვლენები ქრება მკურნალობის მოხსნისთანავე.

უკუჩვენება
პრეპარატი არ გამოიყენება ანტიდეპრესანტებთან ერთად.

განსაკუთრებული მითითებები
სიფრთხილის ზომები : 3 წლამდე ასაკის ბავშვებში ინიშნება სიფრთხილით.

შენახვის პირობები და ვადები
ინახება ბავშვებისათვის მიუწვდომელ ადგილას, არაუმეტეს 25oC ტემპერატურაზე.
შენახვის ვადა:
2.5 წელი. პრეპარატი გახსნიდან ვარგისია 20 დღის განმავლობაში.

რინოფლუიმუცილი®

სამკურნალო საშუალების სავაჭრო დასახელება: რინოფლუიმუცილი®

ზოგადი დახასიათება

საერთაშორისო არაპატენტირებული დასახელება: -

ქიმიური დასახელება: (R)-2-აცეტამიდი-3-მერკაპტოპროპიონის მჟავა (აცეტილცისტეინი) + 1-მეთილჰექსილამინი (ტუამინოჰეპტანის სულფატი).

შემადგენლობა

1 მლ ხსნარი შეიცავს აქტიურ ნივთიერებებს: აცეტილცისტეინი 10,0 მგ, ტუამინოჰეპტანის სულფატი 5,0 მგ; დამხმარე ნივთიერებები: ბენზალკონიუმის ქლორიდი 0,1 მგ, ჰიპრომელოზა 7,5 მგ, დინატრიუმის ედეტატი 0,2 მგ, ნატრიუმის დიჰიდროფოსფატი 3,0 მგ, ნატრიუმის ჰიდროფოსფატის დოდეკაჰიდრატი 3,0 მგ, დითიოთრეიტოლი 1,0 მგ, სორბიტოლი 70% 20,0 მგ, პიტნის არომატიზატორი 0,188 მგ, ეთანოლი 96% 3,1 მგ, ნატრიუმის ჰიდროქსიდი 3,6 მგ, გასუფთავებული წყალი 1 მლ-მდე.

აღწერილობა. პრაქტიკულად უფერო, გამჭვირვალე სითხე დამახასიათებელი პიტნის, ოდნავ გოგირდის სუნით.

წამლის ფორმა: ცხვირის სპრეი

ფარმაკოთერაპიული ჯგუფი : ცხვირის დაავადებების სამკურნალო საშუალება. სიმპატომიმეტურები კომბინაციაში სხვა საშუალებებთან, კორტიკოსტეროიდების გარდა.

ფარმაკოლოგიური თვისებები

ფარმაკოდინამიკა

სამკურნალო პრეპარატის მუკოლიზური და სისხლძარღვების შემავიწროვებელი თვისებები მოქმედი ნივთიერებების ფარმაკოლოგიური თვისებებით აიხსნება.

N-აცეტილცისტეინს მუკოლიზური აქტივობა გააჩნია თავისუფალი სულფჰიდრული ჯგუფის არსებობის ხარჯზე, რომელიც ლორწოს გლიკოპროტეინების დისულფიდური კავშირების დაშლის გზით ახდენს გამათხელებელ მოქმედებას ნაზოფარინგეალურ სეკრეტზე.

ტუამინოჰეპტანის სულფატი - სიმპატომიმეტური ამინია, ადგილობრივი გამოყენებისას ახდენს სისხლძარღვების შემავიწროვებელ მოქმედებას სისტემური ეფექტების გარეშე.

ფარმაკოკინეტიკა

პრეპარატის აქტიური კომპონენტები არ აბსორბირდება სისხლდინებაში აქტიური დოზებით სისტემური გამოყენებისას.

გამოყენების ჩვენებები

- მწვავე და ქვემწვავე რინიტი, განსაკუთრებით ლორწოვან-ჩირქოვანი და ძნელად მოსაშორებელი სეკრეტით.

- ქრონიკული და მუკოკრუსტოზური რინიტი.

- ვაზომოტორული რინიტი.

- სინუსიტი.

გამოყენების წესი და დოზები

პრეპარატი შეიყვანება ცხვირის ღრუში სპრეის სახით სპეციალური სასხურებლის მეშვეობით.

მოზრდილებში: სპრეის 2 დოზა (2 დაჭერა სარქველზე) თითოეულ ნესტოში 3-4-ჯერ დღეში.

12 წელზე უფროს ბავშვებში: სპრეის 1 დოზა (1 დაჭერა სარქველზე) თითოეულ ნესტოში 3-4-ჯერ დღეში.

რეკომენდებული დოზების გადაჭარბება არ შეიძლება.

ფლაკონის გახსნის შემდეგ შიგთავსის გამოყენება შეიძლება 20 დღის განმავლობაში.

გვერდითი მოქმედება

პრეპარატის ხშირი გამოყენება მაღალი დოზირებით შეიძლება გახდეს სიმპატომიმეტური ბუნების გვერდითი ეფექტების (როგორებიცაა მომატებული აგზნებულობა, გახშირებული გულისცემა, ტრემორი და სხვ.) მიზეზი. ზოგჯერ შესაძლებელია წარმოიქმნას ცხვირისა და ხახის ლორწოვანი გარსის სიმშრალე, ასევე ფერისმჭამელებიანი გამონაყარი. თუმცა, ეს ეფექტები მთლიანად ქრება მკურნალობის შეწყვეტის შემდეგ. შემდეგი არასასურველი რეაქციები შეიძლება უკავშირდებოდეს პრეპარატ რინოფლუიმუცილის® გამოყენებას; მათი წარმოქმნის სიხშირე უცნობია (არსებული მონაცემების საფუძველზე შეფასება შეუძლებელია):

ორგანოთა სისტემის კლასი | არასასურველი რეაქციები
---|---
დარღვევები იმუნური სისტემის მხრივ | ჰიპერმგრძნობელობა
ფსიქიკური აშლილობები | განსაკუთრებით ხანგძლივი და/ან ხშირი გამოყენებისას: შფოთვა, ჰალუცინაციები, ბოდვა
დარღვევები ნერვული სისტემის მხრივ | განსაკუთრებით ხანგძლივი და/ან ხშირი გამოყენებისას: თავის ტკივილი, მოუსვენრობა, აგზნებულობა, უძილობა, ტრემორი
დარღვევები გულის მხრივ | განსაკუთრებით ხანგძლივი და/ან ხშირი გამოყენებისას: გულისცემა, ტაქიკარდია, არითმია
დარღვევები სისხლძარღვების მხრივ | ჰიპერტენზია

დარღვევები სასუნთქი სისტემის, მკერდის უჯრედის ორგანოებისა და შუასაყარის მხრივ | განსაკუთრებით ხანგძლივი და/ან ხშირი გამოყენებისას: სიმშრალე ცხვირის ღრუში, დისკომფორტი ცხვირის და ხახის ღრუში, ცხვირის შეგუბება
დარღვევები საჭმლის მომნელებელი მხრივ | ღებინება
დარღვევები კანისა და კანქვეშა უჯრედისის მხრივ | ჭინჭრის ციება, გამონაყარი
დარღვევები საშარდე სისტემის მხრივ | შარდის შეკავება
ზოგადი აშლილობები და დარღვევები შეყვანის ადგილას | განსაკუთრებით ხანგძლივი და/ან ხშირი გამოყენებისას: გაღიზიანება, წამლის შეჩვევა

ჩამოთვლილი გვერდითი რეაქციების გამოვლენისას, ასევე რეაქციების, რომლებიც არ არის აღწერილი ამ ინსტრუქციაში, აუცილებელია ექიმთან მიმართვა.
უკუჩვენებები

- ჰიპერმგრძნობელობა აქტიური კომპონენტის ან ნებისმიერი დამხმარე ნივთიერების მიმართ.

- დახურულკუთხოვანი გლაუკომა.

- ჰიპერთირეოზი.

- არ შეიძლება გამოყენება მონოამინოოქსიდაზების (მაო) ინჰიბიტორებით მკურნალობის დროს და 2 კვირის განმავლობაში მკურნალობის დასრულებიდან.

- 12 წელზე უმცროსი ბავშვები.

- ფეოქრომოციტომა.

- სხვა სიმპატომიმეზურებთან, მათ შორის სხვა ნაზალურ საშუალებებთან ერთად გამოყენება.

- ჰიპოფიზექტომია ან ქირურგიული ჩარევები ტვინის მაგარი გარსზე.

ჭარბი დოზა

ჭარბი დოზის შემთხვევაში შეიძლება განვითარდეს არტერიული ჰიპერტენზია, სინათლის შიში, თავის ძლიერი ტკივილი, მოჭერის შეგრძნება გულმკერდის არეში, ასევე ბავშვებში შესაძლებელია განვითარდეს ჰიპოთერმია გონების გამოხატული დათრგუნვით. ყველა ეს ეფექტი საჭიროებს გადაუდებელი და ადეკვატური სამედიცინო დახმარების ჩატარებას.

სიფრთხილის ზომები

პაციენტებში გულ-სისხლძარღვთა დაავადებებით, განსაკუთრებით პაციენტებში არტერიული ჰიპერტენზიით, ნაზალური ანტიკონგესციურების გამოყენება ყოველთვის უნდა ჩატარდეს ექიმის კონტროლის ქვეშ.

ასთმით, სისხლძარღვების ოკლუზიური დაავადებებით, შაქრიანი დიაბეტით დაავადებულებში, და ბეტა-ბლოკატორებით თერაპიის დროს პრეპარატის გამოყენება უნდა მოხდეს სიფრთხილით.

რინოფლუიმუცილი® ასევე ფრთხილად უნდა იქნას გამოყენებული ბავშვებში იმის გათვალისწინებით, რომ 12 წლამდე ასაკის ბავშვებში პრეპარატის გამოყენება უკუნაჩვენებია.

სისხლძარღვების შემავიწროვებელი პრეპარატების ხანგრძლივად გამოყენებას შეუძლია ცხვირის ღრუს და პარანაზალური სინუსების ლორწოვანი გარსის ნორმალური ფუნქციის დარღვევა, და ამით პრეპარატთან შეჩვევის გამოწვევა. ამიტომ, ადგილობრივი სისხლძარღვების შემავიწროვებელი პრეპარატების ხშირად ხანგრძლივი დროის განმავლობაში გამოყენება შეიძლება გახდეს გვერდითი ეფექტების განვითარების მიზეზი.

პრეპარატის გამოყენება სიფრთხილით უნდა მოხდეს ხანდაზმულ ადამიანებში და პაციენტებში წინამდებარე ჯირკვლის ჰიპერტროფიით შარდვის შეკავების განვითარების რისკის გამო.

ადგილობრივი სისხლძარღვების შემავიწროვებელი პრეპარატების ხანგრძლივად გამოყენება შეიძლება გახდეს სიმპტომების (მედიკამენტოზური რინიტი, ცხვირის შეგუბება) გაძლიერების მიზეზი. ამ შემთხვევაში პრეპარატის გამოყენება უნდა შეწყდეს, და, საჭიროების შემთხვევაში, ჩატარდეს შესაბამისი თერაპია. რამდენიმე დღის განმავლობაში სრული თერაპიული ეფექტის არარსებობისას, საჭიროა ექიმთან კონსულტაცია; მკურნალობის ხანგრძლივობა არ უნდა აღემატებოდეს 7 დღეს.

ექიმის გადაწყვეტილებით, პრეპარატის ფარმაკოლოგიური მოქმედების შეთავსება შეიძლება შესაბამის ანტიბაქტერიულ თერაპიასთან.

ტუამინოჰეპტანის სულფატს შეუძლია დოპინგ-ტესტის დადებითი შედეგის ჩვენება.

ეს პრეპარატი ოფთალმოლოგიური გამოყენებისთვის განკუთვნილი არ არის.

პრეპარატის შემადგენლობაში შემავალმა კონსერვანტმა ბენზალკონიუმის ქლორიდმა შეიძლება გამოიწვიოს რეაქციები კანის მხრივ (გაღიზიანება) და ბრონქოსპაზმი.

ურთიერთქმედება სხვა სამკურნალო საშუალებებთან

ინტრანაზალური გამოყენებისას ტუამინოჰეპტანის დაბალი სისტემური აბსორბციის მიუხედავად, გასათვალისწინებელია შემდეგი პოტენციური ურთიერთქმედებები:

- მაო ინჰიბიტორები, მათ შორის შექცევადი: შეიძლება გაიზარდოს ჰიპერტონიული კრიზის განვითარების რისკი;

- ანტიჰიპერტენზიული საშუალებები (ადრენერგიული ნეირონების ბლოკატორების და β-ბლოკატორების ჩათვლით): შეიძლება წინააღმდეგობა გაუწიოს ჰიპოტენზიურ მოქმედებას;

- საგულე გლიკოზიდები: შეიძლება გაიზარდოს გულის არითმიის განვითარების რისკი;

- ერგოტის ალკალოიდები: შეიძლება გაიზარდოს ერგოტიზმის განვითარების რისკი;

- პარკინსონის საწინააღმდეგო საშუალებები: შეიძლება გაიზარდოს გულ- სისხლძარღვთა ტოქსიკურობის განვითარების რისკი;

- ოქსიტოცინი: შეიძლება გაიზარდოს ჰიპერტენზიის განვითარების რისკი.

შეუთავსებლობა

ამჟამად უცნობია.

ორსულობა და ლაქტაცია

ორსულობა

მონაცემები, მიღებული ორსულობის დროს აცეტილცისტეინის გამოყენების შემთხვევების შეზღუდული რაოდენობიდან, არ მიუთითებს ამ სამკურნალო საშუალების უარყოფით ზემოქმედებას ორსულობის მიმდინარეობაზე, ნაყოფის ან ახალშობილიხ ჯანმრთელობაზე. ამჟამად სხვა მნიშვნელოვანი ეპიდემიოლოგიური მონაცემები არ არსებობს. ცხოველებზე ჩატარებული კვლევები არ მიუთითებს აცეტილცისტეინის პირდაპირ ან ირიბ მავნე ზემოქმედებას რეპროდუქციული ფუნქციაზე.

მონაცემები ორსულობის დროს ტუამინოჰეპტანის ზეგავლენის შესახებ ან ანალოგიური კვლევები ცხოველებზე არ არსებობს.

პრეპარატის გამოყენება ორსულობის დროს რეკომენდებული არ არის.

ლაქტაცია

მონაცემები აცეტილცისტეინის ან ტუამინოჰეპტანის დედის რძესთან ერთად ექსკრეციის შესახებ არ არსებობს, ამიტომ მეძუძურმა დედებმა ეს პრეპარატი არ უნდა გამოიყენონ.

ზეგავლენა სატრანსპორტო საშუალებების და მექანიზმების მართვის უნარზე

მონაცემები სატრანსპორტო საშუალებების და მექანიმების მართვის უნარზე პრეპარატის ზეგავლენის შესაძლებლობის შესახებ არ არსებობს.

შენახვის პირობები და ვადა

ინახება 15-დან 250C ტემპერატურაზე.

შეინახეთ ბავშვებისათვის მიუწვდომელ ადგილებში.

შენახვის ვადა

2,5 წელი.

ფლაკონის გახსნიდან შიგთავსის გამოყენება შეიძლება 20 დღის განმავლობაში.

შეფუთვაზე მითითებული ვარგისობის ვადის გასვლის შემდეგ გამოყენება არ შეიძლება.

გაცემის პირობები

ფარმაცევტული პროდუქტის ჯგუფი III, გაიცემა რეცეპტის გარეშე.

შეფუთვა

ნაზალური სპრეი.

10 მლ ნარინჯისფერი შუშის ფლაკონში. 1 ფლაკონი სასხურებელთან და გამოყენების ინსტრუქციასთან ერთად მუყაოს კოლოფში.