შემადგენლობა: თითო აპკით დაფარული ტაბლეტი აქტიური ნივთიერების სახით შეიცავს: 5 მგ ლევოცეტირიზინის დიჰიდროქლორიდი. დამხმარე ნივთიერებები: მიკროკრისტალური ცელულოზა, ლაქტოზას მონოჰიდრატი, პოვიდონი K25, კოლოიდური უწყლო კაჟბადი, ნატრიუმის კროსკარმელოზა, მაგნიუმის სტეარატი, HPMC (ჰიდროქსიპროპილ მეთილ ცელულოზა), ტალკი, ტიტანის დიოქსიდი, მაკროგოლი (PEG 6000).

ფარმაკოთერაპიული ჯგუფი: ანტიჰისტამინური საშუალებები.

ჩვენებები: ალერგიული რინიტი, ქრონიკული იდიოპათიური ჭინჭრის ციება, ქავილი, ბუშტუკები და სიწითლე კანზე.

დოზირება და მიღების წესი: შიგნით მისაღებად, საკმარისი რაოდენობით წყლის მიყოლებით. შესაძლებელია პრეპარატის მიღება კვების დროს ან კვებათა შორის პერიოდში. ყოველთვის მიიღება ზუსტად ექიმის დანიშნულების შესაბამისად. 6-12 წელი: 5 მგ ერთხელ დღეში. 12 წლიდან: 5 მგ ერთხელ დღეში. ხანდაზმული პაციენტები თირკმლის უკმარისობის გარეშე არ საჭიროებენ დოზის კორექციას. თირკმლის ან ღვიძლის უკმარისობის შემთხვევაში ინიშნება დაბალი დოზები. ბავშვებში დოზირება აღნიშნულ შემთხვევაში ხდება სხეულის წონის მიხედვით. მკურნალობის ხანგრძლივობას განსაზღვრავს ექიმი.

გვერდითი მოვლენები: პირის, ენის, სახის ან ყელის შეშუპება, სუნთქვის ან ყლაპვის გაძნელება, ქავილი, არტერიული წნევს უეცრად დაცემა, რაც იწვევს კოლაფსს ან შოკს. სხეულის უკონტროლო კანკალი კრუნჩხვებთან ერთად, ღვიძლის ანთება, გულისცემის აჩქარება, სუნთქვის უკმარისობა, მხედველობის დაქვეითება, გულისცემის აჩქარება. პირის სიმშრალე, თავის ტკივილი, დაღლილობა, ძილიანობა, თავბრუსხვევა, მგრძნობელობის დაკარგვა, კანკალი, მუცლის ტკივილი, შეშუპება, წონის მატება, კუნთების ტკივილი, აგრესიული ან შემაწუხებელი ქცევა, ღებინება, გულისრევა, არარსებული საგნების ხედვა, დეპრესია, გემოს შეგრძნების ცვლილება, წონასწორობის დარღვევა, მხედველობის დაბინდვა, ტკივილი შარდვის დროს, შარდი ბუშტის არასრულად დაცლა, შიმშილის გრძნობის გაძლიერება, სუნთქვის უკმარისობა, ღვიძლის პათოლოგიური ფუნქცია

უკუჩვენებები: მომატებული მგრძნობელობა დევოცეტირიზინის დიჰიდროქლორიდის, პრეპარატის რომელიმე ინგრედიენტის და სხვა ანტიჰისტამინური საშუალების მიმართ. თირკმლის ფუნქციის დაქვეითება.

ურთიერთქმედება სხვა პრეპარატებთან: ცეტირიზინის, ლევოცეტირიზინის ან სხვა ცენტრალური მოქმედების საშუალებების ერთდროულად მიღებამ შესაძლოა გავლენა იქონიოს ცენტრალურ ნერვულ სისტემაზე. უნდა ეცნობოს ექიმს თუ პაციენტი იღებს ან ბოლო დროს ღებულობდა რომელიმე პრეპარატს.

განსაკუთრებული გაფრთხილება: არ გამოიყენება 6 წლამდე ასაკში. შეიცავს ლაქტოზას, რის გამოც პრეპარატის მიღებამდე რომელიმე შაქრის მიმართ აუტანლობის შემთხვევაში უნდა მიემართოს ექიმს. ალკოჰოლთან ან სხვა პრეპარატებთან ერთად მიღების შემთხვევაში, რომლებიც მოქმედებენ ტვინზე, შესაძლოა გავლენა მოახდინოს სიფხიზლეზე. თუ პაციენტს აქვს შარდვასთან დაკავშირებული პრობლემები პრეპარატის მიღებამდე უნდა მიემართოს ექიმს. დოზის გამოტოვების შემთხვევაში შემდგომი დოზა მიღებულ უნდა იქნეს ჩვეულ დროს. დაუშვებელია დოზის გაორმაგება გამოტოვებულის სანაცვლოდ. კრებროსით მკურნალობის ვადაზე ადრე შეწყვეტა არ იწვევს საზიანო ეფექტებს, თუმსა მოსალოდნელია სიმპტომების კვლავ გამოვლინება.

ორსულობა და ლაქტაცია: ორსულობისა და ლაქტაციის პერიოდში პრეპარატის გამოყენებამდე უნდა მიემართოს ექიმს.

მანქანისა და სხვა მექანიზმების მართვა: საჭიროა სიფრთხილის გამოჩენა მანქანისა და სხვა მექანიზმების მართვის დროს, ვინაიდან პრეპარატის მიღების დროს შესაძლოა პაციენტს ინდივიდუალურად აღენიშნოს საერთო სისუსტე და დაღლა.

ჭარბი დოზირება: ჭარბი დოზირების შემთხვევაში შესაძლოა განვითარდეს ძილიანობა მოზრდილებში ხოლო მოუსვენრობა და შფოთვა ბავშვებში. დაუყოვნებლივ უნდა მიემართოს ექიმს.

გარეგნული სახე და შეფუთვა: 5 მგ აპკით დაფარული ტაბლეტები მოთავსებულია ბლისტერზე. შეფუთვაშია #20 თეთრი, ოვალური ფორმის, ამობურცული, აპკით დაფარული ტაბლეტები, ცალ მხარეს ლოგოთი „LS“.

შენახვის პირობები: ინახება ბავშვებისთვის მიუწვდომელ ადგილას ორიგინალ შეფუთვაში, არაუმეტეს 25C ტემპერატურაზე.

კრებროსი®

5მგ აპკიანი გარსით დაფარული ტაბლეტები

პერორალური გამოყენებისათვის

· აქტიური ნივთიერება: აპკიანი გარსით დაფარული თითოეული ტაბლეტი შეიცავს 5მგ ლევოცეტირიზინის დიჰიდროქლორიდს

· ექსციპიენტები: ლაქტოზის მონოჰიდრატი, მიკროკრისტალური ცელულოზა, ტიტანის დიოქსიდი, პოვიდონი K25, კოლოიდური უწყლო სილიციუმი, ნატრიუმის კროსკარმელოზა, მაგნიუმის სტეარატი, ჰპმც, ტალკი, მაკროგოლი (PEG 6000)

პრეპარატის გამოყენებამდე ყურადღებით წაიკითხეთ ეს საინფორმაციო ჩანართი, რადგან ის შეიცავს თქვენთვის მნიშვნელოვან ინფორმაციას.

· შეინახეთ საინფორმაციო ჩანართი. შესაძლოა კვლავ დაგჭირდეთ წაკითხვა.

· დამატებითი შეკითხვების შემთხვევაში მიმართეთ ექიმს ან ფარმაცევტს.

· ეს პრეპარატი დაგენიშნათ პირადად თქვენ; არ გადასცეთ სხვებს.

· ამ პროდუქტის გამოყენების დროს, ექიმთან ან საავადმყოფოში ვიზიტის დროს აცნობეთ ექიმს, რომ ღებულობთ წამალს.

· გთხოვთ, სრულად დაიცავით საინფორმაციო ჩანართში მოცემული ინსტრუქციები. არ მიიღოთ თქვენთვის რეკომენდირებულზე მაღალი ან დაბალი დოზა.
პაციენტის საინფორმაციო ჩანართში:

1. რა არის კრებროსი® და რისთვის გამოიყენება

2. კრებროსის® გამოყენებამდე

3. როგორ მიიღება კრებროსი®

4. მოსალოდნელი გვერდითი ეფექტები

5. როგორ ინახება კრებროსი® სათაურები მოცემულია.

1. რა არის კრებროსი® და რისთვის გამოიყენება

· კრებროსი® წარმოადგენს ანტიჰისტამინურ საშუალებას და გამოიყენება ალერგიის სამკურნალოდ. ანტიჰისტამინური საშუალებები თრგუნავენ ჰისტამინის მოქმედებას და აუმჯობესებენ ალერგიის სიმპტომებს.

· კრებროსი® წარმოდგენილია ბლისტერული შეფუთვის სახით, რომელიც შეიცავს 20 და 40 აპკიანი გარსით დაფარულ ტაბლეტს. იგი არის თეთრი, ოვალური, ამობურცული აპკიანი გარსით დაფარული ტაბლეტი, ცალ მხარეს ლოგოთი “Lშ”.

· კრებროსი® ნაჩვენებია ალერგიული რინიტის (მათ შორის დროებითი/ქრონიკული ან სეზონური/წლიური) და ქრონიკული გამონაყარის (ქრონიკული იდიოპათიური ჭინჭრის ციება) სიმპტომების (ქავილი, ბუშტუკები, სიწითლე) სამკურნალოდ 6 წელზე უფროსი ასაკის პაციენტებში.

2. კრებროსის® გამოყენებამდე

არ მიიღოთ კრებროსი®:

· თუ ხართ ალერგიული (ჰიპერმგრძნობიარე) ლევოცეტირიზინის დიჰიდროქლორიდის ან ანტიჰისტამინის ან რომელიმე სხვა ინგრედიენტის მიმართ.

· თუ გაქვთ თირკმლის ფუნქციის ძლიერი დარღვევა (თირკმლის მწვავე უკმარისობა, კრეატინინის კლირენსით 10მლ/წთ-ზე ნაკლები).

განსაკუთრებული სიფრთხილით მიიღეთ კრებროსი®:

· კრებროსის® მიღება არ არის რეკომენდებული 6 წლამდე ასაკის ბავშვებში და ჩვილებში.

· კრებროსი® შეიცავს ლაქტოზას, თუ ექიმისაგან ინფორმირებული ხართ, რომ გაქვთ ზოგიერთი ტიპის შაქრის აუტანლობა, პრეპარატის მიღებამდე უნდა მიმართოთ მკურნალ ექიმს.

· სიფრთხილეა საჭირო თუ კრებროსი® მიიღება ალკოჰოლთან ერთად. მგრძნობიარე პაციენტებში ცეტირიზინის ან ლევოცეტირიზინის ალკოჰოლთან ან სხვა პრეპარატებთან ერთად მიღებამ, რომლებიც მოქმედებენ ტვინზე შესაძლოა გავლენა მოახდინოს სიფხიზლეზე, თუმცა ცეტირიზინის რაცემატს არ გამოუწვევია ალკოჰოლის ეფექტის ზრდა.

· თუ გიჭირთ მოშარდვა (წინამდებარე ჯირკვლის გადიდების ან ზურგის ტვინის დაზიანების შემთხვევაში) კონსულტაციისათვის მიმართეთ ექიმს.

თუ მოცემული გაფრთხილებები გეხებათ თქვენ, თუნდაც წარსულში, გთხოვთ კონსულტაციისათვის მიმართოთ ექიმს.

კრებროსის® მიღება საკვებთან და სასმელთან ერთად:

კრებროსის® მიღება შესაძლებელია კვების დროს ან შუალედებში.

ორსულობა

· პრეპარატის მიღებამდე კონსულტაციისათვის მიმართეთ მკურნალ ექიმს ან ფარმაცევტს.

· პრეპარატის მიღებას უნდა მოერიდოთ ორსულობის პერიოდში

· თუმცა პრეპარატის მიღება შესაძლებელია მხოლოდ იმ შემთხვევაში, როდესაც მას ექიმი ნიშნავს სარგებელი/რისკის შეფასების შემდეგ.

· თუ მკურნალობის პერიოდში აღმოაჩენთ, რომ ორსულად ხართ დაუყოვნებლივ მიმართეთ ექიმს ან ფარმაცევტს

ლაქტაცია

· პრეპარატის მიღებამდე კონსულტაციისათვის მიმართეთ მკურნალ ექიმს ან ფარმაცევტს.

· ცეტირიზინი ხვდება დედის რძეში, შესაბამისად მეძუძურმა დედებმა არ უნდა მიიღონ აღნიშნული პროდუქცია.

ეფექტები ავტომობილის მართვის და მექანიზმების გამოყენების უნარზე

ზოგიერთ პაციენტს, რომელიც ღებულობს კრებროსს® შესაძლოა აღენიშნოს დაღლილობა და სისუსტე. თუ აპირებთ ტრანსპორტის მართვას, პოტენციურად საშიში საქმიანობების შესრულებას ან მექანიზმების გამოყენებას, პირველ რიგში უნდა დაელოთ და დააკვირდეთ თუ როგორი რეაქცია გაქვთ პრეპარატზე. თუმცა სპეციალური ტესტების მიხედვით არ გამოვლენილა გონებრივი სიფხიზლის, რეაგირების უნარის ან ტრანსპორტის მართვის უნარის დაქვეითება ჯანმრთელ პირებში ლევოცეტირიზინის რეკომენდირებული დოზების მიღებისას.

მნიშვნელოვანი ინფორმაცია კრებროსის® ზოგიერთი ინგრედიენტის შესახებ

კრებროსი® შეიცავს ლაქტოზას, თუ ექიმისაგან ინფორმირებული ხართ, რომ გაქვთ ზოგიერთი ტიპის შაქრის აუტანლობა, პრეპარატის მიღებამდე უნდა მიმართოთ მკურნალ ექიმს.

სხვა პრეპარატებთან ურთიერთქმედება

მგრძნობიარე პაციენტებში ცეტირიზინის ან ლევოცეტირიზინის ან სხვა ცენტრალური მოქმედების საშუალებების ერთობლივად მიღებამ შესაძლოა გავლენა მოახდინოს ცენტრალურ ნერვულ სისტემაზე.

გთხოვთ აცნობოთ ექიმს ან ფარმაცევტს თუ ღებულობთ ან ბოლო პერიოდში მიგიღიათ ნებისმიერი სხვა, რეცეპტით ან ურეცეპტოთ შეძენილი პრეპარატი.

**3. როგორ მიიღება კრებროსი® **

· კრებროსი® ყოველთვის მიიღეთ ექიმის დანიშნულების მიხედვით. თუ რაიმეში ეჭვი გეპარებათ მიმართეთ ექიმს ან ფარმაცევტს.

6-12 წლის ბავშვები: 5მგ დღეში (1 აპკიანი გარსით დაფარული ტაბლეტი)

12 წელზე უფროსი ასაკის მოზარდები და მოზრდილები: 5მგ დღეში (1 აპკიანი გარსით დაფარული ტაბლეტი)

· მიღების გზა და მეთოდი

· კრებროსი® მიიღება მხოლოდ პერორალურად

· ტაბლეტი უნდა გადაიყლაპოს მთლიანად, წყალის დაყოლებით. დღიური დოზა მიიღება ერთ ჯერზე.

· კრებროსის® მიღება შესაძლებელია კვებისგან დამოუკიდებლად

· სხვადასხვა ასაკობრივი ჯგუფები

**გამოყენება ბავშვებში: **

მონაცემების არარსებობის გამო კრებროსის® მიღება არ არის რეკომენდებული 2 წლამდე ასაკის ბავშვებში და ჩვილებში

კრებროსის® მიღება არ არის რეკომენდებული 6 წლამდე ასაკის ბავშვებში წამლის ფორმიდან გამომდინარე.

** გამოყენება ხანდაზმულებში:**

• დოზის კორექცია არ არის რეკომენდებული თირკმლის ნორმალური ფუნქციის მქონე ხანდაზმულ

• პაციენტებში

• განსაკუთრებული მდგომარეობები:

თირკმლის უკმარისობა/ღვიძლის უკმარისობა

· პაციენტებში თირკმლის ფუნქციის დაქვეითებით, სიმწვავის მიხედვით ინიშნება დაბალი დოზები, მაგრამ ბავშვებში დოზის კორექცია ხდება სხეულის წონის მიხედვით. დოზას განსაზღვრავს ექიმი.

· თუ გაქვთ თირკმლის მწვავე უკმარისობა არ მიიღოთ აღნიშნული პროდუქტი

· თუ გაქვთ მხოლოდ თირკმლის ფუნქციის დაქვეითება შეგიძლიათ მიიღოთ სტანდარტული დოზები.

· თუ გაქვთ თირკმლის ფუნქციის დაქვეითება და უკმარისობა დოზა უნდა დაკორექტირდეს თირკმლის დაავადების სიმწვავის მიხედვით, მაგრამ ბავშვებში დოზის კორექცია ხდება სხეულის წონის მიხედვით. დოზას განსაზღვრავს ექიმი.

მკურნალობის ხანგრძლივობას განსაზღვრავს ექიმი ჩივილების ტიპების და კლასიფიკაციის მიხედვით. დაიცავით ექიმის მითითებები.

აცნობეთ ექიმს ან ფარმაცევტს თუ ფიქრობთ, რომ პრეპარატის ეფექტი ზედმეტად ძლიერი ან სუსტია.

თუ მიიღეთ პრეპარატ კრებროსის® ჭარბი დოზა

თუ მიიღეთ კრებროსის® ჭარბი დოზა მიმართეთ ექიმს ან ფარმაცევტს.

დოზის ძლიერმა გადაჭარბებამ შესაძლოა გამოიწვიოს ძილიანობა მოზრდილებში. ბავშვებში მოსალოდნელია შფოთვა და მოუსვენრობა, რასაც მოჰყვება ძილიანობა.

თუ დაგავიწყდათ პრეპარატ კრებროსის® მიღება:

თუ დაგავიწყდათ კრებროსის® მიღება ან მიიღეთ ექიმის მიერ დანიშნულზე დაბალი დოზა დაელოდეთ და შემდეგი დოზა მიიღეთ ჩვეულ დროს.

არ მიიროთ ორმაგი დოზა გამოტოვებულის ანაზღაურების მიზნით.

კრებროსის® მკურნალობის დასრულების შემდეგ მოსალოდნელი ეფექტები

კრებროსის® ვადაზე ადრე შეწყვეტა არ იწვევს საზიანო ეფექტებს იმ თვალსაზრისით, რომ დაავადების სიმპტომები კვლავ გამოვლინდება პროგრესულად, მაგრამ არა იმაზე მეტი სიმწვავით, რაც აღინიშნებოდა კრებროსით® მკურნალობის დაწყებამდე.

4. მოსალოდნელი გვერდითი ეფექტები

სხვა პრეპარატების მსგავსად კრებროსმა® შესაძლოა გამოიწვიოს გვერდითი ეფექტები, მაგრამ არა ყველა პაციენტში.

თუ გამოვლინდა რომელიმე ქვემოთ მოცემული ეფექტი შეწყვიტეთ კრებროსის® მიღება და დაუყოვნებლივ მიმართეთ ექიმს ან უახლოესი საავადმყოფოს სასწრაფო გადაუდებელ სამსახურს:

· პირის, ენის, სახის და/ან ყელის შეშუპება, სუნთქვის ან ყლაპვის გართულება (მძიმედ სუნთქვა და დაჭიმულობა გულმკერდის არეში), გამონაყარი, არტერიული წნევს უეცრად დაცემა, რაც იწვევს კოლაფსს ან შოკს და რაც შესაძლოა ფატალური აღმოჩნდეს (ჰიპერმგრძნობელობითი რეაქციები).

· სხეულის უკონტროლო კანკალი კრუნჩხვებთან ერთად (კონვულსია)

· ღვიძლის არანორმალური ფუნქცია

· ღვიძლის ანთება (ჰეპატიტი)

· პალპიტაცია

· სუნთქვის უკმარისობა

· მხედველობის დაქვეითება

· ჩვეულებრივზე მეტი გულის შეკუმშვათა სიხშირე წუთში (ტაქიკარდია)

ყველა ზემოთ ჩამოთვლილი გვერდითი ეფექტი ძალიან სერიოზულია. თუ რომელიმე მათგანი გამოვლინდა ეს ნიშნავს, რომ გაქვთ სერიოზული ალერგია კრებროსზე®. შესაძლოა საჭირო გახდეს სასწრაფო სამედიცინო ჩარევა ან ჰოსპიტალიზაცია. ყველა ეს ძალიან სერიოზული გვერდითი ეფექტი აღინიშნება ძალიან იშვიათად.

თუ შენიშნავთ რომელიმე მათგანს მიმართეთ ექიმს:

· პირის სიმშრალე

· თავის ტკივილი

· დაღლილობა

· ძილიანობა

· თავბრუსხვევა

· დაბუჟება

· გულის შეკუმშვათა სიხშირის მომატება

· გულის წასვლა

· კანკალი

· მუცლის ტკივილი

· შეშუპება

· ძლიერი ქავილი

· გამონაყარი კანზე

· ჭინჭრის ციება (კანის შეშუპება, ქავილი და სიწითლზე)

· კანის გაღიზიანება

· წონის მატება

· კუნთების ტკივილი

· აგრესიული ან დარღვეული ქცევა

· ღებინება

· გულისრევა

· არარსებული საგნების ხედვა (ჰალუცინაციები)

· დეპრესია

· გამუდმებით სუიციდზე ფიქრი/დარდი

· გემოს შეგრძნების ცვლილება (დისგევზია)

· მგრძნობელობა ბრუნვის ან მოძრაობის დროს

· მხედველობის დაბინდვა

· ტკივილი შარდვის დროს

· შარდი ბუშტის არასრულად დაცლა

· შიმშილის გრძნობის გაძლიერება

· დეპრესია

· ჰალუცინაციები

· სუნთქვის უკმარისობა

· ღვიძლის ფუნქციის დაქვეითება

ეს გვერდითი ეფექტები მსუბუქი ხასიათისაა.

თუ გამოვლინდა ისეთი გვერდითი ეფექტი, რომელიც არ არის მოცემული ამ ჩანართში, აცნობეთ ექიმს ან ფარმაცევტს.

ინფორმაციის მიწოდება გვერდითი ეფექტების შესახებ

ნებისმიერი გვერდითი ეფექტის გამოვლენის შემთხვევაში გაესაუბრეთ მკურნალ ექიმს, ფარმაცევტს ან ექთანს. აღნიშნულით ხელს უწყობთ მოცემული პრეპარატის უსაფრთხოების შესახებ დამატებითი ინფორმაციის მოძიების პროცესს.

5. კრებროსის® შენახვის პირობები

შეინახეთ კრებროსი® საკუთარ შეფუთვაში, ბავშვებისათვის უხილავ და მიუწვდომელ ადგილზე.

შეინახეთ ოთახის ტემპერატურაზე, არა უმეტეს 25⁰C.

ვარგისობის ვადა

გთხოვთ შეინახოთ ორიგინალურ შეფუთვაში.

არ გამოიყენოთ კრებროსი® შეფუთვაზე/გარე კოლოფზე მითითებული ვარგისობის ვადის გასვლის შემდეგ.

არ გამოიყენოთ კრებროსი® თუ შეფუთვაზე შენიშნავთ დაზიანების ნიშნებს.

გაცემის წესი:

ფარმაცევტული პროდუქტის ჯგუფი II, გაიცემა ფორმა N3 რეცეპტით.

შემადგენლობა: თითო აპკით დაფარული ტაბლეტი აქტიური ნივთიერების სახით შეიცავს: 5 მგ ლევოცეტირიზინის დიჰიდროქლორიდი. დამხმარე ნივთიერებები: მიკროკრისტალური ცელულოზა, ლაქტოზას მონოჰიდრატი, პოვიდონი K25, კოლოიდური უწყლო კაჟბადი, ნატრიუმის კროსკარმელოზა, მაგნიუმის სტეარატი, HPMC (ჰიდროქსიპროპილ მეთილ ცელულოზა), ტალკი, ტიტანის დიოქსიდი, მაკროგოლი (PEG 6000).

ფარმაკოთერაპიული ჯგუფი: ანტიჰისტამინური საშუალებები.

ჩვენებები: ალერგიული რინიტი, ქრონიკული იდიოპათიური ჭინჭრის ციება, ქავილი, ბუშტუკები და სიწითლე კანზე.

დოზირება და მიღების წესი: შიგნით მისაღებად, საკმარისი რაოდენობით წყლის მიყოლებით. შესაძლებელია პრეპარატის მიღება კვების დროს ან კვებათა შორის პერიოდში. ყოველთვის მიიღება ზუსტად ექიმის დანიშნულების შესაბამისად. 6-12 წელი: 5 მგ ერთხელ დღეში. 12 წლიდან: 5 მგ ერთხელ დღეში. ხანდაზმული პაციენტები თირკმლის უკმარისობის გარეშე არ საჭიროებენ დოზის კორექციას. თირკმლის ან ღვიძლის უკმარისობის შემთხვევაში ინიშნება დაბალი დოზები. ბავშვებში დოზირება აღნიშნულ შემთხვევაში ხდება სხეულის წონის მიხედვით. მკურნალობის ხანგრძლივობას განსაზღვრავს ექიმი.

გვერდითი მოვლენები: პირის, ენის, სახის ან ყელის შეშუპება, სუნთქვის ან ყლაპვის გაძნელება, ქავილი, არტერიული წნევს უეცრად დაცემა, რაც იწვევს კოლაფსს ან შოკს. სხეულის უკონტროლო კანკალი კრუნჩხვებთან ერთად, ღვიძლის ანთება, გულისცემის აჩქარება, სუნთქვის უკმარისობა, მხედველობის დაქვეითება, გულისცემის აჩქარება. პირის სიმშრალე, თავის ტკივილი, დაღლილობა, ძილიანობა, თავბრუსხვევა, მგრძნობელობის დაკარგვა, კანკალი, მუცლის ტკივილი, შეშუპება, წონის მატება, კუნთების ტკივილი, აგრესიული ან შემაწუხებელი ქცევა, ღებინება, გულისრევა, არარსებული საგნების ხედვა, დეპრესია, გემოს შეგრძნების ცვლილება, წონასწორობის დარღვევა, მხედველობის დაბინდვა, ტკივილი შარდვის დროს, შარდი ბუშტის არასრულად დაცლა, შიმშილის გრძნობის გაძლიერება, სუნთქვის უკმარისობა, ღვიძლის პათოლოგიური ფუნქცია

უკუჩვენებები: მომატებული მგრძნობელობა დევოცეტირიზინის დიჰიდროქლორიდის, პრეპარატის რომელიმე ინგრედიენტის და სხვა ანტიჰისტამინური საშუალების მიმართ. თირკმლის ფუნქციის დაქვეითება.

ურთიერთქმედება სხვა პრეპარატებთან: ცეტირიზინის, ლევოცეტირიზინის ან სხვა ცენტრალური მოქმედების საშუალებების ერთდროულად მიღებამ შესაძლოა გავლენა იქონიოს ცენტრალურ ნერვულ სისტემაზე. უნდა ეცნობოს ექიმს თუ პაციენტი იღებს ან ბოლო დროს ღებულობდა რომელიმე პრეპარატს.

განსაკუთრებული გაფრთხილება: არ გამოიყენება 6 წლამდე ასაკში. შეიცავს ლაქტოზას, რის გამოც პრეპარატის მიღებამდე რომელიმე შაქრის მიმართ აუტანლობის შემთხვევაში უნდა მიემართოს ექიმს. ალკოჰოლთან ან სხვა პრეპარატებთან ერთად მიღების შემთხვევაში, რომლებიც მოქმედებენ ტვინზე, შესაძლოა გავლენა მოახდინოს სიფხიზლეზე. თუ პაციენტს აქვს შარდვასთან დაკავშირებული პრობლემები პრეპარატის მიღებამდე უნდა მიემართოს ექიმს. დოზის გამოტოვების შემთხვევაში შემდგომი დოზა მიღებულ უნდა იქნეს ჩვეულ დროს. დაუშვებელია დოზის გაორმაგება გამოტოვებულის სანაცვლოდ. კრებროსით მკურნალობის ვადაზე ადრე შეწყვეტა არ იწვევს საზიანო ეფექტებს, თუმსა მოსალოდნელია სიმპტომების კვლავ გამოვლინება.

ორსულობა და ლაქტაცია: ორსულობისა და ლაქტაციის პერიოდში პრეპარატის გამოყენებამდე უნდა მიემართოს ექიმს.

მანქანისა და სხვა მექანიზმების მართვა: საჭიროა სიფრთხილის გამოჩენა მანქანისა და სხვა მექანიზმების მართვის დროს, ვინაიდან პრეპარატის მიღების დროს შესაძლოა პაციენტს ინდივიდუალურად აღენიშნოს საერთო სისუსტე და დაღლა.

ჭარბი დოზირება: ჭარბი დოზირების შემთხვევაში შესაძლოა განვითარდეს ძილიანობა მოზრდილებში ხოლო მოუსვენრობა და შფოთვა ბავშვებში. დაუყოვნებლივ უნდა მიემართოს ექიმს.

გარეგნული სახე და შეფუთვა: 5 მგ აპკით დაფარული ტაბლეტები მოთავსებულია ბლისტერზე. შეფუთვაშია #20 თეთრი, ოვალური ფორმის, ამობურცული, აპკით დაფარული ტაბლეტები, ცალ მხარეს ლოგოთი „LS“.

შენახვის პირობები: ინახება ბავშვებისთვის მიუწვდომელ ადგილას ორიგინალ შეფუთვაში, არაუმეტეს 25C ტემპერატურაზე.