საერთაშორისო დასახელება - chloramphenicol
კლინიკურ-ფარმაკოლოგიური ჯგუფი: ანტიბაქტერიული საშუალებები → ქლორამფენიკოლი

ჩვენებები
პრეპარატი გამოიყენება ინფექციურ-ანთებითი დაავადებების: მუცლის ტიფის, პარატიფის, დიზენტერიის, ბრუცელოზის, ტულარემიის, პარტახტიანი ტიფის, ტრაქომის დროს. სხვა ეტიოლოგიის ინფექციური პროცესების დროს გამოიყენება იმ შემთხვევაში, როდესაც ინფექციის გამომწვევი მიკროორგანიზმები არ არიან მგრძნობიარენი სხვა ქიმიოთერაპიული საშუალებების მიმართ, ან როდესაც ამ უკანასკნელთა გამოყენება შეუძლებელია.

მიღების წესები და დოზები
ინიშნება შიგნით მისაღებად ჭამამდე 30 წთ-ით ადრე (გულისრევის და ღებინების შემთხვევაში - ჭამიდან 1 სთ-ის შემდეგ). ერთჯერადი დოზა მოზრდილებში შეადგენს 0,25-0,5გ-ს. დღე-ღამური დოზა - 2გ-ს. შედარებით მძიმე შემთხვევების დროს (მუცლის ტიფი, პერიტონიტი და სხვა) შესაძლებელია პრეპარატის მიღება დღე-ღამეში 4გ ოდენობით, ექიმის მკაცრი მეთვალყურეობის და სისხლისა და თირკმელების ფუნქციონალური მდგომარეობის კონტროლის ქვეშ. დღე-ღამური დოზა მიიღება 3-4 მიღებაზე.
პრეპარატის ერთჯერადი დოზა 3 წლამდე ასაკის ბავშვებში შეადგენს 10-15მგ/კგ; 3-დან 8 წლამდე - 0,15-0,2გ, 8 წლის ასაკის ზევით-0,2-0,3გ; მიღების სიხშირე –3-4Gჯერ დღე-ღამეში. მკურნალობის კურსი შეადგენს 7-10 დღეს. იმ შემთხვევაში, როდესაც პრეპარატი კარგად გადაიტანება და სისხლმბად სისტემაში არ აღინიშნება ცვლილებები, შესაძლებელია მკურნალობის კურსის გახანგრძლივება 2 კვირამდე.

გვერდითი მოვლენები
თრომბოციტოპენია, რეტიკულოციტოპენია, სისხლში ჰემოგლობინის დონის შემცირება და სხვა. ეს მოვლენები პრეპარატის მიღების შეწყვეტასთან ერთად ქრება. იშვიათად შესაძლებელია აპლასტიური ანემიის განვითარება. პრეპარატის მაღალი დოზის მიღებისას მოსალოდნელია სისხლმბად სისტემაში მძიმე სახის გართულებები, ფსიქომოტორული დარღვევები, ცნობიერების დაბინდვა, მხედველობითი და სმენითი ჰალუცინაციები, მხედველობის და სმენის დაქვეითება, დისპეფსიური მოვლენები (გულისრევა, ღებინება, ფაღარათი), პირის ღრუს ლორწოვანი გარსის, სასქესო ორგანოების, ანუსის გაღიზიანება, ალერგიული რეაქციები კანზე. ჩვილი ბავშვები პრეპარატის მიმართ მგძნობიარენი არიან.
პრეპარატის გამოყენებისას მოსალოდნელია ნაწლავის მიკროფლორის დათრგუნვა, დისბაქტერიოზისა და მეორადი სოკოვანი ინფექციების განვითარება.

უკუჩვენება
სისხლწარმოქმნის დათრგუნვა, პრეპარატის ინდივიდუალერი აუტანლობა, კანის დაავადებები (ფსორიაზი, ეგზემა, სოკოვანი დავადებები), ორსულობა, ლაქტაციის პერიოდი. პრეპარატის მიღება არ არის რეკომენდირებული მწვავე რესპირატორული დაავადებების, ანგინის პროფილაქტიკის მიზნით, მსუბუქად მიმდინარე ინფექციების დროს და პედიატრიულ პრაქტიკაში ექიმთან კონსულტაციის გარეშე

განსაკუთრებული მითითებები
პრეპარატით მკურნალობისას აუცილებელია სისხლის სურათის, ღვიძლისა და თირკმელების ფუნქციური მდგომარეობის კონტროლი.

შემადგენლობა

აქტიური სუბსტანცია: ქლორამფენიკოლი – 500მგ;
დამხმარე ნივთიერებები: სახამებელი, პოლივინილპიროლიდონი, კალციუმის ან მაგნიუმის სტეარატი, ტალკი.

ფარმაკოლოგიური თვისებები
ქლორამფენიკოლი - მოქმედების ფართო სპექტრის მქონე ანტიბიოტიკია.
ანტიმიკრობული მოქმედების მექანიზმი დაკავშირებულია მიკროორგანიზმების უჯრედის ცილების სინთეზის დარღვევასთან. მოქმედებს ბაქტერიოსტატიკურად. აქტიურია გრამდადებით (taphylococcus spp., Streptococcus spp.) და გრამუარყოფით (Neisseria gonorrhoeae, N.meningitidis) კოკებთან, ბაქტერიებთან (Escherichia coli, Haemophilus influenza, Salmonella spp., Shigella spp., Klebsiella spp., Serratia spp., Yersinia spp., Proteus spp.), რიკეტციებთან, სპიროქეტებთან და ზოგიერთ მსხვილ ვირუსებთან მიმართებაში. მოქმედებს იმ მიკროორგანიზმების შტამებზე, რომლებიც მდგრადია პენიცინილის, სტრეპტომიცინის, სულფანილამიდებისადმი.
მიკროორგანიზმების რეზისტენტობა ქლორამფენიკოლისადმი შედარებით ნელა ვითარდება.

ფარმაკოკინეტიკა
პერორალურად მიღებისას სწრაფად შეიწოვება კუჭ-ნაწლავის ტრაქტიდან. სისხლში მაქსიმალური კონცენტრაცია მიიღწევა 2-3 სთ-ის შემდეგ, თერაპიული კონცენტრაციის შენარჩუნება ხდება 4-5 სთ-ის განმავლობაში, ბიოშეღწევადობაა 75-90%.Pპლაზმის ცილებს უკავშირდება 50-60%. გაივლის ჰემატოენცეფალურ და პლაცენტარულ ბარიერებს, ხვდება დედის რძეში. ძირითადად ტრანსფორმირდება ღვიძლში. წარმოქმნილი კონიუგატებისა და უცვლელი ქლორამფენიკოლის დაახლოებით 10% გამოიყოფა თირკმელებით, ნაწილობრივ ელიმინირდება ნაღველთან და ფეკალურ მასებთან ერთად. ნაწლავებში ნაწლავური ბაქტერიების ზემოქმედებით ქლორამფენიკოლი ჰიდროლიზდება არააქტიური მეტაბოლიტების წარმოქმნით.

ჩვენებები
ინფექციურ-ანთებითი პროცესები, რომელიც გამოწვეულია ქლორამფენიკოლისადმი მგრძნობიარე მიკროორგანიზმებით, მათს შორის: მუცლის ტიფი, პარატიფი, სალმონელოზის გენერალიზებული ფორმები, ბრუცელოზი, ტულარემია, დიზენტერია, ქუ ცხელება, ყივანახველა, მენინგიტი, რიკეციოზი, ქლამიდიოზი, საშარდე გზების ინფექციები, პნევმონია, ჩირქოვანი პერიტონიტი, ნაღველგამომყოფი გზების ინფექციები, ჩირქოვანი ოტიტი, ფურუნკულები, კარბუნკულები, კანის ჩირქოვან-ანთებითი პროცესები, ჩირქოვანი ჭრილობები, ინფიცირებული ჭრილობები.

მიღების წესები და დოზები
პრეპარატის დოზა დგინდება ინდივიდუალურად ექიმის მიერ.
მიიღება პერორალურად საკვების მიღებამდე 30წთ-ით ადრე ან საკვების მიღებიდან 1 საათის შემდეგ (გულისრევის ან ღებინების შემთხვევაში). მოზრდილებში: ერთჯერადი დოზაა 250-500მგ, დღიური დოზა – 2000მგ (2გ), მძიმე ინფექციების შემთხვევაში (მუცლის ტიფი, პერიტონიტი) სტაციონარის პირობებში შეიძლება დოზის გაზრდა 3 - 4გ-მდე დღე-ღამეში. სადღეღამისო დოზა ნაწილდება 3-4 მიღებაზე.
ბავშვებში: 3 წლამდე - ერთჯერადი დოზაა 10-15მგ/კგ, 3-დან 8 წლამდე–0,15-0,2გ, 8 წლის ზემოთ – 0,2-0,3გ; მიიღება 3-4-ჯერ დღეში.
მკურნალობის კურსია 7-10 დღე (ჩვენებების მიხედვით, პრეპარატის კარგად გადატანისას შეიძლება კურსის გაგრძელება 2 კვირამდე).

გვერდითი მოვლენები
• დისპეფსია, გულისრევა, ღებინება (აღნიშნული გვერდითი მოვლენების განვითარების ალბათობა მცირდება პრეპარატის მიღებისას კვებიდან 1 სთ-ის შემდეგ), დიარეა, პირის ღრუსა და ხახის ლორწოვანი გარსის გაღიზიანება, დერმატიტი, დისბაქტერიოზი.
• რეტიკულოციტოპენია, ლეიკოპენია, აგრანულოციტოპენია, თრომბოციტოპენია, ერითროციტოპენია. იშვიათად – აგრანულოციტოზი.
• ფსიქომოტორული დარღვევები, დეპრესია, თავის ტკივილი, პერიფერიული ნევრიტი, მხედველობისა და სმენის დაქვეითება.
• ალერგიული რეაქიები: გამონაყარი კანზე, ანგიონევროზული შეშუპება.
• მეორადი სოკოვანი ინფექციები, კოლაფსი (1 წლამდე ბავშვებში).

უკუჩვენება
• მომატებული მგრძნობელობა ქლორამფენიკოლისადმი;
• სისხლწარმოქმნის პროცესების დათრგუნვა ძვლის ტვინში;
• ღვიძლის ან თირკმელების უკმარისობა;
• კანის დაავადებები (ფსორიაზი, ეგზემა, სოკოვანი დაზიანებები);
• ორსულობა, ლაქტაციის პერიოდი;
• სიფრთხილით ინიშნება - ახალშობილებში (4 კვირამდე) და ადრეული ასაკის ბავშვებში.

ორსულობა და ლაქტაცია
ორსულობისა და ლაქტაციის დროს პრეპარტის გამოყენება უკუნაჩვენებია.

განსაკუთრებული მითითებები
პრეპარატის ზემოქმედება ავტოტრანსპორტისა და მექანიზმის მართვის უნარზე;
მაღალ დოზებში შეიძლება გამოიწვიოს ცნობიერების დაბინდვა და ცნს-ის სხვა დარღვევები, ამიტომ, პაციენტებში, რომლებიც მართავენ ავტომობილს, სიფრთხილიტ გამოიყენება.
სიფრთხილის ზომები; პრეპარატი გამოიყენება მხოლოდ ექიმის დნიშნულების მიხედვით. საჭიროა მისი რეკომენდაციის მკაცრი დაცვა.
პრეპარატით მკურნალობისას, საჭიროა სისხლის სურათის, ღვიძლისა და თირკმლის ფუნქციების კონტროლი, განსაკუთრებით ხანდაზმულ პაციენტებში. ლევომიცეტინმა მაღალ დოზებში შეიძლება გამოიწვიოს ცნობიერების დაბინდვა და ცნს-ის სხვა დარღვევები, ამიტომ, პაციენტებში, რომლებიც მართავენ ავტომობილს, სიფრთხილით გამოიყენება.
დაუვებელია ლევომიცეტინის უკონტროლო დანიშვნა და მისი მიღება ინფექციური პროცესების მსუბუქი მიმდინარეობისას, განსაკუთრებით ბავშვთა ასაკში.

ჭარბი დოზირება
ჭარბი დოზირების შემთხვევაში შეიძლება ადგილი ჰქონდეს ფსიქომოტორულ დარღვევებს, ცნობიერების დაბინდვას, მხედვეობით და სმენით ჰალუცინაციებს, დისპეპსიურ მოვლენებს (გულისრევა, ღებინება, განავალის გატხელება), პირის ღრუს, ხახის, სასქესო ორგანოების, ანუსის ლორწოვანი გარსების გაღიზიანებას, ალერგიულ რეაქციებს კანზე გამონაყარის სახით. ჭარბი დოზირების სიმპტომების გამვლენისას საჭიროა პრპარატის მიღების სწრაფი შეწყვეტა და ექიმის კონსულტაცია.
შენიშვნა: პრეპარატი არ უნდა დაინიშნოს მწვავე რესპირატორული დაავადებისას, ანგინებისას და პროფილაქტიკის მიზნით.

სხვა წამლებთან ურთიერთქმედება
ფენობარბიტალთან, ფენიტოინთან, არაპირდაპირი მოქმედების ანტიკოაგულანტებთან ერთდროული მიღებისას შეინიშნება ამ პრეპარატების მეტაბოლიზმისა და გამოყოფის შენელება, სისხლში მათი კონცენტრაციის მომატება.
ქლორამფენიკოლი ამცირებს პენიცილინებისა და ცეფალოსპორინების ანტიბაქტერიულ აქტივობას. ერითრომიცინთან, კლინდამიცინთან, ლინკომიცინთან ერთდროული მიღებისას ადგილი აქვს მათი ეფექტის შესუსტებას.
სისხლის წარმოქმნის დამთრგუნველ პრეპარატებთან ერთად დანიშვნისას (სულფანილამიდები, ციტოსტატიკები), რომლებიც გავლენას ახდენენ ნივთიერებათა ცვლაზე ღვიძლში, იზრდება გვერდითი მოვლენების განვითარების რისკი.
პერორალურ ჰიპოგლიკემიურ საშუალებებთან ერთად მიღებისას აძლიერებს მათი მოქმედებას (ღვიძლში მეტაბოლიზმის დათრგუნვისა და სისხლში კონცენტრაციის ზრდის ხარჯზე). მიელოტოქსიკური პრეპარატები ზრდიან ქლორამფენიკოლის ჰემატოტოქსიკურობას.

შენახვის პირობები და ვადები
ვარგისიანობის ვადა: 5 წელი.
ვარგისობის ვადის ამოწურვის ან ვიზუალური დათვალიერებისას დეფექტების აღმოჩენის შემთხვევაში პრეპარატის გამოყენება დაუშვებელია.
შენახვის წესი: ინახება მშრალ, სინათლისგან დაცულ და ბავშვებისთვის მიუწვდომელ ადგილზე, არა უმეტეს 25oC ტემპერატურის პირობებში.

აფთიაქში გაცემის წესი
ფარმაცევტული პროდუქტის ჯგუფი II – გაიცემა ექიმის რეცეპტით.