სტრეპსილსი®
(STREPSILS®)

სავაჭრო დასახელება: სტრეპსილსი.
წამლის ფორმა: საწუწნი ტაბლეტები.
აღწერილობა :
სტრეპსილსი, საწუწნი ტაბლეტები: წითელი მრგვალი ტაბლეტები ანისულის სუნით, ტაბლეტის ორივე მხრიდან ასო S გამოსახულებით.
სტრეპსილსი, თაფლისა და ლიმონის საწუწნი ტაბლეტები: ყვითელი მრგვალი ტაბლეტები, ტაბლეტის ორივე მხრიდან ასო S გამოსახულებით.
სტრეპსილსი, საწუწნი ტაბლეტები მენთოლითა და ევკალიპტით: ცისფერი მრგვალი ტაბლეტები, ტაბლეტის ორივე მხრიდან ასო S გამოსახულებით.
სტრეპსილსი, ფორთოხლის საწუწნი ტაბლეტები C ვიტამინით: ნარინჯისფერი მრგვალი ტაბლეტები, ტაბლეტის ორივე მხრიდან ასო S გამოსახულებით.
სტრეპსილსი, საწუწნი ტაბლეტები ლიმონითა და ბალახებით: ნახევრადგამჭვირვალე კარამელის მასის უფერო მრგვალი ტაბლეტები, ტაბლეტის ორივე მხრიდან ასო S გამოსახულებით.
დაიშვება კარამელის მასის შიგნით ჰაერის პატარა ბუშტების არსებობა და არასწორი ნაპირები.

შემადგენლობა :
ერთი ტაბლეტი შეიცავს აქტიურ ნივთიერებებს:
2,4-დიქლორბენზილის სპირტი – 1.2 მგ, ამილმეთაკრეზოლი – 0.6 მგ.

**დამხმარე ნივთიერებები:
**
სტრეპსილსი, საწუწნი ტაბლეტები : მწარე პიტნის ზეთი, ანისულის ზეთი, ლევომენთოლი, ტარტარის მჟავა, პონსო 4R ედიკოლი, კარმაზინის ედიკოლი, თხევადი საკონდიტრო შაქრისაგან და გლუკოზისგან დამზადებული გამამაგრებელი 2.6 გ მასის ტაბლეტის მიღებამდე.

სტრეპსილსი, თაფლისა და ლიმონის საწუწნი ტაბლეტები: თაფლი, მწარე პიტნის ზეთი, ლიმონის ზეთი, ტარტარის მჟავა, ქინოლინის ყვითელი, თხევადი საკონდიტრო შაქრისაგან და გლუკოზისგან დამზადებული გამამაგრებელი 2.6 გ მასის ტაბლეტის მიღებამდე.

სტრეპსილსი მენთოლითა და ევკალიპტით: ლევომენთოლი (8 მგ), ევკალიპტის ზეთი, ტარტარის მჟავა, ინდიგო კარმინი, თხევადი საკონდიტრო შაქრისაგან და გლუკოზისგან დამზადებული გამამაგრებელი 2.6 გ მასის ტაბლეტის მიღებამდე.

სტრეპსილსი C ვიტამინით: ვიტამინი C (100 მგ), წითელ-ნარინჯისფერი არომატიზატორი 78300-34, ლევომენთოლი, პროპილენგლიკოლი, დაისისფერი ყვითელი საღებარი, პონსო 4R ედიკოლი, ტარტარის მჟავა, თხევადი გლუკოზა, თხევადი საქაროზა.
სტრეპსილსი, საწუწნი ტაბლეტები ლიმონითა და ბალახებით: ტარტარის მჟავა, ნატრიუმის საქარინატი, როზმარინის ზეთი, არომატული დანამატები, იზომალტოზა, მალტიტოლის სიროფი.

ფარმაკოთერაპიული ჯგუფი: მიკრობების საწინააღმდეგო კომბინირებული საშუალება.
ათქ კოდი: R02AA20.

ფარმაკოლოგიური მოქმედება: მიკრობების საწინააღმდეგო კომბინირებული პრეპარატი ადგილობრივი გამოყენებისათვის პირისა და ყელის ღრუში. გააჩნია ანტისეპტიკური მოქმედება. აქტიურია გრამდადებითი და გრამუარყოფითი მიკროორგანიზმების მიმართ.

გამოყენების ჩვენებები
პირისა და ყელის ღრუს ინფექციურ-ანთებითი დაავადებების მკურნალობა (ტკივილი ყლაპვისას). ლიმონითა და ბალახებით სტრეპსილსის საწუწნი ტაბლეტების გამოყენება შეუძლიათ შაქრიანი დიაბეტით დაავადებულ ადამიანებს.

უკუჩვენებები
• ჰიპერმგრძნობელობა პრეპარატის კომპონენტების მიმართ
• ბავშვთა ასაკი (5 წლამდე)

გამოყენების წესი და დოზები
მოზრდილები და 5 წელზე უფროსი ასაკის ბავშვები: გაიწუწნება 1 ტაბლეტი ყოველ 2-3 საათში. 24 საათის განმავლობაში 8 ტაბლეტზე მეტის მიღება არ შეიძლება.

გვერდითი მოქმედებები
ალერგიული რეაქციები.

ჭარბი დოზა
ნაკლებ სავარაუდოა, შესაძლო ჭარბმა დოზამ შეიძლება გამოიწვიოს დისკომფორტის შეგრძნება კნტ-ის მხრიდან. მკურნალობა სიმპტომურია.

ურთიერთქმედება სხვა სამკურნალო საშულებებთან
კლინიკურად მნიშვნელოვანი ურთიერთქმედებები სხვა პრეპარატებთან გამოვლენილი არ არის.

განსაკუთრებული მითითებები
ორსულმა და მეძუძურმა ქალებმა პრეპარატის გამოყენებამდე ექიმს უნდა გაესაუბრონ.
მითითებული დოზის გადაჭარბება არ შეიძლება.
შაქრიანი დიაბეტით დაავადებულებმა უნდა გაითვალსიწინონ, რომ ტაბლეტი დაახლოებით 2.6 გ შაქარს შეიცავს (ლიმონითა და ბალახებით სტრეპსილსის საწუწნი ტაბლეტების გარდა, რომლებიც შაქარს არ შეიცავს).

გამოშვების ფორმა
8 ან 12 ტაბლეტი ბლისტერში (პვქ/პვდქ/ალუმინი). 1 ან 2 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.

შენახვის პირობები
ინახება მშრალ, ბავშვებისაგან მიუწვდომელ ადგილას, არაუმეტეს 250C ტემპერატურაზე.

ვარგისიანობის ვადა
3 წელი.
შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება.

აფთიაქიდან გაცემის წესი
რეცეპტის გარეშე.

მწარმოებელი
“რეკიტ ბენკიზერ ჰელსქერ ინტერნეიშნლ შპს”, ტეინ როუდი, ნოტინჰემი, NG90 2DB, დიდი ბრიტანეთი.

საერთაშორისო დასახელება - amylmetacresol, dichlorobenzyl alcohol
კლინიკურ-ფარმაკოლოგიური ჯგუფი: ანტისეპტიკური საშუალებები → ანტისეპტიკური საშუალებები ადგილობრივი გამოყენებისათვის

შემადგენლობა
ერთი ტაბლეტი შეიცავს აქტიურ ნივთიერებებს: 2,4-დიქლორბენზილის სპირტს – 1,2 მგ. ამილმეტაკრეზოლს – 0,6 მგ.

ფარმაკოთერაპიული ჯგუფი: ანტისეპტიკური საშუალება.
ფარმაკოლოგიური მოქმედება
პრეპარატი ახდენს ანტისეპტიკურ მოქმედებას, აქტიურია გრამდადებითი და გრამუარყოფითი მიკროორგანიზმების მიმართ, გააჩნია ანტიმიკოზური მოქმედება.

გამოყენების ჩვენებები
პირის ღრუს და ხახის ინფექციურ-ანთებითი დაავადებები (ამსუბუქებს ტკივილს და არბილებს გაღიზიანებას ყელში).
პრეპარატის გამოყენება შეიძლება პირებში შაქრიანი დიაბეტით (არ შეიცავს შაქარს).

უკუჩვენებები
მომატებული მგრძნობელობა პრეპარატის კომპონენტების მიმართ: საქაროზა/იზომალტაზას დეფიციტი, ფრუქტოზას აუტანლობა, გლუკოზო-გალაქტოზური მალაბსორბცია.
საბავშვო ასაკი (6 წლამდე).

გამოყენება ორსულობის და ძუძუთი კვების დროს
ორსულებმა და მეძუძურ დედებმა პრეპარატის გამოყენების წინ უნდა ჩაიტარონ კონსულტაცია ექიმთან.

გამოყენების წესი და დოზირება
ადგილობრივად. მოზრდილებმა და 6 წელზე უფროსმა ბავშვებმა ნელა უნდა გაწუწნონ თითო ტაბლეტი 2-3 საათში ერთხელ.
ნუ მიიღებთ 8 ტაბლეტზე მეტს 24 საათის განმავლობაში, თერაპიის კურსის ხანგრძლივობა – 3 დღე.

გვერდითი მოქმედებები
ალერგიული რეაქციები.

ჭარბი დოზირება
ნაკლებად სავარაუდოა, შესაძლო ჭარბმა დოზირებამ შეიძლება გამოიწვიოს დისკომფორტის სიმპტომები კუჭ-ნაწლავის ტრაქტის მხრივ. მკურნალობა სიმპტომატური.
ურთიერთქმედება სხვა სამკურნალო საშუალებებთან
კლინიკურად მნიშვნელოვანი ურთიერთქმედებები სხვა პრეპარატებთან გამოვლენილი არ არის.

განსაკუთრერბული მითითებები
არ არის რეკომენდირებული პრეპარატის გამოყენება პრეპარატის შემადგენლობაში შემავალი ნებისმიერი კომპონენტის მიმართ მომატებული ინდივიდუალური მგრძნობელობის არსებობის შემთხვევაში.
პრეპარატის შემადგენლობაში შედის იზომალტაზა და მალტიტოლის სიროფი, რომელსაც შეუძლია მსუბუქი საფაღარათო მოქმედების მოხდენა. არ არის რეკომენდირებული პრეპარატის გამოყენება პაციენტებში ფრუქტოზას მემკვიდრეობითი აუტანლობით.

სიმპტომების შენარჩუნებისას ან სხეულის ტემპერატურის აწევის შემთხვევაში ან თავის ტკივილის დროს საჭიროა ექიმთან მიმართვა.

ზეგავლენა სატრანსპორტო საშუალებების, მექნიზმების მართვის უნარზე

პრეპარატი არ ახდენს გავლენას ავტოტრანსპორტის და მექანიზმების მართვის უნარზე, ასევე საქმიანობის სხვა პოტენციურად საშიში სახეობებით დაკავებაზე, რომლებიც საჭიროებენ ყურადღების მომატებულ კონცენტრაციას და ფსიქომოტორული რეაქციებია სისწრაფეს.

საერთაშორისო დასახელება - amylmetacresol, dichlorobenzyl alcohol
კლინიკურ-ფარმაკოლოგიური ჯგუფი: ანტისეპტიკური საშუალებები → ანტისეპტიკური საშუალებები ადგილობრივი გამოყენებისათვის

შემადგენლობა
ერთი ტაბლეტი შეიცავს აქტიურ ნივთიერებებს: 2,4-დიქლორბენზილის სპირტს – 1,2 მგ. ამილმეტაკრეზოლს – 0,6 მგ.

ფარმაკოთერაპიული ჯგუფი: ანტისეპტიკური საშუალება.
ფარმაკოლოგიური მოქმედება
პრეპარატი ახდენს ანტისეპტიკურ მოქმედებას, აქტიურია გრამდადებითი და გრამუარყოფითი მიკროორგანიზმების მიმართ, გააჩნია ანტიმიკოზური მოქმედება.

გამოყენების ჩვენებები
პირის ღრუს და ხახის ინფექციურ-ანთებითი დაავადებები (ამსუბუქებს ტკივილს და არბილებს გაღიზიანებას ყელში).
პრეპარატის გამოყენება შეიძლება პირებში შაქრიანი დიაბეტით (არ შეიცავს შაქარს).

უკუჩვენებები
მომატებული მგრძნობელობა პრეპარატის კომპონენტების მიმართ: საქაროზა/იზომალტაზას დეფიციტი, ფრუქტოზას აუტანლობა, გლუკოზო-გალაქტოზური მალაბსორბცია.
საბავშვო ასაკი (6 წლამდე).

გამოყენება ორსულობის და ძუძუთი კვების დროს
ორსულებმა და მეძუძურ დედებმა პრეპარატის გამოყენების წინ უნდა ჩაიტარონ კონსულტაცია ექიმთან.

გამოყენების წესი და დოზირება
ადგილობრივად. მოზრდილებმა და 6 წელზე უფროსმა ბავშვებმა ნელა უნდა გაწუწნონ თითო ტაბლეტი 2-3 საათში ერთხელ.
ნუ მიიღებთ 8 ტაბლეტზე მეტს 24 საათის განმავლობაში, თერაპიის კურსის ხანგრძლივობა – 3 დღე.

გვერდითი მოქმედებები
ალერგიული რეაქციები.

ჭარბი დოზირება
ნაკლებად სავარაუდოა, შესაძლო ჭარბმა დოზირებამ შეიძლება გამოიწვიოს დისკომფორტის სიმპტომები კუჭ-ნაწლავის ტრაქტის მხრივ. მკურნალობა სიმპტომატური.
ურთიერთქმედება სხვა სამკურნალო საშუალებებთან
კლინიკურად მნიშვნელოვანი ურთიერთქმედებები სხვა პრეპარატებთან გამოვლენილი არ არის.

განსაკუთრერბული მითითებები
არ არის რეკომენდირებული პრეპარატის გამოყენება პრეპარატის შემადგენლობაში შემავალი ნებისმიერი კომპონენტის მიმართ მომატებული ინდივიდუალური მგრძნობელობის არსებობის შემთხვევაში.
პრეპარატის შემადგენლობაში შედის იზომალტაზა და მალტიტოლის სიროფი, რომელსაც შეუძლია მსუბუქი საფაღარათო მოქმედების მოხდენა. არ არის რეკომენდირებული პრეპარატის გამოყენება პაციენტებში ფრუქტოზას მემკვიდრეობითი აუტანლობით.

სიმპტომების შენარჩუნებისას ან სხეულის ტემპერატურის აწევის შემთხვევაში ან თავის ტკივილის დროს საჭიროა ექიმთან მიმართვა.

ზეგავლენა სატრანსპორტო საშუალებების, მექნიზმების მართვის უნარზე

პრეპარატი არ ახდენს გავლენას ავტოტრანსპორტის და მექანიზმების მართვის უნარზე, ასევე საქმიანობის სხვა პოტენციურად საშიში სახეობებით დაკავებაზე, რომლებიც საჭიროებენ ყურადღების მომატებულ კონცენტრაციას და ფსიქომოტორული რეაქციებია სისწრაფეს.

სტრეპსილსი ინტენსივი

**სავაჭრო დასახელება : **სტრეპსილსი® ინტენსივი

საერთაშორისო არასაპატენტო დასახელება (INN): ფლურბიპროფენი

**სამკურნალო ფორმა: **დოზირებული სპრეი ადგილობრივი გამოყენებისთვის

შემადგენლობა

1 დოზა სპრეი (3-ჯერ დაჭერა დოზატორზე) შეიცავს:

**მოქმედი ნივთიერება: ** ფლურბიპროფენი 8,75მგ

**დამხმარე ნივთიერებები: **ბეტადექსი 22,83მგ, ნატრიუმის ჰიდროფოსფატის დოდეკაჰიდრატი 17,19 მგ, ლიმონმჟავას მონოჰიდრატი 0,63მგ, მეთილპარაჰიდროქსიბენზოატი 1,18მგ, პროპილპარაჰიდროქსიბენზოატი 0,24მგ, ნატრიუმის ჰიდროქსიდი 1,30მგ, პიტნის არომატიზატორი (PHL 175628) 1,08მგ, ალუბლის არომატიზატორი (PHL 175629) 1,35 მგ, N-2,3-ტრიმეთილ-2-იზოპროპილბუტანამიდი 0,54მგ, ნატრიუმის საქარინატი 0,27მგ, ჰიდროქსიპროპილბეტადექსი 12,09 მგ, წყალი 492,55მგ.

აღწერა

უფერო ან მოყვითალო ფერის გამჭვირვალე ხსნარი.

ფარმაკოთერაპიული ჯგუფი: არასტეროიდული ანთების საწინააღმდეგო პრეპარატი (აასს)

ფარმაკოლოგიური თვისებები

ფარმაკოდინამიკა
ფლურბიპროფენი წარმოადგენს არასტეროიდულ ანთების საწინააღმდეგო პრეპარატს (აასს), რომელიც არის პროპიონის მჟავას წარმოებული.

ფლურბიპროფენს ახასიათებს ტკივილგამაყუჩებელი, ანთების საწინააღმდეგო და სიცხის დამწევი მოქმედება ციკლოოქსიგენაზა-1-ის (COX-1) და ციკლოოქსიგენაზა-2-ის (COX-1) ინჰიბირების შედეგად COX-1-ის მიმართ შერჩევითი დამოკიდებულებით, რასაც მოსდევს პროსტაგლანდინების გამომუშავების შემცირება, რომლებიც არის ტკივილის, ანთებისა და ჰიპერთერმიული რეაქციის მედიატორები.

ერთჯერადი დოზით (3-ჯერ დაჭერა დოზატორზე) პრეპარატის გამოყენებისას, მტკივნეულობისა და გაძნელებული ყლაპვის შემცირება ვლინდება მიღებიდან 5 წუთში, ტკივილის მნიშვნელოვნად შემცირება - 20 წუთში, შეშუპების შემცირება - 30 წუთში. ტკივილგამაყუჩებელი და შეშუპების საწინააღმდეგო მოქმედება გრძელდება დაახლოებით 6 საათის მანძილზე.

ფარმაკოკინეტიკა

პრეპარატის ერთჯერადი დოზის გამოყენებისას (3-ჯერ დაჭერა დოზატორზე) პირ-ხახის ლორწოვან გარსზე ფლურბიპროფენი სწრაფად შეიწოვება და 2-5 წუთის შემდეგ ხვდება სისხლის პლაზმაში. ფლურბიპროფენის მაქსიმალური კონცენტრაცია სისხლის პლაზმაში მიიღწევა გამოყენებიდან 30 წუთის შემდეგ და შეადგენს 1.6 მკგ/მლ-ს, რაც 4-ჯერ ნაკლებია 50მგ ფლურბიპროფენის პერორალურ მიღებასთან შედარებით. ეს პრეპარატი სწრაფად უკავშირდება სისხლის პლაზმაში ცილებს და გადანაწილდება მთელ ორგანიზმში. ფლურბიპროფენი მეტაბოლიზდება ძირითადად ჰიდროქსილირების გზით და გამოიყოფა თირკმლებით, ნახევარგამოყოფის პერიოდი (Т1/2) შეადგენს 3-6 საათს. პრეპარატის პერორალური დოზის დაახლოებით 20-25% გამოიყოფა თირკმელებით შეუცვლელი სახით.

ჩვენებები

სიმპტომატური საშუალების სახით ყელში ტკივილის შესამსუბუქებლად ზედა სასუნთქი გზების ინფექციურ-ანთებითი დაავადებების დროს.

უკუჩვენებები

ფლურბიპროფენისადმი ან პრეპარატის ნებისმიერი კომპონენტისადმი მომატებული მგრძნობელობა.
ანამნეზში ჰიპერმგრძნობელობითი რეაქციის არსებობა (ბრონქული ასთმა, ბრონქოსპაზმი, რინიტი, კვინკეს შეშუპება, ჭინჭრის ციება, ცხვირის ან ცხვირის ირგვლივი წიაღების მორეციდივე პოლიპოზი) აცეტილსალიცილის მჟავის ან სხვა აასს-ის გამოყენებაზე პასუხად.
კუჭ-ნაწლავის ტრაქტის ეროზიულ-წყლულოვანი დაავადებები (მათ შორის, კუჭისა და თორმეტგოჯა ნაწლავის წყლულოვანი დაავადება), წყლულით გამოწვეული სისხლდენები აქტიურ ფაზაში ან ანამნეზში (წყლულოვანი დაავადების ან წყლულოვანი სისხლდენის ორი ან უფრო მეტი დადასტურებული ეპიზოდი).
კუჭ-ნაწლავის ტრაქტის წყლულიდან სისხლდენა ან პერფორაცია, წყლულოვანი კოლიტი, ჰემორაგიული და ჰემოპოეტური დარღვევები ანამნეზში, რომელთა პროვოცირება მოხდა აასს-ის გამოყენების შედეგად.
ორსულობა (III ტრიმესტრი).
ძუძუთი კვებაზე ყოფნა
ბავშვები 12 წლამდე
ღვიძლის მძიმე უკმარისობა ან ღვიძლის დაავადება აქტიურ ფაზ.
თირკმლის მძიმე ხარისხის უკმარისობა (კრეატინინის კლირენსი < 30 მლ/წთ-ზე).
გულის დეკომპენსირებული უკმარისობა
პერიოდი აორტოკორონარული შუნტირების შემდეგ
დადასტურებული ჰიპერკალიემია
გლუკოზა-6-ფოსფატ დეჰიდროგენაზას დეფიციტი
ჰემოფილია და სისხლის შედედების სხვა დარღვევები (მათ შორის ჰიპოკოაგულაცია), ჰემორაგიული დიათეზი.

სიფრთხილით

ამ ნაწილში მითითებული დაავადებების და/ან მდგომარეობების არსებობის შემთხვევაში, ამ პრეპარატის გამოყენებამდე საჭიროა მიმართოთ ექიმს.

სხვა აასს-თან ერთად მიღება, კუჭის წყლულოვანი დაავადების ან წყლულით გამოწვეული სისხლდენის ერთჯერადი ეპიზოდი ანამნეზში, კუჭ-ნაწლავის ტრაქტის დაავადებები ანამნეზში (წყლულოვანი კოლიტი, კრონის დაავადება), გასტრიტი, ენტერიტი, კოლიტი, Helicobacter pylori-ით გამოწვეული ინფექცია, ბრონქული ასთმა ან ალერგიული დაავადებები გამწვავების ფაზაში ან ანამნეზში შესაძლო ბრონქოსპაზმის განვითარება, სისტემური წითელი მგლურა და შემაერთებელი ქსოვილის (ასეპტიკური მენინგიტის განვითარების მომატებული რისკი) სხვა სისტემური აუტოიმუნური დაავადებები - ფლურბიპროფენის ხანმოკლე გამოყენებისას რისკი უმნიშვნელოა, არტერიული ჰიპერტენზია და/ან გულის უკმარისობა, შეშუპებები, თირკმლის უკმარისობა, მათ შორის, გაუწყლოებისას (კრეატინინის კლირენსი 60მლ/წთ-ზე ნაკლებია), ნეფროზული სინდრომი, ღვიძლის უკმარისობა, ღვიძლის ციროზი პორტალური ჰიპერტენზიით, ჰიპერბილირუბინემია (ფლურბიპროფენის ხანმოკლე გამოყენებისას, რისკი უმნიშვნელოა), სამკურნალო პრეპარატების ერთდროული მიღება, რომლებსაც შეუძლია წყლულის ან სისხლდენის გამოწვევის რისკის გაზრდა, ძირითადად პერორალური გლუკოკორტიკოსტეროიდების, (პრედნიზოლონის ჩათვლით), ანტიკოაგულანტების (ვარფარინის ჩათვლით), ანტიაგრეგანტების (აცეტილსალიცილის მჟავის, კლოპიდოგრელის ჩათვლით), სეროტონინის უკუმიტაცების სელექტიური ინჰიბიტორების (ციტალოპრამის, ფლუოქსეტინის, პაროქსეტინის, სერტრალინის ჩათვლით) გამოყენებისას, ალკოჰოლიზმი, ორსულობის I-II ტრიმესტრი, ხანდაზმული ასაკი.

ორსულობისა და ძუძუთი კვებაზე ყოფნის პერიოდში გამოყენება

პრეპარატის გამოყენება უკუნაჩვენებია ორსულობის III ტრიმესტრში.

ფლურბიპროფენის გამოყენებას უნდა მოერიდოთ ორსულობის I-II ტრიმესტრში, პრეპარატის მიღების აუცილებლობის შემთხვევაში, საჭიროა ექიმთან კონსულტირება.

არსებობს მონაცემები იმის შესახებ, რომ ფლურბიპროფენმა შეიძლება შეაღწიოს დედის რძეში ბავშვის ჯანმრთელობაზე ყოველგვარი უარყოფითი შედეგების გარეშე, თუმცა, შესაძლო გვერდითი ეფექტებიდან, პრეპარატის გამოყენება ძუძუთი კვების დროს არ არის რეკომენდებული.

გამოყენების გზა და დოზები

ყურადღებით წაიკითხეთ ინსტრუქცია პრეპარატის გამოყენების წინ.

ადგილობრივი გამოყენებისთვის. მხოლოდ ხანმოკლე გამოყენებისთვის.

**მოზრდილები და 12 წლის ასაკის ზემოთ ბავშვები: **პრეპარატის 1 დოზის (3-ჯერ დაჭერა დოზატორზე) შესხურება/გაფრქვევა პირ-ხახის უკანა კედელზე ყოველ 3-6 საათში, არაუმეტეს 5 დოზა 24 საათის განმავლობაში.

თერაპიის კურსის ხანგრძლივობა: არაუმეტეს 3 დღე

არ შეისუნთქოთ გაფრქვევის დროს.

პრეპარატის პირველი გამოყენების წინ აუცილებელია არანაკლებ ოთხი დაჭერა დოზატორზე თქვენგან საწინააღმდეგო მხარის მიმართულებით თანაბარი გაფრქვევის მიზნით.

ცალკეული შემდგომი გამოყენების წინ საჭიროა არანაკლებ ერთი დაჭერა დოზატორზე თქვენგან საწინააღმდეგო მხარეს თანაბარი გამოფრქვევის უზრუნველყოფის მიზნით.

გვერდითი მოქმედება

გვერდითი ეფექტების წარმოშობის რისკი შეიძლება მინიმუმამდე დავიდეს, თუ პრეპარატის გამოყენება მოხდება ხანმოკლე კურსებით და მინიმალური ეფექტური დოზით, რომელიც აუცილებელია სიმპტომების ალაგებისთვის.

ქვემოთ ჩამოთვლილი გვერდითი რეაქციები გამოვლინდა პრეპარატის ხანმოკლე გამოყენებისას. ქრონიკული მდგომარეობების მკურნალობისას და პრეპარატის ხანგრძლივი გამოყენებისას შესაძლოა გამოვლინდეს სხვა გვერდითი ეფექტები.

გვერდითი რეაქციების განვითარების სიხშირის შეფასება განხორციელდა შემდეგი კრიტერიუმების საფუძველზე: ძალიან ხშირი (≥ 1/10), ხშირი (≥ 1/100-დან < 1/10-მდე), არახშირი (≥ 1/1000-დან < 1/100-მდე), იშვიათი (≥ 1/10 000-დან < 1/1000-მდე), ძალიან იშვიათი (< 1/10 000), უცნობია (სიხშირის შესახებ მონაცემები არ არსებობს).

სისხლისა და ლიმფური სისტემის დარღვევები:

სიხშირე უცნობია: ანემია, თრომბოციტოპენია.

ნერვული სისტემის დარღვევები:

ხშირი: თავბრუსხვევა, თავის ტკივილი, პარესთეზია.

არახშირი: ძილიანობა.

იმუნური სისტემის დარღვევები:

ხშირი: ანაფილაქსიური რეაქციები

გულის დარღვევები:

სიხშირე უცნობია: გულის უკმარისობა, შეშუპება.

სისხლძარღვების დარღვევები:

სიხშირე უცნობია: მომატებული არტერიული წნევა.

სასუნთქი სისტემის, გულმკერდისა და შუასაყარის ორგანოების დარღვევები:

ხშირი: ყელში გაღიზიანების შეგრძნება.

არახშირი: ბრონქული ასთმისა და ბრონქოსპაზის გამწვავება, ქოშინი, მსტვინავი სუნთქვა, ბუშტუკები პირისა და ხახის არეში, ფარინგეალური ჰიპესთეზია (დაქვეითებული მგრძნობელობა პირის ღრუსა და ხახის არეში).

კუჭ-ნაწლავის ტრაქტის დარღვევები:

ხშირი: დიარეა, პირის ღრუს დაწყლულება, ღებინება, ტკივილი პირის ღრუს არეში, პირის ღრუს პარესთეზია, ტკივილი პირის ღრუსა და ხახაში, დისკომფორტი პირის ღრუში (სითბოს შეგრძნება, წვის ან ჩხვლეტის შეგრძნება პირის ღრუში).

არახშირი: მუცლის შებერილობა, ტკივილი მუცლის არესი, შეკრულობა, პირის სიმშრალე, დისპეპსია, მეტეორიზმი, გლოსალგია (პირის ღრუში წვის სინდრომი), დისგევზია (გემოს აღქმის ცვლილება), პირის ღრუს დიზესთეზია, ღებინება.

კანისა და კანქვეშა ქსოვილების დარღვევები:

არახშირი: კანის გამონაყარი, ქავილი.

სიხშირე უცნობია: კანის მძიმე რეაქციები, როგორიცაა; ბულოზური რეაქციები, სტივენს-ჯონსონის სინდრომის ჩათვლით და ტოქსიური ეპიდერმალური ნეკროლიზი (ლაიელის სინდრომი).

ღვიძლისა და ბილიარული სისტემის დარღვევები:

სიხშირე უცნობია: ჰეპატიტი.

ფსიქიკური დარღვევეები:

არახშირი: უძილობა.

სხვა:

არახშირი: ცხელება, ტკივილი.

ინსტრუქციაში მითითებული გვერდითი ეფექტების გამწვავების ან გაღრმავების შემთხვევაში ან სხვა გვერდითი ეფექტების გამოვლენისას, რომელიც არ არის მითითებული ინსტრუქციაში, შეატყობინეთ ექიმს.

ზედოზირება

სიმპტომები: გულისრევა, ღებინება, ტკივილი ეპიგასტრიუმის არეში, იშვიათად დიარეა. ასევე შესაძლებელია ხმაური ყურებში, თავის ტკივილი, სისხლდენა კუჭ-ნაწლავის ტრაქტიდან. უფრო მძიმე შემთხვევებში აღინიშნება ცენტრალური ნერვული სისტემის შემდეგი გამოვლინებები: ძილიანობა, იშვიათად: აგზნებადობა, ბუნდოვანი მხედველობა, დეზორიენტაცია ან კომა. პაციენტებში იშვიათ შემთხვევებში ვლინდება კრუნჩხვები. აასს-ით მძიმე მოწამვლის შემთხვევაში შეიძლება განვითარდეს მეტაბოლური აციდოზი, პროთრომბინის დროის გაზრდა, რაც, სავარაუდოდ დაკავშირებულია სისხლის შედედების ფაქტორებზე ზემოქმედებასთან. შეიძლება განვითარდეს თირკმლის მწვავე უკმარისობა და ღვიძლის დაზიანება, არტერიული წნევის შემცირება, სუნთქვის დათრგუნვა და ციანოზი. ბრონქული ასთმის მქონე პაციენტებში შესაძლებელია გამწვავდეს ეს დაავადება.

მკურნალობა: სიმპტომატური, სასუნთქი გზების გამავლობის უზრუნველყოფა, ეკგ-ს და მთავარი სასიცოცხლო მაჩვენებლების მონიტორინგი პაციენტის მდგომარეობის ნორმალიზებამდე.

რეკომენდებულია გააქტივებული ნახშირის პერორალური გამოყენება ან კუჭის გამორეცხვა ფლურბიპროფენის პოტენციური ტოქსიკური დოზის მიღებიდან 1 საათის შემდეგ. ხშირი ან გახანგრძლივებული კრუნჩხვების კუპირება უნდა მოხდეს დიაზეპამის ან ლორაზეპამის შეყვანით. ბრონქული ასთმის გამწვავების შემთხვევაში, რეკომენდებულია ბრონქოდილატატორების გამოყენება. ფლურბიპროფენის სპეციფიური ანტიდოტი არ არსებობს.

ურთიერთქმედება სხვა სამკურნალო საშუალებებთან

საჭიროა მოერიდოთ პრეპარატის გამოყენებას შემდეგ სამკურნალო საშუალებებთან ერთად:

აცეტილსალიცილის მჟავა: აცეტილსალიცილის მჟავის დაბალი დოზების გარდა (არაუმეტეს 75 მგ დღე-ღამეში), რომელიც დანიშნულია ექიმის მიერ, ერთობლივმა გამოყენებამ შეიძლება გაზარდოს გვერდითი ეფექტების განვითარების რისკი.
სხვა აასს, მათ შორის იბუპროფენი და ციკლოოქსოგენაზა-2-ის სელექტიური ინჰიბიტორები: საჭიროა მოერიდოთ აასს-ის ჯგუფიდან ორი ან უფრო მეტი პრეპარატის ერთდროულ გამოყენებას გვერდითი ეფექტების განვითარების რისკის მატების გამო.
საჭიროა ამ პრეპარატის სიფრთხილით გამოყენება ქვემოთ ჩამოთვლილ სამკურნალო საშუალებებთან:

ანტიკოაგულანტები: აასს-მ შეიძლება გაზარდოს ანტიკოაგულანტების ეფექტები, ვარფარინის ჩათვლით.
ანტიაგრეგანტები და სეროტონინის უკუმიტაცების სელექტიური ინჰიბიტორები: კუჭ- ნაწლავის ტრაქტიდან სისხლდენის რისკის მომატება
ჰიპოტენზიური საშუალებები (ანგიოტენზინის გარდამქმნელი ენზიმის (ACE) და ანგიოტენზინ II-ის ინჰიბიტორები) და დიურეტიკები: აასს-მ შეიძლება შეამციროს ამ ჯგუფის პეპარატების ეფექტურობა და შეიძლება გაზარდოს ნეფროტოქსიურობა ციკლოოქსიგენეზას ინჰიბირების შედეგად, განსაკუთრებით, დარღვეული თირკმლის ფუნქციის მქონე პაციენტებში (აუცილებელია სითხის ადეკვატური შევსების უზრუნველყოფა ასეთ პაციენტებში).
ეთანოლი: შეიძლება გაზარდოს გვერდითი რეაქციების განვითარების რისკი, განსაკუთრებით კუჭ-ნაწლავის ტრაქტიდან სისხლდენა.
გულის გლიკოზიდები: აასს-სა გულის გლიკოზიდების ერთდროულმა გამოყენებამ შეიძლება გააღრმავოს გულის უკმარისობა, შეამციროს გლომერულური ფილტრაციის სიჩქარე და გაზარდოს გულის გლიკოზიდების კონცენტრაცია სისხლის პლაზმაში.
ციკლოსპორინი: ნეფროტოქსიურობის განვითარების რისკის მატება
გლუკოკორტიკოსტეროიდები: კუჭ-ნაწლავის ტრაქტში წყლულის განვითარების და კუჭ- ნაწლავის ტრაქტიდან სისხლდენის მომატებული რისკი
ლითიუმის პრეპარატები: არსებობს მონაცემები სისხლის პლაზმაში ლითიუმის კონცენტრაციის მატების ალბათობის შესახებ აასს-ის გამოყენების ფონზე
მეტოტრექსატი: არსებობს მონაცემები მეტოტრექსატის კონცენტრაციის მატების ალბათობის შესახებ სისხლის პლაზმაში აასს-ის გამოყენების ფონზე. აუცილებელია აასს-ის გამოყენება 24 საათით ადრე ან შემდეგ მეტოტრექსატის მიღებიდან.
მიფეპრისტონი: აასს-ის გამოყენება საჭიროა მიფეპრისტონის მიღებიდან არანაკლებ 8-12 დღის გასვლის შემდეგ, ვინაიდან აასს-ს შეუძლია მიფეპრისტონის ეფექტურობის შემცირება.
ქინოლონის ჯგუფის ანტიბიოტიკები: პაციენტებში, რომლებიც მკურნალობენ აასს-ითა და ქინოლონის ჯგუფის ანტიბიოტიკებით, შესაძლოა გაიზარდოს კრუნჩხვების განვითარების რისკი.
ტაკროლიმუსი: აასს-თან ერთად გამოყენებისას, შესაძლებელია ნეფროტოქსიურობის რისკის მატება
ზიდოვუდინი: აასს-თან ერთად გამოყენებისას, შესაძლებელია ჰემატოტოქსიურობის რისკის მატება.
პერორალური ჰიპოგლიკემიური პრეპარატები: შესაძლებელია გლუკოზის კონცენტრაციის ცვლილება სისხლში (რეკომენდებულია სისხლში გლუკოზის კონცენტრაციის კონტროლის სიხშირის ზრდა)
ფენიტოინი: შესაძლებელია ფენიტოინის კონცენტრაციის მატება სისხლის შრატში (რეკომენდებულია ფენიტოინის კონცენტრაციის კონტროლი სისხლის შრატში და საჭიროების შემთხვევაში, დოზის კორექცია).
კალიუმის შემანარჩუნებელი დიურეტიკები: კალიუმის შემანარჩუნებელ დიურეტიკებისა და ფლურბიპროფენის ერთობლივმა გამოყენებამ შეიძლება გამოიწვიოს ჰიპერკალემია.
პრობენეციდი და სულფინპირაზონი: სამკურნალო პრეპარატებმა, რომლებიც შეიცავს პრობენეციდს ან სულფინპირაზონს, შეიძლება შეაფერხოს ფლურბიპროფენის გამოყოფა.
ტოლბუტამიდი და ანტაციდები: ამ დროისთვის კვლევებით ვერ გამოვლინდა ურთიერთზემოქმედება ფლურბიპროფენს, ტოლბუტამიდს ან ანტაციდებს შორის
განსაკუთრებული მითითებები

რეკომენდებულია პრეპარატის მიღება მაქსიმალურად მოკლე კურსის მანძილზე და მინიმალური ეფექტური დოზის გამოყენებით, რაც აუცილებელია სიმპტომების ალაგებისთვის.

გასტროპათიის სიმპტომების გამოვლენისას ნაჩვენებია კონტროლი, რაც მოიცავს ეზოფაგოგასტროდუოდენოსკოპიის ჩატარებას, სისხლის საერთო ანალიზს (ჰემოგლობინის დადგენა), განავლის ანალიზს ფარულ სისხლდენაზე.

17-კეტოსტეროიდების დადგენის საჭიროების შემთხვევაში, საჭიროა პრეპარატის მიღების შეწყვეტა ანალიზამდე 48 საათით ადრე.

თირკმლის ან ღვიძლის უკმარისობის მქონე პაციენტებმა, ხანდაზმულ პაციენტებმა და პაციენტებმა, რომლებიც იღებენ დიურეტიკებს, საჭიროა კონსულტაცია გაიარონ ექიმთან ამ პრეპარატის გამოყენებამდე, ვინაიდან არსებობს თირკმლის ფუნქციური მდგომარეობის გაუარესების რისკი. ხანმოკლე ვადით გამოყენებისას რისკი უმნიშვნელოა.

არტერიული ჰიპერტენზიის მქონე პაციენტებმა ანამნეზში ჰიპერტენზიის არსებობის ჩათვლით და/ან გულის ქრონიკული უკმარისობის მქონე პაციენტებმა საჭიროა კონსულტაცია გაიარონ ექიმთან პრეპარატის გამოყენებამდე, ვინაიდან შეიძლება მოხდეს სითხის შეკავება, არტერიული წნევის მატება და შეშუპების განვითარება.

ინფორმაცია ქალბატონებისთვის, რომლებიც გეგმავენ ორსულობას: პრეპარატი თრგუნავს ციკლოოქსიგენაზას და პროსტაგლანდინების სინთეზს და შეიძლება ზემოქმედება მოახდინოს ოვულაციაზე, დაარღვიოს რა ქალის რეპროდუქციული ფუნქცია (შექცევადია პრეპარატის შეწყვეტის შემდეგ).

პრეპარატით მკურნალობის პერიოდში არ არის რეკომენდებული ალკოჰოლის მიღება.

პირის ღრუს გაღიზიანების, კანის გამონაყარის, ლორწოვანი გარსის დაზიანების ან სხვა ალერგიული რეაქციების განვითარების შემთხვევაში, საჭიროა პრეპარატის გამოყენების შეწყვეტა და ექიმთან მიმართვა.

არსებული სიმპტომების გაუარესების ან ახლის წარმოშობის შემთხვევაში, ბაქტერიული ინფექციის ნიშნების ჩათვლით, დაუყოვნებლივ უნდა მიმართოთ ექიმს მკურნალობის გადახედვის მიზნით.

სატრანსპორტო საშუალებებისა და მექანიზმების მართვის უნარზე ზემოქმედება

პაციენტები, რომლებსაც აღენიშნებათ თავბრუსხვევა, ძილიანობა, მხედველობის გაუარესება ან დარღვევა ფლურბიპროფენის მიღებისას, უნდა მოერიდონ სატრანსპორტო საშუალებებისა და მექანიზმების მართვას.

გამოშვების ფორმა

დოზირებული სპრეი ადგილობრივი გამოყენებისთვის, 8,75მგ/დოზა.

15მლ-იანი (არანაკლებ 45 დაჭერა სარქველზე) (არანაკლებ 15 დოზა) თეთრი, გაუმჭვირვალე მაღალი სიმკვრივის პოლიეთილენის ფლაკონი დოზირების მოწყობილობით, ხუფით. ფლაკონი თავსდება მუყაოს შეფუთვაში, გამოყენების ინსტრუქციასთან ერთად.

შენახვის პირობები

ინახება ტემპერატურაზე, რომელიც არ უნდა აჭარბებდეს 30 °C-ს.

ნუ შეინახავთ მაცივარში, ნუ გაყინავთ.

შეინახეთ ბავშვებისთვის ხელმიუწვდომელ ადგილას.

ვარგისიანობის ვადა

2 წელი.

გამოიყენება 6 თვის განმავლობაში პირველი გამოყენებიდან.

არ გამოიყენება ვარგისიანობის ვადის გასვლის შემდეგ.

გაცემის რეჟიმი:

ფარმაცევტული პროდუქტის ჯგუფი - III, გაიცემა რეცეპტის გარეშე
მწარმოებელი

RECKITT BENCKISER HEALTHCARE Manufacturing Ltd (ტაილანდი) ლარდკრაბანგი, ბანგპლიის ქუჩა, 12 სამუტპრაკარნი 10540, ტაილანდი

წარმომადგენლობა რუსეთში/ორგანიზაცია, რომელიც იღებს მომხმარებლის პრეტენზიებს