ლეტროზოლ დენკ 2.5

გარსით დაფარული ტაბლეტი – ორალურად მისაღებად

არომატაზას ინჰიბიტორი

აქტიური ნივთიერება – ლეტროზოლი

გამოყენების ინსტრუქცია: ინფორმაცია მომხმარებლისთვის

აღნიშნული პრეპარატის მიღებამდე საჭიროა მთლიანი ინსტრუქციის ყურადღებით წაკითხვა, რადგან იგი შეიცავს პაციენტისთვის მნიშვნელოვან ინფორმაციას.

· საჭიროა ინსტრუქციის შენახვა. შესაძლოა წარმოიშვას მისი ხელახალი გაცნობის საჭიროება.

· დამატებითი შეკითხვების წარმოშობის შემთხვევაში უნდა მიემართოს მკურნალ ექიმს ან ფარმაცევტს.

· მედიკამენტი განკუთვნილია მხოლოდ პაციენტისთვის და არ შეიძლება მისი გადაცემა სხვისთვის, ის შეიძლება საზიანო იყოს სხვისი ჯანმრთელობისთვის, მსგავსი სიმპტომების არსებობის შემთხვევაშიც კი.

უნდა მიემართოს მკურნალ ექიმს ან ფარმაცევტს თუ გამოვლინდა რომელიმე გვერდითი ეფექტები. ეს ასევე ეხება იმ გვერდით ეფექტებსაც, რომელიც არ არის მითითებული გამოყენების ამ ინსტრუქციაში. იხ. პუნქტი 4.

აღნიშნულ ინსტრუციაში მოცემულია:

1. რა არის ლეტროზოლ დენკ 2.5 და რისთვის გამოიყენება;

2. რა არის გასათვალისწინებელი ლეტროზოლ დენკ 2.5-ის მიღებამდე;

3. ლეტროზოლ დენკ 2.5-ის მიღების წესი;

4. შესაძლო გვერდითი ეფექტები;

5. ლეტროზოლ დენკ 2.5-ის შენახვის წესი;

**6. შეფუთვის შემადგენლობა და სხვა ინფორმაცია. **

1. რა არის ლეტროზოლ დენკ 2.5 და რისთვის გამოიყენება

რა არის ლეტროზოლ დენკ 2.5 და როგორ მოქმედებს

ლეტროზოლ დენკ 2.5 შეიცავს აქტიურ ნივთიერებას ე.წ ლეტროზოლს. იგი მიეკუთვნება პრეპარატების ჯგუფს, რომლის სახელია არომატაზას ინჰიბიტორები. იგი განკუთვნილია ჰორმონ-დამოკიდებული ძუძუს კიბოს (ანუ ენდოკრინული) მკურნალობისათვის. ძუძუს კიბოს პროგრესირება ხშირად სტიმულირდება ესტროგენების მიერ, რომლებიც წარმოადგენენ ქალის სასქესო ჰორმონებს. ლეტროზოლ დენკ 2.5 ამცირებს ესტროგენის რაოდენობას იმ ფერმენტის (“არომატაზას”) დაბლოკვის გზით, რომელიც მონაწილეობს ესტროგენის წარმოქმნაში და შესაბამისად შეიძლება დაბლოკოს ძუძუს კიბოს პროგრესირება, რომლის ზრდისთვისაც საჭიროა ესტროგენები. შედეგად სიმსივნური უჯრედები ანელებენ ან აჩერებენ ზრდას და/ან გავრცელებას სხეულის სხვა ნაწილებში.

რისთვის გამოიყენება ლეტროზოლ დენკ 2.5

ლეტროზოლ დენკ 2.5 გამოიყენება ძუძუს კიბოს სამკურნალოდ იმ ქალებში, რომელთაც აქვთ მენოპაუზა ანუ შეუწყდათ მენსტრუალური ციკლი.

იგი გამოიყენება ძუძუს კიბოს რეციდივის თავიდან ასაცილებლად. იგი შესაძლებელია გამოყენებულ იქნას, როგორც პირველი რიგის მკურნალობა შემდეგ შემთხვევებში: თუ ძუძუს კიბოს ოპერაცია სასწრაფოდ ვერ გაკეთება ან ოპერაციის შემდომ ან ტამოქსიფენით 5 წლიანი მკურნალობის შემდეგ. ლეტროზოლ დენკ 2.5 ასევე გამოიყენება ძუძუს კიბოს სხეულის სხვა ნაწილებში გავრცელების პრევენციის მიზნით იმ პაციენტებში, რომელთაც აქვთ მეტასტაზირებული ძუძუს კიბო.

ლეტროზოლ დენკ 2.5-ის მოქმედების ან დანიშნულების შესახებ დამატებითი შეკითხვების არსებობის შემთხვევაში უნდა მიემართოს მკურნალ ექიმს.

2. რა არის გასათვალისწინებელი ლეტროზოლ დენკ 2.5-ის მიღებამდე

საჭიროა მკურნალი ექიმის ყველა მითითების სიფრთხილით დაცვა. ის შეიძლება განსხვავდებოდნენ გამოყენების ამ ინსტრუქციის ზოგადი ინფორმაციისგან.

ლეტროზოლ დენკ 2.5 არ მიიღება:

- თუ პაციენტი ალერგიულია ლეტროზოლის ან ამ პრეპარატში შემავალი რომელიმე ინგრედიენტის მიმართ (ჩამოთვლილია პუნქტში 6.);

- პაციენტს ჯერ კიდევ აქვს მენსტრუალური ციკლი ანუ თუ ჯერ კიდევ არ აღინიშნება მენოპაუზა;

- პაციენტი არის ორსულად;

- ლაქტაციის პერიოდი.

თუ რომელიმე ზემოთ ხსენებული მდგმარეობა ეხება პაციენტს, აღნიშნული პრეპარატის მიღება არ შეიძლება და უნდა მიემართოს ექიმს.

სიფრთხილით და სიფრთხილის ზომები

ლეტროზოლ დენკ 2.5-ის მიღებამდე უნდა მიემართოს მკურნალ ექიმს ან ფარმაცევტს.

- თუ პაციენტს აქვს თირკმლის მწვავე დაავადება;

- თუ პაციენტს აქვს ღვიძლის მწვავე დაავადება;

- თუ ანამნეზში აღინიშნება ოსტეოპოროზი ან ძვლების მოტეხილობა (იხ. ასევე “ლეტროზოლ დენკ 2,5-ის მკურნალობის შედეგი” პუნქტში 3).

თუ რომელიმე ზემოთ ხსენებული ეხება პაციენტს, უნდა მიემართოს მკურნალ ექიმს. მკურნალი ექიმი გაითვალისწინებს აღნიშნულს ლეტროზოლ დენკ 2.5-ით მკურნალობის დროს.

ბავშვები და მოზარდები (18 წლამდე)

არ შეიძლება აღნიშნული პრეპარატის გამოყენება ბავშვებში და მოზარდებში.

ხანდაზმული მოსახლეობა (65 წლის ასაკიდან)

65 წლის და უფრო მეტი ასაკის პაციენტებში დასაშვებია იგივე დოზების გამოყენება, რაც სხვა მოზრდილებში.

სხვა პრეპარატები და ლეტროზოლ დენკ 2.5

თუ პაციენტი მკურნალობს/იღებს, უახლოეს პერიოდში მკურნალობდა/იღებდა ან შესაძლებელია იმკურნალოს/მიიღოს ნებისმიერი სხვა პრეპარატი, უნდა აცნობოს მკურნალ ექიმს ან ფარმაცევტს.

ორსულობა, ლაქტაციის პერიოდი და ფერტილობა

თუ პაციენტი არის ორსულად ან ლაქტაციის პერიოდში, ფიქრობს, რომ შეიძლება იყოს ფეხმძიმედ, ან აპირებს დაფეხმძიმებას, ამ მედიკამენტის მიღებამდე უნდა მიემართოს მკურნალ ექიმს ან ფარმაცევტს

- ლეტროზოლ დენკ 2.5 მიიღება მხოლოდ მენოპაუზის შემდეგ. თუმცა, მკურნალმა ექიმმა პაციენტთან ერთად უნდა განიხილოს ეფექტური კონრაცეფციის გამოყენება, რადგან ლეტროზოლ დენკ 2.5-ით მკურნალობის დროს ჯერ კიდევ არსებობს დაფეხმძიმების შანსი;

- არ შეიძლება ლეტროზოლ დენკ 2.5-ის მიღება თუ პაციენტი არის ორსულად ან ლაქტაციის პერიოდში, რადგან ამან შესაძლოა ავნოს ნაყოფს.

მანქანის და სხვა მექანიზმების მართვა

თუ აღინიშნება თავბრუსხვევა, დაღლილობა, ძილიანობა ან ზოგადი სისუსტე, ასეთ შემთხვევაში არ შეიძლება მანქანის და სხვა მექანიზმების მართვა მანამდე, სანამ პაციენტი თავს ისევ არ იგრძნობს ჯანმრთელად.

ლეტროზოლ დენკ 2.5 შეიცავს ლაქტოზას

ლეტროზოლ დენკ 2.5 შეიცავს ლაქტოზას (რძის შაქარი). თუ პაციენტი ინფორმირებულია ექიმის მიერ, რომ მას აქვს რომელიმე შაქრის მიმართ აუტანლობა, უნდა მიემართოს მკურნალ ექიმს ან ფარმაცევტს ამ მედიკამენტის მიღებამდე.

3. ლეტროზოლ დენკ 2.5-ის მიღების წესი

აღნიშნული პრეპარატი ყოველთვის მიიღება მკურნალი ექიმის ან ფარმაცევტის მითითებების ზუსტი დაცვით. რაიმე ეჭვის შემთხვევაში უნდა მიმართოს მკურნალ ექიმს ან ფარმაცევტს.

რეკომენდებული დოზა შეადგენს ლეტროზოლ დენკ 2.5-ის აპკიანი გარსით დაფარულ ერთ ტაბლეტს, დღეში ერთჯერ. ლეტროზოლ დენკ 2.5-ის მიღება ერთი და იგივე დროს პაციენტს დაეხმარება, რომ არ დაავიწყდეს შემოგარსული ტაბლეტის მიღება.

აპკიანი გარსით დაფარული ტაბლეტი მიიღება საკვებთან ერთად ან მისგან დამოუკიდებლად და უნდა გადაიყლაპოს მთლიანად, ჭიქა წყლის ან სხვა სითხის მიყოლებით.

ლეტროზოლ დენკ 2.5-ის მიღების ხანგრძლივობა

ლეტროზოლ დენკ 2.5 მიიღება ყოველდღე იმ ხანგრძლივობით, რა ვადითაც დანიშნა ექიმმა მკურნლობა. შესაძლებელია მისი მიღება გაგრძელდეს თვეების ან წლების განმავლობაშიც კი. თუ პაციენტს აქვს რაიმე შეკითხვა ლეტროზოლ დენკ 2.5-ით მკურნალობის ხანგრძლივობასთან დაკავშირებით, უნდა მიემართოს ექიმს.

ლეტროზოლ დენკ 2.5-ით მკურნალობის შედეგი

აღნიშნული პრეპარატი მიიღება მხოლოდ ექიმის მკაცრი დაკვირვების ქვეშ. მკურნალობის ეფექტურობის დასადასტურებლად ექიმი ხშირად გადაამოწმებს პაციენტის მდგომარეობას.

ორგანიზმში ოსტეოგენების რაოდენობის შემცირების შედეგად ლეტროზოლ დენკმა 2.5 შესაძლებელია გამოიწვიოს ძვლების გათხელება ან გალევა (ოსტეოპოროზი). მკურნალმა ექიმმა შესაძლებელია გადაწყვიტოს გაზომოს ძვლების სიმკვრივე (ოსტეოპოროზის მონიტორინგი) მკურნალობის დაწყებამდე, მკურნალობისას ან მისი დამთავრების შემდეგ.

ლეტროზოლ დენკ 2.5 დოზის გადაჭარბება

ლეტროზოლ დენკ 2.5 დოზის გადაჭარბებისას ან თუ სხვამ შემთხვევით მიიღო პაციენტის გარსით დაფარული ტაბლეტები, დაუყოვნებლივ უნდა მიემართოს მკურნალ ექიმს ან საავადმყოფოს. მათ უნდა ეჩვენოს შემოგარსული ტაბლეტების შეფუთვა, შესაძლებელია საჭირო გახდეს სამედიცინო ჩარევა.

ლეტროზოლ დენკ 2.5 დოზის გამოტოვება

- თუ მოახლოებულია შემდეგი დოზის მიღების დრო (მაგ. 2-3 საათში), უნდა მოხდეს დოზის გამოტოვება და შემდეგი დოზა მიიღება დოზირების რეჟიმის შესაბამისად;

- სხვა შემთხვევაში დოზა მიიღება გახსენებისთანავე, ხოლო შემდეგი ტაბლეტი - დოზირების რეჟიმის შესაბამისად;

- არ შეიძლება გაორმაგებული დოზის მიღება გამოტოვებულის სანაცვლოდ.

ლეტროზოლ დენკ 2.5 მკურნალობის შეწყვეტა

არ შეიძლება ლეტროზოლ დენკ 2.5-ით მკურნალობის შეწყვეტა მკურნალ ექიმთან კონსულტაციის გარეშე. ასევე იხილეთ ზემოთ მოცემული პუნქტი “ლეტროზოლ დენკ 2.5 მიღების ხანგრძლივობა”.

ამ მედიკამენტის მიღებასთან დაკავშირებული დამატებითი შეკითხვების არსებობის შემთხვევაში უნდა მიემართოს ექიმს ან ფარმაცევტს.

4. შესაძლო გვერდითი ეფექტები

ყველა პრეპარატის მსგავსად, ამ პრეპარატმაც შესაძლებელია გამოიწვიოს გვერდითი ეფექტები, თუმცა ისინი ყველას არ უვითარდება.

გვერდითი ეფექტების უმეტესობა არის საშუალო ან ზომიერი სიმძიმის და ჩვეულებრივ ქრება მკურნალობის დაწყებიდან რამდენიმე დღის ან კვირის შემდეგ.

ზოგიერთი გვერდითი ეფექტი როგორიცაა ალები, თმის ცვენა ან სისხლდენა საშოდან, შესაძლებელია გამოწვეული იყოს ორგანიზმში ესტროგენების ნაკლებობის გამო.

აღნიშნულმა გვერდითმა ეფექტებმა არ უნდა შეაშინოს პაციენტი. შესაძლებელია არცერთი მათგანი არ გამოვლინდეს.

ზოგიერთი გვერდითი ეფექტი შესაძლებელია იყოს სერიოზული

არახშირი (შეიძლება გამოვლინდეს 1 შემთხვევაში 100 პაციენტიდან):

- სისუსტე, დამბლა ან სხეულის რომელიმე ნაწილში შეგრძნების დაკარგვა (განსაკუთრებით ხელში ან ფეხში), კოორდინაციის დაკარგვა, გულისრევა, ლაპარაკის ან სუნთქვის გაძნელება (ტვინის დაზიანების ნიშანი, მაგალითად ინსულტი);

- უეცრად დაწყებული ტკივილი გულ-მკერდის არეში (გულის დაავადების ნიშანი);

- შეშუპება და სიწითლე ვენის გასწვრივ, რაც ძალიან მგრძნობიარეა და შესაძლოა შეხებისას მტკივნეული იყოს;

- მწვავე ცხელება, კანკალი ან ინფექციით გამოწვეული პირის ღრუს წყლული (სისხლის თეთრი უჯრედების ნაკლებობა);

- მწვავედ გამოხატული პერსისტენტული დაბინდული მხედველობა.

იშვიათი (შეიძლება გამოვლინდეს 1 შემთხვევაში 1,000 პაციენტიდან):

- სუთქვის გაძნელება, ტკივილი გულ-მკერდის არეში, გულის წასვლა, აჩქარებული გულისცემა, ციანოზი ან ხელის, ფეხის ან ტერფის უეცრად დაწყებული ტკივილი (სისხლის კოლტის ჩამოყალიბების ნიშანი);

რომელიმე ზემოთ ხსენებულის განვითარების შემთხვევაში, დაუყოვნებლივ უნდა მიემართოს მკურნალ ექიმს.

ასევე დაუყოვნებლივ უნდა ეცნობოს მკურნალ ექიმს თუ ლეტროზოლ დენკ 2.5-ით მკურნალობის დროს გამოვლინდება შემდეგი:

- შეშუპება, ძირითადად სახის და ხახის (ალერგიული რეაქციის ნიშანი);

- კანის და თვალების სიყვითლე, მადის დაკარგვა, შარდის გამუქება (ჰეპატიტის ნიშანი);

- გამონაყარი, კანის სიწითლე, ბუშტუკების გაჩენა ტუჩზე, თვალში ან პირის ღრუში, კანის აქერცვლა, ცხელება (კანის დაავადების ნიშნები);

ზოგიერთი გვერდითი ეფექტი ძალიან ხშირია

(შეიძლება გამოვლინდეს 10 პაციენტიდან 1 შემთხვევაში)

- ალები;

- ქოლესტეროლის დონის მომატება (ჰიპერქოლესტეროლემია);

- დაღლილობა;

- ოფლიანობის გაძლიერება;

- ძვლების და სახსრების ტკივილი (ართრალგია);

თუ რომელიმე გვერდითი ეფექტი დაძმიმდება, ასეთ შემთხვევაში უნდა მიემართოს მკურნალ ექიმს.

**ზოგიერთი გვერდითი ეფექტი ხშირია **

(შეიძლება გამოვლინდეს 10 პაციენტიდან 1 შემთხვევამდე)

- გამონაყარი კანზე;

- თავის ტკივილი;

- თავბრუსხვევა;

- სისუსტე (ზოგადი სისუსტის შეგრძნება);

- დარღვევები კუჭ-ნაწლავის მხრივ, როგორიცაა გულისრევა, ღებინება, დისპეფსია, ყაბზობა, დიარეა;

- მადის მომატება ან დაქვეითება;

- კუნთების ტკივილი;

- ძვლების გათხელება ან გალევა (ოსტეოპოროზი), რაც ზოგ შემთხვევაში იწვევს მოტეხილობას (იხ. ასევე ლეტროზოლ დენკ 2.5 მკურნალობის შედეგი” პუნქტში 3);

- ხელების, ფეხების და კოჭების შეშუპება (ოედემა);

- დეპრესია;

- წონის მომატება;

- თმის ცვენა;

- მომატებული არტერიული წნევა (ჰიპერტენზია);

- მუცლის ტკივილი;

- კანის სიმშრალე;

- სისხლიანი გამონადენი საშოდან.

- პალპიტაციები, გულის უჩვეულო რითმი

- სახსრების რიგიდობა (არტრიტი)

- მკერდის ტკივილი

თუ რომელიმე გვერდითი ეფექტი მწვავედ გამოიხატება, უნდა მიემართოს მკურნალ ექიმს.

**სხვა გვერდითი ეფექტები არახშირია. **

(შეიძლება გამოვლინდეს 100 პაციენტიდან 1 შემთხვევაში)

ისინი შესაძლებელია გამოვლინდნენ ყოველი 1000 ნამკურნალევი პაციენტიდან 1-10-ში.

- ნერვული სისტემის მხრივ დარღვევები, როგორიც არის შფოთვა, ნევროზი, გაღიზიანება, მეხსიერების მხრივ პრობლემა, ძილიანობა, უძილობა;

- ტკივილი ან წვის შეგრძნება ხელებში და მაჯაში (მაჯის სინდრომი)

- მგრძნობელობის, განსაკუთრებით შეხების მხრივ დაღვევა;

- თვალის მხრივ დარღვევები, როგორიცაა მხედველობის დაბინდვა, თვალის გაღიზიანება;

- კანის მხრივ დარღვევები, მაგალითად ქავილი (ურტიკარია);

- საშოს სიმშრალე ან გამონადენი;

- მკერდის ტკივილი;

- ცხელება;

- წყურვილი, გემოვნების დარღვევა, პირის სიმშრალე;

- ლორწოვანი გარსების ანთება;

- წონის დაკლება;

- საშარდე გზების ინფექცია, გახშირებული შარდვა;

- ხველა

- ფერმენტების დონის მომატება.

- კანის და თვალების სიყვითლე

- ბილირუბინის მაღალის სისხლისმიერი დონე (სისხლის წითელი უჯრედების დაშლილი პროდუქტი)

უცნობი სიხშირით გამოვლენილი გვერდითი ეფექტები

(არსებული მონაცემების საფუძველზე სიხშირე ვერ დადგინდა)

“მიბმული” თითის სინდრომი, მდგომარეობა როდესაც თითი ან მტევნის დიდი თითი იმყოფება მოხრილ მდგომარეობაში

თუ რომელიმე გვერდითი ეფექტი გამწვავდება, ასეთ შემთხვევაში უნდა მიემართოს მკურნალ ექიმს.

გვერდითი ეფექტების შეტყობინება

რომელიმე გვერდითი ეფექტის გამოვლენის შემთხვევაში, უნდა მიემართოს მკურნალ ექიმს ან ფარმაცევტს. ეს ასევე ეხება ნებისმიერ გვერდით ეფექტს, რაც არ არის ჩამოთვლილი გამოყენების აღნიშნულ ინსტრუქციაში.

გვერდითი ეფექტების შეტყობინება საშუალებას იძლევა მეტი ინფორმაცია შეგროვდეს აღნიშნული პრეპარატის უსაფრთხოებასთან დაკავშირებით.

5. ლეტროზოლ დენკ 2.5-ის შენახვის წესი

- აღნიშნული პრეპარატი ინახება ბავშვებისთვის მიუწვომელ ადგილას.

- არ შეიძლება ამ მედიკამენტის გამოყენება ბლისტერზე და ყუთზე მითითებული ვადის გასვლის შემდეგ, რაც მითითებულია “Eხპ”-ის შემდეგ. ვალიდურობის ვადა გულისხმობს მითითებული თვის ბოლო დღეს.

- შენახვის ვადა: 36თვე.

- ინახება 30ºჩ-ზე დაბალ ტემპერატურაზე.

- არ შეიძლება აღნიშნული პრეპარატის გადაგდება საკანალიზაციო წყალში ან საყოფაცხოვრებო ნაგავში. გამოუყენებელი პრეპარატის განადგურების შესახებ უნდა მიემართოს ფარაცევტს. აღნიშნული ქმედება საჭიროა გარემოს დასაცავად.

6. შეფუთვის შემადგენლობა და სხვა ინფორმაცია

ფარმაკოდინამიკური თვისებები:

ფარმაკოთერაპიული ჯგუფი: ენდოკრინული თერაპია. ჰორმონალური ანტაგონისტი და დამაკავშირებელი ნივთიერება: არომატაზას ინჰიბიტორი.

ფარმაკოდინამიკური ეფექტები

როდესაც სიმსივნური ქსოვილის ზრდა დამოკიდებულია ესტროგენების არსებობაზე, ასეთ შემთხვევაში ესტროგენით გამოწვეული ზრდის სტიმულაციის შეჩერება წარმოადგენს სიმსივნეზე ზემოქმედების წინაპირობას.

პოსტმენოპაუზის პერიოდში მყოფ ქალებში ესტროგენები ძირითადად წარმოიქმნება არომატაზას ფერმენტის საშუალებით, რომელიც თირკმელზედა ჯირკვლის მიერ გამოყოფილ ანდროგენებს, ძირითადად კი, ანდროსტენედიონს და ტესტოსტერონს გარდაქმნის ესტრონად და ესტრადიოლად. ამის ხარჯზე არომატაზას ფერმენტის დაინჰიბირება ხელს უწყობს პერიოფერიულ და სიმსივნურ ქსოვილებში ესტროგენის ბიოსინთეზის დათრგუნვა.

ლეტროზოლი არომატაზას არასტეროიდულ ინჰიბიტორს წარმოადგენს. ის აინჰიბირებს ფერმენტ არომატაზას მის ციტოქრომაPP450-ის ჰემთან მიერთების გზით, რაც იწვევს ესტროგენის ბიოსინთეზის დაქვეითებას ყველა მათ შემცველ ქსოვილში.

ჯანმრთელ ქალებში პოსტმენოპაუზის დროს ლეტროზოლის 0,1მგ, 0,5მგ და 2,5მგ ერთჯერად დოზებს გააჩნიათ სისხლის შრატში ესტროგენის და ესტრადიოლის დონეების შემცირების უნარი 75%, 78% და 78%-ით შედარებით საწყის მაჩვენებელთან. მაქსიმალური სუპრესია მიიღწევა 48-78 საათში.

პოსტმენოპაუზის პერიოდში მყოფი პროგრესირებული ძუძუს კიბოს მქონე პაციენტებში 0,1მგ-დან 5მგ-მდე მიღებული სადღეღამისო დოზა ყველა პაციენტს უქვეითებს ესტრადიოლის, ესტრონის და სულფატის ესტრონის კონცენტრაციას პლაზმაში 75-95%-ით საწყის მაჩვენებელთან შედარებით. ჩატარებულ ცდებში 0,5მგ და უფრო მაღალი დოზების მიღებისას ესტრონის და სულფატის ესტრონის მაჩვენებლები იყო ფაქტიურად შეუმჩნეველი, რაც იმას მიუთითებს, რომ ესტროგენის ძლიერი სუპრესია მიიღწევა ამ დოზების საშუალებით. ამ ყველა პაციენტში ესტროგენი სუპრესირებული იყო მთელი მკურალობის განმავლობაში. ლეტროზოლი სპეციფიკურად აინჰიბირებს არომატაზას მოქმედებას. თირკმელზედა ჯირკვალში სტეროიდოგენეზის შეფერხება არ გამოვლენილა. პოსტმენოპაუზის პერიოდში მყოფ პაციენტების პლაზმაში, რომლებიც იღებდნენ 0,1მგ-დან 5მგ-მდე ლეტროზოლის სადრეღამისო დოზას, არ გამოვლენილა კლინიკურად მნიშვნელოვანი ცვლილებები კორტიზოლის, ალდოსტერონის, 11-დეოქსიკორტიზოლის, 17-ჰიდროქსიპროგესტერონის და AჩთH-ის კონცენტრაციის ან რენინის მოქმედების მხრივ. AჩთH-ის სტიმულაციის ტესტში, რომელიც ჩატარდა 0,1მგ, 0,25მგ, 0,5მგ, 1მგ, 2,5მგ და 5მგ სადღეღამისო დოზის მიღებიდან 6 და 12 კვირის შემდეგ, ალდოსტერონისა და კორტიზოლის წარმოქმნა არ შემცირებულა. შესაბამისად გლუკოკორტიკოიდების და მინერალოკორტიკოიდების დამატება არ არის საჭირო.

ჯანმრთელ ქალებში პოსტმენოპაუზის პერიოდში ლეტროზოლის 0,1მგ, 0,5მგ და 2,5მგ ერთჯერადი დოზის მიღება არ იწვევს ანდროგენების (ანდროსტენედიონის და ტესტოსტერონის) კონცენტრაციის ცვლილებას პლაზმაში. პოსტმენოპაუზურ პერიოდში მყოფ პაციენტებში, რომლებიც იღებდნენ ლეტროზოლის 0,5მგ-დან 5მგ-მდე სადღეღამისო დოზას აგრეთვე არ იწვევდა ანდროსტენედიონის დონის ცვლილებას სისხლის პლაზმაში. ლეტროზოლი არ მოქმედებს LH და FშH-ის პლაზმის დონეზე და არც ფარისებრი ჯირკვლის ფუნქციაზე, რაც შეფასდა თშH, თ4 და თ3 ათვისების ტესტით.

ფარმაკოკინეტიკური თვისებები

აბსორბცია

ლეტროზოლი სწრაფად და სრულად შეიწოვება კუჭ-ნაწლავის ტრაქტიდან (საშუალო აბსოლუტური ბიოათვისებულობა შეადგენს 99.9%). საკვების მიღება ოდნავ ამცირებს შეწოვას (საშუალო ტმახ 1 საათია უზმოზე, ხოლო ჭამის შემდეგ 2 საათი; საშუალო ცმახ 129 ± 20.3 ნმოლი /ლიტრი უზმოზე, ხოლო 98.7 ± 18.6 ნმოლი/ლიტრი ჭამის შემდეგ), მაგრამ აბსორბციის ხარისხი (AUჩ) არ იცვლება. მცირე ზემოქმედება აბსორბციის სიჩქარეზე არ ითვლება კლინიკურად მნიშვნელოვნად და შესაბამისად ლეტროზოლის მიღება შეიძლება საკვებისგან დამოუკიდებლად.

განაწილება

ლეტროზოლის დაახლოებით 60% უერთდება პლაზმის ცილებს, ძირითადად ალბუმინს (55%). ლეტროზოლის კონცენტრაცია ერითროციტებში შეადგენს დაახლოებით 80%-ს შედარებით პლაზმასთან. 14ჩ–ით მონიშნული 2,5მგ ლეტროზოლის მიღების შემდეგ რადიოაქტიური ნაერთის დაახლოებით 82% იყო უცვლელი. შესაბამისად მეტაბოლიტების სისტემური გავრცელება დაბალია. ლეტროზოლი სწრაფად და ჭარბად ნაწილდება ქსოვილებში. განაწილების მოცულობა სტაციონარულ მდგომარეობაში შეადგენს 1,87 ± 0,47 ლ/კგ.

ბიოტრანსფორმაცია

ფარმაკოლოგიურად არააქტიური კარაბინოლის მეტაბოლური კლირენსი წარმოადგენს ლეტროზოლის ძირითადი ელიმინაციის გზას (ჩLმ = 2.1 ლ/სთ), თუმცა იგი შედარებით ნაკლებია ღვიძლის სისხლის ნაკადზე (დაახლოებით 90ლ/სთ). აღმოჩნდა, რომ ციტოქრომ P450 იზოფერმენტებს 3A4 და 2A6 აქვთ უნარი ლეტროზოლი გარდაქმნან აღნიშნულ მეტაბოლიტად. მცირე რაოდენობით არაიდენტიფიცირებული მეტაბოლიტების წარმოქმნა და უცვლელი სახით პრეპარატის გამოყოფა შარდში და განავალში მცირე როლს ასრულებს ლეტროზოლის ელიმინაციის პროცესში. პოსტმენოპაუზურ პერიოდში მყოფი ჯანმრთელი მოხალისეებისთვის 14ჩ–ით მონიშნული ლეტროზოლის 2,5მგ დოზის მიღებიდან 2 კვირის განმავლობაში შარდში გამოვლენილ იქნა რადიოაქტიულად მონიშნული ნივთიერების 88.2 ± 7.6%, ხოლო ფეკალურ მასაში - 3.8 ± 0.9%. შარდში 216 საათის შემდეგ (დოზის 84.7 ± 7.8%) რადიოაქტიულად მინიშნული ნივთიერების სულ მცირე 75% წარმოადგენდა კარბინოლის მეტაბოლიტის გლუკურონიდულ კონიუგატს, თითქმის 9%-მდე სხვა, დაუდგენელ მეტაბოლიტს და 6% - ლეტროზოლს უცვლელი სახით.

ელიმინაცია

სისხლის პლაზმიდან ნახევარგამოყოფის საბოლოო პერიოდი პერიოდი შეადგენს დაახლოებით 2 დღეს. ყოველდღიურად 2,5მგ-ს მიღებისას ლეტროზოლის სტაციონარული კონცენტრაცია მიიღწევა 2-6 კვირაში. პლაზმის კონცენტრაცია სტაციონარულ მდგომარეობაში დაახლოებით 7-ჯერ უფრო მაღალია ვიდრე 2,5მგ დოზის ერთჯერადად მიღების შემდეგ, თუმცა იგი 1,5-2-ჯერ აღემატება სტაციონარული მდგომარეობის მაჩვენებელს, რომელიც შესაძლებელია გათვალისწინებულ იქნას პრეპარატის ერთჯერადი დოზის შედეგად მიღებული მნიშვნელობების გამოყენებით გათვლების საფუძველზე. აღნიშნული მიუთითებს იმას, რომ ლეტროზოლის ყოველდღიური გამოყენება 2,5მგ დოზით მისი ფარმაკოკინეტიკა არაწრფივ ხასიათს ატარებს. რადგან სტაციონარული მდგომარეობა ნარჩუნდება გარკვეული პერიოდის განმავლობაში შესაძლებელია დავასკვნათ, რომ ლეტროზოლის დაგროვებას არ აქვს ადგილი.

განსაკუთრებული პოპულაცია

ხანდაზმულები

ასაკი არ ახდენს გავლენას ლეტროზოლის პლაზმურ ფარმაკოკინეტიკაზე.

თირკმლის ფუნქციის დარღვევა

თირკმლის ფუნქციის სხვადასხვა სიმძიმის დარღვევის მქონე 19 მოხალისებზე ჩატარებული კვლევიდან (24 საათიანი კრეატინინის კლირენსი 9-116 მლ/წთ) დადგინდა, რომ 2,5მგ დოზის ერთჯერადად მიღება არ ახდენდა გავლენას ლეტროზოლის ფარმაკოკინეტიკაზე.

ღვიძლის ფუნქციის დარღვევა

მსგავსი ტიპის კვლევაში, სადაც მონაწილეობდნენ ღვიძლის სხვადასხვა ხარისხის დარღვევის მქონე პაციენტები, ღვიძლის საშუალო სიმძიმის დარღვევის მქონე მოხალისეებში (Child-Pugh B) საშუალო AUC იყო 37%-ით მეტი, ვიდრე ნორმალურ სუბიექტებში, თუმცა იმ ფარგლებში, რაც აღენიშნება ჯანმრთელ ადამიანს. კვლევაში, სადაც მონაწილეობდა ღვიძლის ციროზის და ღვიძლის მძიმე დარღვევის მქონე (Child- Pugh C) 8 მამაკაცი და ჯანმრთელი მოხალისეები (N=8) ერთმანეთს ადარებდნენ ლეტროზოლის ფარმაკოკინეტიკას ერთჯერადი დოზის მიღების შემდეგ და დადგინდა, რომ AUC და ტ½ იზრდებოდა 95% და 187%-ით, შესაბამისად. აქედან გამომდინარე ლეტროზოლი უნდა დაინიშნოს სიფრთხილით ღვიძლის მძიმე უკმარისობის მქონე პაციენტებში რისკის/ სარგებლის შეფასების შემდეგ.

ლეტროზოლ დენკ 2.5-ის შემადგენლობა

- აქტიური ნივთიერება არის ლეტროზოლი.

თითოეული აპკიანი გარსით დაფარული ტაბლეტი შეიცავს 2.5მგ ლეტროზოლს.

- სხვა დამხმარე ნივთიერებები:

ტაბლეტის ბირთვი: ლაქტოზას მონოჰიდრატი, სიმინდის სახამებელი, მიკროკრისტალური ცელულოზა, ნატრიუმის სახამებლის გლიკოლატი (ტიპი A), მაგნიუმის სტეარატი (მცენარეული), კოლოიდური უწყლო სილიციუმი.

გარსი: ჰიპრომელოზა, მაკროგოლ 400, ტიტანის დიოქსიდი, ყვითელი რკინის ოქსიდი.

გაცემის რეჟიმი:

ფარმაცევტული პროდუქტის ჯგუფი II, გაიცემა ფორმა №3 რეცეპტით

ლეტროზოლ დენკ 2.5-ის აღწერილობა და შეფუთვის შემადგენლობა

ლეტროზოლ დენკი 2.5 არის მოყვითალო მუქი ყვითელი ფერის, მრგვალი ფორმის, ორმხრივ ამობურცული აპკიანი გარსით დაფარული ტაბლეტი.

ლეტროზოლ დენკ 2.5-ის ტაბლეტი შეფუთულია PVჩ/PVDჩ/ალუმინის ბლისტერზე.

შეფუთვა: 30 აპკიანი გარსით დაფარული ტაბლეტი.