პარასამკურნალო საშუალების გამოყენების ინსტრუქცია

კატაბალახას ფესვები და ფესურები

RHIZOMATA CUM RADICIBUS VALERIANAE

წამლის ფორმა: კატაბალახას ფესურა ფესვებით.

შემადგენლობა: კატაბალახას ფესურა ფესვებით შეიცავს ეთეროვან ზეთებს, მათ შორის მთავარია ბორნეოლისა და იზოვალერიანის მჟავას რთული ეთერი, თავისუფალი ვალერიანის მჟავა, შეიცავს ალკალოიდებს, მთრიმლავი ნივთიერებებს და სხვა ბიოლოგიურად აქტიურ ნივთიერებებს.

ფარმაკოლოგიური ჯგუფი: მცენარეული წარმოშობის დამამშვიდებელი საშუალება.

ფარმაკოლოგიური მოქმედება: კატაბალახას ფესურას ფესვებით აქვს სედატიური, სპაზმოლიზური მოქმედება, ხელს უწყობს ბუნებრივი ძილის დადგომას. სედატიური ეფექტი ვლინდება ნელა, მაგრამ სტაბილურად.

გამოყენება მედიცინაში: გამოიყენება მომატებული ნერვული აღგზნების, უძილობის, მიგრენის, ისტერიის, გულსისხლძარღვთა ნევროზების დროს, ასევე კუჭისა და ნაწლავების სპასტიკური მდგომარეობისას.

მომზადების წესი: 1 ჩაის კოვზ ნედლეულს ათავსებენ ემალირებულ ჭურჭელში, ასხამენ 200მლ (1 ჩაის ჭიქა)Aადურებულ წყალს, ახურავენ თავსახურს და აცხელებენ მდუღარე წყლის აბაზანაში 15 წთ-ის განმავლობაში. შემდეგ გადმოდგამენ, აციებენ და ფილტრავენ. დარჩენილ მასას წურავენ. მიღებულ ნაყენს უმატებენ ანადუღარ წყალს საწყისი მოცულობის 200მლ მიღებამდე.

მიღების წესი: იღებენ 2-3 სუფრის კოვზს 3-4-ჯერ დღეში ჭამის შემდეგ.

უკუჩვენებები: მომატებული მგრძნობელობა მცენარის მიმართ. ბავშვთა ასაკი 3 წლამდე.

ურთიერთქმედება სხვა სამკურნალო საშუალებებთან: აძლიერებს საძილე და სხვა ნერვულ სისტემაზე მოქმედი საშუალებების ეფექტს.

გამოყენება ორსულობის და ლაქტაციის პერიოდში: ორსულობის და ლაქტაციის პერიოდში გამოყენება დასაშვებია.

გავლენა ავტოტრანსპორტის მართვის ან სხვა მექანიზმებთან მუშაობისას: ხანგრძლივი გამოყენებისას დიდ დოზებში შესაძლებელია დააქვეითოს ფსიქომოტორული რეაქციები და ამის გამო სიფრთხილის დაცვაა საჭირო ავტოტრანსპორტის მართვის ან სხვა მექანიზმებთან მუშაობისას.

ჭარბი დოზა: ჭარბი დოზირებისას შესაძლებელია პრეპარატის სედატიური ეფექტის გაძლიერება. თერაპია სიმპტომატურია.

გვერდითი მოვლენები: შესაძლებელია გამოიწვიოს მოდუნება (განსაკუთრებით, მაღალი დოზებით მიღებისას), ხანგრძლივი გამოყენებისას იწვევს შეკრულობებს, ცალკეულ შემთხვევებში შესაძლებელია განვითარდეს ალერგია.

შენახვის პირობები: ინახება ოთახის ტემპერატურის პირობებში, მშრალ და სინათლისგან დაცულ ადგილას.

ვარგისობის ვადა: 2 წელი.
ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში ნედლეულის გამოყენება დაუშვებელია.

აფთიაქიდან გაცემის წესი: III, გაიცემა რეცეპტის გარეშე.

გამოშვების ფორმა: 50გ მცენარეული ნედლეული მოთავსებულია პოლიეთილენის პარკში და მუყაოს კოლოფში.

მწარმოებელი: შპს ,,ფარკონი”.
საქართველო, 4600,
ქ. ქუთაისი, თამარ მეფის ქ. 51,
ტელ: +995 (431) 214 504
e-mail: farconi.ge@gmail.com