საერთაშორისო დასახელება - ქოლეკალციფეროლი
შემადგენლობა:
1 მლ ხსნარი (დაახლოებით 25 წვეთი) შეიცავს:
აქტიური ნივთიერება:
ქოლეკალციფეროლი - 10 000 სე.

დამხმარე ნივთიერებები:
წყალი, შაქარი, პოლიეთილენგლიკოლი, პოლიოქსიეთილენსორბიტი, კალიუმის სორბატი, ნატრიუმის კარბოქსიმეთილცელულოზა

ფარმაკოლოგიური ჯგუფი:
კალციუმისა და ფოსფორის ცვლის მარეგულირებელი საშუალება.

ჩვენებები:
ვიტამინ D-ს დეფიციტის პროფილაქტიკა და მკურნალობა;
რაქიტისა და რაქიტისმაგვარი დაავადებების პროფილაქტიკა და მკურნალობა;
ჰიპოკალცემიური ტეტანიის პროფილაქტიკა და მკურნალობა;
ოსტეომალაციის პროფილაქტიკა და მკურნალობა;
მეტაბოლური ოსტეოპათიების (ჰიპოპარათირეოზი და ფსევდოჰიპოპარათირეოზი) პროფილაქტიკა და მკურნალობა;
ძვალ-სახსროვანი სისტემის დაავადებების პროფილაქტიკა და მკურნალობა
მალაბსორბცია
ლაქტოზის აუტანლობა

მიღების წესი და დოზირება:
1 წვეთი შეიცავს 400 სე ვიტამინ D3-ს *%DV 100% (*DV(Daily Value)- ყოველდღიური ღირებულება).

პროფილაქტიკის მიზნით:
დროულ ახალშობილებში 3-4 კვირის ასაკიდან 2-3 წლამდე, სწორი მოვლისას და სუფთა ჰაერზე საკმარისი დროით ყოფნისას, პრეპარატი ინიშნება დოზით, 1-2 წვეთი დღე- ღამეში
დღენაკლულ ბავშვებში 7-10 დღის ასაკიდან, ტყუპებში და ბავშვებში, რომლებიც ცხოვრობენ არასასურველ პირობებში, ინიშნება 2-3 წვეთი დღე-ღამეში.
ზაფხულის პერიოდში შესაძლებელია დოზის შემცირება 1 წვეთამდე დღე-ღამეში.
ორსულობის დროს, ყოველდღიურად 1 წვეთი დღე-ღამეში, მთელი ორსულობის პერიოდში ან 2 წვეთი დღე-ღამეში ორსულობის 28 კვირიდან.
თერაპიული დოზები

რაქიტისას პრეპარატი ინიშნება ყოველდღიურად, დოზით 5-10 წვეთი დღე-ღამეში, 4-6 კვირის განმავლობაში, რაქიტის სიმძიმის ხარისხიდან (I, II ან III) და დაავადების მიმდინარეობიდან გამომდინარე. ამ დროს საჭიროა პაციენტის კლინიკური მდგომარეობის და ბიოქიმიური მაჩვნებლების (კალციუმის, ფოსფორის დონე, ტუტე ფოსფატაზას აქტივობა სისხლში და შარდში) კონტროლი. საწყისი დოზა შეადგენს 5 წვეთს დღე-ღამეში, 3-5 დღის განმავლობაში. შემდგომ კარგი ამტანობისას, დოზას ზრდიან ინდივიდუალურ სამკურნალო (ჩვეულებრივ, 7 წვეთი დღე-ღამეში) დოზამდე. 10 წვეთი დღე-ღამეში ინიშნება მხოლოდ გამოხატული ძვლოვანი ცვლილებებისას. საჭიროებისას, ერთკვირიანი შესვენების შემდეგ, შესაძლებელია მკურნალობის კურსის გამეორება. მკურნალობა უნდა გაგრძელდეს მკვეთრი ეფექტის მიღებამდე, შემდგომში პროფილაქტიკურ დოზაზე გადასვლით, 1-3 წვეთი დღე-ღამეში.
რაქიტისმაგვარი დაავადებების მკურნალობისას ინიშნება 50-70 წვეთი დღე-ღამეში, ასაკის, სხეულის მასის და დაავადების სიმძიმის შესაბამისად, სისხლის ბიოქიმიური მაჩვენებლების და შარდის ანალიზის კონტროლის ქვეშ. მკურნალობის კურსი: 4-6 კვირა.

გვერდითი მოვლენები:
იშვიათად, ვიტამინ D-ს მიმართ მომატებული მგრძნობელობის ან ხანგრძლივი დროის განმავლობაში მაღალი დოზებით გამოყენებისას, შესაძლებელია განვითარდეს ჰიპერვიტამინოზი.

უკუჩვენება:
-მომატებული მგრძნობელობა ვიტამინ D3-ის მიმართ;
- D ჰიპერვიტამინოზი;
-სისხლში და შარდში კალციუმის დონის მომატება;
-თირკმლის უკმარისობა.
სიფრთხილით გამოიყენება ჩვილებში ყიფლიბანდის ადრეული შეხორცებისადმი მიდრეკილებისას (როდესაც დაბადებიდან დადგენილია წინა თხემის მცირე ზომები).

გამოყენება ორსულობის და ლაქტაციის პერიოდში:
ორსულობისას სანდესპრის მაღალი დოზების გამოყენება არ არის მიზანშეწონილი, დოზის გადაჭარბების შემთხვევაში შესაძლო ტერატოგენული მოქმედების გამოვლენის გამო.

სანდესპრი სიფრთხილით უნდა დაინიშნოს ლაქტაციის პერიოდში, რადგან მეძუძურ დედებში პრეპარატის მაღალი დოზების გამოყენებისას, შესაძლებელია ბვშვებში დოზის გადაჭარბების სიმპტომების გამოვლენა.

დოზის გადაჭარბება:
სიმპტომები: მადის დაქვეითება, გულისრევა, ღებინება, შეკრულობა, მოუსვენრობა, წყურვილი, პოლიურია, დიარეა, ნაწლავური კოლიკა. ხშირი სიმპტომებია: თავის, კუნთების და სახსრების ტკივილი, დეპრესია, ფსიქიკის დარღვევა, ატაქსია, სტუპორი, სხეულის მასის პროგრესული კლება. ვითარდება თირკმლის ფუნქციის დარღვევა ალბუმინურიით, ერითროციტურიით და პოლიურიით, კალიუმის მომატებული დაკარგვით, ჰიპოსთენურიით, ნიქტურიით და არტერიული წნევის მომატებით. მძიმე შემთხვევებში შესაძლებელია რქოვანა გარსის შემღვრევა, იშვიათად მხედველობის ნერვის დვრილის შეშუპება, ფერადი გარსის ანთება კატარაქტას განვითარებამდეც კი.

სანდესპრი ჯუნიორი

კალციუმისა და ფოსფორის ცვლის მარეგულირებელი საშუალება

საკვები დანამატი

შემადგენლობა:

1 მლ ხსნარი (დაახლოებით 25 წვეთი) შეიცავს: აქტიური ნივთიერებას - ქოლეკალციფეროლი (ვიტამინი D3) - 10 000 სე.

1 წვეთი შეიცავს 400 სე ვიტამინ D3.

დამხმარე ნივთიერებები: წყალი, შაქარი, პოლიეთილენგლიკოლი, პოლიოქსიეთილენსორბიტი, კალიუმის სორბატი, ნატრიუმის კარბოქსიმეთილცელულოზა

რატომ უნდა მივიღოთ ვიტამინი D3?

ვიტამინი D3 წარმოადგენს ანტირაქიტულ ფაქტორს. იგი განსაზღვრავს ორგანიზმში კალციუმისა და ფოსფორის ცვლის რეგულაციას, რაც ხელს უწყობს ჩონჩხის მინერალიზაციას და ზრდის პროცესს. ვიტამინი D ცხიმში ხსნადი ვიტამინია. მისი დეფიციტი ბევრად უფრო საზიანოა ორგანიზმისთვის, ვიდრე ნებისმიერი სხვა ვიტამინის. ვიტამინი D წარმოიქმნება კანში, ულტრაიისფერი სხივების ზემოქმედების შედეგად. ვიტამინი D 3 ვიტამინი D – ს ბუნებრივი ფორმაა და ვიტამინ D2-თან შედარებით ხასიათდება 25%-ით უფრო მეტი აქტივობით.

ვიტამინი D 3 კალციუმისა და ფოსფორის ცვლის რეგულატორია, იგი აძლიერებს მათ შეწოვასა და მინერალური მარილების ტრანსპორტს.
ვიტამინი D 3 აქტიური ანტირაქიტული ფაქტორია, იგი ხელს უწყობს ბავშვებში ძვლოვანი ჩონჩხისა და კბილების ფორმირებას, ძვლების სტრუქტურების შენარჩუნებას.
ვიტამინი D3 აუცილებელია ფარისებრახლო ჯირკვლების ნორმალური ფუნქციონირებისათვის.
ვიტამინი D3 მონაწილეობს იმუნური სისტემის ფუნქციონირებაში.
საკვებში ვიტამინ D-ს ნაკლებობა, მისი შეწოვის დარღვევა, კალციუმის დეფიციტი, ასევე ბავშვის სწრაფი ზრდის პერიოდში მზეზე არასაკმარისად ყოფნა, იწვევს რაქიტს,

ჩვენებები:

•ვიტამინ D-ს დეფიციტის პროფილაქტიკა
•რაქიტისა და რაქიტისმაგვარი დაავადებების პროფილაქტიკა
•ძვალ-სახსროვანი სისტემის დაავადებებისპროფილაქტკა
•მალაბსორბცია
•ლაქტოზის აუტანლობა

მიღების წესი და დოზირება:

1 წვეთი შეიცავს 400 სე ვიტამინ D3-ს *%DV 100% (*DV(Daily Value)- ყოველდღიური ღირებულება)

ახალშობილებში 3-4 კვირის ასაკიდან 2-3 წლამდე, 1-2 წვეთი დღე-ღამეში
დღენაკლულ ბავშვებში 7-10 დღის ასაკიდან, 2-3 წვეთი დღე-ღამეში.
ზაფხულის პერიოდში შესაძლებელია დოზის შემცირება 1 წვეთამდე დღე-ღამეში.

მიღების ხანგრძლივობა ექიმის რეკომენდაციით.

გვერდითი მოვლენები:

იშვიათად, ვიტამინ D-ს მიმართ მომატებული მგრძნობელობის ან ხანგრძლივი დროის განმავლობაში მაღალი დოზებით გამოყენებისას, შესაძლებელია განვითარდეს ჰიპერვიტამინოზი.

დოზის გადაჭარბება: სიმპტომები: მადის დაქვეითება, გულისრევა, ღებინება, შეკრულობა, მოუსვენრობა, წყურვილი, დიარეა, ნაწლავური კოლიკა, სხეულის მასის პროგრესული კლება.

ორსულობა და ლაქტაციის პერიოდი: სანდესპრი ჯუნიორი სიფრთხილით უნდა დაინიშნოს ორსულობისა და ლაქტაციის პერიოდში, ექიმის მეთვალყურეობის ქვეშ.

შენახვის პირობები:

შეინახეთ ბავშვებისგან და მზის სხივების პირდაპირი ზემოქმედებისაგან დაცულ, გრილ და მშრალ ადგილას, მჭიდროდ დახურული სარქველით.

**გამოშვების ფორმა: **20 მლ წვეთები, მარწყვის არომატით.