დობკარდი 250 მგ/20 მლ ი.ვ. კონცენტრატი საინფუზიო ხსნარის მოსამზადებლად,

ამპულა შეიყვანება ვენაში.

სტერილური

· მოქმედი ნივთიერება: ყოველი მლ შეიცავს 12.5 მგ დობუტამინის ექვივალენტურ 14 მგ დობუტამინის ჰიდროქლორიდს. თითოეული 20 მლ-იანი ამპულა შეიცავს 250 მგ დობუტამინის ექვივალენტურ 280 მგ დობუტამინის ჰიდროქლორიდს.

· დამხმარე ნივთიერება(ები): ნატრიუმის მეტაბისულფიტი (E223), ნატრიუმის ჰიდროქსიდი, მარილმჟავა, საინექციო წყალი.

ამ პრეპარატის გამოყენებამდე, ყურადღებით და მთლიანად გაეცანით წინამდებარე ინსტრუქციას, რადგან ის შეიცავს თქვენთვის მნიშვნელოვან ინფორმაციას.

·შეინახეთ წინამდებარე ინსტრუქცია. შესაძლოა დაგჭირდეთ მისი ხელახლა წაკითხვა.

·დამატებითი კითხვების შემთხვევაში, მიმართეთ თქვენს ექიმს ან ფარმაცევტს.

·ეს სამკურნალო საშუალება გამოგეწერათ პირადად თქვენ. არ გადასცეთ იგი სხვა პირებს.

·აღნიშული პრეპარატის გამოყენების პერიოდში, თუ გექნებათ ვიზიტი ექიმთან ან საავადმყოფოში, აცნობეთ თქვენს ექიმს, რომ იყენებთ ამ პრეპარატს.

·ზუსტად დაიცავით ინსტრუქციაში მოცემული ინსტრუქციები. არ გამოიყენოთ თქვენთვის რეკომენდებულ დოზაზე მაღალი ან დაბალი დოზა.

მოცემული ინსტრუქცია შეიცავს შემდეგ ინფორმაციას:

1. რას წარმოადგენს დობკარდი და რისთვის გამოიყენება

2. რა უნდა იცოდეთ დობკარდის გამოყენებამდე

3. როგორ უნდა გამოიყენოთ დობკარდი

4. შესაძლო გვერდითი მოვლენები

**5. დობკარდის შენახვის პირობები **

1.რას წარმოადგენს დობკარდი და რისთვის გამოიყენება

დობკარდი მიეკუთვნება მედიკამენტების ჯგუფს, რომლებიც ცნობილია როგორც ინოტროპული საშუალებები, რომლებიც აძლიერებენ თქვენს გულისცემას.

დობკარდის თითოეული ამპულა შეიცავს 280 მგ დობუტამინის ჰიდროქლორიდს (250 მგ დობუტამინის ექვივალენტური) და თითოეული მილილიტრი შეიცავს 14 მგ დობუტამინის ჰიდროქლორიდს (12.5 მგ დობუტამინის ექვივალენტური).

დობკარდი წარმოდგენილია 20 მლ-იან უფერო მინის ამპულაში, ხოლო 10 ამპულა შეფუთულია თითო კოლოფში.

დობკარდი გამოიყენება შემდეგ მდგომარეობებში:

• მოზრდილები

დობკარდი ნაჩვენებია მოზრდილებში, რომლებსაც ესაჭიროებათ ინოტროპული მხარდაჭერა (გულის კუნთის შეკუმშვის გასაძლიერებლად) მიოკარდიუმის ინფარქტის, ღია გულზე ქირურგიული ჩარევის, კარდიომიოპათიების (გულის კუნთის დაავადება), სეპტიკური შოკის (სისხლის ტოქსიკურობა) ან კარდიოგენური შოკის (სისხლის არასაკმარისი რაოდენობა, რომელსაც გული ამოტუმბავს ერთეულ დროში) დროს გულის დაბალი წუთმოცულობით გამოწვეული გულის უკმარისობის სამკურნალოდ. დობკარდს ასევე შეუძლია გაზარდოს ან შეინარჩუნოს გულის მიერ ამოტუმბული სისხლის რაოდენობა ერთეულ დროში ვენტილაციის დროს დადებითი წნევით ბოლო ამოსუნთქვისას.

სტრეს-ექოკარდიოგრაფია დობუტამინით:

დობკარდის გამოყენება ასევე შეიძლება გულის სტრეს-ტესტირებისთვის, როგორც ფიზიკური დატვირთის ალტერნატივა იმ პაციენტებში, რომლებიც რუტინულ ფიზიკურ დატვირთვას ვერ ასრულებენ დამაკმაყოფილებლად. ამ მიზნით, დობუტამინის გამოყენება უნდა მოხდეს დოზატორის მეშვეობით, რომლითაც ჩვეულებრივ ტარდება ფიზიკური დატვირთვის სტრეს-ტესტი და უნდა იქნას მიღებული საჭირო სიფრთხილის ზომები ტესტების ჩატარებისას.

• ბავშვები

დობუტამინი ნაჩვენებია ყველა პედიატრიულ ასაკობრივ ჯგუფში (ახალშობილებიდან 18 წლამდე) როგორც ინოტროპული მხარდაჭერა გულის დაბალ წუთმოცულობასთან დაკავშირებული ჰიპოპერფუზიის დროს (სხეულში სისხლის არასაკმარისი განაწილება), რომლებიც გამოწვეულია გულის უკმარისობით, თან სდევს კარდიოქირურგიას, კარდიოგენურ შოკს (გულის ადეკვატური წუთმოცულობის შენარჩუნების შეუძლებლობა), კარდიომიოპათიებს (გულის კუნთის დაავადება) და სეპტიკური შოკს (სისხლის ტოქსიკურობა).

2.რა უნდა იცოდეთ დობკარდის გამოყენებამდე

არ გამოიყენოთ დობკარდი, შემდეგ შემთხვევებში:

თუ;

· გაქვთ მომატებული მგრძნობელობა (ალერგია) დობუტამინის, ნატრიუმის მეტაბისულფიტის ან პრეპარატის ნებისმიერი ინგრედიენტის მიმართ,

· გაქვთ მაღალი არტერიული წნევა თირკმლის სიმსივნის გამო (ფეოქრომოციტომა),

· გაქვთ გულის ან სისხლძარღვების შევიწროება, რაც ხელს უშლის გულს სისხლით ავსებას ან სწორ გულისცემას (თქვენმა ექიმმა უნდა იცოდეს ამის შესახებ);

· გაქვთ არტერიული წნევის შემცირება (ჰიპოვოლემია).

დობუტამინი არ უნდა იქნას გამოყენებული გულში სუსტი სისხლის ნაკადის გამოსავლენად, თუ გაქვთ გულის ან სისხლძარღვთა გარკვეული დარღვევები (გულის სტრეს-ტესტი, რომელიც ცნობილია როგორც სტრეს- ექოკარდიოგრაფია დობუტამინით).

გამოიჩინეთ განსაკუთრებული ყურადღება დობკარდის გამოყენებისას შემდეგ შემთხვევებში:

თუ;

- ცოტა ხნის წინ გქონდათ გულის შეტევა;

- ჩაგიტარდათ გულის გადანერგვა;

- გაქვთ ასთმა და გითხრეს, რომ ალერგიული ხართ სულფიტებზე;

- გაქვთ არასტაბილური სტენოკარდია;

- გაქვთ გულის დაავადება;

- გაქვთ გულის მწვავე უკმარისობა;

- გაქვთ მაღალი არტერიული წნევა;

- გაქვთ ისეთი დაავადება, რომლის დროსაც ფიზიკური დატვირთვა სახიფათოა თქვენთვის.

ბავშვები

ბავშვებში გულისცემის და არტერიული წნევის მომატება უფრო ხშირი და ინტენსიურია, ვიდრე მოზრდილებში. ახალშობილთა გულ-სისხლძარღვთა სისტემა ნაკლებად მგრძნობიარეა დობუტამინის მიმართ და ჰიპოტენზიური ეფექტი (დაბალი არტერიული წნევა) უფრო ხშირია მოზრდილ პაციენტებში, ვიდრე მცირეწლოვან ბავშვებში. შესაბამისად, ბავშვებში დობუტამინის გამოყენებისას, საჭიროა საგულდაგულო მონიტორინგი.

რეკომენდებულია სიფრთხილე ბავშვებში დობუტამინის მაღალი დოზების გამოყენებისას.

თქვენი ექიმი ფრთხილად დააკორექტორებს თქვენი ბავშვისთვის საჭირო დოზას.

თუ ეს გაფრთხილებები გეხებათ, ან გეხებოდათ წარსულში ნებისმიერ დროს, მიმართეთ თქვენს ექიმს.

დობკარდი საკვებთან და სასმელთან ერთად

დობკარდს არ აქვს ურთიერთქმედება საკვებთან და სასმელთან.

ორსულობა

ამ პრეპარატის გამოყენებამდე მიმართეთ თქვენს ექიმს ან ფარმაცევტს.

მას გამოიყენებს თქვენი ექიმი, როდესაც მოსალოდნელი სარგებელი აღემატება თქვენი ბავშვისთვის შესაძლო რისკს.

დაუყოვნებლივ მიმართეთ თქვენს ექიმს ან ფარმაცევტს, თუ მკურნალობის დროს მიხვდებით, რომ ორსულად ხართ.

ძუძუთი კვება

ამ პრეპარატის გამოყენებამდე მიმართეთ თქვენს ექიმს ან ფარმაცევტს.

მკურნალობის პერიოდში რეკომენდებულია ძუძუთი კვების შეწყვეტა. თუმცა, თქვენი ექიმი გირჩევთ დობკარდის გამოყენებას, როდესაც მოსალოდნელი სარგებელი აღემატება თქვენი ბავშვისთვის პოტენციურ რისკებს.

სატრანსპორტო საშუალებების მართვა და მექანიზმების გამოყენება

თუ აღინიშნება დობკარდის მიღებასთან დაკავშრებული ეფექტი, არ მართოთ სატრანსპორტო საშუალებები და არ გამოიყენოთ მექანიზმები.

მნიშვნელოვანი ინფორმაცია დობკარდის შემადგენლობაში შემავალი ზოგიერთი დამხმარე ნივთიერების შესახებ

ეს პრეპარატი შეიცავს ნატრიუმის მეტაბისულფიტს. ნატრიუმის მეტაბისულფიტმა იშვიათად შეიძლება გამოიწვიოს მძიმე მომატებული მგრძნობელობის რეაქციები (მძიმე ალერგია) და ბრონქოსპაზმი (სუნთქვის გაძნელება).

ეს სამკურნალო საშუალება შეიცავს 1 მმოლზე (23 მგ) ნაკლებ ნატრიუმს თითოეულ დოზაში, ანუ ფაქტობრივად „არ შეიცავს ნატრიუმს“.

**მიღება სხვა მედიკამენტებთან ერთად **

განსაკუთრებული ყურადღებაა საჭირო შემდეგი მედიკამენტების დობუტამინთან ერთად გამოყენებისას, რადგან მათ შეუძლიათ დობუტამინთან ურთიერთქმედება;

- ბეტა-ადრენერგული ბლოკატორები, როგორიცაა მეტოპროლოლი ან პროპრანოლოლი (მედიკამენტები, რომლებიც გამოიყენება გულის გარკვეული დაავადებების, შფოთვისა და შაკიკის სამკურნალოდ),

- ალფა-ადრენერგული ბლოკატორები (გამოიყენება მაღალი წნევისა და პროსტატის გადიდებული ჯირკვლის სამკურნალოდ);

- დიპირიდამოლი (გამოიყენება სისხლის შედედების საპრევენციოდ);

- ზოგადი საანესთეზიო საშუალებები;

- მონოამინ ოქსიდაზას ინჰიბიტორები (გამოიყენება დეპრესიის სამკურნალოდ);

- ანტიდიაბეტური საშუალებები (გამოიყენება დიაბეტის სამკურნალოდ);

- პერიფერიული ვაზოდილატორები (ვაზოდილატორები, მაგ. ნიტრატები, ნატრიუმის ნიტროპრუსიდი);

- თეოფილინი (გამოიყენება ასთმის სამკურნალოდ);

- დოფამინი (გამოიყენება გულისცემის და არტერიული წნევის მოსამატებლად);

- ნორადრენალინის პერიფერიული ვაზოკონსტრიქტორები (ნივთიერებები, რომლებიც იწვევენ სისხლძარღვების შეკუმშვას);

- აგფ ინჰიბიტორები, როგორიცაა კაპტოპრილი (გამოიყენება მაღალი არტერიული წნევის და გულის უკმარისობის სამკურნალოდ);

- ენტაკაპონი (გამოიყენება პარკინსონის დაავადების სამკურნალოდ);

- ანტიფსიქოზური პრეპარატები (გამოიყენება ფსიქიკური დაავადებების სამკურნალოდ);

- დოქსაპრამი (გამოიყენება რესპირატორული პრობლემების დროს);

- ერგოტამინი ან მეთისერგიდი (გამოიყენება შაკიკის სამკურნალოდ);

- ოქსიტოცინი (გამოიყენება მშობიარობის დროს);

- ატროპინის სულფატი (გამოიყენება ირისის ანთებისთვის (სისხლძარღვთა რეგიონი, რომელიც აძლევს თვალს ფერს) ან თვალის გამოკვლევისთვის).

თუ ამჟამად იღებდით ან ახლახანს იღებდით რაიმე რეცეპტით ან ურეცეპტოდ გაცემულ პრეპარატს, აცნობეთ ამის შესახებ თქვენს ექიმს ან ფარმაცევტს.

3.როგორ უნდა გამოიყენოთ დობკარდი

სათანადო გამოყენების ინსტრუქცია და დოზირება/გამოყენების სიხშირე:

თქვენი ექიმი შეარჩევს თქვენთვის შესაბამის დოზას და სიხშირეს. დოზა განისაზღვრება თქვენი ფიზიკური და სამედიცინო მდგომარეობის მიხედვით.

გამოყენების წესი და მეთოდი:

პრეპარატი შეიყვანება ვენაში. ეს პრეპარატი უნდა განზავდეს შეყვანამდე. იგი შეჰყავთ ვენაში ინფუზიის სახით (წვეთ-წვეთად).

სხვადასხვა ასაკობრივი ჯგუფები:

გამოყენება ბავშვებში:

ბავშვებს ინექციას უკეთებს ექთანი ან ექიმი, რომელიც შეარჩევს შესაბამის დოზას და გადაწყვეტს როგორ/როდის უნდა გაკეთდეს ინექცია. თუ თქვენ გაქვთ რაიმე დამატებითი შეკითხვა ან საკითხი თქვენი ბავშვისთვის ამ მედიკამენტის გამოყენებასთან დაკავშირებით, მიმართეთ ექიმს ან ექთანს, რომელიც აკეთებს ინექციას.

გამოყენება ხანდაზმულებში:

თქვენი ექიმი განსაზღვრავს დოზას.

განსაკუთრებული შემთხვევები:

თირკმლის/ღვიძლის უკმარისობა:

თქვენი ექიმი განსაზღვრავს დოზას.

თუ გრძნობთ, რომ დობკარდის მოქმედება ძალიან ძლიერი ან ძალიან სუსტია, აცნობეთ თქვენს ექიმს ან ფარმაცევტს.

თუ გამოიყენეთ რეკომენდებულ დოზაზე მეტი დობკარდი:

თუ გამოიყენეთ საჭიროზე მეტი დობკარდი, აცნობეთ თქვენს ექიმს ან ფარმაცევტს.

ეს პარაგრაფი არ გამოიყენება, ვინაიდან დობკარდის შეყვანა ხდება სამედიცინო პერსონალის მიერ საავადმყოფოში. თუ ფიქრობთ, რომ გაგიკეთდათ ძალიან ბევრი პრეპარატი ან გაქვთ გულისრევა, ღებინება, შფოთვის შეგრძნება, პალპიტაცია, თავის ტკივილი, ქოშინი ან ტკივილი გულმკერდის არეში, აცნობეთ პირს, რომელიც გიკეთებთ ინექციას.

თუ დაგავიწყდათ დობკარდის გამოყენება

ვინაიდან დობკარდის შეყვანა ხდება სამედიცინო პერსონალის მიერ საავადმყოფოში, ეს პარაგრაფი არ გამოიყენება.

არ გამოიყენოთ ორმაგი დოზა გამოტოვებული დოზის ასანაზღაურებლად.

ეფექტები, რომლებიც შეიძლება გამოვლიდეს დობკარდით მკურნალობის შეწყვეტისას:

დობკარდის შეყვანა ხდება გამოცდილი სამედიცინო პერსონალის მიერ საავადმყოფოში, ისინი გადაწყვეტენ მკურნალობის შეწყვეტას თქვენი მდგომარეობიდან გამომდინარე.

4.შესაძლო გვერდითი მოვლენები

სხვა მედიკამენტის მსგავსად, გვერდითი მოვლენები შეიძლება განვითარდეს პაციენტებში, რომლებიც მგრძნობიარენი არიან დობკარდში შემავალი ნივთიერებების მიმართ. თქვენი ექიმი გააკონტროლებს თქვენს გულს და გადაწყვეტს, შეგიძლიათ თუ არა ამ პრეპარატების გამოყენება.

გვერდითი მოვლენები კლასიფიცირდება შემდეგნაირად:

ძალიან ხშირი: შეიძლება გამოვლინდეს 10-დან მინიმუმ 1 პაციენტში.

ხშირი: შეიძლება გამოვლინდეს 10-დან 1-ზე ნაკლებ პაციენტში, მაგრამ 100-დან 1-ზე მეტ პაციენტში.

არახშირი: შეიძლება გამოვლინდეს 100-დან 1-ზე ნაკლებ პაციენტში, მაგრამ 1000-დან 1-ზე მეტ პაციენტში.

იშვიათი: შეიძლება გამოვლინდეს 1000-დან 1-ზე ნაკლებ პაციენტში, მაგრამ 10000-დან 1-ზე მეტ პაციენტში.

ძალიან იშვიათი: შეიძლება გამოვლინდეს 10000-დან 1-ზე ნაკლებ პაციენტში.

უცნობი: სიხშირის შეფასება შეუძლებელია არსებული მონაცემებით.

ძალიან ხშირი

· გულისცემის მატება;

· ტკივილი გულმკერდის არეში;

· გულისცემის დარღვევა.

ხშირი

· არტერიული წნევის მომატება ან შემცირება;

· სისხლძარღვების შევიწროება (ვაზოკონსტრიქცია);

· არარეგულარული გულისცემა (პალპიტაცია);

· პათოლოგიური სპაზმი გულის კუნთში (პარკუჭოვანი დისრითმია);

· გულის სპაზმი მოსალოდნელზე მეტი და უფრო ადრე, დოზის მიხედვით (პარკუჭოვანი ექსტრასისტოლა);

· მზარდი ტაქიკარდია (პარკუჭოვანი სიხშირის მომატება) გულის პათოლოგიური რიტმის მქონე პაციენტებში (წინაგულების ფიბრილაცია);

· ასთმის მსგავსი სიმპტომები (ბრონქოსპაზმი);

· ქოშინი;

· სისხლის თეთრი უჯრედების მომატება (ეოზინოფილია);

· სისხლის შენადედის წარმოქმნის დათრგუნვა;

· გამონაყარი (ეგზანთემა);

· ცხელება;

· ვენის ანთება ინექციის ადგილზე (ფლებიტი);

· თავის ტკივილი;

· ტკივილი გულ-მკერდის არეში (სტენოკარდია);

· ადგილობრივი ანთება;

· მომატებული შარდის მოწოლა ინფუზიის მაღალი დოზები დროს;

· გულისრევა.

არახშირი

· გულის პარკუჭის სწრაფი შეკუმშვა (პარკუჭოვანი ტაქიკარდია);

· გულის პარკუჭების უკონტროლო შეკუმშვა (პარკუჭოვანი ფიბრილაცია);

· გულის შეტევა (მიოკარდიუმის ინფარქტი).

ძალიან იშვიათი

· ნელი გულისცემა (ბრადიკარდია);

· გულის სისხლის მიწოდების ნაკლებობა (მიოკარდიუმის იშემია);

· კალიუმის დაბალი დონე (ჰიპოკალიემია);

· ლაქები კანზე (პეტექიური სისხლდენა);

· გულის ბლოკადა (გულში ელექტრული დენის ბლოკირება);

· გულის მომმარაგებელი სისხლძარღვების შევიწროება (კორონარული ვაზოსპაზმი);

· მოუსვენრობა;

· სიცხისა და შფოთვის შეგრძნება;

· მკვდარი ქსოვილი კანზე (კანის ნეკროზი);

· არატოლერანტული მაღალი ან დაბალი არტერიული წნევა;

· ღრუსშიდა წნევის გრადიენტის გამოვლენა (სხეულის ღრუებში წნევის სხვაობის ფორმირება).

უცნობი

· სტრესით გამოწვეული ტკივილი გულმკერდის არეში (სტრეს-კარდიომიოპათია);

· ალერგიული რეაქციები (მომატებული მგრძნობელობის რეაქციები), მათ შორის გამონაყარის, ცხელების, სისხლის თეთრი უჯრედების მომატების (ეოზინოფილია) სიმპტომები და ასთმის მსგავსი სიმპტომები (ბრონქოსპაზმი);

· მძიმე ალერგიული რეაქციები (ანაფილაქსიური რეაქციები) და სიცოცხლისათვის საშიში მწვავე ასთმის ეპიზოდები, შესაძლოა გამოწვეული ნატრიუმის მეტაბისულფიტის მიმართ მგრძნობელობით;

· ჩხვლეტის შეგრძნება (პარესთეზია);

· კანკალი (ტრემორი);

· კუნთების კრუნჩხვა (მიოკლონური სპაზმი);

· კუნთების კრუნჩხვა (მიოკლონუსი) თირკმლის მძიმე უკმარისობის მქონე პაციენტებში, რომლებიც იღებენ დობუტამინს;

· გულის ფუნქციის პათოლოგიური ტესტი (ელექტროკარდიოგრამა ST სეგმენტის ელევაცია);

· გულის კუნთის ანთება (ეოზინოფილური მიოკარდიტი) გადანერგილი გულის მქონე პაციენტებში;

· გულის ბლოკადა (მარცხენა პარკუჭის გამომავალი ტრაქტის ობსტრუქცია);

· წნევის შემცირება ფილტვის კაპილარებში;

· გულის ლეტალური გახეთქვა;

· მომატებული შარდის მოწოლა;

· ბავშვებში: გულისცემის და/ან არტერიული წნევის გამოხატული მომატება, აგრეთვე ფილტვის კაპილარული წნევის უფრო ნაკლები შემცირება, ვიდრე მოზრდილებში. ფილტვის კაპილარული წნევის მომატება 1 წლამდე ასაკის ბავშვებში.

ბავშვებში გამოვლენილი სხვა გვერდითი მოვლენები

შეიძლება გამოვლინდეს გვერდითი მოვლენები, მათ შორის: სისტოლური არტერიული წნევის მომატება (ჰიპერტენზია), სისტემური ჰიპერტენზია ან ჰიპოტენზია, ტაქიკარდია (პალპიტაცია), თავის ტკივილი, ფილტვის კაპილარული წნევის მომატება, რაც იწვევს ფილტვების შეგუბებას და შეშუპებას და სიმპტომური ჩივილები.

თუ შეამჩნევთ რაიმე გვერდით მოვლენას, რომელიც არ არის ჩამოთვლილი წინამდებარე ინსტრუქციაში, აცნობეთ თქვენს ექიმს ან ფარმაცევტს.

შეტყობინება გვერდითი მოვლენების შესახებ

ნებისმიერი გვერდითი მოვლენის გამოვლენის შემთხვევაში, რომელიც აღნიშნულია ან არ არის აღნიშნული შეფუთვის ინსტრუქციაში, მიმართეთ თქვენს ექიმს, ფარმაცევტს ან ექთანს. გვერდითი მოვლენების შეტყობინებით, თქვენ დაგვეხმარებით უზრუნველვყოთ მეტი ინფორმაცია წამლის უსაფრთხოებასთან დაკავშირებით.

5.დობკარდის შენახვის პირობები

შეინახეთ დობკარდი ბავშვებისთვის მიუწვდომელ ადგილას. შეინახეთ დობკარდი ორიგინალი შეფუთვით.

ინახება 25°C-ზე დაბალ ოთახის ტემპერატურაზე. მოარიდეთ სინათლესა და ზედმეტი სიცხის.

გამოიყენეთ ვარგისიანობის ვადის შესაბამისად.

არ გამოიყენოთ დობკარდი ვარგისიანობის ვადის გასვლის შემდეგ, რომელიც მითითებულია შეფუთვაზე.

არ გამოიყენოთ დობკარდი, თუ შეამჩნევთ რაიმე გაუარესებას პროდუქტსა და/ან შეფუთვაზე.

არ გადაყაროთ ვადაგასული ან გამოუყენებელი პრეპარატები! გადაეცით გარემოს დაცვისა და ურბანიზაციის სამინისტროს მიერ განსაზღვრულ შემგროვებელ სისტემას.

გაცემის წესი

ფარმაცევტული პროდუქტის ჯგუფი II, გაიცემა ფორმა №3 რეცეპტით