ტურქტიპსან მეტამიზოლ ნატრიუმი 1000 მგ/2 მლ

ი.მ./ი.ვ. საინექციო ხსნარი

შემადგენლობა

მოქმედინივთიერება: ნატრიუმის მეტამიზოლი100 მგ.

დამხმარე ნივთიერებები: საინექციო წყალი.

ტურქტიპსან მეტამიზოლ ნატრიუმისდახასიათება და****გამოყენება

ტურქტიპსან მეტამიზოლ ნატრიუმი შეიცავს მოქმედ ნივთიერებას ნატრიუმის მეტამიზოლს. ერთ ამპულაში არის 1 გ ნატრიუმის მეტამიზოლი. ერთ ამპულაში არის 2 მლ ხსნარი, ხოლო ხსნარის 1 მლ შეიცავს 500 მგ მოქმედ ნივთიერებას. იგი წარმოდგენილია შეფუთვით, რომელიც შეიცავს 10 ამპულას.

ტურქტიპსან მეტამიზოლ ნატრიუმი მიეკუთვნება პირაზოლონის ჯგუფის პრეპარატებს, რომელიც გამოიყენება, როგორც ტკივილგამაყუჩებელი და სიცხის დამწევი საშუალება.

ტურქტიპსან მეტამიზოლ ნატრიუმი გამოიყენება შემდეგი მდგომარეობების სამკურნალოდ:

- მძიმე (მწვავე) ტკივილი, რომელიც მოულოდნელად ვითარდება ტრავმის ან ოპერაციის შემდეგ;

- კრუნჩხვის მსგავსი მუცლის ტკივილი (კოლიკა);

- კიბოსთან დაკავშირებული ტკივილი (სიმსივნური ტკივილი);

- სხვა მწვავე ან ქრონიკული მძიმე ტკივილი, რომლის დროსაც სხვა პრეპარატებით მკურნალობა შეუძლებელია;

- მაღალი ცხელება, რომელიც არ რეაგირებს სხვა სამკურნალო ზომებზე.

ტურქტიპსან მეტამიზოლ ნატრიუმი საინექციო ხსნარი უნდა იქნას გამოყენებული მხოლოდ იმ შემთხვევებში, როდესაც სხვა ფორმებით (ტაბლეტები, სიროფი ან პერორალური წვეთები) მკურნალობა შეუძლებელია.

უკუჩვენება

ტურქტიპსანმეტამიზოლ ნატრიუმიარ გამოიყენება შემდეგ შემთხვევებში:

- ალერგია (მომატებული მგრძნობელობა) ნატრიუმის მეტამიზოლის**** მოქმედი ნივთიერების ან პრეპარატის შემადგენლობაში შემავალი რომელიმე სხვა ნივთიერების, ან მსგავსი თვისებების მქონე წამლების მიმართ, როგორიცაა პირაზოლონი (მაგ. ფენაზონი, პროპიფენაზონი) ან პირაზოლიდინი (მაგ. ფენილბუტაზონი, ოქსიფენბუტაზონი);

- რეაქცია (აგრანულოციტოზი), რომელიც ხასიათდება იმ უჯრედების პათოლოგიური შემცირებით, რომელსაც ეწოდება გრანულოციტები;

- ძვლის ტვინის ფუნქციის დარღვევა (მაგ. თუ მკურნალობდით კიბოზე) ან დარღვევა ორგანიზმის იმ სისტემაში, რომელიც პასუხისმგებელია სისხლის უჯრედების წარმოებაზე (ჰემატოპოეზური დაავადებები);

- თუ ცნობილია, რომ გაქვთ აუტანლობა ტკივილგამაყუჩებლების მიმართ (აუტანლობა პრეპარატის მოქმედების მიმართ, აუტანლობა) (ასთმა ან ანალგეზიური წარმოშობის ტკივილგამაყუჩებელი წამლის მიმართ აუტანლობა, რომელიც იწვევს ჭინჭრის ციებას ან ანგიონევროზულ შეშუპებას (სახის, ენისა და ყელის შეშუპება). ეს გარდამავალი ქვედა სასუნთქი გზების შეკუმშვის რეაქცია (ბრონქოსპაზმი) ვითარდება პაციენტებში, რომლებიც იღებენ სალიცილატებს, პარაცეტამოლს, დიკლოფენაკს, იბუპროფენს, ინდომეტაცინს, ნაპროქსენს, რომლებსაც არ შეუძლიათ სუნთქვა კანისმიერი ტკივილის გამო, რომელსაც ახასიათებს: ძლიერი ქავილი და გამონაყარი, ჭინჭრის ციება, ცხვირის ლორწოვანი გარსის ანთება, კანის ან სასუნთქი გზების შეშუპება; აღნიშნული ეხება პაციენტებს, რომლებსაც უვითარდებათ მომატებული მგრძნობელობის რეაქციები;

- დაავადება, რომელსაც ეწოდება მწვავე ხანგამოშვებითი ღვიძლისმიერი პორფირია (მემკვიდრეობითი დაავადება, რომელიც იწვევს ჰემოგლობინის ფორმირების დარღვევას);

- სამ თვემდე ასაკის ან 5 კგ-ზე ნაკლები წონის ახალშობილებში; ამ პაციენტებში გამოყენების სამეცნიერო მონაცემები არ არსებობს;

- გლუკოზა-6-ფოსფატდეჰიდროგენაზას თანდაყოლილი დეფიციტი (მემკვიდრეობითი დაავადება, რომელიც შეიცავს სისხლის წითელი უჯრედების განადგურების რისკს);

- დაბალი არტერიული წნევა ან სისხლის ცუდი მიმოქცევა;

- ორსულობის ბოლო 3 თვეში;

- ძუძუთი კვებისას;

- ტურქტიპსან ნატრიუმის მეტამიზოლის შეყვანა არ შეიძლება ინტრავენურად 3-დან 11 თვემდე ასაკის ჩვილებში.

ტურქტიპსან მეტამიზოლ ნატრიუმისიფრთხილით გამოიყენება****შემდეგ შემთხვევებში:

ტურქტიპსან მეტამიზოლ ნატრიუმი შეიცავს მოქმედ ნივთიერება მეტამიზოლს - პირაზოლონის წარმოებულს და არის შოკის (სისხლის მიმოქცევის უეცარი შეწყვეტა) და აგრანულოციტოზის (სერიოზული მდგომარეობა, რომელიც გამოწვეულია სისხლის თეთრი ტიპის უჯრედების რაოდენობის მნიშვნელოვანი შემცირებით) იშვიათი, მაგრამ სიცოცხლისათვის საშიში რისკის შემცველი.

თუ გაქვთ ალერგიული რეაქცია (ანაფილაქტოიდური რეაქცია) ტურქტიპსან ნატრიუმის მეტამიზოლზე , იგივე რეაქციის რისკი გექნებათ სხვა ტკივილგამაყუჩებლების მიღების დროსაც.

თუ გქონიათ ალერგიული ან სხვა სახის (იმუნური სისტემისგან მიღებული) თავდაცვითი რეაქციები ტურქტიპსან ნატრიუმის მეტამიზოლის მიმართ (მაგალითად, აგრანულოციტოზი), იგივე რეაქციის რისკი გექნებათ სხვა პირაზოლონებისა და პირაზოლიდინების (ქიმიურად დაკავშირებულ ნივთიერებები) მიღების დროსაც.

ტურქტიპსან ნატრიუმის მეტამიზოლის ინტრავენური ან ინტრამუსკულარული შეყვანა იწვევს სერიოზული ალერგიული რეაქციების უფრო მაღალ რისკს ვიდრე, ნატრიუმის მეტამიზოლისპერორალური ფორმები.

თუ მკურნალობის დროს აღინიშნა ცხელება, შემცივნება, ყელის ტკივილი, პირის ღრუს წყლულები, დაუყოვნებლივ შეწყვიტეთ მკურნალობა და მიმართეთ უახლოესი საავადმყოფოს სასწრაფო დახმარების განყოფილებას. ეს დარღვევა (აგრანულოციტოზი), რომელიც ხასიათდება სისხლში იმ უჯრედების გადაჭარბებული შემცირებით, რომელსაც ეწოდება გრანულოციტები და რომლებიც მნიშვნელოვან როლს ასრულებენ სხეულის დაცვაში, ალერგიული წარმოშობის მოვლენაა, რომელიც გრძელდება მინიმუმ ერთი კვირა და გავლენას ახდენს იმუნურ სისტემაზე. ეს რეაქციები ძალიან იშვიათია, მაგრამ შეიძლება იყოს მძიმე და სიცოცხლისათვის საშიში და გამოიწვიოს სიკვდილი. აღნიშნული არ არის დოზა-დამოკიდებული და შეიძლება გამოვლინდეს ნებისმიერ დროს მკურნალობისას.

თუ სისხლჩაქცევები წარმოიქმნება ადვილად ან ჭარბი რაოდენობით, გაქვთ სისხლდენა, რომელიც ზედაპირულად ჩანს კანში, სისხლდენა ცხვირიდან ან ღრძილებიდან უმიზეზოდ აღინიშნება მკურნალობის დროს, ეს სიმპტომები შეიძლება გამოწვეული იყოს სისხლის შედედებაზე პასუხისმგებელი სისხლის უჯრედების რაოდენობის შემცირებით (თრომბოციტოპენია). თუ აღგენიშნებათ ამ სიმპტომებიდან ერთი ან მეტი, შეწყვიტეთ მკურნალობა და დაუყოვნებლივ მიმართეთ ექიმს.

თუ მკურნალობის დროს შეინიშნება ზოგადი სისუსტე, ინფექცია, მუდმივი ცხელება, სისხლჩაქცევები, სისხლდენა და კანის სიფერმკრთალე, – ეს სიმპტომები შეიძლება გამოწვეული იყოს სისხლის ყველა ტიპის უჯრედის რაოდენობის შემცირებით (პანციტოპენია). თუ აღგენიშნებათ ამ სიმპტომებიდან ერთი ან მეტი, შეწყვიტეთ მკურნალობა და დაუყოვნებლივ მიმართეთ ექიმს. ამ შემთხვევაში, ექიმი დააკვირდება სისხლის ანალიზებს, სანამ სისხლის უჯრედების რაოდენობა არ დაბრუნდება ნორმის ფარგლებს.

****მძიმე ალერგიული რეაქციები (ანაფილაქსოიდური ან ანაფილაქსიური რეაქციები)

მეტამიზოლის მიმართ შესაძლო დაუყოვნებელი და მძიმე ალერგიული რეაქციების განსაკუთრებული რისკის ქვეშ არიან პაციენტები, რომლებსაც აღენიშნებათ შემდეგი მდგომარეობები:

• ტკივილგამაყუჩებლების ან რევმატიზმის სამკურნალო საშუალებების მიმართ აუტანლობა; ამ მდგომარეობამ შეიძლება გამოიწვიოს ძლიერი ქავილი, ჭინჭრის ციება და პრობლემები, როგორიცაა სახის, ენის და ყელის შეშუპება (ანგიონევროზული შეშუპება) (ასთმა, რომელიც გამოწვეულია ანალგეტიკური საშუალებების ან ტკივილგამაყუჩებლების მიმართ აუტანლობით, რომლებიც იწვევს: ჭინჭრის ციებას ან ანგიონევროზულ შეშუპებას, იხ. პარაგრაფი „არ გამოიყენოთ ტურქტიპსან ნატრიუმის მეტამიზოლი შემდეგ შემთხვევებში“).
• სუნთქვის გაძნელება (მაგალითად, სუნთქვის გაძნელება ფილტვებში მცირე სასუნთქი გზების შევიწროების გამო (ბრონქული ასთმა)), განსაკუთრებით თუ ამ მდგომარეობას თან ახლავს ცხვირისა და სინუსების ანთება (რინოსინუსიტი) და ცხვირის პოლიპები.
• ქრონიკული ჭინჭრის ციება.
• ალკოჰოლის მიმართ აუტანლობა; ეს რეაქცია ვლინდება გარკვეული ალკოჰოლური სასმელების, თუნდაც მცირე რაოდენობით მიღებისას, ისეთი სიმპტომებით, როგორიცაა სურდო, თვალების ჭარბი ცრემლიანობა და სახის გამოხატული სიწითლე. ალკოჰოლის მიმართ ამ ტიპის აუტანლობა შეიძლება იყოს ტკივილგამაყუჩებლების მიმართ დაუდგენელი აუტანლობის სიმპტომი. იხ. პარაგრაფი „არ გამოიყენოთ ტურქტიპსან ნატრიუმის მეტამიზოლი შემდეგ შემთხვევებში“.
• ალერგია საღებავების (მაგ. ტარტრაზინი) ან კონსერვანტების (მაგ. ბენზოატები) მიმართ.

ალერგიული რეაქციების მაღალი რისკის მქონე პაციენტებში ტურქტიპსან ნატრიუმის მეტამიზოლის გამოყენება შეიძლება მხოლოდ შესაძლო რისკების და მოსალოდნელი სარგებელის თანაფარდობის საგულდაგულო შეფასების შემდეგ. თუ გადაწყდება ტურქტიპსან ნატრიუმის მეტამიზოლის გამოყენება ასეთ შემთხვევაში, საჭირო იქნება პაციენტზე საგულდაგულო დაკვირვება და ყოველთვის ხელმისაწვდომი უნდა იყოს სასწრაფო მკურნალობისთვის აუცილებელი პირობები.

განსაკუთრებით მგრძნობიარე პაციენტებს შეიძლება განუვითარდეთ ანაფილაქსიური შოკი. (იხ. პარაგრაფი „შესაძლო გვერდითი მოვლენები“). ამ მიზეზით, რეკომენდებულია განსაკუთრებული ყურადღების მიქცევა პაციენტებისთვის, რომლებსაც აქვთ ასთმა ან მიდრეკილება მომატებული მგრძნობელობის რეაქციების განვითარების მიმართ (ატოპია).

მძიმე კანისმიერი რეაქციები

სიცოცხლისთვის საშიში კანისმიერი რეაქციები, როგორიცაა სტივენს-ჯონსონის სინდრომი (სერიოზული კანისმიერი რეაქცია, რომელიც იწვევს წყლით სავსე ბუშტუკებს ან გავრცელებულ სიწითლეს და აქერცვლას თქვენს კანზე) და ტოქსიკური ეპიდერმული ნეკროლიზი (სერიოზული დაავადება, რომელსაც თან ახლავს სითხით სავსე ბუშტუკების წარმოქმნა კანზე) დაფიქსირდა მკურნალობის დროს. თუ განგივითარდათ კანზე გამონაყარი, რომლის მდგომარეობა თანდათან უარესდება და რომელსაც ჩვეულებრივ თან ახლავს სითხით სავსე ბუშტუკები ან წყლულები პირის ღრუში, შეწყვიტეთ მკურნალობა და დაუყოვნებლივ მიმართეთ ექიმს. ეს სიმპტომები ძირითადად ვლინდება მკურნალობის პირველ კვირებში. თუ ეს სიმპტომები გამოგივლინდებათ, აღარ გამოიყენოთ ტურქტიპსან ნატრიუმის მეტამიზოლი ხელახლა.

დაბალი არტერიული წნევა (იზოლირებული ჰიპოტენზიური რეაქცია)

მეტამიზოლის მიღებამ შეიძლება გამოიწვიოს არტერიული წნევის შემცირება (იზოლირებული ჰიპოტენზიური რეაქცია) (იხ. ასევე პარაგრაფი „შესაძლო გვერდითი მოვლენები“). ამ ტიპის ვითარება უფრო სავარაუდოა, რომ აღინიშნოს საინექციო ხსნარის გამოყენებისას, ვიდრე ტაბლეტის სახით მიღებისას.

ეს რისკი უფრო მაღალია შემდეგ შემთხვევებში:

– პაციენტებში, რომლებსაც წარსულშიც ჰქონდათ დაბალი არტერიული წნევა;

– პაციენტებში, რომლებსაც აღენიშნებათ სითხის ჭარბი კარგვა;

– პაციენტებში, რომლებსაც აქვთ არამდგრადი სისხლის მიმოქცევა;

– პაციენტებში, რომლებსაც აქვთ სისხლის მიმოქცევის უკმარისობა (მაგალითად, პაციენტები, რომლებმაც გადაიტანეს გულის შეტევა ან სერიოზული დაზიანებები);

– პაციენტები მაღალი ცხელებით;

– მდგომარეობა, როდესაც ინექცია ძალიან სწრაფად კეთდება ვენაში. (იხ. პარაგრაფი „ტურქტიპსან ნატრიუმის მეტამიზოლის გამოყენების წესი “)

ამიტომ, ტურქტიპსან ნატრიუმის მეტამიზოლით თერაპიის აუცილებლობა გულდასმით უნდა შეფასდეს და შეყვანა მოხდეს მჭიდრო სამედიცინო მეთვალყურეობის ქვეშ (იხ. პარაგრაფი „არ გამოიყენოთ ტურქტიპსან ნატრიუმის მეტამიზოლი შემდეგი შემთხვევები“). შეიძლება საჭირო გახდეს ისეთი პროფილაქტიკური ზომების მიღება, როგორიცაა სისხლის მიმოქცევის კონტროლი, რათა შემცირდეს დაბალი არტერიული წნევის რისკი (ჰიპოტენზიური რეაქციები).

იმ შემთხვევებში (როგორიცაა გულის სერიოზული კორონარული დაავადება ან თავის ტვინის სისხლძარღვების შევიწროება, რაც იწვევს სისხლის ნაკადის შეზღუდვას (გამოხატული სტენოზი)), როდესაც აუცილებელია არტერიული წნევის შემცირების პროფილაქტიკა, ტურქტიპსან ნატრიუმის მეტამიზოლი არ უნდა იქნას გამოყენებული სისხლის მიმოქცევის საგულდაგულო მონიტორინგის გარეშე.

თირკმლის და ღვიძლის უკმარისობა

თირკმელების ან ღვიძლის ფუნქციის დარღვევის მქონე პაციენტებში ტურქტიპსან ნატრიუმის მეტამიზოლი გამოყენებული უნდა იქნას მხოლოდ სარგებელი/რისკის თანაფარდობის აბსოლუტური შეფასების და შესაბამისი სიფრთხილის ზომების მიღების შემდეგ. (იხ. პარაგრაფი „ტურქტიპსან ნატრიუმის მეტამიზოლის გამოყენების წესი - თირკმლის/ღვიძლის უკმარისობა“).

ახალშობილები და ჩვილები

ახალშობილებში და 3 თვემდე ასაკის ან 5 კგ-ზე ნაკლები წონის ჩვილებში ნატრიუმის მეტამიზოლით თერაპია არ უნდა ჩატარდეს, ვინაიდან ასეთ შემთხვევაში არ არსებობს მონაცემები მისი მეცნიერული გამოყენების შესახებ.

ხანდაზმული პაციენტები

ხანდაზმულ პაციენტებში შეიძლება აღინიშნოს პრეპარატის ორგანიზმიდან გამოდევნის შეფერხება. (იხ. პარაგრაფი „ტურქტიპსან ნატრიუმის მეტამიზოლის გამოყენების წესი - ხანდაზმული პაციენტები“). ტურქტიპსან ნატრიუმის მეტამიზოლი არ უნდა დაინიშნოდ სხვა პრეპარატებთან ერთად, თუ მათი თავსებადობა არ არის დადასტურებული.

თუ აღნიშნული გაფრთხილებები გეხებათ ან თუნდაც წარსულში გეხებოდათ ნებისმიერ დროს, მიმართეთ თქვენს თქვენს.

ტურქტიპსან ნატრიუმის მეტამიზოლის****გამოყენება საკვებთან და სასმელთან ერთად

ტურქტიპსან ნატრიუმის მეტამიზოლის ამ ფორმის მიღება არ შეიძლება პერორალურად. იგი ინიშნება ინტრავენურად ან ინტრამუსკულარულად.

ტურქტიპსან ნატრიუმის მეტამიზოლის გამოყენებისას შეძლებისდაგვარად უნდა შეიზღუდოს ალკოჰოლის მოხმარება.

ორსულობა

ამ პრეპარატის გამოყენებამდე მიმართეთ ექიმს ან ფარმაცევტს.

თუ ხართ ორსულად, ფიქრობთ, რომ შეიძლება იყოს ორსულად, ან გეგმავთ დაორსულებას, ამ მედიკამენტის გამოყენებამდე გაიარეთ კონსულტაცია თქვენს ექიმთან.

ვინაიდან, ამ პერიოდის განმავლობაში არ არის საკმარისი ინფორმაცია ადამიანებში მისი გამოყენების შესახებ, არ გამოიყენოთ ტურქტიპსან ნატრიუმის მეტამიზოლი ორსულობის პირველ ტრიმესტრში.

ორსულობის ბოლო ტრიმესტრში არ შეიძლება ტურქტიპსან ნატრიუმის მეტამიზოლის გამოყენება. ტურქტიპსან ნატრიუმის მეტამიზოლის მოქმედ ნივთიერებას მეტამიზოლსშეუძლია ზეგავლენა იქონიოს თრომბოციტების ბუნებრივ ფუნქციაზე, რაც იწვევს სისხლდენის მატებას, განსაკუთრებით მშობიარობის დროს. ნაყოფის მნიშვნელოვანი სისხლძარღვი შეიძლება ნაადრევად დაიხუროს (ეს ვენა ცნობილია როგორც ღია არტერიული სადინარი და თავისით იხურება მხოლოდ დაბადების შემდეგ).

დაუყოვნებლივ მიმართეთ თქვენს ექიმს ან ფარმაცევტს, თუ მკურნალობის დროს მიხვდებით, რომ ორსულად ხართ.

ძუძუთი კვება

ამ პრეპარატის გამოყენებამდე მიმართეთ თქვენს ექიმს ან ფარმაცევტს.

ნივთიერებები, რომლებიც წარმოიქმნება ტურქტიპსან ნატრიუმის მეტამიზოლის თქვენს ორგანიზმშიმოხვედრის შემდეგ, გამოიყოფა დედის რძეში.

ამიტომ ტურქტიპსან ნატრიუმის მეტამიზოლის გამოყენებისას არ კვებოთ ბავშვი ძუძუთი. თუ გჭირდებათ ტურქტიპსან ნატრიუმის მეტამიზოლით მკურნალობა ძუძუთი კვების დროს, აუცილებელია შეწყვიტოთ ბავშვის ძუძუთი კვება, რათა დაიცვათ ბავშვი მეტამიზოლისგან, რომელიც გამოიყოფა დედის რძეში. არ კვებოთ ბავშვი ძუძუთი ტურქტიპსან ნატრიუმის მეტამიზოლის გამოყენებიდან 48 საათის განმავლობაში.

სატრანსპორტოსაშუალებებისმართვადამექანიზმების****გამოყენება

არ არსებობს ინფორმაცია, რომ მეტამიზოლი რეკომენდებული დოზებით გამოყენებისას, არღვევს კონცენტრაციისა და რეაქციის უნარს. თუმცა, სიფრთხილის მიზნით, რეკომენდებულია მოერიდოთ სატრანსპორტო საშუალებებისმართვას ან მექანიზმებთან მუშაობას და სხვა სარისკო აქტივობებს, იმის გათვალისწინებით, რომ კონცენტრაციის და რეაქციის უნარი შეიძლება დაქვეითდეს, სულ მცირე, მაღალი დოზების მიღებისას. არ მართოთ სატრანსპორტო საშუალებებიდა არ გამოიყენოთ მექანიზმებიი, განსაკუთრებით თუ პრეპარატთან ერთად იყენებდით ალკოჰოლს.

მნიშვნელოვანი ინფორმაცია ზოგიერთი დამხმარე ნივთიერების შესახებ, რომელსაც შეიცავს ტურქტიპსან ნატრიუმის მეტამიზოლი

პრეპარატი არ შეიცავს დამხმარე ნივთიერებებს, რომლებიც საჭიროებს სპეციალურ გაფრთხილებას.

გამოყენება სხვა სამკურნალო საშუალებებთან ერთად

აცნობეთ თქვენს ექიმს ან ფარმაცევტს, თუ ამჟამად იყენებთ ან შესაძლოა გამოიყენოთ ან ახლახანს იყენებდით სხვა პრეპარატებს.

- პრეპარატ ციკლოსპორინთან კომბინაციაში ტურქტიპსან ნატრიუმის მეტამიზოლს შეუძლია შეამციროს ციკლოსპორინის დონე, რომელიც გამოიყენება იმუნური სისტემის დასათრგუნად ორგანოთა გადანერგვის შემდეგ. ამ მიზეზით, რეგულარული გამოყენებისას, აუცილებელია სისხლში ციკლოსპორინის დონის მონიტორინგი.

- როდესაც ტურქტიპსან ნატრიუმის მეტამიზოლი გამოიყენება ქლორპრომაზინთან ერთად, რომელიც განკუთვნილია სერიოზული ფსიქიკური დაავადებების სამკურნალოდ, შეიძლება აღინიშნოს სხეულის ტემპერატურის გადაჭარბებული შემცირება (ჰიპოთერმია).

- წამლების ჯგუფს, რომელიც მოიცავს ტურქტიპსან ნატრიუმის მეტამიზოლს , შეუძლია შეცვალოს პერორალური ანტიკოაგულანტების (პერორალური სისხლის გამათხელებლები), კაპტოპრილის (პრეპარატი, რომელიც გამოიყენება მაღალი არტერიული წნევისა და გულის ზოგიერთი დაავადების დროს), ლითიუმის (პრეპარატი, რომელიც გამოიყენება მანიაკალურ-დეპრესიული დაავადების სამკურნალოდ), დიურეზული პრეპარატების (მაგ. ტრიამტერენი) და მაღალი არტერიული წნევის სამკურნალო პრეპარატების მოქმედება. მიუხედავად იმისა, რომ ტურქტიპსან ნატრიუმის მეტამიზოლის ზეგავლენა ამ პრეპარატებზე უცნობია, სიფრთხილეა საჭირო მათი ერთდროულად გამოყენებისას.

- პრეპარატ მეტოტრექსატთან კომბინირებული გამოყენებისას, რომელიც გამოიყენება კიბოს, რევმატიზმის ან ფსორიაზის სამკურნალოდ, ტურქტიპსან ნატრიუმის მეტამიზოლს შეუძლია გაზარდოს მეტოტრექსატის მავნე ზემოქმედება სისხლზე, განსაკუთრებით ხანდაზმულ პაციენტებში. ეს ორი პრეპარატი არ უნდა იქნას გამოყენებული ერთად.

- ერთდროულად მიღებისას, ტურქტიპსან ნატრიუმის მეტამიზოლის მოქმედ ნივთიერებას – მეტამიზოლს შეუძლია შეამციროს აცეტილსალიცილის მჟავას (ასპირინი) ეფექტი სისხლის კოაგულაციაზე. ამიტომ, ეს კომბინაცია სიფრთხილით უნდა იქნას გამოყენებული პაციენტებში, რომლებიც იყენებენ დაბალი დოზირებულ ასპირინს გულის დასაცავად.

- ტურქტიპსან ნატრიუმის მეტამიზოლის მოქმედმა ნივთიერებამ – მეტამიზოლმა შეიძლება გამოიწვიოს სისხლში ბუპროპიონის დონის შემცირება (პრეპარატი, რომელიც გამოიყენება დეპრესიის სამკურნალოდ და მოწევის შესაწყვეტად). ამიტომ, სიფრთხილეა რეკომენდებული მეტამიზოლისა და ბუპროპიონის ერთდროული გამოყენებისას.

ზეგავლენა ლაბორატორიულ ტესტებზე

თუ იყენებთ ტურქტიპსან ნატრიუმის მეტამიზოლის საინექციო ხსნარს, აცნობეთ ამის შესახებ ექიმს რაიმე ლაბორატორიული ტესტის ჩატარებამდე (მაგ. კრეატინინის, ცხიმის, მსლპ-ქოლესტერინის ან შარდმჟავას ტესტები), რადგან მეტამიზოლმა შეიძლება გავლენა იქონიოს ზოგიერთი ტესტის შედეგებზე.

თუ ამჟამად იყენებთ რაიმე რეცეპტით ან ურეცეპტოდ გასაცემ მედიკამენტს, ან თუ იყენებდით მას ცოტა ხნის წინ, აცნობეთ ამის შესახებ თქვენს ექიმს ან ფარმაცევტს.

ტურქტიპსან ნატრიუმის მეტამიზოლის გამოყენების წესი

ინსტრუქციები სათანადო გამოყენებისა და დოზის/გამოყენების სიხშირის შესახებ

ტურქტიპსან ნატრიუმის მეტამიზოლის****საინექციო ხსნარის შეყვანა უნდა მოხდეს ექიმის მეთვალყურეობის ქვეშ.

ექიმი განსაზღვრავს მედიკამენტის დოზას დაავადების მიხედვით და უზრუნველყოფს მის შეყვანას.

დოზა დამოკიდებულია ტკივილის ან ცხელების სიმძიმეზე და პაციენტის მგრძნობელობაზე ტურქტიპსან ნატრიუმის მეტამიზოლის მიმართ.

ტურქტიპსან ნატრიუმის მეტამიზოლი ჩვეულებრივ გამოიყენება შემდეგნაირად:

მოზარდები და 15 წელზე უფროსი ასაკის მოზრდილები (53 კგ-ზე მეტი): რეკომენდებული ერთჯერადი დოზაა 1-2 მლ ტურქტიპსან ნატრიუმის მეტამიზოლი (500-1000 მგ ნატრიუმის მეტამიზოლის ეკვივალენტური). თუ პრეპარატი არასაკმარისად ეფექტურია, მისი შეყვანა შესაძლებელია დღეში 4-ჯერ.

საჭიროების შემთხვევაში, შეყვანილი ერთჯერადი დოზა შეიძლება გაიზარდოს 5 მლ-მდე (2500 მგ ნატრიუმის მეტამიზოლის ეკვივალენტური), ხოლო დღიური დოზა შეიძლება გაიზარდოს 10 მლ-მდე (5000 მგ ნატრიუმის მეტამიზოლის ეკვივალენტური).

მკურნალობის ხანგრძლივობა

დაავადების ტიპისა და სიმძიმის მიხედვით, ექიმი გადაწყვეტს მკურნალობის ხანგრძლივობას.

არ არის რეკომენდებული ტკივილგამაყუჩებლების გამოყენება 3-5 დღეზე მეტი ხნის განმავლობაში, განსაკუთრებით ექიმთან კონსულტაციის გარეშე.

შეყვანის წესი და მეთოდი

მისი შეყვანა ხდება ინტრამუსკულარულად და ინტრავენურად. თუმცა, ჩვილებში (3-11 თვე) ხდება მხოლოდ ინტრამუსკულარული შეყვანა. ინტრამუსკულარული ინექცია ყოველთვის უნდა გაკეთდეს სხეულის ტემპერატურამდე დაყვანილი ხსნარით.

ტურქტიპსან ნატრიუმის მეტამიზოლის საინექციო ხსნარის შეყვანა ხდება ჯანდაცვის მუშაკის მიერ, რომელსაც აქვს გამოცდილება წამლის ინტრავენურ და ინტრამუსკულარულ შეყვანაში.

ტურქტიპსან ნატრიუმის მეტამიზოლი შეიძლება შეერიოს ან განზავდეს 5%-იანი გლუკოზის ხსნარით, 0.9%-იანი ფიზიოლოგიური ხსნარით ან რინგერ-ლაქტატის ხსნარით. თუმცა, ვინაიდან ამ ნარევების სტაბილურობა შეზღუდულია, ინფუზია უნდა გაკეთდეს დაუყოვნებლივ.

ტურქტიპსან ნატრიუმის მეტამიზოლის ინექციის (ინტრავენური ან ინტრამუსკულარული) შეყვანა უნდა მოხდეს, როდესაც პაციენტი არის მწოლიარე მდგომარეობაში და საგულდაგულო სამედიცინო ზედამხედველობის ქვეშ.

ინტრავენური შეყვანა უნდა მოხდეს ძალიან ნელა, რათა მინიმუმამდე შემცირდეს არტერიული წნევის სერიოზული დაქვეითების რისკი და შესაძლებელი იყოს ინექციის შეწყვეტა ალერგიული რეაქციის პირველი ნიშნების გამოვლენისთანავე (არაუმეტეს 1 მლ (0.5 გ მეტამიზოლი) წუთში).

ამპულის გახსნა

|
---|---
დაიჭირეთ ამპულა წვერით ზემოთ მიმართული. თუ ამპულის წვერის შიგნით არის ხსნარი, ფრთხილად მიუკაკუნეთ ამპულას ან შეანჯღრიეთ ამპულა, რათა სითხე ჩამოვიდეს დაბლა. | წვერით ზემოთ მიმართული ამპულა გადატეხეთ ისე, როგორც სურათზეა მოცემული, ამპულის წვერის გადაწევით.

სხვადასხვა ასაკობრივი ჯგუფები

გამოყენება ბავშვებში

ექიმი განსაზღვრავს წამლის დოზას და შეყვანის მეთოდს ბავშვის ასაკის, სხეულის წონისა და ავადმყოფობის მიხედვით.

ტურქტიპსან ნატრიუმის მეტამიზოლი არ უნდა დაინიშნოს 3 თვემდე ასაკის ან 5 კგ- ზე ნაკლები წონის ჩვილებში. ერთ წელზე უმცროსი ასაკის ბავშვებში ტურქტიპსან ნატრიუმის მეტამიზოლის შეყვანა უნდა მოხდეს მხოლოდ ინტრამუსკულარულად.

ბავშვებსა და 14 წლამდე ასაკის მოზარდებში საკმარისი იქნება ნატრიუმის მეტამიზოლის ერთჯერადი დოზა 8-16 მგ/კგ სხეულის წონაზე გადაანგარიშებით.

ასაკი (სხეულის წონა) | ერთჯერადი დოზა
---|---
3-11 თვე (5-8 კგ) | 0.1-0.2 მლ ტურქტიპსან ნატრიუმის მეტამიზოლი (50-100 მგ ნატრიუმის მეტამიზოლის ეკვივალენტური) მხოლოდ ინტრამუსკულარული შეყვანა
1-3 წელი (9-15 კგ) | 0.2-0.5 მლ ტურქტიპსან ნატრიუმის მეტამიზოლი (100-250 მგ ნატრიუმის მეტამიზოლის ეკვივალენტური)
4-6 წელი (16-23 კგ) | 0.3-0.8 მლ ტურქტიპსან ნატრიუმის მეტამიზოლი (150-400 მგ ნატრიუმის მეტამიზოლის ეკვივალენტური)
7-9 წელი (24-30 კგ) | 0.4-1.0 მლ ტურქტიპსან ნატრიუმის მეტამიზოლი (200-500 მგ ნატრიუმის მეტამიზოლის ეკვივალენტური)
10-12 წელი (31-45 კგ) | 0.5-1.4 მლ ტურქტიპსან ნატრიუმის მეტამიზოლი (250-500 მგ ნატრიუმის მეტამიზოლის ეკვივალენტური)
13-14 წელი (46-45 კგ) | 0.8-1.8 მლ ტურქტიპსან ნატრიუმის მეტამიზოლი (400-900 მგ ნატრიუმის მეტამიზოლის ეკვივალენტური)

გამოყენება ხანდაზმულებში

ხანდაზმულ პაციენტებში ექიმი დაარეგულირებს დოზას თირკმელებისა და ღვიძლის ფუნქციების შესაძლო გაუარესების გათვალისწინებით.

სპეციალური გამოყენების შემთხვევები

თირკმლის**/**ღვიძლის უკმარისობა

თირკმელების ან ღვიძლის პრობლემების მქონე პაციენტებში თავიდან უნდა იქნას აცილებული განმეორებითი მაღალი დოზების გამოყენება, რადგან შემცირდება პრეპარატის გამოყოფის სიჩქარე. ხანმოკლე მკურნალობისას დოზის შემცირება საჭირო არ არის. მონაცემები მისი გრძელვადიანი გამოყენების შესახებ ხელმისაწვდომი არ არის.

პაციენტები ჯანმრთელობის ზოგადი მდგომარეობის დარღვევით და დაბალი კრეატინინის კლირენსით

პაციენტებში ჯანმრთელობის ზოგადი მდგომარეობის დარღვევით და დაბალი კრეატინინის კლირენსით, დოზა უნდა შემცირდეს, რადგან მცირდება ორგანიზმიდან პრეპარატის გამოყოფის სიჩქარე.

თუ გრძნობთ, რომ** ტურქტიპსან ნატრიუმის მეტამიზოლის** მოქმედება ძალიან ძლიერი ან ძალიან სუსტია, აცნობეთ თქვენს ექიმს ან ფარმაცევტს.

თუგამოიყენეთრეკომენდებულ დოზაზე მეტი****ტურქტიპსან ნატრიუმის მეტამიზოლი

ვინაიდან, ტურქტიპსან ნატრიუმის მეტამიზოლის გამოყენება ხდება ექიმის მეთვალყურეობის ქვეშ, ამიტომ მიღებული იქნება აუცილებელი ზომები ასეთი მდგომარეობის განვითარების თავიდან ასაცილებლად. ასეთი მდგომარეობის შემთხვევაში ჩატარდება შესაბამისი მკურნალობა. დოზის გადაჭარბების სიმპტომებია: გულისრევა, ღებინება, ტკივილი მუცლის არეში, თირკმლის დისფუნქცია/თირკმლის მწვავე უკმარისობა (მაგ., ინტერსტიციული ნეფრიტის ნიშნები, მადის დაკარგვა, გადაჭარბებული წყურვილი, თირკმლის ანთება ღებინებასთან ერთად), თავბრუსხვევა, ძილიანობა, ცნობიერების დაკარგვა, კრუნჩხვები, სისხლის მიმოქცევის კოლაფსი არტერიული წნევის შემცირებასთან ერთად (შოკი), გულის არითმია (ტაქიკარდია). მაღალი დოზების მიღების შემდეგ, რუბაზონის მჟავამ – უვნებელი ნივთიერება, რომელიც წარმოიქმნება ორგანიზმში პრეპარატის დაშლის შემდეგ – შეიძლება გამოიწვიოს შარდის წითელი შეფერილობა, როდესაც ის გამოიყოფა ორგანიზმიდან.

თუ გამოიყენეთ საჭიროზე მეტი** ტურქტიპსან ნატრიუმის მეტამიზოლი** , აცნობეთ ექიმს ან ფარმაცევტს.

თუ დაგავიწყდათტურქტიპსან ნატრიუმის მეტამიზოლისგამოყენება

ვინაიდან, ტურქტიპსან ნატრიუმის მეტამიზოლის გამოყენება ხდება ექიმის მეთვალყურეობის ქვეშ, ამიტომ მიღებული იქნება აუცილებელი სიფრთხილის ზომები ასეთი მდგომარეობის განვითარების თავიდან ასაცილებლად.

არ გამოიყენოთ ორმაგი დოზა გამოტოვებული დოზის ასანაზღაურებლად.

ეფექტები, რომლებიც შეიძლება აღინიშნოსტურქტიპსან ნატრიუმის მეტამიზოლითმკურნალობის შეწყვეტისას

თუ შეწყვეტთ ტურქტიპსან ნატრიუმის მეტამიზოლით მკურნალობას ექიმის თანხმობის გარეშე, ტკივილი შეიძლება განგიახლდეთ ან მოიმატოს ცხელებამ.

შესაძლო გვერდითი მოვლენები

სხვა პრეპარატების გამოყენების მდგავსად, შეიძლება განვითარდეს გვერდითი მოვლენები ადამიანებში, რომლებიც მგრძნობიარენი არიან ტურქტიპსან ნატრიუმის მეტამიზოლის შემცველი ნივთიერებების მიმართ.

შეწყვიტეთტურქტიპსან ნატრიუმის მეტამიზოლისგამოყენება და დაუყოვნებლივ აცნობეთ ექიმს ან მიმართეთ უახლოესი საავადმყოფოს სასწრაფო დახმარების განყოფილებას, თუ ჩამოთვლილთაგან რომელიმე გამოვლინდა:

• მძიმე ალერგიული რეაქციები (ანაფილაქსოიდური ან ანაფილაქსიური რეაქციები).

როდესაც ეს რეაქციები უფრო მსუბუქია, სიმპტომები მოიცავს:

თვალების წვას, ხველას, სურდოს, ცემინებას, შებოჭილობას გულმკერდის არეში, სისხლის მოწოლას კანზე (განსაკუთრებით სახესა და თავში), ჭინჭრის ციებას და სახის შეშუპებას, ნაკლებად ხშირად – გულისრევას და მუცლის კრუნჩხვებს. ამ ტიპის რეაქციის განსაკუთრებული მასტიმულირებელი სიმპტომებია: წვის შეგრძნება, ფართოდ გავრცელებული ქავილი და სიცხის შეგრძნება ენის ზემოთ და ქვემოთ, განსაკუთრებით კი ხელისგულებსა და ფეხის გულებზე. ეს უფრო მსუბუქი რეაქციები შეიძლება გადაიზარდოს უფრო მძიმე მდგომარეობებში, როგორიცაა: მწვავე ჭინჭრის ციება, მწვავე ანგიონევროზული შეშუპება (სახის, ენისა და ყელის შეშუპება), მწვავე ბრონქოსპაზმი (ქვედა სასუნთქი გზების კრუნჩხვის მსგავსი შევიწროება), სწრაფი და არარეგულარული გულისცემა (ასევე ზოგჯერ შენელებული გულისცემა), გულისცემის დარღვევა, დაბალი არტერიული წნევა (ზოგჯერ წინ უძღვის არტერიული წნევის მომატება), ცნობიერების დაკარგვა და სისხლის მიმოქცევის შოკი.

ეს რეაქციები შეიძლება განვითარდეს განსაკუთრებით ინტრავენური ინექციის შემდეგ და შეიძლება იყოს სიცოცხლისთვის საშიში ან თუნდაც საკმარისად სერიოზული, რომ ზოგიერთ შემთხვევაში გამოიწვიოს სიკვდილი. ეს რეაქციები შეიძლება გამოვლინდეს მაშინაც კი, თუ პრეპარატი უკვე არაერთხელ იქნა გამოყენებული ყოველგვარი ჩივილების გამოწვევის გარეშე.

ტკივილგამაყუჩებლებით გამოწვეული ასთმის მქონე პაციენტებში ალერგიული რეაქციები ჩვეულებრივ ვლინდება ასთმური შეტევების სახით. (იხ. პარაგრაფი „არ გამოიყენოთ ტურქტიპსან ნატრიუმის მეტამიზოლი შემდეგ შემთხვევებში“).

• თუ სისხლჩაქცევები წარმოგექმნებათ ადვილად ან ჭარბი რაოდენობით, გაქვთ სისხლდენა, რომელიც არის ქინძისთავის ზომის და შეიძლება ზედაპირულად შეინიშნოს კანქვეშ, აღგენიშნებათ უმიზეზო სისხლდენა ცხვირიდან ან ღრძილებიდან (შეიძლება იყოს თრომბოციტოპენიის ნიშანი);
• თუ გაქვთ სიცოცხლისთვის საშიში კანისმიერი მძიმე რეაქციები (სტივენს-ჯონსონის სინდრომი, ტოქსიკური ეპიდერმული ნეკროლიზი), რომელიც იწვევს თქვენს კანზე ბუშტუკების წარმოქმნას ან გენერალიზებულ სიწითლეს და აქერცვლას;
• წყლულები პირის ღრუში, ცხვირსა და ყელში, ან სასქესო ორგანოებზე ან ანალურ მიდამოში, ტკივილი და შეშუპება ყელის არეში, ყლაპვის გაძნელება, შემცივნება, უკონტროლო ან მორეციდივე ცხელება (შეიძლება იყოს აგრანულოციტოზის სიმპტომი);
• ზოგადი სისუსტე, ინფექცია, ცხელება, რომელიც არ იკლებს, სისხლჩაქცევები, სისხლდენა, კანის სიფერმკრთალე. ეს სიმპტომები შეიძლება წარმოიშვას პანციტოპენიის გამო (სისხლის ყველა ტიპის უჯრედის რაოდენობის შემცირება), რამაც შეიძლება გამოიწვიოს სიკვდილი;
• კოუნისის სინდრომი (გულის შეტევა ალერგიის გამო).

ეს ყველაფერი ძალიან სერიოზული გვერდითი მოვლენებია. თუ აღგენიშნებათ ერთ-ერთი მათგანი, ეს ნიშნავს, რომ თქვენ გაქვთ სერიოზული ალერგია ტურქტიპსან ნატრიუმის მეტამიზოლზე.

შეიძლება დაგჭირდეთ სასწრაფო სამედიცინო დახმარება ან ჰოსპიტალიზაცია.

გვერდითი მოვლენები ჩამოთვლილია შემდეგი კატეგორიების მიხედვით:

ძალიან ხშირი: იგი შეიძლება გამოვლინდეს 10-დან მინიმუმ 1 პაციენტში.

ხშირი : იგი შეიძლება გამოვლინდეს 10-დან 1-ზე ნაკლებ პაციენტში, მაგრამ 100-დან 1-ზე მეტ პაციენტში.

არახშირი: იგი შეიძლება გამოვლინდეს 100-დან 1-ზე ნაკლებ პაციენტში, მაგრამ 1000-დან 1-ზე მეტ პაციენტში.

იშვიათი: იგი შეიძლება გამოვლინდეს 1000-დან 1-ზე ნაკლებ პაციენტში, მაგრამ 10000-დან 1-ზე მეტ პაციენტში.

ძალიან იშვიათი: იგი შეიძლება გამოვლინდეს 10000-დან 1-ზე ნაკლებ პაციენტში.

უცნობი: არსებული მონაცემების საფუძველზე, მისი პროგნოზირება შეუძლებელია.

არახშირი:

- იასამნისფერი ან მუქი წითელი, ზოგჯერ ბუშტუკოვანი გამონაყარი კანზე (ფიქსირებული წამლისმიერი გამონაყარი);

- დაბალი არტერიული წნევა პირდაპირ უკავშირდება პრეპარატს (იზოლირებული ჰიპოტენზიური რეაქციები), რომელიც არ არის დაკავშირებული ალერგიული რეაქციის ნიშნებთან. ამ ტიპის რეაქციამ მხოლოდ იშვიათად შეიძლება გამოიწვიოს არტერიული წნევის სერიოზული ვარდნა. პრეპარატის სწრაფი ინექცია ვენაში ზრდის არტერიული წნევის ვარდნის რისკს. პათოლოგიურად მაღალი სიცხის შემთხვევაში შეიძლება გაიზარდოს დაბალი არტერიული წნევის რისკი (ჰიპერპირექსია).

არტერიული წნევის მკვეთრი ვარდნის ტიპიური ნიშნებია: სწრაფი გულისცემა (ტაქიკარდია), კანის სიფერმკრთალე, კანკალი ან ტრემორი (ტრემორი), თავბრუსხვევა, გულისრევა და სისუსტე.

იშვიათი:

- ალერგიული რეაქციები (ანაფილაქტოიდური ან ანაფილაქსიური რეაქციები);

- სისხლის თეთრი უჯრედების რაოდენობის შემცირება (ლეიკოპენია);

- კანისმიერი გამონაყარი (მაგ. მაკულოპაპულური გამონაყარი).

ძალიან იშვიათი:

- გარკვეული ტიპის სისხლის თეთრი უჯრედების რაოდენობის მნიშვნელოვანი შემცირება (აგრანულოციტოზი) ან სისხლში თრომბოციტების რაოდენობის შემცირება (თრომბოციტოპენია), რაც ზოგიერთ შემთხვევაში შეიძლება ლეტალური იყოს. ითვლება, რომ ეს რეაქციები გამოწვეულია იმუნური სისტემის მიერ. აგრანულოციტოზის რისკი შეიძლება იშვიათად გაიზარდოს იმ შემთხვევებში, როდესაც ტურქტიპსან ნატრიუმის მეტამიზოლი გამოიყენება კვირაზე მეტი ხნის განმავლობაში. აგრანულოციტოზის ნიშნებია: მაღალი სიცხე, შემცივნება, ყელის ტკივილი, ყლაპვის გაძნელება, პირის ღრუს, ცხვირისა და ყელის ან სასქესო ორგანოების ან ანალური მიდამოს ანთება. თუმცა, პაციენტებში, რომლებიც იღებენ ანტიბიოტიკებს, ეს სიმპტომები შეიძლება იყოს ძალიან დაბალ დონეზე.

დალექვის სიჩქარე მნიშვნელოვნად იზრდება, ხოლო ლიმფური კვანძები იზრდება ძალიან მცირედით.

თრომბოციტოპენიის ტიპიური ნიშნებია, მაგალითად, ქინძისთავის ზომის, ზედაპირული სისხლდენა კანქვეშ და სისხლდენა ჩვეულებრივზე უფრო სწრაფად.

- ასთმური შეტევები (სუნთქვის გაძნელება ქვედა სასუნთქი გზების შევიწროების გამო);

- ხშირი წყლით სავსე ბუშტუკები კანზე და კანის აქერცვლა (სტივენს-ჯონსონის სინდრომი ან ტოქსიკური ეპიდერმული ნეკროლიზი);

- თირკმლის ფუნქციის მწვავე გაუარესება, ზოგიერთ შემთხვევაში შარდის შემცირება ან შარდვის შეუძლებლობა (ოლიგურია ან ანურია), ცილა შარდში (პროტეინურია) ან მდგომარეობის პროგრესირება თირკმლის მწვავე უკმარისობამდე; თირკმლის ანთება (მწვავე ინტერსტიციული ნეფრიტი).

უცნობი:

- ანაფილაქსიური შოკი (ხელების, ტერფების, სახის და ტუჩების შეშუპება, ან მძიმე ალერგიული რეაქცია, რომელიც იწვევს ყელის შეშუპებას, განსაკუთრებით იწვევს ქოშინს);

- გულის შეტევა ალერგიის გამო (კოუნისის სინდრომი);

- ანემია (აპლასტიკური ანემია), რომელიც ვითარდება ძვლის ტვინში დარღვევის შედეგად სისხლის უჯრედების წარმოქმნის შემცირებით, რასაც შეიძლება მოჰყვეს ლეტალური შედეგები, სისხლის თეთრი და წითელი უჯრედების და თრომბოციტების რაოდენობის შემცირება (პანციტოპენია).

პანციტოპენიის და აპლასტიკური ანემიის სიმპტომებია: ზოგადი სისუსტე, ინფექცია, ცხელება, რომელიც არ კონტროლდება, სისხლჩაქცევები, სისხლდენა, კანის სიფერმკრთალე.

- დაფიქსირდა კუჭ-ნაწლავის ტრაქტიდან სისხლდენის შემთხვევები.

რუბაზონის მჟავამ, უვნებელი ნივთიერება, რომელიც წარმოიქმნება ორგანიზმში პრეპარატის დაშლის შემდეგ, შეიძლება გამოიწვიოს შარდის წითლად შეღებვა.

რეაქციები შეყვანის ადგილას

ინექციებმა შეიძლება გამოიწვიოს ტკივილი და რეგიონალური რეაქციები ინექციის ადგილზე, იშვიათ შემთხვევებში კი გამოიწვიოს სისხლძარღვების ანთება ინექციის ადგილზე (ფლებიტი).

თუ აღგენიშნებათ რაიმე გვერდითი მოვლენა, რომელიც ზემოთ არ არის ჩამოთვლილი, აცნობეთ ექიმს ან ფარმაცევტს.

შეტყობინებაგვერდითიმოვლენების****შესახებ

ისეთი გვერდითი მოვლენების აღნიშვნის შემთხვევაში, რომლებიც ზემოთ არ არის მითითებული, მიმართეთ თქვენს ექიმს, ფარმაცევტს ან ექთანს. გვერდითი მოვლენის შესახებ ასევე, გთხოვთ შეატყობინოთ თურქეთის ფარმაკოზედამხედველობის ცენტრს (TUFAM), ვებ-გვერდზე www.titck.gov.tr ღილაკზე „შეტყობინება გვერდითი მოვლენების შესახებ“ დაწკაპუნებით ან დარეკვით ნომერზე 0 800 314 00 08, რომელიც წარმოადგენს გვერდითი მოვლენების შეტყობინების ცხელ ხაზს. გვერდითი მოვლენების შეტყობინებით, თქვენ ხელს შეუწყობთ მეტი ინფორმაციის მიწოდებას იმ წამლის უსაფრთხოებასთან დაკავშირებით, რომელსაც იყენებთ.

ტურქტიპსან ნატრიუმის მეტამიზოლის****შენახვის პირობები

შეინახეთ** ტურქტიპსან ნატრიუმის მეტამიზოლი** ბავშვებისთვის მიუწვდომელ ადგილას და თავის შეფუთვაში.

ინახება ოთახის ტემპერატურაზე 25°C-ზე დაბლა, ორიგინალი შეფუთვით .

გამოიყენეთ ვარგისობის ვადის შესაბამისად.

არ გამოიყენოთ** ტურქტიპსან ნატრიუმის მეტამიზოლი** ვარგისობის ვადის გასვლ _ის შემდეგ,_რომელიც მითითებულია შეფუთვაზე.

არ გადაყაროთ ვადაგასული ან გამოუყენებელი მედიკამენტები! გადაეცით ისინი მედიკამენტების შეგროვების სისტემას, რომელსაც განსაზღვრავს გარემოსა და ურბანული დაგეგმარების სამინისტრო.

მარკეტინგული ლიცენზიის მფლობელი

TURKTIPSAN SAĞLIK TURİZM EĞİTİM VE TİCARET A.Ş.

(ტურკტიპსან საღლიკ ტურიზმ ეღითიმ ვე ტიჯარეთ ა.შ.)

აკიურთი/ანკარა.

ტელეფონი: 0 312 8441508

ელ.ფოსტა: [email protected]

მწარმოებელი

TURKTIPSAN SAĞLIK TURİZM EĞİTİM VE TİCARET A.Ş.

(ტურკტიპსან საღლიკ ტურიზმ ეღითიმ ვე ტიჯარეთ ა.შ.)

აკიურთი/ანკარა.

ტელეფონი: 0 312 8441508

ელ.ფოსტა: [email protected]

გამოყენებასთან დაკავშირებული გაფრთხილებები ექიმებისა და ექთნებისთვის

საჭირო ზომების მიღება აუცილებელია შოკის სამკურნალოდ, საინექციო ხსნარის შეყვანა უნდა მოხდეს მას შემდეგ, რაც მისი ტემპერატურა მიაღწევს სხეულის ტემპერატურას.

ძალიან დაბალი არტერიული წნევით თანმხლები შოკური მდგომარეობის გამოვლენის ყველაზე გავრცელებული მიზეზია აინექციების სწრაფი შეყვანა.

ამიტომ, არტერიული წნევის უეცარი შეცირების თავიდან ასაცილებლად, ინტრავენური ინექციები უნდა გაკეთდეს ძალიან ნელა, არაუმეტეს 1 მლ წუთში, როდესაც პაციენტი წევს, იმ პირობით, რომ არტერიული წნევა, პულსი და სუნთქვა კონტროლდება.

მეტამიზოლის 1 გ-ზე მეტი დოზები გამოიყენება მხოლოდ იმ შემთხვევაში, თუ არსებობს გარკვეული ჩვენება, რადგან არაალერგიული დაბალი არტერიული წნევა შეიძლება დამოკიდებული იყოს დოზაზე. ტურქტიპსან ნატრიუმის მეტამიზოლის საინექციო ხსნარის შერევა არ შეიძლება სხვა პრეპარატებთან იმავე ინჟექტორში.

ზოგადი დახასიათება:
საერთაშორისო და ქიმიური სახელწოდება: Metamizol sodium; [(1.5-დიმეთილ-3-ოქსო-2-ფენილ-2.3-დიჰიდრო-1H-პირაზოლ-4-ილ)-N-მეთილამინო] ნატრიუმის მეთანსულფონატი, მონოჰიდრატი;

ძირითადი ფიზიკურ-ქიმიური თვისებები: თეთრი ან თეთრი მოყვითალო შეფერილობით ტაბლეტები, ბრტყელი ზედაპირით, ნაზოლითა და ხაზით;

შემცველობა: 1 ტაბლეტი შეიცავს 0.5 გ ნატრიუმის მეტამიზოლს (ანალგინს), უწყლო ნივთიერებაზე გადაანგარიშებით;
დამხმარე ნივთიერებები: ტალკი, სტეარინმჟავე კალციუმი, კარტოფილის სახამებელი.

გამოშვების ფორმა. ტაბლეტები.

ფარმაკოთერაპიული ჯგუფი. ანალგეტიკები და ანტიპირეტიკები. პირაზოლონები. კოდი ATC N02B B02.გამოყენების ჩვენებები. ციებცხელების სინდრომი. სხვადასხვა წარმოშობის სუსტი და საშუალო ინტენსივობის ტკივილის სინდრომი: თავის ტკივილი, ნევრალგია, მიალგია, ართრალგია, ღვიძლის კოლიკა, თირკმელების კოლიკა, ნაწლავის კოლიკა, ტრავმები, დამწვრობა, დიკომპრესიული დაავადება, ორქიტი, რადიკულიტი, მიოზიტი, კბილის ტკივილი, ალგოდისმენორეა.

გამოყენების წესი და დოზები. უფროსებში პრეპარატი გამოიყენება ჭამის შემდეგ 0.25-0.5 გ 2-3-ჯერ დღეში.
ბავშვებში პრეპარატი ინიშნება 2-3-ჯერ დღეში.
ერთჯერადი დოზები 3-6 წლის ასაკის ბავშვებისათვის – 125-250 მგ, 6-10 წლის – 250-375 მგ, 10-14 წლის – 375-500 მგ.
უმაღლესი დოზები უფროსებისათვის: ერთჯერადი – 1 გ, დღე-ღამის – 3 გ. მკურნალობის კურსის შესაძლო საშუალო ხანგრძლივობა – 5 დღემდე.კუჩვენებები. ჰიპერმგრძნობელობა პრეპარატის კომპონენტების მიმართ. პერიფერიული სისხლის შემცველობის შეცვლა: აგრანულოციტოზი, ლეიკოპენია. სისხლის დაავადებები: ნებისმიერი ეთიოლოგიის ანემია, ციტოსტატიკური ან ინფექციური ნეიტროპენია. ორსულობა, განსაკუთრებით ორსულობის I ტრიმესტრში და ბოლო 6 კვირა. ლაქტაციის პერიოდი. 3 წლამდე ბავშვთა ასაკი. ღვიძლისა და თირკმელების ფუნქციის გამოხატული ცვლილებები (პორფირიული ცვლა). გლიკოზა-6-ფოსფატდეჰიდროგენაზის თანდაყოლილი უკმარისობა.შენახვის პირობები და ვადები. ინახება ბავშვებისათვის მიუწვდომელ ადგილას, საწყის შეფუთვაში, ტემპერატურაზე არაუმეტეს 25რC

შემადგენლობა: აქტიური ნივთიერებას მეტამიზოლ ნატრიუმი 1000მგ 2მლ საინექციო ხსნარში. სხვა დამხმარე ნივთიერებები: საინექციო წყალი.
ჩვენებები: ანალგინი შეიცავს მეტამიზოლ ნატრიუმს, რომელიც განეკუთვნება ტკივილგამაყუჩებელ წამლებს (ანალგეტიკები). ამავდროულად ის ავლენს სიცხის დამწევ ქმედებასაც. ანალგინი გამოიყენება: სხვადასხვა წარმოშობის მწვავე, ზომიერად ძლიერი და ძლიერი ტკივილის მოკლე დროით გასაყუჩებლად; მაღალი ტემპერატურის დამწევად, თუ ტემპერატურაზე სხვა მეთოდი არ მოქმედებს.

უკუჩვენება: თუ პაციენტი არის ალერგიული აქტიურ ნივთიერების მეტამიზოლის ან პირაზოლონის ჯგუფის წარმოებული სხვა პრეპარატების ან ამ წამლის სხვა შემადგენელი ნივთიერებების მიმართ. თუ პაციენტს აწუხებს ღვიძლის მწვავე პორფირია ან თანდაყოლილი გლუკოზო-6-ფოსფატდეჰიდროგენაზული უკმარისობა; თუ პაციენტს აწუხებს ღვიძლის და-ან თირკმელების მძიმე დაავადება; თუ პაციენტს დარღვეული აქვს ძვლის ტვინის ფუნქცია ან ჰემატოლოგიური დაავადება, როგორიცაა აპლასტიური ანემია, აგრანულოციტოზი, ლეიკოპენია; თუ პაციენტს აქვს ჰიპოტონია ან არასტაბილური სისხლის მიმოქცევა; თუ პაციენტი არის ორსულoბის ბოლო ტრიმესტრში.ოზრდილები და 15 წელზე უფროსი ასაკის მოზარდებმა: მოზრდილებმა და 15 წლის და მეტი ასაკის მოზარდებმა (53კგ-ზე მეტი სხეულის მასით) შეიძლება მიიღონ 1-2მლ ინტრავენურად ან კუნთში, როგორც ერთჯერადი დოზა. თუ აუცილებელია, ერთჯერადი დოზა შეიძლება გაიზარდოს 5მლ- მდე ( შეესაბამება 2500მგ ანალგინს). მაქსიმალური დღიური დოზაა 8მლ.; საჭ იროების შემთხვევაში დღიური დოზა შეიძლება გაიზარდოს 10მლ-დე (შეესაბამება 5000მგ ანალგინს).

ჩვილები და ბავშვები: ერთჯერადი დოზის სახით ინტრავენურად ან კუნთში უნდა იხელმძღვანელონ შემდეგი სქემით:
ბავშვების ასაკობრივი
დიაპაზონი: ერთჯერადი მაქსიმალური
(სხეულის მასა) დოზა დღიური დოზა
ჩვილები 3-11თვის 0.1-0.2მლ 0.4-0.8მლ
(დაახლოებით 5-8კგ.)

1-3 წლის
(დაახლოებით 9-15კგ) 0.2-0.5მლ 0.8-2.0მლ

4-6 წლის
(დაახლოებით 16-23კგ) 0.3-0.8მლ 1.2-3.2მლ

7-9 წლის
(დაახლოებით 24-30კგ) 0.4-1.0მლ 1.6-4.0მლ

10-12 წლის
(დაახლოებით 31-45კგ) 0.5-1.4მლ 2.0-5.6მლ

13-14 წლის
(დაახლოებით 46-53კგ) 0.8-1.4მლ 3.2-7.2მლ

ხანდაზმულები და ჯანმრთელობის გაუარესებული მდგომარეობის-თირკმელების დისფუნქციის მქონე პაციენტები: ხანდაზმულებსა და ჯანმრთელობის გაუარესებული მდგომარეობის- თირკმელების დისფუნქციის მქონე პაციენტებისთვის დოზა უნდა შემცირდეს, რადგანაც მათ ორგანიზმში მეტამიზოლის პროდუქტის გამოყოფა შესაძლოა იყოს შენელებული.შენახვის წესი: პრეპარატი ინახება ორიგინალ შეფუთვაში, სინათლისგან დაცულ და ბავშვებისთვის მიუწვდომელ ადგილას. ინახება 25C-ზე დაბალ ტემპერატურაზე

ანალგინის ხსნარი 50%

Solution Analgin 50%

ანალგინის 50% ხსნარი საინექციო

Solutio Analgini 50% pro injectionibus

გენერიული დასახელება : Metamizole sodium

ფარმაკოთერაპიული ჯგუფი:
ტკივილგამაყუჩებელი, სიცხის დამწევი, ანთების საწინააღმდეგო საშუალება.
ATC - კოდი: N02BB02

ფორმა : საინექციო ხსნარი ამპულებში.

შემადგენლობა:
ყოველი მლ პრეპარატი შეიცავს 500 მგ ანალგინს.
დამხმარე ნივთიერებები: საინექციო წყალი.

ფარმაკოლოგიური თვისებები:
ფარმაკოდინამიკა:
პრეპარატს გააჩნია გამოხატული ტკივილგამაყუჩებელი და სიცხის დამწევი მოქმედება. ტკივილგამაყუჩებელი ეფექტი დაკავშირებულია ტკივილის რეაქციის გამომწვევი ანთების ენდოგენური მედიატორების (ციტოკინები, ბრადიკინინები, პროსტაგლანდინები და სხვა) ბიოსინთეზის დათრგუნვასთან. პრეპარატი აბრკოლებს ტკივილის იმპულსების გატარებას ნერვული ბოჭკოების მიერ და ზრდის აღგზნების ზღურბლს თალამუსის დონეზე. სიცხის დამწევი მოქმედების მექანიზმი ძირითადად განპირობებულია ბაქტერიების ენდოტოქსინების გამოყოფის შეზღუდვით.

ფარმაკოკინეტიკა:
კუნთში შეყვანისას სწარაფად და სრულად შეიწოვება სისხლში. ღვიძლში განიცდის დაჟანგვით დეზამინირებას. ბავშვებში დეზამინირების პროცესები მიმდინარეობს უფრო ნელა ვიდრე მოზრდილებში. ბავშვებში ხშირი შეყვანისას (დღეღამეში 4- ჯერზე უფრო მეტი) შესაძლებელია პრეპარატის კუმულაცია და ინტოქსიკაცია.
სისხლში პრეპარატი აღინიშნება მხოლოდ მეტაბოლიტების სახით. ანალგინი და მისი მეტაბოლიტები სუსტად უკავშირდებიან პლაზმის ცილებს, სწრაფად და თანაბრად ნაწილდებიან ქსოვილებში. მაქსიმალური კონცენტრაცია მიიღწევა პარენტერალური შეყვანიდან 1-1,5 სთ შემდეგ. ნახევარგამოყოფის პერიოდი შეადგენს 7 სთ. მეტაბოლიტები მთლიანად გამოიყოფა შარდთან ერთად, შეყვანილი დოზის 71% გამოიყოფა 0-24 სთ პერიოდში, ხოლო დანარჩენი 18% 24-48 სთ პერიოდში.

ჩვენებები:
სხვადასხვა წარმოშობის ტკივილები (თავის ტკივილი, ნევრალგია, რადიკულიტები, მიოზიტები), ციებცხელება, გრიპი, რევმატიზმი, ქორეა.

მიღების წესი და დოზირება:
მოზრდილებში შეჰყავთ კუნთში (ან ინტრავენურად ძლიერი ტკივილის დროს), 1-2 მლ პრეპარატი 2-3-ჯერ დღეღამეში. მაქსიმალური სადღეღამისო დოზა 6 მლ (3 გრ ანალგინი).
ბავშვებში შეჰყავთ კუნთში ერთჯერადი დოზით 0,1-0,2 მლ პრეპარატი (50-100 მგ ანალგინი) სხეულის 10 კგ მასაზე, 1-2 ჯერ დღეღამეში.

უკუჩვენებები:
პრეპარატისადმი ინდივიდუალური მგრძნობიელობა (ალერგიული რეაქციები, ბრონქოსპაზმი), აგრანულოციტოზი, თრომბოციტოპენია, ჰეპატოპორფირია, ღვიძლის ან თირკმლის ფუნქციების დეკომპენსირებული უკმარისობები.

გვერდითი მოვლენები:
ალერგიული რექციები: ბრონქოსპაზმი, კანზე გამონაყარი, კვინკეს შეშუპება, იშვიათად ანაფილაქსიური შოკი.

ურთიერთქმედება სხვა პრეპარატებთან:
კოდეინთან ერთდროული მოხმარებისას იზრდება პრეპარატის ტკივილგამაყუჩებელი მოქმედება. ბარბიტურატებთან ერთდროული მოხმარებისას ეფექტი არასტაბილურია - შესაძლებელია მოქმედების გაძლიერება ან შესუსტება. მერკაზოლილთან ერთდროული მიღებისას იზრდება ლეიკოპენიის ალბათობა. ანალგინი აძლიერებს პერორალური ანტიდიაბეტური საშუალებების მოქმედებას.

ორსულობა და ლაქტაცია:
ორსულობის და ლაქტაციის პერიოდში პრეპარატს ღებულობენ განსაკუთრებული სიფრთხილით.

სიფრთხილე და განსაკუთრებული მითითებები:
პრეპარატს ნიშნავენ სიფრთხილით, განსაკუთრებით 9 წლის ასაკამდე ბავშვებში. პრეპარატით ხანგრძლივი მკურნალობის აუცილებლობის შემთხვევაში საჭიროა პერიფერიული სისხლის სურათის პერიოდული კონტროლი. ორსულებში (განსაკუთრებით პირველ ტრიმესტრში და ორსულობის უკანასკნელი 6 კვირის განმავლობაში) პრეპარატის მიღება უნდა იყოს შეზღუდული.
პრეპარატის მიღება არ მოქმედებს ავტომანქანის მართვაზე და პოტენციურად სახიფათო მექანიზმებთან მუშაობაზე.

ჭარბი დოზირება:
სიმპტომები: ჰიპოთერმია, გამოხატული ჰიპოტენზია, გულისცემა, გულისრევა, ღებინება, სისუსტე, შფოთვა, კრუნჩხვები, შესაძლებელია მწვავე აგრანულოციტოზის, ჰემორაგიული სინდრომის, თირკმლის ან ღვიძლის მწვავე უკმარისობის განვითარება. მკურნალობა: სიმპტომური თერაპია მიმართული სასიცოცხლოდ მნიშვნელოვანი ფუნქციების შენარჩუნებაზე.

**შენახვის პირობები: **სინათლისგან დაცულ ადგილას.

**შენახვის ვადა: **3 წელი.

გამოშვების ფორმა: 2 მლ პრეპარატი ამპულაში. 10 ამპულა კოლოფში.

გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე.