იბუპროფენი ნორმონი 20 მგ/მლ შიგნით მისაღები სუსპენზია EFG

პრეპარატის გამოყენებამდე საჭიროა ინსტრუქციის ყურადღებით წაკითხვა, ვინაიდან ის შეიცავს პაციენტისთვის მნიშვნელოვან ინფორმაციას

- საჭიროა ინსტრუქციის შენახვა. შესაძლოა წარმოიშვას მისი ხელახალი გაცნობის აუცილებლობა.

- დამატებითი კითხვების არსებობისას, უნდა მიემართოს მკურნალ ექიმს ან ფარმაცევტს.

- აღნიშნული პრეპარატი განკუთვნილია მხოლოდ პაციენტისთვის. სიმპტომების მსგავსების მიუხედავად, არ შეიძლება მისი გადაცემა სხვებისთვის. ეს შესაძლოა საზიანო აღმოჩნდეს მათი ჯანმრთელობისათვის.

- თუ გამოვლინდა რომელიმე გვერდითი ეფექტი, უნდა მიემართოს ექიმს ან ფარმაცევტს. მათ შორის იგულისხმება ყველა შესაძლო გვერდითი ეფექტი, რომელიც არ არის აღნიშნულ ინსტრუქციაში მითითებული.

ინსტრუქციაში მოცემულია:

1. რას წარმოადგენს იბუპროფენი ნორმონი და რისთვის გამოიყენება იგი?

2. რა უნდა იცოდეს პაციენტმა იბუპროფენი ნორმონის მიღებამდე?

**3. იბუპროფენი ნორმონის მიღების წესი **

4. შესაძლო გვერდითი მოვლენები

5. იბუპროფენი ნორმონის შენახვის წესი

6. შეფუთვის შემადგენლობა და დამატებითი ინფორმაცია

**

1. რას წარმოადგენს იბუპროფენი ნორმონი და რისთვის გამოიყენება იგი?**

იბუპროფენი ნორმონი მიეკუთვნება არასტეროიდული ანთების საწინააღმდეგო საშუალებების (აასს) ჯგუფს.

ეს მედიკამენტი ნაჩვენებია ცხელებისა და მსუბუქი ან საშუალო სიმძიმის ტკივილის სამკურნალოდ.

2. რა უნდა იცოდეს პაციენტმა იბუპროფენი ნორმონის მიღებამდე?

იბუპროფენი ნორმონი არ მიიღება, თუ:

- პაციენტი ალერგიულია (ჰიპერმგრძნობიარე) იბუპროფენის, სხვა არასტეროიდული ანთების საწინააღმდეგო საშუალების (აასს), (აცეტილსალიცილის მჟავა, ნაპროქსენი და ა.შ.) ან პრეპარატის შემადგენელი ნებისმიერი ინგრედიენტის მიმართ. რეაქციები, რომლებიც მიუთითებს ამ ალერგიას შეიძლება მოიცავდეს: კანის ქავანა გამონაყარი, ტუჩების, სახის ან ენის შეშუპება, ცხვირიდან გამონადენი, ასთმა ან სუნთქვის გაძნელება.

- პაციენტს აქვს წყლული, კუჭიდან ან 12-გოჯა ნაწლავიდან სისხლდენა, ან წარსულში ჰქონდა კუჭ-ნაწლავის ტრაქტის პერფორაცია.

- პაციენტს აქვს სისხლიანი პირღებინება

- პაციენტს აქვს დიარეა სისხლის მინარევით განავალში ან შავი განავლოვანი მასებით.

- პაციენტს აქვს მძიმე ჰეპატიტის ან თირკმლის დაავადება

- პაციენტს აქვს სისხლის შედედების ან სისხლმდენი დაავადება ან ღებულობს ანტიკოაგულანტებს (სისხლის გამათხელებელი მედიკამენტები). თუ პაციენტს ესაჭიროება ანტიკოაგულანტების მიღება იმავდროულად, ექიმის მიერ მოხდება სისხლის შედედების მონიტორინგისთვის გარკვეული ანალიზების დაგეგმვა.

- თუ პაციენტს აქვს მძიმე გულის უკმარისობა.

- ორსულობის ბოლო სამი თვე

სპეციალური სიფრთხილის ზომები:

უნდა ეთქვას ექიმს:

- თუ პაციენტს ჰქონდა ან განუვითარდა წყლული, სისხლდენა ან კუჭის/თორმეტგოჯა ნაწლავის პერფორაცია, რაც იწვევს მუდმივი ხასიათის მუცლის ტკივილს და/ან შავი ფერის განავლოვანი მასების გაჩენას ან არ ახლავს საგანგაშო სიმპტომები.

- რაც უფრო მაღალია დოზა და ხანგრძლივი მკურნალობა, მით უფრო მაღალია რისკი, განსაკუთრებით პაციენტებში პეპტიური წყლულის ანამნეზით ან მოხუცებულებში. ამ შემთხვევებში ექიმის მიერ განიხილება კუჭის დამცავი პრეპარატების ერთდროული ჩართვა მკურნალობაში.

- თუ პაციენტს აქვს შეშუპება (სითხის შეკავება).

- თუ პაციენტს აქვს ასთმა ან რაიმე სხვა სუნთქვის პრობლემა.

- თუ პაციენტს აქვს ან ჰქონდა გულის დაავადება ან მაღალი არტერიული წნევა.

- თუ პაციენტს აქვს ღვიძლის ან თირკმლის დაავადება, არის 60 წელს ზემოთ ასაკის ან ესაჭიროება ამ მედიკამენტის მიღება ხანგრძლივი პერიოდის განმავლობაში (1-2 კვირა), ექიმის მიერ შეიძლება საჭირო გახდეს რამოდენიმე ანალიზის რეგულარული ჩატარება პაციენტის მდგომარეობის მონიტორინგისთვის. ექიმის მიერ პაციენტს მიეცემა რჩევა საკონტროლო მონიტორინგის რეგულარობის შესახებ.

- თუ პაციენტს აქვს დეჰიდრატაციის სიმპტომები, მაგალითად აღენიშნება ძლიერი დიარეა ან აღებინებს, უნდა მოხდეს დიდი რაოდენობით სითხის მიღება და დაუყოვნებლივ ექიმთან დაკავშირება, ვინაიდან ამ სპეციფიკურ შემთხვევაში იბუპროფენმა შეიძლება გამოიწვიოს დეჰიდრატაციის მეორადად თირკმლის დაზიანება.

- თუ პაციენტს პარალელურად დაენიშნა რომელიმე ისეთი მედიკამენტი, რომელიც გავლენას ახდენს სისხლის შედედებაზე, როგორიცაა შიგნით მისაღები ანტიკოაგულანტები ან თრომბოციტების აგრეგაციის საწინააღმდეგო პრეპარატები, მსგავსი აცეტილსალიცილის მჟავასი. პაციენტმა უნდა უთხრას მკურნალ ექიმს ნებისმიერი სხვა მედიკამენტის შესახებ რომელსაც ის ღებულობს და რომელმაც შეიძლება გაზარდოს სისხლდენის რისკი, მაგალითად კორტიკოსტეროიდები და სელექციური სეროტონინის უკუმიტაცების ინჰიბიტორი ანტიდეპრესანტები.

- თუ პაციენტს აქვს კრონის დაავადება ან წყლულოვანი კოლიტი, ვინაიდან იბუპროფენის მსგავსმა მედიკამენტებმა შეიძლება გააუარესონ ამ დაავადებების მიმდინარეობა.

- თუ პაციენტი გადის მკურნალობის კურსს შარდმდენებით (მედიკამენტები, რომლებიც ზრდიან შარდის გამოყოფას), ვინაიდან ექიმის მიერ უნდა მოხდეს თირკმლის ფუნქციის მონიტორინგი.

- თუ პაციენტს აქვს სისტემური წითელი მგლურა (ქრონიკული დაავადება, რომელიც აზიანებს იმუნურ სისტემას და მრავლობით სასიცოცხლო ორგანოებს, ნერვულ სისტემას, სისხლძარღვებს, კანსა და სახსრებს), ვინაიდან არსებობს ასეპტიკური მენინგიტის განვითარების ალბათობა.

- თუ პაციენტს აქვს მწვავე ხანგამოშვებითი პორფირია (მეტაბოლური დაავადება, რომელიც გავლენას ახდენს სისხლზე და იწვევს ისეთი სიმპტომების განვითარებას, როგორიცაა შარდის გაწითლება, სისხლი შარდში ან ღვიძლის დაავადება), რის გამოც უნდა შეფასდეს იბუპროფენით მკურნალობის შესაძლებლობა.

- თუ პაციენტი მკურნალობს იბუპროფენით, გამომდინარე იქიდან, რომ იბუპროფენს შეუძლია შენეღბოს ცხელება, რომელიც წარმოადგენს ინფექციის მნიშვნელოვან სიმპტომს, შესაძლოა შეაფერხოს სწორი დიაგნოზის დასმა.

- თუ პაციენტს აქვს თავის ტკივილები ხანგრძლივი მკურნალობის შემდეგ, არ უნდა მოხდეს ამ სამედიცინო პროდუქტის მაღალი დოზებით გამოყენება.

- შესაძლოა განვითარდეს ალერგიული რეაქციები ამ პრეპარატის მიმართ.

- პაციენტი შესაძლოა განსაკუთრებით მკაცრად გაკონტროლდეს ექიმის მიერ დიდი ქირურგიული ჩარევის შემდგომ იბუპროფენის მიღებისას.

- არ უნდა მოხდეს ამ პრეპარატის მიღება ჩუტყვავილას დროს.

- მნიშვნელოვანია მინიმალური დოზის მიღება ტკივილის კონტროლისათვის/მოხსნისთვის; ეს მედიკამენტი არ უნდა იქნეს მიღებული იმაზე მეტი ხანგრძლივობით, რაც საჭიროა სიმპტომების საკონტროლოდ.

**გაფრთხილებები გულ-სისხლძარღვთა სისტემის შესახებ **

მედიკამენტები, როგორიცაა იბუპროფენი, შეიძლება დაკავშირებული იყოს მცირედ მომატებულ გულის შეტევის (“მიოკარდიუმის ინფარქტი”) ან ინსულტის განვითარების რისკთან. რისკი განსაკუთრებით მაღალია პრეპარატის დიდი დოზებით და ხანგრძლივი პერიოდით მიღებისას. არ უნდა მოხდეს რეკომენდებულ დოზას ან მკურნალობის ხანგრძლივობას გადაჭარბება.

თუ პაციენტს აქვს გულის პრობლემები, ინსულტის ანამნეზი ან ფიქრობს, რომ შეიძლება იყოს ამ დაავადებების რისკის ქვეშ (მაგ. თუ აქვს მაღალი არტერიული წნევა, დიაბეტი, მაღალი ქოლესტერინი ან მწეველია), უნდა მიმართოს ექიმს ან ფარმაცევტს მკურნალობის განსახილველად.

ამ ტიპის მედიკამენტმა შეიძლება ასევე გამოიწვიოს სითხის შეკავება, განსაკუთრებით პაციენტებში გულის უკმარისობით და/ან მაღალი არტერიული წნევით (ჰიპერტენზია).

გაფრთხილებები ორსულობისა და ნაყოფიერების შესახებ:

ისეთი მედიკამენტების მიღება, როგორიცაა იბუპროფენი, დაკავშირებული იყო აბორტების/თანდაყოლილი პათოლოგიების მომატებულ რისკთან, აქედან გამომდინარე, ეს მედიკამენტი არ არის რეკომენდებული ორსულობის პირველ და მეორე ტრიმესტრში, თუ არ არის ამისთვის განსაზღვრული აუცილებლობა. ამ შემთხვევაში, დოზა და მკურნალობის ხანგრძლივობა უნდა იყოს შეძლებისდაგვარად მცირე.

მესამე ტრიმესტრში იბუპროფენის მიღება უკუნაჩვენებია.

რეპროდუქციული ასაკის ქალები უნდა იყვნენ გაფრთხილებული იმის შესახებ, რომ იბუპროფენის მსგავსი მედიკამენტების მიღება დაკავშირებულია დაორსულების დაქვეითებულ შესაძლებლობასთან.

იბუპროფენი ნორმონის მიღება სხვა პრეპარატებთან ერთად:

უნდა ეთქვას ექიმს ან ფარმაცევტს თუ პაციენტი იღებს ან ბოლო დროს იღებდა ნებისმიერ, მათ შორის რეცეპტის გარეშე ხელმისაწვდომ მედიკამენტებს.

მედიკამენტები, რომლებიც ჩამოთვლილია ქვემოთ, შეიძლება ურთიერთქმედებდნენ, აქედან გამომდინარე არ უნდა იყოს დანიშნული იბუპროფენთან კომბინაციაში სამედიცინო რჩევის გარეშე:

- ანტიკოაგულანტები (როგორიცაა აცეტილსალიცილის მჟავა, ვარფარინი, ტიკლოპიდინი).

- მაღალი არტერიული წნევის სამკურნალო პრეპარატები (აგფ ინჰიბიტორები, მაგ. კაპტოპრილი, ბეტა-ბლოკატორები, ანგიოტენზინ II ანტაგონისტები).

- კორტიკოსტეროიდები, როგორიცაა კორტიზონი და პრედნიზოლონი.

- სელექციური სეროტონინის უკუმიტაცების ანტაკონისტი ანტიდეპრესანტები (გამოიყენება დეპრესიის სამკურნალოდ).

- ლითიუმი (მედიკამენტი, რომელიც გამოიყენება დეპრესიის სამკურნალოდ). ექიმის მიერ შესაძლოა მოხდეს ამ მედიკამენტის დოზის კორექცია.

- მეთოტრექსატი (სიმსივნის ან ანთებითი დაავადების სამკურნალოდ). ექიმის მიერ მოხდება ამ სამედიცინო პროდუქტის დოზის კორექცია.

- მიფეპრისტონი (ორსულობის შესაწყვეტად)

- დიგოქსინი და საგულე გლიკოზიდები (გამოიყენება გულის დაავადებების სამკურნალოდ).

- ჰიდანტოინი, როგორიცაა ფენიტოინი (ეპილეფსიის სამკურნალოდ)

- სულფონამიდები, როგორიცაა სულფამეთოქსაზოლი და კოტრიმოქსაზოლი (გამოიყენება ზოგიერთი ბაქტერიული ინფექციის სამკურნალოდ).

- შარდმდენები (მედიკამენტები, რომლებიც ზრდიან შარდის გამოყოფას).

- პენტოქსიფილინი (გამოიყენება ხანგამოშვებითი კოჭლობის სამკურნალოდ).

- პრობენეციდი (პოდაგრის ან პენიცილინთან კომბინაციაში ინფექციების სამკურნალოდ).

- ქინოლონების კლასის ანტიბიოტიკები, როგორიცაა ნორფლოქსაცინი

- სულფინპირაზონი (პოდაგრის სამკურნალოდ)

- სულფონილურეა, როგორიცაა ტოლბუტამიდი (დიაბეტის სამკურნალოდ).

- ტაკროლიმუსი ან ციკლოსპორინი (ტრანსპლანტატის მოცილების პრევენციისთვის).

- თრომბოლიტიკები (მედიკამენტები, რომლებიც შლიან თრომბს)

- ზიდოვუდინი (ანტიბირუსული საშუალება შიდსის სამკურნალოდ).

- ამინოგლიკოზიდების ჯგუფის ანტიბიოტიკები, როგორიცაა ნეომიცინი

- მცენარეული ექსტრაქტები (გინგკო ბილობას ხე).

ურთიერთქმედება საანალიზო ტესტებზე

იბუპროფენის მიღებამ შესაძლოა შეცვალოს შემდეგი ლაბორატორიული ტესტები:

- სისხლდენის დრო (შესაძლოა გაგრძელდეს მკურნალობის შეწყვეტიდან 1 დღე).

- სისხლში გლუკოზის დონე (შეიძლება დააქვეითოს)

- კრეატინინის კლირენსი (შეიძლება დააქვეითოს)

- ჰემატოკრიტი ან ჰემოგლობინი (შეიძლება დააქვეითოს)

- სისხლის შარდმჟავას დონე, კრეატინინის ან კალიუმის მაჩვენებელი შრატში (შეიძლება დააქვეითოს).

- ღვიძლის ფუნქციურ ტესტებში: ტრანსამინაზების დონის მომატება.

უნდა მოხდეს ექიმთან დაკავშირება თუ პაციენტს უტარდება რაიმე სამედიცინო ტესტირება და ბოლო დროს მიღებული აქვს იბუპროფენი.

იბუპროფენი ნორმონი საკვებთან და სასმელთან ერთად:

რეკომენდებულია მისი მიღება რძესთან ან საკვებთან ერთად ან კვების შემდეგ დაუყოვნებლივ, რათა თავიდან იქნეს აცილებული შესაძლო კუჭის გაღიზიანება.

ორსულობა, ძუძუთი კვება და ნაყოფიერება:

ნებისმიერი მედიკამენტის მიღებამდე რჩევისათვის უნდა მიემართოს ექიმს.

იბუპროფენი არ მიიღება ორსულობის დროს, განსაკუთრებით მესამე ტრიმესტრში (იხ. ნაწილი გაფრთხილებები ორსულობისა და ნაყოფიერების შესახებ).

მიუხედავად იმისა, რომ იბუპროფენის მხოლოდ ძალიან მცირე ნაწილი ხვდება რძეში, მისი მიღება ხანგრძლივად არ არის რეკომენდებული. არ არის აუცილებელი ძუძუთი კვების შეწყვეტა ცხელებისა და ტკივილის ხანმოკლე მკურნალობის დროს რეკომენდებული დოზით.

აქედან გამომდინარე, უნდა ეთქვას ექიმს თუ პაციენტი ორსულადაა ან მეძუძური.

მანქანისა და სხვა მექანიზმების მართვა:

თუ მიიღება იბუპროფენის მხოლოდ ერთჯერადი დოზა, ან ხანმოკლე პერიოდით, არ არის საჭირო დამატებითი სიფრთხილის ზომების დაცვა.

თუ პაციენტს აღენიშნა გაბრუება, თავბრუსხვევა, მხედველობის დარღვევები ან სხვა სიმპტომები ამ მედიკამენტის მიღების პერიოდში, არ უნდა მოხდეს მანქანისა და სხვა საშიში მექანიზმების მართვა.

მნიშვნელოვანი ინფორმაცია იბუპროფენი ნორმონი შიგნით მისაღები სუსპენზიის შემადგენელი ზოგიერთი კომპონენტის შესახებ

ეს მედიკამენტი შეიცავს სუკროზას. თუ პაციენტს ექიმის მიერ ეთქვა, რომ მას აქვს რომელიმე შაქრის მიმართ აუტანლობა, ამ პრეპარატის მიღებამდე უნდა მოხდეს ექიმთან დაკავშირება.

ეს მედიკამენტი შეიძლება დაკავშირებული იყოს ალერგიული რეაქციების განვითარებასთან მასში მზის ჩასვლისფერი ყვითელის FჩF (E-110) შემცველობის გამო. შეიძლება გამოიწვიოს ასთმა, განსაკუთრებით აცეტილსალიცილის მჟავას მიმართ ალერგიულ პაციენტებში.

3. იბუპროფენი ნორმონის მიღების წესი

იბუპროფენი მიიღება ყოველთვის ზუსტად ექიმის დანიშნულების შესაბამისად. ეჭვის შემთხვევაში უნდა მოხდეს ექიმთან ან ფარმაცევტთან გადამოწმება.

ზუსტი დოზირებისთვის შეფუთვა შეიცავს შიგნით მისაღებ გრადუირებულ 5 მლ შპრიცს. გამოყენებამდე უნდა მოხდეს ბოთლის კარგად შენჯღრევა. უნდა მოხდეს შპრიცის დგუშზე მტკიცედ მორგება, ამოტრიალდეს ბოთლი. ჩამოიწიოს დგუში ქვემოთ სითხის იმ ნიშნულით შევსებამდე, რომელიც მითითებულია ექიმის მიერ. უნდა მოხდეს ბოთლის გასწორება და შპრიცის მოცილება.

შპრიცი უნდა გამოიყოს, გაირეცხოს და გამშრალდეს და შესაძლებელია მისი წყალში გამოხარშვის ან ბავშვის ბოთლების სტერილურ ხსნარში მოთავსების გზით გასტერილება.

იბუპროფენით მკურნალობის ხანგრძლივობა განისაზღვრება ექიმის მიერ. არ უნდა მოხდეს მკურნალობის შეწყვეტა სანამ ამის შესახებ არ იტყვის ექიმი, ვინაიდან წინააღმდეგ შემთხვევაში შეიძლება სასურველი შედეგი არ იქნეს მიღწეული. ამასთან, არ უნდა მოხდეს იბუპროფენის მიღება იმაზე ხანგრძლივად ვიდრე მითითებულია ექიმის მიერ.

პაციენტები, რომელთაც აღენიშნებათ კუჭის გაღიზიანება, ეს მედიკამენტი უნდა მიიღოს რძესთან და/ან საკვებთან ერთად.

**ბავშვები: **

იბუპროფენის დოზა უნდა შეირჩეს ბავშვის ასაკისა და წონის მიხედვით. ზოგადად რეკომენდებული დოზაა 20-დან 30 მგ-მდე სხეულის მასის კგ-ზე დაანგარიშებით, გაყოფილი სამ ან ოთხ ერთჯერადად მისაღებად. რეკომენდებულია არ მოხდეს დღიური მაქსიმალური იბუპროფენის დოზას გადაჭარბება, რაც შეადგენს 40 მგ-ს სხეულის მასის კგ-ზე.

ამ პრეპარატების გამოყენება 3 თვემდე ასაკის ბავშვებში არ არის რეკომენდებული.

დოზათაშორის ინტერვალი დამოკიდებულია სიმპტომების განვითარებაზე, მაგრამ არასდროს უნდა იყოს 4 საათზე ნაკლები.

მიუხედავად ამისა, რეკომენდებულია გზამკვლევი შემდეგი დოზირების სქემის მიხედვით:

ასაკი | სხეულის წონა | დოზირება
---|---|---
ბავშვები 3-დან 6 თვემდე | დაახლოებით 5 კგ-დან 7,6 კგ-მდე | 2.5 მლ 3-ჯერ დღეში (რაც შეესაბამება 150 მგ იბუპროფენს დღეში)
ბავშვები 6-დან 12 თვემდე | დაახლოებით 7,7 კგ-დან 9 კმ-მდე |
2.5 მლ 3-4-ჯერ დღეში (რაც შეესაბამება 150-200 მგ იბუპროფენს დღეში)
ბავშვები 1-დან 3 წლამდე | დაახლოებით 10 კგ-დან 15 კგ-მდე | 5 მლ 3-4-ჯერ დღეში (რაც შეესაბამება 300-400 მგ იბუპროფენს დღეში)
ბავშვები 4-დან 6 წლამდე | დაახლოებით 16 კგ-დან 20 კგ-მდე | 7,5 მლ 3-4-ჯერ დღეში (რაც შეესაბამება 450-600 მგ იბუპროფენს დღეში)
ბავშვები 7-დან 9 წლამდე | დაახლოებით 21 კგ-დან 29 კგ-მდე | 10.0 მლ 3-4-ჯერ დღეში (რაც შეესაბამება 600-800 მგ იბუპროფენს დღეში)
ბავშვები 10-დან12 წლამდე | დაახლოებით 30 კგ-დან 40 კგ-მდე | 15 მლ 3-4-ჯერ დღეში (რაც შეესაბამება 900-1,200 მგ იბუპროფენს დღეში)

მოზრდილები და 12 წელს ზემოთ მოზარდები:

იბუპროფენი შემცველობის გამო ამ პრეპარატში, რეკომენდებულია მისი გამოყენება სხვა ფორმის შეფუთვით უფრო მოსახერხებელი მკურნალობისთვის მოზრდილებსა და 12 წელს ზემოთ მოზარდებში.

პაციენტები თირკმლის და/ან ღვიძლის დაავადებებით:

თუ პაციენტს აღენიშნება თირკმლის და/ან ღვიძლის დაავადება, ექიმის მიერ მას დაენიშნება უმცირესი დოზა. თუ ასეა, პაციენტის მიერ უნდა მოხდეს ზუსტად ექიმის მიერ დანიშნული დოზის მიღება.

მოხუცებულთა პოპულაცია:

თუ პაციენტი 60 წელს ზემოთ ასაკისაა, ექიმის მიერ მას დაენიშნება ჩვეულებრივთან შედარებით მცირე დოზა. თუ ასეა პაციენტს შეუძლია დოზის გაზზრდა მხოლოდ იმ შემთხვევაში, როდესაც ექიმი გადაამოწმებს პაციენტის კარგ ამტანობას ამ პრეპარატის მიმართ.

მნიშვნელოვანია მინიმალური დოზის მიღება ტკივილის კონტროლისათვის/მოსახსნელად, და ეს მედიკამენტი არ უნდა იქნეს იმაზე მეტი ხანგრძლივობით გამოყენებული, ვიდრე საჭიროა სიმპტომების საკონტროლოდ.

უნდა მოხდეს ექიმთან დაკავშირება თუ პაციენტის სიმპტომები რჩება ან მდგომარეობა გაუარესდა მკურნალობის პერიოდში.

თუ პაციენტი გრძნობს, რომ ამ პრეპარატის ეფექტი ძალიან ძლიერია ან ძალიან სუსტი, უნდა მოხდეს ექიმთან ან ფარმაცევტთან დაკავშირება.

თუ პაციენტმა მიიღო იბუპროფენი ნორმონის დასაშვებზე მეტი რაოდენობა:

თუ პაციენტმა მიიღო დასაშვებზე მეტი რაოდენობით იბუპროფენი ან შემთხვევით გადაყლაპა ამ შეფუთვის შემცველობა, უნდა მოხდეს დაუყოვნებლივ მკურნალ ექიმთან ან ფარმაცევტთან დაკავშირება ან დაირეკოს ტოქსიკოლოგიის საინფორმაციო სამსახურში, მედიკამენტისა და გადაყლაპული რაოდენობის მითითებით. სამედიცინო პროვაიდერთან კონსულტაციისთვის რეკომენდებულია შეფუთვისა და გამოყენების ინსტრუქციის თან ქონა.

ჭარბი დოზირების მსუბუქი სიმპტომებია: მუცლის ტკივილი, გულისრევა, პირღებინება, ინდიფერენტული განწყობა, ძილიანობა, თავის ტკივილი, თვალის უნებლიე, სწრაფი მოძრაობები, ხმაური ყურებში და კუნთების კოორდინირებული მოძრაობის დარღვევა.

უფრო მძიმე სიმპტომები არ არის ხშირი: ნაწლავებიდან სისხლდენა, არტერიული წნევის ან სხეულის ტემპერატურის დაცემა, მეტაბოლური აციდოზი, გულყრები, თირკმლის ფუნქციის დარღვევა, კომა, სუნთქვითი დისტრესი მოზრდილებში და სუნთქვის გაჩერება ბავშვებში (დიდი რაოდენობით მიღებისას).

მძიმე ტოქსიკურობის შემთხვევაში ექიმის მიერ მოხდება სათანადო ზომების მიღება.

მნიშვნელოვნად დიდი დოზით პრეპარატის მიღების შემთხვევაში უნდა დაინიშნოს აქტივირებული ნახშირი. კუჭის ლავაჟი განიხილება დიდი რაოდენობით მიღების შემდგომ 60 წუთის განმავლობაში.

იბუპროფენი ნორმონის მიღების შესახებ დავიწყების შემთხვევაში:

არ უნდა მოხდეს გამოტოვებულის სანაცვლოდ გაორმაგებული დოზის მიღება.

დოზის დავიწყების შემთხვევაში უნდა მოხდეს მისი მიღება გახსენებისთანავე. თუმცა, თუ უკვე შემდეგი დოზის მიღების დროა, უნდა მოხდეს მისი გამოტოვება და მომდევნო დოზის მიღება ჩვეულ დროს.

4. შესაძლო გვერდითი მოვლენები

სხვა სამკურნალო საშუალებების მსგავსად, იბუპროფენის ასევე ახასიათებს გვერდითი მოვლენები, თუმცა ეს ყველას არ უვითარდება.

გვერდითი მოვლენები იბუროფენის მსგავსი მედიკამენტების მიღების ფონზე უფრო ხშირია 65 წელს ზემოთ ასაკის პაციენტებში.

გვერდითი ეფექტების განვითარების ალბათობა დაბალია ხანმოკლე მკურნალობის დროს და რეკომენდებულ მაქსიმალურ დღიურ დოზაზე ნაკლები დოზის მიღებისას.

აღწერილი გვერდითი ეფექტები ჩამოთვლილია შემდეგი სიხშირის მიხედვით: ძალიან ხშირი (სულ მცირე 1 პაციენტში 10-დან); ხშირი (სულ მცირე 1 პაციენტში 100-დან); არახშირი (სულ მცირე 1 პაციენტში 1,000-დან); იშვიათი (სულ მცირე 1 პაციენტში 10,000-დან); ძალიან იშვიათი (1 პაციენტზე ნაკლები შემთხვევა 10,000-დან).

აღწერილია შემდგომი გვერდითი მოვლენები:

ეფექტები კუჭ-ნაწლავის ტრაქტის მხრივ:

იბუპროფენთან დაკავშირებული ყველაზე ხშირი გვერდითი მოვლენებია: პეპტიკური წყლული, კუჭიდან სისხლდენა, პერფორაცია (ზოგჯერ ფატალური), განსაკუთრებით მოხუცებულებში. ასევე აღწერილია გულისრევა, პირღებინება, დიარეა, შებერილობა, ყაბზობა, გულძმარვა, მუცლის ტკივილი, სისხლის არსებობა განავალში, პირის ღრუს აფთები, წყლულოვანი კოლიტის გამწვავება და კრონის დაავადება (ქრონიკული დაავადება, რომლის დროსაც იმუნური სისტემა უტევს ნაწლავს და იწვევს ანთებას, რომელიც ჩვეულებრივ იწვევს სისხლიან დიარეას). ნაკლებად ხშირია გასტრიტის შემთხვევა.

სხვა გვერდითი ეფექტები: არახშირი: პირის ღრუს ლორწოვანის ანთება დაწყლულებით. იშვიათი: საყლაპავის ანთება, შევიწროვება (საყლაპავის სტენოზი), დივერტიკულური დაავადების, არასპეციფიკური ჰემორაგიული კოლიტის (გასტროენტერიტი სისხლიანი დიარეით) გამწვავება. ძალიან იშვიათი: პანკრეატიტი.

გულ-სისხლძარღვოვანი:

იბუპროფენის მსგავსი მედიკამენტების მიღება შესაძლა დაკავშირებული იყოს გულის შეტევის (“მიოკარდიუმის ინფარქტი”) ან ინსულტის განვითარების მცირედ მომატებულ რისკთან.

აღწერილია შეშუპება (სითხის შეკავება), მაღალი არტერიული წნევა და გულის უკმარისობა იბუპროფენით მკურნალობასთან დაკავშირებით.

გვერდითი ეფექტები კანის მხრივ:

იბუპროფენის მსგავსი მედიკამენტები ძალიან იშვიათად შეიძლება დაკავშირებული იყოს ნამდვილად სერიოზულ ბულოზურ რეაქციებთან, როგორიცაა სტივენ-ჯონსონის სინდრომი (ცალკეული წარმონაქმნები კანსა და ორ ან მეტ ლორწოვან გარსზე და მეწამული ფერის წარმონაქმნები, ჩვეულებრივ ტანზე) და ტოქსიკური ეპიდერმალური ნეკროლიზი (ლორწოვანის დაზიანება, მტკივნეული ნეკროზული წარმონაქმნები და ეპიდერმისის აშრევება). სხვა გვერდითი ეფექტები: ხშირი: კანის გამონაყარი. არახშირი: კანის სიწითლე, ქავილი ან შეშუპება, პურპურა (მეწამული ფერის ლაქები). ძალიან იშვიათი: თმის ცვენა, მრავლობითი ერითემა (კანის დაავადება), კანის რეაქცია სინათლის სხივის გამო, კანის სისხლძარღვების ანთება. გამონაკლის შემთხვევაში, სერიოზული კანის ინფექციაბი და რბილი ქსოვილების მხრივ გართულებები, რომელიც ვითარდება ჩუტყვავილას დროს.

გვერდითი ეფექტები იმუნური სისტემის მხრივ:

არახშირი: კანის, ლორწოვანი გარსებისა ან ლორწქვეშა ქსოვილის გარდამავალი შეშუპება (ანგიონევროზული შეშუპება), ცხვირის ლორწოვანის ანთება, ბრონქოსპაზმი (ბრონქული სპაზმი, რომელიც აფერხებს ფილტვებისკენ ჰაერის დინებას). იშვიათი: სერიოზული ალერგიული რეაქციები (ანაფილაქსიური შოკი). ზოგადი მძიმე მომატებული მგრძნობელობის რეაქციების სიმპტომები შესაძლოა იყოს სახის, ენის და ხახის შეშუპება, ბრონქოსპაზმი, ასთმა, ტაქიკარდია, ჰიპოტენზია ან შოკი. ძალიან იშვიათი: სახსრების ტკივილი და ცხელება (წითელი მგლურა).

ცენტრალური ნერვული სისტემა:

ხშირი: დაღლილობა ან ძილიანობა, თავის ტკივილი და თავბრუსხვევა, ან არასტაბილურობის შეგრძნება. იშვიათი: პარესთეზია (ძილიანობა, წიწკნის, ღიტინის, ჩხვლეტის და ა.შ. შეგრძნება უფრო ხშირად მტევნებზე, ტერფებზე, მკლავებსა და ფეხებზე). ძალიან იშვიათი: ასეპტიური მენინგიტი (მენინგეალური გარსების, თავისა და ზურგის ტვინის დამცავი გარსების ანთება, რომელიც არ არის გამოწვეული ბაქტერიით). აღწერილ ასეპტიური მენინგიტის შემთხვევებში პაციენტებს, რომლებიც ღებულობდნენ იბუპროფენს აღენიშნებოდა აუტოიმუნური დაავადება (როგორიცაა სისტემური წითელი მგლურა, ან სხვა კოლაგენური დაავადება) რაც წარმოადგენდა რისკ ფაქტორს. განვითარებული ასეპტიური მენინგიტის სიმპტომები, რაც აღწერილა, შემდეგია: კისრის დაჭიმულობა, თავის ტკივილი, გულისრევა, პირღებინება, ცხელება ან დეზორიენტაცია.

ფსიქიატრიული გვერდითი ეფექტები:

არახშირი: უძილობა, აგზნება, მოუსვენრობა. იშვიათი: დეზორიენტაცია ან კონფუზია, ნევროტულობა, გაღიზიანება, დეპრესია, ფსიქოზური რეაქციები.

სმენითი გვერდითი ეფექტები:

ხშირი: ვერტიგო. არახშირი: ყურებში ხმაური ან ვიზინგი. იშვიათი: სმენის დარღვევები.

მხედველობითი გვერდითი ეფექტები:

არახშირი: მხედველობის ცვლილებები. იშვიათი: პათოლოგიური ან გაბუნდოვნებული მხედველობა.

გვერდითი ეფექტები სისხლის მხრივ:

იშვიათი: თრომბოციტებისა და ლეიკოციტების დონის დაქვეითება (ეჭვის მიტანა შესაძლებელია ხშირი ინფექციებით, რომელიც მიმდინარეობს ცხელებით, შემცივნებით ან ყელის ტკივილით), ერითროციტების დონის დაქვეითება (სუნთქვის გაძნელება და კანის სიფერმკრთალე), გრანულოციტების დონის დაქვეითება (ლეიკოციტების ტიპი, განაპირობებს ინფექციების განვითარებისკენ მიდრეკილებას). პანციტოპენია (ერითროციტების, ლეიკოციტებისა და თრომბოციტების დეფიციტი), აგრანულოციტოზი (გრანულოციტების დონის ძლიერი დაქვეითება), აპლაზიური ანემია (ძვლის ტვინის უკმარისობა, რომელიც აწარმოებს სისხლის სამივე უჯრედს) ან ჰემოლიზური ანემია (ერითროციტების ნაადრევი დაშლა). პირველი სიმპტომებია: ცხელება, ყელის ტკივილი, ლორწოვანის ზედაპირული წყლულები, გრიპის მსგავსი სიმპტომები, ძლიერი გადაღლა, ცხვირიდან და კანიდან სისხლდენა. ძალიან იშვიათი: გახანგრძლივებული სისხლდენის დრო.

თირკმლისმიერი გვერდითი ეფექტები:

აასს-თან დაკავშირებული ზოგადი გამოცდილების მიხედვით არ არის გამორიცხული ინტერსტიციული ნეფრიტის (თირკმლის დაავადება), ნეფროზული სინდრომისა (ხასიათდება პროტეინურიითა და შეშუპებით) და თირკმლის უკმარისობის (ნორმალური თირკმლის ფუნქციის უეცარი უკმარისობა) განვითარება.

ღვიძლისმიერი გვერდითი ეფექტები:

იბუპროფენის მსგავსი მედიკამენტების მიღება ძალიან იშვიათად შესაძლოა დაკავშირებული იყოს ღვიძლის დაზიანებასთან. სხვა იშვიათი გვერდითი ეფექტებია: ჰეპატიტი (ღვიძლის ანთება), ღვიძლის ფუნქციის პათოლოგია და სიყვითლე (კანისა და თვალების ყვითელი პიგმენტაცია). უცნობი: ღვიძლის უკმარისობა (ღვიძლის ძლიერი დისფუნქცია).

ზოგადი:

**ინფექციების არსებობისას მდგომარეობის გაუარესება. **

აქამდე იბუპროფენის მიღების გამო არ დაფიქსირებულა სერიოზული ალერგიული რეაქციები, თუმცა არ უნდა იქნეს ამის შესახებ დავიწყებული. რეაქციების ეს ტიპი მოიცავს ცხელებას, კანის გამონაყარს, მუცლის ტკივილს, ინტენსიურ ან მუდმივი ხასიათის თავის ტკივილს, გულისრევას, პირღებინებას, სახის, ენისა და ყელის შეშუპებას; სუნთქვის გაძნელებას, ასთმას, გულის ფრიალს, ჰიპოტენზიას (დაბალი არტერიული წნევა) ან შოკს.

თუ პაციენტს აღენიშნა რომელიმე ჩამოთვლილი გვერდითი ეფექტი, უნდა მოხდეს მკურნალობის შეწყვეტა და დაუყოვნებლივ მიემართოს ექიმს:

- ალერგიული რეაქციები, როგორიცაა კანზე გამონაყარი, სახის შეშუპება, გულმკერდის ვიზინგი ან სუნთქვის გაძნელება.

- სისხლის ან ყავის ნალექის მსგავსი მასებით პირღებინება

- სისხლი განავალში ან სისხლიანი დიარეა.

- ინტენსიური კუჭის ტკივილი

- კანის ბულები ან მნიშვნელოვანი აქერცვლა.

- ინტენსიური ან მუდმივი ხასიათის თავის ტკივილი

- სიყვითლე (კანის ყვითელი პიგმენტაცია)

- სერიოზული მომატებული მგრძნობელობის (ალერგია) ნიშნები (იხ. ამავე ნაწილში ზემოთ).

- კიდურების შეშუპება ან სითხის შეკავება ხელებსა და ფეხებში.

თუ რომელიმე გვერდითი ეფექტი მიიღებს სერიოზულ სახეს, ან პაციენტმა შენიშნა რომელიმე გვერდითი ეფექტი, რომელიც არ არის აღნიშნულ ინსტრუქციაში მითითებული, უნდა მიემართოს ექიმს ან ფარმაცევტს.

5. იბუპროფენი ნორმონის შენახვის წესი:

ინახება ბავშვებისთვის მიუწვდომელ ადგილას.

ეს პრეპარატი არ ინახება კონტეინერზე მითითებული შენახვის ვადის გასვლის შემდეგ. მოქმედების ვადის დასასრულად ითვლება მოცემული თვის ბოლო დღე.

დაუშვებელია პრეპარატის გადაგდება სახლის ნაგავში ან საკანალიზაციო წყალში. გამოუყენებელი მედიკამენტები და კონტეინერები უნდა მოთავსდეს ნიშნის - შIGღE ქვეშ აფთიაქში. ეჭვის შემთხვევაში უნდა მიემართოს ფარმაცევტს გამოუყენებელი მედიკამენტის განადგურების საკითხის თაობაზე. აღნიშნული ღონისძიებები ემსახურება გარემოს დაცვას.

6. შეფუთვის შემადგენლობა და დამატებითი ინფორმაცია

იბუპროფენი ნორმონი 20 მგ/მლ შიგნით მისაღები სუსპენზია:

- აქტიური ნივთიერებაა იბუპროფენი. სუსპენზიის თითოეული მლ შეიცავს 20 მგ იბუპროფენს.

- დამხმარე ნივთიერებები: ქსანთანის წებო, ჰიპრომელოზა, ნატრიუმის ბენზოატი (E-211), უწყლო ლიმონმჟავა, სუკროზა, გლიცეროლი (E-422), მზის ჩასვლისფერი ყვითელი FჩF (E-110), ატმის არომატიც და გამოხდილი წყალი.

გარეგნული სახე და შეფუთვა:

ფორთოხლისფერ შიგნით მისაღებ სუსპენზიას აქვს ატმის სუნი და არომატი.

200 მლ შიგნით მისაღები სუსპენზია ბოთლში. შეფუთვაშია 5 მლ მილილიტრებით გრადუირებული შიგნით მისაღები შპრიცი და გამოყენების ინსტრუქცია.