**ტერაფლუ მაქსტაბი **

საერთაშორისო არაპატენტირებული დასახელება ან ჯგუფური დასახელება (INN):

პარაცეტამოლი, კოფეინი, ფენილეფრინი, ტერპინჰიდრატი და ასკორბინის მჟავა

სამკურნალო ფორმა

ტაბლეტები

გამოშვების ფორმა

ტაბლეტები. 12 ტაბლეტი ბლისტერებში. 1 ბლისტერი გამოყენების ინსტრუქციასთან ერთად მოთავსებულია მუყაოს კოლოფში.

შემადგენლობა:

ერთი ტაბლეტი შეიცავს:

აქტიური ნივთიერებები:

პარაცეტამოლი 500 მგ
კოფეინი 25 მგ
ფენილეფრინის ჰიდროქლორიდი 5 მგ
ტერპინჰიდრატი 20 მგ
ასკორბინის მჟავა (ეთილცელულოზით დაფარული) 30 მგ
დამხმარე ნივთიერებები: სიმინდის სახამებელი, პრეჟელატინიზებული სახამებელი, ტალკი, სტეარინის მჟავა, პოვიდონი, კალიუმის სორბატი, ნატრიუმის ლაურილსულფატი, საღებავი „მზის ჩასვლა“ ყვითელი (E110).

აღწერილობა

მონარინჯისფრო-მოთეთრო ფერის, კაფსულების ფორმის ორშრიანი ტაბლეტები. ტაბლეტის ერთ მხარეს ამოტვიფრულია მარკირება „PSp“.

ფარმაკოთერაპიული ჯგუფი

სხვა ტკივილგამაყუჩებელი და სიცხის დამწევი საშუალებები.

პარაცეტამოლი სხვა პრეპარატებთან კომბინაციაში (ფსიქოლეფსიური საშუალებების გარდა).

ფარმაკოლოგიური თვისებები

ფარმაკოდინამიკა

პარაცეტამოლი არის ტკივილგამაყუჩებელი და სიცხის დამწევი საშუალება. სავარაუდოდ, მისი მოქმედების მექანიზმი, მოიცავს პროსტაგლანდინების სინთეზის ინჰიბირებას უპირატესად ცნს-ში.

პროსტაგლანდინების პერიფერიული ინჰიბირების არარსებობის გამო, მისი გამოყენება შესაძლებელია პაციენტებში კუჭ-ნაწლავის სისხლდენით ანამნეზში ან ხანდაზმულებში.

კოფეინი უზრუნველყოფს პარაცეტამოლის ტკივილგამაყუჩებელი ეფექტის პოტენცირებას რამდენიმე მექანიზმის მეშვეობით: (i) ადენოზინის პერიფერიული პრონოციცეპტური მოქმედების ბლოკადა; (ii) ცენტრალური ნორადრენერგული გამტარი გზების აქტივაცია, რომლებიც ენდოგენური გაუტკივარების სისტემას შეადგენს; და (iii) ცნს-ის სტიმულაცია, რასაც მოჰყვება ტკივილის აფექტური კომპონენტის შემდგომი მოდულაცია.

ფენილეფრინის ჰიდროქლორიდი არის სიმპატომომიმეტური საშუალება, რომელიც უპირატესად ალფა-ადრენორეცეპტორებზე მოქმედებს. ფენილეფრინის ჰიდროქლორიდი ამცირებს ცხვირის ლორწოვანი გარსის შეშუპებას.

ტერპინჰიდრატი აძლიერებს ბრონქულ სეკრეციას და გამოიყენება ამოსახველებელი საშუალების სახით პროდუქციული ხველის დროს.

ასკორბინის მჟავა (ვიტამინი C), ჩვეულებრივ, შედის გაცივების საწინააღმდეგო საშუალებების კომპონენტების კომბინაციაში, C ვიტამინის დანაკარგის კომპენსაციის მიზნით, რაც მოსალოდნელია ვირუსული დაავადებების, მათ შორის გაცივების, საწყის ეტაპებზე.

ფარმაკოკინეტიკა

პარაცეტამოლი სწრაფად შეიწოვება კუჭ-ნაწლავის ტრაქტიდან და ნაწილდება სხეულის უმეტეს ქსოვილში. თერაპიული დოზების მიღებისას პარაცეტამოლი მინიმალურად უკავშირდება პლაზმის ცილებს. მეტაბოლიზდება ღვიძლში და გამოიყოფა შარდით ძირითადად გლუკურონიდისა და სულფატის სახით, 5%-ზე ნაკლები გამოიყოფა უცვლელი სახით.

კოფეინი პერორალური მიღების შემდეგ სწრაფად და მთლიანად შეიწოვება კუჭ-ნაწლავის ტრაქტიდან და მაქსიმალურ კონცენტრაციას 5 -დან 120 წუთამდე აღწევს (დამოკიდებულია დოზაზე, ჯანმრთელობის მდგომარეობასა და ერთდროულად მიღებულ სხვა პრეპარატებზე), ფართოდ ვრცელდება ორგანიზმში, დაახლოებით 35% უკავშირდება პლაზმის ცილებს, ჟანგვისა და დემეთილირების გზით თითქმის მთლიანად მეტაბოლიზდება ღვიძლში სხვადასხვა ქსანტინებამდე, რომლებიც შარდით გამოიყოფა. პერორალური მიღების შემდეგ ნახევარგამოყოფის საშუალო პერიოდი დაახლოებით 4.9 სთ-ს შეადგენს 1.9-12.2 სთ-ის დიაპაზონში.

ფენილეფრინის ჰიდროქლორიდი არათანაბრად შეიწოვება კუჭ-ნაწლავის ტრაქტიდან და პირველად მეტაბოლიზმს მონოამინოქსიდაზით ნაწლავებსა და ღვიძლში გაივლის. ამრიგად, ფენილეფრინის ჰიდროქლორიდს პერორალური მიღებისას დაქვეითებული ბიოშეღწევადობა აქვს. გამოიყოფა შარდით სულფატის სახით.

ტერპინჰიდრატი - მონაცემები არ არსებობს.

ასკორბინის მჟავა სწრაფად შეიწოვება კუჭ-ნაწლავის ტრაქტიდან და ნაწილდება სხეულის ყველა ქსოვილში, 25% უკავშირდება პლაზმის ცილებს. ასკორბინის მჟავას ჭარბი რაიდენობა გამოიყოფა შარდით მეტაბოლიტების სახით.

ჩვენებები

გრიპით და გაცივებით გამოწვეული დაავადებების სიმპტომების შემსუბუქება, მათ შორის, მომატებული ტემპერატურა, თავის ტკივილი, ყელის ტკივილი, სურდო, ცხვირის დაცობა, კუნთების ტკივილი, ცხვირის დანამატი წიაღების ტკივილი.

უკუჩვენებები

ეს პრეპარატი უკუნაჩვენებია პაციენტებისათვის:

· რომლებსაც ანამნეზში აღენიშნება მომატებული მგრძნობელობა პარაცეტამოლის, კოფეინს, ფენილეფრინის, ტერპინჰიდრატის, ასკორბინის მჟავას ან დამხმარე ნივთიერებების მიმართ;

რომლებიც გამოიყენებენ ან გამოიყენებდნენ ბოლო 2 კვირის განმავლობაში მონოამინოქსიდაზას (მაო) ინჰიბიტორებს (იხ. ურთიერთქმედება სხვა სამკურნალო საშუალებებთან).

გამოყენების წესი და დოზები

პრეპარატი მიიღება მხოლოდ პერორალურად.

მოზრდილები (მათ შორის, ხანდაზმულები) და 12 წელზე მეტი ასაკის ბავშვები: 1-2 ტაბლეტი ყოველ 4-6 სთ-ში საჭიროების მიხედვით. არ მიიღოთ 4 სთ-იან ინტერვალზე უფრო ხშირად. არ არის რეკომენდებული 24 სთ-ის განმავლობაში 8 ტაბლეტზე მეტის მიღება.

არ არის რეკომენდებული ექიმთან კონსულტაციის გარეშე 7 დღეზე მეტი ხნის განმავლობაში გამოყენება.

არ გადააჭარბოთ მითითებულ დოზას.

უნდა გამოიყენოთ ეფექტის მისაღწევად საჭირო ყველაზე დაბალი დოზები და მინიმალური ხანგრძლივობით.

ბავშვები 12 წლამდე ასაკის: არ არის რეკომენდებული პრეპარატის მიღება ბავშვებში 12 წლამდე ასაკის.

გვერდითი მოქმედება:

ქვემოთ მოცემულია ინფორმაცია არასასურველი რეაქციების შესახებ, რომლებიც დაფიქსირდა კლინიკური კვლევების და პრეპარატის თერაპიულ / რეკომენდებულ დოზებში პოსტრეგისტრაციული გამოყენების დროს, კლასებისა და ორგანოთა სისტემების შესაბამისად.

ინფორმაცია პოსტრეგისტრაციული გამოყენების დროს გამოვლენილი არასასურველი რეაქციების შესახებ მოწოდებულია ნებაყოფლობით გაურკვეველი ზომის პოპულაციისაგან, ამ რეაქციების სიხშირე უცნობია, მაგრამ, დიდი ალბათობით, არის იშვიათი (≥1/10000, <1/1000) ან ძალიან იშვიათი (<1/10000):

პარაცეტამოლი (პოსტრეგისტრაციული მონაცემები):

· თრომბოციტოპენია;

· ანაფილაქსია, კანის ჰიპერმგრძნობელობის რეაქციები, მათ შორის ტოქსიკური ეპიდერმული ნეკროლიზი, სტივენს-ჯონსონის სინდრომი, კვინკეს შეშუპება და გამონაყარი კანზე;

· ბრონქოსპაზმი აცეტილსალიცილის მჟავას ან სხვა ანთების საწინააღმდეგო არასტეროიდულ საშუალებების მიმართ მომატებული მგრძნობელობის მქონე პაციენტებში;

· ღვიძლის ფუნქციის დარღვევა.

კოფეინი (პოსტრეგისტრაციული მონაცემები):

· ძილის დარღვევა, მღელვარება, შფოთვა, გაღიზიანება, ნერვოზულობა;

· თავბრუსხვევა, თავის ტკივილი;

· გახშირებული გულისცემა;

· დარღვევები კუჭ-ნაწლავის ტრაქტის მხრივ.

მკურნალობის დროს კოფეინის შემცველი სასმელების მოხმარებამ შეიძლება გამოიწვიოს ორგანიზმში კოფეინის დოზის გაზრდა, რაც, თავის მხრივ, ზრდის კოფეინის მიღებასთან დაკავშირებული გვერდითი რეაქციების რისკს.

ფენილეფრინი კლინიკური კვლევების მონაცემებით იწვევს: ნერვოზულობას, თავის ტკივილს, თავბრუსხვევას, უძილობას, არტერიულ წნევის მომატებას, გულისრევას, ღებინებას.

პოსტმარკეტინგული კვლევების მონაცემებით ფენილეფრინის მიღებამ შეიძლება გამოიწვიოს შემდეგი არასასურველი რეაქციები:

· მომატებული მგრძნობელობა, ალერგიული დერმატიტი, ჭინჭრის ციება;

· დახურულკუთხოვანი გლაუკომის გამწვავება (სავარაუდოდ, დახურულკუთხოვანი გლაუკომის მქონე პაციენტებში) (იხ. „განსაკუთრებული მითითებები“), მიდრიაზი;

· ტაქიკარდია, გახშირებული გულისცემა;

· გამონაყარი;

· შარდის შეკავება, დიზურია (სავარაუდოდ, პაციენტებში საშარდე გზების ობსტრუქცით, რომელიც შეიძლება გამოწვეული იყოს წინამდებარე ჯირკვლის ჰიპერტროფიით).

შეწყვიტეთ პრეპარატის გამოყენება და დაუყოვნებლივ მიმართეთ ექიმს, თუ:

· აღნიშნავთ ალერგიული რეაქციების განვითარებას, როგორიცაა გამონაყარი კანზე ან ქავილი (ჭინჭრის ციება), სუნთქვის გაძნელებას ან პირის, ტუჩების, ენის, ყელის, სახის ან/და თვალების შეშუპებას;

· აღნიშნავთ გამონაყარს კანზე, კანის აქერცვლას ან წყლულებს პირის ღრუში;

· წარსულში გქონიათ სუნთქვის პრობლემები აცეტილსალიცილის მჟავას ან სხვა ანთების საწინააღმდეგო არასტეროიდული საშუალებების გამოყენებისას და მსგავსი რეაქცია განვითარდა ამ სამკურნალო საშუალების გამოყენებისას;

· აღნიშნავთ გაურკვეველი მიზეზით განვითარებულ სისხლჩაქცევებს ან სისხლდენებს;

· აღნიშნავთ უზომოდ სწრაფი პულსის განვითარებას ან უზომოდ სწრაფი და არარეგულარული პულსის შეგრძნება გაქვთ;

· გაგიუარესდათ მხედველობა, რაც შეიძლება უკავშირდებოდეს მაღალ თვალშიგა წნევას. ამ რეაქციის განვითარება უფრო მოსალოდნელია გლაუკომის მქონე პაციენტებში;

· გაქვთ შარდის გამოყოფის პრობლემები. ამ რეაქციის განვითარება უფრო მოსალოდნელია წინამდებარე ჯირკვლის ჰიპერპლაზიის მქონე პაციენტებში.

ეს რეაქციები იშვიათად ვითარდება.

განსაკუთრებული მითითებები

შეიცავს პარაცეტამოლს. არ გამოიყენება პარაცეტამოლის შემცველ სხვა პრეპარატებთანერთად. პარაცეტამოლის შემცველი სხვა პრეპარატების ერთდროულმა გამოყენებამ შეიძლება ჭარბი დოზირება გამოიწვიოს. არ გადააჭარბოთ რეკომენდებულ დოზებს. პარაცეტამოლით ჭარბმა დოზირებამ შეიძლება გამოიწვიოს ღვიძლის უკმარისობა, რომლის შედეგად შეიძლება საჭირო გახდეს ღვიძლის ტრანსპლანტაცია ან რომელსაც შეიძლება ლეტალური შედეგი გამოიწვიოს.

არსებობს მონაცემები ღვიძლის დისფუნქციის/უკმარისობის შესახებ გლუტათიონის დაქვეითებული დონის მქონე პაციენტებში (გამოფიტული, ანორექსიით დაავადებული პაციენტები, სხეულის მასის დაბალი ინდექსის მქონე პაციენტები, მძიმე ქრონიკული ალკოჰოლიზმით დაავადებულები ან სეფსისის მქონე პაციენტები).

პრეპარატის მიღებამდე აუცილებელია ექიმის კონსულტაცია, თუ თქვენ:

· გაქვთ ღვიძლის ან თირკმლის დაავადება (ღვიძლის თანმხლები დაავადება ზრდის პარაცეტამოლის გამოყენებასთან დაკავშირებული ღვიძლის დაზიანების რისკს);

· გაქვთ სხეულის დაქვეითებული წონა ან ხართ გამოფიტული;

· რეგულარულად იღებთ ალკოჰოლს.

შესაძლებელია, თქვენ მოგიწიოთ უარის თქმა ამ სამკურნალო საშუალების მიღებაზე ან უნდა შეამციროთ მიღებული პარაცეტამოლის რაოდენობა.

· გაქვთ მძიმე ინფექცია, ძლიერი გამოფიტვა, მნიშვნელოვნათ დაკლებული გაქვთ წონაში ან გაქვთ ქრონიკული ალკოჰოლიზმი, რადგან ამან შეიძლება გაზარდოს მეტაბოლური აციდოზის რისკი. დაუყოვნებლივ მიმართეთ ექიმს, თუ გაქვთ მეტაბოლური აციდოზის სიმპტომების შემდეგი კომბინაცია: ღრმა, სწრაფი, გაძნელებული სუნთქვა; უსიამოვნო შეგრძნება (გულისრევა), ღებინება; მადის დაკარგვა.

· გაქვთ არტერიული ჰიპერტენზია (მაღალი არტერიული წნევა), გულ- სისხლძარღვთა დაავადება, შაქრიანი დიაბეტი (სისხლში გლუკოზის მაღალი დონე), ჰიპერთირეოიდიზმი (ფარისებრი ჯირკვლის ჰიპერაქტიურობა), დახურულკუთხოვანი გლაუკომა (თვალშიგა წნევის მომატება), ფეოქრომოციტომა (თირკმელზედა ჯირკვლების იშვიათი სიმსივნე), წინამდებარე ჯირკვლის ჰიპერტროფიასთან დაკავშირებული შარდვის გაძნელება, სისხლძარღვების ოკლუზიური დაავადებები (მაგ., რეინოს სინდრომი, რომელიც შეიძლება გამოვლინდეს გადაცივების დროს განვითარებული ხელის და ფეხის თითების დაბუჟებით, მათში ჩხვლეტის შეგრძნებით ან მათი ფერის შეცვლით (თეთრი, ლურჯი, შემდეგ წითელი).

· თქვენ იღებთ არტერიული წნევის მარეგულირებელ პრეპარატებს, მათ შორის ბეტა ბლოკატორებს და სხვა ანტიჰიპერტენზიულ საშუალებებს;

· თქვენ იღებთ მედიკამენტებს დეპრესიის სამკურნალოდ, მათ შორის ტრიციკლურ ანტიდეპრესანტებს (მაგ., ამიტრიპტილინი).

· თქვენ იღებთ გულის დაავადებების სამკურნალო პრეპარატებს (მაგ., დიგოქსინი და სხვა საგულე გლიკოზიდები).

· თქვენ იღებთ ჭვავის რქის ალკალოიდების შემცველ პრეპარატებს (მაგ., ერგოტამინი, მეთისერგიდი) მწვავე შაკიკის სამკურნალოდ.

· თქვენ იღებთ ვარფარინს ან სხვა მსგავს პრეპარატებს (ანტიკოაგულანტებს), რომლებიც გამოიყენება სისხლის გასათხელებლად.

· თქვენ იღებთ ლითიუმის პრეპარატებს.

· თქვენ იღებთ სხვა სიმპათომიმეტურ საშუალებებს (როგორიცაა დეკონგესტანტები, მადის დამთრგუნველი საშუალებები, ამფეტამინის მსგავსი პრეპარატები (ფსიქოსტიმულატორები, რომლებიც ზოგჯერ გამოიყენება ყურადღების დეფიციტის დარღვევის სამკურნალოდ)).

· თქვენ ძუძუთი კვებავთ ბავშვს.

აცნობეთ ექიმს ან ფარმაცევტს ნებისმიერი სხვა პრეპარატის შესახებ, რომელსაც თქვენ გამოიყენებთ.

ეს პრეპარატი შეიცავს კოფეინს. პრეპარატის გამოყენებისას არ არის რეკომენდებული კოფეინის შემცველი ბევრი სასმელის მოხმარება (მაგ., ყავა, ჩაი და კოფეინის შემცველი კონსერვირებული სასმელები). კოფეინის მაღალი დოზების გამოყენებამ შეიძლება გამოიწვიოს უძილობა, ტრემორი და არასასიამოვნო შეგრძნებები გულმკერდის არეში, რაც დაკავშირებულია ძლიერი გულისცემის შეგრძნებასთან. შეიცავს საღებავს „მზის ჩასვლა“ ყვითელი (E110). შეიძლება გამოიწვიოს ალერგიული რეაქციები.

ინახება ბავშვებისთვის მიუწვდომელ ადგილას.

ყოველთვის წაიკითხეთ სამკურნალო საშუალების გამოყენების ინსტრუქცია და მიჰყევით მას.

გამოყენება ორსულობის და ლაქტაციის დროს

ორსულობა

პრეპარატის გამოყენება არ არის რეკომენდებული ორსულობის დროს ან თუ გეგმავთ ორსულობას.

პარაცეტამოლი:

ორსულობის დროს პარაცეტამოლის (ნებისმიერი სხვა მედიკამენტის მსგავსად) მიღებამდე ორსულებმა უნდა გაიარონ კონსულტაცია ექიმთან.

კოფეინი:

ორსულობის დროს ამ სამკურნალო პრეპარატის გამოყენება არ არის რეკომენდებული, კოფეინის მიღებასთან დაკავშირებული მუცლის მოშლის რისკის შესაძლო გაზრდის გამო.

ასკორბინის მჟავა:

ასკორბინის მჟავას გამოყენების რეკომენდებული ზედა დასაშვები დონე (UL) არის 1800 მგ / დღეში (ორსულობის დროს <18 წლამდე) და 2000 მგ / დღეში (ორსულობის დროს > 18 წელზე მეტი). გამოყენების ზედა დასაშვები დონე (UL) არის საკვები ნივთიერებების მაქსიმალური დღიური მიღება, რაც არ წარმოადგენს ჯანმრთელობაზე მავნე ზემოქმედების რისკს.

ტერპინჰიდრატი:

შესაბამისი მონაცემები არ მოიპოვება.

ფენილეფრინის ჰიდროქლორიდი:

ორსულ ქალებში ფენილეფრინის გამოყენების შესახებ მონაცემები შეზღუდულია.

ლაქტაცია:

ძუძუთი კვების პერიოდში ეს პრეპარატი არ უნდა იქნას გამოყენებული ექიმთან კონსულტაციის გარეშე, იმ შემთხვევების გარდა, თუ დედისთვის მოსალოდნელი სარგებელი აღემატება ძუძუთი კვებაზე მყოფი ბავშვისთვის მოსალოდნელ რისკს. შეიძლება განიხილებოდეს ხანმოკლე მკურნალობა ყველაზე დაბალი ეფექტური დოზის გამოყენებით. რეკომენდებული დოზებით მიღებისას პარაცეტამოლი და ასკორბინის მჟავა გადადიან დედის რძეში, ამავე დროს პარაცეტამოლი გადადის იმ რაოდენობით, რომელსაც არ აქვს კლინიკური მნიშვნელობა. კოფეინს დედის რძეში პოტენციურად შეიძლება ჰქონდეს მასტიმულირებელი ეფექტი ძუძუთი კვებაზე მყოფ ბავშვებზე, მაგრამ მნიშვნელოვანი ტოქსიკურობა არ გამოვლენილა. ფენილეფრინის ჰიდროქლორიდი შეიძლება გადავიდეს დედის რძეში. ტერპინჰიდრატი - შესაბამისი მონაცემები არ არსებობს.

ზეგავლენა სატრანსპორტო საშუალებების მართვისა და მექანიზმებთან მუშაობის უნარზე

თავბრუსხვევის განვითარების შემთხვევაში საჭიროა თავის არიდება სატრანსპორტო საშუალებების ან პოტენციურად საშიში მექანიზმების მართვისაგან.

ჭარბი დოზირება

თუ თქვენ მიიღეთ რეკომენდებულზე მეტი რაოდენობის პრეპარატი, დაუყოვნებლივ მიმართეთ ექიმს ღვიძლის უკმარისობის რისკის გამო, მაშინაც კი, თუ თქვენ არ გაქვთ რაიმე სიმპტომი. მკურნალობა მოიცავს სტანდარტულ შემანარჩუნებელ თერაპიას, რომელიც უნდა განხორციელდეს კლინიკური ჩვენებების ან ნაციონალური ტოქსიკოლოგიური ცენტრის, ასეთის არსებობისას, რეკომენდაციების შესაბამისად,

პარაცეტამოლი

სიმპტომები: პარაცეტამოლით ჭარბი დოზირების შემდეგ ჩატარებული კვლევები მიუთითებს იმაზე, რომ ღვიძლის დაზიანების კლინიკური ნიშნები, როგორც წესი, 24-48 საათის შემდეგ ვითარდება და მაქსიმუმს 4-6 დღის შემდეგ აღწევს. პარაცეტამოლით ჭარბმა დოზირებამ შეიძლება გამოიწვიოს ღვიძლის უკმარისობა, რის გამოც შეიძლება საჭირო გახდეს ღვიძლის ტრანსპლანტაცია ან რასაც შეიძლება ლეტალური შედეგი მოჰყვეს. დაფიქსირდა მწვავე პანკრეატიტის შემთხვევები, როგორც წესი, ღვიძლის დისფუნქციით და ჰეპატოტოქსიკურობით.

მკურნალობა: ჭარბ დოზირებაზე ეჭვის არსებობის შემთხვევაში, დაუყოვნებლივ უნდა მიმართოთ სამედიცინო დახმარებას, მაშინაც კი, თუ სიმპტომები არ აღინიშნება. პარაცეტამოლით ჭარბ დოზირებაზე ეჭვის არსებობისას ან დადასტურებული ჭარბი დოზირებისას დაუყოვნებლივ მიმართეთ სასწრაფო სამედიცინო დახმარებას, მაშინაც კი, თუ არ აღინიშნება ჭარბი დოზირების სიმპტომები ან ნიშნები, რათა თავიდან აიცილოთ ღვიძლის გადავადებული ტოქსიკური დაზიანება.

შესაძლებელია N-აცეტილცისტეინის ან მეთიონინის გამოყენება.

კოფეინი

სიმპტომები: კოფეინით ჭარბმა დოზირებამ შეიძლება გამოიწვიოს ტკივილი ეპიგასტრიუმის არეში, ღებინება, გაძლიერებული დიურეზი, ტაქიკარდია ან არითმიები, ცენტრალური ნერვული სისტემის სტიმულაცია (უძილობა, მღელვარება, ემოციური აგზნებადობა, შფოთვა, შიშის შეგრძნება, ტრემორი და კრუნჩხვები).

პრეპარატით ჭარბი დოზირებისას განვითარებული კოფეინის ჭარბი დოზირების კლინიკურად მნიშვნელოვანი სიმპტომები შეიძლება მეტყველებდეს პარაცეტამოლის ტოქსიკური მოქმედების არსებობაზე.

მკურნალობა: სპეციფიკური ანტიდოტი არ არსებობს, პაციენტებს კარდიოტოქსიკური ეფექტის გასანეიტრალებლად უნდა ჩაუტარდეს ზოგადი შემანარჩუნებელი თერაპია ბეტა- ადრენორეცეპტორების ანტაგონისტების გამოყენებით.

ფენილეფრინის ჰიდროქლორიდი

ფენილეფრინით ჭარბი დოზირების სიმპტომები „გვერდითი ეფექტების“ ნაწილში აღწერილი სიმპტომების მსგავსია. ამ სიმპტომების გარდა, ფენილეფრინით ჭარბმა დოზირებამ შეიძლება გამოიწვიოს გაღიზიანება, მღელვარება, არტერიული წნევის მომატება და, შედეგად, რეფლექსური ბრადიკარდია. მძიმე შემთხვევებში აღინიშნება ცნობიერების არევა, ჰალუცინაციები, კრუნჩხვები და არითმიები.

მკურნალობა: მძიმე ჰიპერტენზიის დროს შეიძლება საჭირო გახდეს ალფა- ადრენობლოკატორების გამოყენება, მაგ., ფენტოლამინი.

ტერპინჰიდრატით ჭარბი დოზირებისას შეიძლება განვითარდეს კუჭ-ნაწლავის ტრაქტის ეფექტები, მაგ., გულისრევა, ღებინება და მუცლის ტკივილი.

ასკორბინის მჟავა

სიმპტომები: ასკორბინის მჟავას მაღალმა დოზამ (> 3000 მგ) შეიძლება გამოიწვიოს ხანმოკლე ოსმოსური დიარეა და კუჭ-ნაწლავის ტრაქტის ეფექტები, მაგ., გულისრევა და არასასიამოვნო შეგრზნებები მუცლის არეში. ასკორბინის მჟავას ჭარბი დოზირების შედეგები ასევე შეიძლება ასოცირებული იყოს პარაცეტამოლის ჭარბი დოზირებით გამოწვეულ ტოქსიკურ ეფექტებთან ღვიძლზე.

ურთიერთქმედება სხვა სამკურნალო საშუალებებთან

მონოამინოქსიდაზას ინჰიბიტორები (მათ შორის, მოკლობემიდი)
ურთიერთქმედება სიმპატომიმეტურ ამინებს, მათ შორის ფენილეფრინის ჰიდროქლორიდი, და მონოამინოქსიდაზას ინჰიბიტორებს შორის იწვევს არტერიულ ჰიპერტენზიას (იხ. „უკუჩვენებები“).
სიმპატომიმეტური ამინები
ფენილეფრინის და სხვა სიმპატომიმეტური ამინების ერთდროული გამოყენებისას შეიძლება გაიზარდოს გულ-სისხლძარღვთა გვერდითი ეფექტების რისკი (იხ. „განსაკუთრებული მითითებები“).
ბეტა-ბლოკატორები და სხვა ანტიჰიპერტენზიული პრეპარატები (მათ შორის, დებრიზოხინი, გუანეთიდინი, რეზერპინი, მეთილდოფა)
ფენილიფრინმა შეიძლება შეამციროს ბეტა-ბლოკატორების და ანტიჰიპერტენზიული პრეპარატების ეფექტურობა. შეიძლება გაიზარდოს ჰიპერტონიის და გულ-სისხლძარღვთა მხრივ სხვა გვერდითი ეფექტების რისკი (იხ. „განსაკუთრებული მითითებები“).
ტრიციკლური ანტიდეპრესანტები (მაგ., ამიტრიპტილინი)
შეიძლება გაიზარდოს ფენილეფრინის ჰიდროქლორიდის გულ-სისხლძარღვთა გვერდითი ეფექტების რისკი (იხ. „განსაკუთრებული მითითებები“).
დიგოქსინი და საგულე გლიკოზიდები

ფენილეფრინის და დიგოქსინის ან საგულე გლიკოზიდების ერთდროული გამოყენებისას შეიძლება გაიზარდოს არითმიების ან მიოკარდიუმის ინფარქტის რისკი (იხ. „განსაკუთრებული მითითებები“).
ჭვავის რქის ალკალოიდები (მაგ., ერგოტამინი და მეთისერგიდი)
ფენილეფრინის ჰიდროქლორიდთან ერთდროულმა გამოყენებამ შეიძლება გაზარდოს ერგოტიზმის რისკი (იხ. „განსაკუთრებული მითითებები“).
ვარფარინი და სხვა კუმარინები
ვარფარინისა და სხვა კუმარინების ანტიკოაგულაციური ეფექტი შეიძლება გაიზარდოს პარაცეტამოლის ხანგრძლივი რეგულარული ყოველდღიური გამოყენებისას, რაც ზრდის სისხლდენის რისკს. ერთჯერადი დოზები არ იწვევენ ასეთ ეფექტს.
ლითიუმი
კოფეინს შეუძლია დააჩქაროს ლითიუმის ორგანიზმიდან გამოყოფა, რის გამოც ლითიუმის პრეპარატებთან ერთდროული გამოყენება არ არის რეკომენდებული.
ვარგისობის ვადა

4 წელი. პრეპარატი არ გამოიყენება შეფუთვაზე აღნიშნული ვარგისობის ვადის გასვლის შემდეგ.

შენახვის პირობები

ინახება არა უმეტეს +25 °C ტემპერატურაზე, ბავშვებისათვის მიუწვდომელ ადგილას.

გაცემის წესი

ფარმაცევტული პროდუქტის ჯგუფი III, გაიცემა რეცეპტის გარეშე.

დასახეკება - ტერაფლუ მაქსტაბი ტაბლეტი #12
ჩვენებები
გრიპით და გაცივებით გამოწვეული დაავადებების სიმპტომების შემსუბუქება, მათ შორის, მომატებული ტემპერატურა, თავის ტკივილი, ყელის ტკივილი, სურდო, ცხვირის დაცობა, კუნთების ტკივილი, ცხვირის დანამატი წიაღების ტკივილი.
უკუჩვენებები
ეს პრეპარატი უკუნაჩვენებია პაციენტებისათვის:
უ რომლებსაც ანამნეზში აღენიშნება მომატებული მგრძნობელობა პარაცეტამოლის, კოფეინს, ფენილეფრინის, ტერპინჰიდრატის, ასკორბინის მჟავას ან დამხმარე ნივთიერებების მიმართ;
რომლებიც გამოიყენებენ ან გამოიყენებდნენ ბოლო 2 კვირის განმავლობაში მონოამინოქსიდაზას (მაო) ინჰიბიტორებს (იხ. ურთიერთქმედება სხვა სამკურნალო საშუალებებთან).
გამოყენების წესი და დოზები
პრეპარატი მიიღება მხოლოდ პერორალურად.
მოზრდილები (მათ შორის, ხანდაზმულები) და 12 წელზე მეტი ასაკის ბავშვები: 1-2 ტაბლეტი ყოველ 4-6 სთ-ში საჭიროების მიხედვით. არ მიიღოთ 4 სთ-იან ინტერვალზე უფრო ხშირად. არ არის რეკომენდებული 24 სთ-ის განმავლობაში 8 ტაბლეტზე მეტის მიღება.
არ არის რეკომენდებული ექიმთან კონსულტაციის გარეშე 7 დღეზე მეტი ხნის განმავლობაში გამოყენება.
უნდა გამოიყენოთ ეფექტის მისაღწევად საჭირო ყველაზე დაბალი დოზები და მინიმალური ხანგრძლივობით.
ბავშვები 12 წლამდე ასაკის: არ არის რეკომენდებული პრეპარატის მიღება ბავშვებში 12 წლამდე ასაკის.

დასახეკება - ტერაფლუ მაქსტაბი ტაბლეტი #12
ჩვენებები
გრიპით და გაცივებით გამოწვეული დაავადებების სიმპტომების შემსუბუქება, მათ შორის, მომატებული ტემპერატურა, თავის ტკივილი, ყელის ტკივილი, სურდო, ცხვირის დაცობა, კუნთების ტკივილი, ცხვირის დანამატი წიაღების ტკივილი.
უკუჩვენებები
ეს პრეპარატი უკუნაჩვენებია პაციენტებისათვის:
უ რომლებსაც ანამნეზში აღენიშნება მომატებული მგრძნობელობა პარაცეტამოლის, კოფეინს, ფენილეფრინის, ტერპინჰიდრატის, ასკორბინის მჟავას ან დამხმარე ნივთიერებების მიმართ;
რომლებიც გამოიყენებენ ან გამოიყენებდნენ ბოლო 2 კვირის განმავლობაში მონოამინოქსიდაზას (მაო) ინჰიბიტორებს (იხ. ურთიერთქმედება სხვა სამკურნალო საშუალებებთან).
გამოყენების წესი და დოზები
პრეპარატი მიიღება მხოლოდ პერორალურად.
მოზრდილები (მათ შორის, ხანდაზმულები) და 12 წელზე მეტი ასაკის ბავშვები: 1-2 ტაბლეტი ყოველ 4-6 სთ-ში საჭიროების მიხედვით. არ მიიღოთ 4 სთ-იან ინტერვალზე უფრო ხშირად. არ არის რეკომენდებული 24 სთ-ის განმავლობაში 8 ტაბლეტზე მეტის მიღება.
არ არის რეკომენდებული ექიმთან კონსულტაციის გარეშე 7 დღეზე მეტი ხნის განმავლობაში გამოყენება.
უნდა გამოიყენოთ ეფექტის მისაღწევად საჭირო ყველაზე დაბალი დოზები და მინიმალური ხანგრძლივობით.
ბავშვები 12 წლამდე ასაკის: არ არის რეკომენდებული პრეპარატის მიღება ბავშვებში 12 წლამდე ასაკის.