შემადგენლობა: აქტიური ნივთიერებაა ბუდესონიდი.დამხმარე ნივთიერებები: (შემავსებლები): უწყლო გლუკოზა, მიკროკრისტალური ცელულოზა და ნატრიუმის კარმელოზა, პოლისორბატი 80, ნატრიუმის ედეტატი, კალიუმის სორბატი (E-202), მარილმჟავა და გამოხდილი წყალი. ერთი შესხურება შეიცავს 100 მიკროგრამ ბუდესონიდს (2მგ-მლ).

ჩვენება: ბუდესონიდი ნაზალ ალდო-უნიონი 100 მიკროგრამი-დოზის აქტიური ნივთიერებაა ბუდესონიდი, რომელიც მიეკუთვნება გლუკოკორტიკოიდების ჯგუფის მედიკამენტებს და გამოიყენება ცხვირის ლორწოვანი გარსის (ცხვირის შიგნით) ანთების შესასუსტებლად. ბუდესონიდი ნაზალ ალდო-უნიონი 100მიკროგრამი-დოზა გამოიყენება სეზონური ალერგიული რინიტის (,,თივისმიერი ცხელება”), აგრეთვე მთელი წლის განმავლობაში მიმდინარე და ვაზომოტორული რინიტის სამკურნალოდ.

უკუჩვენება: ბუდესონიდი ნაზალ ალდო-უნიონი 100მიკროგრამი-დოზა ცხვირის სპრეი, სუსპენზია არ გამოიყენება: თუ პაციენტი არის ალერგიული (ჰიპერმგრძნობიარე) ბუდესონიდის ან ბუდესონიდი ნაზალ ალდო-უნიონი 100 მიკროგრამი-დოზის სხვა რომელიმე ინგრედიენტის მიმართ.ორსულობა, ლაქტაცია და ფერტილობა: თუ პაციენტი არის ორსულად ან ლაქტაციის პერიოდში, ფიქრობს, რომ არის ორსულად ან გეგმავს ბავშვის გაჩენას, ამ პრეპარატის გამოყენებამდე უნდა მიმართოს მკურნალ ექიმს ან ფარმაცევტს. არ არსებობს აშკარა მტკიცებულება იმისა, რომ ეს პრეპარატი ზიანს აყენებს დედას ან შვილს, ორსულობის ან ლაქტაციის პერიოდში გამოყენებისას.
ნებისმიერი მედიკამენტის მიღებამდე უნდა მიემართოს მკურნალ ექიმს ან ფარმაცევტს კონსულტაციისთვის.გამოყენების წესი: ყოველთვის გამოიყენება მკურნალი ექიმის ან ფარმაცევტის დანიშნულების შესაბამისად. ეჭვის გაჩენის შემთხვევაში უნდა მიემართოს მკურნალ ექიმს ან ფარმაცევტს.
დოზა უნდა შეირჩეს ინდივიდუალურად. მკურნალი ექიმი ეტყვის პაციენტს, რამდენი ხნით უნდა იმკურნალოს ბუდესონიდი ნაზალ ალდო-უნიონი 100მიკროგრამი-დოზა ცხვირის სპრეი, სუსპენზიით; აღნიშნული პრეპარატი არ მიიღება რეკომენდებულზე მეტი ხნის განმავლობაში. არ შეიძლება აეროზოლის ქილის სხვა ადამიანებისთვის გაზიარება ინფექციის გადადების რისკის გამო.

სეზონური და მთელი წლის განმავლობაში მიმდინარე (პერენიალური) ალერგიული რინიტი, პერენიალური არაალერგიული რინიტი:

მოზრდილები: ჩვეულებრივი შემტევი დოზა არის ორი შესხურება თითოეულ ნესტოში დილით. მისი მიღება ასევე შესაძლებელია თითო შესხურების სახით თითოეულ ნესტოში დილით და საღამოს. სიმპტომების გაუმჯობესების შემდეგ, ექიმს შეუძლია დოზის შემცირება.პრეპარატის სწორი გამოყენების ინსტრუქცია:

პირველი შესხურების წინ: საჭიროა დამცავი თავსახურის მოხსნა; ბოთლის-აპლიკატორის ხელსაწყოს შენჯღრევა; ღილაკს იმდენჯერ უნდა დაეჭიროს, რამდენიც საჭიროა იმისათვის, რომ შეივსოს ტუმბოს მექანიზმი, სწორად შესხურების მიზნით. თუ პაციენტი მას ყოველდღიურად არ იყენებს, ხელახლა გამოყენებამდე უნდა გაასხუროთ ჰაერში ერთხელ.

როგორ გამოიყენება. ყოველი გამოყენებისას: საჭიროა ცხვირის ნაზად მოხოცვა; დამცავი თავსახურის მოხსნა; ბოთლის-აპლიკატორის ხელსაწყოს შენჯღრევა; აპლიკატორის ერთ ნესტოში შეყვანა და მეორე ნესტოს თითით დაფარვა; შესუნთქვა და ძლიერად დაჭერა ბოთლის ბაზისზე. პაციენტმა უნდა ისუნთქოს პირით და გაიმეოროს პროცესი; საჭიროა იგივე პროცედურის მეორე ნესტოში გამეორება; გამოყენების შემდეგ კვლავ უნდა დაეხუროს დამცავი თავსახური.

გასუფთავება: მიზანშეწონილია პაციენტმა რეგულარულად გაწმინდოს პლასტმასის თავი და ცხვირის აპლიკატორი ნელ თბილ წყალში გარეცხვით. დააცადოს გაშრობა და დააბრუნოს უკან.
თუ ცხვირის აპლიკატორი დაბლოკილია, უნდა მოხსნას თავსახური, ამოიღოს ცხვირის აპლიკატორი ფრთხილად ამოწევის გზით და რამდენიმე წუთის განმავლობაში ამოავლოს ნელ თბილ წყალში. გარეცხოს ის ცივი წყლით, გაამშრალოს და მოათავსოს ისევ ბოთლში.

ანოტაცია:

ბუდესონიდი ალდო-უნიონი 200 მიკროგრამი/შესხურება საინჰალაციო სუსპენზია, ფლაკონში შესასხურებელი მოწყობილობით
**
1.რა არის ბუდესონიდი ალდო-უნიონი 200 მიკროგრამი და რისთვის გამოიყენება.**
ბუდესონიდი არის არაჰალოგენირებული კორტიკოსტეროიდი, რომელიც მისი ანთების საწინააღმდეგო უნარის გამო ეფექტურია ასთმის სამკურნალოდ.

ინიშნება:

ბრონქული ასთმის მკურნალობისას პაციენტებში, რომლებთანაც მანამდე ბრონქოდილატატორებით მკურნალობამ და/ან ანტიალერგიულმა თერაპიამ შედეგი არ გამოიღო.
2. რა უნდა ვიცოდეთ ბუდესონიდი ალდო-უნიონი 200 მიკროგრამის მიღებამდე.
არ მიიღოთ ბუდესონიდი ალდო-უნიონი 200 მიკროგრამი

თუ ალერგიული ხართ ბუდესონიდის ან ამ მედიკამენტის რომელიმე სხვა კომპონენტის მიმართ (ჩამოთვლილი მე-6 პუნქტში).
გაფრთხილება და სიფრთხილის ზომები

ბუდესონიდი ალდო-უნიონი 200 მიკროგრამის მიღებამდე კონსულტაცია გაიარეთ თქვენს ექიმთან, ფარმაცევტთან ან ექთანთან.

განსაკუთრებული სიფრთხილე გამოიჩინეთ ბუდესონიდი ალდო-უნიონი 200 მიკროგრამთან:

თუ გაწუხებთ სასუნთქი გზების სოკოვანი ან ვირუსული ინფექციები ან ფილტვის ტუბერკულოზი;
ორალური კორტიკოსტეროიდებით მკურნალობიდან ბუდესონიდით მკურნალობაზე გადასვლა უნდა განხორციელდეს განსაკუთრებული სიფრთხილით, ძირითადად ჰიპოთალამუს-ჰიპოფიზურ თირკმელზედა ჯირკვლის ფუნქციის ნელი ნორმალიზების გამო, რომელიც მანამდე დაზიანებულია პერორალური კორტიკოსტეროიდული თერაპიის გამო.
ამ ნორმალიზებას შესაძლოა რამდენიმე თვე დასჭირდეს. ამ მედიკამენტით ჩანაცვლების პერიოდში შესაძლებელია გამოვლინდეს საწყისი სიმპტომები (რინიტი, ეგზემა) ან გამოვლინდეს დაღლილობა, თავის ტკივილი, კუნთების ან სახსრების ტკივილი და ზოგჯერ გულისრევა და ღებინება. ამ შემთხვევებში უნდა ჩატარდეს დამატებითი სიმპტომური მკურნალობა.

ეს თერაპია მხოლოდ პროფილაქტიკური ხასიათისაა, ის არ არის ნაჩვენები მწვავე ასთმური კრიზისის სამკურნალოდ. ბუდესონიდით მკურნალობა არ უნდა შეწყდეს ერთბაშად.
მიმართეთ ექიმს, თუ აღგენიშნებათ მხედველობის დაბინდვა ან მხედველობის სხვა დარღვევები.

მნიშვნელოვანი ინფორმაცია ბუდესონიდი ალდო-უნიონი 200 მიკროგრამის ზოგიერთი კომპონენტის შესახებ:

სპორტსმენებს ვაცნობებთ, რომ ეს პრეპარატი შეიცავს კომპონენტს, რომელსაც შესაძლებელია დოპინგ კონტროლის პროცედურისას აჩვენოს დადებითი შედეგი.

ბავშვები და მოზარდები

არსებობს ბუდესონიდი ალდო-უნიონი 200 მიკროგრამის სხვა პრეზენტაცია, რომელიც სპეციალურად ბავშებისთვის არის განკუთვნილი.

ორსულობა, ლაქტაცია და ფერტილურობა

თუ ხართ ორსულად ან ლაქტაციის პერიოდში, ფიქრობთ, რომ შესაძლოა ორსულად ხართ ან აპირებთ დაორსულებას, ამ მედიკამენტის მიღებამდე მიმართეთ თქვენს ექიმს ან ფარმაცევტს.

ცხოველებზე ჩატარებულმა კვლევებმა აჩვენა, რომ კორტიკოსტეროიდებს შეუძლიათ გამოიწვიონ ნაყოფის სხვადასხვა სახის დეფორმაცია თუმცა ეს ეფექტები არ არის ექსტრაპოლირებული ადამიანებზე. ასევე არ არსებობს მონაცემები ლაქტაციის პერიოდში დედის რძეში ბუდესონიდის შესაძლო გადასვლის შესახებ. ზემოთთქმულის მიუხედევად, უსაფრთხოების დაცვის მიზნით, მისი მიღება არ არის რეკომენდებული ორსულობისა და ლაქტაციის პერიოდში.

ავტომობილის და მექანიზმების მართვა

ავტომობილის და მექანიზმის მართვასთან დაკავშირებით არანაირი ეფექტი არ არის აღწერილი.

ბუდესონიდი ალდო-უნიონი 200 მიკროგრამის მიღება სხვა მედიკამენტებთან ერთად.

აცნობეთ თქვენს ექიმს, თუ იღებთ ან უახლოეს წარსულში იღებდით სხვა მედიკამენტებს, მათ შორის ურეცეპტოდ გასაცემ მედიკამენტებს.

ზოგიერთმა მედიკამენტმა შესაძლებელია გაზარდოს ბუდესონიდი ალდო-უნიონი 200 მიკროგრამის მოქმედება, ამიტომ თქვენი ექიმი გულდასმით დაგაკვირდებათ თუ იღებთ ამ მედიკამენტებს (მათ შორის აივ ინფექციის სამკურნალო ზოგიერთ პრეპარატს: რიტონავირი, კობიცისტატი).

3.ბუდესონიდი ალდო-უნიონი 200 მიკროგრამი შეიცავს:

ეს მედიკამენტი შეიცავს 1.0 % ეთანოლს (სპირტს), ეს მცირე რაოდენობა შეესაბამება 0.5 მგ/დოზას.

როგორ მივიღოთ ბუდესონიდი ალდო-უნიონი 200 მიკროგრამი.
არ დაგავიწყდეთ მედიკამენტის მიღება.

სწორად მიღების ინსტრუქციები

თუ ფიქრობთ, რომ ბუდესონიდი ალდო-უნიონი 200 მიკროგრამის მოქმედება ძალიან სუსტი ან ძლიერია აცნობეთ ექიმს.

ზედმიწევნით დაიცავით თქვენი ექიმის ან ფარმაცევტის მიერ მითითებული ინსტრუქციები ბუდესონიდი ალდო-უნიონი 200 მიკროგრამის შესახებ, რაიმე სახით დაეჭვების შემთხვევაში მიმართეთ თქვენს ექიმს ან ფარმაცევტს.

ბუდესონიდი ალდო-უნიონი 200 მიკროგრამი მიიღება ინჰალაციის გზით.

თუ ექიმმა სხვაგვარად არ მიგითითათ დაიცავით შემდეგი დოზები:

დოზა ინდივიდუალური უნდა იყოს.

ბავშვები და მოზარდები:

2-7 წლის ასაკის ბავშვები: 200-400 მკგ დღეში, 2-4-ჯერ მიღებით.

ბავშვები 7 წლის ასაკიდან: 200-800 მკგ დღეში, 2-4-ჯერ მიღებით.

მოზრდილები:

მოზრდილები: 200-1600 მკგ დღეში, 2-4-ჯერ მიღებით.

სასურველი კლინიკური შედეგის მიღწევის შემდეგ, შემანარჩუნებელი დოზა თანდათან უნდა შემცირდეს სიმპტომების კონტროლისთვის აუცილებელ მინიმალურ რაოდენობამდე.

პაციენტებთან, რომლებიც არ არიან დამოკიდებულნი პერორალურ კორტიკოსტეროიდებზე: რეკომენდებული დოზებით მკურნალობა ჩვეულებისამებრ შედეგს იძლევა 7 დღის შემდეგ.
თუმცა, ბრონქების ლორწოვანი გარსის ჭარბი სეკრეციის მქონე ზოგიერთ პაციენტთან, მიზანშეწონილია ერთი ან ორი კვირის განმავლობაში პერორალურ კორტიკოსტეროიდებთან ერთად მიღება, რომლის დოზაც თანდათან უნდა შემცირდეს მხოლოდ ბუდესონიდზე დაფუძნებულ თერაპიაზე გადასვლამდე. ბაქტერიული ინფექციით გამოწვეული ასთმური გამწვავებები უნდა კონტროლდებოდეს ანტიბიოტიკოთერაპიით და ბუდესონიდის დოზის შესაძლო ზრდით, ან საჭიროების შემთხვევაში სისტემური კორტიკოსტეროიდების ჩართვით.

პაციენტებთან, რომლებიც დამოკიდებულნი არიან პერორალურ კორტიკოსტეროიდებზე: სტეროიდული მკურნალობიდან ბუდესონიდით მკურნალობაზე გადასვლა უნდა მოხდეს, როდესაც პაციენტი იმყოფება სტაბილურ ფაზაში. დაახლოებით 10 დღის განმავლობაში, მანამდე მიღებულ პერორალურ კორტიკოსტეროიდთან ერთად მიღებულ უნდა იქნას ბუდესონიდის მაღალი დოზა. შესაძლებელია პერორალური კორტიკოსტეროიდების დოზის შემცირება (მაგალითად 2,5 მგ პრედნიზონი ან ექვივალენტი, ყოველთვიურად) შესაძლო უმდაბლეს დონემდე. ხშირ შემთხვევაში შესაძლებელია პეროპრალური კორტიკოსტეროიდების სრულიად მოხსნა და პაციენტის მკურნალობის გაგრძელება მხოლოდ ბუდესონიდით, თუმცა თუ პაციენტი აჟიტირებულია და ფიზიკური სტრესის ისეთი მდგომარეობაშია, როგორიცაა მწვავე ინფექციები, ქირურგიული მკურნალობა ან ოპერაცია, უნდა განახლდეს დამატებითი პერორალური კორტიკოსტეროიდებით მკურნალობა. მწვავე გამწვავება, რომელსაც თან ახლავს ლორწოვანი გარსის სიბლანტის მომატება, ლორწოვანი გარსების დაზიანება საჭიროებს დამატებით მკურნალობას პერორალური კორტიკოსტეროიდებით ხანმოკლე პერიოდის განმავლობაში.
თითოეული დოზის შემდეგ პაციენტმა პირი უნდა გამოირეცხოს წყლით.

ინსტრუქციები პრეპარატის სწორად მიღებისთვის:

მედიკამენტის მიღებამდე შეამოწმეთ ვარგისიანობის ვადა.

ა) მოხსენით სახურავი (ნახ.1). თუ ის ახალი ინჰალატორია ან რამდენიმე დღეა არ გამოგიყენებიათ, შეანჯღრიეთ აეროზოლი (ნახ. 2) და დააწკაპეთ, რათა დარწმუნდეთ რომ ინჰალატორი გამართულად მუშაობს. თუ ინჰალატორს ხშირად იყენებთ მიყევით შემდეგ ინსტრუქციებს:

ბ) შეანჯღრიეთ ინჰალატორი (ნახ. 2).

გ) რაც შეიძლება მეტი ჰაერი გამოუშვით ფილტვებიდან.

დ) აეროზოლი მოარგეთ პირს ნახატზე მითითებული პოზიციის მიხედვით (ნახ. 3).

ე) ჩაისუნთქეთ რაც შეიძლება ღრმად. სანამ ჩასუნთქული გაქვთ მოწყობილობას ხელი უნდა დააჭიროთ ნახატის ისრების მიხედვით (ნახ. 4).

ვ) გამოიღეთ აეროზოლი პირიდან და შეეცადეთ შეინარჩუნოთ ჰაერი ფილტვებში რამდენიმე წამის განმავლობაში.

ზ) პერორალური აეროზოლის პულსატორ-ადაპტორი უნდა გაირეცხოს პერიოდულად. ამისათვის მოხსენით პულსატორი და გაწმინდეთ ქსოვილით ან ქაღალდის ხელსახოცით.

თ) დაახურეთ თავსახურით და მტვრისგან და ჭუჭყისაგან დასაცავად.

ექიმმა უნდა შეამოწმოს, რომ პაციენტმა იცის როგორ გამოიყენოს ინჰალატორი და როგორ მოახდინოს სუნთქვის სინქრონიზაცია ინჰალაციის დროს.

ინჰალატორს აქვს დოზის ინდიკატორი, რომელიც ჩანს ღილაკზე არსებული პატარა ნასვრეტში ან ფანჯარაში და მიუთითებს რამდენი შესხურება დარჩა. ახალი ინჰალატორის ამ ინდიკატორში პულსატორის ფანჯარაში შესაძლებელია წაიკითხოთ «120" ან "200» (დამოკიდებულია თქვენთვის გამოწერილი ფლაკონის ზომაზე). ეს რიცხვები შეესაბამება ინჰალატორში დარჩენილ დოზებს. ინჰალატორის გამოყენებისას დოზის ინდიკატორი ბრუნავს ქვემოთ ყოველი 5-7 შესხურებისას, სანამ არ მიაღწევს 0-ს.

როდესაც რჩება დაახლოებით 40 დოზა, ინდიკატორის შეფერილობა იცვლება მწვანედან წითლად (იხ. ნახ. 5), რათა შეახსენოს პაციენტს რომ ექიმთან გაარკვიოს საჭიროა მკურნალობის გაგრძელება თუ საჭიროა ახალი რეცეპტის გამოწერა. გადააგდეთ ინჰალატორი, როგორც კი მაჩვენებელი მიაღწევს "0-ს". (ნახ. 5)

თუ მიიღეთ საჭიროზე მეტი ბუდესონიდი ალდო-უნიონი 200 მიკროგრამი.

მნიშნელოვანია, რომ დოზები მიიღოთ თქვენი ექიმის დანიშნულების მიხედვით. ექიმთან შეუთანხმებლად არ გაზარდოთ ან არ შეამციროთ დოზა.

მიუხედავად იმისა, რომ დოზის გადაჭარბების ან შემთხვევითი მიღების შედეგად ტოქსიკური სიმპტომები მოსალოდნელი არ არის, საჭიროზე მეტი ბუდესონიდი ალდო-უნიონი 200 მიკროგრამის შესუნთქვის შემთხვევაში დაუყოვნებლივ მიმართეთ ექიმს ან ფარმაცევტს.

დოზის გადაჭარბების ან შემთხვევით მიღების შემთხვევაში დაუყოვნებლივ მიმართეთ ექიმს ან ფარმაცევტს ან დაუკავშირდით ტოქსიკოლოგიის სამსახურის საინფორმაციო განყოფილებას, ნომერზე: 91 562 04 20.

თუ რაიმე სახის სპეციფიური გარემოებები აღგენიშნებათ, შეშუპების სიმპტომები, სახის ცხვირის შეშუპება, სახის დასიება და ა.შ., აცნობეთ ექიმს, რათა მიიღოს შესაბამისი ზომები.

თუ დაგავიწყდათ ბუდესონიდი ალდო-უნიონი 200 მიკროგრამის მიღება.

გამოტოვებული დოზის საკომპენსაციოდ არ მიიღოთ ორმაგი დოზა.

4.შესაძლო გვერდითი მოვლენები
როგორც ყველა მედიკამენტს, შესაძლებელია ბუდესონიდი ალდო-უნიონი 200 მიკროგრამსაც ჰქონდეს გვერდითი მოვლენები, მაგრამ ისინი ყოველთვის ყველასთან არ ვლინდება.

ზოგჯერ გამოვლინდა ყელის მსუბუქი გაღიზიანების, ხველების და ხმის ჩახლეჩვის შემთხვევები. ასევე გამოვლინდა სოკოვანი ინფექციის შემთხვევები პირის ღრუში, ფარინგეალური და ლარინგიალურ ღრუში. უმეტეს შემთხვევაში ისინი იკურნება ადგილობრივი ანტიფუნგალურ თერაპიით, ბუდესონიდით მკურნალობის შეწყვეტის საჭიროების გარეშე. იშვიათ შემთხვევებში გამოვლენილია კანის ალერგიული რეაქციები (ჭინჭრის ციება, დერმატიტი), რომლებიც დაკავშირებულია ადგილობრივი კორტიკოსტეროიდების მიღებასთან. გასათვალისწინებელია რომ შესაძლებელია განვითარდეს პარადოქსული ბრონქოსპაზა მედიკამენტის მიღების შემდეგ ხიხინის მომატებით. ასეთ შემთხვევაში დაუყოვნებლივ შეწყვიტეთ მედიკამენტის მიღება და მიმართეთ ალტერნატიულ თერაპიას.

უცნობი სიხშირით (არსებული მონაცემები არ იძლევა სიხშირის განსაზღვრის შესაძლებლობას):

ძილის დარღვევა, დეპრესია ან შფოთვის შეგრძნება, მოუსვენრობა, ნერვიულობა, აღგზნებადობა ან გაღიზიანება (ეს გვერდითი მოვლენები უფრო ხშირად გვხვდება ბავშვებში) და მხედველობის დაბინდვა.

გვერდითი მოვლენების გამოვლენის შემთხვევაში მიმართეთ თქვენს ექიმს, ფარმაცევტს ან ექთანს, მათ შორის ისეთი მოვლენების გამოვლენისას, რომელიც წინამდებარე ანოტაციაში მოცემული არ არის.

5.როგორ შევინახოთ ბუდესონიდი ალდო-უნიონი 200 მიკროგრამი
მედიკამენტი შეინახეთ ბავშვებისათვის მიუწვდომელ ადგილას.

შეინახეთ 30ºC-ზე დაბალ ტემპერატურაზე. დაიცავით მზის პირდაპირი სხივებისგან და არ გაყინოთ ან არ გააცივოთ. არ დაჭეჭყოთ, გატეხოთ ან დაწვათ აეროზოლის ფლაკონი, მაშინაც კი, როდესაც სრულიად ცარიელია.

არ გამოიყენოთ ეს მედიკამენტი ეტიკეტზე მითითებული ვარგისიანობის ვადის გასვლის შემდეგ. ვარგისიანობის ვადა გულისხმობს მითითებული თვის ბოლო დღეს. მედიკამენტები არ უნდა ჩააგდოთ კანალიზაციაში ან საყოფაცხოვრებო ნარჩენებში. კონტეინერები და მედიკამენტები, რომლებიც არ გჭირდებათ მიიტანეთ აფთიაქის Punto SIGRE პუნქტში, დაეჭვების შემთხვევაში, ჰკითხეთ თქვენს ფარმაცევტს, როგორ გადააგდოთ კონტეინერები და მედიკამენტები, რომლებიც არ გჭირდებათ. აღნიშნული ფორმით თქვენ ხელს შეუწყობთ გარემოს დაცვას.

შეფუთვის შიგთავსი და დამატებითი ინფორმაცია
ბუდესონიდი ალდო-უნიონი 200 მიკროგრამის შემადგენლობა

აქტიური ნივთიერება არის ბუდესონიდი.

თითოეული ინჰალაცია შეიცავს 200 მიკროგრამს ბუდესონიდს.

სხვა კომპონენტებია: ოლეინის მჟავა, ეთანოლი და 1,1,1,2-ტეტრაფტორეთანი (HFA-134a).

პროდუქციის ვიზუალური მხარე და შეფუთვის შიგთავსი

ბუდესონიდი ალდო-უნიონი 200 მიკროგრამი წარმოდგენილია საინჰალაციო სუსპენზიის სახით, 6 მლ ფლაკონით დოზის ინდიკატორით რომელიც იძლევა 120 შესხურების შესაძლებლობას და 10 მლ ფლაკონში, რომელიც იძლევა 200 შესხურების შესაძლებლობას.

სავაჭრო ლიცენზიის მფლობელი

ლაბორატორია შპს ALDO-UNIÓN