საერთაშორისოდასახელება:

ACIDUM ADENOSINTRIPHOSPHORICUM

მწარმოებელი: DARNITSA, უკრაინა

მოქმედინივთიერება:**** ადენოზინტრი ფოსფორის მჟავა

კლინიკურ-ფარმაკოლოგიურიჯგუფი:

მეტაბოლური პროცესების სტიმულატორი

გამოშვებისფორმა:

საინექციო ხსნარი 1%: ამპულაში 1 მლ, შეფუთვაში 10 ც.

1 მლ

ადენოზინტრი ფოსფორის მჟავა ......... 10 მგ

ფარმაკოლოგიური მოქმედება:

კარდიოლოგიური პრეპარატი წარმოადგენს ორიგინალურ სამკურნალო პრეპარატს, რომლის მოლეკულა შედგება ადენოზინ–5–ტრიფოსფატისა (ატფ), ჰისტიდინის ამინომჟავისაგან და მაგნიუმისა და კალიუმის მარილებისაგან. პრაპარატს აქვს დამახასიათებელი ფარმაკოლოგიური მოქმედება, რომელიც ცალკე აღებულ მის არცერთ შენაერთს არ აქვს (ატფ, ჰისტიდინი, K+, Mg++).

– ატფ ახდენს ენერგეტიკული ცვლის, უჯრედის მემბრანის იონოტრანსპორტული სისტემის სტიმულირებას, ახდენს ნატრიუმისა და კალიუმის იონების კონცენტრაციის ნორმალიზებას, მემბრანის ლიპიდური მაჩვენებლის, მემბრანოდამოკიდებული ფერმენტების აქტივობის ნორმალიზების კონტროლს;

– აუმჯობესებს მიოკარდის დაცვისთვის ანტიოქსიდანტურ სისტემას, აქვეითებს შარდმჟავას კონცენტრაციას.

– ატფ ხასიათდება ანტიიშემიური, მემბრანომასტაბილიზებელი, ანტიარითმიული მოქმედებით, რაც მიიღწევა მიოკარდში მეტაბოლური პროცესების ნორმალიზაციით იშემიისა და ჰიპოქსიის დროს.

– ატფ აუმჯობესებს ცენტრალური და პერიფერიული ჰემოდინიამიკის მაჩვენებლებს, კორონარულ სისხლის მიმოქცევას, ამაღლებს მიოკარდის კუმშვით უნარს, მარცხენა პარკუჭის ფუნქციონალურ მდგომარეობას და განდევნის მოცულობას, რაც განაპირობებს ფიზიკური შრომისუნარიანობის მაჩვენებლის ზრდას.

– იშემიის პირობებში პრეპარატი აქვეითებს მიოკარდის მოთხოვნილებას ჟანგბადზე, აუმჯობესებს კორონარულ სისხლის მიმოქცევას, ააქტივებს გულის ფუნქციონალურ მდგომარეობას, რაც განაპირობებს სტენოკარდიის შეტევის სიხშირის შემცირებას და ქოშინს ფიზიკური დატვირთვისას.

– პრეპარატი აღადგენს ნორმალურ სინუსურ რიტმს ავადმყოფებში პარკუჭზედა პაროქსიზმული და სუპრავენტრიკულური ტაქიკარდიისას, ციმციმისა და წინაგულების თრთოლვის დროს, ასევე აქვეითებს ექტოპიური კერების აქტიობას (წინაგულოვანი და პარკუჭოვანი ექსტრასისტოლები).

– ატფ უზრუნველყოფს კალიუმისა და მაგნიუმის კონცენტრაციის ნორმალიზებას ქსოვილებში.

ჩვენებები:

• პრეპარატს უნიშნავენ კომბინირებულ მკურნალობაში:
• გულის იშემიური დაავადებისას, არასტაბილური სტენოკარდიის დროს, სტენოკარდია მოსვენების და დაძაბვის;
• პოსტინფარქტული და მიოკარდიტული კარდიოსკლეროზი (დიფუზური და კეროვანი კარდიოსკლეროზი);
• პაროქსიზმული პარკუჭზედა და სუპრავენტრიკულური ტაქიკარდია და გულის რიტმის სხვა დარღვევები;
• ვეგეტოსისხლძარღვოვანი დისტონია;
• მიოკარდიოდისტროფია;
• ქრონიკული დაღლილობის სინდრომი;
• სხვადასხვა წარმოშობის ჰიპერურიკემია;
• მიოკარდიტი;
• ფიზიკური დატვირთვის მიმართ ტოლერანტობის გაზრდა

მიღების წესი და დოზირება:

კუნთში – 1მლ 1% ხსნარი 1–2–ჯერ დღეში. მკურნალობის კურსი – 30–40 ინექცია. განმეორებითი კურსი – 1–2 თვის შემდეგ.

პარკუჭზედა ტაქიკარდიის პაროქსიზმის კუპირებისთვის ვენაში შეჰყავთ 1–2 მლ 1% ხსნარი (ეფექტი დგება 30–40 წამის შემდეგ). განმეორებითი შეყვანა 2–3 წუთის შემდეგ.

უკუჩვენებები:

• პრეპარატის და მისი კომპონენეტების მიმართ მომატებული მგრძნობელობა;

• მიოკარდის მწვავე ინფარქტი;

• ბრადი არითმიის მძიმე ფორმა;

• AV–ბლოკადა II-III ხარისხის;

• ჰიპერკალიემია, ჰიპერმაგნიემია;

• ჰემორაგიული ინსულტი.

გვერდითი ეფექტები:

შესაძლებელია გულისრევის შეგრძნება, ეპიგასტრიუმში უსიამოვო შეგრძნება, ალერგიული რეაქციები.

ხანგრძლივი და უკონტროლო მიღებისას ჰიპერკალიემია და ჰიპერმაგნემია.

განსაკუთრებული მითითებები:

AV–ბლოკადისა და რითმის სხვა დარღვევების ერთობლიობისას პრეპარატი არ ინიშნება.

ატფ ხანგრძლივი გამოყენებისას საჭიროა სისხლში კალიუმისა და მაგნიუმის კონტროლი.

არ არის სასურველი პრეპარატის მიღება გამოხატული არტერიული ჰიპოტენზიისას.

ფრთხილად ინიშნება ბრონქოსპაზმისადმი მიდრეკილებისას.

ატფ მიღება არ შეიძლება ერთდროულად საგულე გლიკოზიდებთან AV–ბლოკადის შესაძლო განვითარების გამო.

პრეპარატ ატფ–ით მკურნალობის დროს სასურველია თავშეკავება კოფეინის შემცველი პროდუქტებისგან (ჩაი, ყავა, სასმელი კოლა).

ორსულობა და ლაქტაცია:

ამ პერიოდში კლინიკური მონაცემები პრეპარატის უსაფრთხოების შესახებ არ არსებობს, ამიტომ მისი გამოყენება ორსულობისას უკუნაჩვენებია.

ლაქტაციის დროს პრეპარატის აუცილებელი გამოყენების შემთხვევაში ძუძუთი კვება უნდა შეწყდეს.

ბავშვები: ბავშვებში სამკურნალოდ არ გამოიყენება.

სატრანსპორტო საშუალებების და სხვა მექანიზმების მართვა:

მონაცემები, რომ პრეპარატი გავლენას ახდენს ტრანსპორტის ან სხვა მექანიზმების მართვისას რეაქციების სისწრაფეზე, არ არის.

სხვა წამლებთან ურთიერთქმედება:

– არ შეიძლება ატფ–ის გამოყენება საგულე გლიკოზიდებთან AV–ბლოკადის შესაძლო განვითარების გამო.

– კალიუმის დამზოგველ დიურეტიკებთან, კალიუმის პრეპარატებთან და აგფ–ინჰიბიტორებთან ერთდროული გამოყენებისას იზრდება ჰიპერკალიემიის განვითარების რისკი, მაგნეროტთან და მაგნიუმის სხვა პრეარატებთან ერთად – ჰიპერმაგნიემია.

– დიპირიდამოლი აძლიერებს ატფ–ის თერაპიულ ეფექტს, ხოლო ქსანტინოლი ნიკოტინატი, კოფეინი, თეოფილინი, ამინოფილინი – ამცირებს.

– ატფ–ს შეუძლია გააძლიეროს ბეტა– ადრენორეცეპტორების ბლოკატორების, ნიტრატების მოქმედება.

ჭარბი დოზირება:

შესაძლებელია ბრადიკარდიის, AV–ბლოკადის, და არტერიული ჰიპოტენზიის განვითარება.

მკურნალობა: უნდა შეწყდეს პრეპარატის გამოყენება და დაიწყოს სიმპტომური თერაპია. ბრადიკარდიისას შეჰყავთ ატროპინის სულფატი.

შენახვის პირობები:

მშრალ, სინათლისაგან დაცულ, 3–50C ტემპერატურაზე.

ნატრიუმის ადენოზინტრიფოსფატი- დარნიცა

(SODIUM ADENOSINTRIPHOSPHATE-DARNYTSIA)

შემადგენლობა :

მოქმედი ნივთიერება: adenosine;

ხსნარის 1 მლ შეიცავს დინატრიუმის მარილის ატფ-ს ( დინატრიუმის მარილის ადენოზინ ტრიფოსფატს) 10 მგ;

დამხმარე ნივთიერებები : ნატრიუმის ჰიდროქსიდი, საინექციო წყალი.

სამკურნალო ფორმა: საინექციო ხსნარი.

ძირითადი ფიზიკურ-ქიმიური თვისებები: გამჭვირვალე უფერო ოდნავ მოყვითალო ფერის სითხე.

ფარმაკოთერაპიული ჯგუფი. სხვა კარდიოლოგიური პრეპარატები. ადენოზინი. ათქ კოდი C01E B10.

ფარმაკოლოგიური თვისებები.

ფარმაკოდინამიკა. ადენოზინტრიფოსფატი (ატფ) წარმოადგენს ბუნებრივ მაკროერგულ ნაერთს. სინთეზირდება ორგანიზმის პრაქტიკულად ყველა ქსოვილში დაჟანგვითი ფოსფოლირების გზით და ნახშირწყლების დაშლის პროცესში. ყველაზე დიდი რაოდენობით სინთეზირდება კუნთოვან ქსოვილში, სადაც ენერგია, რომელსაც შეიცავს ატფ-ს მოლეკულა, გამოიყენება კუნთოვანი კუმშვისას. ენერგია, რომელიც გამოთავისუფლდება ატფ-ს დაშლისას, გამოიყენება სინთეზის პროცესში, კერძოდ, ცილისა და შარდოვანას სინთეზისა. ნერვიულ სისტემაში ატფ-ს მოლეკულები ასრულებენ ნეირომედიატორების როლს, გადააქვთ სიგნალები პურინერგულ სინაპსებში. ამავე დროს ატფ აცეტილქოლინური და ნორადრენერგული მედიაციის თანმდევია.

ნატრიუმის ადენოზინფოსფატი-დარნიცა სისტემური შეყვანის დროს ახდენს მეტაბოლურ, მემბრანამასტაბილიზირებელ, ანტიარითმულ მოქმედებას, აუმჯობესებს სისხლის ცერებრალურ და კორონარულ მიმოქცევას. ანტიარითმული მოქმედება დაკავშირებულია სინუსური კვანძის ავტომატიზმის დათრგუნვასთან და პურკინიეს ბოჭკოების მეშვეობით იმპულსების გატარებასთან. ხელს უწყობს გლუვი კუნთების მოდუნებას. აუმჯობესებს მიოკარდიუმის ანტიოქსიდანტურ დაცვას, იწვევს მისი კუმშვადობის უნარის მატებას. ნაწილობრივ ბლოკავს კალციუმის არხებს და ამსუბუქებს კალიუმის იონების ტრანსმემბრანულ გადაადგილებას.

ფარმაკოკინეტიკა პარენტერალურად შეყვანილი ატფ-ს პრეპარატის კინეტიკის თვალის დევნება არ არის შესაძლებელი იმ სხვადასხვა რეაქციების მაღალი დაძაბულობის გამო, რომლებიც ვითარდება საკუთარი ატფ-ს მონაწილეობით. ამასთან ერთად ცნობილია, რომ შეყვანის ადგილზე ნატრიუმის ადენოზინტრიფოსფატი მალევე იშლება ადენოზინდიფოსფატურ მჟავასა და არაორგანულ ფოსფატზე, გამოყოფს რა ენერგიას, რომელიც გამოიყენება კუნთების მიერ მექანიკური სამუშაოების და ასევე სითეზური პროცესების შესასრულებლად (ცილის, შარდოვანას სინთეზი), რომლებიც შემდგომში გამოიყენება ატფ-ს ახალი მოლეკულების სინთეზისათვის. შეყვანის მერე ანტიარითმიული ეფექტი აღინიშნება 20-40 წამის შემდეგ.

კლინიკური მახასიათებლები.

ჩვენებები:

კუნთოვანი დისტროფიისა და ატროფიის კომპლექსური მკურნალობის შემადგენლობაში; პარკუჭზედა ტაქიკარდიის პაროქსიზმების კუპირებისათვის; პერიფერიული სისხლძარღვების სპაზმების დროს (ხანგამოშვებითი კოჭლობა, რეინოს დაავადება, მაობლიტერირებადი თრომბანგიიტი). ბადურის მემკვიდრებითი პიგმენტური დეგენერაციის ცენტრალური, პერიფერიული და შერეული ფორმების დროს.

უკუჩვენებები:

ინდივიდუალური მომატებული მგრძნობელობა სამკურნალო საშუალების ნებისმიერი კომპონენტის მიმართ, მიოკარდიუმის მწვავე ინფარქტი, არტერიული ჰიპოტენზია, ბრადიარითმიის მძიმე ფორმები, II-III ხარისხის AV-ბლოკადა, გულის უკმარისობის დეკომპენსირებული სტადია, კარდიოგენული შოკი და შოკის სხვა სახეობები, QT-ს პროლონგაციის სინდრომი, ჰემორაგიული ინსულტი; ჰიპერკალიემია, ჰიპერმაგნიემია; ფილტვების ანთებითი დაავადებები, ფილტვების ქრონიკული ობსტრუქციული დაავადებები (მაგალითად, ბრონქული ასთმა); ორსულობის ან ძუძუთი კვების პერიოდი, საბავშვო ასაკი. არ შეიძლება საგულე გლიკოზიდებთან დიდ დოზებში ერთდროული შეყვანა.

**ურთიერთქმედება სხვა სამკურნალო საშუალებებთან და ურთიერთქმედების სხვა სახეობები. ** კალიუმის შემნახველ დიურეზულებთან, კალიუმის პრეპარატებთან და აგფ ნჰიბიტორებთან ერთდროული გამოყენების დროს მატულობს ჰიპერკალიემიის, მაგნიუმის პრეპარატებთან- ჰიპერმაგნიემიის განვითარების რისკი.

სამკურნალო საშუალებამ შეიძლება გააძლიეროს ბეტა-ადრენობლოკატორების, ნიტრატების ანტიანგიალური მოქმედება.

დიპირიდამოლთან ერთდროული გამოყენებისას ძლიერდება დიპირიდამოლის მოქმედება, კერძოდ, სისხლძარღვების გამაფართოებელი ეფექტი.

პურინის წარმოებულებთან ( კოფეინთან და თეოფილინთან) ერთდროულიი გამოყენების შემთხვევაში თავს იჩენს გარკვეული ანტაგონიზმი.

არ შეიძლება საგულე გლიკოზიდებთან დიდი დოზებით ერთდროული შეყვანა, ვინაიდან გულ-სისხლძარღვთა სისტემის მხრივ ძლიერდება გვერდითი რეაქციების განვითარების რისკი. ქსანტინოლის ნიკოტინატთან ერთდროული გამოყენებისას მცირდება ნატრიუმის ადენოზინტრიფოსფატის ეფექტი.

კარბამაზეპინმა შეიძლება გააძლიეროს ადენოზინის ეფექტები და გამოიწვიოს ბლოკადის განვითარება.

გამოყენების თავისებურებები.

პრეპარატის ინტრავენური შეყვანა უნდა ჩატარდეს მხოლოდ სტაციონარის პირობებში. ინექციები უნდა იქნას შეყვანილი ნელა, გულის ფუნქციის კონტროლით, ხოლო შეყვანის შემდეგ იზომება არტერიული წნევა.

სიფრთხილით გამოიყენება გამოხატული ბრადიკარდიის დროს ( ბრადიარითმიების მძიმე ფორმების გარდა),სინუსური კვანძის სისუსტის სინდრომისას, I ხარისხის ანტრიოვენტრიკულური ბლოკადის (AV-ბლოკადის) დროს, არტერიული ჰიპოტენზიისადმი მიდრეკილების შემთხვევაში.

ხანგრძლივი გამოყენებისას აუცილებელია სისხლში კალიუმისა და მაგნიუმის დონის კონტროლი. სიფრთხილით ინიშნება პაციენტებში, რომლებსაც აქვთ მიდრეკილება ბრონქოსპაზმისაკენ. არ შეიძლება სამკურნალო საშუალების დიდი დოზებით შეყვანა საგულე გლიკოზიდებთან ერთდროულად. შეზღუდეთ იმ პროდუქტების მიღება, რომლებიც შეიცავენ კოფეინს (ჩაი, ყავა, კოლას შემცველი სასმელები).

მნიშვნელოვანი ინფორმაცია დამხმარე ნივთიერებების შესახებ.

ეს სამკურნალო საშუალება შეიცავს ნატრიუმის 1მმოლზე (23 მგ) ნაკლებ /დოზას, ესე იგი პრაქტიკულად თავისუფალია ნატრიუმისაგან.

გამოყენება ორსულობისა და ძუძუთი კვების პერიოდში.

მონაცემები ნატრიუმის ადენოზინტრიფოსფატი-დარნიცას გამოყენების შესახებ ორსულობისა ან ძუძუთი კვების პერიოდში არ გაგვაჩნია, ამიტომ ამ კატეგორიის პაციენტებში სამკურნალო საშუალება არ უნდა იქნას გამოყენებული.

რეაქციის სიჩქარეზე გავლენის უნარი ავტოტრანსპორტისა და სხვა მექანიზმების მართვის დროს. მკურნალობის პერიოდში თავი უნდა შეიკავოთ ავტოტრანსპორტის მართვისა ან სხვა ისეთ მექანიზმებთან მუშაობისაგან, რომლებიც მოითხოვენ მომატებულ ყურადღებას.

გამოყენების წესი და დოზები.

ნატრიუმის ადენოზინტრიფოსფატი-დარნიცა უნდა იქნას შეყვანილი კუნთში ან ინტრავენურად. კუნთოვანი დისტროფიის, პერიფერიული სისხლის მიმოქცევის დარღვევების სამკურნალოდ პირველ 2-3 დღეს ინიშნება 1 მლ კუნთში დღე-ღამეში ერთხელ, შემდგომ დღეებში - 1 მლ 2 ჯერ დღე-ღამეში ან 2 მლ მთლიანად დღე-ღამეში 1 ჯერ. მკურნალობის კურსია 30-40 დღე. აუცილებლობის შემთხვევაში კურსი უნდა განმეორდეს 1-2 თვის შემდეგ.

ბადურას მემკვიდრებითი პიგმენტური დეგენერაციის შემთხვევაში შეიყვანება 5 მლ კუნთში 2 ჯერ დღე-ღამეში, 6-8 საათიანი ინტერვალით, ყოველდღე 15 დღის განმავლობაში. აუცილებლობის დროს კურსი შეიძლება განმეორდეს 8-12 თვის ინტერვალით. პარკუჭზედა ტაქიარითმიების კუპირების მიზნით უნდა იქნას შეყვანილი ინტრავენურად, 1-2 მლ 5 – 10 წამის განმავლობაში (ეფექტი აღინიშნება 20 – 40 წამის შემდეგ). აუცილებლობის შემთხვევაში ხელმეორედ შეიყვანება იგივე დოზა.

ბავშვები.

ნატრიუმის ადენოზინტრიფოსფატ-დარნიცას გამოყენების გამოცდილება ბავშვებში არ გაგვაჩნია, ამიტომ ამ ასაკობრივი კატეგორიისათვის ეს პრეპარატი უკუნაჩვენებია.

დოზის გადაჭარბება.

სიმპტომები: თავბრუსხვევა, არტერიული ჰიპოტენზია, გონების მოკლევადიანი დაკარგვა, არითმია, II და III ხარისხის ატრიოვენტრიკულური ბლოკადა, ასისტოლია, ბრონქოსპაზმი, პარკუჭოვანი დარღვევები, სინუსური ბრადიკარდია და ტაქიკარდია. ასევე შესაძლებელია ალერგიული რეაქციების განვითარება.

მკურნალობა: პრეპარატის შეყვანა დაუყოვნებლივ უნდა შეწყდეს და დაინიშნოს კარდიოტონიური საშუალებები. თერაპია სიმპტომურია. ადენოზინის კონკურენტული ანტაგონისტები არიან ქსანტინები (ეუფილინი, თეოფლინი).

გვერდითი რეაქციები.

გვერდითი რეაქციების წარმოქმნის სიხშირის შესაფასებლად გამოიყენება შემდეგი კლასიფიკაცია : ძალიან ხშირად ( ≥ 1/10), ხშირად (≥ 1/100 და < 1/10), არახშირად (≥ 1 / 1000 და ≤ 1/100), იშვიათად (≥ 1/ 10000 და ≤ 1/1000), ძალიან იშვიათად (≤ 1/10000, ერთეული შემთხვევების ჩათვლით, რომელთა სიხშირე უცნობია.

მხედველობის ორგანოების მხრივ:

სიხშირე უცნობია: არამკვეთრი მხედველობა.

რესპირატორული სისტემის, გულმკერდის ორგანოებისა და შუასაყარის მხრივ: ძალიან ხშირად; ქოშინი;

არახშირად: ჰიპერვენტილაცია;

ძალიან იშვიათად: ბრონქოსპაზმი;

სიხშირე უცნობია: აპნოე, სუნთქვითი უკმარისობა. კუჭ-ნაწლავის ტრაქტის მხრივ : ხშირად: გულისრევა; არახშირად: მეტალის გემო პირში; სიხშირე უცნობია: კუჭ- ნაწლავის მოტორიკის გაძლიერება (ინტრავენური შეყვანისას), ღებინება.

თირკმელებისა და შარდგამომყოფი სისტემის მხრივ:

სიხშირე უცნობია: დიურეზის გაძლიერება.

ნერვული სისტემის მხრივ :

ხშირად: თავის ტკივილი, თავბრუსხვევა, პარესთეზიები;

არახშირად: თავში მოჭერის შეგრძნება;

სიხშირე უცნობია: ფობიები, გონების ხანმოკლე დაკარგვა, კრუნჩჩხვები.

ფსიქიკის მხრივ :

სიხშირე უცნობია: ნერვოზულობა.

გულსისხლძარღვთა სისტემის მხრივ :

ძალიან ხშირად: არტერიული ჰიპოტენზია, ბრადიკარდია, სინუსური პაუზა, გამოტოვებული დარტყმები,წინაგულის ექსტრასისტოლები, ანტრიოვენტრიკულური გამტარობის დარღვევა (AV- ბლოკადა), პარკუჭების აღგზნებადობის ისეთი დარღვევები, როგორიცაა პარკუჭოვანი ექსტრასისტოლები, არასტაბილური პარკუჭოვანი ტაქიკარდია;

არახშირად: სინუსური ტაქიკარდია, გულისცემის შეგრძნება, დისკომფორტის შეგრძნება გულმკერდის არეში;

ძალიან იშვიათად: მოციმციმე არითმია, ბრადიკარდიის მძიმე ფორმა, რომელიც არ კორექტირდება ატროპინით, პარკუჭების აღგზნებადობის დარღვევა, პარკუჭების ფიბრილაციის, torsade de pointes ტიპის ტაქიკარდიის ჩათვლით;

სიხშირე უცნობია: ასისტოლია, რომელმაც შეიძლება გამოიწვიოს გულის გაჩერება და ლეტალური შედეგი, განსაკუთრებით გულის იშემიური დაავადების, გულის სხვა დაავადებების მქონე პაციენტებში.

იმუნური სისტემის მხრივ :

სიხშირე უცნობია: ჰიპერმგრძნობელობის რეაქციები, ალერგიული დერმატიტი, ჭინჭრის ციება, ანაფილაქსიური შოკი, კვინკეს შეშუპება.

კანისა და კანქვეშა უჯრედისის მხრივ:

სიხშირე უცნობია: სახის ჰიპერემია, ქავილი,გამონაყარი კანზე.

საყრდენ - მამოძრავებელი სისტემისა და შემაერთებელი ქსოვილის მხრივ :

სიხშირე უცნობია: ტკივილი ხელებში, ზურგსა და კისერში.

ზოგადი დარღვევები და რეაქციები შეყვანის ადგილზე :

ძალიან ხშირად: ჩხვლეტის შეგრძნება, კანის ჰიპერემია შეყვანის ადგილზე; არახშირად: მომატებული ოფლიანობა, ჰიპერთერმია, სიცხის შეგრძნება, ზოგადი დისკომფორტის შეგრძნება.

შეტყობინებები საეჭვო გვერდითი რეაქციების შესახებ.

შეტყობინებები საეჭვო გვერდითი რეაქციების შესახებ სამკურნალო საშუალების რეგისტრაციის შემდეგ მნიშვნელოვანი პროცედურაა. ეს გვაძლებს საშუალებას გავაგრძელოთ შესაბამისიი სამკურნალო საშუალების „სარგებელი/რისკის“ შეფარდების მონიტორინგი. მედიცინის მუშაკებისათვის აუცილებელია შეატყობინონ ნებისმიერი საეჭვო რეაქციის შესახებ შეტყობინებების ნაციონალური სისტემის მეშვეობით.

ვარგისობის ვადა. 2 წელი.

შენახვის პირობები.

ინახება ორიგინალ შეფუთვაში 2 ˚C -დან 8 ˚ C -მდე. ინახება ბავშვებისათვის მიუწვდომელ ადგილზე.

შეუთავსებლობა. არ შეიძლება პრეპარატის შეყვანა კარბამაზეპინთან, დიპირიდამოლთან, ქსანტინებთან, ანტიარითმულ საშუალებებთან, საგულე გლიკოზიდებთან ერთდროულად.

შეფუთვა. 1 მლ ამპულაში; 5 ამპულა კონტურულ ფიჭისმაგვარ შეფუთვაში; 2 კონტურული ფიჭისმაგვარი შეფუთვა შეკვრაში.

გაცემის კატეგორია. ფარმაცევტული პროდუქტის ჯგუფი II, გაიცემა ფორმა №3 რეცეპტით