საერთაშორისო დასახელება - sodium picosulfate
კლინიკურ-ფარმაკოლოგიური ჯგუფი: გასტროენტეროლოგია, ჰეპატოლოგია → საფაღარათო საშუალებები → ნაწლავის პერისტალტიკის მასტიმულირებელი საშუალებები
შემადგენლობა
1 შემოუგარსავი ტაბლეტი შეიცავს:
ნატრიუმის პიკოსულფატს – 10 მგ.
დამხმარე ნივთიერებები: მიკროკრისტალური ცელულოზა, ლაქტოზა, მაგნიუმის სტეარატი, კოლოიდური სილიციუმის დიოქსიდი, ნატრიუმის სახამებლის გლიკოლატი.
პერორალური ხსნარის 1 მლ შეიცავს:
ნატრიუმის პიკოსულფატს – 7.5 მგ.
დამხმარე ნივთიერებები: ნატრიუმის ციტრატი, ლიმონმჟავას მონოჰიდრატი, თხევადი სორბიტოლი, პროპილენგლიკოლი, ფორთოხლის არომატიზატორი, ანანასის არომატიზატორი, გასუფთავებული წყალი.

ფარმაკოლოგიური თვისებები
ნატრიუმის პიკოსულფატი - საფაღარათო საშუალებაა, რომელიც ამცირებს ელექტროლიტებისა და წყლის შეწოვას, აძლიერებს ნაწლავის პერისტალტიკას. ნაწლავური მიკროორგანიზმების ზემოქმედების შედეგად ჰიდროლიზდება აქტიური ფორმის წარმოქმნით, რომელიც იწვევს ნაწლავის ლორწოვანი გარსის რეცეპტორების გაღიზიანებას, რის შედეგადაც ჩქარდება ნაწლავის შიგთავსის გადაადგილება. მოქმედების ეფექტი აღინიშნება მიღებიდან 6-12 სთ-ის შემდეგ.

ფარმაკოკინეტიკა
არ შეიწოვება კუჭ-ნაწლავის ტრაქტიდან. არ მონაწილეობს ენტეროჰეპატურ ცირკულაციაში.

ჩვენებები
- ყაბზობა, განპირობებული მსხვილი ნაწლავის ჰიპოტონიით და დუნე პერისტალტიკით;
- ბუასილის, პროქტიტის, ანალური ნაპრალის არსებობის დროს ფეკალიების გამოყოფის შესამსუბუქებლად;
- ოპერაციის წინ და მის შემდგომ პერიოდში;
- რენტგენოლოგიური ან ინსტრუმენტული მეთოდებით მუცლის ღრუს ორგანოების კვლევის მოსამზადებელ პერიოდში.

მიღების წესები და დოზები
ტაბლეტები:
მოზრდილებში და ბავშვებში 10 წლის ზემოთ ინიშნება 5-10 მგ 1-ჯერ დღეში ძილის წინ.
ხსნარი პერორალური გამოყენებისათვის:
1 მლ შეიცავს 15 წვეთს.
მოზრდილებში და ბავშვებში 10 წლის ზემოთ ინიშნება 10-20 წვეთი (5-10 მგ) 1-ჯერ დღეში ძილის წინ.
ბავშვებში 4-დან 10 წლამდე _ 5-10 წვეთი (2.5-5.0 მგ) 1-ჯერ დღეში ძილის წინ. პრეპარატის მიღება 4 წლამდე ბავშვებში არ არის რეკომენდებული.

გვერდითი მოვლენები
ფაღარათმა შესაძლოა გამოიწვიოს დეჰიდრატაცია, ელექტროლიტებისა და კალიუმის ნაკლებობა, კუნთების სისუსტე, დაღლილობა, აბდომინალური ტკივილი, არტერიული ჰიპოტონია.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება
ნაწლავის გაუვალობა, ჩაჭედილი თიაქარი, მუცლის ღრუს ორგანოების მწვავე ანთებითი დაავადებები (მწვავე აპენდიციტი, პერიტონიტი, გაურკვეველი გენეზის ტკივილი მუცლის არეში), სისხლდენა კუჭ-ნაწლავის ტრაქტიდან და საშვილოსნოდან, სპასტიური ყაბზობა, ორსულობის I ტრიმესტრი, მომატებული მგრძნობელობა პრეპარატის რომელიმე კომპონენტის მიმართ, 4 წლამდე ასაკი.

ორსულობა და ლაქტაცია
პრეპარატის გამოყენება არ შეიძლება ორსულობის I ტრიმესტრში. II და III ტრიმესტრში და ძუძუთი კვების პერიოდში პრეპარატის გამოყენება შესაძლებელია მხოლოდ ექიმის კონსულტაციის შემდეგ.

განსაკუთრებული მითითებები
ტაბლეტები შეიცავს ლაქტოზას, ამიტომ ლაქტოზა-გალაქტოზას მიმართ მემკვიდრეობითი აუტანლობის მქონე პაციენტებში გამოყენება რეკომენდებული არ არის. პერორალური ხსნარი არ შეიცავს საქაროზას, რის გამოც შესაძლებელია მისი გამოყენება შაქრიანი დიაბეტით დაავადებულ პაციენტებში.
არ არსებობს მონაცემები სიფრთხილის განსაკუთრებული ზომების შესახებ.
არასასურველია მიღება ხანგრძლივი დროის განმავლობაში.
ბავშვებში პრეპარატი გამოიყენება ექიმის დანიშნულებით.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატი არ მოქმედებს სატრანსპორტო საშუალებების და მექანიზმების მართვის უნარზე.

ჭარბი დოზირება
პრეპარატის ჭარბი დოზირებით გამოყენებამ შესაძლოა გამოიწვიოს შეტევითი ხასიათის ტკივილი მუცლის ღრუში, ხშირი დეფეკაცია, მსხვილი ნაწლავის ლორწოვანი გარსის იშემია, ჰიპერალდოსტერონიზმი.
მკურნალობა: კუჭის ამორეცხვა, ელექტროლიტური ბალანსის კორექცია, სპაზმოლიზური საშუალებები.

სხვა წამლებთან ურთიერთქმედება
პრეპარატის გამოყენება ანტიბიოტიკებთან ერთად იწვევს საფაღარათო ეფექტის დაქვეითებას. დიურეტიკებთან და გლუკოკორტიკოსტეროიდებთან ერთდროული გამოყენებისას იზრდება ელექტროლიტური დარღვევების რისკი.

საერთაშორისო დასახელება - sodium picosulfate
კლინიკურ-ფარმაკოლოგიური ჯგუფი: გასტროენტეროლოგია, ჰეპატოლოგია → საფაღარათო საშუალებები → ნაწლავის პერისტალტიკის მასტიმულირებელი საშუალებები
შემადგენლობა
1 შემოუგარსავი ტაბლეტი შეიცავს:
ნატრიუმის პიკოსულფატს – 10 მგ.
დამხმარე ნივთიერებები: მიკროკრისტალური ცელულოზა, ლაქტოზა, მაგნიუმის სტეარატი, კოლოიდური სილიციუმის დიოქსიდი, ნატრიუმის სახამებლის გლიკოლატი.
პერორალური ხსნარის 1 მლ შეიცავს:
ნატრიუმის პიკოსულფატს – 7.5 მგ.
დამხმარე ნივთიერებები: ნატრიუმის ციტრატი, ლიმონმჟავას მონოჰიდრატი, თხევადი სორბიტოლი, პროპილენგლიკოლი, ფორთოხლის არომატიზატორი, ანანასის არომატიზატორი, გასუფთავებული წყალი.

ფარმაკოლოგიური თვისებები
ნატრიუმის პიკოსულფატი - საფაღარათო საშუალებაა, რომელიც ამცირებს ელექტროლიტებისა და წყლის შეწოვას, აძლიერებს ნაწლავის პერისტალტიკას. ნაწლავური მიკროორგანიზმების ზემოქმედების შედეგად ჰიდროლიზდება აქტიური ფორმის წარმოქმნით, რომელიც იწვევს ნაწლავის ლორწოვანი გარსის რეცეპტორების გაღიზიანებას, რის შედეგადაც ჩქარდება ნაწლავის შიგთავსის გადაადგილება. მოქმედების ეფექტი აღინიშნება მიღებიდან 6-12 სთ-ის შემდეგ.

ფარმაკოკინეტიკა
არ შეიწოვება კუჭ-ნაწლავის ტრაქტიდან. არ მონაწილეობს ენტეროჰეპატურ ცირკულაციაში.

ჩვენებები
- ყაბზობა, განპირობებული მსხვილი ნაწლავის ჰიპოტონიით და დუნე პერისტალტიკით;
- ბუასილის, პროქტიტის, ანალური ნაპრალის არსებობის დროს ფეკალიების გამოყოფის შესამსუბუქებლად;
- ოპერაციის წინ და მის შემდგომ პერიოდში;
- რენტგენოლოგიური ან ინსტრუმენტული მეთოდებით მუცლის ღრუს ორგანოების კვლევის მოსამზადებელ პერიოდში.

მიღების წესები და დოზები
ტაბლეტები:
მოზრდილებში და ბავშვებში 10 წლის ზემოთ ინიშნება 5-10 მგ 1-ჯერ დღეში ძილის წინ.
ხსნარი პერორალური გამოყენებისათვის:
1 მლ შეიცავს 15 წვეთს.
მოზრდილებში და ბავშვებში 10 წლის ზემოთ ინიშნება 10-20 წვეთი (5-10 მგ) 1-ჯერ დღეში ძილის წინ.
ბავშვებში 4-დან 10 წლამდე _ 5-10 წვეთი (2.5-5.0 მგ) 1-ჯერ დღეში ძილის წინ. პრეპარატის მიღება 4 წლამდე ბავშვებში არ არის რეკომენდებული.

გვერდითი მოვლენები
ფაღარათმა შესაძლოა გამოიწვიოს დეჰიდრატაცია, ელექტროლიტებისა და კალიუმის ნაკლებობა, კუნთების სისუსტე, დაღლილობა, აბდომინალური ტკივილი, არტერიული ჰიპოტონია.
იმ შემთხვევაში, თუ გამოვლინდა ისეთი გვერდითი მოვლენა, რომელიც არ არის აღნიშნული გამოყენების ინსტრუქციაში, პაციენტმა უნდა მიმართოს მკურნალ ექიმს.

უკუჩვენება
ნაწლავის გაუვალობა, ჩაჭედილი თიაქარი, მუცლის ღრუს ორგანოების მწვავე ანთებითი დაავადებები (მწვავე აპენდიციტი, პერიტონიტი, გაურკვეველი გენეზის ტკივილი მუცლის არეში), სისხლდენა კუჭ-ნაწლავის ტრაქტიდან და საშვილოსნოდან, სპასტიური ყაბზობა, ორსულობის I ტრიმესტრი, მომატებული მგრძნობელობა პრეპარატის რომელიმე კომპონენტის მიმართ, 4 წლამდე ასაკი.

ორსულობა და ლაქტაცია
პრეპარატის გამოყენება არ შეიძლება ორსულობის I ტრიმესტრში. II და III ტრიმესტრში და ძუძუთი კვების პერიოდში პრეპარატის გამოყენება შესაძლებელია მხოლოდ ექიმის კონსულტაციის შემდეგ.

განსაკუთრებული მითითებები
ტაბლეტები შეიცავს ლაქტოზას, ამიტომ ლაქტოზა-გალაქტოზას მიმართ მემკვიდრეობითი აუტანლობის მქონე პაციენტებში გამოყენება რეკომენდებული არ არის. პერორალური ხსნარი არ შეიცავს საქაროზას, რის გამოც შესაძლებელია მისი გამოყენება შაქრიანი დიაბეტით დაავადებულ პაციენტებში.
არ არსებობს მონაცემები სიფრთხილის განსაკუთრებული ზომების შესახებ.
არასასურველია მიღება ხანგრძლივი დროის განმავლობაში.
ბავშვებში პრეპარატი გამოიყენება ექიმის დანიშნულებით.
პრეპარატის ზემოქმედება ავტოტრანსპორტისა და მექანიზმების მართვის უნარზე:
პრეპარატი არ მოქმედებს სატრანსპორტო საშუალებების და მექანიზმების მართვის უნარზე.

ჭარბი დოზირება
პრეპარატის ჭარბი დოზირებით გამოყენებამ შესაძლოა გამოიწვიოს შეტევითი ხასიათის ტკივილი მუცლის ღრუში, ხშირი დეფეკაცია, მსხვილი ნაწლავის ლორწოვანი გარსის იშემია, ჰიპერალდოსტერონიზმი.
მკურნალობა: კუჭის ამორეცხვა, ელექტროლიტური ბალანსის კორექცია, სპაზმოლიზური საშუალებები.

სხვა წამლებთან ურთიერთქმედება
პრეპარატის გამოყენება ანტიბიოტიკებთან ერთად იწვევს საფაღარათო ეფექტის დაქვეითებას. დიურეტიკებთან და გლუკოკორტიკოსტეროიდებთან ერთდროული გამოყენებისას იზრდება ელექტროლიტური დარღვევების რისკი.

ლუბრილაქსი 7.5 მგ/მლ შიგნით მისაღები წვეთები ხსნარი

ნატრიუმის პიკოსულფატი

პრეპარატით მკურნალობის დაწყებამდე საჭიროა გამოყენების ინსტრუქციის ყურადღებით წაკითხვა, რადგან შეიცავს პაციენტისათვის მნიშვნელოვან ინფორმაციას.

მედიკამენტის მიღება ყოველთვის უნდა მოხდეს ზუსტად ინსტრუქციის ან ექიმის, ფარმაცევტის, ან ექთნის დანიშნულების შესაბამისად.

- საჭიროა ინსტრუქციის შენახვა. შესაძლოა წარმოიშვას მისი ხელახალი გაცნობის აუცილებლობა.

- დამატებითი კითხვების არსებობისას საჭიროა ფარმაცევტთან მიმართვა.

- თუ განვითარდება რომელიმე გვერდითი მოვლენა, საჭიროა მკურნალ ექიმთან ან ფარმაცევტთან მიმართვა. ეს მოიცავს ისეთ შესაძლო გვერდით ეფექტებს, რომლებიც არ არის ჩამოთვლილი ინსტრუქციაში.

- საჭიროა ექიმთან მიმართვა, თუ პაციენტის მდგომარეობა უარესდება, დეფეკაცია არ აღინიშნება მაქსიმალური დღიური დოზის მიღებიდან 12 საათის შემდეგ, ან თუ პაციენტი თავს უკეთესად არ გრძნობს მკურნალობის 6 დღის შემდეგ.

ინსტრუქციაში მოცემულია:

**1. რას წარმოადგენს ლუბრილაქსი და მისი გამოყენება **

2. რა უნდა იცოდეს პაციენტმა ლუბრილაქსის მიღებამდე

3. ლუბრილაქსის მიღების წესი

4. შესაძლო გვერდითი მოვლენები

5. ლუბრილაქსის შენახვის წესი

6. შეფუთვის შემცველობა და სხვა ინფორმაცია

**

1. რას წარმოადგენს ლუბრილაქსი და მისი გამოყენება **

მედიკამენტის აქტიური ნივთიერება, ნატრიუმის პიკოსულფატი, მიეკუთვნება მედიკამენტების ჯგუფს, ე.წ. მასტიმულირებელ საფაღარათო საშუალებებს,

ლუბრილაქსი მედიკამენტია, რომელიც ნაჩვენებია ხანგამოშვებითი ყაბზობის სიმპტომების მოსახსნელად მოზრდილებსა და 6 წლის ასაკის ზემოთ ბავშვებში.

საჭიროა ექიმთან მიმართვა, თუ სიმპტომები უარესდება, დეფეკაცია არ აღინიშნება მაქსიმალური დღიური დოზის მიღებიდან 12 საათის შემდეგ, ან თუ სიმპტომები ისევ ნარჩუნდება მკურნალობის 6 დღის შემდეგ.

2. რა უნდა იცოდეს პაციენტმა ლუბრილაქსის მიღებამდე

რეკომენდებულია დღეში 6-8 ჭიქა სითხის მიღება, როცა გამოიყენება ნებისმიერი ტიპის საფაღარათო საშუალება განავლის გასათხელებლად.

ლუბრილაქსი არ მიიღება:

- თუ პაციენტი ალერგიულია ნატრიუმის პიკოსულფატის ან პრეპარატის სხვა რომელიმე ინგრედიენტის მიმართ (ჩამონათვალი იხ. მე-6 პარაგრაფში);

- თუ პაციენტს აღენიშნება ისეთი სიმპტომები, როგორიცაა გულისრევა, ღებინება, მუცლის სპაზმები, კუჭის არეში ტკივილი ან მუცლის ქვედა ნაწილში ტკივილი, რომელიც შეიძლება მიუთითებდეს აპენდიციტის ან მუცლის ღრუს სხვა პრობლემების შესახებ;

- თუ პაციენტს აღენიშნება ნაწლავების ანთებითი დაავადება, ნაწლავების ობსტრუქცია (ილეუსი), კუჭ-ნაწლავის პერფორაცია, არადიაგნოსტირებული ან ძლიერი მუცლის ტკივილი, ძლიერი დეჰიდრატაცია ან სისხლიანი განავალი;

- თუ პაციენტს აღენიშნება კუჭის მოქმედების (დეფაკაციის სიხშირის და განავლის კონსტიტენციის) უეცარი ცვლილება, რომელიც გრძელდება 2 კვირაზე მეტხანს.

გაფრთხილებები და სიფრთხილის ზომები

ლუბრილაქსით მკურნალობის დაწყებამდე საჭიროა მკურნალ ექიმთან ან ფარმაცევტთან მიმართვა.

· ყველა სხვა საფაღარათო საშუალებების მსგავსად, ლუბრილაქსის მიღება არ უნდა მოხდეს მუდმივად ხანგრძლივი პერიოდის განმავლობაში, რადგან შეიძლება გამოიწვიოს მიჩვევა, ასევე წყლისა და ელექტროლიტების დაკარგვა (ფაღარათი);

· ხანდაზმულებში ხანგრძლივად დანიშვნისას, შეიძლება გააუარესოს უღონობა და/ან სისუსტე, ან გამოიწვიოს არტერიული წნევის დაქვეითება და მოძრაობის კოორდინაციის დარღვევა;

· თავბრუსხვევა და/ან სინკოპე აღინიშნა პაციენტებში, რომლებიც იღებდნენ ნატრიუმის პიკოსულფატს. არსებული ინფორმაციის საფუძველზე, სინკოპე შეიძლება გამოწვეული იყოს გაჭინთვით დეფეკაციის დროს ან რეფლექსური პასუხი იყოს მუცლის ტკივილზე, რომელიც დაკავშირებულია ყაბზობასთან, და არ არის აუცილებელი, რომ დაკავშირებული იყოს ნატრიუმის პიკოსულფატის გამოყენებასთან.

საჭიროა ექიმთან ან ფარმაცევტთან მიმართვა ლუბრილაქსის მიღებამდე:

- თუ ყაბზობასთან ერთად პაციენტს აღენიშნება აპენდიციტის სიმპტომები, როგორიცაა: გულისრევა, ღებინება ან მუცლის სპაზმები. რეკომენდებულია ექიმთან მიმართვა აპენდიციტის გამოსარიცხად;

- თუ პაციენტს აღენიშნება ქრონიკული ყაბზობა, რადგან ამ შემთხვევაში გამოკვლეულ უნდა იქნას ყაბზობის მიზეზი.

**ბავშვები **

6 წლამდე ასაკის ბავშვებში დანიშნულ უნდა იქნას მხოლოდ სამედიცინო ჩვენების საფუძველზე.

სხვა მედიკამენტები და ლუბრილაქსი

ექიმს ან ფარმაცევტს უნდა ეცნობოს იმ სამკურნალო საშუალებების შესახებ, რომელთაც პაციენტი იღებს, ახლო წარსულში იღებდა, ან აპირებს, რომ მიიღოს.

დიურეტიკების (შარდმდენების) ან ადრენოკორტიკოსტეროიდების ერთდროულმა გამოყენებამ შეიძლება გაზარდოს ელექტროლიტური დისბალანსის რისკი, თუ მიიღება ლუბრილაქსის მაღალი დოზები. ელექტროლიტურმა დისბალანსმა შეიძლება გამოიწვიოს საგულე გლიკოზიდების (საგულე საშუალებები) მიმართ მგრძნობელობის გაზრდა.

ანტიბიოტიკების ერთდროულმა მიღებამ შეიძლება დააქვეითოს ლუბრილაქსის ეფექტი.

დიაგნოსტიკურ ანალიზებზე გავლენა:

ამ მედიკამენტის მიღებამ შეიძლება გავლენა იქონიოს ლაბორატორიული ანალიზების შედეგებზე, რადგან საფაღარათო საშუალებების ხანგრძლივმა გამოყენებამ შეიძლება დააქვეითოს სისხლში კალიუმის დონე (ჰიპოკალიემია).

ლუბრილაქსის მიღება საკვებთან და სასმელთან ერთად

წვეთების მიღება შეიძლება როგორც ცალკე, ისე ნებისმკიერ სასმელში (წყალი, რძე, ხილის წვენი და ა.შ.) გახსნილი სახით ან საკვებთან (პიურე, ფაფა და ა.შ.) ერთად.

ფეხმძიმობა, ძუძუთი კვება და რეპროდუქციული უნარი

ფეხმძიმობის ან ძუძუთი კვების დროს, შესაძლო ფეხმძიმობის ან მისი დაგეგმვის შემთხვევაში, პრეპარატის მიღებამდე, საჭიროა მკურნალ ექიმთან ან ფამაცევტთან მიმართვა.

ადამიანების რეპროდუქციულ უნარზე გავლენა არ არის შესწავლილი.

ავტომობილისა და სხვა მექანიზმების მართვა

არ ჩატარებულა სპეციფიკური კვლევები ავტომობილის ან სხვა მექანიზმების მართვის უნარზე გავლენის შესასწავლად.

ამ მედიკამენტით მკურნალობის განმავლობაში თავბრუსხვევა და/ან სინკოპე შეიძლება განვითარდეს ვაზოვაგალური პასუხის (როგორიცაა მუცლის სპაზმები) შედეგად. თუ პაციენტს აღენიშნება მუცლის სპაზმები, თავიდან უნდა იქნას აცილებული პოტენციურად სახიფათო ქმედებების შესრულება, როგორიცაა ავტომობილის ან სხვა მექანიზმების მართვა.

ლუბრილაქსი შეიცავს პროპილპარაჰიდროქსიბენზოატს და მეთილპარაჰიდროქსიბენზოატს

ამ მედიკამენტმა შეიძლება გამოიწვიოს ალერგიული რეაქციები (შესაძლოა დაყოვნებული ტიპის), რადგან შეიცავს პროპილპარაჰიდროქსიბენზოატს და მეთილპარაჰიდროქსიბენზოატს.

ლუბრილაქსი შეიცავს სორბიტოლს

თუ პაციენტს აღენიშნება რომელიმე შაქრის მიმართ აუტანლობა, საჭიროა ექიმთან მიმართვა ამ მედიკამენტის მიღებამდე.

ლუბრილაქსი შეიცავს ნატრიუმს

ეს მედიკამენტი შეიცავს 23 მგ-ზე (1 მმოლ-ზე) ნაკლებ ნატრიუმს ერთ ტაბლეტში, რაც ნიშნავს, რომ პრაქტიკულად “ნატრიუმისაგან თავისუფალია”.

3. ლუბრილაქსის მიღების წესი

მედიკამენტის მიღება ყოველთვის უნდა მოხდეს ზუსტან ინსტრუქციის მიხედვით ან მკურნალი ექიმის ან ფარმაცევტის დანიშნულების შესაბამისად. თუ პაციენტი არ არის დარწმუნებული, უნდა მიმართოს მკურნალ ექიმს ან ფარმაცევტს.

რეკომენდებული დოზაა:

მოზრდილები და 12 წლის ასაკის ზემოთ ბავშვები:

9-13 წვეთი დღეში (4-6 მგ ნატრიუმის პიკოსულფატი), ერთჯერადი მიღების სახით.

ეს ნიშნავს, რომ მაქსიმალური დღიური დოზაა 13 წვეთი (6 მგ ნატრიუმის პიკოსულფატი).

6-12 წლის ასაკის ბავშვები:

2-9 წვეთი დღეში (1-4 მგ ნატრიუმის პიკოსულფატი), ერთჯერადი მიღების სახით.

ეს ნიშნავს, რომ მაქსიმალური დღიური დოზაა 9 წვეთი (4 მგ ნატრიუმის პიკოსულფატი).

ოპტიმალური დღიური დოზა უნდა დადგინდეს დოზის მომატებით ან შემცირებით.

მიღების მეთოდი:

განკუთვნილია შიგნით მისაღებად.

წვეთების მიღება შეიძლება როგორც ცალკე, ისე ნებისმიერი ტიპის სასმელში (წყალი, რძე, ხილის წვენი და ა.შ.) გახსნილი ხასით ან საკვებთან (პიურე, ფაფა და ა.შ.) ერთად.

ლუბრილაქსი მიღებულ უნდა იქნას საღამოს, რათა გამოიწვიოს კუჭის მოქმედება მეორე დილით. ინიშნება ერთჯერადი დოზის სახით.

საჭიროა ექიმთან მიმართვა, თუ სიმპტომები უარესდება, დეფეკაცია არ აღინიშნება მაქსიმალური დღიური დოზის მიღებიდან 12 საათის შემდეგ. არ უნდა იქნას გამოყენებული 6 თანმიმდევრულ დღეზე მეტხანს ექიმთან კონსულტაციის გარეშე,

თუ პაციენტი მიიჩნევს, რომ ლუბრილაქსის ეფექტი ძალიან ძლიერი ან ძალიან სუსტია, საჭიროა ექიმთან ან ფარმაცევტთან მიმართვა.

ლუბრილაქსის დოზის გადაჭარბებისას

შეიძლება აღინიშნოს კუჭ-ნაწლავის სპაზმები, განავალი ლორწოთი ან ფაღარათი, სითხის, კალიუმის და სხვა ელექტროლიტების დაკარგვა.

რეკომენდებულზე მაღალი დოზების მიღებისას აღწერილია მსხვილი ნაწლავის ლორწოვანი გარსის იშემიის (სისხლის ნაკადის დაქვეითების) შემთხვევები.

ყველა სხვა საფაღარათო საშუალების მსგავსად, ლაქსატივების უწყვეტად მაღალი დოზებით გამოყენებამ შეიძლება გამოიწვიოს ქრონიკული დიარეა, მუცლის ტკივილი, სისხლში კალიუმის დონის დაქვეითება, მეორეული ჰიპერალდოსტერონიზმი (თირკმელზედა ჯირკვლის მიერ ჰორმონ ალდოსტერონის ჭარბი გამოყოფა) და თირკმლის კალკულოზი (თირკმლის კენჭები). ასევე აღწერილია თირკმლის მილაკების დაზიანება, მეტაბოლური ალკალოზი (ბიკარბონატების დონის გაზრდა სისხლში) და კუნთების სისუსტე სისხლში კალიუმის დაქვეითების გამო.

ლუბრილაქსის დოზის გადაჭარბებისას საჭიროა დაუყოვნებლივ ექიმთან ან ფარმაცევტთან მიმართვა, ან ტოქსიკოლოგიის საინფორმაციო სამსახურში დარეკვა.

ლუბრილაქსის დოზის გამოტოვებისას

დაუშვებელია გაორმაგებული დოზის მიღება გამოტოვებულის სანაცვლოდ.

დამატებითი კითხვების არსებობისას ამ პრეპარატის გამოყენებასთან დაკავშირებით საჭიროა მკურნალ ექიმთან ან ფარმაცევტთან მიმართვა.

4. შესაძლო გვერდითი მოვლენები

სხვა სამკურნალო საშუალებების მსგავსად, ეს მედიკამენტიც იწვევს გვერდით მოვლენებს, თუმცა ისინი ყველას არ უვითარდება.

ძალიან ხშირი გვერდითი მოვლენები (შეიძლება აღინიშნოს 10-დან არაუმცირეს 1 პაციენტში):

- ფაღარათი

ხშირი გვერდითი მოვლენები (შეიძლება აღინიშნოს 10-დან 1-ზე მეტ პაციენტში):

- კოლიკა

- მუცლის ტკივილი

- დისკომფორტი მუცლის არეში.

არახშირი გვერდითი მოვლენები (შეიძლება აღინიშნოს 100-დან 1-ზე ნაკლებ პაციენტში):

- ღებინება

- გულისრევა

- თაბრუსხვევა

სიხშირე უცნობია (სიხშირის შეფასება არსებული მონაცემების საფუძველზე ვერ ხერხდება):

- ჰიპერმგრძნობელობა (ალერგიული რეაქციები)

- ანგიონევროზული შეშუპება (კანქვეშა ქსოვილის შეშუპება)

- კანის რეაქციები

- სინკოპე

ნატრიუმის პიკოსულფატის, მედიკამენტის აქტიური ნივთიერების, შემცველი პრეპარატების მიღებამ ხანგრძლივი პერიოდის განმავლობაში შეიძლება გამოიწვიოს წყლის, კალიუმის და სხვა მარილების კარგვის გაძლიერება. ამან შეიძლება გამოიწვიოს გულის ფუნქციის დარღვევა, კუნთების სისუსტე და დაღლილობა, განსაკუთრებით დიურეტიკებთან და კორტიკოსტეროიდებთან ერთდროული მიღებისას.

გარდა ამისა, აღინიშნა თავბრუსხვევისა და სინკოპეს შემთხვევები. ნატრიუმის პიკოსულფატის მიღების შემდეგ თავბრუსხვევა და სინკოპე გამოწვეული უნდა იყოს ვაზოვაგალური პასუხით (როგორიცაა: მუცლის სპაზმები, დეფაკაცია).

გვერდითი მოვლენების შესახებ შეტყობინება

ნებისმიერი გვერდითი მოვლენის განვითარებისას, მათ შორის, რომელიც არ არის ჩამოთვლილი ინსტრუქციაში, საჭიროა მკურნალ ექიმთან, ფარმაცევტთან ან ექთანთან მიმართვა.

გვერდითი მოვლენების შესახებ შეტყობინება ხელს უწყობს წამლის უსაფრთხოების შესახებ მეტი ინფორმაციის შეგროვებას.

5. ლუბრილაქსის შენახვის წესი

ინახება ბავშვებისთვის მიუწვდომელ ადგილას.

არ საჭიროებს შენახვის სპეციალურ პირობებს.

დაუშვებელია პრეპარატის მიღება კოლოფზე მითითებული შენახვის ვადის გასვლის შემდეგ, შენახვის ვადა გულისხმობს მითითებული თვის ბოლო დღეს.

დაუშვებელია პრეპარატის გადაგდება საკანალიზაციო წყალში ან საყოფაცხოვრებო ნაგავში. გამოუყენებელი პრეპარატის და შეფუთვის განადგურების შესახებ ინფორმაციის მისაღებად საჭიროა ფარმაცევტთან მიმართვა. აღნიშნული ღონისძიებები ემსახურება გარემოს დაცვას.

6. შეფუთვის შემცველობა და სხვა ინფორმაცია

რას შეიცავს ლუბრილქსი

- აქტიური ნივთიერებაა ნატრიუმის პიკოსულფატი, თითოეული მლ (17 წვეთი) შეიცავს 7.5 მგ-ს.

- სხვა დამხმარე ნივთიერებებია: მეთილპარაჰიდროქსიბენზოატი (E-218), პროპილპარაჰიდროქსიბენზოატი (E-216), სორბიტოლი (E-420) და სხვა დამხმარე ნივთიერებები

**ლუბრილაქსის ფორმა და შეფუთვის შემადგენლობა **

ლუბრილაქსი მოწოდებულია 30 მლ საწვეთურიან ბოთლებში, რომლებიც შეიცავენ გამჭვირვალე, უფერო და უსუნო ხსნარს.

გაცემის წესი:

ფარმაცევტული პროდუქტის ჯგუფი - III , გაიცემა რეცეპტის გარეშე.