ბრომგექსინი

---

1. პრეპარატი ბრომჰექსინი 8 ბერლინ-ხემის აღწერა და გამოყენება

პრეპარატი ბრომჰექსინი 8 ბერლინ-ხემი შეიცავს ბრომჰექსინის ჰიდროქლორიდს, რომელიც წარმოადგენს ამოსახველებელ საშუალებას (ხელს უწყობს ნახველის გათხელებას ბლანტი ნახველის წარმოქმნის თანხლებით მიმდინარე სასუნთქი გზების დაავადებების დროს).

ბრომჰექსინი 8 ბერლინ-ხემი გამოიყენება ნახველის გათხელებისათვის ბლანტი ნახველის წარმოქმნის თანხლებით მიმდინარე ბრონქებისა და ფილტვების მწვავე და ქრონიკული დაავადებების დროს.

იმ შემთხვევაში, თუ გაგიღრმავდათ სიმპტომები ან არ გაგიუმჯობესდათ მდგომარეობა 4-5 დღის განმავლობაში, მიმართეთ ექიმს.

2. რა უნდა ვიცოდეთ პრეპარატი ბრომჰექსინი 8 ბერლინ-ხემის გამოყენებამდე

პრეპარატი ბრომჰექსინი 8 ბერლინ-ხემის მიღება არ შეიძლება, თუ გაქვთ:

• ალერგია ბრომჰექსინის ჰიდროქლორიდის ან მოცემული პრეპარატის ნებისმიერი სხვა კომპონენტის მიმართ (იხ. პარაგრაფი 6).

ბავშვები

მოქმედი ნივთიერების მაღალი კონცენტრაციის გამო ბრომჰექსინი 8 ბერლინ-ხემის გამოყენება

არ შეიძლება 6 წლამდე ასაკის ბავშვებში.

გაფრთხილება და სიფრთხილის ზომები

პრეპარატი ბრომჰექსინი 8 ბერლინ-ხემის მიღებამდე კონსულტაციისთვის მიმართეთ ექიმს ან ფარმაცევტს.

ძალიან იშვითად ბრომჰექსინის მიღების ფონზე ადგილი ჰქონდა მძიმე რეაქციებს კანის მხრივ, მაგალითად, სტივენს-ჯონსონის და ლაიელის სინდრომი. კანზე და ლორწოვან გარსებზე უჩვეულო ცვლილებების გამოვლენის შემთხვევაში დაუყოვნებლივ შეწყვიტეთ ბრომჰექსინი 8 ბერლინ-ხემის მიღება და მიმართეთ ექიმს.

ბრომჰექსინი 8 ბერლინ-ხემის მიღების დაწყებამდე კონსულტაციისთვის მიმართეთ ექიმს

შემდეგ შემთხვევებში:

• თუ გაქვთ (ან წარსულში გქონდათ) კუჭის ან თორმეტგოჯა ნაწლავის წყლული, რადგან ბრომჰექსინი 8 ბერლინ-ხემს შეუძლია დაარღვიოს კუჭისა და ნაწლავების ლორწოვანი გარსის ბარიერული ფუნქცია.

• ჭარბი რაოდენობის სეკრეტის შეგუბებით მიმდინარე ბრონქების ზოგიერთი იშვიათი დაავადების დროს (მაგალითად, პირველადი ცილიარული დისკინეზია [წამწამოვანი დისკინეზია]). ამ შემთხვევაში, სეკრეტის შესაძლო შეგუბების გამო, ბრომჰექსინი 8 ბერლინ-ხემის გამოყენება შეიძლება მხოლოდ ექიმის მეთვალყურეობით.

• თირკმელების ფუნქციის დარღვევების ან ღვიძლის სერიოზული დაავადებების დროს (ამ შემთხვევაში ბრომჰექსინი 8 ბერლინ-ხემი მიიღება – ექიმის მითითების შესაბამისად – პრეპარატის მიღებებს შორის ინტერვალის გახანგრძლივებით ან დოზის შემცირებით). თირკმლის ფუნქციის სერიოზული დარღვევებისას შესაძლებელია ღვიძლში ბრომჰექსინი 8 ბერლინ-ხემის დაშლის პროდუქტების დაგროვება.

აუცილებელია ღვიძლის ფუქნციის პერიოდული კონტროლი, განსაკუთრებით ხანგრძლივი მკურნალობისას.

სხვა სამკურნალო საშუალებები და ბრომჰექსინი 8 ბერლინ-ხემი

აცნობეთ მკურნალ ექიმს ან ფარმაცევტს, თუ იღებთ/იყენებთ ან ახლო წარსულში იღებდით/იყენებდით ან შეიძლება მიგეღოთ/გამოგეყენებინათ ნებისმიერი სხვა სამკურნალო საშუალება.

ბრომჰექსინი 8 ბერლინ-ხემის და ხველის საწინააღმდეგო საშუალებების ერთდროულად მიღებისას შესაძლებელია სეკრეტის სახიფათო შეგუბება ხველის რეფლექსის შესუსტების შედეგად; ამიტომ, აღნიშნული კომბინირებული მკურნალობა ინიშნება განსაკუთრებით მკაცრი გამოკვლევის ჩატარების შემდეგ.

ისეთი პრეპარატების მიღებისას, რომლებიც იწვევს კუჭ-ნაწლავის ტრაქტის ლორწოვანი გარსის გაღიზიანების სიმპტომებს, პრეპარატი ბრომჰექსინი 8 ბერლინ-ხემის მიღების ფონზე შესაძლოა გამაღიზიანებელი მოქმედების გაძლიერება კუჭის ლორწოვან გარსზე.

ბრომჰექსინი 8 ბერლინ-ხემის საკვებთან და სასმელთან მიღება განსაკუთრებული რეკომენდაციები არ არსებობს.

ორსულობა, ძუძუთი კვება და შვილოსნობის ფუნქცია

ორსულობის ან ძუძუთი კვების პერიოდში, აგრეთვე ორსულობაზე ეჭვის ან ორსულობის

დაგეგმვის შემთხვევაში მოცემული პრეპარატის მიღებამდე კონსულტაციისათვის მიმართეთ

ექიმს ან ფარმაცევტს.

დღემდე ორსულობის დროს მოცემული პრეპარატის გამოყენების გამოცდილება არ არის; ამიტომ ორსულობის დროს პრეპარატი ბრომჰექსინი 8 ბერლინ-ხემი უნდა დაინიშნოს მხოლოდ ექიმის მიერ სარგებლისა და რისკის კარგად შეფასების შემდეგ; რეკომენდებული არ არის მოცემული პრეპარატის გამოყენება ორსულობის პირველ ტრიმესტრში.

ბრომჰექსინი გადადის დედის რძეში. ბრომჰექსინის ზემოქმედება ახალშობილებზე არასაკმარისად არის შესწავლილი, ამიტომ არ შეიძლება პრეპარატის გამოყენება ძუძუთი კვების პერიოდში.

სატრანსპორტო საშუალებების მართვა და მექანიზმებთან მუშაობა განსაკუთრებული რეკომენდაციები არ არსებობს.

პრეპარატი ბრომჰექსინი 8 ბერლინ-ხემი შეიცავს ლაქტოზას, გლუკოზას და საქაროზას.

თუ თქვენთვის ცნობილია შაქრის რომელიმე სახეობების მიმართ აუტანლობის შესახებ, მოცემული პრეპარატის მიღების წინ კონსულტაციისთვის მიმართეთ თქვენს ექიმს ან ფარმაცევტს.

3. პრეპარატი ბრომჰექსინი 8 ბერლინ-ხემის მიღების წესი

მოცემული პრეპარატი მიიღება მოცემულ ჩანართში მოყვანილი ინსტრუქციის ზუსტად დაცვით, ან მკურნალი ექიმის თუ ფარმაცევტის დანიშნულების შესაბამისად.

პრეპარატის მიღებასთან დაკავშირებით რაიმე ეჭვის შემთხვევაში კონსულტაციისათვის მიმართეთ მკურნალ ექიმს ან ფარმაცევტს.

დოზირება

რეკომენდებული დოზა დაწვრილებით მითითებულია ქვემოთ მოყვანილ ცხრილში.

პაციენტები | დოზირება
---|---
მოზრდილები და მოზარდები 14 წლის ასაკიდან | 1-2 ტაბლეტი სამჯერ დღეში (რაც შეესაბამება 24-48 მგ ბრომჰექსინის ჰიდროქლორიდს დღე-ღამეში)
ბავშვები და 6-დან 14 წლამდე ასაკის მოზარდები, ასევე 50 კგ-ზე ნაკლები სხეულის წონის მქონე პაციენტები | 1 ტაბლეტი სამჯერ დღეში (რაც შეესაბამება 24 მგ ბრომჰექსინის ჰიდროქლორიდს დღე-ღამეში)

6 წლამდე ასაკის ბავშვებისათვის პრეპარატი გამოდის სამკურნალწამლო ფორმის სახით

მოქმედი ნივთიერების უფრო ნაკლები შემცველობით.

თირკმელების ფუნქციის დარღვევის ან თირკმელების მძიმე დაავადებების დროს პრეპარატი მიიღება მცირე დოზით ან მიღებებს შორის ინტერვალის გახანგრძლივებით. აღნიშნულ საკითხთან დაკავშირებით კონსულტაციისთვის მიმართეთ თქვენს მკურნალ ექიმს.

მიღების წესი

მიიღეთ ტაბლეტები ჭამის შემდეგ, დიდი რაოდენობის სითხის მიყოლებით.

მითითება:

პრეპარატის მიღება რეკომენდებულია საკმარისი რაოდენობის სითხესთან.

მკურნალობის ხანგრძლივობა

მკურნალობის ხანგრძლივობა დამოკიდებულია დაავადების ხასიათსა და სიმძიმეზე და

განისაზღვრება მკურნალი ექიმის მიერ.

სიმპტომების გაღრმავების შემთხვევაში, ან თუ არ გაგიუმჯობესდათ მდგომარეობა 4-5 დღის განმავლობაში, უნდა მიმართოთ ექიმს.

აცნობეთ თქვენს ექიმს ან ფარმაცევტს, თუ ფიქრობთ, რომ პრეპარატი ბრომჰექსინი 8 ბერლინ-ხემის მოქმედება თქვენს ორგანიზმზე ძალიან ძლიერი ან სუსტია.

პრეპარატი ბრომჰექსინი 8 ბერლინ-ხემის დოზის გადაჭარბების შემთხვევები

დოზის გადაჭარბების სიმპტომები, როგორც წესი, არ სცილდება ამ პრეპარატის ჩვეულებრივი

გვერდითი მოქმედებების ფარგლებს. დაავადების მძიმე სიმპტომების გამოვლენისას შეიძლება

საჭირო გახდეს სისხლის მიმოქცევის მდგომარეობის მეთვალყურეობა და აუცილებლობის

შემთხვევაში მკურნალობა, რომელიც მიმართული იქნება სიმპტომების მოხსნისკენ.

იმ შემთხვევაში, თუ ბავშვმა მიიღო პრეპარატი ბრომჰექსინი 8 ბერლინ-ხემის დიდი რაოდენობა, დაუყოვნებლივ მიმართეთ ექიმს.

თუ დაგავიწყდათ პრეპარატი ბრომჰექსინი 8 ბერლინ-ხემის მიღება

არ მიიღოთ პრეპარატის ორმაგი დოზა გამოტოვებულის საკომპენსაციოდ.

თუ დაგავიწყდათ ბრომჰექსინი 8 ბერლინ-ხემის მიღება ან მიიღეთ საჭიროზე დაბალი დოზა მომდევნო მიღებისას მიიღეთ ჩვეულებრივი დანიშნული დოზა.

პრეპარატი ბრომჰექსინი 8 ბერლინ-ხემის მიღების შეწყვეტა

არ შეწყვიტოთ მკურნალობა მკურნალი ექიმის კონსულტაციის გარეშე. აღნიშნულმა შეიძლება გააღრმავოს თქვენი დაავადება.

მოცემული პრეპარატის გამოყენების შესახებ კითხვების შემთხვევაში მიმართეთ მკურნალ ექიმს ან ფარმაცევტს.

4. შესაძლო გვერდითი მოქმედება

როგორც ყველა სამკურნალო საშუალებას, მოცემულ პრეპარატსაც აქვს გვერდითი მოქმედებები, თუმცა ისინი არ ვითარდება ყველა პაციენტში.

თუ შენიშნავთ რომელიმე ქვემოთმითითებულ გვერდით მოქმედებას, შეწყვიტეთ პრეპარატი ბრომჰექსინი 8 ბერლინ-ხემის მიღება და დაუყოვნებლივ მიმართეთ ექიმს.

გვერდითი მოქმედება, რომელიც ვლინდება ზოგჯერ (შეიძლება აღენიშნოს 100 პაციენტიდან 1- ს)

• ჰიპერმგრძნობელობის რეაქციები: გამონაყარი კანზე, კანისა და ლორწოვანი გარსების

შეშუპება (ანგიონევროზული შეშუპება), სუნთქვის მოშლა, ქავილი, ჭინჭრის ციება.

• ცხელება

• გულისრევა, ტკივილი მუცლის არეში, ღებინება, დიაერეა.

გვერდითი მოქმედება, რომელიც ვლინდება ძალიან იშვიათად (შეიძლება აღენიშნოს 10 000 პაციენტიდან 1-ს)

• ანაფილაქსიური რეაქციები შოკამდე (მომატებული მგრძნობელობის რეაქციის მძიმე ფორმა)

• ბრომჰექსინის მიღების შედეგად კანის მხრივ ისეთი მძიმე რეაქციები, როგორიცაა სტივენს- ჯონსონის სინდრომი და ლაიელის სინდრომი (იხ. ასევე პარაგრაფი 2).

მომატებული მგრძნობელობის რეაქციის პირველივე ნიშნების გამოვლენისას, ასევე ლორწოვან გარსებზე უჩვეულო ცვლილებების გამოვლენის შემთხვევაში, შეწყვიტეთ პრეპარატი ბრომჰექსინი 8 ბერლინ-ხემის მიღება. ამ შემთხვევაში დაუყოვნებლივ მიმართეთ ექიმს.

რომელიმე გვერდითი მოქმედების გამოვლენის შემთხვევაში მიმართეთ ექიმს ან ფარმაცევტს. ეს ეხება ყველა შესაძლო გვერდით მოქმედებას, მათ შორის ისეთებს, რომლებიც არ არის აღწერილი მოცემულ ჩანართში.

5. პრეპარატი ბრომჰექსინი 8 ბერლინ-ხემის შენახვის პირობები

პრეპარატი შეინახეთ ბავშვებისათვის მიუწვდომელ ადგილას.

მოცემული სამკურნალო საშუალება არ გამოიყენება ვარგისიანობის ვადის გასვლის შემდეგ, რომელიც მითითებულია ბლისტერსა და მუყაოს კოლოფზე წარწერის ~ვარგისია~ შემდეგ. ვარგისიანობის ვადის გასვლის თარიღი გულისხმობს მითითებული თვის ბოლო დღეს.

პრეპარატი შეინახეთ არა უმეტეს 25˚C ტემპერატურის პირობებში.

სამკურნალო საშუალებების კანალიზაციის მილში ან ნაგავთან გადაგდება არ შეიძლება. პრეპარატის უტილიზაციის საკითხთან დაკავშირებით მიმართეთ ფარმაცევტს. აღნიშნული ზომები ხელს შეუწყობს გარემოს დაცვას.

6. შეფუთვა და დამატებითი ინფორმაცია

პრეპარატი ბრომჰექსინი 8 ბერლინ-ხემის შემადგენლობა:

პრეპარატის მოქმედი ნივთიერება არის ბრომჰექსინის ჰიდროქლორიდი.

თითო შემოგარსული ტაბლეტი შეიცავს 8 მგ ბრომჰექსინის ჰიდროქლორიდს.

სხვა კომპონენტები: სიმინდის სახამებელი, ლაქტოზის მონოჰიდრატი, მაგნიუმის სტეარატი, ჟელატინი, კრემნიუმის დიოქსიდი კოლოიდური უწყლო, საქაროზა, კალციუმის კარბონატი, მაგნიუმის კარბონატი მსუბუქი ძირითადი, ტალკი, მაკროგოლი 6000, გლუკოზის სიროფი (მშრალი ნივთიერება), ტიტანის დიოქსიდი (E 171), პოვიდონი K25, კარნაუბის ცვილი, ქინოლინი ყვითელი (E 104).

პრეპარატი ბრომჰექსინი 8 ბერლინ-ხემის აღწერა და გამოშვების ფორმა

მომწვანო-ყვითელიდან ყვითელ ფერამდე ორივე მხრიდან ოდნავ ამობურცული შემოგარსული ტაბლეტები. თითო შემოგარსული ტაბლეტი შეიცავს 8 მგ ბრომჰექსინის ჰიდროქლორიდს პრაქტიკულად თეთრი ფერის ბირთვში.

ორიგინალი შეფუთვა 20 შემოგარსულ ტაბლეტზე. ორიგინალი შეფუთვა 25 შემოგარსულ ტაბლეტზე. ორიგინალი შეფუთვა 50 შემოგარსულ ტაბლეტზე.

შესაძლოა ბაზარზე ყველა სახის შეფუთვა არ იყოს წარმოდგენილი.

ფარმაცევტული პროდუქტის ჯგუფი III, გაიცემა ურეცეპტოდ.

ბრომჰექსინი 8 ბერლინ-ხემი
Bromhexin 8 Berlin-chemie

საერთაშორისო დასახელება - bromhexine hydrochloride
ათქ.კლასიფიკაციის კოდი - RO5CB02

კლინიკურ-ფარმაკოლოგიური ჯგუფი - მუკოლიზური და ხველის საწინააღმდეგო საშუალებები, მუკოლიზური და ამოსახველებელი საშუალებები

შემადგენლობა და გამოშვების ფორმა
დრაჟე 8 მგ: 25 ც.

ერთი დრაჟე შეიცავს:
მოქმედი სამკურნალო კომპონენტი: 8 მგ ბრომჰექსინის ჰიდროქლორიდი სხვა კომპონენტები:
ლაქტოზას მონოჰიდრატი, სიმინდის სახამებელი, ჟელატინი, კაჟბადის მაღალდისპერსიული დიოქსიდი, მაგნიუმის სტეარატი, საქაროზა, კალციუმის კარბონატი, მაგნიუმის კარბონატი მსუბუქი ძირითადი, ტალკი, საღებავები E 104 და E 107, მაკროგოლი 6000, პოვიდონი, გლუკოზის სიროფი, კარნაუბის ცვილი. სეკრეტის გამათხელებელი საშუალება (ათქ კოდი: R05C B02)
ბრომჰექსინი სამკურნალო საშუალებაა, რომელიც წარმოადგენს ნატურალური ნივთიერების ვაზიცინის წარმოებულს, რომელსაც შეიცავს ინდური სამკურნალო მცენარე Adhata vasica.

ჩვენებები
სეკრეტის გათხელების სამკურნალოდ, ბრონქებისა და ფილტვების მწვავე და ქრონიკული დაავადებების დროს, რომლებსაც ახლავს წებოვანი სეკრეტი.

მიღების წესები და დოზები
თუ სხვანაირად არ არის დანიშნული:
6-14 წლის ბავშვებში, ასევე პაციენტებში სხეულის 50 კგ-ზე ნაკლები წონით __ დღეში 3-ჯერ 1 დრაჟე
მოზრდილები და 14 წელზე უფროსი მოზარდები __ დღეში 3-ჯერ 1-2 დრაჟე

ღვიძლის ან თირკმელების ფუქნციის მძიმე დარღვევისას საჭიროა დოზის შესაბამისი შემცირება. ამ საკითხთან დაკავშირებით აუცილებელია ექიმთან მიმართვა.
დრაჟე მიიღება ჭამის შემდეგ, დაუღეჭავად, საკმარისი რაოდენობით სითხესთან ერთად.
მითითება: აუცილებელია იმის გათვალისწინება, რომ დალეული სითხის რაოდენობა საკმარისი უნდა იყოს, იმიტომ რომ მკურნალობისას მიღებული სითხის რაოდენობის გაზრდა ხელს უწყობს მკურნალობას და ბრონქებში სეკრეტის სასურველ გათხელებას. გამოყენების ხანგრძლივობა დამოკიდებულია დაავადების მიმდინარეობაზე. ექიმთან კონსულტაციის გარეშე 4-5 დღეზე მეტ ხანს პრეპარატის გამოყენება არ შეიძლება.

გვერდითი მოვლენები
გვერდითი მოქმედებების შეფასების საფუძვლად ჩვეულებრივ მიიღება სიხშირის შემდეგი მონაცემები:
ძალიან ხშირად:
10 ნამკურნალებიდან 1-ზე მეტი
ხშირად:
1-ზე ნაკლები 100-დან, მაგრამ არა უმეტეს 1-სა 100 ნამკურნალებიდან
ზოგჯერ:
1-ზე ნაკლები 100-დან, მაგრამ არა უმეტეს 1-სა 1000 ნამკურნალებიდან
იშვიათად:
1-ზე ნაკლები 1000-დან, მაგრამ არა უმეტეს 1-სა 10.000 ნამკურნალებიდან

ძალიან იშვიათად:
1 შემთხვევა 10.000 ნამკურნალებიდან ან უფრო იშვიათად, ერთეული შემთხვევის ჩათვლით.
ჩვეულებრივ პრეპარატი კარგად აიტანება. მაგრამ ხშირად შეიძლება წარმოიშვას ჩივილები კუჭ-ნაწლავის ტრაქტის მხრივ. ძალიან იშვიათად შეიძლება განმეორებით განვითარდეს კუჭის ან ნაწლავის ადრე არსებული წყლული. ზოგჯერ ადგილი აქვს თავბრუსხვევის შეგრძნებას, თავის ტკივილს, სისხლში ღვიძლის ფერმენტების მაჩვენებლების მომატებას (ასპარტატამინოტრანსფერაზა ან მოკლედ ასატ), ჰიპერმგრძნობელობის რეაქციებს (კანის ან ლორწოვანი გარსების მხრივ, სახის შეშუპება, ქოშინი, ასევე ტემპერატურის მომატება და კანკალი, ერთეულ შემთხვევებში მძიმე ანაფილაქსიური შოკის სახით).
ჰიპერმგრძნობელობის პირველი რეაქციების განვითარებისას პრეპარატის განმეორებით მიღება არ შეიძლება. Aაუცილებელია ექიმთან დაუყოვნებლივ მიმართვა.

უკუჩვენება
პრეპარატის გამოყენება არ შეიძლება ჰიპერმგრძნობელობისას ბრომჰექსინის ან პრეპარატის სხვა კომპონენტების მიმართ.
მოქმედი ნივთიერების დიდი რაოდენობით შემცველობის გამო პრეპარატის გამოყენება 6 წლამდე ასაკის ბავშვებში არ შეიძლება.
მხოლოდ ექიმთან კონსულტაციის შემდეგ და განსაკუთრებული სიფრთხილით გამოიყენება შემდეგ შემთხვევებში: კუჭისა და წვრილი ნაწლავის წყლული; ბრონქების ზოგიერთი იშვიათი დაავადება, რომლებსაც ახლავს ჭარბი სეკრეტის დაგროვება (მაგალითად, წამწამების ავთვისებიანი სინდრომი), სეკრეტის შეგუბების საშიშროების გამო; თირკმელების ფუნქციის დაქვეითება ან ღვიძლის მძიმე დაავადება. ამ შემთხვევებში მცირდება ინტერვალები ბრომჰექსინის მიღებათა შორის ან მცირდება დოზა.

ორსულობა და ლაქტაცია
ვინაიდან ორსულებში ბრომჰექსინის გამოყენების გამოცდილება დღემდე არ არსებობს, ბრომჰექსინის გამოყენება შეიძლება მხოლოდ მას, შემდეგ, როდესაც ექიმი შეაფასებს პრეპარატის გამოყენებით გამოწვეულ შესაძლო რისკსა და სარგებელს. მოქმედი ნივთიერება გადადის დედის რძეში. ამიტომ პრეპარატის გამოყენება ლაქტაციის პერიოდში არ შეიძლება.

განსაკუთრებული მითითებები
პრეპარატის ვარგისიანობის ვადის გასვლის თარიღი მითითებულია დასაკეც მუყაოს კოლოფზე და ფოლგაზე. შეფუთვაზე მითითებული ვარგისიანობის ვადის გასვლის შემდეგ პრეპარატის გამოყენება არ შეიძლება.
თირკმელების ფუნქციის მძიმე დარღვევებისას გასათვალისწინებელია ღვიძლში წარმოქმნილი ბრომჰექსინის დაშლის პროდუქტების დაგროვების შესაძლებლობა. კერძოდ, უფრო ხანგრძლივი გამოყენებისას საჭიროა ღვიძლის ფუქნციის პერიოდული კონტროლი.

ჭარბი დოზირება
ჭარბი დოზის მიღების შემთხვევაში, როგორც წესი, გვერდითი მოქმედებები საშიში არ არის. მძიმე სიმპტომატიკის გამოვლინების დროს შესაძლებელია საჭირო გახდეს სისხლის მიმოქცევის კონტროლი და, ზოგიერთ შემთხვევაში, მკურნალობა სიმპტომატურია.
თუ პატარა ბავშვმა ბრომჰექსინი 8 ბერლინ-ჰემი დიდი რაოდენობით მიიღო, აუცილებელია ექიმთან მიმართვა.

სხვა წამლებთან ურთიერთქმედება
ერთდროულმა გამოყენებამ ხველის საწინააღმდეგო სამკურნალო საშუალებებთან მათ მიერ ხველის რეფლექსის დათრგუნვის გამო შეიძლება გამოიწვიოს სეკრეტის შეგუბება, რომელიც საშიშროებას წარმოადგენს. ამიტომ ასეთი კომბინირებული მკურნალობის ჩატარება შეიძლება მხოლოდ განსაკუთრებული სიფრთხილის დაცვით. კუჭ-ნაწლავის ტრაქტის გამაღიზიანებელ სამკურნალო საშუალებებთან კომბინირებისას შესაძლებელია კუჭის ლორწოვანი გარსის გაღიზიანება.
ანტიბიოტიკების (ბაქტერიების საწინააღმდეგო სამკურნალო საშუალებები) ერთდროულად დანიშვნისას ისინი ადვილად გადადიან ფილტვის ქსოვილში.

შენახვის პირობები და ვადები
ინახება ბავშვებისათვის მიუწვომელ ადგილას, 15-30°C ტემპერატურაზე.

აფთიაქში გაცემის წესი
ურეცეპტოდ.

მწარმოებელი ფირმა, ქვეყანა - გერმანია
BERLIN-CHEMIE AG