ფარმაკოთერაპიული ჯგუფი: იმუნომოდულატორი, ანტიოქსიდანტი, ანტიმიკრობული.
ჩვენება: კამელინის საინექციო ფორმა გამოიყენება როგორც იმუნომოდულატორი კომპლექსური თერაპიის დროს ქვემოთ ჩამოთვლილ შემთხვევებში: ვირუსული ინფექციების, ბაქტერიული ინფექციების, სოკოვანი ინფექციების, უროლოგიური დაავადებების (ქრონიკული ბაქტერიული პროსტატიტი, ქრონიკული ურეტრიტი), სიმსივნური დაავადებების მკურნალობის დროს ქიმიოთერაპიული საშუალებებით გამოწვეული გვერდითი ეფექტების შემცირების თვალსაზრისით, ოსტეოართრიტის, ხერხემლის ოსტეოქონდროზის, სახსრების დეგენერაციულ-დისტროფიული დაავადებების, პოლინეიროპათიების, პოსტოპერაციული პერიოდის, ტრავმების, ტუბერკულოზური პლევრიტის (ემპიემა) და სხვა დაავადებების დროს.

მიღების წესი: პრეპარატის 2.0 მლ კეთდება დღეში ორჯერ ინტრამუსკულარულად, დილით და საღამოს. „კამელინი - M1„ შეგვყავს ღრმად დუნდულო კუნთში ნელი ტემპით, წყვეტილად, 20–25 წამიანი ინტერვალებით ცალკეულ ულუფებს შორის. მკურნალობის კურსი ოცი დღე. კურსებს შორის შესვენება რვა დღე. მკურნალობის ხანგრძლივობა 2–დან 5 თვემდე. საჭიროების შემთხვევაში შესაძლებელია შემანარჩუნებელი მკურნალობის გაგრძელება.

რევმატიული ანთებითი დაავადებების-ოსტეოართრიტების, მათ შორის გართულებული ფორმების (რეაქტიული სინოვიტი, ბეიკერის ცისტა, ბურსიტი, ტენდოვაგინიტი) და ხერხემლის ოსტეოქონდროზის სამკურნალოდ გამოიყენება ფიზიოთერაპიული მეთოდი, კერძოდ ელექტროფორეზი.

გვერდითი მოვლენები: თერაპიულ დოზებში არატოქსიურია, არ ახასიათებს გვერდითი მოვლენები. შესაძლებელია ინდივიდუალური ჰიპერმგრძნობელობის გამოვლენა სამკურნალო საშუალების კომპონენტების მიმართ.

უკუჩვენება: მომატებული მგრძნობელობა პრეპარატის შემადგენელი კომპონენტების მიმართ.

ბავშვებში: 5 წლამდე ასაკის ბავშვებში ინიშნება მხოლოდ ექიმის რეკომენდაციით. 5–12 წლამდე ასაკის ბავშვებში დღიური დოზა შეადგენს 1,0 მლ–ს.

ორსულობა და ლაქტაცია: უკუჩვენებები არ არის გამოვლენილი.

ჭარბი დოზირება: გადაჭარბებელი დოზირების შემთხვევაში გვერდითი მოვლენები არ არის გამოვლენილი.

საფრთხე ავტომანქანის მართვის ან დანადგარებთან მუშაობისას: პრეპარატის მიღება სიფრთხილეს არ მოითხოვს.

ურთიერთქმედება სხვა პრეპარატებთან: კამელინი-M1 თავსებადია ყველა სამკურნალწამლო საშუალებასთან, რომელიც გამოიყენება ზემოთდასახელებული დაავადებების სამკურნალოდ.

გამოშვების ფორმა: 2 მლ. მუქი ფერის მინის ამპულა, 10 ამპულა პოლივინილქლორიდის ბლისტერზე, ერთი ბლისტერი მუყაოს კოლოფში.

შენახვის პირობები: მშრალ, სინათლისაგან დაცულ, ოთახის ტემპერატურის პირობებში, ბავშვებისთვის მიუწვდომელ ადგილას.

ვარგისიანობის ვადა: 2 წელი

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.

კამელინ-F-M1 ხსნარი

Camelyn-F-M1 liquid

საკვები დანამატი შაქარ-მოცილებული თაფლით

შემადგენლობა:

პერორალულად მისაღები 2.0 მლ ხსნარი ამპულებში. 1 ამპულა შეიცავს 0.111 გ. შაქარ- მოცილებული თაფლის ლიოფილიზატს.

შემავსებელი ნივთიერებები: პროპილენგლიკოლი, გამოხდილი წყალი.

მიღების წესი და დოზირება:

ამპულის შიგთავსი ზავდება 50–70 მლ ოთახის ტემპერატურის წყალში. მიიღება პერორალურად, ჭამის შემდეგ, დღეში ორჯერ.

| დღიური დოზა (2 ამპულის მიღების შემთხვევაში)
---|---
შაქარ-მოცილებული თაფლის ლიოფილიზატი | 222 მგ

გამოყენების ჩვენებები:

შაქარ-მოცილებული თაფლი აუმჯობესებს იმუნური სისტემის ფუნქციონირების უნარს სხვადასხვა ვირუსული და ბაქტერიული დაავადებების დროს, გააჩნია ანტიოქსიდანტური აქტივობა.

გამოყენების რეკომენდაციები:

ორსულმა და მეძუძურმა ქალებმა მიმართეთ ექიმს ნებისმიერი საკვები დანამატის მიღებამდე.

საკვები დანამატის გამოყენება არ არის რეკომენდებული ყვავილის მტვრის მიმართ ალერგიული ან ასთმისადმი მიდრეკილი ადამიანებისთვის.

რაიმე გვერდითი რეაქციის დაფიქსირების შემთხვევაში შეწყვიტეთ საკვები დანამატის გამოყენება და კონსულტაციისთვის მიმართეთ ექიმს ან ფარმაცევტს.

ნუ გადააჭარბებთ რეკომენდირებულ დღიურ დოზას.

რაოდენობა შეფუთვაში : 2 მლ მუქი ფერის მინის ამპულა. 10 ამპულა პოლივინილქლორიდის ბლისტერზე, ერთი ბლისტერი მუყაოს კოლოფში.

შენახვის პირობები:

შეინახეთ ოთახის ტემპერატურაზე, ბავშვებისგან ხელმიუწვდომელ და მზის სხივების პირდაპირი ზემოქმედებისგან დაცულ ადგილზე.

ფარმაკოთერაპიული ჯგუფი: იმუნომოდულატორი, ანტიოქსიდანტი, ანტიმიკრობული.
ჩვენება: კამელინის საინექციო ფორმა გამოიყენება როგორც იმუნომოდულატორი კომპლექსური თერაპიის დროს ქვემოთ ჩამოთვლილ შემთხვევებში: ვირუსული ინფექციების, ბაქტერიული ინფექციების, სოკოვანი ინფექციების, უროლოგიური დაავადებების (ქრონიკული ბაქტერიული პროსტატიტი, ქრონიკული ურეტრიტი), სიმსივნური დაავადებების მკურნალობის დროს ქიმიოთერაპიული საშუალებებით გამოწვეული გვერდითი ეფექტების შემცირების თვალსაზრისით, ოსტეოართრიტის, ხერხემლის ოსტეოქონდროზის, სახსრების დეგენერაციულ-დისტროფიული დაავადებების, პოლინეიროპათიების, პოსტოპერაციული პერიოდის, ტრავმების, ტუბერკულოზური პლევრიტის (ემპიემა) და სხვა დაავადებების დროს.

მიღების წესი: პრეპარატის 2.0 მლ კეთდება დღეში ორჯერ ინტრამუსკულარულად, დილით და საღამოს. „კამელინი - M1„ შეგვყავს ღრმად დუნდულო კუნთში ნელი ტემპით, წყვეტილად, 20–25 წამიანი ინტერვალებით ცალკეულ ულუფებს შორის. მკურნალობის კურსი ოცი დღე. კურსებს შორის შესვენება რვა დღე. მკურნალობის ხანგრძლივობა 2–დან 5 თვემდე. საჭიროების შემთხვევაში შესაძლებელია შემანარჩუნებელი მკურნალობის გაგრძელება.

რევმატიული ანთებითი დაავადებების-ოსტეოართრიტების, მათ შორის გართულებული ფორმების (რეაქტიული სინოვიტი, ბეიკერის ცისტა, ბურსიტი, ტენდოვაგინიტი) და ხერხემლის ოსტეოქონდროზის სამკურნალოდ გამოიყენება ფიზიოთერაპიული მეთოდი, კერძოდ ელექტროფორეზი.

გვერდითი მოვლენები: თერაპიულ დოზებში არატოქსიურია, არ ახასიათებს გვერდითი მოვლენები. შესაძლებელია ინდივიდუალური ჰიპერმგრძნობელობის გამოვლენა სამკურნალო საშუალების კომპონენტების მიმართ.

უკუჩვენება: მომატებული მგრძნობელობა პრეპარატის შემადგენელი კომპონენტების მიმართ.

ბავშვებში: 5 წლამდე ასაკის ბავშვებში ინიშნება მხოლოდ ექიმის რეკომენდაციით. 5–12 წლამდე ასაკის ბავშვებში დღიური დოზა შეადგენს 1,0 მლ–ს.

ორსულობა და ლაქტაცია: უკუჩვენებები არ არის გამოვლენილი.

ჭარბი დოზირება: გადაჭარბებელი დოზირების შემთხვევაში გვერდითი მოვლენები არ არის გამოვლენილი.

საფრთხე ავტომანქანის მართვის ან დანადგარებთან მუშაობისას: პრეპარატის მიღება სიფრთხილეს არ მოითხოვს.

ურთიერთქმედება სხვა პრეპარატებთან: კამელინი-M1 თავსებადია ყველა სამკურნალწამლო საშუალებასთან, რომელიც გამოიყენება ზემოთდასახელებული დაავადებების სამკურნალოდ.

გამოშვების ფორმა: 2 მლ. მუქი ფერის მინის ამპულა, 10 ამპულა პოლივინილქლორიდის ბლისტერზე, ერთი ბლისტერი მუყაოს კოლოფში.

შენახვის პირობები: მშრალ, სინათლისაგან დაცულ, ოთახის ტემპერატურის პირობებში, ბავშვებისთვის მიუწვდომელ ადგილას.

ვარგისიანობის ვადა: 2 წელი

გაცემის წესი: ფარმაცევტული პროდუქტის ჯგუფი III, გაიცემა რეცეპტის გარეშე.