კლავომედი 1000მგ
CLAVOMED

** საერთაშორისო არაპატენტირებული დასახელება**
ამოქსიცილინი + კლავულანის მჟავა
Amoxicillin + Clavulanic acid

** _წამლის ფორმა
_** შემოგარსული ტაბლეტები.
აღწერილობა: კაფსულის ფორმის თეთრი ფერის ტაბლეტები გრავირებით „Clavomed“ ცალ მხარეს და გამყოფი ნაჭდევით მეორე მხარეს.

შემადგენლობა
თითოეული შემოგარსული ტაბლეტი შეიცავს
აქტიური ნივთიერებები: ამოქსიცილინი (ტრიჰიდრატის ფორმით) 875 მგ,
კლავულანის მჟავა (კალიუმის მარილის ფორმით) 125 მგ.
დამხმარე ნივთიერებები: მიკროკრისტალური ცელულოზა, ნატრიუმის კროსკარმელოზა, გასუფთავებული ტალკი, მაგნიუმის სტეარატი.
გარსის შემადგენლობა: ჰიპრომელოზა (E15), ეთილცელულოზა, ტიტანის დიოქსიდი, პროპილენგლიკოლი.

ათქ კოდი: J01CR02.

ფარმაკოთერაპიული ჯგუფი
ანტიმიკრობული პრეპარატები სისტემური გამოყენებისათვის.
ფართო სპექტრის ანტიბიოტიკი ნახევრადსინთეზური პენიცილინების ჯგუფიდან კომბინაციაში β-ლაქტამაზების ინჰიბიტორთან - კლავულანის მჟავასთან.

ფარმაკოლოგიური თვისებები
** ფარმაკოდინამიკა**
ამოქსიცილინი - ფართო სპექტრის ანტიბიოტიკი ნახევრადსინთეზური პენიცილინების ჯგუფიდან, აქტიურია მრავალი გრამდადებითი და გრამუარყოფითი მიკროორგანიზმების მიმართ.
კლავულანის მჟავა - β-ლაქტამური ნაერთი, გააჩნია β-ლაქტამაზების (ფერმენტები, რომლებსაც ჩვეულებრივ პენიცილინებისა და ცეფალოსპორინების მიმართ რეზისტენტული მიკროორგანიზმები აპროდუცირებენ) ფართო სპექტრის ინაქტივირების უნარი. კლავომედის შემადგენლობაში კლავულანის მჟავის არსებობა ამოქსიცილინს იცავს β-ლაქტამაზების დამაზიანებელი მოქმედებისაგან და აფართოებს მის ანტიბაქტერიული აქტივობის სპექტრს მასში პენიცილინებისა და ცეფალოსპორინების მიმართ ჩვეულებრივ რეზისტენტული მიკროორგანიზმების ჩართვით.
კლავომედი ეფექტურია შემდეგი მიკროორგანიზმების მიმართ:
- გრამდადებითი აერობული მიკროორგანიზმები: Bacillus anthracis, Corynebacterium spp., Enterococcus faecalis, Enterococcus faecium, Listeria monocytogenes, Nocardia asteroides, Staphylococcus aureus, კოაგულაზონეგატიური სტაფილოკოკები ((Staphylococcus epidermidis-ის ჩათვლით), Streptococcus spp. (Streptococcus agalactiae, Streptococcus pneumoniae, Streptococcus pyogenes, Streptococcus viridans -ის ჩათვლით);
- გრამდადებითი ანაერობული მიკროორგანიზმები: Clostridium spp., Peptococcus spp., Peptostreptococcus spp.;
- გრამუარყოფითი აერობული მიკროორგანიზმები: Bordetella pertussis, Brucella spp., Escherichia coli, Gardnerella vaginalis, Haemophilus influenzae, Helicobacter pylori, Klebsiella spp., Legionella spp., Moraxella catarrhalis (Branhamella catarrhalis), Neisseria gonorrhoeae, Neisseria meningitidis, Pateurella multocida, Proteus mirabilis, Proteus vulgaris, Salmonella spp., Shigella spp., Vibrio cholerae, Yersinia enterocolitica;
- გრამუარყოფითი ანაერობული მიკროორგანიზმები: Bacteroides spp. (Bacteroides fragilis-ის ჩათვლით), Fucobacterium spp.;
- სხვა მიკროორგანიზმები: Borrelia burgdorferi, Chlamydia spp., Leptospira icterohaemorrhagiae, Treponema pallidum.

ფარმაკოკინეტიკა
შიგნით მიღების შემდეგ პრეპარატის ორივე კომპონენტი კუჭ-ნაწლავის ტრაქტიდან სწრაფად აბსორბირდება. ამოქსიცილინისა და კლავულანის მჟავის ნახევარგამოყოფის პერიოდი 1-1.5 საათს შეადგენს.

გამოყენების ჩვენებები
პრეპარატის მიმართ მგრძნობიარე მიკროორგანიზმებით გამოწვეული ინფექციურ-ანთებითი დაავადებები:
- ზედა სასუნთქი გზებისა და ლორ-ორგანოების ინფექციები (მწვავე და ქრონიკული სინუსიტი, მწვავე და ქრონიკული ტონზილიტი, მწვავე და ქრონიკული შუა ოტიტი, რეტროფარინგეალური აბსცესი);
- ქვედა სასუნთქი გზების ინფექციები (მ.შ., ქრონიკული ბრონქიტის გამწვავება, პნევმონია და ბრონქოპნევმონია, პლევრის ემპიემა);
- საშარდე გზების ინფექციები (მ.შ.,ცისტიტი, ურეთრიტი, პიელონეფრიტი);
- სასქესო ორგანოების ინფექციები (მ.შ., სალპინგიტი, სალპინგოოოფორიტი, ენდომეტრიტი, სეპტიური აბორტი, პელვიოპერიტონიტი);
- სქესობრივი გზით გადამდები დაავადებები (მ.შ., გონორეა, შანკროიდი);
- კანისა და რბილი ქსოვილების ინფექციები (ფურუნკულოზი, აბსცესი, ცელულიტი, ჭრილობის ინფექცია, ფლეგმონა);
- ძვლებისა და სახსრების ინფექციები (მ.შ., ქრონიკული ოსტეომიელიტი);
- სანაღვლე გზების ინფექციები (ქოლეცისტიტი, ქოლანგიტი);
- სხვა შერეული ინფექციები, მაგალითად, სამეანო სეფსისი, ინტრააბდომინალური ინფექციები;
- ოდონტოგენური ინფექციები (მ.შ., დენტოალვეოლური აბსცესი);
- ინფექციის პროფილაქტიკა ქირურგიული ჩარევებისას;
- ცხოველებისა და ადამიანის ნაკბენები.

უკუჩვენებები
- სიყვითლე ან ანამნეზში ღვიძლის ფუნქციის დარღვევა პრეპარატის გამოყენების ფონზე;
- ჰიპერმგრძნობელობა β-ლაქტამური ანტიბიოტიკების მიმართ (მ.შ., პენიცილინებისა და ცეფალოსპორინების მიმართ).

განსაკუთრებული მითითებები
ჯვარედინი მგრძნობელობის შესაძლო განვითარების გამო სიფრთხილით ენიშნებათ იმ პაციენტებს, რომლებსაც აღენიშნებათ ალერგიული რეაქციები ცეფალოსპორინებზე, პენიცილინებზე და სხვა ალერგენებზე.
კლავომედის გამოყენებას უნდა ვერიდოთ ინფექციურ მონონუკლეოზზე ეჭვის არსებობისას, ვინაიდან ასეთ შემთხვევებში ამოქსიცილინმა შეიძლება გამოიწვიოს გამონაყარი კანზე, რაც დაავადების დიაგნოსტიკას ართულებს.
სიფრთხილით გამოიყენება ღვიძლის ფუნქციის დარღვევების მქონე პაციენტებში.
ამოქსიცილინის მაღალი დოზებით გამოყენებისას რეკომენდებულია საკმარისი რაოდენობით სითხის მიღება და ადეკვატური დიურეზის შენარჩუნება ამოქსიცილინის კრისტალების წარმოქმნის ალბათობის შესამცირებლად.
პრეპარატით ხანგრძლივი თერაპიის დროს რეკომენდებულია სისხლწარმოქმნის, თირკმელების, ღვიძლის ფუნქციების პერიოდული კონტროლი.

ზეგავლენა ავტოტრანსპორტის მართვისა და ტექნიკასთან მუშაობის უნარზე
კლავომედი არ მოქმედებს ავტომობილის მართვისა და იმ სამუშაოთა შესრულების უნარზე, რომლებიც საჭიროებენ ფსიქომოტორული რეაქციების სისწრაფეს.

_გვერდითი მოქმედება
_ გვერდითი ეფექტები უმეტეს შემთხვევაში სუსტად გამოხატულია და შექცევად ხასიათს ატარებენ.
სისხლმბადი სისტემის მხრივ: ზოგჯერ პრეპარატის ზემოქმედების შედეგად აღინიშნება სისხლის ანალიზის მაჩვენებლების ხანმოკლე ცვლილებები.
ალერგიული რეაქციები: ქავილი, გამონაყარი კანზე, მგრძნობიარე პაციენტებში შესაძლებელია დაუყოვნებელი ჰიპერმგრძნობელობის რეაქციების განვითარება. ალერგიული დერმატიტის ნებისმიერი ფორმის განვითარების შემთხვევაში კლავომედით მკურნალობა უნდა შეწყდეს.
ცენტრალური ნერვული სისტემის მხრივ: ზოგჯერ – თავბრუსხვევა, თავის ტკივილი; იშვიათად – შექცევადი ჰიპერაქტივობა.
საჭმლის მომნელებელი სისტემის მხრივ: დიარეა, ღებინება (უფრო ხშირად პრეპარატის მაღალი დოზებით მიღებისას), გულისრევა; ზოგჯერ – დისპეფსია.
შარდგამომყოფი სისტემის მხრივ: კრისტალურია.
მიკრობიოლოგიური მოქმედებით განპირობებული ეფექტები: ზოგჯერ – ლორწოვანი გარსების კანდიდოზი; ძალიან იშვიათად – ფსევდომემბრანოზული და ჰემორაგიული კოლიტი.

გამოყენების წესი და დოზები
ოპტიმალური აბსორბციისათვის და საჭმლის მომნელებელი სისტემის მხრივ შესაძლო გვერდითი ეფექტების შესამცირებლად კლავომედის გამოყენება რეკომენდებულია ჭამის წინ, დაუღეჭავად, მცირე რაოდენობით წყლის მიყოლებით.
დოზირების რეჟიმის დადგენა ხდება ინდივიდუალურად პაციენტის ასაკის, სხეულის წონის, თირკმელების ფუნქციის, აგრეთვე, ინფექციის სიმძიმის ხარისხის მიხედვით.
კლინიკური სიტუაციის გადახედვის გარეშე მკურნალობის გაგრძელება 14 დღეზე მეტ ხანს არ შეიძლება.
ბავშვები 12 წლამდე ასაკის ან 40 კგ-მდე სხეულის წონით:
1.0 გ-იანი ტაბლეტების გამოყენება შესაძლებელია მხოლოდ განსაკუთრებული ჩვენებებით ექიმის კონტროლის ქვეშ.
მოზრდილები და ბავშვები 12 წელზე უფროსი ასაკის ან 40 კგ-ზე მეტი სხეულის წონით :
1 ტაბლეტი ორჯერ დღე-ღამეში.
პაციენტებისათვის თირკმლის მძიმე უკმარისობით (კრეატინინის კლირენსი 10-30 მლ/წთ) დოზა ადეკვატურად უნდა შემცირდეს ან გახანგრძლივდეს მიღებათა შორის ინტერვალი:

კრეატინინის კლირენსი| > 30| 30 - 10| < 10
---|---|---|---
მიღებათა შორის ინტერვალი| 8 საათი| 12 საათი| 24 საათი

პაციენტები ღვიძლის ფუნქციის დარღვევებით:
მკურნალობა ტარდება სიფრთხილით, რეგულარულად ხორციელდება ღვიძლის ფუნქციის მონიტორინგი. პაციენტთა ამ კატეგორიისათვის დოზირების რეჟიმის კორექციისათვის მონაცემები არასაკმარისია.
ხანდაზმული პაციენტები:
დოზის კორექცია საჭირო არ არის.

_ჭარბი დოზა
_ სიმპტომები: შესაძლებელია წყალ-ელექტროლიტური ბალანსის და კუჭ-ნაწლავის დარღვევები.
აღწერილია ამოქსიცილინური კრისტალურია, რომელიც ზოგიერთ შემთხვევაში იწვევს თირკმლის უკმარისობის განვითარებას.

მკურნალობა: სიმპტომური თერაპიის ჩატარება, წყალ-ელექტროლიტური ბალანსის კორექცია. კლავომედი სისხლიდან ჰემოდიალიზის მეშვეობით გამოიყოფა.

ურთიერთქმედება სხვა სამკურნალო საშუალებებთან
კლავომედისა და პრობენეციდის ერთად გამოყენება რეკომენდებული არ არის. პრობენეციდი ამცირებს ამოქსიცილინის მილაკოვან სეკრეციას, რაც იწვევს სისხლში ამოქსიცილინის, მაგრამ არა კლავულანის მჟავის, დონის მომატებასა და პერსისტენციას.
ალოპურინოლისა და ამოქსიცილინის კომბინირებისას შესაძლებელია ალერგიული რეაქციების განვითარების რისკის მომატება.
მოქმედების ფართო სპექტრის მქონე სხვა ანტიბიოტიკების მსგავსად კლავომედს შეუძლია პერორალური კონტრაცეპტივების ეფექტურობის შემცირება.

ორსულობა და ლაქტაციის პერიოდი
კლავომედის გამოყენება ორსულობის დროს შეიძლება. კლავომედის მავნე (ტერატოგენული) ზემოქმედება ნაყოფზე არ გამოვლენილა.
როგორც ამოქსიცილინი, ასევე კლავულანის მჟავა უმნიშვნელო რაოდენობით აღწევს დედის რძეში, ამიტომ ლაქტაციის პერიოდში კლავომედის გამოყენება უნდა მოხდეს სიფრთხილით.

გამოშვების ფორმა
შემოგარსული ტაბლეტები.
5 ტაბლეტი ბლისტერში. 1 ბლისტერი ალუმინის ფოლგის პაკეტში.
2 პაკეტი ფურცელ-ჩანართთან ერთად მოთავსებულია მუყაოს კოლოფში.

შენახვის პირობები
ინახება მშრალ, ბავშვებისათვის მიუწვდომელ ადგილას არაუმეტეს 250ჩ ტემპერატურაზე.

ვარგისიანობის ვადა
2 წელი წარმოების თარიღიდან.
ვარგისიანობის ვადის გასვლის შემდეგ გამოყენება არ შეიძლება.

გაცემის პირობები
რეცეპტით.

მწარმოებელი
კლავომედი წარმოადგენს კომპანიის „ვორლდ მედიცინ“ (ინგლისი) სავაჭრო მარკას.
დამზადებულია „ლაბორატორია ბეილი-კრეატ“-ის მიერ (საფრანგეთი) (შმენ დე ნუიზმენ Z.I. დე 150 არპენ, 28500 ვერნუიე - საფრანგეთი) “მედრაიკ”-ის (ინგლისი) ლიცენზიით.

შემადგენლობა: ამოქსიცილინის ტრიჰიდრატი+ კლავულანის მჟავა

ჩვენებები: კლავომედი ნაჩვენებია უფროსებში და ბავშვებში შემდეგი ინფექციების სამკურნალოდ: მწვავე ბაქტერიული სინუსიტი (სათანადოდ დადასტურებული დიაგნოზი); მწვავე შუა ოტიტი; ქრონიკული ბრონქიტის გამწვავება (სათანადოდ დადასტურებული დიაგნოზი); არაჰოსპიტალური პნევმონია; ცისტიტი; კანისა და რბილი ქსოვილების ინფექციები, კერძოდ, ცელულიტი (კანქვეშა ცხიმოვანი უჯრედისის ანთება), ცხოველთა ნაკბენები, მძიმე ფორმის დენტალური აბსცესი გავრცელებადი ცელულიტით; ძვლების და სახსრების ინფექციები, კერძოდ, ოსტეომიელიტი. აუცილებელია ანტიბაქტერიული საშუალებების გამოყენების შესახებ ოფიციალურ გზამკვლევებში მოცემული ინფორმაციის გათვალისწინება.

უკუჩვენებები: ჰიპერმგრძნობელობა აქტიური ნივთიერებების, პენიცილინების ჯგუფის ნებისმიერი სამკურნალო საშუალების ან პრეპარატის შემადგენლობაში შემავალი ნებისმიერი დამხმარე ნივთიერების მიმართ; ანამნეზში დაუყოვნებელი ტიპის ჰიპერმგრძნობელობის რეაქციები (მაგალითად, ანაფილაქსია), დაკავშირებული სხვა ბეტა-ლაქტამური ანტიბიოტიკების გამოყენებასთან, მაგალითად, ცეფალოსპორინების, კარბაპენემების ან მონობაქტამების; ანამნეზში სიყვითლე-ღვიძლის დისფუნქცია, დაკავშირებული ამოქსიცილინი-კლავულანის მჟავის კომბინაციის გამოყენებასთან.

გამოყენების წესი და დოზირება: დოზირება: დოზები მითითებულია ამოქსიცილინი- კლავულანის მჟავის კომბინაციისათვის, გარდა იმ შემთხვევებისა, როდესაც მოცემულია დოზები თითოეული კომპონენტისათვის ცალ-ცალკე. დოზის შერჩევისას კონკრეტული ინფექციის სამკურნალოდ გასათვალისწინებელია შემდეგი ფაქტორები: ინფექციის სავარაუდო გამომწვევები და მათი სავარაუდო მგრძნობელობა ანტიბაქტერიული საშუალებების მიმართ; ინფექციის სირთულის ხარისხი და ლოკალიზაცია; პაციენტის ასაკი, სხეულის მასა და თირკმელების ფუნქციური მდგომარეობა; საჭიროებისას უნდა განიხილოს პრეპარატის სხვა წამლის ფორმების გამოყენება, მაგალითად, ამოქსიცილინის უფრო მაღალი დოზების შემცველობით და-ან ამოქსიცილინი-კლავულანის მჟავის სხვა თანაფარდობით.

წამლის ფორმა: ფხვნილი შიგნით მისაღები სუსპენზიის 125მგ-31,25მგ-5 მლ მოსამზადებლად. 80მლ მოცულობის მუქი შუშის ფლაკონი პლასტმასის დოზირებული თავსახურით. 1 ფლაკონი გამოყენების ინსტრუქციასთან ერთად მოთავსებულია მუყაოს კოლოფში.

შენახვის წესი: ინახება ნესტისაგან დაცულ და ბავშვებისათვის მიუწვდომელ ადგილას არაუმეტეს 25C ტემპერატურაზე.
მზა სუსპენზია ინახება არაუმეტეს 10C ტემპერატურაზე და გამოიყენება 7 დღის განმავლობაში.
აღწერა: მოთეთრო ფერის ფხვნილი ან გრანულირებული ფხვნილი ტკბილი გემოთი და ხილის სურნელით.
გაცემის წესი: ფარმაცევტული პროდუქტის ჯგუფი II, გაიცემა ფორმა #3 რეცეპტით.

შემადგენლობა: აქტიური ნივთიერებები: თითოეული ტაბლეტი შეიცავს 875 მგ ამოქსიცილინს, ამოქსიცილინის ტრიჰიდრატის სახით და 125 მგ კლავულანის მჟავას, კალიუმის კლავულანატის სახით. დამატებითი ნივთიერებები: მაგნიუმის სტეარატი, მიკროკრისტალური ცელულოზა, სილიციუმის დიოქსიდი კოლოიდური უწყლო, სახამებლის გლიკოლატის ნატრიუმის მარილი, ჰიდროქსიპროპილ მეთილცელულოზა, პროპილენგლიკოლი, პოლიეთილენ გლიკოლი 6000, ტალკი, ტიტანის დიოქსიდი.

ფარმაკოთერაპიული ჯგუფი: ანტიბიოტიკი. ამოქსიცილინი და კლავულანის მჟავა.

ჩვენებები: კლავომედიგამოიყენება მოზრდილებსა და ბავშვებში შემდეგი ინფექციების სამკურნალოდ: შუა ყურის და ცხვირის დანამატი წიაღების ინფექციები, სასუნთქი გზების ინფექციები; საშარდე გზების ინფექციები; კანისა და რბილი ქსოვილების ინფექციები, მათ შორის ინფექციები პირის ღრუში; ძვლებისა და სახსრების ინფექციები.

დოზირება და მიღების წესი: მოზრდილები და ბავშვები სხეულის მასით 40 კგ და მეტი: სტანდარტული დოზა - 1 ტაბლეტი ორჯერ დღეში. მაქსიმალური დოზა - 1 ტაბლეტი სამჯერ დღეში. ბავშვები სხეულის მასით 40 კგ-ზე ნაკლები: 6 წლის ან 6 წლამდე ასაკის ბავშვებში უპირატესობა ენიჭება კლავოტონის შიგნით მისაღებ სუსპენზიას ან საშეტებს. 40 კგ-ზე ნაკლები წონის ბავშვებში კლავოტონის ტაბლეტებით მკურნალობის შემთხვევაში რჩევისათვის უნდა მიემართოს ექიმს ან ფარმაცევტს. თირკმლის პრობლემების შემთხვევაში საჭიროა დოზის კორექტირება. ღვიძლის პრობლემების შემთხვევაში შეიძლება საჭირო გახდეს სისხლის ანალიზის უფრო ხშირად ჩატარება, ღვიძლის ფუნქციონირების შესაფასებლად. ტაბლეტები მიიღება მთლიანად ჭიქა წყლის მიყოლებით ჭამის დაწყებისას ან ჭამის წინ. თანაბრად უნდა განაწილდეს დოზები დღის განმავლობაში, სულ მცირე 4 საათიანი ინტერვალით. არ მიიღება 2 დოზა 1 საათის განმავლობაში. არ მიიღება კლავოტონი 2 კვირაზე მეტი ხანგრძლივობით. თუ პაციენტი თავს კვლავ შეუძლოდ გრძნობს, უნდა მიმართოს ექიმს.

უკუჩვენებები: მომატებული მგრძნობელობა ამოქსიცილინის, კლავულანის მჟავას, პენიცილინის ან კლავოტონის შემადგენელი ნებისმიერი სხვა ინგრედიენტის მიმართ. წარსულში მძიმე ალერგიული რეაქციები ნებისმიერი ანტიბიოტიკის მიმართ. ღვიძლის პრობლემები ან სიყვითლე, რომელიც განვითარდა ანტიბიოტიკების მიღების ფონზე.

ორსულობა და ლაქტაცია: ორსულობისა და ძუძუთი კვების პერიოდში პრეპარატის მიღებამდე უნდა მიემართოს მკურნალ ექიმს.

შენახვის პირობები: ინახება ბავშვებისათვის მიუწვდომელ ადგილას, არაუმეტეს 25C ტემპერატურაზე, სინათლისგან და ტენისგან დაცვის მიზნით პრეპარატი ინახება ორიგინალ შეფუთვაში.

ვარგისიანობის ვადა: მითითებულია შეფუთვაზე.

აფთიაქიდან გაცემის პირობები: რეცეპტით.

წამლის ფორმა
ფხვნილი შიგნით მისაღები სუსპენზიის მოსამზადებლად.

შემადგენლობა
სუსპენზიის ყოველი 5 მლ შეიცავს: 156,25 მგ/5 მლ 312,5 მგ/5 მლ

**აქტიური ნივთიერებები: **
ამოქსიცილინი (ტრიჰიდრატის ფორმით) 125 მგ 250 მგ
კლავულანის მჟავა (კალიუმის მარილის ფორმით) 31.25 მგ 62.5 მგ

დამხმარე ნივთიერებები: ნატრიუმის საქარინატი, ნატრიუმის ბენზოატი, ლიმონმჟავა უწყლო, ნატრიუმის ციტრატი უწყლო, ქსანტანის გუმფისი, სილიციუმის დიოქსიდი, სილიციუმის ანჰიდრიდი კოლოიდური, მიკ-როსკრისტალური ცელულოზა, არომატიზატორი “ალუბალი”, მანიტოლი.

პრეპარატის ათქ კოდი: J01CR02

ფარმაკოთერაპიული ჯგუფი
ანტიმიკრობული პრეპარატები სისტემური გამოყენებისათვის.
ანტიბიოტიკი მოქმედების ფართო სპექტრით ნახევრადსინთეზური პენიცილინების ჯგუფიდან β-ლაქტამაზების ინჰიბიტორთან _ კლავულანის მჟავასთან კომბინაციაში.

ფარმაკოლოგიური თვისებები
ფარმაკოდინამიკა
ამოქსიცილინი _ ანტიბიოტიკი მოქმედების ფართო სპექტრით ნახევრადსინთეზური პენიცილინების ჯგუფიდან, აქტიურია მრავალი გრამდადებითი და გრამუარყოფითი მიკროორგანიზმის მიმართ.
კლავულანის მჟავა _ β-ლაქტამური ნაერთი, გააჩნია β-ლაქტამაზების (ფერმენტები, რომლებსაც ჩვეულებრივ პენიცილინებისა და ცეფალოსპორინების მიმართ რეზისტენტული მიკროორგანიზმები აპროდუცირებენ) ფართო სპექტრის ინაქტივირების უნარი. კლავომედის შემადგენლობაში კლავულანის მჟავის არსებობა ამოქსიცილინს იცავს β-ლაქტამაზების დამაზიანებელი მოქმედებისაგან და აფართოებს მისი ანტიბაქტერიული აქტივობის სპექტრს მასში პენიცილინებისა და ცეფალოსპორინების მიმართ ჩვეულებრივ რეზისტენტული მიკროორგანიზმების ჩართვით.
კლავომედი ეფექტურია შემდეგი მიკროორგანიზმების მიმართ:
- გრამდადებითი აერობული მიკროორგანიზმები: Bacillus anthracis, Corynebacterium spp., Enterococcus faecalis, Enterococcus faecium, Listeria monocytogenes, Nocardia asteroides, Staphylococcus aureus, კოაგულაზონეგატიური სტაფილოკოკები (Staphylococcus epidermidis-ის ჩათვლით), Streptococcus spp. (Streptococcus agalactiae, Streptococcus pneumoniae, Streptococcus pyogenes, Streptococcus viridans-ის ჩათვლით);
- გრამდადებითი ანაერობული მიკროორგანიზმები: - Clostridium spp., Peptococcus spp., Peptostreptococcus spp.;
- გრამუარყოფითი აერობული მიკროორგანიზმები: - Bordetella pertussis, Brucella spp., Escherichia coli, Gardnerella vaginalis, Haemophilus influenzae, Helicobacter pylori, Klebsiella spp., Legionella spp., Moraxella catarrhalis (Branhamella catarrhalis), Neisseria gonorrhoeae, Neisseria meningitidis, Pateurella multocida, Proteus mirabilis, Proteus vulgaris, Salmonella spp., Shigella spp., Vibrio cholerae, Yersinia enterocolitica;
- გრამუარყოფითი ანაერობული მიკროორგანიზმები: Bacteroides spp. (Bacteroides fragilis--ის ჩათვლით), Fucobacterium spp.;
- სხვა მიკროორგანიზმები: - Borrelia burgdorferi, Chlamydia spp., Leptospira icterohaemorrhagiae, Treponema pallidum.

ფარმაკოკინეტიკა
ამოქსიცილინისა და კლავულანის მჟავის ძირითადი ფარმაკოკინეტიკური პა-რა¬მეტრები მსგავსია. შიგნით მიღებისას ორივე კომპონენტი კარგად აბსორბირდება; საკვების მიღება შეწოვის ხარისხზე გავლენას არ ახდენს. ამოქსიცილინისა და კლავულანის მჟავის ნახევარგამოყოფის პერიოდი 1-1.5 საათს შეადგენს.

გამოყენების ჩვენებები
პრეპარატის მიმართ მგრძნობიარე მიკროორგანიზმებით გამოწვეული ინფექციურ-ანთებითი დაავადებები:
– ზედა სასუნთქი გზებისა და ლორ-ორგანოების ინფექციები (მწვავე და ქრონიკული სინუსიტი, მწვავე და ქრონიკული ტონზილიტი, მწვავე და ქრონიკული შუა ოტიტი);
– ქვედა სასუნთქი გზების ინფექციები (მ.შ., ქრონიკული ბრონქიტის გამწვავება, პნევმონია და ბრონქოპნევმონია);
– საშარდე გზების ინფექციები (მ.შ., ცისტიტი, ურეთრიტი, პიელონეფრიტი);
– კანისა და რბილი ქსოვილების ინფექციები (მ.შ., ფურუნკულოზი, ჭრილობის ინფექცია, ფლეგმონა);
– ძვალ-სახსროვანი სისტემის ინფექციები (მ.შ., ქრონიკული ოსტეო-მიელიტი);
– სანაღვლე გზების ინფექციები (ქოლეცისტიტი, ქოლანგიტი);
– სქესობრივი გზით გადამდები დაავადებები (მ.შ., გონორეა, შანკროიდი);
– ოდონტოგენური ინფექციები;
– ინფექციების პროფილაქტიკა ქირურგიული ჩარევებისას;
– ცხოველებისა და ადამიანის ნაკბენები.

უკუჩვენებები
- პენიცილინური ანტიბიოტიკების მიმართ მომატებული მგრძნობელობა;
- ქოლესტაზური სიყვითლე ან ჰეპატიტი;
- ღვიძლის უკმარისობა.

განსაკუთრებული მითითებები
ჯვარედინი მგრძნობელობის შესაძლო განვითარების გამო სიფრთხილით ენიშნებათ იმ პაციენტებს, რომლებსაც აღენიშნებათ ალერგიული რეაქციები ცეფალოსპორინებზე, პენიცილინებზე და სხვა ალერგენებზე.
კლავომედის გამოყენებას უნდა ვერიდოთ ინფექციურ მონონუკლეოზზე ეჭვის არსებობისას, ვინაიდან ასეთ შემთხვევებში ამოქსიცილინმა შეიძლება გამოიწვიოს გამონაყარი კანზე, რაც დაავადების დიაგნოსტიკას ართულებს.
სიფრთხილით გამოიყენება ღვიძლის ფუნქციის დარღვევების მქონე პაციენტებში.
ამოქსიცილინის მაღალი დოზებით გამოყენებისას რეკომენდებულია საკმარისი რაოდენობით სითხის მიღება და ადეკვატური დიურეზის შენარჩუნება ამოქსიცილინის კრისტალების წარმოქმნის ალბათობის შესამცირებლად.
პრეპარატით ხანგრძლივი თერაპიის დროს რეკომენდებულია სისხლწარმოქმნის, თირკმელების, ღვიძლის ფუნქციების პერიოდული კონტროლი.

გვერდითი მოქმედება
გვერდითი ეფექტები უმეტეს შემთხვევაში სუსტად გამოხატულია და შექცევად ხასიათს ატარებენ.
საჭმლის მომნელებელი სისტემის მხრივ: უმადობა, გულისრევა, ღებინება დიარეა. მსგავსი არასასურველი ეფექტების თავიდან აცილება შესაძლებელია კლავომედის მიღებით ჭამის დროს.
ალერგიული რეაქციები: ქავილი, გამონაყარი კანზე, ერთეულ შემთხვევებში მგრძნობიარე პაციენტებში შესაძლებელია ჰიპერმგრძნობელობის რეაქციების განვითარება.
არსებობს ერთეული ცნობები ქოლესტაზური სიყვითლის, ჰეპატიტის, ღვიძლის ფუნქციების დარღვევების განვითარების შესახებ.

გამოყენების წესი და დოზები
სუსპენზიის მომზადების ინსტრუქცია:
ფხვნილს დაამატეთ 80 მლ ანადუღარი გაცივებული წყალი ორ ულუფად. შეავსეთ ბოთლი ნიშნულამდე და კარგად შეანჯღრიეთ ფხვნილის სრულად გახსნამდე.
ყოველი მიღების წინ სუსპენზია შეანჯღრიეთ!
ოპტიმალური შეწოვისათვის და საჭმლის მომნელებელი სისტემის მხრივ შე-საძ¬ლო გვერდითი ეფექტების შესამცირებლად კლავომედის მიღება რეკომენდებულია ჭამის წინ.
ახალშობილებისა და 3 თვემდე ასაკის ბავშვებისათვის სტანდარტული დოზა შეადგენს 30 მგ (ამოქსიცილინი)/კგ წონაზე დღე-ღამეში, გაყოფილი 2-3 მიღებად.
ბავშვებში 3 თვის ასაკიდან და ზევით (სხეულის წონა ნაკლები 40 კგ-ზე):
სუსპენზიის (156,25 მგ/5 მლ და 312,5 მგ/5 მლ) რეკომენდებული დოზები ბავშვის ასაკისა და ინფექციის სიმძიმის მიხედვით. მიღების ჯერადობა – 3-ჯერ დღე-ღამეში.

ასაკი | საშუალო სიმძიმის ინფექციები | მძიმე ინფექციები
---|---|---
სუსპენზია | სუსპენზია
156,25მგ/5მლ | 312,5 მგ/5მლ | 156,25მგ/5მლ | 312,5 მგ/5მლ
ერთჯერადი დოზა
0-3 თვე | 1,5 მლ | - | 3 მლ | -
3-12 თვე | 2,5 მლ | 1,25 მლ | 5 მლ | 2,5 მლ
1-7 წელი | 5 მლ | 2,5 მლ | 10 მლ | 5 მლ
7-14 წელი | 10 მლ | 5 მლ | - | 10 მლ

ამოქსიცილინის მაქსიმალური სადღეღამისო დოზა ბავშვებისათვის შეადგენს 45 მგ/კგ წონაზე გადაანგარიშებით.
კლავულანის მჟავის (კალიუმის მარილის ფორმით) მაქსიმალური სადღეღამისო დოზა ბავშვებისათვის შეადგენს 10 მგ/კგ წონაზე გადაანგარიშებით.
პაციენტებისათვის თირკმლის მძიმე უკმარისობით (კრეატინინის კლირენსი 10-30 მლ/წთ) დოზა ადეკვატურად უნდა შემცირდეს ან გახანგრძლივდეს მიღებათა შორის ინტერვალი.
კლავომედის სუსპენზიით მკურნალობა შეიძლება გაგ¬რძელდეს 14 დღე.

ჭარბი დოზირება
სიმპტომები: შესაძლებელია წყალ-ელექტროლიტური ბალანსის და კუჭ-ნაწლავის დარღვევები.
აღწერილია ამოქსიცილინური კრისტალურია, რომელიც ზოგიერთ შემთხვევაში იწვევს თირკმლის უკმარისობის განვითარებას.
მკურნალობა: სიმპტომური თერაპიის ჩატარება, წყალ-ელექტროლიტური ბალანსის კორექცია. კლავომედი სისხლიდან ჰემოდიალიზის მეშვეობით გამოიყოფა.

ურთიერთქმედება სხვა სამკურნალო საშუალებებთან
კლავომედისა და პრობენეციდის ერთად გამოყენება რეკომენდებული არ არის. პრობენეციდი ამცირებს ამოქსიცილინის მილაკოვან სეკრეციას, რაც იწვევს სისხლში ამოქსიცილინის, მაგრამ არა კლავულანის მჟავის, დონის მომატებასა და პერსისტენციას.
ალოპურინოლისა და ამოქსიცილინის კომბინირებისას შესაძლებელია ალერგიული რეაქციების განვითარების რისკის მომატება.

გამოშვების ფორმა
ფხვნილი 80 მლ სუსპენზიის მოსამზადებლად 156,25 მგ/5 მლ ან 312,5 მგ/5 მლ შიგნით მისაღებად მუქი ფერის მინის ფლაკონში.
1 ფლაკონი დოზირებულ პლასტიკურ ჭიქასთან ერთად, მოთავსებულია მუყაოს კოლოფში.

შენახვის პირობები
შეინახეთ მშრალ ადგილას არაუმეტეს 25°C ტემპერატურაზე.
მზა სუსპენზია შეინახეთ არაუმეტეს 10°C ტემპერატურაზე და გამოიყენეთ 7 დღის განმავლობაში.
შეინახეთ ბავშვებისათვის მიუწვდომელ ადგილას.

ვარგისიანობის ვადა
3 წელი წარმოების თარიღიდან.
არ გამოიყენოთ ვარგისიანობის ვადის გასვლის შემდეგ.

გაცემის პირობები
II ჯგუფი ფორმა #3 რეცეპტით.