ფოლიუმ 400

ფოლიუმის მჟავა ( ვიტამინი B9)

ბიოლოგიურად აქტიური დანამატი (ვიტ. B9)****პერორალური გამოყენებისთვის

არომატიზატორის / გლუტეინის / ლაქტოზის გარეშე

შეფუთვაში 60 ტაბლეტი , თითო ტაბლეტი შეიცავს ფოლიუმის მჟავას 400 მკგ-ს.

ტერმინი ფოლიუმის მჟავა (ვიტ. B9) მომდინარეობს ლათინური სიტყვიდან "folium" (ფოთლები), რადგან იგი დიდი რაოდენობით გვხვდება ფოთლებში.

ჩვენება**:**

• ანემია, გამოწვეული ფოლიუმის მჟავას დეფიციტით (ფოლიუმდეფიციტური ანემია)

• ანემიის მკურნალობა და პროფილაქტიკა ორსულობის და ლაქტაციის პერიოდში;

• ორსულობის პირველ ტრიმესტრში ნაყოფის ნერვული ღეროს დეფექტების განვითარების პროფილაქტიკა;

• ფოლიუმის მჟავას ანტაგონისტებითხანგრძლივი მკურნალობა;

• სარძევე ჯირკვლის და მსხვილი ნაწლავის სიმსივნე

• ღრძილების დაავადება და ჰალითოზი

• ოსტეოპოროზი

• პრეეკლამფსია

ფოლიუმის მჟავა ორსულობის დროს:

ორსულობის დროს ფოლიუმის მჟავას ყოველდღიური მოთხოვნილება ორმაგდება (400 მკგ). ეს ზრდა განპირობებულია დედის და ნაყოფის გაზრდილი მოთხოვნილებებით..მისი დეფიციტი ზრდის ახალშობილთა მალფორმაციების რისკს, კერძოდ, ნერვული მილის დეფექტებს, განსაკუთრებით ანენცეფალიას, სპინა ბიფიდას და პირი-სახის ნაპრალებს.მისი დეფიციტი ასევე შეიძლება ასოცირებული იყოს საშვილოსნოსშიდა ზრდის შეფერხების, პრეეკლამფსიისა და პლაცენტის ნაადრევი აშრევების უფრო მაღალ რისკთან.პლაზმაში ფოლიუმის ადეკვატური კონცენტრაციის მისაღებად ქალმა ფოლიუმის მჟავას მიღება უნდა დაიწყოს ორსულობამდე 3-4 კვირით ადრე და გაგრძელდეს გესტაციის პირველი ტრიმესტრის განმავლობაში.

პრაქტიკაში, ვინაიდან ჩასახვის თარიღის აპრიორი დადგენა შეუძლებელია, რეკომენდებულია ფოლიუმის მჟავის პერიოდული დამატება ადეკვატური რაოდენობით კვებით რაციონში ქალებისთვის, რომლებიც გეგმავენ ორსულობას და მათთვის, ვინც ამას არ გამორიცხავს .ფოლიუმის მჟავას ხანგრძლივი მიღება არ იწვევს გვერდით მოვლენებს , პირიქით, ის ასევე შეიძლება სასარგებლო იყოს რეპროდუქციასთან დაკავშირებული პათოლოგიების რისკის შესამცირებლად, როგორიცაა გულ-სისხლძარღვთა რისკი.

კვლევებით დადგინდა რომ, ფოლიუმის მჟავას დეფიციტის პრევენციისთვის, ჩვილები უნდა იყვნენ ექსკლუზიურად ძუძუთი კვებაზე მინიმუმ 6 თვე. გაირკვა, რომ ფოლიუმის მჟავის დამატებით დედები ინარჩუნებდნენ პლაზმაში ფოლიუმის მნიშვნელოვნად მაღალ კონცენტრაციას, ვიდრე ისინი , ვინც არ იღებდა მას.

იმ ბავშვებთან , რომლებიც იმყოფებიან ექსკლუზიურ ძუზუთი კვებაზე და დედა არ ღებულობს დამატებით ფოლიუმის მჟავას, ბავშვის სისხლის პლაზმაში ფოლიუმის კონცენტრაცია ნორმაშია . შეიძლება ითქვას, რომ დედის რძეში ფოლიუმის დონე მაღალია, ლაქტაციის პერიოდში დედის რეზერვების ხარჯზე და ამიტომ ორსულობისა და ლაქტაციის პერიოდში ფოლიუმის მჟავას დამატება აუცილებელია დედის მარაგის შესანარჩუნებლად**.**

რეკომენდებული დღიური დოზა:

მიიღეთ 1 ტაბლეტი დღეში 1ჯერ. არ გადააჭარბოთ რეკომენდებულ დღიურ დოზას.

**მწარმოებელი:****BIOTRADING - MARSALA (იტალია)**


**www.biotradingpharma.it**

ფოლის მჟავა –0,005გ
Acidum folicum –0,005g;
გამოყენების ინსტრუქცია

ფარმაკოლოგიური ჯგუფი : ვიტამინური პრეპარატი.
წამლის ფორმა: ტაბლეტები.
აღწერა: ღია ყვითელი ფერის ტაბლეტები. დასაშვებია მუქი შეფერილობის ჩანართების არსებობა;
ერთი ტაბლეტის შედგენილობა: 0,005გ (5მგ);
დამხმარე ნივთიერებები : ლაქტოზა, პოლივინილპიროლიდონი, კალციუმის სტეარატი, სახამებელი, ტალკი.
ფარმაკოლოგიური მოქმედება: ფოლის მჟავა შედის BC ვიტამინების ჯგუფში. ფოლის მჟავა ორგანიზმში მეტაბოლიზდება ტეტრაჰიდროფოლის მჟავამდე. იგი წარმოადგენს კოფერმენტს, რომელიც აუცილებელია მეგალობლასტების ნორმალური მომწიფებისა და ნორმობლასტების წარმოქმნისთვის. ფოლის მჟავა ასტიმულირებს ერითროპოეზის პროცესს, მონაწილეობს ამინომჟავების სინთეზში, ნუკლეინის მჟავების, პურინების, პირიმიდინების, ქოლინის ცვლაში.
ფარმაკოკინეტიკა: პერორალური მიღებისას სრულად შეიწოვება თორმეტგოჯა და წვრილი ნაწლავის პროქსიმალური ნაწილიდან. მიღებული დოზის 98,5% ისაზღვრება სისხლში 3-6 საათის შემდეგ. ნაწლავებში შეწოვის წინ ფოლის მჟავა განიცდის აღდგენას ფერმენტის (დეჰიდროფოლატრედუქტაზას) მეშვეობით. ფოლის მჟავას მეტაბოლიზმი და დეპონირება ხდება ღვიძლში. მიღებული დოზის 50% ელიმინირდება შარდთან ერთად.
გამოყენების რეკომენდაცია: გამოიყენება კომპლექსურ თერაპიაში, როგორც დამხმარე საშუალება.
· ანემია, გამოწვეული ფოლის მჟავას დეფიციტით (წამლისმიერი ან მაიონიზირებელი რადიაციით გამოწვეული ანემია, ლეიკოპენია, მეგალობლასტური ანემია, სიდერობლასტური ანემია, წვრილი ნაწლავის დაავადებებით გამოწვეული ანემიები);
· ანემიის მკურნალობა და პროფილაქტიკა ორსულობის და ლაქტაციის პერიოდში.
უკუჩვენება : მომატებული მგრძნობელობა ფოლის მჟავას მიმართ.
დოზირება და მიღების წესი : მიიღება პერორალურად ჭამის შემდეგ.
სადღეღამისო დოზა მოზრდილთათვის შეადგენს 5მგ-ს. მკურნალობის კურსი გრძელდება 20-30 დღეს. ერთი თვის შემდეგ საჭიროა მკურნალობის კურსის განმეორება.
მეგალობლასტური ანემიის მკურნალობისათვის ფოლის მჟავა ინიშნება 5მგ/დღეში 4 თვის განმავლობაში.
ნაყოფის ნერვული მილის დეფექტების განვითარების პროფილაქტიკისთვის ფოლის მჟავა ინიშნება დოზით 5მგ/დღეში მოსალოდნელ ორსულობამდე 4 კვირის განმავლობაში და მკურნალობას განაგრძობენ ორსულობის I ტრიმესტრის მანძილზე.
ბავშვებისათვის სადღეღამისო დოზა დამოკიდებულია ასაკზე.
ფოლის მჟავას დღიური მოთხოვნილება შეადგენს ბავშვებში 1-დან 6 თვემდე – 0,025მგ-ს, 6-დან 12 თვემდე – 0,035მგ-ს, 1-დან 3 წლამდე 0,05მგ-ს, 4-დან 6 წლამდე 0,075მგ-ს, 7-დან 10 წლამდე 0,1მგ-ს, 11-დან 14 წლამდე 0,15მგ-ს, 15 წლის ზემოთ 0,2მგ-ს, ორსულებში – 0,4მგ-ს, ლაქტაციის პერიოდში – 0,26-0,28მგ-ს.
გვერდითი მოვლენები: ალერგიული რეაქციები, ბრონქოსპაზმი, ერითემა, ცხელება, გამონაყარი კანზე.
გაფრთხილება: პრეპარატის დიდი დოზით ხანგრძლივმა მიღებამ შესაძლოა გამოიწვიოს სისხლში ციანოკობალამინის კონცენტრაციის შემცირება. პერნიციოზული ანემიისას ნევროლოგიური გართულებების თავიდან ასაცილებლად მიზანშეწონილია ფოლის მჟავას და ციანოკობალამინის კომბინაცია.
ორსულობა და ლაქტაცია: იმის გათვალისწინებით, რომ ფოლის მჟავას დეფიციტი განსაკუთრებით სახიფათოა ფეხმძიმობის პირველ ტრიმესტრში, ამ ვიტამინის მიღება რეკომენდირებულია ფეხმძიმობის მოსამზადებელ პერიოდში, ასევე, მუცლადყოფნის მთელი პერიოდის განმავლობაში – 1მგ დოზით ყოველდღიურად.
სხვა პრეპარატებთან ურთიერთქმედება:
ქლორამფენიკოლთან, ნეომიცინთან, ტეტრაციკლინთან კომბინაციაში მცირდება ფოლის მჟავას შეწოვა. ფენიტოინის, პირიმიდინის, პასკის, სულფასალაზინის, ქლორამფენიკოლის, ჰორმონალური კონტრაცეპტივების ფოლის მჟავასთან კომბინაციისას მცირდება მათი თერაპიული ეფექტი.
ჭარბი დოზირება: ფოლის მჟავა 4-5მგ-მდე დოზით მიღებისას კარგად გადაიტანება. უფრო მაღალი დოზების შემთხვევაში შესაძლოა განვითარდეს დარღვევები ცნს-ის და კუჭ- ნაწლავის ტრაქტის მხრივ.
გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.
ვარგისიანობის ვადა: 2 წელი.
შენახვის პირობები: ინახება 15-25ºC ტემპერატურულ პირობებში ბავშვებისთვის მიუწვდომელ ადგილზე.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.
შეფუთვა:
ფოლის მჟავა – 0,005გ (5მგ).
პირველადი შეფუთვა: №20 ტაბლეტი ბლისტერზე.
მეორადი შეფუთვა: 2 ბლისტერი მუყაოს კოლოფში.