კომბიპრასალი 0,5მგ/2,5მგ

საინჰალაციო ხსნარი ნებულაიზერით

იპრატროპიუმის ბრომიდი / სალბუტამოლი

მედიკამენტის მიღებამდე ყურადღებით გაეცანით ბროშურის სრულ ვერსიას

• შეინახეთ ეს ბროშურა ვინაიდან შესაძლოა დაგჭირდეთ მისი თავიდან წაკითხვა.
• თუ გექნებათ რაიმე სახის ეჭვი მიმართეთ თქვენს ექიმს ან ფარმაცევტს.
• ეს მედიკამენტი გამოწერილია თქვენთვის, არ გადასცეთ სხვას, თუნდაც გააჩნდეთ იგივე სიმპტომები, ვინაიდან შესაძლებელია პრეპარატმა ზიანი მიაყენოს მათ.
• თუ კი შეამჩნევთ პრეპარატისგან გამოწვეული რომელიმე გვერდითი მოვლენა მძიმეა ან გამოვლინდა ისეთი გვერდითი ჩვენება რაც არ არის მოხსენიებული ამ ბროშურაში , შეატყობინეთ ამის თაობაზე თქვენს ექიმს ან ფარმაცევტს.

---

ბროშურას შემადგენლობა :

1. რა არის კომბიპრასალი და რისთვის გამოიყენება.
2. კომბიპრასალის მიღებამდე.
3. როგორ მივიღოთ კომბიპრასალი.
4. შესაძლო გვერდითი ჩვენებები.
5. კომბიპრასალის შენახვა.
6. დამატებითი ინფორმაცია.

1.რა არისკომბიპრასალი და რისთვის გამოიყენება.

ეს მედიკამენტი მოთავსებულია ერთჯერადი დოზის ამპულაში, რომელიც შეიცავს ნათელ და უფერო ხსნარს ნებულაიზერით ინჰალაციისთვის.

კომბიპრასალი შეიცავს 0.5 მგ იპრატროპიუმის ბრომიდს (როგორც მონოჰიდრატი) და 2,5 მგ სალბუტამოლს (როგორც სულფატი).

კომბიპრასალი განეკუთვნება იმ მედიკამენტთა ჯგუფს, რომელსაც ბრონქოდილატატორს უწოდებენ და რომლებიც ხელს უწყობს ფილტვების სასუნთქი გზების გახსნას რათა შეძლოთ უფრო ადვილად სუნთქვა.

პრეპარატი ნაჩვენებია ფილტვების ქრონიკულ ობსტრუქციულ დაავადებასთან დაკავშირებული შექცევადი ბრონქოსპაზმის მკურნალობისთვის პაციენტებში, რომლებიც საჭიროებენ ერთზე მეტ ბრონქოდილატატორს.

კომბიპრასალის გამოყენების წინ.

არ გამოიყენოთ კომბიპრასალი

- თუ გაქვთ ალერგია (ან მომატებული მგრძნობელობა) იპრატროპიუმის ბრომიდის, სალბუტამოლის სულფატის, ატროპინის ან კომბიპრასალის ნებისმიერი სხვა შემადგენელი კომპონენტის მიმართ.

- თუ გაქვთ გულის დაავადება - ობსტრუქციული ჰიპერტროფიული კარდიომიოპათია (ეს ხდება მაშინ, როდესაც გული ვერ მუშაობს შესაბამისად გულის კუნთების ანთების გამო).

- თუ გაქვთ აჩქარებული და არარეგულარული გულის რითმი (რაც ცნობილია ტაქიკარდიის სახელით).

განსაკუთრებული სიფრთხილე კომბიპრასალთან

აღნიშნული პრეპარატით მკურნალობის დაწყებამდე აცნობეთ ექიმს:

- თუ გაქვთ გულის დაავადებების, გულის რითმის დარღვევის ან სტენოკარდიის ანამნეზი.

- თუ ორსულად ხართ, ან ფიქრობთ დაორსულებას ან იმყოფებით ლაქტაციის პერიოდში.

- შესაძლოა გამოვლინდეს სწრაფი ალერგიული რეაქციები, როგორიცაა ჭინჭრის ციება, ანგიოედემა, გამონაყარი, ხველა, ხიხინი და სუნთქვის გაძნელება (ბრონქოსპაზმი) შეშუპება პირის ღრუს და ყელის არეში (ოროფარინგეალური შეშუპება).

- როდესაც ვითარდება მწვავე რესპირატორული დისტრესი სწრაფად, დაუყონებლივ უნდა მიმართოთ თქვენს ექიმს.

- თუ გაქვთ დიაბეტი.

- თუ გაქვთ ჰიპერაქტიური ფარისებრი ჯირკვალი.

- თუ გაქვთ მდგომარეობა, რომელსაც ეწოდება ფეოქრომოციტომა და წარმოადგენს სიმსივნეს, რომელიც აწარმოებს ქიმიურ ნივთიერებებს, რამაც შეიძლება გამოიწვიოს დაღლილობა, მაღალი არტერიული წნევა და გულის ცემის აჩქარება.

- თუ თქვენ გაქვთ კისტოზური ფიბროზი, რადგან ეს შეიძლება იყოს უფრო მიდრეკილი კუჭ-ნაწლავის ტრაქტის მოტორიკის დარღვევებისადმი.

- თუ თქვენ გაქვთ მიდრეკილება თვალის წნევის მატებისკენ (ვიწრო-კუთხოვანი გლაუკომა), არ დაუშვათ ხსნარის მოხვედრა თვალებში. ამან შეიძლება გამოიწვიოს თვალების ტკივილი ან დისკომფორტი, ბუნდოვანი ხედვა, მხედველობის არეში სინათლის წყაროს გარშემო ფერადი წრეების არსებობა და ფერადი გამოსახულებები თვალების სიწითლესთან ერთად. იმ შემთხვევაში თუ თავი იჩინა რომელიმე აღნიშნულმა სიმპტომმა, უნდა შეწყვიტოთ მედიკამენტის მიღება დაუყონებლივ და გაიაროთ კონსულტაცია თქვენს ექიმთან.

- თუ თქვენ გაქვთ წინამდებარე ჯირკვლის ჰიპერპლაზია (პროსტატის გადიდება).

- თუ გაქვთ ისეთი დაავადება რაც ართულებს შარდის გამოყოფას.

სხვა მედიკამენტების გამოყენება

შეატყობინეთ თქვენს ექიმს ან ფარმაცევტს თუ იღებთ სხვა მედიკამენტს ან უახლოეს პერიოდში გაქვთ მიღებული, მათ შორის ისეთიც რომელიც არ საჭიროებს ექიმის რეცეპტს. ზოგი პრეპარატი შესაძლოა ურთიერთქმედებაში შევიდეს კომბიპრასალთან. მნიშვნელოვანია შეატყობინოთ ექიმს თუ იღებთ ქვემოთ მითითებულ რომელიმე მედიკამენტს:

• ქსანტინისაგან წარმოებული მედიკამენტები, როგორიცაა თეოფილინი.
• მედიკამენტებმა, რომლებიც შეიცავს ბეტა-ბლოკატორებს, როგორიცაა პროპრანოლოლი ან ტიმოლოლი, შესაძლოა შეამცირონ ამ პრეპარატის ეფექტურობა.
• დიურეტიკები, როგორიცაა ფუროსემიდი ან ინდაპამიდი.
• დიგოქსინი, რომელიც გამოიყენება გულის უკმარისობის სამკურნალოდ.
• სხვა მედიკამენტები რომლებიც ხელს უწყობს სუნთქვის გაუმჯობესებას, როგორიცაა ტერბუტალინი.
• მედიკამენტები, რომლებიც შეიცავს ანტიქოლინერგულ საშუალებებს (გამოიყენება ასთმის, გაღიზიანებული ნაწლავის სინდრომის, პარკინსონის დაავადების და შეუკავებლობის სამკურნალოდ).
• დეპრესიის სამკურნალო გარკვეული მედიკამენტები (ცნობილი, როგორც მონოტამინის ოქსიდაზას ინჰიბიტორები და ტრიციკლური ანტიდეპრესანტები).
• საანესთეზიო პრეპარატები როგორიცაა ჰალოტონი.

ორსულობა და ლაქტაცია

ნებისმიერი სახის მედიკამენტის მიღებამდე გაიარეთ კონსულტაცია თქვენს ექიმთან ან ფარმაცევტთან.

არ არის რეკომენდირებული კომბიპრასალის გამოყენება ორსულობის ან ლაქტაციის პერიოდში. საჭიროების შემთხვევაში თქვენი ექიმი გადაწყვეტს ხელსაყრელია თუ არა მისი გამოყენება.

ავტომობილის მართვის და დანადგარების გამოყენებისას

კვლევები მართვის და დანადგარების გამოყენების დროს პრეპარატის გავლენაზე არ ჩატარებულა. თუმცა , არ მართოთ ან გამოიყენოთ დანადგარები მანამ, სანამ არ გაიგებთ როგორ რეაგირებთ მედიკამენტზე.

სპორტსმენებში გამოყენება

სპორტსმენებისთვის ცნობილია, რომ ეს მედიკამენტი შეიცავს სალბუტამოლს, რომელმაც შეიძლება გამოიწვიოს დადებითი პასუხი დოპინგის ტესტის გაკეთებისას.

**3.**როგორ გამოვიყენოთ კომბიპრასალი

მკაცრად დაიცავით თქვენი ექიმის მიერ მითითებული კომბიპრასალის მიღების წესები. ნებისმიერი კითხვის შემთხვევაში მიმართეთ თქვენს ექიმს ან ფარმაცევტს.

თქვენი ექიმი გეტყვით როდის გამოიყენოთ ნებულაიზერი რეგულარულად, დღიურად თუ მხოლოდ მაშინ როდესაც აღგენიშნებათ სუნთქვის გაძნელება.

ზრდასრულებში, ხანდაზმულებში და 12 წელზე ზევით ბავშვებში: რეკომენდებული დოზაა 1 ერთეული დოზის შიგთავსი 3 ან 4-ჯერ დღეში. მძიმე შემთხვევებში, თქვენს ექიმს შეუძლია გაგიზარდოთ დოზა 1 ერთეული დოზით ოთხჯერ დღეში.

12 წლამდე ასაკის ბავშვებში პრეპარატის გამოყენების გამოცდილება არ არის.

იმ შემთხვევაში თუ ვერ იგრძნობთ აშკარა გაუმჯობესებას ან თქვენი მდგომარეობა გაუარესდა უნდა მიმართოთ ექიმს.

პრეპარატის სწორად გამოყენების მითითებები:

თქვენი მედიკამენტი არის განკუთვნილი ინჰალაციისთვის ნებულაიზერის ან ვენტილატორის მეშვეობით, აქედან გამომდინარე არ შეიძლება მისი ინექცირება მიღება ან გადაყლაპვა.

გამოყენება:

1. გაამზადეთ თქვენი ნებულაიზერი ექიმისა და მედიკამენტის მწარმოებლის მითითებების შესაბამისად. დარწმუნდით რომ ნებულაიზერი არის სუფთა.
2. ამოიღეთ ყუთიდან ამპულების ერთი პლასტმასის ფირფიტა, გახსენით და ამოიღეთ ერთი ამპულა (სურათი 1). დანარჩენი ამპულები კი დატოვეთ ფირფიტაზე და დააბრუნეთ კოლოფში.
3. აიღეთ ამპულა და ზედა ნაწილის მოტრიალებით გახსენით იგი (სურათი 2).
4. თუ ექიმმა არ მოგცათ სხვა მითითებები, დაამატეთ პლასტმასის ამპულაში არსებული მთლიანი სითხე ნებულაიზერის კონტეინერში არსებულ ხსნარს.
5. გამოიყენეთ ნებულაიზერი ექიმის მითითებების თანახმად. გადააგდეთ ცარიელი პლასტმასის ამპულა.
6. ნებულაიზერის გამოყენების შემდეგ გაასუფთავეთ იგი მწარმოებლის მითითებების თანახმად.

თუ თვლით რომ კომბიპრასალის მოქმედება არის მეტისმეტად ძლიერი ან სუსტი შეატყობინეთ თქვენს ექიმს ან ფარმაცევტს.

თუ მიიღეთ საჭიროზე მეტი კომბიპრასალი:

კომბიპრასალის ნორმაზე მეტმა მიღებამ შესაძლოა გამოიწვიოს გულის რითმის დარღვევები, გულის ფრიალი, ტრემორი, არტერიული წნევის გაზრდა ან შემცირება, პულსის ცვლილება, სტენოკარდია, წამოწითლება, პირის სიმშრალე და აკომოდაციის დარღვევა.

ჭარბი დოზის ან შემთხვევითი ჩაყლაპვის შემთხვევაში, დაუყონებლივ მიმართეთ თქვენს ექიმს ან ფარმაცევტს ან დარეკეთ ტოქსიკოლოგიის საინფორმაციო მომსახურეობის ხაზზე : ტელ- 91 562 04 20, მიუთითეთ მედიკამენტის დასახელება და მიღებული დოზა.

მიმართეთ თქვენს ექიმს ან ყველაზე ახლოს მდებარე სასწრაფო დახმარების მომსახურეობის ცენტრს. თან იქონიეთ ეს ბროშურა ან ამ მედიკამენტის ამპულა, რათა ექიმმა იცოდეს რას ღებულობთ და შეძლოს შესაბამისი მკურნალობის დანიშვნა.

თუ დაგავიწყდათ კომბიპრასალის გამოყენება

თუ დაგავიწყდათ კომბიპრასალის გამოყენება, გამოიყენეთ შემდეგი დოზა როდესაც გიწევთ მისი გამოყენება ან მანამდე, იმ შემთხვევაში თუ გაგიძნელდათ სუნთქვა. არ მიიღოთ ორმაგი დოზა დავიწყებული დოზის აღდგენის მიზნით.

შესაძლო გვერდითი ეფექტები

ყველა პრეპარატის მსგავსად კომბიპრასალმა შესაძლოა გამოიწვიოს გვერდითი მოვლენები, თუმცა ისინი ყველას არ უვითარდება. თუმცაღა არ არის დაზუსტებით ცნობილი თუ რა სიხშირით ვლინდება გვერდითი ეფექტები, ზოგიერთს შესაძლოა განუვითარდეს ტკივილი მკერდის არეში (გულის პრობლემებიდან გამომდინარე, ისეთი როგორიცაა სტენოკარდია).

შეატყობინეთ თქვენს ექიმს თუ კომბიპრასალით მკურნალობისას განგივითარდათ ეს სიმპტომები, მაგრამ არ შეწყვიტოთ პრეპარატის მიღება სანამ ექიმი არ მოგთხოვთ შეწყვეტას.

გამოვლინდა შემდეგი გვერდითი ეფექტები:

ხშირი ( 1 ადამიანში ყოველი 10-დან)

- ნერვროზულობა

- თავის ტკივილი (შაკიკი)

- ხველება

- პირის სიმშრალე

ნაკლებად ხშირი (100 ადამიანიდან 1 )

- თავბრუსხვევა

- ტერმორი

- დისფონია (გართულება ან ტკივილი, რომელიც საუბრის დროს ჩნდება)

- გულის რითმის დარღვევა (ტაქიკარდია, არითმია)

- ყელის გაღიზიანება

- გულისრევა

- შარდის შეკავება

იშვიათად ( 1000-დან 1 ადამიანი მაინც)

- ალერგიული რეაქცია (მომატებული მგრძნობელობა)

- სისხლში კალიუმის შემცირება (ჰიპოკალიემია)

- ფსიქიკური გაღიზიანება

- ინტრაოკულარული წნევის მომატება

- ვიწრო-კუთხური გლაუკომა.

- თვალების ტკივილი

- თვალის გუგის გაფართოვება

- სასუნთქი გზების დახშობა (ბრონქოსპაზმი)

- ღებინება

- კუჭ-ნაწლავის ტრაქტის მოტორიკის დარღვევები.

- კანის რეაქცია და გაძლიერებული ოფლიანობა.

- კუნთების სისუსტე და ტკივილი

- კუნთების სპაზმები

- არტერიული წნევის შემცირება ან მომატება

კომუნიკაცია****გვერდითი ეფექტების შესახებ

გვერდითი ეფექტების გამოვლენის შემთხვევაში, მათ შორის ისეთების რომლებიც არ არის მითითებული ამ ბროშურაში, მიმართეთ თქვენს ექიმს ან ფარმაცევტს , აგრეთვე შეგიძლიათ კომუნიკაცია პირდაპირ ესპანეთის ადამიანის სამკურნალო საშუალებების ფარმაკო ზედამხედველობის სამსახურს: http;//www.notificaram.es

გვერდითი ჩვენებების მითითებით თქვენ შეგიძლიათ წვლილი შეიტანოთ ამ მედიკამენტის ინფორმაციაზე.

5. კომბიპრასალის შენახვა

შეინახეთ ბავშვებისთვის მიუწვდომელ ადგილას

შეინახეთ არაუმეტეს 250C ტემპერატურაზე.

შეინახეთ კოლოფში სინათლისგან დაცვის მიზნით.

ამპულები უნდა გაიხსნას მოხმარების დროს და ნარჩენები უნდა გადაყაროთ.

ვარგისიანობა

არ მიიღოთ კომბიპრასალი შეფუთვაზე მითითებული ვარგისიანობის ვადის გასვლის შემდეგ.

ვარგისიანობის თარიღი ვრცელდება მასზე დატანილი თვის ბოლო რიცხვამდე.

მედიკამენტები არ უნდა გადაყაროთ სადრენაჟო სისტემაში ან ნაგავში. ჩაუშვით იგი აფთიაქთან განთავსებულ სპეციალურ წერტილში. პეპარატის იმ დარჩენილი ნაწილის განადგურებასთან დაკავშირებით რომელიც უკვე არ გჭირდებათ, დაუკავშირდით თქვენს ექიმს ან ფარმაცევტს, ამგვარად დაეხმარებით გარემოს დაცვაში.

6. დამატებითი ინფორმაცია

კომბიპრასალის შემადგენლობა:

- აქტიური ინგრედიენტებია იპრატორპის ბრუმერი და სალბუტამოლი.

- სხვა ინგრედიენტები სემავსებლები) არის შემდეგი: ნატრიუმის ქლორიდი,მარილმჟავა,საინექციო წყალი.

ყოველი ამპულა შეიცავს 0,5მგ იპრატროპიუმის ბრომიდს, რაც არის იპრატროპიუმის ბრომიდი მონოჰიდრატი 0,52 მგ-ის ექვივალენტი და 2,5 მგ სალბუტამოლს (3 მგ სალბუტამოლის სულფატის ექვივალენტი)

პროდუქტის ვიზუალური მხარე და შეფუთვის შემცველობა

კომბიპრასალი წარმოდგენილია სტრიპში 10 ამპულით, რომელიც შეიცავს გამჭვირვალე და უფერო ხსნარს და მოთავსებულია ალუმინის კოვერტში.

ყოველ კოლოფში არის 20 ცალი ამპულა.

სავაჭრო ლიცენზიის მფლობელი:

შ.პ.ს ალდო უნიონ -ის ლაბორატორია (Laboratorio ALDO-UNION, S.L)

ბარონესა დე მალდას ქუჩა,#73

08950 ესპუგეს დე იობრეგატ (ბარსელონა)

ესპანეთი

წარმოებაზე პასუხისმგებელი:

უნიტერის ლაბორატორია (Laboratoire Unither)

ანდრე დუროუცჰეზის გზატკეცილი 151

80084 ამინეს სედექს 2 - საფრანგეთი

ამ მედიკამენტის განახლებული და დეტალური ინფორმაცია ხელმისაწვდომია სანიტარული პროდუქტებისა და მედიკამენტების ესპანური სააგენტოს ვებ გვერდზე (AEMPS) http://www.aemps.gob.es/

შემადგენლობა: აქტიური ინგრედიენტებიაიპრატროპიუმის ბრომიდი და სალბუტამოლი. სხვა ინგრედიენტები შემავსებლები) არის შემდეგი: ნატრიუმის ქლორიდი,მარილმჟავა,საინექციო წყალი. ყოველი ამპულა შეიცავს 0,5მგ იპრატროპიუმის ბრომიდს, რაც არის იპრატროპიუმის ბრომიდი მონოჰიდრატი 0,52მგ-ის ექვივალენტი და 2,5მგ სალბუტამოლს (3მგ სალბუტამოლის სულფატის ექვივალენტი).

ჩვენება: პრეპარატი ნაჩვენებია ფილტვების ქრონიკულ-ობსტრუქციულ დაავადებასთან დაკავშირებული შექცევადი ბრონქოსპაზმის მკურნალობისთვის პაციენტებში, რომლებიც საჭიროებენ ერთზე მეტ ბრონქოდილატატორს.

უკუჩვენება: თუ პაციენტს აქვს ალერგია (ან მომატებული მგრძნობელობა) იპრატროპიუმის ბრომიდის, სალბუტამოლის სულფატის, ატროპინის ან კომბიპრასალის ნებისმიერი სხვა შემადგენელი კომპონენტის მიმართ. თუ აქვს გულის დაავადება- ობსტრუქციული ჰიპერტროფიული კარდიომიოპათია (ეს ხდება მაშინ, როდესაც გული ვერ მუშაობს შესაბამისად გულის კუნთების ანთების გამო). თუ აქვს აჩქარებული და არარეგულარული გულის რითმი (რაც ცნობილია ტაქიკარდიის სახელით).

შენახვის წესი: ინახება ბავშვებისთვის მიუწვდომელ ადგილას, არაუმეტეს 25C ტემპერატურაზე,

კომბიპრასალი 0,5 მგ /2,5 მგ

საინჰალაციო ხსნარი ნებულაიზერისთვის

მედიკამენტის მიღებამდე ყურადღებით წაიკითხეთ მთლიანი ანოტაცია, რადგანაც შეიცავს თქვენთვის მნიშნელოვან ინფორმაციას.

• შეინახეთ ეს ანოტაცია, რადგანაც შესაძლებელია დაგჭირდეთ მისი ხელმეორედ წაკითხვა. რაიმე სახით დაეჭვების შემთხვევაში მიმართეთ თქვენს ექიმს ან ფარმაცევტს.

- ეს მედიკამენტი გამოწერილია პირადად თქვენთვის, არ გადასცეთ სხვა პირებს, თუნდაც იგივე სიმპტომები ჰქონდეთ რაც თქვენ, ამან შეიძლება ავნოს მათ.

-რაიმე სახის გვერდითი მოვლენების გამოვლენის შემთხვევაში მიმართეთ თქვენს ექიმს ან ფარმაცევტს, იმ შემთხვევაშიც კი თუ გამოვლენილი გვერდითი მოვლენები ნახსენები არ არის წინამდებარე ანოტაციაში, იხილეთ პუნქტი 4
ანოტაციის შინაარსი:

1. რა არის კომბიპრასალი და რისთვის გამოიყენება.

2. რა უნდა ვიცოდეთ კომბიპრასალის მიღებამდე.

3. როგორ მივიღოთ კომბიპრასალი

4. შესაძლო გვერდითი მოვლენები.

5. როგორ შევინახოთ კომბიპრასალი

6. შეფუთვის შიგთავსი და დამატებითი ინფორმაცია.

**
1. რა არის კომბიპრასალი და რისთვის გამოიყენება.**

მედიკამენტი წარმოდგენილია ერთჯერადი დოზის ფლაკონით, რომელიც შეიცავს უფერო გამჭვირვალე სითხეს ნებულაიზერით ინჰალაციისათვის. კომბიპრასალი შეიცავს 0.5 მგ იპრატროპიუმის ბრომიდს (მონოჰიდრატის სახით) და 2.5 მგ სალბუტამოლს (სულფატის სახით). კომბიპრასალი მიეკუთვნება ბრონქოდილატატორების ჯგუფს, რომლებიც ხელს უწყობს სასუნთქი გზების გახსნას რათა შესაძლებელი იყოს უფრო ადვილად სუნთქვა. მედიკამენტი ინიშნება ფილტვების ქრონიკულ ობსტრუქციულ დაავადებასთან დაკავშირებულ შექცევადი ბრონქოსპაზმის სამკურნალოდ, იმ პაციენტებში, რომლებიც საჭიროებენ ერთზე მეტ ბრონქოდილატატორს.

**2. რა უნდა ვიცოდეთ კომბიპრასალის მიღებამდე **

არ მიიღოთ კომბიპრასალი

- თუ ალერგიული (ჰიპერმგრძნობიარე) ხართ იპრატროპიუმის ბრომიდის, სალბუტამოლის სულფატის, ატროპინის ან კომბიპრასალის რომელიმე სხვა კომპონენტის მიმართ.

- თუ გაწუხებთ გულის დაავადება, სახელწოდებით ჰიპერტროფიული ობსტრუქციული კარდიომიოპათია (ეს ხდება მაშინ, როდესაც გული სათანადოდ ვერ მუშაობს გულის კუნთების ანთების გამო).

- თუ გაწუხებთ აჩქარებული და არარეგულარული გულისცემა (ცნობილია როგორც ტაქიარითმია).

გაფრთხილებები და სიფრთხილის ზომები

აღინიშნა ლაქტური აციდოზი, რომელიც გამოწვეული იყო სალბუტამოლის მაღალი თერაპიული დოზებით, ძირითადად პაციენტებში, რომლებიც მკურნალობდნენ მწვავე ბრონქოსპაზმისთვის (იხ. პუნქტები 3 და 4). ლაქტატის დონის მატებამ შესაძლებელია გამოიწვიოს ქოშინი და ჰიპერვენტილაცია. დაუყოვნებლივ მიმართეთ ექიმს თუ ფიქრობთ რომ მედიკამენტი შესაბამისად არ მოქმედებს და ნებულაიზერის გამოყენება იმაზე ხშირად გჭირდებათ, ვიდრე ექიმმა გირჩიათ.

განსაკუთრებით იფრთხილეთ კომბიპრასალთან

მედიკამენტით მკურნალობის დაწყებამდე აცნობეთ ექიმს:

- თუ გაქვთ გულის დაავადებების, გულის რითმის დარღვევის ან სტენოკარდიის ანამნეზი.

- თუ ხართ ორსულად, გეგმავთ დაორსულებას ან იმყოფებით ლაქტაციის პერიოდში.

- შესაძლებელია გამოვლინდეს მყისიერი ალერგიული რეაქციები, როგორიცაა ჭინჭრის ციება, ანგიოედემა, გამონაყარი, ხველა, ხიხინი და სუნთქვის გაძნელება (ბრონქოსპაზმი), შეშუპება პირის ღრუს და ყელის არეში (ოროფარინგეალური შეშუპება).

- როდესაც ვითარდება მწვავე რესპირატორული დისტრესი რომელიც სწრაფად უარესდება, დაუყოვნებლივ უნდა მიმართოთ ექიმს.

- თუ გაქვთ დიაბეტი.

- თუ გაქვთ ზედმეტად აქტიური ფარისებრი ჯირკვალი

- თუ აღგენიშნებათ მდგომარეობა, რომელსაც ეწოდება ფეოქრომოციტომა, ეს არის სიმსივნე, რომელიც წარმოქმნის ქიმიკატებს, რამაც შესაძლებელია გამოიწვიოს დაღლილობა, მაღალი წნევა და გულისცემის აჩქარება.

- თუ გაქვთ კისტოზური ფიბროზი, რადგანაც შესაძლებელია უფრო მიდრეკილი იყოთ კუჭ- ნაწლავის ტრაქტის მოტორიკის დარღვევებისადმი.

- თუ გაქვთ მიდრეკილება თვალის წნევის მატებისკენ (ვიწროკუთხოვანი გლაუკომა). უნდა მოერიდოთ ხსნარის თვალებში მოხვედრას. ამან შესაძლებელია გამოიწვიოს თვალების ტკივილი ან დისკომფორტი, მხედველობის დაბინდვა, ვიზუალური ჰალოები ან ფერადი გამოსახულებები, თვალების სიწითლესთან ერთად. რომელიმე აღნიშნული სიმპტომის გამოვლენის შემთხვევაში შეწყვიტეთ მკურნალობა და დაუყოვნებლივ მიმართეთ ექიმს.

- თუ გაწუხებთ წინამდებარე ჯირკვლის ჰიპერპლაზია (პროსტატის გადიდება)

- თუ გაქვთ დარღვევა, რომელიც ართულებს შარდის გამოყოფას.

სხვა მედიკამენტების მიღება

აცნობეთ თქვენს ექიმს ან ფარმაცევტს, თუ იღებთ ან ცოტა ხნის წინ იღებდით სხვა მედიკამენტებს, მათ შორის ურეცეპტოდ გასაცემ მედიკამენტებს. ზოგიერთ მედიკამენტს შესაძლოა ურთიერთქმედება ჰქონდეს კომბიპრასალთან. მნიშვნელოვანია აცნობოთ თქვენს ექიმს, თუ იღებთ ქვემოთ ჩამოთვლილ რომელიმე მედიკამენტს:

- ქსანტინისაგან წარმოებული მედიკამენტები, როგორიცაა თეოფილინი

- ბეტა-ბლოკატორების შემცველი მედიკამენტები, როგორიცაა პროპრანოლოლი ან თიმოლოლი, რადგანაც მათ შესაძლებელია შეამცირონ ამ მედიკამენტის ეფექტურობა.

- დიურეზულები, როგორიცაა ფუროსემიდი ან ინდაპამიდი.

- დიგოქსინი, გამოიყენება გულის უკმარისობის სამკურნალოდ.

- სხვა მედიკამენტები, რომლებიც აადვილებენ სუნთქვას, როგორიცაა ტერბუტალინი.

- ანტიქოლინერგული საშუალებების შემცველი მედიკამენტები (გამოიყენება ასთმის, გაღიზიანებული ნაწლავის სინდრომის, პარკინსონის დაავადებისა და შეუკავებლობის სამკურნალოდ).

- დეპრესიის სამკურნალო ზოგიერთი მედიკამენტი (ცნობილი, როგორც მონოამინოქსიდაზას ინჰიბიტორები და ტრიციკლური ანტიდეპრესანტები).

- საანესთეზიო საშუალებები, როგორიცაა ჰალოტანი.

ორსულობა და ლაქტაცია

ნებისმიერი მედიკამენტის მიღებამდე მიმართეთ ექიმს ან ფარმაცევტს.

კომბიპრასალის მიღება არ არის რეკომენდებული ორსულობისა და ლაქტაციის პერიოდში. საჭიროების შემთხვევაში, ექიმი შეაფასებს მისი გამოყენების მიზანშეწონილობას.

ავტომობილების და მექანიზმების მართვა

ავტომობილის და მექანიზმის მართვის უნარზე ზემოქმედების შესახებ კვლევა არ ჩატარებულა. თუმცა არ მართოთ ავტომობილი და მექანიზმები ვიდრე არ გეცოდინებათ როგორ მოქმედებს მედიკამენტი.

მიღება სპორტსმენების მიერ

სპორტსმენები ინფორმირებულნი არიან იმის შესახებ რომ მედიკამენტი შეიცავს სალბუტამოლს, რამაც შესაძლოა აჩვენოს დადებითი შედეგი დოპინგ კონტროლის ტესტებში.

3. როგორ მივიღოთ კომბიპრასალი

ზედმიწევნით დაიცავით კომბიპრასალის მიღებასთან დაკავშირებით ექიმის მიერ მოცემული რჩევები რაიმე სახის შეკითხვის არსებობის შემთხვევაში მიმართეთ თქვენს ექიმს ან ფარმაცევტს, ექიმმა შესაძლებელია დაგინიშნოთ ნებულაიზერის გამოყენება სისტემატიურად, ყოველდღიურად ან მხოლოდ მაშინ როდესაც აღგენიშნებათ სუნთქვის გაძნელება.

მოზრდილები, მათ შორის ხანდაზმულები და 12 წელზე უფროსი ასაკის ბავშვები: რეკომენდებული დოზაა 1 ერთჯერადი დოზის შიგთავსი 3 ან 4-ჯერ დღეში. მძიმე შემთხვევებში ექიმმა შესაძლოა გაზარდოს ერთჯერადი დოზა ოთხჯერ დღეში.

12 წლამდე ასაკის ბავშვებში ამ მედიკამენტის მიღების გამოცდილება არ არსებობს.

იმ შემთხვევაში, თუ ვერ გრძნობთ მნიშნელოვან გაუმჯობესებას ან თქვენი მდგომარეობა გაუარესდება, უნდა მიმართოთ ექიმს.

მედიკამენტის სწორად მოხმარების ინსტრუქცია:

მედიკამენტი განკუთვნილია ნებულაიზერის ან ვენტილატორის მეშვეობით ინჰალაციისათვის, ამიტომ არ შეიძლება მისი ინექცია ან გადაყლაპვა.

1. მოამზადეთ თქვენი ნებულაიზერი მწარმოებლისა და ექიმის მითითებების შესაბამისად. დარწმუნდით, რომ ნებულაიზერის მოწყობილობა სუფთაა.

2. კოლოფიდან ამოიღეთ ფლაკონების ერთი პლასტმასის ფირფიტა, გახსენით და ამოიღეთ ერთ-ერთი ფლაკონი (სურ. 1). დარჩენილი ფლაკონები დატოვეთ ფირფიტაზე და დააბრუნეთ კოლოფში.

3. აიღეთ ფლაკონი და გახსენით ზედა ნაწილის დატრიალებით. (სურ..2).

4. თუ ექიმი სხვაგვარად არ გითხრათ, ფლაკონში არსებული მთელი სითხე დაამატეთ ნებულაიზერის კონტეინერში არსებულ ხსნარს.

5. გამოიყენეთ ნებულაიზერი ექიმის დანიშნულების მიხედვით. გადააგდეთ ცარიელი პლასტმასის ფლაკონი.

6. ნებულაიზერის გამოყენების შემდეგ გაწმინდეთ ის მწარმოებლის მითითებების მიხედვით, თუ ფიქრობთ, რომ კომბიპრასალის მოქმედება ძალიან ძლიერი ან ძალიან სუსტია, აცნობეთ თქვენს ექიმს ან ფარმაცევტს.

თუ მიიღეთ საჭიროზე მეტი კომბიპრასალი:

საჭიროზე მეტი კომბიპრასალის მიღებისას შესაძლებელია განვითარდეს გულის რითმის დარღვევა, პალპიტაცია, ტრემორი, არტერიული წნევის მატება ან კლება, პულსის დარღვევა, სტენოკარდია, წამოწითლება, პირის სიმშრალე და აკომოდაციის დარღვევა.

დოზის გადაჭარბების ან შემთხვევითი მიღების შემთხვევაში დაუყოვნებლივ მიმართეთ თქვენს ექიმს ან ფარმაცევტს ან დარეკეთ ტოქსიკოლოგიურ საინფორმაციო სამსახურში.

თუ დაგავიწყდათ კომბიპრასალის მიღება

თუ დაგავიწყდათ კომბიპრასალის მიღება, მიიღეთ შემდეგი დოზა როდესაც გიწევთ მისი გამოყენება ან მანამდე, იმ შემთხვევაში თუ გაგიძნელდათ სუნთქვა. არ მიიღოთ ორმაგი დოზა გამოტოვებული დოზის საკომპენსაციოდ.

4. შესაძლო გვერდითი მოვლენები

სხვა მედიკამენტების მსგავსად, შესაძლებელია კომბიპრასალსაც ჰქონდეს გვერდითი მოვლენები, თუმცა ისინი ყველასთან არ ვლინდება.

გამოვლენილია შემდეგი გვერდითი მოვლენები:

ხშირი ( ვლინდება 10-დან 1 ადამიანში)

- შფოთვა

- თავის ტკივილი (შაკიკი)

- ხველება

- პირის სიმშრალე

ნაკლებად ხშირი (ვლინდება 100-დან 1-ზე ნაკლებ ადამიანში)

- თავბრუსხვევა

- კანკალი

- დისფონია

- გულის რითმის დარღვევა (ტაქიკარდია, პალპიტაცია, არითმია)

- ყელის გაღიზიანება

- გულისრევა

- შარდის შეკავება

იშვიათი (ვლინდება 1000-დან 1-ზე ნაკლებ ადამიანში)

- ალერგიული რეაქციები (ჰიპერმგრძნობელობა)

- სისხლში კალიუმის დონის დაქვეითება (ჰიპოკალიემია)

- ფსიქიკური ცვლილებები

- თვალშიდა წნევის მომატება

- ვიწროკუთხოვანი გლაუკომა

- თვალის ტკივილი

- გუგის გაფართოება (მიდრიაზი)

- სასუნთქი გზების ობსტრუქცია (პარადოქსული ბრონქოსპაზმი)

- ღებინება

- ნაწლავის ტრაქტის მოტორიკის დარღვევები

- კანის რეაქცია და მომატებული ოფლიანობა

- კუნთების ტკივილი და სისუსტე

- კუნთების სპაზმები

- არტერიული წნევის მატება ან კლება

ასევე შესაძლებელია გამოვლინდეს შემდეგი გვერდითი მოვლენებიც, თუმცაა მათი სიხშირე უცნობია:

- ზოგიერთ ადამიანს ზოგჯერ შესაძლებელია გამოუვლინდეს გულმკერდის ტკივილი (გულის პრობლემების გამო, როგორიცაა სტენოკარდია). კომბიპრასალით მკურნალობის პერიოდში ამ სიმპტომების გამოვლენისას აცნობეთ თქვენს ექიმს, თუმცა არ შეწყვიტოთ ამ მედიკამენტის მიღება, თუ ამას თქვენი ექიმი არ გეტყვით.

- მდგომარეობა, რომელიც ცნობილია როგორც ლაქტური აციდოზი, რამაც შესაძლებელია გამოიწვიოს კუჭის ტკივილი, ჰიპერვენტილაცია, სუნთქვის გაძნელება, ასევე შესაძლებელია გამოიწვიოს ხიხინი, ცივი ხელები და ფეხები, არარეგულარული გულისცემა ან წყურვილის შეგრძნება.

5. როგორ შევინახოთ კომბიპრასალი

შეინახეთ ბავშვებისთვის მიუწვდომელ ადგილას.

არ შეინახოთ 25°C-ზე მაღალ ტემპერატურაზე.

შეინახეთ გარე შეფუთვაში სინათლისაგან დაცვის მიზნით.

ამპულები უნდა გაიხსნას უშუალოდ გამოყენების წინ და დარჩენილი ხსნარი უნდა გადაიღვაროს.

ვარგისიანობის ვადა

არ გამოიყენოთ კომბიპრასალი ვარგისიანობის ვადის გასვლის შემდეგ, რომელიც მითითებულია შეფუთვაზე „Cad.:“-ის შემდეგ. ვარგისიანობის ვადა გულისხმობს მითითებული თვის ბოლო დღეს.

მედიკამენტები არ უნდა ჩააგდოთ კანალიზაციაში ან საყოფაცხოვრებო ნარჩენებში. კონტეინერები და მედიკამენტები, რომლებიც არ გჭირდებათ მიიტანეთ აფთიაქის Punto SIGRE პუნქტში, დაეჭვების შემთხვევაში, ჰკითხეთ თქვენს ფარმაცევტს, როგორ გადააგდოთ კონტეინერები და მედიკამენტები, რომლებიც არ გჭირდებათ. აღნიშნული ფორმით თქვენ ხელს შეუწყობთ გარემოს დაცვას.

6. დამატებითი ინფორმაცია

კომბიპრასალის შემადგენლობა:

- აქტიური ნივთიერებებია იპრატროპიუმის ბრომიდი და სალბუტამოლი

- სხვა კომპონენტები (დამხმარე ნივთიერებები) არის: ნატრიუმის ქლორიდი, მარილმჟავა და საინექციო წყალი.

კომბიპრასალის თითოეული 2,5 მლ ფლაკონი შეიცავს 0,5 მგ იპრატროპიუმის ბრომიდს (შეესაბამება 0,52 მგ იპრატროპიუმის ბრომიდის მონოჰიდრატს) და 2,5 მგ სალბუტამოლს (შეესაბამება 3 მგ სალბუტამოლის სულფატს).

პროდუქციის ვიზუალური მხარე და შეფუთვის შიგთავსი

კომბიპრასალი წარმოდგენილია ფირფიტით 10 ფლაკონით, რომელიც შეიცავს გამჭვირვალე და უფერო ხსნარს და მოთავსებულია ალუმინის გარსში.

თითოეული კოლოფი შეიცავს 20 ფლაკონს.

შემადგენლობა: აქტიური ინგრედიენტებიაიპრატროპიუმის ბრომიდი და სალბუტამოლი. სხვა ინგრედიენტები შემავსებლები) არის შემდეგი: ნატრიუმის ქლორიდი,მარილმჟავა,საინექციო წყალი. ყოველი ამპულა შეიცავს 0,5მგ იპრატროპიუმის ბრომიდს, რაც არის იპრატროპიუმის ბრომიდი მონოჰიდრატი 0,52მგ-ის ექვივალენტი და 2,5მგ სალბუტამოლს (3მგ სალბუტამოლის სულფატის ექვივალენტი).

ჩვენება: პრეპარატი ნაჩვენებია ფილტვების ქრონიკულ-ობსტრუქციულ დაავადებასთან დაკავშირებული შექცევადი ბრონქოსპაზმის მკურნალობისთვის პაციენტებში, რომლებიც საჭიროებენ ერთზე მეტ ბრონქოდილატატორს.

უკუჩვენება: თუ პაციენტს აქვს ალერგია (ან მომატებული მგრძნობელობა) იპრატროპიუმის ბრომიდის, სალბუტამოლის სულფატის, ატროპინის ან კომბიპრასალის ნებისმიერი სხვა შემადგენელი კომპონენტის მიმართ. თუ აქვს გულის დაავადება- ობსტრუქციული ჰიპერტროფიული კარდიომიოპათია (ეს ხდება მაშინ, როდესაც გული ვერ მუშაობს შესაბამისად გულის კუნთების ანთების გამო). თუ აქვს აჩქარებული და არარეგულარული გულის რითმი (რაც ცნობილია ტაქიკარდიის სახელით).

შენახვის წესი: ინახება ბავშვებისთვის მიუწვდომელ ადგილას, არაუმეტეს 25C ტემპერატურაზე,