აკნეტი AKNET

2%+0.05% გელი
კანზე წასასმელი

• მოქმედი ნივთიერება: 1 გ გელი შეიცავს 0.5 მგ იზოტრეტინოინს და 20 მგ ერითრომიცინს აქტიური სუბსტანციის სახით.
• დამხმარე ნივთიერებები: ჰიდროქსიპროპილცელულოზა, ბუთილჰიდროქსითოლუენი (E321) და სპირტი (96%).

მოცემული პრეპარატის გამოყენების დაწყებამდე ყურადღებით სრულად წაიკითხეთ ეს ჩანართი, რადგან ის შეიცავს თქვენთვის მნიშვნელოვან ინფორმაციას.
• შეინახეთ მოცემული ჩანართი. შეიძლება, დაგჭირდეთ მისი გადაკითხვა.
• დამატებითი კითხვების შემთხვევაში მიმართეთ თქვენს ექიმს ან ფარმაცევტს.
• მოცემული პრეპარატი გამოწერილია თქვენთვის. არ გადასცეთ ის სხვა პირებს.
• მოცემული პრეპარატის გამოყენების პერიოდში ექიმთან ან საავადმყოფოში ვიზიტის შემთხვევაში აცნობეთ თქვენს ექიმს, რომ იყენებთ ამ პრეპარატს.
• ზუსტად დაიცავით ამ ჩანართის მითითებები. არ გამოიყენოთ თქვენთვის რეკომენდებულზე უფრო მაღალი ან დაბალი დოზა.

მოცემული ჩანართის შინაარსი:
1. რას წარმოადგენს აკნეტი და რისთვის გამოიყენება იგი?
2. აკნეტის გამოყენებამდე
3. როგორ უნდა გამოიყენოთ აკნეტი
4. შესაძლო გვერდითი მოქმედება
5. აკნეტის შენახვის პირობები

1. რას წარმოადგენს აკნეტი და რისთვის გამოიყენება იგი?
აკნეტი გელი არის აკნეს (ლაქების) სამკურნალო პრეპარატი 30 გ ლამინირებულ ტუბში, რომელიც შეიცავს იზოტრეტინოინს და ერითრომიცინს მოქმედი ნივთიერების სახით.
აკნეტი გელი გამოიყენება მსუბუქი და ზომიერი აკნეს სამკურნალოდ და ეფექტურია არაანთებითი და ანთებითი დაზიანებების მკურნალობისას.
2. აკნეტის გამოყენებამდე
არ გამოიყენოთ აკნეტი, თუ:
• ხართ ალერგიული ერითრომიცინის, იზოტრეტინოინის ან აკნეტის ნებისმიერი სხვა ინგრედიენტის მიმართ
• ხართ ორსულად, ან გეგმავთ ორსულობას
• ბავშვს ძუძუთი კვებავთ
• გაქვთ მწვავე ეგზემა, ვარდისფერი ფერიმჟამელები (კანის დაავადება) ან კანის ანთება პირის არეში

დაიცავით განსაკუთრებული სიფრთხილის ზომები აკნეტთან დაკავშირებით, თუ:
• იყენებთ აკნეტს კანის მგრძნობიარე უბნებზე, როგორიცაა კისრის უკანა ნაწილი.
• გაქვთ მგრძნობელობა ან ალერგია ნებისმიერ დამხმარე ნივთიერებაზე.
• იმყოფებით მზის სხივების ან სოლარიუმის ზემოქმედების ქვეშ. აკნეტს შეუძლია გაზარდოს მგრძნობელობა მზის სხივების მიმართ; ამიტომ, საჭიროა მზის სხივების ან სოლარიუმის ზემოქმედებისგან თავის დაცვა ან მინიმუმამდე შემცირება.
• მიიღეთ მზის დამწვრობა, კონსულტაციისთვის მიმართეთ თქვენს ექიმს. ექიმი დროებით შეწყვიტავს თქვენს მკურნალობას.
• შეუძლებელია მზის სხივების ზემოქმედებისგან თავის დაცვა, სამკურნალო უბნებზე გამოიყენეთ მზისგან დამცავი კრემები და დაიფარეთ ტანსაცმლით.
• იყენებთ ნებისმიერ სხვა გარეგანი გამოყენების პრეპარატებს.

მოარიდეთ აკნეტი ისეთ უბნებს, როგორიცაა პირი, თვალები, ლორწოვანი გარსები და კანის დაზიანებული ან ეგზემური ზონები. შემთხვევით მოხვედრის შემთხვევაში, დაიბანეთ დიდი რაოდენობის წყლით. მოერიდეთ პრეპარატის დაგროვებას კანის ნაკეცებში.

არასათანადო რეაქციის ან მდგომარეობის გაუარესების, ხანგრძლივი ან მძიმე დიარეის ან კუჭის არეში სპაზმის შემთხვევაში შეწყვიტეთ აკნეტის გამოყენება და მიმართეთ თქვენს ექიმს.

საჭიროა სიფრთხილის ზომების დაცვა აკნეტის გამოყენებისას, თუ პაციენტს აქვს (ან ანამნეზში ჰქონდა) ნაწლავის ანთება (რეგიონალური ენტერიტი, წყლულოვანი კოლიტი ან ანტიბიოტიკებით გამოწვეული კოლიტი).

აკნეტს შეუძლია გამოიწვიოს კანის კეროვანი რეაქციები ან თვალისა და პირის, ან სხეულის ღია უბნების გარშემო არსებული ქსოვილების გაღიზიანება, როგორიცაა სასქესო ორგანოები.

თანმხლები ადგილობრივი მკურნალობის შემთხვევაში დაიცავით სიფრთხილის ზომები. კანის გაღიზიანების ან ეგზემის შემთხვევაში საჭიროა აკნეტის გამოყენების სიხშირის შემცირება ან დროებით შეწყვეტა კანის აღდგენამდე და შემდეგ მკურნალობის ხელახლა დაწყება. შეწყვიტეთ მკურნალობა, თუ კანის გაღიზიანება არ გაუმჯობესდა.

თუ გეგმავთ კოსმეტიკური პროცედურის ჩატარებას, როგორიცაა ქიმიური პილინგი, დერმაბრაზია ან კანის ზედაპირის განმეორებითი ლაზერული დამუშავება, აკნეტის წასმამდე დაელოდეთ კანის სრულ აღდგენას.

აკნეტის აალებადი თვისების გამო, პრეპარატის წასმის დროს და მისი გამოყენების შემდეგ თავი შეიკავეთ მოწევისგან.

თუ აღნიშნულიდან რომელიმე გაფრთხილება თქვენ გეხებათ დროის ნებისმიერ მონაკვეთში, კონსულტაციისთვის მიმართეთ თქვენს ექიმს.

აკნეტის გამოყენება საკვებთან და სასმელთან ერთად
ცნობები არ არსებობს.

ორსულობა
პრეპარატის გამოყენებამდე კონსულტაციისთვის მიმართეთ თქვენს ექიმს ან ფარმაცევტს.
არ გამოიყენოთ აკნეტი, თუ ხართ ორსულად ან გეგმავთ ორსულობას. ექიმისგან მიიღებთ დამატებით ინფორმაციას.
მკურნალობის პერიოდში შვილოსნობის პოტენციალის მქონე ქალებმა უნდა გამოიყენონ ეფექტური კონტრაცეპტივები. მკურნალობის პერიოდში ორსულობის დადგენის შემთხვევაში დაუყოვნებლივ მიმართეთ თქვენს ექიმს ან ფარმაცევტს.

ძუძუთი კვება
პრეპარატის გამოყენებამდე კონსულტაციისთვის მიმართეთ თქვენს ექიმს ან ფარმაცევტს.
არ გამოიყენოთ აკნეტი ძუძუთი კვების პერიოდში.

სატრანსპორტო საშუალებების მართვა და მექანიზმების გამოყენება
სატრანსპორტო საშუალებების მართვის ან მექანიზმების გამოყენების უნარზე აკნეტის გავლენის შემსწავლელი კვლევები არ არსებობს. თუმცა, სავარაუდოდ, მას არ აქვს რაიმე სერიოზული გავლენა.

მნიშვნელოვანი ინფორმაცია აკნეტის კომპონენტებთან დაკავშირებით
ვინაიდან აკნეტი შეიცავს ბუთილჰიდროქსითოლუენს (E321), მან შეიძლება გამოიწვიოს კანის კეროვანი რეაქციები, როგორიცაა კონტაქტური დერმატიტი ან თვალისა და ლორწოვანი გარსების გაღიზიანება (სხეულის ღია უბნების გარშემო არსებული ქსოვილების გაღიზიანება, როგორიცაა პირი ან სასქესო ორგანოები).

გამოყენება სხვა პრეპარატებთან ერთად
აკნეტი სიფრთხილით გამოიყენება ტოპიკურ ანტიბიოტიკებთან, სამკურნალო საპნებთან/გასაწმენდ საშუალებებთან ან ძლიერი გაშრობის მოქმედების მქონე საპნებთან/გასაწმენდ საშუალებებთან, მაღალი კონცენტრაციით სპირტის შემცველ საშუალებებთან ან/და გამაძლიერებელ საშუალებებთან ერთად. აღნიშნულმა შეიძლება გამოიწვიოს გაღიზიანება. განსაკუთრებული ყურადღებაა საჭირო პრეპარატის გამოყენებისას მჟანგავ ნივთიერებებთან ერთად (მაგალითად, ბენზოილპეროქსიდი). ამ პრეპარატებთან ერთად აკნეტის გამოყენების შემთხვევაში გამოიყენეთ ისინი დღის სხვადასხვა მონაკვეთში (მაგალითად, ერთი დილით და მეორე საღამოს).

არ შეიძლება აკნეტის შერევა სხვა გელებთან, კრემებთან ან მალამოებთან ერთად. ამ შემთხვევაში, შესაძლებელია, აკნეტი ნაკლებად ეფექტური იყოს. ასევე, აცნობეთ თქვენს ექიმს, თუ აკნეს სამკურნალოდ იყენებთ ნებისმიერ სხვა პრეპარატს. არ გამოიყენოთ ანტიბიოტიკებთან, მათ შორის მაკროლიდებთან ან კლინდამიცინთან ერთად.

აცნობეთ თქვენს ექიმს ან ფარმაცევტს, თუ იღებთ ან ახლო წარსულში იღებდით ნებისმიერ, რეცეპტით ან ურეცეპტოდ მიღებულ სამკურნალო საშუალებას.

3. როგორ უნდა გამოიყენოთ აკნეტი
მითითება სათანადო გამოყენებასთან და დოზასთან / გამოყენების სიხშირესთან დაკავშირებით:
აკნეტის გამოყენებასთან დაკავშირებით დაიცავით თქვენი ექიმის რეკომენდაციები.
გელი გამოიყენეთ ერთხელ ან ორჯერ დღეში. ზოგ შემთხვევაში, აკნეტის სრული ეფექტისთვის შეიძლება საჭირო იყოს 6-8 კვირა.

როგორ უნდა წაისვათ აკნეტი:
გაწმინდეთ კანი და წაისვით აკნეტი გელის თხელი ფენა სამკურნალო უბანზე. დაიბანეთ ხელები გელის გამოყენების შემდეგ.
გაღიზიანების შემთხვევაში შეგიძლიათ დამატენიანებლის გამოყენება.

სხვადასხვა ასაკობრივი ჯგუფები:
• ბავშვები:
პრეპარატი არ გამოიყენება 12 წლამდე ასაკის ბავშვებში.
• ხანდაზმულები:
ვინაიდან აკნე ვულგარისი არ აღენიშნებათ ხანდაზმულებს, აკნეტთან დაკავშირებით სპეციალური რეკომენდაციები არ არსებობს.

განსაკუთრებული შემთხვევები:
ცნობები არ არის.

მიმართეთ თქვენს ექიმს ან ფარმაცევტს, თუ ფიქრობთ, რომ აკნეტის მოქმედება ძალიან ძლიერი ან ძალიან სუსტია.

თუ გამოიყენეთ აკნეტის საჭიროზე მეტი დოზა:
აკნეტის ჭარბი რაოდენობის გამოყენება არ უზრუნველყოფს მკურნალობის უკეთეს შედეგს. აღნიშნულმა შეიძლება გამოიწვიოს თვალსაჩინო გაღიზიანება, როგორიცაა სიწითლე, აშრევება ან ქავილი. ამ შემთხვევაში გამოიყენეთ პრეპარატი უფრო იშვიათად ან შეწყვიტეთ მისი გამოყენება რამდენიმე დღის განმავლობაში.

აკნეტის მცირე რაოდენობის (კანზე წასმულ რაოდენობაზე ნაკლები) შემთხვევით გადაყლაპვის შემთხვევაში რაიმე სახის ზიანი მოსალოდნელი არ არის. გამოიბანეთ პირი დიდი რაოდენობის წყლით. ძალიან დიდი რაოდენობით აკნეტის გადაყლაპვის შემთხვევაში კონსულტაციისთვის მიმართეთ თქვენს ექიმს. ამ შემთხვევაში, შესაძლებელია ღებინება ან დიარეა.

თუ გამოიყენეთ საჭიროზე მეტი აკნეტი, კონსულტაციისთვის მიმართეთ თქვენს ექიმს ან ფარმაცევტს.

თუ დაგავიწყდათ აკნეტის გამოყენება:
თუ დაგავიწყდათ აკნეტის გამოყენება, წაისვით ის როგორც კი გაგახსენდებათ. მოგვიანებით, გააგრძელეთ მისი გამოყენება რეკომენდებული დოზით.

არ წაისვათ ორმაგი დოზა გამოტოვებულის ასანაზღაურებლად.

მოქმედება, რომელიც შეიძლება გამოვლინდეს აკნეტით მკურნალობის შეწყვეტისას:
არ შეწყვიტოთ პრეპარატის გამოყენება ექიმთან კონსულტაციის გარეშე.
არ გამოიყენოთ აკნეტი 12 კვირაზე მეტი დროის განმავლობაში ექიმთან კონსულტაციის გარეშე.

4. შესაძლო გვერდითი მოქმედება
როგორც ყველა სამკურნალო საშუალების შემთხვევაში, გვერდითი მოქმედება შეიძლება განვითარდეს პაციენტებში აკნეტის შემადგენელი კომპონენტების მიმართ მგრძნობელობის შემთხვევაში.

ქვემოთ მითითებული რომელიმე გვერდითი მოქმედების გამოვლენის შემთხვევაში შეწყვიტეთ აკნეტის გამოყენება და დაუყოვნებლივ აცნობეთ თქვენს ექიმს ან დაუკავშირდით უახლოესი საავადმყოფოს გადაუდებელი დახმარების განყოფილებას.
• სუნთქვის ან ყლაპვის გაძნელება ყელის, სახის, ტუჩების ან პირის მოულოდნელად შეშუპების გამო. ხელების, ტერფების ან კოჭების შეშუპება, ან ალერგიული რეაქციები, როგორიცაა გამონაყარი ქავილით.
• კანის სიწითლე, აშრევება, კანის ტკივილი, ქავილი, გაღიზიანება, მგრძნობელობა, კანის წვის შეგრძნება, კანზე ჩხვლეტის შეგრძნება, კანის სიმშრალე პრეპარატის წასმის ადგილზე
• მგრძნობელობა სინათლის მიმართ, კანის გაუფერულება ან მუქი შეფერილობის მიღება
• თმის ფოლიკულების ანთება პრეპარატის წასმის ადგილზე.
• მწვავე ან ხანგრძლივი დიარეა

გვერდითი მოქმედება ჩამოთვლილია შემდეგი კატეგორიების მიხედვით:
ძალიან ხშირი: შეიძლება აღინიშნოს 10-დან სულ მცირე 1 პაციენტში.
ხშირი: შეიძლება აღინიშნოს 10-დან 1-ზე ნაკლებ პაციენტში, მაგრამ 100-დან 1-ზე მეტ პაციენტში.
არახშირი: შეიძლება აღინიშნოს 100-დან 1-ზე ნაკლებ პაციენტში, მაგრამ 1000-დან 1-ზე მეტ პაციენტში.
იშვიათი: 1,000-დან 1-ზე ნაკლებ პაციენტში, მაგრამ 10,000-დან 1-ზე მეტ პაციენტში.
ძალიან იშვიათი: შეიძლება აღინიშნოს 10,000-დან ერთზე ნაკლებ პაციენტში.
უცნობია: არსებული ცნობების საფუძველზე შეფასება შეუძლებელია.

ძალიან ხშირი:
• კანის ტკივილი
• გამონაყარი
• კანის გაღიზიანება
ხშირი:
• დერმატიტი, ეგზემა და კანის სიმშრალე პრეპარატის წასმის ადგილზე
• კანის სიწითლე
• კანის აშრევება ან აქერცვლა
• კანის წვის შეგრძნება
• კანის ქავილი

იშვიათი:
• ალერგიული რეაქციები
• ქავილი, გამონაყარი
• ტკივილი მუცლის არეში
• დიარეა
• მომატებული მგრძნობელობა მზის სხივების მიმართ
• კანის გაუფერულება
• კანის მუქი შეფერილობის მიღება
• სახის შეშუპება
• თმის ფოლიკულების ანთება პრეპარატის წასმის ადგილზე

აცნობეთ თქვენს ექიმს ან ფარმაცევტს, თუ რომელიმე გვერდითი მოქმედება სერიოზულ სახეს იღებს, ან შენიშნეთ ისეთი გვერდითი მოქმედება, რომელიც არ არის აღწერილი მოცემულ ჩანართში.

შეტყობინება შესაძლო გვერდითი რეაქციის შესახებ
დაუყოვნებლივ აცნობეთ თქვენს ექიმს ან ფარმაცევტს ნებისმიერი გვერდითი მოქმედების შემთხვევაში, რომელიც მითითებულია ან არ არის მითითებული ამ ჩანართში. გარდა ამისა, გვერდითი მოქმედების შესახებ ინფორმაციის გაგზავნა შეგიძლიათ თურქეთის ფარმაკოუსაფრთხოების ცენტრში (თÜFAM) (წწწ.ტიტცკ.გოვ.ტრ; ტელეფონი: 0 800 314 00 08). გვერდითი მოქმედების შესახებ შეტყობინების გაგზავნით შეგიძლიათ დახმარება ამ პრეპარატის უსაფრთხოების შესახებ მეტი ინფორმაციის მიღებაში.

5. აკნეტის შენახვის პირობები
შეინახეთ აკნეტი ბავშვებისთვის მიუწვდომელ ადგილზე. შეინახეთ აკნეტი ორიგინალ შეფუთვაში.

შეინახეთ ოთახის ტემპერატურაზე, არაუმეტეს 25°С-ზე.
აკნეტის გამოყენების შემდეგ მჭიდროთ დაახურეთ ტუბს თავსახური. გელის გაჟონვის თავიდან აცილების მიზნით დარწმუნდით, რომ თავსახური სწორად მოერგო ტუბს.

ვინაიდან აკნეტი შეიცავს აალებად ნივთიერებებს, შეინახეთ ის ცეცხლისგან, ალისგან ან მაღალი ტემპერატურისგან დაცულ ადგილზე.

გამოიყენეთ ვარგისობის ვადის შესაბამისად.
არ გამოიყენოთ აკნეტი შეფუთვაზე მითითებული ვარგისობის ვადის გასვლის შემდეგ.
არ გამოიყენოთ აკნეტი, თუ შენიშნავთ პროდუქტის ან/და შეფუთვის დაზიანებას.
არ გადააგდოთ ვადაგასული ან გამოუყენებელი პრეპარატები! დანერგეთ გარემოსა და ურბანიზაციის სამინისტროს მიერ განსაზღვრული შეგროვების სისტემა.

გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე

სავაჭრო ლიცენზიის მფლობელი:

Söḡütözü Mahallesi 2177. Cadde

No: 10B/49, ჩანკაია/ანკარა/თურქეთი
ტელეფონი: +90 (0312) 427 43 57 - 58

მწარმოებელი:

Ҫerkezköy Organize Sanayi Bölgesi

Karaağaç Mahallesi, Fatih Bulvarı, No:38,

Kapaklı/TeqirdaRi/თურქეთი

შემადგენლობა: მოქმედი ნივთიერება: 1გ გელი შეიცავს 0.5მგ იზოტრეტინოინს და 20მგ ერითრომიცინს აქტიური სუბსტანციის სახით. დამხმარე ნივთიერებები: ჰიდროქსიპროპილცელულოზა, ბუთილჰიდროქსითოლუენი (E321) და სპირტი (96%).

ჩვენება: აკნეტი გელი არის აკნეს (ლაქების) სამკურნალო პრეპარატი 30გ ლამინირებულ ტუბში, რომელიც შეიცავს იზოტრეტინოინს და ერითრომიცინს მოქმედი ნივთიერების სახით. აკნეტი გელი გამოიყენება მსუბუქი და ზომიერი აკნეს სამკურნალოდ და ეფექტურია არაანთებითი და ანთებითი დაზიანებების მკურნალობისას.

უკუჩვენება: თუ პაციენტი არის ალერგიული ერითრომიცინის, იზოტრეტინოინის ან აკნეტის ნებისმიერი სხვა ინგრედიენტის მიმართ; თუ არის ორსულად, ან გეგმავს ორსულობას; არის ლაქტაციის პერიოდში; აქვს მწვავე ეგზემა, ვარდისფერი ფერიმჭამელები (კანის დაავადება) ან კანის ანთება პირის არეში.ორსულობა: პრეპარატის გამოყენებამდე კონსულტაციისთვის უნდა მიემართოს მკურნალ ექიმს ან ფარმაცევტს. აკნეტი არ გამოიყენება, თუ პაციენტი არის ორსულად ან გეგმავს ორსულობას. ექიმისგან საჭიროა დამატებით ინფორმაციის მიღება. მკურნალობის პერიოდში შვილოსნობის პოტენციალის მქონე ქალებმა უნდა გამოიყენონ ეფექტური კონტრაცეპტივები. მკურნალობის პერიოდში ორსულობის დადგენის შემთხვევაში დაუყოვნებლივ უნდა მიემართოს მკურნალ ექიმს ან ფარმაცევტს. არ გამოიყენება ლაქტაციის პერიოდში.გამოყენების წესი: აკნეტის გამოყენებასთან დაკავშირებით საჭიროა მკურნალი ექიმის რეკომენდაციების დაცვა. გელი გამოიყენება ერთხელ ან ორჯერ დღეში. ზოგ შემთხვევაში, აკნეტის სრული ეფექტისთვის შეიძლება საჭირო იყოს 6-8 კვირა.
აკნეტის წასმა: საჭიროა კანის გაწმენდა და აკნეტი გელის თხელი ფენის წასმა სამკურნალო უბანზე. საჭიროა ხელების დაბანა გელის გამოყენების შემდეგ. გაღიზიანების შემთხვევაში შესაძლებელია დამატენიანებლის გამოყენება.
სხვადასხვა ასაკობრივი ჯგუფები: ბავშვები: პრეპარატი არ გამოიყენება 12 წლამდე ასაკის ბავშვებში.
ხანდაზმულები: ვინაიდან აკნე ვულგარისი არ აღენიშნებათ ხანდაზმულებს, აკნეტთან დაკავშირებით სპეციალური რეკომენდაციები არ არსებობს.
უნდა მიემართოს მკურნალ ექიმს ან ფარმაცევტს, თუ პაციენტი ფიქრობს, რომ აკნეტის მოქმედება ძალიან ძლიერი ან ძალიან სუსტია.შენახვის წესი: ინახება ოთახის ტემპერატურაზე, ორიგინალ შეფუთვაში, არაუმეტეს 25C-ზე, ბავშვებისათვის მიუწვდომელ ადგილას.

შემადგენლობა: მოქმედი ნივთიერება: 1გ გელი შეიცავს 0.5მგ იზოტრეტინოინს და 20მგ ერითრომიცინს აქტიური სუბსტანციის სახით. დამხმარე ნივთიერებები: ჰიდროქსიპროპილცელულოზა, ბუთილჰიდროქსითოლუენი (E321) და სპირტი (96%).

ჩვენება: აკნეტი გელი არის აკნეს (ლაქების) სამკურნალო პრეპარატი 30გ ლამინირებულ ტუბში, რომელიც შეიცავს იზოტრეტინოინს და ერითრომიცინს მოქმედი ნივთიერების სახით. აკნეტი გელი გამოიყენება მსუბუქი და ზომიერი აკნეს სამკურნალოდ და ეფექტურია არაანთებითი და ანთებითი დაზიანებების მკურნალობისას.

უკუჩვენება: თუ პაციენტი არის ალერგიული ერითრომიცინის, იზოტრეტინოინის ან აკნეტის ნებისმიერი სხვა ინგრედიენტის მიმართ; თუ არის ორსულად, ან გეგმავს ორსულობას; არის ლაქტაციის პერიოდში; აქვს მწვავე ეგზემა, ვარდისფერი ფერიმჭამელები (კანის დაავადება) ან კანის ანთება პირის არეში.ორსულობა: პრეპარატის გამოყენებამდე კონსულტაციისთვის უნდა მიემართოს მკურნალ ექიმს ან ფარმაცევტს. აკნეტი არ გამოიყენება, თუ პაციენტი არის ორსულად ან გეგმავს ორსულობას. ექიმისგან საჭიროა დამატებით ინფორმაციის მიღება. მკურნალობის პერიოდში შვილოსნობის პოტენციალის მქონე ქალებმა უნდა გამოიყენონ ეფექტური კონტრაცეპტივები. მკურნალობის პერიოდში ორსულობის დადგენის შემთხვევაში დაუყოვნებლივ უნდა მიემართოს მკურნალ ექიმს ან ფარმაცევტს. არ გამოიყენება ლაქტაციის პერიოდში.გამოყენების წესი: აკნეტის გამოყენებასთან დაკავშირებით საჭიროა მკურნალი ექიმის რეკომენდაციების დაცვა. გელი გამოიყენება ერთხელ ან ორჯერ დღეში. ზოგ შემთხვევაში, აკნეტის სრული ეფექტისთვის შეიძლება საჭირო იყოს 6-8 კვირა.
აკნეტის წასმა: საჭიროა კანის გაწმენდა და აკნეტი გელის თხელი ფენის წასმა სამკურნალო უბანზე. საჭიროა ხელების დაბანა გელის გამოყენების შემდეგ. გაღიზიანების შემთხვევაში შესაძლებელია დამატენიანებლის გამოყენება.
სხვადასხვა ასაკობრივი ჯგუფები: ბავშვები: პრეპარატი არ გამოიყენება 12 წლამდე ასაკის ბავშვებში.
ხანდაზმულები: ვინაიდან აკნე ვულგარისი არ აღენიშნებათ ხანდაზმულებს, აკნეტთან დაკავშირებით სპეციალური რეკომენდაციები არ არსებობს.
უნდა მიემართოს მკურნალ ექიმს ან ფარმაცევტს, თუ პაციენტი ფიქრობს, რომ აკნეტის მოქმედება ძალიან ძლიერი ან ძალიან სუსტია.შენახვის წესი: ინახება ოთახის ტემპერატურაზე, ორიგინალ შეფუთვაში, არაუმეტეს 25C-ზე, ბავშვებისათვის მიუწვდომელ ადგილას.