შემადგენლობა და გამოშვების ფორმა
ორალური სუსპენზია.: ფლაკონში 5 მლ, შეფუთვაში 10 ფლაკონი. 5 მლ
Bacillus clausii-ის პოლიანტიბიოტიკ-რეზისტენტული სპორები . . . . . . 2 მილიარდი

დამხმარე ნივთიერება: გამოხდილი სტერილური წყალი.
კაფსულები: შეფუთვაში 12 კაფსულა
Bacillus clausii-ის პოლიანტიბიოტიკ-რეზისტენტული სპორები . . . . . . 2 მილიარდი

კლინიკურ-ფარმაკოლოგიური ჯგუფი
დიარეის საწინააღმდეგო საშუალება.

ფარმაკოლოგიური თვისებები
პრეპარატი წარმოადგენს კუჭ-ნაწლავისათვის დამახასიათებელი ნორმული ორგანიზმების Bacillus clausii-ის სპორების სუსპენზიის შემცველ პრეპარატს, რომელთაც არ ახასიათებთ არავითარი დაავადების გამომწვევი მოქმედება. ორალური გზით მისაღები Bacillus clausii-ის სპორები, მათთვის დამახასიათებელი როგორც ქიმიური, ასევე ფიზიკური საშუალებების მიმართ მაღალი რეზისტენტულობის გამო, ლახავენ კუჭის წვენის ბარიერს და აღწევენ კუჭ-ნაწლავის ტრაქტში, სადაც ისინი გარდაიქმნებიან მეტაბოლიზმის მხრივ აქტიურ ვეგეტატიურ უჯრედებად.
პრეპარატის მიღება ხელს უწყობს სხვადასხვა წარმოშობის დისბაქტერიოზით ჩატარებული მკურნალობის კურსის განმავლობაში დარღვეული კუჭ-ნაწლავის მიკრობული ფლორის აღდგენას, Bacillus clausii-ის მოქმედების წყალობით. გარდა ამისა, Bacillus clausii-ს შეუძლია სხვადასხვა ვიტამინების, განსაკუთრებით კი B ჯგუფის ვიტამინების წარმოქმნა. იგი ხელს უწყობს ანტიბიოტიკებითა და ქიმიოთერაპიული საშუალებებით გამოწვეული დევიტამინოზის კორექციას. პრეპარატი შესაძლებელს ხდის არასპეციფიკური ანტიგენური და ანტიტოქსიკური მოქმედების განხორციელებას, რაც მჭიდროდ არის დაკავშირებული ცლაუსიი-ის მეტაბოლურ მოქმედებასთან.
ანტიბიოტიკების მიმართ ხელოვნურად გამოწვეული ჰეტეროლოგიურ რეზისტენტულობასთან ერთად, იგი უზრუნველყოფს თერაპიული ბაზის შექმნას კუჭ-ნაწლავის მიკრობული ფლორის დარღვევის პრევენციის მიზნით, რაც თან ახლავს განსაკუთრებით ფართო სპექტრის ანტიბიოტიკების სელექციურ მოქმედებას ან აღადგენს მის ბალანსს.
ანტიბიოტიკების მიმართ გამოხატული რეზისტენტობის გამო, პრეპარატის მიღება ხდება ანტიბიოტიკის ორ დოზას შორის არსებულ ინტერვალში. ანტიბიოტიკის მიმართ რეზისტენტობა ვრცელდება პენიცილინზე, ცეფალოსპორინებზე, ტეტრაციკლინზე, მაკროლიდებზე, ამინოგლიკოზიდებზე, ნოვობიცინზე, ქლორამფენიკოლზე, თიამფენიკოლზე, ლინკომიცინზე, იზონიაზიდზე, ციკლოსერინზე, რიფამპიცინზე, ნალიდიქსის მჟავასა და პიპემიდინის მჟავაზე.

ჩვენებები
- დისბაქტერიოზისა და შემდგომი ენდოგენური დევიტამინოზის მკურნალობა და პროფილაქტიკა;
- ანტიბიოტიკებითა თუ ქიმიოთერაპიული საშუალებებით ჩატარებული მკურნალობის განმავლობაში დარღვეული კუჭ-ნაწლავის მიკრობული ფლორის აღდგენის თანმხლები თერაპია;
- კუჭ-ნაწლავის ფუნქციის მწვავე ან ქრონიკული დარღვევები ჩვილებში, რაც დამახასიათებელია ინტოქსიკაციისა და კუჭ-ნაწლავის დისბაქტერიოზისა და დევიტამინოზისათვის.

დოზირების რეჟიმი
მოზრდილები: 2-3 ფლაკონი ან 2-3 კაფსულა დღეში.
ბავშვები: 1-2 ფლაკონი დღეში (6 წლიდან – 1-2 კაფსულა დღეში); ჩვილები: 1-2 ფლაკონი დღეში, გარდა იმ შემთხვევისა, თუ ექიმი სხვაგვარად განსაზღვრავს.
პრეპარატი მიიღება რეგულარული ინტერვალებით (3-4 საათი), ფლაკონის შიგთავსის განზავებით დამტკბარ წყალში, რძეში, ჩაისა თუ ფორთოხლის წვენში. კაფსულა მიიღება მცირე რაოდენობის წყლის ან სხვა სითხის მიყოლებით.

გვერდითი მოვლენები
არსებობს ცნობები ისეთი ალერგიული რეაქციების შესახებ, როგორიცაა გამონაყარი და ჭინჭრის ციება, რომლებიც მიღებულია პრეპარატის გამოყენების შედეგად.

უკუჩვენებები
პრეპარატის შემადგენლობაში შემავალი კომპონენტების მიმართ დადგენილი მომატებული მგრძნობელობა.

ორსულობა და ლაქტაცია
ორსულობისა და ლაქტაციის პერიოდში პრეპარატის მიღებასთან დაკავშირებით უკუჩვენებები ცნობილი არ არის.

განსაკუთრებული მითითებები
სპეციალური უსაფრთხოების ზომები: პრეპარატი ფლაკონში ხილული ნაწილაკების შესაძლო არსებობა გამოწვეულია Bაცილლუს ცლაუსიი-ის სპორების დაგროვებით და, შესაბამისად, არ მიუთითებს პრეპარატში მოხდარ ცვლილებას.
პრეპარატის მიღებამდე შეანჯღრიეთ ფლაკონი.
გაფრთხილება გამოყენებასთან დაკავშირებით: ანტიბიოტიკებით ჩატარებული მკურნალობის კურსის დროს, პრეპარატი მიიღება ანტიბიოტიკის დოზებს შორის ინტერვალში.

ავტომობილის ან სხვა მექანიზმების მართვის შესაძლებლობაზე ზემოქმედება: პრეპარატი არავითარ გავლენას არ ახდენს ავტომობილის ან სხვა მექანიზმების მართვის შესაძლებლობაზე.

განსაკუთრებული მითითება:
მხოლოდ პერორალური გამოყენებისათვის!
დაუშვებელია პრეპარატის გამოყენება ინექციის სახით!

ჭარბი დოზირება
დღემდე ჭარბი დოზირების კლინიკური მაჩვენებლები არ გამოვლენილა.

სხვა წამლებთან ურთიერთქმედება
სხვა სამკურნალო საშუალებებთან ერთდროულ მიღებასთან დაკავშირებით ურთიერთქმედების თაობაზე მონაცემები ცნობილი არ არის.

შენახვის პირობები და ვადა
პრეპარატი ინახება არა უმეტეს 30°C ტემპერატურაზე, ბავშვებისთვის მიუწვდომელ ადგილას.
ვარგისიანობის ვადა: ფლაკონი - სტაბილურობა გაუხსნელ კონტეინერში - 24 თვე. კაფსულები – 36 თვე;
სტაბილურობა ბოთლის გახსნის შემდეგ: პრეპარატის მიღება უნდა მოხდეს ძალიან მოკლე პერიოდის განმავლობაში, რათა თავიდან აიცილოთ ხსნარის დაბინძურება.

შემადგენლობა: ერთი ფლაკონი (5მლ) შეიცავს: აქტიურ ნივთიერებას: Bacillus clausii-ის ანტიბიოტიკ-პოლირეზისტენტულ სპორებს-4 მილიარდი; დამხმარე ნივთიერება: გასუფთავებული წყალი-5მლ-მდე.

ჩვენება: ნაწლავური დისბაქტერიოზისა და შემდგომი ენდოგენური დევიტამინოზის მკურნალობა და პროფილაქტიკა. ანტიბიოტიკებითა თუ ქიმიოთერაპიული საშუალებებით ჩატარებული მკურნალობის განმავლობაში გადაგვარებული ნაწლავის მიკრობული ფლორის აღდგენის დასახმარებელი თერაპია.

უკუჩვენებები: მომატებული მგრძნობელობა პრეპარატის მოქმედი ნივთიერების ან რომელიმე ინგრედიენტების მიმართ.

გამოყენების წესი და დოზირება: მიიღება მხოლოდ პერორალურად ანუ შიგნით!
დაუშვებელია ინექციის სახით გაკეთება! საჭიროა პრეპარატის დალევა! არ შეიძლება ნებისმიერი სხვა გზით მიღება!

დოზირება: მოზრდილები: 1 ფლაკონი დღეში. მოზრდილთათვის დღიური დოზა შეადგენს: 4-6 მილიარდ Bacillus clausii-ის სპორს დღე-ღამეში.
ფლაკონი ენტეროჯერმინა ფორტე 4მლრდ-5მლ არ იყოფა!
პაციენტის მდგომარეობის მიხედვით მკურნალ ექიმს შეუძლია რეკომენდაცია გაუწიოს სხვა დღიურ დოზირებას, რომელიც არ შეადგენს 4 მლრდ-დღე-ღამეში, რისთვისაც საჭირო იქნება ენტეროჯერმინას სხვა კონცენტრაცია.
როდესაც პრეპარატი ინიშნება ბავშვებში, მათ შორის ჩვილ ბავშვებში, დოზით 4 მლრდ- ზე ნაკლები Bacillus clausii-ის სპორი დღე-ღამეში, ენტეროჯერმინა ფორტე 4 მლრდ-5მლ ფლაკონში არ უზრუნველყოფს ადეკვატურ დოზირებას, ამიტომ საჭირო იქნება პრეპარატი ენტეროჯერმინა, რომელიც შეიცავს Bacillus clausii-ის სპორებს ნაკლები კონცენტრაციით.

მიღების წესი: საჭიროა ფლაკონების ლენტიდან ფლაკონის მოხსნა, ფლაკონის შენჯღრევა. ფლაკონის ზედა ნაწილი უნდა დაატრიალონ საათის ისრის მიმართულებით და მოხსენან. ფლაკონის შიგთავსი გააზავონ დამტკბარ წყალში, რძეში, ჩაისა თუ ფორთოხლის წვენში ან მიიღონ პრეპარატი წინასწარი გაზავების გარეშე.

განსაკუთრებული მითითება და გაფრთხილება გამოყენებასთან დაკავშირებით: განსაკუთრებული მითითება: ანტიბიოტიკების თერაპიის კურსის დროს ენტეროჯერმინა ფორტეს გამოყენების შემთხვევაში რეკომენდებულია პრეპარატის მიღება ანტიბიოტიკის ორი თანმიმდევრული დოზის მიღებებს შორის (მაგალითად, ანტიბაქტერიული პრეპარატის მიღებიდან 2-3 საათის შემდეგ). ენტეროჯერმინა ფორტეს ფლაკონში ხილული ნაწილაკების შესაძლო არსებობა გამოწვეულია Bacillus clausii-ის სპორების აგრეგატებით და ამიტომ არ მიუთითებს პრეპარატში მომხდარ ცვლილებას. პრეპარატის მიღებამდე საჭიროა ფლაკონის შენჯღრევა.

სიფრთხილის ზომები: მიიღება მხოლოდ პერორალურად! დაუშვებელია ინექციის სახით გაკეთება! პაციენტმა პრეპარატი უნდა დალიოს! დაუშვებელია ნებისმიერი სხვა გზით მიღება!
სამკურნალო საშუალების არასწორად მიღების შემთხვევაში შესაძლებელია მძიმე ალერგიული რეაქციების განვითარება, როგორიცაა ანაფილაქსიური შოკი.
პრეპარატი არ ინახება ფლაკონის გახსნის შემდეგ, რათა თავიდან იქნეს აცილებული სუსპენზიის დაბინძურება.

ორსულობა და ლაქტაცია: ორსულობისა და ლაქტაციის პერიოდში მოცემული პრეპარატის მიღება უკუნაჩვენები არ არის.

შესაძლო გვერდითი მოვლენები: პოსტმარკეტინგული კვლევის დროს გამოვლენილია შემდეგი შესაძლო გვერდითი მოვლენები: ალერგიული რეაქციები: როგორიცაა გამონაყარი და ჭინჭრის ციება. კანისა და კანქვეშა უჯრედისის დაავადებები: ანგიონევროზული შეშუპება.

გამოშვების ფორმა: 5მლ პოლიეთილენის ფლაკონში. 10 ფლაკონი გამოყენების ინსტრუქციასთან ერთად მუყაოს კოლოფში.

სამკურნალო ფორმა: შიგნით მისაღები სუსპენზია.

აღწერილობა: ოპალესცენტური თითქმის თეთრი ფერის სითხე.

შენახვის წესი: ინახება არაუმეტეს 30C ტემპერატურაზე, ბავშვებისათვის მიუწვდომელ ადგილას.

ვარგისიანობის ვადა: 2 წელი. ფლაკონის გახსნის შემდეგ სამკურნალო საშუალების გამოყენება უნდა მოხდეს დაუყოვნებლივ, რათა თავიდან იქნეს აცილებული სუსპენზიის დაბინძურება.

აფთიაქიდან გაცემის წესი: ურეცეპტოდ.
მწარმოებელი: სანოფი ს.პ.ა., იტალია.