კომბინირებული მედიკამენტი
შემადგენლობა:
100 გ წვეთი შეიცავს:
29 გ წყალ-სპირტიან ექსტრაქტს, რომელიც მიღებულია შემდეგი სამკურნალო მცენარეული ნედლეულისგან:

1. ასისათავას ბალახი (Herba Centauri) 0,6 გ
2. ცისკარას ფესვი (Radix Levistici) 0,6 გ
3. როზმარინის ფოთლები (Folia Rosmarini) 0,6 გ

ეთანოლის შემცველობა: 19% (მოცულობითი თანაფარდობით)
დამატებითი ინგრედიენტები: გამოხდილი წყალი.

1 დრაჟე შეიცავს შემდეგი სამკურნალო მცენარეების დაფხვნილ ნედლეულს:

1. ასისათავას ბალახი (Herba Centauri) 18 მგ
2. ცისკარას ფესვი (Radix Levistici) 18 მგ
3. როზმარინის ფოთლები (Folia Rosmarini) 18 მგ

დამატებითი ინგრედიენტები:
კალციუმის კარბონატი, დექსტრინი, საფრქვევით გამომშრალი გლუკოზას სიროფი, ლაქტოზას მონოჰიდრატი, მაგნიუმის სტეარატი, სიმინდის სახამებელი (პრე- ჟელატინირებული), მონტანის გლიკოლის ცვილი, პოვიდონი (25,30), ბუნებრივი აბუსალათინის ზეთი, საქაროზა, შელაკი, მაღალდისპერსიული სილიციუმის დიოქსიდი, ტალკი;
საღებავი: რკინის (III) ოქსიდი (E172), რიბოფლავინი (E101), ტიტანის დიოქსიდი (E 171).

აღწერილობა:
შიგნით მისაღები წვეთები: გამჭვირვალე ან ოდნავ შემღვრეული, მოყვითალო-მოყავისფრო სითხე.
დრაჟე: ფორთოხლისფერი, მრგვალი, ორმხრივამოზნექილი და გლუვი ზედაპირით.

ფარმაკოლოგიური თვისებები:
კანეფრონ® N–ში შემავალი ინგრედიენტები ხასიათდებიან შარდმდენი, სპაზმოლიზური, ანთების საწინააღმდეგო და ანტიბაქტერიული თვისებებით.

გამოყენების ჩვენებები:
პრეპარატი გამოიყენება შარდის ბუშტისა (ცისტიტი) და თირკმელების (პიელონეფრიტი) ქრონიკული ანთებითი დაავადებების კომპლექსური მკურნალობისა და თირკმელების ქრონიკული არაინფექციური დაავადებების (გლომერულონეფრიტი, ინტერსტიციული ნეფრიტი) დროს, ასევე შარდის გამომყოფ სისტემაში კენჭების წარმოქმნის ხელისშემშლელ საშუალებად (ასევე მათი გამოძევების შემდეგ).

უკუჩვენებები:
მომატებული მგრძნობელობა პრეპარატის აქტიური ნივთიერებების ან დამატებითი ინგრედიენტების მიმართ.
მწვავე პეპტიური წყლული.

გვერდითი მოვლენები:
მომატებული მგრძნობელობა/ალერგიული რეაქციები და გასტროენტერალური დარღვევები (გულისრევა, პირღებინება, ფაღარათი) შეიძლება განვითარდეს იშვიათ შემთხვევებში. მომატებული მგრძნობელობის/ალერგიული რეაქციების პირველი ნიშნების გამოვლენისთანავე კანეფრონი® N მიღება უნდა შეწყდეს.

გამოყენების წესი და დოზირება:
მოზრდილები: 50 წვეთი ან 2 დრაჟე 3-ჯერ დღეში;
სკოლის ასაკის ბავშვები: 25 წვეთი ან 1 დრაჟე 3-ჯერ დღეში;
ბავშვები 1 წლის ასაკიდან: 15 წვეთი 3-ჯერ დღეში;

დაავადების მწვავე პერიოდის გავლის შემდეგ საჭიროა კანეფრონ® N-ით მკურნალობის გაგრძელება 2 - 4 კვირის განმავლობაში.
საჭიროების შემთხვევაში, მაგალითად ბავშვებისათვის მისი მწარე გემოს შესამცირებლად, შესაძლებელია წვეთების მიღება სხვა სითხეებთან ერთად.
დრაჟე მიიღება დაღეჭვის გარეშე, მცირე რაოდენობის წყალთან ერთად.

დოზის გადაჭარბება:
დოზის გადაჭარბების არცერთი შემთხვევა არ არის აღწერილი.
დოზის გადაჭარბების შემთხვევაში, საჭიროა სიმპტომური მკურნალობის ჩატარება.

ურთიერთქმედება სხვა სამკურნალწამლო საშუალებებთან:
ანტიბაქტერიულ სამკურნალო პრეპარატებთან კომბინაცია შესაძლებელია და მიზანშეწონილია. ურთიერთქმედება სხვა მედიკამენტებთან ცნობილი არ არის.

გამოყენება ორსულობისა და ლაქტაციის დროს:
ორსულობისა და ლაქტაციის პერიოდში რეკომენდებული დოზის მიღების შემთხვევაში არ არსებობს მტკიცებულება პრეპარატის საზიანო ზემოქმედების შესახებ. თუმცა, კანეფრონი® N -ის, ისევე როგორც სხვა ნებისმიერი პრეპარატის დანიშვნა ორსულობისა და ლაქტაციის პერიოდში ხდება მკურნალი ექიმის მიერ, მხოლოდ პრეპარატის მიღების რისკისა და სარგებლიანობის განსაზღვრის შემდეგ.

განსაკუთრებული მითითებები:
არ არის რეკომენდებული კანეფრონი® Nდრაჟეს მიღება 6 წლამდე ასაკის ბავშვებში და კანეფრონი® N შიგნით მისაღები წვეთების გამოყენება 1 წლამდე ასაკის ბავშვებში.
კანეფრონი®N-ის მიღების წინ გთხოვთ მიმართოთ ექიმს კონსულტაციისათვის ქვემოჩამოთვლილ შემთხვევებში:
_ თირკმელების ფუნქციის დაქვეითება
_ თირკმელების ანთებითი დაავადებები
_ შეშუპებისას, რომელიც გამოწვეულია გულის ან თირკმლის უკმარისობით.

კომბინირებული მედიკამენტი
შემადგენლობა:
100 გ წვეთი შეიცავს:
29 გ წყალ-სპირტიან ექსტრაქტს, რომელიც მიღებულია შემდეგი სამკურნალო მცენარეული ნედლეულისგან:

1. ასისათავას ბალახი (Herba Centauri) 0,6 გ
2. ცისკარას ფესვი (Radix Levistici) 0,6 გ
3. როზმარინის ფოთლები (Folia Rosmarini) 0,6 გ

ეთანოლის შემცველობა: 19% (მოცულობითი თანაფარდობით)
დამატებითი ინგრედიენტები: გამოხდილი წყალი.

1 დრაჟე შეიცავს შემდეგი სამკურნალო მცენარეების დაფხვნილ ნედლეულს:

1. ასისათავას ბალახი (Herba Centauri) 18 მგ
2. ცისკარას ფესვი (Radix Levistici) 18 მგ
3. როზმარინის ფოთლები (Folia Rosmarini) 18 მგ

დამატებითი ინგრედიენტები:
კალციუმის კარბონატი, დექსტრინი, საფრქვევით გამომშრალი გლუკოზას სიროფი, ლაქტოზას მონოჰიდრატი, მაგნიუმის სტეარატი, სიმინდის სახამებელი (პრე- ჟელატინირებული), მონტანის გლიკოლის ცვილი, პოვიდონი (25,30), ბუნებრივი აბუსალათინის ზეთი, საქაროზა, შელაკი, მაღალდისპერსიული სილიციუმის დიოქსიდი, ტალკი;
საღებავი: რკინის (III) ოქსიდი (E172), რიბოფლავინი (E101), ტიტანის დიოქსიდი (E 171).

აღწერილობა:
შიგნით მისაღები წვეთები: გამჭვირვალე ან ოდნავ შემღვრეული, მოყვითალო-მოყავისფრო სითხე.
დრაჟე: ფორთოხლისფერი, მრგვალი, ორმხრივამოზნექილი და გლუვი ზედაპირით.

ფარმაკოლოგიური თვისებები:
კანეფრონ® N–ში შემავალი ინგრედიენტები ხასიათდებიან შარდმდენი, სპაზმოლიზური, ანთების საწინააღმდეგო და ანტიბაქტერიული თვისებებით.

გამოყენების ჩვენებები:
პრეპარატი გამოიყენება შარდის ბუშტისა (ცისტიტი) და თირკმელების (პიელონეფრიტი) ქრონიკული ანთებითი დაავადებების კომპლექსური მკურნალობისა და თირკმელების ქრონიკული არაინფექციური დაავადებების (გლომერულონეფრიტი, ინტერსტიციული ნეფრიტი) დროს, ასევე შარდის გამომყოფ სისტემაში კენჭების წარმოქმნის ხელისშემშლელ საშუალებად (ასევე მათი გამოძევების შემდეგ).

უკუჩვენებები:
მომატებული მგრძნობელობა პრეპარატის აქტიური ნივთიერებების ან დამატებითი ინგრედიენტების მიმართ.
მწვავე პეპტიური წყლული.

გვერდითი მოვლენები:
მომატებული მგრძნობელობა/ალერგიული რეაქციები და გასტროენტერალური დარღვევები (გულისრევა, პირღებინება, ფაღარათი) შეიძლება განვითარდეს იშვიათ შემთხვევებში. მომატებული მგრძნობელობის/ალერგიული რეაქციების პირველი ნიშნების გამოვლენისთანავე კანეფრონი® N მიღება უნდა შეწყდეს.

გამოყენების წესი და დოზირება:
მოზრდილები: 50 წვეთი ან 2 დრაჟე 3-ჯერ დღეში;
სკოლის ასაკის ბავშვები: 25 წვეთი ან 1 დრაჟე 3-ჯერ დღეში;
ბავშვები 1 წლის ასაკიდან: 15 წვეთი 3-ჯერ დღეში;

დაავადების მწვავე პერიოდის გავლის შემდეგ საჭიროა კანეფრონ® N-ით მკურნალობის გაგრძელება 2 - 4 კვირის განმავლობაში.
საჭიროების შემთხვევაში, მაგალითად ბავშვებისათვის მისი მწარე გემოს შესამცირებლად, შესაძლებელია წვეთების მიღება სხვა სითხეებთან ერთად.
დრაჟე მიიღება დაღეჭვის გარეშე, მცირე რაოდენობის წყალთან ერთად.

დოზის გადაჭარბება:
დოზის გადაჭარბების არცერთი შემთხვევა არ არის აღწერილი.
დოზის გადაჭარბების შემთხვევაში, საჭიროა სიმპტომური მკურნალობის ჩატარება.

ურთიერთქმედება სხვა სამკურნალწამლო საშუალებებთან:
ანტიბაქტერიულ სამკურნალო პრეპარატებთან კომბინაცია შესაძლებელია და მიზანშეწონილია. ურთიერთქმედება სხვა მედიკამენტებთან ცნობილი არ არის.

გამოყენება ორსულობისა და ლაქტაციის დროს:
ორსულობისა და ლაქტაციის პერიოდში რეკომენდებული დოზის მიღების შემთხვევაში არ არსებობს მტკიცებულება პრეპარატის საზიანო ზემოქმედების შესახებ. თუმცა, კანეფრონი® N -ის, ისევე როგორც სხვა ნებისმიერი პრეპარატის დანიშვნა ორსულობისა და ლაქტაციის პერიოდში ხდება მკურნალი ექიმის მიერ, მხოლოდ პრეპარატის მიღების რისკისა და სარგებლიანობის განსაზღვრის შემდეგ.

განსაკუთრებული მითითებები:
არ არის რეკომენდებული კანეფრონი® Nდრაჟეს მიღება 6 წლამდე ასაკის ბავშვებში და კანეფრონი® N შიგნით მისაღები წვეთების გამოყენება 1 წლამდე ასაკის ბავშვებში.
კანეფრონი®N-ის მიღების წინ გთხოვთ მიმართოთ ექიმს კონსულტაციისათვის ქვემოჩამოთვლილ შემთხვევებში:
_ თირკმელების ფუნქციის დაქვეითება
_ თირკმელების ანთებითი დაავადებები
_ შეშუპებისას, რომელიც გამოწვეულია გულის ან თირკმლის უკმარისობით.

კანეფრონ® უნო

შემოგარსული ტაბლეტები

აქტიური სუბსტანციები : ასისთავას ბალახის ფხვნილი; ცისკარას ფესვის ფხვნილი; როზმარინის ფოთოლის ფხვნილი

გამოიყენება მოზრდილებში და მოზარდებში 12 წლის ასაკიდან

მედიკამენტის გამოყენებამდე ყურადღებით წაიკითხეთ მთელი ეს ინსტრუქცია, რადგან ის შეიცავს თქვენთვის მნიშვნელოვან ინფორმაციას.

ყოველთვის მიიღეთ ეს წამალი ზუსტად ისე, როგორც ეს აღწერილია ამ ინსტრუქციაში ან როგორც გირჩიათ თქვენმა ექიმმა ან ფარმაცევტმა.

- შეინახეთ ეს ინსტრუქცია, შესაძლოა კიდევ დაგჭირდეთ მისი ხელახლა წაკითხვა.

- თუ გჭრიდებათ დამატებითი ინფორმაცია ან რჩევა, მიმართეთ თქვენ ფარმაცევტს.

- თუ თავი იჩინა რაიმე გვერდითმა მოვლენამ, მიმართეთ თქვენს ექიმს ან ფარმაცევტს. ეს მოიცავს ნებისმიერ შესაძლო გვერდით მოვლენას, რომელიც არ არის ჩამოთვლილი ამ ინსტრუქციაში. იხილეთ ნაწილი 4.

- გაესაუბრეთ ექიმს, თუ 3 დღის შემდეგ თავს უკეთესად არ იგრძნობთ ან გაუარესდებათ მდგომარეობა.

რას შეიცავს წინამდებარე ინსტუქცია:

1. რა არის კანეფრონ უნო და რისთვის გამოიყენება ის

**2. რა უნდა იცოდეთ კანეფრონ უნოს მიღებამდე **

**3. როგორ უნდა მიიღოთ კანეფრონ უნო **

4. შესაძლო გვერდითი მოვლენები

**5. როგორ უნდა შეინახოთ კანეფრონ უნო **

6. შეფუთვის შემადგენლობა და სხვა ინფორმაცია

1. რა არის კანეფრონ უნო და რისთვის გამოიყენება ის

კანეფრონ უნო არის ტრადიციული მცენარეული სამკურნალო პროდუქტი, რომელიც გამოიყენება

- შემანარჩუნებელი მკურნალობისთვის და როგორც დამხმარე საშუალება სპეციფიკურ ღონოსძიებებთან ერთად, საშარდე გზების ანთებითი დაავადებებით გამოწვეული მსუბუქი ჩივილების დროს (როგორიცაა ხშირი შარდვა, წვა შარდვის დროს და შარდვის მომატებული სურვილი);

- საშარდე გზების გამორეცხვისთვის, თირკმლის კენჭების დეპონირების შესამცირებლად.

პროდუქტი არის ტრადიციული მცენარეული წამალი სპეციფიკური ჩვენებებისთვის, რომელიც დაფუძნებულია მხოლოდ ხანგრძლივ გამოყენებაზე.

მომხმარებელმა უნდა გაიაროს კონსულტაცია ექიმთან ან კვალიფიციურ სამედიცინო მუშაკთან, თუ სიმპტომები შენარჩუნებულია სამკურნალო პროდუქტის გამოყენების დროს ან თუ განვითარდება გვერდითი მოვლენები, რომლებიც არ არის მითითებული შეფუთვის ჩანართში.

**2. რა უნდა იცოდეთ კანეფრონ უნოს მიღებამდე **

არ გამოიყენოთ კანეფრონ უნო:

- თუ ალერგიული ხართ პრეპარატის აქტიური ნივთიერებების ან ქოლგისებრთა ოჯახის სხვა მცენარის მიმართ (ქოლგისებრთა ოჯახი ოჯახი, მაგ. ანისი, კამა), ანეთოლის (ეთერზეთების კომპონენტი) ან რომელიმე დამხმარე ნივთიერების მიმართ (ჩამოთვლილია 6 ნაწილში).

- თუ გაქვთ პეპტიური წყლული.

- გულის ან თირკმელების ფუნქციის დარღვევის გამო შეშუპების შემთხვევაში და/ან თუ ექიმის მიერ იყო რეკომენდებული სითხის შემცირებული მიღება.

გაფრთხილება და სიფრთხილის ზომები

დაუყოვნებლივ მიმართეთ ექიმს, თუ აღინიშნება მუდმივი ცხელება, ტკივილი მუცლის ქვედა ნაწილში, სპაზმი, სისხლი შარდში, შარდვის დარღვევა და შარდის მწვავე შეკავება.

**ბავშვები **

12 წლამდე ასაკის ბავშვებში არ არსებობს საკმარისი მონაცემები ამ სამკურნალო პროდუქტის გამოყენების შესახებ. ბავშვებში საშარდე გზების დაავადებები საჭიროებს სამედიცინო დახმარებას (საჭიროებს დიაგნოსტირებას, მკურნალობასა და ექიმის მეთვალყურეობას). ამიტომ, კანეფრონ უნო არ უნდა იქნას გამოყენებული 12 წლამდე ასაკის ბავშვებში.

სხვა მედიკამენტები და კანეფრონ უნო

გთხოვთ, აცნობეთ თქვენს ექიმს ან ფარმაცევტს, თუ იღებთ/იყენებთ ან ცოტა ხნის წინ იღებდით/იყენებდით ან შესაძლოა მიიღოთ/გამოიყენოთ ნებისმიერი სხვა მედიკამენტი.

სხვა სამკურნალო საშუალებებთან ურთიერთქმედება დღემდე არ არის ცნობილი. კლინიკური ურთიერთქმედების კვლევები არ ჩატარებულა.

ორსულობა და ძუძუთი კვება და ფერტილობა

თუ ორსულად ხართ ან ძუძუთი კვებავთ, ფიქრობთ, რომ შესაძლოა ორსულად იყოთ ან გეგმავთ შვილის ყოლას, ამ მედიკამენტის მიღებამდე რჩევისთვის მიმართეთ თქვენს ექიმს ან ფარმაცევტს.

კანეფრონ უნოს გამოყენება შეიძლება განიხილებოდეს ორსულობის დროს, თუ ექიმი საჭიროდ ჩათვლის.

უცნობია გამოიყოფა თუ არა კანეფრონ უნო ან მისი აქტიური ნივთიერებები/მეტაბოლიტები ადამიანის რძეში. კანეფრონ უნო არ უნდა იქნას გამოყენებული ძუძუთი კვების დროს.

არ არსებობს მონაცემები ადამიანების ფერტილობაზე ზემოქმედების შესახებ.

მანქანის მართვა და დანადგარების გამოყენება

არ ჩატარებულა კვლევები კანეფრონ უნოსთან სატრანსპორტო საშუალებების მართვისა და მექანიზმებთან მუშაობის უნარზე ზემოქმედების შესახებ.

კანეფრონ უნო შეიცავს შაქრებს გლუკოზას, საქაროზას და ლაქტოზას

თუ ექიმმა გითხრათ, რომ გაქვთ აუტანლობა ზოგიერთი შაქრის მიმართ, ამ სამკურნალო პროდუქტის მიღებამდე მიმართეთ ექიმს.

დიაბეტით დაავადებულთა საყურადღებოდ:

ერთი შემოგარსული ტაბლეტი შეიცავს საშუალოდ 0,3გ მარტივ ნახშირწყლებს.

3. როგორ უნდა მიიღოთ კანეფრონ უნო

ყოველთვის მიიღეთ ეს წამალი ზუსტად ისე, როგორც ეს აღწერილია ამ ინსტრუქციაში ან როგორც თქვენმა ექიმმა ან ფარმაცევტმა გირჩიათ. თუ არ ხართ დარწმუნებული, მიმართეთ თქვენს ექიმს ან ფარმაცევტს.

რეკომენდებული დოზაა:

მოზრდილები და 12 წელზე უფროსი ასაკის მოზარდები იღებენ 1 შემოგარსულ ტაბლეტს 3-ჯერ დღეში.

ბავშვები

კანეფრონ უნო არ გამოიყენება 12 წლამდე ასაკის ბავშვებში.

არ არსებობს საკმარისი მონაცემები თირკმელების/ღვიძლის ფუნქციის დარღვევის შემთხვევაში დოზის სპეციფიკური რეკომენდაციებისთვის.

მიღების წესი:

კანეფრონ უნოს ერთჯერადი დოზა უნდა მიიღოთ დღეში 3-ჯერ (დილა, შუადღე, საღამო).

კანეფრონ უნო უნდა გადაიყლაპოს მთლიანად (დაღეჭვის გარეშე) და უმჯობესია მიიღოთ სითხესთან ერთად, მაგ. ჭიქა წყალთან ერთად.

მკურნალობის ფაზაში დიდი რაოდენობით სითხის მიღება ხელს უწყობს თერაპიას.

თუ სიმპტომები გამწვავდება ან 3 დღეზე მეტ ხანს გაგრძელდება, მიმართეთ ექიმს ან კვალიფიცირებულ ჯანდაცვის სპეციალისტს. თვითმკურნალობისას პრეპარატი არ უნდა იქნას გამოყენებული 2 კვირაზე მეტი ხნის განმავლობაში.

თუ თქვენ მიიღეთ იმაზე მეტ კანეფრონ უნო, ვიდრე საჭიროა

თუ მიიღეთ კანეფრონ უნოს საჭიროზე მეტი დოზა, აცნობეთ ექიმს. თქვენი ექიმი მიიღებს ყველა საჭირო ზომას. შესაძლოა, ქვემოთ ჩამოთვლილი გვერდითი მოვლენები უფრო ინტენსიური იყოს.

დოზის გადაჭარბების შემთხვევები დღემდე არ დაფიქსირებულა.

თუ დაგავიწყდათ კანეფრონ უნოს მიღება

არ მიიღოთ ორმაგი დოზა გამოტოვებული დოზის ასანაზღაურებლად.

თუ შეწყვეტთ კანეფრონ უნოს მიღებას

კანეფრონ უნოს შეწყვეტა ჩვეულებრივ უსაფრთხოა.

თუ თქვენ გაქვთ დამატებითი შეკითხვები ამ მედიკამენტის გამოყენებასთან დაკავშირებით, მიმართეთ თქვენს ექიმს ან ფარმაცევტს.

4. შესაძლო გვერდითი მოვლენები

ყველა მედიკამენტის მსგავსად კანეფრონ უნოც იწვევს გვერდით მოვლენებს, თუმცა არ ვლინდება ყველა შემთხვევაში.

ხშირი გვერდითი მოვლენები ( შეიძლება გამოუვლინდეს 10-დან 1-მდე ადამიანს)

კუჭ-ნაწლავური დარღვევები (მაგ. გულისრევა, ღებინება, დიარეა).

უცნობია (სიხშირის დადგენა შეუძლებელია არსებული მონაცემების მიხედვით)

ჰიპერმგრძნობელობის რეაქციები (გამონაყარი, ქავილი, სახის შეშუპება).

გვერდითი მოვლენების განვითარების შემთხვევაში პრეპარატის მიღება უნდა შეწყდეს და დაუყოვნებლივ მიმართეთ ექიმს. ექიმს შეუძლია შეაფასოს სიმძიმე და გადაწყვეტილება მიიღოს შემდგომი საჭირო ზომების თაობაზე.

ინფორმაციის მიწოდება გვერდით მოვლენებზე

გვერდითი მოვლენების გამოვლენის შემთხვევაში, მიმართეთ ექიმს ან ფარმაცევტს. იგულისხმება ნებისმიერი შესაძლო გვერდითი მოვლენა, რომელიც არ არის მითითებული წინამდებარე ინსტრუქციაში.

5. როგორ უნდა შეინახოთ კანეფრონ უნო

არ შეინახოთ 30 ° C -ზე მაღალ ტემპერატურაზე.

შეინახეთ ბავშვებისათვის მიუწვდომელ ადგილას.

არ გამოიყენოთ ეს წამალი ვარგისიანობის ვადის გასვლის შემდეგ, რომელიც მითითებულია მუყაოს კოლოფზე და კონტეინერზე (ბლისტერზე). ვარგისიანობის ვადა ეხება მითიეთებული თვის ბოლო დღეს.

6. შეფუთვის შემადგენლობა და სხვა ინფორმაცია

რას შეიცავს კანეფრონ უნო

აქტიური სუბსტანციებია:

1 შემოგარსული ტაბლეტი შეიცავს:

Centaurium erythraea Rafn s.l., ბალახი (ასისთავას ბალახი, ფხვნილი) 36 მგ; Levisticum officinale Koch., ფესვი (ცისკარას ფესვი, ფხვნილი) 36 მგ; Rosmarinus officinalis L., ფოთოლი (როზმარინის ფოთოლი, ფხვილი) 36 მგ

**დამატებითი ინგრედიენტებია: **

ტაბლეტის ბირთვი: ლაქტოზას მონოჰიდრატი; მაგნიუმის სტეარატი (Ph.Eur.) [მცენარეული]; სიმინდის სახამებელი; პოვიდონი K 25; კოლოიდური უწყლო სილიციუმი

გარსი:კალციუმის კარბონატი; ერთნახადი აბუსალათინის ზეთი; რკინის (III) ოქსიდი (E172); სიმინდის სახამებელი; დექსტრინი (სიმინდის სახამებლისგან); გამომშრალი გლუკოზის სიროფი; მონტანგლიკოლის ცვილი; პოვიდონი K 30; სუკროზა (საქაროზა); შელაკი (ცვილის გარეშე); რიბოფლავინი (E101); ტალკი;

ტიტანის დიოქსიდი (E171);

**როგორ გამოიყურება კანეფრონ უნო და შეფუთვის შემადგენლობა **

შემოგარსული ტაბლეტები არის ნარინჯისფერი, მრგვალი, ორმხრივ ამოზნექილი გლუვი ზედაპირით. შემოგარსული ტაბლეტის დიამეტრია 10,2-10,6 მმ და ხელმისაწვდომია 30, 60 და 90 შემოგარსული ტაბლეტიანი შეფუთვებით.

შესაძლოა ბაზარზე არ იყოს ხელმისაწვდომი შეფუთვის ყველა ზომა.

**გაცემის წესი: **

ფარმაცევტული პროდუქტის ჯგუფი III, გაიცემა რეცეპტის გარეშე.