** სავაჭრო დასახელება:** ZETოპტიკი

საერთაშორისო არაპატენტირებული დასახელება**:** ბრინზოლამიდი, თიმოლოლი

სამკურნალწამლო ფორმა: თვალის წვეთები 10 მგ/მლ + 5 მგ/მლ, სუსპენზია.

შემადგენლობა: აქტიური ნივთიერება: ბრინზოლამიდი-10 მგ, თიმოლოლი (თიმოლოლის მალეატის სახით)-5 მგ; დამხმარე ნივთიერებები- მანიტოლი, კარბომერი 947P, თილოქსაპოლი, დინატრიუმის ედეტატი, ნატრიუმის ქლორიდი. მარილმჟავა და/ან ნატრიუმის ჰიდროქსიდი (PH-ის კორექციისთვის) , ბენზალკონიუმის ქლორიდი- 0.1 მგ, საინექციო წყალი-1 მლ. PH˜7, 2

აღწერა: თეთრი ან თითქმის თეთრი ფერის სუსპენზია.

ფარმაკოთერაპიული ჯგუფი**:** გლაუკომის საწინააღმდეგო პრეპარატები და მიოტიკები

ფარმაკოლოგიური თვისებები

ფარმაკოდინამიკა

ZETოპტიკი ™ -გლაუკომის საწინააღმდეგო კომბინირებული პრეპარატი, შეიცავს აქტიურ ნივთიერებებს: ბრინზოლამიდს და თიმოლოლის მალეატს, რომლებიც აქვეითებენ მომატებულ თვალშიდა წნევას, პირველ რიგში თვალშიდა სითხის სეკრეციის შემცირებით, თუმცა მოქმედების სხვადასხვა მექანიზმით.

ბრინზოლამიდისა და თიმოლოლის მალეატის კომბინირებული მოქმედება იწვევს თვალშიდა წნევის უფრო ეფექტურ დაწევას, ვიდრე მათი ინდივიდუალური გამოყენებისას.

ბრინზოლამიდი არის კარბოანჰიდრაზა II-ის ინჰიბიტორი. კარბოანჰიდრაზას ინჰიბირება თვალის ცილიარულ სხეულში ამცირებს თვალშიდა სითხის სეკრეციას (ბიკარბონატების იონების წარმოქმნის შენელების ხარჯზე, ნატრიუმისა და სითხის ტრანსპორტირების მომდევნო შემცირებით).თიმოლოლი- არასელექციური ბეტა-ადრენობლოკატორი სიმპათომიმეტური აქტივობის გარეშე, არ ახდენს პირდაპირ დეპრესიულ ზეგავლენას მიოკარდიუმზე, არ გააჩნია მემბრანომასტაბილიზებელი აქტივობა. ადგილობრივი გამოყენებისას, ამცირებს წყალწყალა ნამის წარმოქმნას და უმნიშვნელოდ აძლიერებს მის გადინებას.

ფარმაკოკინეტიკა

შეწოვა

ადგილობრივი გამოყენებისას, ბრინზოლამიდი და თიმოლოლი აღწევენ სისტემურ სისხლის მიმოქცევაში. ბრინზოლამიდის Cmax ერითროციტებში შეადგენს დაახლოებით 18 მკმოლ-ს.

წონასწორულ მდგომარეობაში, ბრინზოლამიდი/თიმოლოლის ფიქსირებული კომბინაციის მიღების შემდეგ, თიმოლოლის საშუალო Cmax და AUC0-12სთ პლაზმაში შეადგენდა შესაბამისად 0,824±0,453 ნგ/მლ და 4,71±2,49 ნგ. სთ/მლ. ხოლო თიმოლოლის საშუალო Cmax მიიღწეოდა 0,79±0,45 სთ-ის შემდეგ.

განაწილება

ბრინზოლამიდი ზომიერად უკავშირდება პლაზმის ცილებს (დაახლოებით 60%) და გროვდება ერითროციტებში კარბოანჰიდრაზა II-თან შერჩევითი შეკავშირების და კარბოანჰიდრაზა I-თან ნაკლებად შეკავშირების შედეგად. მისი ძირითადი მეტაბოლიტი N-დეზეთილ- ბრინზოლამიდი ასევე გროვდება ერითროციტებში, სადაც უპირატესად უკავშირდება კარბოანჰიდრაზა I-ს. ბრინზოლამიდის და მისი მეტაბოლიტის ერითროციტებისა და ქსოვილების კარბოანჰიდრაზას მიმართ აფინურობის გამო, მათი კონცენტრაცია პლაზმაში დაბალია.

სტაბილური კონცენტრაციის მიღწევის შემდეგ, თიმოლოლის აღმოჩენა ადამიანის სისხლის პლაზმაში შესაძლებელია ბრინზოლამიდი/თიმოლოლის ფიქსირებული კომბინაციის მიღებიდან 12 საათის განმავლობაში.

მეტაბოლიზმი

ბრინზოლამიდის მეტაბოლიზმი მიმდინარეობს N-დეალკილირების, O-დეალკილირებისა და N-პროპილური გვერდითი ჯაჭვის ჟანგვის გზით.

ძირითადი მეტაბოლიტი N-დეზეთილ-ბრინზოლამიდი, ბრინზოლამიდის არსებობისას უკავშირდება კარბოანჰიდრაზა I-ს და ასევე გროვდება ერითროციტებში. in vitro კველვებმა აჩვენეს, რომ ბრინზოლამიდის მეტაბოლიზმში ძირითადად მონაწილეობს იზოფერმენტი CYP3A4, ასევე იზოფერმენტები-CYP2A6, CYP2B6, CYP2C8 და CYP2C9.

თიმოლოლის მეტაბოლიზმი მიმდინარეობს ორი გზით: თიადიაზოლის რგოლზე ეთანოლამინური გვერდითი ჯაჭვის წარმოქმნით და ეთანოლური გვერდითი ჯაჭვის ფორმირებით მორფოლინის აზოტთან და ანალოგიური გვერდითი ჯაჭვის აზოტთან შეერთებულ კარბონილის ჯგუფთან. თიმოლოლი მეტაბოლიზდება ძირითადად-CYP2D6-ით.

გამოყოფა

ბრინზოლამიდი ძირითადად გამოიყოფა თირკმელებით (დაახლოებით 60%). დოზის დაახლოებით 20% შარდში რჩება მეტაბოლიტის სახით. შარდში აღმოჩენილი ძირითადი კომპონენტებია ბრინზოლამიდი და N-დეზეთილ-ბრინზოლამიდი, კვალის სახით აღმოჩენილ N-დეზმეთოქსიპროპილთან და O-დეზმეთილ მეტაბოლიტებთან ერთად (<1%).

თიმოლოლი და მისი მეტაბოლიტები ძირითადად გამოიყოფა თირკმელებით. თიმოლოლის დოზის დაახლოებით 20% გამოიყოფა შარდში უცვლელი სახით, დარჩენილი ნაწილი კი გამოიყოფა მეტაბოლიტების სახით. თიმოლოლის სისხლის პლაზმიდან ნახევრადგამოყოფის პერიოდი T1/2 შეადგენს 4.8 საათს.

გამოყენების ჩვენებები

ღიაკუთხოვანი გლაუკომა, მომატებული თვალშიდა წნევა, როდესაც მონოთერაპია არ იძლევა სათანადო შედეგს.

უკუჩვენებები

• მომატებული მგრძნობელობა აქტიური ნივთიერებების ან პრეპარატის შემადგენელი სხვა კომპონენეტების, სხვა ბეტა-ბლოკატორების, სულფონამიდების მიმართ ;
• სასუნთქი გზების რეაქტიული დაავადება, მათ შორის ბრონქული ასთმა (მათ შორის ანამნეზში) ან ფილტვების მძიმე ქრონიკული ობსტრუქციული დაავადება;
• სინუსური ბრადიკარდია, სინუსური კვანძის სისუსტის სინდრომი, ІІ ან ІІІ ხარისხის სინოატრიალური ბლოკადა, გამოხატული გულის უკმარისობა, კარდიოგენური შოკი;
• მძიმე ალერგიული რინიტი;
• ჰიპერქლორემიული აციდოზი;
• თირკმლის მწვავე უკმარისობა;
• 18 წლამდე ასაკის ბავშვები;
• ორსულობისა და ლაქტაციის პერიოდი.

გამოყენების წესი და დოზირება

გამოყენებამდე აუცილებელია ფლაკონის შენჯღრევა !

მოზრდილებში, მათ შორის ხანდაზმულ პაციენტებში: თითო წვეთი ორჯერ დღეში დაზიანებულ თვალში (თვალებში).

პრეპარატის ჩაწვეთების შემდეგ რეკომენდებულია ცხვირ-საცრემლე არხის ოკლუზია ან თვალების დახუჭვა, პრეპარატის სისტემური შეწოვისა და სისტემური გვერდითი ეფექტების განვითარების რისკის შემცირების მიზნით. დოზის გამოტოვების შემთხვევაში განაგრძეთ მკურნალობა შემდეგი დოზით. არ გადააჭარბოთ დოზას-თითო წვეთი ორჯერ დღეში დაზიანებულ თვალში (თვალებში).

გლაუკომის საწინააღმდეგო სხვა ოფთალმოლოგიური პრეპარატიდან ზეტოპტიკ™-ზე გადასვლისას, წინა პრეპარატით მკურნალობა უნდა შეწყდეს ზეტოპტიკ™-ით თერაპიის დაწყებამდე ერთი დღით ადრე. სხვა ადგილობრივ ოფთალმოლოგიურ საშუალებებთან ერთდროული გამოყენებისას, ჩაწვეთებებს შორის შუალედი უნდა აღემატებოდეს 5 წუთს. თვალის მალამოები უნდა იქნას გამოყენებული ყველაზე ბოლოს.

ხსნარის დაბინძურების თავიდან ასაცილებლად, პიპეტის წვერი არ უნდა შეახოთ თვალს ან სხვა ზედაპირს.

პედიატრიული პაციენტები

პრეპარატის გამოყენება არ არის რეკომენდებული 18 წლამდე ასაკის ბავშვებში (ეფექტურობა და უსაფრთხოება არ არის დადგენილი).

თირკმლის და ღვიძლის უკმარისობის მქონე პაციენტები

თირკმლის და ღვიძლის უკმარისობის მქონე პაციენტებში პრეპარატის გამოყენების შესახებ კვლევები არ ჩატარებულა. პაციენტებში, რომელთაც აქვთ ღვიძლის უკმარისობა და მსუბუქი ან საშუალო ხარისხის თირკმლის ფუნქციის დარღვევა, არ არის საჭირო დოზის კორექცია.

პრეპარატი გამოიყენება სიფრთხილით პაციენტებში, რომელთაც აქვთ ღვიძლის მზიმე დაზიანებები.

გვერდითი მოქმედებები

გვერდითი ეფექტების განვითარების სიხშირე: ძალიან ხშირი (≥1/10), ხშირი(≥1/100 <1/10-მდე), არახშირი (≥1/1000 <1/100-მდე), იშვიათი(≥1/10000 <1/1000-მდე), ძალიან იშვიათი (<1/10000) ან უცნობი სიხშირის.

ბრინზოლამიდი/თიმოლოლის ფიქსირებული კომბინაციის მიღებისას განვითარებული გვერდითი რეაქციები

მხედველობის ორგანოს მხრივ: ხშირი -მხედველობის დაბინდვა, წერტილოვანი კერატიტი, თვალის ტკივილი ან გაღიზიანება; არახშირი -კერატიტი, რქოვანას შეფერვა სამედიცინო საღებავით, ქავილი, თვალის სიმშრალე, უცხო სხეულის შეგრძნება თვალში, ცრემლდენა, თვალის ჰიპერემია, კონიუქტივის ჰიპერემია;

იშვიათი: რქოვანას ეროზია, გამონადენი თვალის წინა კამერაში, ფოტოფობია,

მომატებული ცრემლის გამოყოფა, სკლერის ჰიპერემია, ქუთუთოების კიდეებზე ქერქის გაჩენა, ქუთუთოების ერითემა; უცნობი სიხშირის: ქუთუთოების შეშუპება, მხედველობის დარღვევა.

ცენტრალური ნერვული სისტემის მხრივ და ფსიქიკური დარღვევები: ხშირი: გემოს აღქმის დარღვევა; იშვიათი: უძილობა; უცნობი სიხშირის: თავბრუსხვევა, თავის ტკივილი, დეპრესია.

გულ-სისხლძარღვთა სისტემის მხრივ: ხშირი : გულის ცემის შენელება; არახშირი : არტერიული წნევის დაქვეითება; უცნობი სიხშირის: არტერიული ჰიპერტენზია.

სასუნთქი სისტემის, გულმკერდის და მედიატალური ორგანოების მხრივ:

არახშირი- ხველება; იშვიათი- ოროფარინგიალური ტკივილი,რინორეა;

უცნობი სიხშირის: სუნთქვის გაძნელება, ცხვირიდან სისხლდენა.

სხვა: გაღიზიანება, ტკივილი გულმკერდის არეში, სისუსტე, სისხლი შარდში, მიალგია, ანაფილაქსიური შოკი, ჰიპერმგრძნობელობა, ალოპეცია, ერითემა, გამონაყარი, მუცლის ტკივილი, დიარეა, პირის სიმშრალე, გულისრევა, ლეიკოციტების რაოდენობის შემცირება, სისხლში კალიუმის დონის მომატება, ლაქტატდეჰიდროგენაზას დონის მომატება სისხლში.

თიმოლოლით და ბრინზოლამიდით მონოთერაპიისას განვითარებული გვერდითი რეაქციები

მხედველობის ორგანოს მხრივ -არახშირი- კერატიტი1,2 , უცნობი სიხშირის: მხედველობის ნერვის ოპტიკური დისკოს ექსკავაციის გაზრდა2, სისხლძარღვოვანი გარსის განშრევება, ფილტრაციული ქირურგიის შემდეგ1, კერატოფათია2, რქოვანას ეპითელიუმის დეფექტი2, რქოვანას ეპითელიუმის მხრივ დარღვევები2, ნალექი თვალში2, რქოვანას შეფერვა2,, რქოვანას შეშუპება2 , რქოვანას მგრძნობელობის დაქვეითება1, კონიუქტივიტი2, მეიბომის ჯირკვლების ანთება2, დიპლოპია1,2, მხედველობის კონტრასტულობის დაქვეითება2, ფოტოფსია2, მხედველობის დაქვეითება2, ფრთისებრი აპკი2, თვალში დისკომფორტის შეგრძნება2, „მშრალი“ კერატოკონიუქტივიტი2, თვალის მგრძნობელობის დაქვეითება2, სკლერის პიგმენტაცია2, სუბკონიუქტიური კისტა2, მხედველობის დარღვევა2, თვალების შესიება2, ალერგიული რეაქციები თვალის მხრივ2, წამწამების დაკარგვა2 (მედაროზი), ქუთუთოების მხრივ დარღვევები2, პტოზი1.

_ცენტრალური ნერვული სისტემის მხრივ და ფსიქიკური დარღვევები: უცნობი სიხშირის- _მეხსიერების დაკარგვა1, აპათია2,, დეპრესიული მდგომარეობა2, ლიბიდოს დაქვეითება2, ღამის კოშმარები1,2, ნერვოზულობა2, თავის ტვინის სისხლძარღვების იშემია1, ინსულტი1, გონების დაკარგვა1, მძიმე კუნთოვანი სისუსტის ნიშნებისა და სიმპტომების გაძლიერება1 (მიასთენია გრავის), ძილიანობა2, მოტორიკის დარღვევები2, ამნეზია2, მახსოვრობის გაუარესება2, პარესთეზია1,2, ტრემორი2, მგრძნობელობის დაქვეითება2, გემოს შეგრძნების დაკარგვა2.

გულ-სისხლძარღვთა სისტემის მხრივ: უცნობი სიხშირის- გულის გაჩერება1, გულის უკმარისობა1, ქრონიკული გულის უკმარისობა1, ატრიოვენტრიკულური ბლოკადა1, კარდიო- რესპირატორული დისტრეს-სინდრომი2, სტენოკარდია2, ბრადიკარდია1,2, არარეგულარული გულისცემა2, არითმია1,2, გულის ფრიალი1,2, ტაქიკარდია2, აჩქარებული გულისცემა2, ტკივილი გულმკერდის არეში1, შეშუპება1, ჰიპოტენზია1, ჰიპერტენზია2, რეინოს ფენომენი1, კიდურებში სიცივის შეგრძნება1.

_სასუნთქი სისტემის, გულმკერდის და მედიატალური ორგანოების მხრივ:_უცნობი სიხშირის- ბრონქოსპაზმი1, (განსაკუთრებით ანამნეზში ბრონქოსპაზმის მქონე პაციენტებში), ასთმა2, ბრონქების ჰიპერრეაქტიულობა2, ხახის გაღიზიანება2, ცხვირის დახშობა2, ზედა სასუნთქი გზების დახშობა2, პოსტნაზალური წვეთის სინდრომი2, ცემინება2, ცხვირში სიმშრალის შეგრძნება2.

სხვა: რინოფარინგიტი2, ფარინგიტი2, სინუსიტი2, რინიტი2, ერითროციტების რაოდენობის შემცირება2, სისხლში ქლორიდების დონის მომატება2, ანაფილაქსია1, სისტემური ალერგიული რეაქციები, მათ შორის ანგიონევროზული შეშუპება1, ლოკალური გენერალიზებული გამონაყარი1, ჭინჭრის ციება1, ქავილი1, ჰიპოგლიკემია1, ვერტიგო2, ხმაური ყურებში2, ღებინება1,2, მუცლის ტკივილი1, ეზოფაგიტი2, დისპეფსია1,2, კუჭში და მუცლის ღრუში დისკომფორტის შეგრძნება2, პერისტალტიკის გაძლიერება2, კუჭ- ნაწლავის მხრივ დარღვევები2, პირის ღრუს ჰიპესთეზია და პარესთეზია2, მეტეორიზმი2, ღვიძლის სინჯის მაჩვენებლების ნორმიდან გადახრა2, ჭინჭრის ციება2, მაკულო- პაპულოზური გამონაყარი2, გენერალიზებული ქავილი2, კანის დაჭიმვა2, დერმატიტი2, ფსორიაზოფორმული ქავილი ან ფსორიაზის გამწვავება1, კუნთების სპაზმი2, ართრალგია2, ტკივილი ზურგის მიდამოში2, კიდურების ტკივილი2, ტკივილი თირკმელების მიდამოში2, პოლაკიურია2, დისკომფორტი2, ტკივილი2, ასთენია1,2, მკერდში დისკომფორტის შეგრძნება2, განგაშის შეგრძნება2, გაღიზიანება2, პერიფერიული შეშუპება2, ერექციის დარღვევა2, სექსუალური დისფუნქცია1, ლიბიდოს დაქვეითება1.

1 თიმოლოლით მონოთერაპიისას განვითარებული გვერდითი რეაქციები.

2 ბრინზოლამიდით მონოთერაპიისას განვითარებული გვერდითი რეაქციები.

ჭარბი დოზირება

ჭარბი დოზირების შესახებ შეტყობინებები არ ყოფილა. ჭარბი დოზირების შემთხვევაში დაიბანეთ თვალები თბილი წყლით.

ხსნარის შემთხვევით გადაყლაპვისას, ბეტა-ბლოკატორების ჭარბი დოზირების სიმპტომები შეიძლება მოიცავდეს ბრადიკარდიას, ჰიპოტენზიას, გულის უკმარისობას და ბრონქოსპაზმს.

ბრინზოლამიდის ჭარბი დოზირების სიმპტომებია- ელექტროლიტური დისბალანსი, აციდოზი, ცენტრალური ნერვული სისტემის მხრივ დარღვევები.

მკურნალობა უნდა იყოს სიმპტომური და შემანარჩუნებელი: აუცილებელია სისხლის პლაზმაში ელექტროლიტების დონის (განსაკუთრებით კალიუმის) და სისხლის PH- -ის მონიტორინგი. ჰემოდიალიზი არ არის ეფექტური.

განსაკუთრებული მითითებები

სისტემური ეფექტები

ბრინზოლამიდი და თიმოლოლი შეიწოვება სისტემურ სისხლის მიმოქცევაში.

ადგილობრივი გამოყენებისას, თიმოლოლმა შესაძლოა გულ-სისხლძარღვთა და სასუნთქი სისტემის მხრივ გამოიწვიოს ისეთივე ტიპის გვერდითი რეაქციები როგორიც სისტემურმა ბეტა-ბლოკატორებმა, თუმცა გვერდითი ეფექტების განვითარების სიხშირე ადგილობრივი გამოყენებისას უფრო დაბალია ვიდრე სისტემური გამოყენების შემთხვევაში.

პრეპარატის გამოყენებისას, სისტემური აბსორბციის გამო, შესაძლოა განვითარდეს სულფონამიდებისათვის დამახასიათებელი ჰიპერმგრძნობელობის რეაქციები.

გულის მხრივ დარღვევები

ბეტა-ბლოკატორების გამოყენება უნდა მოხდეს სიფრთხილით, გულ-სისხლძარღვთა დაავადების და ჰიპოტენზიის მქონე პაციენტებში (გულის იშემიური დაავადება, პრინცმეტალის ტიპის სტენოკარდია, გულის უკმარისობა). აუცილებლობის შემთხვევაში უნდა განიხილოს სხვა პრეპრატით მკურნალობა. ასეთი ტიპის პაციენტებში უნდა მოხდეს დაავადების გამწვავების ნიშნების და არასასურველი რეაქციების გაკონტროლება.

იმპულსების გატარების დროზე ნეგატიური გავლენის გამო ბეტა-ბლოკატორების გამოყენება უნდა მოხდეს სიფრთხილით, გულის І ხარისხის ბლოკადის მქონე პაციენტებში.

სისხლძარღვების მხრივ დარღვევები

ინიშნება სიფრთხილით, პერიფერიული სისხლძარღვების გამოხატული დარვევის მქონე პაციენტებში (რეინოს დაავადების ან რეინოს სინდრომის რთული ფორმა).

სასუნთქი სისტემის მხრივ დარღვევები

არსებობს შეტყობინებები სასუნთქი სისტემის მხრივ განვითარებული რეაქციების შესახებ, ბეტა-ბლოკატორების თვალის წვეთების ფორმით მიღებისას, ბრონქიალური ასთმის მქონე პაციენტებში. ფილტვის ქრონიკული ობსტრუქციული დაავადების მქონე პაციენტებში, გამოიყენება სიფრთხილით და მხოლოდ იმ შემთხვევაში როდესაც მოსალოდნელი სარგებელი აჭარბებს პოტენციურ რისკს.

ჰიპოგლიკემია/შაქრიანი დიაბეტი

ბეტა-ბლოკატორებს შეუძლიათ გააძლიერონ მწვავე ჰიპოგლიკემიის სიმპტომები.

სიფრთხილით გამოიყენება სპონტანული ჰიპოგლიკემიისკენ მიდრეკილ ან ლაბილურად მიმდინარე დიაბეტის მქონე პაციენტებში.

ჰიპერთირეოზი

ბეტა-ბლოკატორებს შეუძლიათ გააძლიერონ ჰიპერთირეოზის სიმპტომები.

კუნთების სისუსტე

არსებობს შეტყობინებები, რომ ბეტა-ბლოკატორებს შეუძლიათ გამოიწვიონ მიასთენიის სიმპტომები (მაგალითად დიპლოპია, პტოზით და საერთო სისუსტით).

მჟავა-ტუტოვანი ბალანსის დარღვევა

პრეპარატის შემადგენელი ბრინზოლამიდი წარმოადგენს სულფონამიდს. პრეპარატის გამოყენებისას შესაძლოა განვითარდეს სულფონამიდებისთვის დამახასიათებელი გვერდითი ეფექტები.

არსებობს მჟავა-ტუტოვანი ბალანსის დარღვევის აღწერილი შემთხვევები, კარბოანჰიდრაზას პერორალური ინჰიბიტორების გამოყენებისას. სიფრთხილით გამოიყენება თირკმლის უკმარისობის განვითარების რისკის მქონე პაციენტებში, მეტაბოლური აციდოზის შესაძლო განვითარების გამო. ჰიპერმგრძნობელობის სერიოზული რეაქციების განვითარების შემთხვევაში, პრეპარატის მიღება უნდა შეწყდეს.

ყურადღების კონცენტრაცია

კარბოანჰიდრაზას პერორალურმა ინჰიბიტორებმა შესაძლოა დააქვეითონ ისეთი მოქმედებების შესაძლებლობა, რომლებიც მოითხოვს მომატებულ ყურადღებას და/ან კოორდინაციას. ასეთი ტიპის გამოვლინება შესაძლოა განვითარდეს პრეპარატის მიღებისას.

სხვადასხვა ალერგენის მიმართ ატოპიის ან მძიმე ანაფილაქსიური რეაქციების ანამნეზის მქონე პაციენტებს ბეტა ბლოკატორების მიღებისას, შესაძლოა განუვითარდეთ უფრო ძლიერი რეაქცია ამ ალერგენების მიმართ, ასევე ანაფილაქსიური რექციების მკურნალობისას შესაძლოა რეზისტენტული იყვნენ ადრენალინის ჩვეული დოზის მიმართ,

თვალის სისხლძარღვოვანი გარსის აფრცქვნა

აღწერილია თვალის სისხლძარღვოვანი გარსის აფრცქვნის შემთხვევები, ისეთი პრეპარატების გამოყენებისას რომლებიც ამცირებენ თვალშიდა სითხის წარმოქმნას (მაგ. თიმოლოლი, აცეტაზოლამიდი), ფილტრაციული ოპერაციების შემდეგ.

ქირურგიული ანესთეზია

ოფთალმოლოგიური პრეპარატების შემადგენელმა ბეტა-ბლოკატორებმა შესაძლოა დაბლოკონ ბეტა-აგონისტების სისტემური მოქმედება (ადრენალინის).

ეფექტები მხედველობის ორგანოს მხრივ

ოფთალმოლოგიურმა ბეტა-ბლოკატორებმა შესაზლოა გამოიწვიონ თვალის სიმშრალე. სიფრთხილით ინიშნება რქოვანას დაავადების მქონე პაციენტებში.

რეკომენდებული დაკვირვება რქოვანას დაძიანების მქონე პაციენტებში.(მაგ შაქრიანი დიაბეტის ან რქოვანას დისტროფიის მქონე პაცინტები). რადგან კარბოანჰიდრაზას ინჰიბიტორებს (ბრინზოლამიდი) შეუძლიათ იმოქმედონ რქოვანას ჰიდრატაციაზე, კონტაქტური ლინზების გამოყენებამ შესაძლოა გაზარდოს რქოვანას დაზიანების რისკი (რქოვანას ენდოთელიუმის დეკომპენსაცია, რქოვანას შეშუპება). პაციენტებში რომლებიც ატარებენ კონტაქტურ ლინზებს, ინიშნება სიფრთხილით.

ბენზალკონიუმის ქლორიდი

პრეპარატი შეიცავს ბენზალკონიუმის ქლორიდს, რომელსაც შეუძლია თვალის გაღიზიანების და რბილი კონტაქტური ლინზების გაუფერულების გამოწვევა.

პრეპარატის გამოყენებამდე, კონტაქტური ლინზები უნდა მოიხსნათ და გაიკეთოთ ჩაწვეთებიდან 15წთ-ის შემდეგ.

არსებობს შეტყობინებები, რომ ბენზალკონიუმის ქლორიდს შეუძლია გამოიწვიოს წერტილოვანი კერატოპათია და/ან ტოქსიკური წყლულოვანი კერატოპათია.

პრეპარატის ხშირად ან ხანგრძლივად გამოყენებისას, აუცილებელია რქოვანას მდგომარეობის მონიტორინგი.

გამოყენება ორსულობისა და ლაქტაციის პეიოდში

პრეპარატის გამოყენება ორსულობისა და ლაქტაციის პერიოდში არ არის რეკომენდებული.

სატრანსპორტო საშუალებების მართვასა და მექანიზმებთან მუშაობაზე გავლენა

პრეპარატი ახდენს მინიმალურ გავლენას სატრანსპორტო საშუალებების მართვასა და მექანიზმებთან მუშაობაზე. შესაძლოა განვითარდეს მხედველობის დროებითი დაბინდვა ან სხვა ვიზუალური დარღვევები. ასეთი სიმპტომების განვითარების შემთხვევაში, არ უნდა მართოთ სატრანსპორტო საშუალებები და იმუშაოთ რთულ მექანიზმებთან, დაზგა დანადგარებთან ან რაიმე სახის რთულ ტექნიკასთან, ვიდრე არ გაქრება სიმპტომები.

კარბოანჰიდრაზას ინჰიბიტორებმა შესაძლოა დააქვეითონ ისეთი მოქმედებების შესაძლებლობა, რომლებიც მოითხოვს გონებრივ აქტიურობას და/ან ფიზიკურ კოორდინაციას.

ურთიერთქმედება სხვა სამკურნალო საშუალებებთან

პრეპარატის სხვა სამკურნალო საშუალებებთან ურთიერთქმედების შესახებ კვლევა არ ჩატარებულა.

ბრინზოლამიდის მეტაბოლიზმზე პასუხისმგებელია ციტოქრომ P450-ის იზოფერმენტები: CYP3A4-ს (ძირითადი), CYP2A6, CYP2B6, CYP2C8 და CYP2C9.

ინიშნება სიფრთხილით, პრეპარატებთან რომლებიც აინჰიბირებენ იზოფერმენტ CYP3A4-ს (კეტოკონაზოლი, იტრაკონაზოლი, კლოტრიმაზოლი, რიტონავირი, ტროლეანდომიცინი), ბრინზოლამიდის მეტაბოლიზმის შესაძლო ინჰიბირების გამო.

უნდა გამოიჩინოთ სიფრთხილე, იზოფერმენტ CYP3A4-ის ინჰიბიტორებთან ერთდროულად დანიშვნისას.

ბეტა-ბლოკატორების შემცველი თვალის წვეთების ერთდროულად გამოყენებისას ბეტა- ბლოკატორებთან, კალციუმის არხების სიტემურ ბლოკატორებთან, ანტიარითმულ პრეპარატებთან, საგულე გლიკოზიდებთან, პარასიმპათომიმეტურ საშუალებებთან და გუანიტიდინთან, არსებობს ჰიპოტენზიური ეფექტის გაძლიერების და/ან ბრადიკარდის ალბათობა.

ბრინზოლამიდის შემცველი თვალის წვეთების ერთდროულად გამოყენებისას კარბოანჰიდრაზას სისტემურ ინჰიბიტორებთან, არსებობს კარბოანჰიდრაზას სისტემურ ინჰიბიტორების ეფექტის პოტენცირების შესაძლებლობა.

პრეპარატის ერთდროულად გამოყენებისას სისტემურ ბეტა-ბლოკატორებთან, შესაძლოა როგორც სისტემური ბეტა-ბლოკატორების ეფექტის პოტენცირება, ასევე თვალშიდა წნევის დაქვეითება.

არა არის რეკომენდებული ორი ადგილობრივი ბეტა-ბლოკატორის ან ორი ადგილობრივი კარბოანჰიდრაზას ინჰიბიტორის ერთდროული გამოყენება.

CYP2D6-ის ინჰიბიტორისა (ქინიდინი, ფლუოქსეტინი, პაროქსეტინი) და თიმოლოლის ერთდროულად გამოყენებისას, შესაძლოა გაძლიერდეს სისტემური ბეტა-ბლოკატორების მოქმედება. (გულის ცემის სიხშირის შემცირება, დეპრესია).

ბეტა-ბლოკატორებს შეუძლიათ გააძლიერონ დიაბეტის სამკურნალო საშუალებების ეფექტი და გააძლიერონ ჰიპოგლიკემიის ნიშნები.

ბეტა-ბლოკატორების მიღებისას შესაძლოა გაძლიერდეს ჰიპერტენზიული რეაქცია კლონიდინის მიღების შეწყვეტაზე.

ზოგჯერ იყო შეტყობინებები მიდრიაზის განვითარების შესახებ, ბეტა-ბლოკატორების შემცველი თვალის წვეთების და ადრენალინის (ეპინეფრინის) ერთდროულად გამოყენებისას.

შენახვის პირობები

ინახება არაუმეტეს 300С ტემპერატურაზე, ბავშვებისათვის მიუწვდომელ ადგილას.

ვარგისობის ვადა

2 წელი. არ გამოიყენოთ შეფუთვაზე მითითებული ვარგისობის ვადის გასვლის შემდეგ. პრეპარატი გამოიყენეთ ფლაკონის გახსნიდან 4 კვირის განმავლობაში.

შეფუთვა

თვალის წვეთები 5 მლ-იან პოლიეთილენის საწვეთურიან ფლაკონებში. ყოველი ფლაკონი მოთავსებულია მუყაოს კოლოფში სამედიცინო გამოყენების ინსტრუქციასთან ერთად.

10 ფლაკონი მუყაოს კოლოფით მოთავსებულია ბლოკ-კოლოფში.

გაცემის წესი:

ფარმაცევტული პროდუქტის ჯგუფი II ჯგუფი, გაიცემა ფორმა №3 რეცეპტით

მწარმოებელი

დსს «ლიქვორი», სომხეთი