საერთაშორისო დასახელება - urapidil
კლინიკურ-ფარმაკოლოგიური ჯგუფი: გულ-სისხლძარღვთა სისტემა → ადრენომაბლოკირებელი საშუალებები → ალფა-ადრენომაბლოკირებელი საშუალებები → ალფა1 ადრენომაბლოკირებელი საშუალებები
შემადგენლობა 1 მლ-ზე:
აქტიური ნივთიერება
ურაპიდილ ჰიდროქლორიდი 5.47 მგ (რაც შეესაბამება 5.0 მგ ურაპიდილს).
დამხმარე ნივთიერებები:
პროპილენგლიკოლი, ნატრიუმის ჰიდროფოსფატის დიჰიდრატი, ნატრიუმის დიჰიდროფოსფატის დიჰიდრატი, საინიექციო წყალი.
აღწერილობა: გამჭვირვალე უფერო ხსნარი.

ფარმაკოთერაპიული ჯგუფი: ალფა-ადრენობლოკატორი.

ჩვენებები
ჰიპერტონული კრიზი, არტერიული ჰიპერტენზიის რეფრაქტერული და მძიმე ხარისხი.
მათვადი არტერიული ჰიპოტენზია ქირურგიული ოპერაციის დროს და/ან შემდეგ.

გამოყენების წესი და დოზირება
ურაპიდილი შეჰყავთ ვენაში წვეთოვნად ან ხანგრძლივი ინფუზიის გზით – მწოლიარე მდგომარეობაში.
ჰიპერტენზიული კრიზი, არტერიული ჰიპერტენზიის მძიმე ხარისხი, რეფრაქტერული ჰიპერტენზია.

1. ვენაში: პრეპარატის 10-50მგ შეიყვანება არტერიული წნევის კონტროლით. არტერიული წნევის დაქვეითება მოსალოდნელია შეყვანიდან 5 წუთში. თერაპიული ეფექტის მიხედვით შესაძლებელია პრეპარატის განმეორებით შეყვანა.
2. ინტრავენური წვეთოვანი ან უწყვეტი ინფუზია პერფიზიული ტუმბოს საშუალებით. შემანარჩუნებელი დოზა: საშუალოდ 9 მგ/სთ, ანუ პრეპარატის 250 მგ (10 ამპულა 5 მლ- იანი ან 5 ამპულა 10 მლ-იანი) გახსნილი 500 მლ საინფუზიო გამხსნელში (1 მგ – 44 წვეთი – 2.2 მლ).
   მაქსიმალური დასაშვები თანაფარდობა – პრეპარატ ურაპიდილის 4 მგ 1 მლ საინფუზიო ხსნარზე.
   რეკომენდებული მაქსიმალური საწყისი სიჩქარე: 2 მგ/წთ.
   წვეთოვანი შეყვანის სიჩქარე დამოკიდებულია პაციენტის არტერიული წნევის მაჩვენებლებზე.
   ხსნარი წვეთოვანი ინფუზიისათვის განკუთვნილი არტერიული წნევის შესანარჩუნებლად, მზადდება შემდეგნაირად:
   პრეპარატის 250 მგ (10 ამპულა 5 მლ-იანი ან 5 ამპუ;ა 10 მლ-იანი) პრეპარატს უმატებენ 500 მლ საინფუზიო ხსნარს, მაგალითად ფიზიოლოგიურ ხსნარს, 5 ან 10%-იან დექსტროზას (გლუკოზას) ხსნარს.
   თუ შემანარჩუნებელი დოზის შესაყვანად გამოიყენება პერფუზიული ტუმბო, მაშინ პრეპარატის 100 მგ (4 ამპულა 5 მლ-იანი ან 2 ამპულა 10 მლ-იანი) შეივანება შპერფუზიული ტუმბოს პრიცში და განზავდება 50 მლ-მდე ფიზიოლოგიური ხსნარით, 5 ან 10%-იანი დექსტროზა (გლუკოზას) ხსნარით.
   არტერიული წნევის მართვადი (კონტროლირებული) შემცირება მისი მომატებისასქირურგიული ოპერაციის დროს და/ან შემდეგ.
   უწყვეტი ინფუზია პერფუზიული ტუმბოს დახმარებით ან წვეთოვანი ინფუზია გამოიყენება არტერიული წნევის შესანარჩუნებლად, რომელიც მიიღწევა ინტრავენური შეყვანით.

განსაკუთრებული მითითებანი
შესაძლებელია ერთდროული გამოყენება სხვა პერორალურ ჰიპოტენზიურ საშუალებებთან ერთად.
18 წლამდე ასაკის ბავშვებში გამოყენების კლინიკური მონაცემები არ მოიპოვება.

უკუჩვენებები
ჰიპერმგრძნობელობა პრეპარატის მიმართ, აორტის სტენოზი, ღია ბოტალის სადინარი, 18 წლამდე ასაკი, ორსულობა, ლაქტაციის პერიოდი (ეფექტურობა და უსაფრთხოება დადგენილი არ არის).
სიფრთხილით: ხანდაზმული ასაკი, ღვიძლის და/ან თირკმლების დარღვეული ფუნქცია, ჰიპოვოლემია

საერთაშორისო დასახელება - urapidil
კლინიკურ-ფარმაკოლოგიური ჯგუფი: გულ-სისხლძარღვთა სისტემა → ადრენომაბლოკირებელი საშუალებები → ალფა-ადრენომაბლოკირებელი საშუალებები → ალფა1 ადრენომაბლოკირებელი საშუალებები
შემადგენლობა 1 მლ-ზე:
აქტიური ნივთიერება
ურაპიდილ ჰიდროქლორიდი 5.47 მგ (რაც შეესაბამება 5.0 მგ ურაპიდილს).
დამხმარე ნივთიერებები:
პროპილენგლიკოლი, ნატრიუმის ჰიდროფოსფატის დიჰიდრატი, ნატრიუმის დიჰიდროფოსფატის დიჰიდრატი, საინიექციო წყალი.
აღწერილობა: გამჭვირვალე უფერო ხსნარი.

ფარმაკოთერაპიული ჯგუფი: ალფა-ადრენობლოკატორი.

ჩვენებები
ჰიპერტონული კრიზი, არტერიული ჰიპერტენზიის რეფრაქტერული და მძიმე ხარისხი.
მათვადი არტერიული ჰიპოტენზია ქირურგიული ოპერაციის დროს და/ან შემდეგ.

გამოყენების წესი და დოზირება
ურაპიდილი შეჰყავთ ვენაში წვეთოვნად ან ხანგრძლივი ინფუზიის გზით – მწოლიარე მდგომარეობაში.
ჰიპერტენზიული კრიზი, არტერიული ჰიპერტენზიის მძიმე ხარისხი, რეფრაქტერული ჰიპერტენზია.

1. ვენაში: პრეპარატის 10-50მგ შეიყვანება არტერიული წნევის კონტროლით. არტერიული წნევის დაქვეითება მოსალოდნელია შეყვანიდან 5 წუთში. თერაპიული ეფექტის მიხედვით შესაძლებელია პრეპარატის განმეორებით შეყვანა.
2. ინტრავენური წვეთოვანი ან უწყვეტი ინფუზია პერფიზიული ტუმბოს საშუალებით. შემანარჩუნებელი დოზა: საშუალოდ 9 მგ/სთ, ანუ პრეპარატის 250 მგ (10 ამპულა 5 მლ- იანი ან 5 ამპულა 10 მლ-იანი) გახსნილი 500 მლ საინფუზიო გამხსნელში (1 მგ – 44 წვეთი – 2.2 მლ).
   მაქსიმალური დასაშვები თანაფარდობა – პრეპარატ ურაპიდილის 4 მგ 1 მლ საინფუზიო ხსნარზე.
   რეკომენდებული მაქსიმალური საწყისი სიჩქარე: 2 მგ/წთ.
   წვეთოვანი შეყვანის სიჩქარე დამოკიდებულია პაციენტის არტერიული წნევის მაჩვენებლებზე.
   ხსნარი წვეთოვანი ინფუზიისათვის განკუთვნილი არტერიული წნევის შესანარჩუნებლად, მზადდება შემდეგნაირად:
   პრეპარატის 250 მგ (10 ამპულა 5 მლ-იანი ან 5 ამპუ;ა 10 მლ-იანი) პრეპარატს უმატებენ 500 მლ საინფუზიო ხსნარს, მაგალითად ფიზიოლოგიურ ხსნარს, 5 ან 10%-იან დექსტროზას (გლუკოზას) ხსნარს.
   თუ შემანარჩუნებელი დოზის შესაყვანად გამოიყენება პერფუზიული ტუმბო, მაშინ პრეპარატის 100 მგ (4 ამპულა 5 მლ-იანი ან 2 ამპულა 10 მლ-იანი) შეივანება შპერფუზიული ტუმბოს პრიცში და განზავდება 50 მლ-მდე ფიზიოლოგიური ხსნარით, 5 ან 10%-იანი დექსტროზა (გლუკოზას) ხსნარით.
   არტერიული წნევის მართვადი (კონტროლირებული) შემცირება მისი მომატებისასქირურგიული ოპერაციის დროს და/ან შემდეგ.
   უწყვეტი ინფუზია პერფუზიული ტუმბოს დახმარებით ან წვეთოვანი ინფუზია გამოიყენება არტერიული წნევის შესანარჩუნებლად, რომელიც მიიღწევა ინტრავენური შეყვანით.

განსაკუთრებული მითითებანი
შესაძლებელია ერთდროული გამოყენება სხვა პერორალურ ჰიპოტენზიურ საშუალებებთან ერთად.
18 წლამდე ასაკის ბავშვებში გამოყენების კლინიკური მონაცემები არ მოიპოვება.

უკუჩვენებები
ჰიპერმგრძნობელობა პრეპარატის მიმართ, აორტის სტენოზი, ღია ბოტალის სადინარი, 18 წლამდე ასაკი, ორსულობა, ლაქტაციის პერიოდი (ეფექტურობა და უსაფრთხოება დადგენილი არ არის).
სიფრთხილით: ხანდაზმული ასაკი, ღვიძლის და/ან თირკმლების დარღვეული ფუნქცია, ჰიპოვოლემია

ურაპიდილ კალცექსი (Urapidil Kalceks) 25 მგ საინექციო/საინფუზიო ხსნარი

ურაპიდილ კალცექსი (Urapidil Kalceks) 50 მგ საინექციო/საინფუზიო ხსნარი

urapidilum

ამ წამლის მიღების დაწყებამდე ყურადღებით წაიკითხეთ მოცემული ფურცელი, ვინაიდან იგი შეიცავს თქვენთვის მნიშვნელოვან ინფორმაციას.

‒ შეინახეთ ეს ფურცელი. შეიძლება დაგჭირდეთ მისი გადაკითხვა.

‒ ნებისმიერი დამატებითი კითხვების შემთხვევაში მიმართეთ თქვენს ექიმს ან მედდას.

‒ ნებისმიერი გვერდითი მოვლენის გამოჩენის შემთხვევაში გაესაუბრეთ თქვენს ექიმს ან მედდას. ეს მოიცავს ნებისმიერ შესაძლო გვერდით მოვლენებს, რომლებიც არ არის ჩამოთვლილი ამ ფურცელში. იხილეთ პარაგრაფი 4.

რა არის ამ ფურცელში

**1. რა არის ურაპიდილ კალცექსი და რისთვის გამოიყენება იგი **

2. რა უნდა იცოდეთ ურაპიდილ კალცექსის მიღებამდე

3. როგორ მიიღება ურაპიდილ კალცექსი

4. შესაძლო გვერდითი მოვლენები

5. როგორ უნდა შეინახოთ ურაპიდილ კალცექსი

6. შეფუთვის შიგთავსი და სხვა ინფორმაცია

1. რა არის ურაპიდილ კალცექსი და რისთვის გამოიყენება იგი

ურაპიდილ კალცექსი შეიცავს აქტიურ ნივთიერაბას - ურაპიდილს. ურაპიდილი არის სისხლის წნევის დამწევი წამალი (ანტიჰიპერტენზიური საშუალება), რომელიც მიეკუთვნება „ალფა ბლოკატორების“ წამლების ჯგუფს. ეს წამალი მოქმედებს სისხლძარღვებზე (ანუ არტერიებსა და ვენებზე). ის იწვევს სისხლის წნევის დაქვეითებას სისხლძარღვების კედლების რელაქსაციის ხარჯზე.

ეს წამალი გამოიყენება მოზრდილებში:

• ექსტრემალურ სიტუაციაში მაღალი არტერიული წნევის დროს (მაგ. არტერიული წნევის უეცარი მწვავე მომატება, რომელსაც „ჰიპერტონული კრიზი“ ეწოდება);

• მაღალი არტერიული წნევის მძიმე ან უაღრესად მძიმე ფორმების ან თერაპიისადმი რეზისტენტული მაღალი არტერიული წნევის სამკურნალოდ;

• მაღალი არტერიული წნევის დასაწევად ოპერაციის დროს და/ან ოპერაციის შემდეგ.

2. რა უნდა იცოდეთ ურაპიდილ კალცექსის მიღებამდე

თქვენ არ უნდა მიიღოთ ურაპიდილ კალცექსი

‒ თუ გაქვთ ალერგია ურაპიდილის ან ამ პრეპარატის ნებისმიერი სხვა ინგრედიენტის მიმართ (ჩამოთვლილი მე-6 პარაგრაფში);

‒ თუ გაქვთ მთავარი არტერიის შევიწროება (აორტის სტენოზი) ან სისხლძარღვების ანომალია, წოდებული, როგორც „გულის შუნტი“ (გარდა გულის შუნტისა დიალიზზე მყოფ ადამიანებში);

‒ თუ ხართ მეძუძური დედა.

გაფრთხილებები და სიფრთხილის ზომები

გულისცემის შემცირება ან გულის გაჩერება შეიძლება მოხდეს, თუ არტერიული წნევა ძალიან სწრაფად დაეცემა.

ამ წამლის მიღებამდე გაესაუბრეთ თქვენს ექიმს ან მედდას, თუ ნებისმიერი ქვემოთ ჩამოთვლილთაგანი გეხებათ თქვენ, ვინაიდან ამ შემთხვევაში განსაკუთრებული სიფრთხილის ზომებია საჭირო:

‒ გქონდათ დიარეა ან ღებინება (ან სხეულში სითხის შემცირების ნებისმიერი სხვა მიზეზი);

‒ გულის უკმარისობის მქონე პაციენტებში, გამოწვეული მექანიკური ობსტრუქციით, მაგ. გულის სარქველის შევიწროება (აორტის ან მიტრალური სარქვლის სტენოზი);

‒ ფილტვის არტერიის ბლოკადის მქონე პაციენტებში (პულმონალური ემბოლია);

‒ გულის დაქვეითებული ფუნქციის მქონე პაციენტებში, გამოწვეული ქსოვილის გარსის ანთებით, რომელიც გარს ერტყმის გულს (პერიკარდიალური დაავადება);

‒ ღვიძლის უკმარისობის მქონე პაციენტებში;

‒ თირკმლის საშუალო ან მძიმე უკმარისობის მქონე პაციენტებში;

‒ ხანდაზმულებში;

‒ იმ პაციენტებში, რომლებიც ერთდროულად იღებდნენ ციმეტიდინს (კუჭის მჟავიანობის შესამცირებელი პრეპარატი).

თუ არ ხართ დარწმუნებული, გეხებათ თუ არა ნებისმიერი ზემოთ ჩამოთვლილი, გაესაუბრეთ თქვენს ექიმს ან მედდას.

თუ იკეთებთ თვალის ოპერაციას კატარაქტის გამო (ბროლის შემღვრევა), გთხოვთ შეატყობინოთ ოკულისტს ოპერაციამდე, რომ თქვენ ღებულობთ ან ღებულობდით ურაპიდილს. ეს ხდება იმიტომ, რომ ურაპიდილს შეუძლია გამოიწვიოს გართულებები ოპერაციის დროს, რომელიც დაექვემდებარება მართვას, თუ თქვენი სპეციალისტი მომზადებული იქნება წინასწარ.

თუ ურაპიდილამდე მიღებული იქნა სხვა წნევის დამწევი წამალი, ექიმს შეუძლია საკმაოდ დიდხანს ელოდოს, სანამ არ იმოქმედებს მიღებული წამალი. თქვენი ექიმი შეამცირებს ურაპიდილის დოზას. სისხლის წნევის მეტისმეტად სწრაფად დაქვეითებამ შეიძლება გამოიწვიოს გულისცემის სიჩქარის შენელება ან გულის გაჩერება.

ბავშვები

ეს წამალი არ უნდა იყოს გამოყენებული ბავშვებში და მოზარდებში.

სხვა წამლები და ურაპიდილ კალცექსი

უთხარით თქვენს ექიმს ან მედდას, თუ ღებულობთ, მიიღეთ ცოტა ხნის წინ ან შეიძლება მიიღოთ ნებისმიერი სხვა წამალი.

ამ წამლის მიღებამდე უთხარით თქვენს ექიმს ან მედდას, თუ ღებულობთ ნებისმიერ ქვემოთ ჩამოთვლილ წამალს, რომელიც შეიძლება ურთიერთქმედებაში შევიდეს ურაპიდილ კალცექსთან წამლის ეფექტის ცვლილებით ან გვერდითი მოვლენების ალბათობის გაზრდით:

‒ ალფა-ბლოკატორები (წამლები, რომლებიც გამოიყენება საშარდე გზების დარღვევების სამკურნალოდ, ასოცირებული პროსტატის დაავადებასთან);

‒ ნებისმიერი წამლები სისხლის წნევის დასაწევად;

‒ ციმეტიდინი (რომელიც გამოიყენება კუჭის მჟავის წარმოქმნის დასათრგუნად);

‒ ბარბიტურატები (ეპილეპსიის სამკურნალო წამლები).

ურაპიდილ კალცექსი და ალკოჰოლი

ალკოჰოლს შეუძლია გაზარდოს ამ წამლის ეფექტი.

ორსულობა, ლაქტაცია და ფერტილურობა

თუ თქვენ ხართ ორსული ან მეძუძური დედა, ფიქრობთ, რომ შეიძლება იყოთ ორსული ან გეგმავთ ბავშვის ყოლას, ამ წამლის მიღებამდე რჩევისთვის მიმართეთ ექიმს.

არ არსებობს საკმარისი მონაცემები ურაპიდილის უსაფრთხოების შესაფასებლად ორსულ ქალებში. მოცემული წამალი არ უნდა იყოს გამოყენებული ორსულობის დროს, თუ ეს არ იქნება საჭირო ქალის კლინიკური მდგომარეობიდან გამომდინარე. თუ მაღალი სისხლის წნევა გამოვლინდება ორსულობის დროს და მკურნალობა უნდა ჩატარდეს ამ წამლით, სისხლის წნევის დაწევა უნდა მოხდეს თანდათანობით და ყოველთვის ექიმის მონიტორინგის ქვეშ.

უცნობია, გამოიყოფა თუ არა ეს წამალი დედის რძეში. უსაფრთხოების მიზნებისთვის მოცემული წამალი არ უნდა იყოს გამოყენებული ლაქტაციის დროს.

ეს წამალი არ არის რეკომენდირებული რეპროდუქციულ ასაკში მყოფი ქალბატონებისთვის, რომლებიც არ იყენებენ კონტრაცეპტივებს.

ცხოველებში ჩატარებულმა გამოკვლევებმა გამოავლინეს, რომ ურაპიდილი ზემოქმედებას ახდენს ფერტილობაზე. თუმცა, ადამიანებზე ამ ზემოქმედების მნიშვნელობა უცნობია.

მანქანების მართვა და დანადგარებთან მუშაობა

მოცემულ წამალს შეუძლია ზემოქმედება მოახდინოს თქვენს მიერ ავტომობილის ტარებასა ან მანქანა-დანადგარებთან მუშაობაზე, განსაკუთრებით მკურნალობის დასაწყისში, წამლის დოზის მომატების ან შეცვლის შემთხვევაში, ან ალკოჰოლთან ერთად გამოყენებისას.

ურაპიდილ კალცექსი შეიცავს პროპილენ გლიკოლს (E1520) და ნატრიუმს

პროპილენ გლიკოლი:

‒ ეს წამალი შეიცავს 500 მგ პროპილენ გლიკოლს 5 მლ ხსნარში და 1,000 მგ პროპილენ გლიკოლს 10 მლ ხსნარში, რომელიც არის 100 მგ/მლ-ის ექვივალენტური.

‒ თუ თქვენ ხართ ორსული ან მეძუძური დედა, არ უნდა მიიღოთ ეს წამალი, თუ ეს არ იქნება რეკომენდირებული თქვენი ექიმის მიერ. თქვენს ექიმს შეუძლია განახორციელოს დამატებითი გამოკვლევები, სანამ მიიღებთ ამ წამალს.

‒ თუ გაწუხებთ ღვიძლის ან თირკმლის დაავადება, არ უნდა მიიღოთ ეს წამალი, სანამ ამის რეკომენდაციას არ მოგცემთ ექიმი. თქვენს ექიმს შეუძლია განახორციელოს დამატებითი გამოკვლევები, სანამ მიიღებთ ამ წამალს.

‒ პროპილენ გლიკოლს ამ წამალში შეიძლება ჰქონდეს იგივე ეფექტი, რაც ალკოჰოლის მიღებას, და ზრდის გვერდითი მოვლენების ალბათობას.

ნატრიუმი:

‒ ეს წამალი შეიცავს 1 მმოლ-ზე ნაკლებ ნატრიუმს (23 მგ) ყოველ მლ-ში, ანუ შეიძლება ითქვას, რომ მასში ფაქტიურად არ არის ნატრიუმი.

3. როგორ მიიღება ურაპიდილ კალცექსი

როგორ მიიღება ეს წამალი

• ეს წამალი უნდა დაგინიშნოთ ჯანდაცვის სფეროს სპეციალისტმა.

• მოცემული წამალი მიიღება ვენაში ინექციის ან ინფუზიის სახით. იგი შეიძლება მიღებული იყოს ერთჯერადი ან განმეორებითი ინექციებით, ან ხანგრძლივი ინფუზიებით. ინექციები შეიძლება კომბინირებული (გაგრძელებული) იყოს ხანგრძლივი ინფუზიებით.

• ამ წამლის მიღებისას უნდა იყოთ მწოლიარე მდგომარეობაში.

• მკურნალობის დროს თქვენი სისხლის წნევა უნდა იყოს მუდმივი მონიტორინგის ქვეშ.

დოზირება

ექიმი გადაწყვეტს სათანადო დოზირებას თქვენი მდგომარეობის მიხედვით.

ჰიპერტენზიული კრიზი და მაღალი სისხლის წნევის მძიმე და უაღრესად მძიმე ფორმები ან თერაპიისადმი რეზისტენტული მაღალი სისხლის წნევა

ვენაში ინექციით

ინექციის სახით 10-50 მგ ურაპიდილი მიიღება ნელა - სისხლის წნევის მუდმივი მონიტორინგით. სისხლის წნევის დამწევი ეფექტი მოსალოდნელია ინექციიდან 5 წუთში. სისხლის წნევის მიხედვით ურაპიდილის ინექცია შეიძლება განმეორდეს.

ვენაში ინფუზიით (წვეთოვნად ან შპრიცის ტუმბოთი)

ხანგრძლივი წვეთოვანი ინფუზიისთვის, 250 მგ ურაპიდილს უნდა დაემატოს 500 მლ შესაბამისი საინფუზიო ხსნარი (0.9% ნატრიუმის ქლორიდი, ან 5% ან 10% გლუკოზის ხსნარი).

შპრიცის ტუმბოს გამოყენებისას 100 მგ ურაპიდილი განთავსებული უნდა იყოს შპრიცის ტუმბოში და განზავებული 50 მლ მოცულობამდე შესაბამის საინფუზიო ხსნართან (იხილეთ ზემოთ) (მაქსიმუმ 4 მგ ურაპიდილი საინფუზიო ხსნარის მილილიტრზე).

ინფუზიის საწყისი სიჩქარე არის 2 მგ/წთ. დამხმარე დოზა საშუალოდ 9 მგ/საათში. სისხლის წნევის შემცირების ოდენობა განისაზღვრება პირველი 15 წუთის განმავლობაში შეყვანილი დოზით. საჭირო სისხლის წნევის შენარჩუნება შეიძლება მნიშვნელოვნად დაბალი დოზებით.

მაღალი სისხლის წნევის დაწევა ოპერაციის დროს და/ან ოპერაციის შემდეგ

ინექციით მიღწეული დაბალი სისხლის წნევის შესანარჩუნებლად გამოიყენება ხანგრძლივი ინფუზია შპრიცის ტუმბოთი ან ხანგრძლივი წვეთოვანი ინფუზია.

ვენაში ინექციით

დასაწყისში ინიშნება 25 მგ ურაპიდილი. ეს დოზა განმეორებული იქნება, თუ სისხლის წნევა არ დაიწევს საკმარის დონეზე 2 წუთის შემდეგ. თუ, მეორე დოზიდან 2 წუთის განმავლობაში სისხლის წნევა ჯერ არ იქნება დაწეული საკმარის დონეზე, მიცემული უნდა იყოს 50 მგ ურაპიდილი. როდესაც სისხლის წნევა საკმარისად დაქვეითდება დოზის მიღებიდან 2 წუთის შემდეგ, თქვენ გადაყვანილი იქნებით დამხმარე დოზაზე.

ვენაში ინფუზიით (წვეთოვანი ან შპრიცის ტუმბოთი)

დასაწყისში მიღებული უნდა იყოს 6 მგ-მდე 1-2 წუთის განმავლობაში. შემდეგ დოზა შემცირდება.

პაციენტთა განსაკუთრებული ჯგუფები

ღვიძლის და/ან თირკმლის უკმარისობის მქონე პაციენტებში შეიძლება საჭირო გახდეს დოზის შემცირება.

ხანდაზმულებს ეს წამალი უნდა მიეცეს სიფრთხილის ზომების დაცვით. მკურნალობის დასაწყისში უნდა დაინიშნოს უფრო მცირე დოზები, ვინაიდან ამ პაციენტებში ასეთი მედიკამენტების მიმართ ხშირად ირღვევა მგრძნობელობა.

მკურნალობის ხანგრძლივობა

ამ მედიკამენტით მკურნალობის ხანგრძლივობამ არ უნდა გადააჭარბოს 7 დღეს.

თუ მიიღეთ ურაპიდილ კალცექსის საჭიროზე მეტი დოზა

თუ მიიღებთ ამ წამლის ჭარბ დოზას, შეიძლება იგრძნოთ თავბრუსხვევა, სიმძიმე თავის არეში ან სისუსტე ფეხზე ადგომისას, უძლურობა და რეაქციების სიჩქარის შენელება. ამ შემთხვევაში ისევ დაწექით ზურგზე და აწიეთ ფეხები. სიმპტომების შენარჩუნებისას დაუყოვნებლივ უთხარით ამის შესახებ თქვენს ექიმს ან მედდას.

თუ გაქვთ რაიმე დამატებითი კითხვები ამ პრეპარატის გამოყენების შესახებ, ჰკითხეთ თქვენს ექიმს ან მედდას.

**4. შესაძლო გვერდითი მოვლენები **

ყველა წამლის მსგავსად, ამ წამალსაც შეუძლია გვერდითი მოვლენების გამოწვევა, თუმცა ისინი ყველასთან არ ვლინდება.

ქვემოთ აღწერილი გვერდითი მოვლენები ჩვეულებრივ წარმოადგენენ სისხლის წნევის მეტისმეტად მკვეთრად დაქვეითების შედეგს.

თუმცა, გამოცდილებამ აჩვენა, რომ ისინი ქრება რამდენიმე წუთის განმავლობაში, ხანგრძლივი ინფუზიების დროსაც კი.

ექიმი გადაწყვეტს მკურნალობის შეწყვეტა-არ შეწყვეტის საკითხს გვერდითი მოვლენების სირთულის მიხედვით.

ჩვეულებრივი (შეიძლება გამოვლინდეს 10 პაციენტიდან 1-ში)

თავბრუსხვევა, თავის ტკივილი, გულისრევა.

უჩვეულო (შეიძლება გამოვლინდეს 100 პაციენტიდან 1-ში)

პრობლემები ძილთან დაკავშირებით, პალპიტაციები, გულისცემის შენელება ან აჩქარება, გულმკერდის არეში დაწოლის ან ტკივილის შეგრძნება (სტენოკარდიის მსგავსად), გართულებები სუნთქვის მხრივ, სისხლის წნევის დაქვეითება ჯდომის ან წოლის შემდეგ ადგომისას (ორთოსტატიკური დისრეგულაცია), ღებინება, დიარეა, პირის სიმშრალე, ოფლდენა, უძლურობა, არარეგულარული გულისცემა.

იშვიათი (შეიძლება გამოვლინდეს 1,000 პაციენტიდან 1-ში)

გაჭედილი ცხვირი, ალერგიული რეაქციები (ქავილი, კანის სიწითლე, გამონაყარი), გახანგრძლივებული და მტკივნეული ერექცია.

ძალიან იშვიათი (შეიძლება გამოვლინდეს 10,000 პაციენტიდან 1-ში)

მოუსვენრობა, გახშირებული შარდვის შეგრძნება, გაიზარდა შარდვის შეუკავებლობა თრომბოციტების რაოდენობის შემცირება (სისხლის უჯრედები, რომლებიც ეხმარებიან სხეულს შედედების ფორმირებაში სისხლდენის შეჩერებისთვის).

უცნობი (სიხშირის დადგენა შეუძლებელია არსებული მონაცემებიდან)

ჭინჭრის ციება, გართულებული ალერგიული რეაქცია სახის, ტუჩების, ენისა და ყელის შესიებით.

მოხსენება გვერდითი მოვლენების შესახებ

თუ თქვენთან გამოვლინდება ნებისმიერი გვერდითი ეფექტი, გაესაუბრეთ თქვენს ექიმს ან მედდას. ეს მოიცავს ნებისმიერ შესაძლებელ გვერდით ეფექტებს, რომლებიც არ არის ჩამოთვლილი ამ ფურცელში.

გვერდითი მოვლენების შესახებ მოხსენებით თქვენ გვეხმარებით მივიღოთ მეტი ინფორმაცია ამ პრეპარატის უსაფრთხოების შესახებ.

**5. როგორ უნდა შეინახოთ ურაპიდილ კალცექსი **

შეინახეთ ეს მედიკამენტი ბავშვებისთვის უხილავ და მიუწვდომელ ადგილას.

ამ მედიკამენტს არ სჭირდება რაიმე განსაკუთრებული შენახვის პირობები.

განზავების შემდეგ

ქიმიური და ფიზიკური სტაბილურობა გამოყენებისას ნაჩვენები იყო 50 საათის განმავლობაში 25 °C -ზე და 2-8 °C 9 მგ/მლ (0.9 %) ნატრიუმის ქლორიდის ან 50 მგ/მლ (5 %) გლუკოზის, ან 100 მგ/მლ (10 %) გლუკოზის საინფუზიო ხსნარში განზავებისას.

მიკრობიოლოგიური თვალსაზრისით განზავებული ხსნარი გამოყენებული უნდა იყოს დაუყოვნებლივ. თუ არ იქნება გამოყენებული დაუყოვნებლივ, გამოსაყენებლად შენახვის დრო და პირობები იქნება მომხმარებლის პასუხისმგებლობა და ჩვეულებრივ არ უნდა იყოს 24 საათზე მეტი 2-დან 8 °C-მდე ტემპერატურაზე, თუ განზავება არ ხდება კონტროლირებულ და ვალიდურ ასეპტიურ პირობებში.

არ გამოიყენოთ ეს პროდუქტი ვარგისობის ვადის გასვლის შემდეგ, რომელიც დატანილია კოლოფზე და ამპულაზე EXP-ს გვერდით. ვარგისობის ვადა ნიშნავს ამ თვის ბოლო დღეს.

არ გადაღვაროთ არც ერთი წამალი გამდინარე წყალში ან საყოფაცხოვრებო ნარჩენებში. ჰკითხეთ თქვენს ექიმს ან ფარმაცევტს, როგორ უნდა გადააგდოთ წამალი, რომელსაც აღარ ხმარობთ. ეს ზომები დაგეხმარებათ გარემოს დაცვაში.

**6. შეფუთვის შიგთავსი და სხვა ინფორმაცია **

რას შეიცავს ურაპიდილ კალცექსი

- აქტიური სუბსტანცია არის ურაპიდილი.

1 მლ ხსნარი შეიცავს 5 მგ ურაპიდილს.

5 მლ ხსნარის შემცველი თითო ამპულა შეიცავს 25 მგ ურაპიდილს.

10 მლ ხსნარის შემცველი თითო ამპულა შეიცავს 50 მგ ურაპიდილს.

- სხვა ინგრედიენტებია კონცენტრირებული მარილმჟავა, ნატრიუმის დიჰიდროფოსფატის დიჰიდრატი, ნატრიუმის ფოსფატის დიჰიდრატი, პროპილენ გლიკოლი (E1520), ნატრიუმის ჰიდროქსიდი (pH რეგულირებისთვის), საინექციო წყალი.

**როგორ გამოიყურება ურაპიდილ კალცექსი და შეფუთვის შიგთავსი **

სუფთა, უფერო ხსნარი, ხილული ნაწილაკების გარეშე.

5 მლ ან 10 მლ სუფთა შუშის ამპულები მოტეხვის წერტილით.

5 ამპულა განთავსებულია ლაინერზე. ლაინერი მოთავსებულია მუყაოს კოლოფში.

ყველა ზომის შეფუთვა შეიძლება არ იყოს გატანილი ბაზარზე.