სადეზინფექციო ხსნარი „დეზინფექტ ალკო“

გამოყენების ინსტრუქცია

სადეზინფექციო საშუალება “დეზინფექტ ალკო“ მზა სახით არ გამოიყენება, კანის დეზინფექციისათვის საჭიროებს განზავებას.

გამოყენებამდე განაზავეთ წყლით.

ხსნარი განკუთვნია მხოლოდ გარეგანი მოხმარებისათვის.

**პრეპარატის შედგენილობა: **

ეთილის სპირტი 95 %

დისტილირებული წყალი 4,95 %

გლიცერინი 0,05 %

სადეზინფექციო ხსნარი „დეზინფექტ ალკო“ არ შეიცავს ორგანიზმისთვის მავნე ნივთიერებებს.

აღწერა

სადეზინფექციო ხსნარი „დეზინფექტ ალკო“ არის გამჭვირვალე, აქროლადი სითხე სპეციფიური სუნით.

გამოყენება

გამოყენებამდე განაზავეთ წყლით.

„დეზინფექტ ალკო“-ს კონცენტრირებული ხსნარის ყოველი 100 მლ განაზავეთ 39 მლ წყლით. განზავების სქემა წარმოდგენილია ცხრილი 1-ის სახით [1].

განზავების შემდეგ მიიღება კანის სადეზინფექციო ხსნარი, რომელშიც სპირტის შემცველობა შეადგენს 68 - 72 %-ს.

მიღებული ხსნარი დაიტანეთ ხელის გულზე 2 მლ-ის ოდენობით და დაიმუშავეთ 3 წთ-ის განმავლობაში. არ ჩამოიბანოთ;

მოარიდეთ პირდაპირი მზის სხივებს, ცეცხლს და გავარვარებულ საგნებს; მოარიდეთ ბავშვებს;

ცხრილი 1

100 მლ არსებული კონცენტრაციის სპირტის ხსნარიდან სასურველი კონცენტრაციის (%) სპირტის შემცველი ხსნარის მისაღებად საჭირო წყლის რაოდენობა [1]

გასაზავებელი სპირტის კონცენტრაცია | სპირტის სასურველი კონცენტრაციის (%) მისაღებად საჭირო წყლის რაოდენობა (მლ)
---|---
30% | 35% | 40% | 45% | 50% | 55% | 60% | 65% | 70% | 75% | 80% | 85% | 90%
35% | 16,7 | | | | | | | | | | | |
40% | 33.5 | 14.4 | | | | | | | | | | |
45% | 50,5 | 29.0 | 12,7 | | | | | | | | | |
50% | 67,4 | 43,6 | 25,5 | 11,4 | | | | | | | | |
55% | 84,5 | 58,3 | 38,4 | 22,9 | 10,3 | | | | | | | |
60% | 101,7 | 73,0 | 51,4 | 34,4 | 20,7 | 9.5 | | | | | | |
65% | 118,9 | 87,8 | 64,4 | 46,0 | 31,1 | 19,0 | 8,8 | | | | | |
70% | 136,0 | 102,7 | 77,4 | 57,7 | 41,7 | 28,5 | 17,5 | 8,1 | | | | |
75% | 153,5 | 117,7 | 90,6 | 69,4 | 52,3 | 38,2 | 26,4 | 16,3 | 7,6 | | | |
80% | 170,9 | 132,7 | 103,9 | 81,2 | 63,0 | 48,0 | 35,3 | 24,6 | 15,3 | 7,2 | | |
85% | 188,4 | 147,8 | 117,2 | 93,2 | 73,8 | 57,8 | 44,3 | 32,9 | 23,1 | 14,4 | 6,8 | |
90% | 206,1 | 163,0 | 130,6 | 105,2 | 84,7 | 67,7 | 53,5 | 41,4 | 31,0 | 21,8 | 13,8 | 6,5 |
95% | 223,9 | 178,5 | 144,3 | 117,4 | 95,7 | 77,9 | 62,9 | 50,1 | 39,1 | 29,5 | 20,9 | 13,3 | 6,4

გამოყენების სფერო

კანის სადეზინფექციო საშუალება „დეზინფექტ ალკო“ გამოიყენება ყველა ტიპის ჯანდაცვის ორგანიზაციაში, კვებისა და სამრეწველო დაწესებულებებში, კომუნალურ- საყოფაცხოვრებო, განათლების, კულტურის, სპორტის, სოციალური უზრუნველყოფის და საბავშვო დაწესებულებებში, საყოფაცხოვრებო პირობებში, მოგზაურობასა და ლაშქრობებში.

უსაფრთხოების რეკომენდაციები

კანის სადეზინფექციო საშუალება „დეზინფექტ ალკო“ არის პირადი და საზოგადოებრივი ჰიგიენის ან მოვლის სამომხმარებლო პროდუქცია, რომელიც უსაფრთხოა მომხმარებლებისათვის ნორმალური და გონივრული გამოყენების პირობებში. მოიხედავად იმისა, რომ კანის სადეზინფექციო საშუალება „დეზინფექტ ალკო“ არ განიხილება როგორც საშიში, შესაძლო საფრთხეები ექსპოზიციის დროს (სითხის დიდი რაოდენობით დაღვრა, ხანძარი, პიროვნების ინდივიდუალური მგრძნობელობა და სხვა) გათვალისწინებულ უნდა იქნეს მოხმარებისას.

კანის სადეზინფექციო საშუალება „დეზინფექტ ალკო“-ს მიმართ პიროვნების ინდივიდუალური მგრძნობელობის დროს შესაძლოა განვითარდეს ალერგიული რეაქციები.

პირველადი დახმარება

ჩასუნთქვისას - დაზარალებული დაუყოვნებლივ გაიყვანეთ ჰაერზე. დააწვინეთ, შეუქმენით სითბო და მოსვენება. თუ არ სუნთქავს ჩაუტარეთ ხელოვნური სუნთქვა და დაუყოვნებლივ მიმართეთ ექიმს. პირველადი დახმარების პროცედურის დაწყებამდე (რამდენადაც ეს შესაძლებელია) მოხსენით პროთეზი, რათა არ დაიხშოს სასუნთქი გზები.

კანთან შეხებისას - ჩამოიბანეთ საპნით და დიდი რაოდენობით წყლით, კონსულტაციისათვის მიმართეთ ექიმს.

თვალთან შხებისას - სასწრაფოდ და გულმოდგინედ ჩამოიბანეთ თვალები დიდი რაოდენობით წყლით 15 წთ-ის განმავლობაში. მიმართეთ ექიმს.

გადაყლაპვისას - ნუ გამოიწვევთ პირღებინებას. თუ დაზარალებულს აღებინებს დაუხარეთ თავი წინ და დაბლა, მოათავსეთ მარცხენა მხარეს სასუნთქი გზაბის განსათავისუფლებლად და ასპირაციის თავიდან ასაცილებლად. ყურადღებით დააკვირდით დაზარალებულს. თუ მას აღენიშნება ძილიანობა ან ცნობიერების დაქვეითება არავითარ შემთხვევაში არ მოსცეთ წყალი. ფრთხილად გამოურეცხეთ პირი წყლით, დარწმუნდით, რომ დააზარალებულს შეუძლია დამოუკიდებლად გადაყლაპვა და მხოლოდ ამის შემდეგ ნელ-ნელა მიაწოდეთ წყალი მცირე ოდენობის ულუფებით, რათა დაზარალებულმა შეძლოს მისი წყნარად დალევა. მიმართეთ სამედიცინო დახმარებას.

უსაფრთხოების დამატებითი ზომები

სითხე ადვილად აალებადია! არ დაუშვათ ღია ცეცხლთან კონტაქტი.

არ ჩარეცხოთ გაუზავებელი სითხე კანალიზაციაში და სათევზე მეურნეობის წყალსატევებში.

მეორიდეთ თვალებთან და ლორწოვან გარსებთან კონტაქტს.

მოხმარების წინ გაეცანით ინსტრუქციას.

არასწორი მოპრყობისა და გადაჭარბებული ექსპოზიციის სიმპტომები და ეფექტები

ინჰალაცია - მასალა შეიძლება იყოს გამაღიზიანებელი ლორწოვანი გარსებისა და რესპირატორული ტრაქტისთვის;

კანთან კონტაქტი - შეიძლება გამოიწვიოს კანის გაღიზიანება;

გადაყლაპვა - შეიძლება გამოიწვიოს კუჭ-ნაწლავის ტრაქტის გაღიზიანება, გულისრევა, ღებინება;

თვალთან კონტაქტი - შეიძლება გამოიწვიოს თვალის ლორწობანი გარსის გაღიზიანება.

სადეზინფექციო საშუალების „დეზინფექტ ალკო“ ნორმალური გამოყენების პირობებში არ იწვევს ჯანმრთელობაზე უარყოფითი ზეგავლენას.გამოყენების ინსტრუქციაში და ატიკეტზე აღნიშნული უსაფრთხოების ყველა ზომისა და ჰიგიენური მოთხოვნების დაცვა უზრუნველყოფს, როგორც ინდივიდუალურ, ასევე საზოგადოებრივ უსაფრთხოებას.

შენახვის პირობები

შეინახეთ ბავშვებისათვის მიუწვდომელ ადგილას.

შეინახეთ მჭიდროდ თავდახურულ კონტეინერში, გრილ, მშრალ და კარგად ვენტილირებად ადგილას.

შეფუთვა

დაფასოებულია 50 მლ, 100 მლ და 200 მლ პოლიმერული მასალის ფლაკონში, 1000 მლ პოლიმერული მასალის ბოთლში.

სადეზინფექციო საშუალება ვარგისია მომზადებიდან 3 წლის განმავლობაში;

დამზადების თარიღი და ვარგისიანობის ვადა იხ. ეტიკეტზე