დასახელება - მედაოქსი 100მგ 10 ტაბლეტი

გამოყენების ჩვენებები
დოქსიციკლინი ნაჩვენებია მოზრდილებსა და ბავშვებში ინფექციური დაავადებების სამკურნალოდ:
-მსუბუქი სიმძიმის არაჰოსპიტალური პნევმონია, მათ შორის გამოწვეული შემდეგი ატიპიური პათოგენური მიკროორგანიზმებით: Chlamydophila (Chlamydia) pneumoniae, Mycoplasma pneumoniae და Chlamydophila (Chlamydia) psittaci;
-ქრონიკული ბრონქიტის გამწვავება;
-უროგენიტალური ინფექციები (სქესობრივი გზით გადამდები დაავადებები):

ინფექციები, გამოწვეული Chlamydia trachomatis, მათ შორის ურეთრის და ენდოცერვიკალური გაურთულებელი ინფექციები და სწორი ნაწლავის ინფექციები; არაგონოკოკური ურეტრიტი, გამოწვეული Ureaplasma urealyticum; დოქსიციკლინი ასევე ნაჩვენებია რბილი შანკრის, საზარდულის გრანულომის სამკურნალოდ და წარმოადგენს ერთ-ერთ ალტერნატიულ პრეპარატს გონორეისა და სიფილისის სამკურნალოდ;
-კანის ინფექციები: ვულგარული აკნე, როდესაც საჭიროა ანტიბიოტიკოთერაპია;
-კუჭ-ნაწლავის ტრაქტის ინფექციები, გამოწვეული Entamoeba spp. (როგორც დამხმარე საშუალება) და Vibrio cholerae (ქოლერა);
-ლაიმის დაავადება;
-თვალის ინფექციური დაავადებები (კონიუნქტივიტი), გამოწვეული Chlamydia trachomatis (ტრაქომა);
-ქუ-ცხელება, გამოწვეული Coxiella burnetii;
-რიკეტსიოზი;
-სხვა ინფექციები: მუცლის ტიფი (Borrelia recurrentis), ჭირი (Yersinia pestis), ტულარემია (Francisella tularensis), ბრუცელოზი (Brucella spp.), ციმბირული წყლული (Bacillus anthracis), ორნიტოზი (Chlamydia psittaci);
-ლეპტოსპიროზი;
-პასტერელოზი (ჰემორაგიული სეპტიცემია);
-მალარია, გამოწვეული ქლოროქინის მიმართ მდგრადი Plasmodium falciparum;
- მალარიის პროფილაქტიკა.
ტეტრაციკლინები არ უნდა იქნას გამოყენებული ინფექციური დაავადებებისას, გამოწვეული Salmonella spp.
პრეპარატის გამოყენებისას გასათვალისწინებელია ოფიციალური რეკომენდაციები ანტიბაქტერიული პრეპარატების სათანადო გამოყენების შესახებ.

გამოყენების წესი და დოზები

დოზირება
დოქსიციკლინის ჩვეულებრივი დოზა და მიღების სიხშირე განსხვავდება უმრავლესი სხვა ტეტრაციკლინების დოზისა და მიღების სიხშირისგან. რეკომენდებული დოზის გადაჭარბებამ შეიძლება გამოიწვიოს არასასურველი რეაქციების სიხშირის ზრდა.
მოზრდილები და 12-დან 18 წლამდე ასაკის მოზარდები
დოქსიციკლინის ჩვეულებრივი დოზა მწვავე ინფექციების სამკურნალოდ მოზრდილებსა და 12-დან 18 წლამდე ასაკის ბავშვებში შეადგენს 200 მგ-ს 1 ან 2 მიღებაზე მკურნალობის პირველ დღე-ღამეს, შემდეგ 100-100 მგ-ს დღე-ღამეში. მძიმე ინფექციების დროს პრეპარატი ინიშნება დოზით 200 მგ დღე-ღამეში მკურნალობის მთელი პერიოდის განმავლობაში.
8-დან 12 წლამდე ასაკის ბავშვები
დოქსიციკლინის გამოყენება მწვავე ინფექციების სამკურნალოდ 8-დან 12 წლამდე ასაკის ბავშვებში გულდასმით უნდა შეფასდეს. დოქსიციკლინი გამოიყენება, როდესაც სხვა პრეპარატები მიუწვდომელია, არაეფექტურია ან უკუნაჩვენებია. ასეთ შემთხვევებში მწვავე ინფექციების სამკურნალოდ გამოიყენება შემდეგი დოზები:
- 45 კგ და ნაკლები წონის ბავშვები: საწყისი დოზა შეადგენს 4 მგ/კგ 1 ან 2 მიღებაზე მკურნალობის პირველ დღე-ღამეს, მომდევნო დღეებში - 2-2 მგ/კგ დღე-ღამეში 1 ან 2 მიღებაზე. მძიმე ინფექციის შემთხვევაში პრეპარატი ინიშნება დოზით 4 მგ/კგ დღე-ღამეში მკურნალობის მთელი კურსის განმავლობაში.
- 45 კგ-ზე მეტი წონის ბავშვები: ინიშნება მოზრდილებისთვის განკუთვნილი ჩვეულებრივი დოზა.
თუ 100 მგ-ზე ნაკლები დოზაა საჭირო, უნდა იქნას გამოყენებული დოქსიციკლინის შემცველი სხვა ხელმისაწვდომი პრეპარატი.
ბავშვები დაბადებიდან 8 წლამდე
დოქსიციკლინი არ უნდა იქნას გამოყენებული 8 წლამდე ასაკის ბავშვებში კბილების ფერის ცვლილების რისკის გამო.

დასახელება - მედაოქსი 100მგ 10 ტაბლეტი

გამოყენების ჩვენებები
დოქსიციკლინი ნაჩვენებია მოზრდილებსა და ბავშვებში ინფექციური დაავადებების სამკურნალოდ:
-მსუბუქი სიმძიმის არაჰოსპიტალური პნევმონია, მათ შორის გამოწვეული შემდეგი ატიპიური პათოგენური მიკროორგანიზმებით: Chlamydophila (Chlamydia) pneumoniae, Mycoplasma pneumoniae და Chlamydophila (Chlamydia) psittaci;
-ქრონიკული ბრონქიტის გამწვავება;
-უროგენიტალური ინფექციები (სქესობრივი გზით გადამდები დაავადებები):

ინფექციები, გამოწვეული Chlamydia trachomatis, მათ შორის ურეთრის და ენდოცერვიკალური გაურთულებელი ინფექციები და სწორი ნაწლავის ინფექციები; არაგონოკოკური ურეტრიტი, გამოწვეული Ureaplasma urealyticum; დოქსიციკლინი ასევე ნაჩვენებია რბილი შანკრის, საზარდულის გრანულომის სამკურნალოდ და წარმოადგენს ერთ-ერთ ალტერნატიულ პრეპარატს გონორეისა და სიფილისის სამკურნალოდ;
-კანის ინფექციები: ვულგარული აკნე, როდესაც საჭიროა ანტიბიოტიკოთერაპია;
-კუჭ-ნაწლავის ტრაქტის ინფექციები, გამოწვეული Entamoeba spp. (როგორც დამხმარე საშუალება) და Vibrio cholerae (ქოლერა);
-ლაიმის დაავადება;
-თვალის ინფექციური დაავადებები (კონიუნქტივიტი), გამოწვეული Chlamydia trachomatis (ტრაქომა);
-ქუ-ცხელება, გამოწვეული Coxiella burnetii;
-რიკეტსიოზი;
-სხვა ინფექციები: მუცლის ტიფი (Borrelia recurrentis), ჭირი (Yersinia pestis), ტულარემია (Francisella tularensis), ბრუცელოზი (Brucella spp.), ციმბირული წყლული (Bacillus anthracis), ორნიტოზი (Chlamydia psittaci);
-ლეპტოსპიროზი;
-პასტერელოზი (ჰემორაგიული სეპტიცემია);
-მალარია, გამოწვეული ქლოროქინის მიმართ მდგრადი Plasmodium falciparum;
- მალარიის პროფილაქტიკა.
ტეტრაციკლინები არ უნდა იქნას გამოყენებული ინფექციური დაავადებებისას, გამოწვეული Salmonella spp.
პრეპარატის გამოყენებისას გასათვალისწინებელია ოფიციალური რეკომენდაციები ანტიბაქტერიული პრეპარატების სათანადო გამოყენების შესახებ.

გამოყენების წესი და დოზები

დოზირება
დოქსიციკლინის ჩვეულებრივი დოზა და მიღების სიხშირე განსხვავდება უმრავლესი სხვა ტეტრაციკლინების დოზისა და მიღების სიხშირისგან. რეკომენდებული დოზის გადაჭარბებამ შეიძლება გამოიწვიოს არასასურველი რეაქციების სიხშირის ზრდა.
მოზრდილები და 12-დან 18 წლამდე ასაკის მოზარდები
დოქსიციკლინის ჩვეულებრივი დოზა მწვავე ინფექციების სამკურნალოდ მოზრდილებსა და 12-დან 18 წლამდე ასაკის ბავშვებში შეადგენს 200 მგ-ს 1 ან 2 მიღებაზე მკურნალობის პირველ დღე-ღამეს, შემდეგ 100-100 მგ-ს დღე-ღამეში. მძიმე ინფექციების დროს პრეპარატი ინიშნება დოზით 200 მგ დღე-ღამეში მკურნალობის მთელი პერიოდის განმავლობაში.
8-დან 12 წლამდე ასაკის ბავშვები
დოქსიციკლინის გამოყენება მწვავე ინფექციების სამკურნალოდ 8-დან 12 წლამდე ასაკის ბავშვებში გულდასმით უნდა შეფასდეს. დოქსიციკლინი გამოიყენება, როდესაც სხვა პრეპარატები მიუწვდომელია, არაეფექტურია ან უკუნაჩვენებია. ასეთ შემთხვევებში მწვავე ინფექციების სამკურნალოდ გამოიყენება შემდეგი დოზები:
- 45 კგ და ნაკლები წონის ბავშვები: საწყისი დოზა შეადგენს 4 მგ/კგ 1 ან 2 მიღებაზე მკურნალობის პირველ დღე-ღამეს, მომდევნო დღეებში - 2-2 მგ/კგ დღე-ღამეში 1 ან 2 მიღებაზე. მძიმე ინფექციის შემთხვევაში პრეპარატი ინიშნება დოზით 4 მგ/კგ დღე-ღამეში მკურნალობის მთელი კურსის განმავლობაში.
- 45 კგ-ზე მეტი წონის ბავშვები: ინიშნება მოზრდილებისთვის განკუთვნილი ჩვეულებრივი დოზა.
თუ 100 მგ-ზე ნაკლები დოზაა საჭირო, უნდა იქნას გამოყენებული დოქსიციკლინის შემცველი სხვა ხელმისაწვდომი პრეპარატი.
ბავშვები დაბადებიდან 8 წლამდე
დოქსიციკლინი არ უნდა იქნას გამოყენებული 8 წლამდე ასაკის ბავშვებში კბილების ფერის ცვლილების რისკის გამო.

მედაოქსი

სავაჭრო დასახელება

მედაოქსი, Medaox

საერთაშორისო არაპატენტირებული დასახელება

დოქსიციკლინი, Doxycycline

წამლის ფორმა

დისპერგირებადი ტაბლეტები.

აღწერილობა: მოყვითალო-მოყავისფრო ფერის მრგვალი ორმხრივამოზნექილი ტაბლეტები, ერთ მხარეს გრავირებით „173“ და მეორე მხარეს ნაჭდევით.

შემადგენლობა

დისპერგირებადი ტაბლეტი შეიცავს

აქტიური ნივთიერება: დოქსიციკლინი (დოქსიციკლინის მონოჰიდრატის სახით) 100 მგ.

დამხმარე ნივთიერებები: მიკროკრისტალური ცელულოზა, ლაქტოზის მონოჰიდრატი, ჰიპრომელოზა, ჰიდროქსიპროპილცელულოზა, სილიციუმის დიოქსიდი კოლოიდური უწყლო, ნატრიუმის საქარინი, მაგნიუმის სტეარატი.

ფარმაკოთერაპიული ჯგუფი

ანტიბაქტერიული საშუალებები სისტემური გამოყენებისთვის. ტეტრაციკლინები.

ფარმაკოლოგიური თვისებები

ფარმაკოდინამიკა

მოქმედების მექანიზმი

დოქსიციკლინი აინჰიბირებს ბაქტერიული პროტეინების სინთეზს რიბოსომის 30S სუბერთეულთან შეკავშირების გზით. დოქსიციკლინი ავლენს ბაქტერიოსტატულ აქტივობას გრამდადებითი და გრამუარყოფითი ორგანიზმების ფართო სპექტრის მიმართ, უჯრედშიდა მიკროორგანიზმების ჩათვლით.

რეზისტენტობის მექანიზმი

რეზისტენტობა, ჩვეულებრივ, განპირობებულია პლაზმიდებით ან ტრანსპოზონებით. პირველადი მექანიზმი წარმოადგენს დოქსიციკლინის აქტიურ ელიმინაციას (ეფლუქსს) ბაქტერიული უჯრედიდან.

შეიძლება არსებობდეს მნიშვნელოვანი ლოკალური განსხვავება ბუნებრივად რეზისტენტული შტამების პროცენტულ შემცველობაში.

დადგენილი იქნა, რომ Streptococcus pyogenes, Streptococcus pneumoniae და Enterococcus faecalis ზოგიერთი შტამი მდგრადია ტეტრაციკლინების მიმართ. ამიტომ, ტეტრაციკლინები არ უნდა იქნას გამოყენებული სტრეპტოკოკური ინფექციების სამკურნალოდ მიკროორგანიზმის მგრძნობელობის დადასტურების გარეშე. A ჯგუფის ბეტა- ჰემოლიზური სტრეპტოკოკებით გამოწვეული ზედა სასუნთქი გზების ინფექციების სამკურნალოდ (მათ შორის სახსრების მძიმე ინფექციების პროფილაქტიკისთვის) სხვა პრეპარატებია განკუთვნილი.

ჯვარედინი რეზისტენტობა

ტეტრაციკლინების ჯგუფში ჯვარედინი რეზისტენტობა ნორმაა.

მგრძნობელობის ტესტები

მინიმალური მაინჰიბირებელი კონცენტრაციის ზღვრული მნიშვნელობები, დადგენილი ანტიბიოტიკებისადმი მგრძნობელობის ტესტირების ევროპული კომიტეტის (EUCAST) მიერ დოქსიციკლინისთვის:

- Staphylococcus spp.: S ≤ 1 მგ/ლ, R > 2 მგ/ლ;

- Streptococcus групп A, B, C, G: S ≤ 1 მგ/ლ, R > 2 მგ/ლ;

- Streptococcus pneumoniae: S ≤ 1 მგ/ლ, R > 2 მგ/ლ;

- Haemophilus influenzae: S ≤ 1 მგ/ლ, R > 2 მგ/ლ;

- Moraxella catarrhalis: S ≤ 1 მგ/ლ, R > 2 მგ/ლ.

შერჩეული მიკროორგანიზმებისთვის რეზისტენტობის განვითარება შეიძლება ვარირებდეს როგორც გეოგრაფიულად, ასევე დროთა განმავლობაში. გასათვალისწინებელია ლოკალური ინფორმაცია შეძენილი რეზისტენტობის შესახებ, განსაკუთრებით სერიოზული ინფექციების მკურნალობისას. თუ რეზისტენტობის ადგილობრივი გავრცელება იმდენად მაღალია, რომ გარკვეული ინფექციების სამკურნალოდ დოქსიციკლინის გამოყენება საეჭვოა, მაშინ ამ შემთხვევაში შესაძლოა საჭირო გახდეს ექსპერტების კონსულტაცია.

მიკროორგანიზმები, როგორც წესი, მგრძნობიარე დოქსიციკლინის მიმართ:

- გრამდადებითი აერობული მიკროორგანიზმები - Bacillus cereus, Bacillus anthracis, Staphylococcus aureus;

- გრამუარყოფითი აერობული მიკროორგანიზმები - Brucella spp., Haemophilus influenzae, Moraxella catarrhalis, Vibrio cholerae, Yersinia pestis;

- სხვა - Borrelia burgdorferi, Bartonella spp., Burkholderia pseudomallei, Chlamydia trachomatis, Chlamydophila pneumoniae, Chlamydophila psittaci, Coxiella burnetii, Francisella tularensis, Leptospira spp., Mycoplasma pneumoniae, Rickettsia spp., Treponema pallidum, Ureaplasma urealyticum.

მიკროორგანიზმები, რომლებსაც შეუძლია რეზისტენტობის შეძენა:

- გრამდადებითი აერობული მიკროორგანიზმები - Enterococcus spp., Streptococcus pneumoniae;

- გრამუარყოფითი აერობული მიკროორგანიზმები - Escherichia coli, Klebsiella spp., Pasteurella multocida;

- ანაერობული ბაქტერიები - Propionibacterium acnes.

ჩვეულებრივ, რეზისტენტული მიკროორგანიზმები:

- გრამუარყოფითი აერობული მიკროორგანიზმები - Acinetobacter spp., Proteus mirabilis, Proteus vulgaris, Pseudomonas spp., Serratia spp.

სხვა ინფორმაცია

კვლევის შედეგებმა, რომელშიც მაკაკა-რეზუსებისთვის შეყავდათ ციმბირული წყლულის საინჰალაციო ფორმა (გამოწვეული Bacillus anthracis), აჩვენა 10 ცხოველიდან 9-ის გადარჩენადობა, რომლებიც იღებდნენ დოქსიციკლინს ორჯერ დღე-ღამეში 30 დღის განმავლობაში, პათოგენის ზემოქმედების პირველი დღიდან დაწყებული. 9-ვე მაკაკა- რეზუსი, რომელიც იღებდა დოქსიციკლინს პირველ დღეს მიღებულ ციმბირული წყლულის საწინააღმდეგო ადამიანის ვაქცინასთან კომბინაციაში, ექსპერიმენტის შედეგად გადარჩა.

კლინიკური მონაცემები დოქსიციკლინის ეფექტურობის შესახებ ადამიანებში ციმბირული წყლულის მკურნალობისას არასაკმარისია. ციმბირული წყლულის მკურნალობასთან მიმართებაში, მკურნალი ექიმი უნდა ხელმძღვანელობდეს მოქმედი ეროვნული და/ან საერთაშორისო კონსენსუსური დოკუმენტებით.

არასაკმარისია კლინიკური მონაცემები დოქსიციკლინის ეფექტურობის შესახებ ადამიანებში ჭირისა (გამოწვეული Yersinia pestis) და ტულარემიის (გამოწვეული Francisella tularensis) მკურნალობისას. ჭირისა და ტულარემიის მკურნალობასთან მიმართებაში, მკურნალი ექიმი უნდა ხელმძღვანელობდეს მოქმედი ეროვნული და/ან საერთაშორისო კონსენსუსური დოკუმენტებით.

დოქსიციკლინი შეიძლება დაინიშნოს (პერორალურად მიღებისთვის) მალარიის საპროფილაქტიკოდ. მკურნალი ექიმი უნდა ხელმძღვანელობდეს მოქმედი ეროვნული და/ან საერთაშორისო კონსენსუსური დოკუმენტებით მალარიის საწინააღმდეგო ქიმიოპროფილაქტიკასთან მიმართებაში.

ფარმაკოკინეტიკა

შეწოვა

პერორალური მიღების შემდეგ დოქსიციკლინს ახასიათებს თითქმის სრული შეწოვა.

საკვების ან რძის მიღება მნიშვნელოვნად არ მოქმედებს დოქსიციკლინის შეწოვაზე.

დოქსიციკლინის დონე სისხლის პლაზმაში 1,5-3 მგ/ლ მიიღწევა 200 მგ საწყისი დოზის მიღებისას თერაპიის პირველ დღეს და სადღეღამისო 100 მგ-ის მიღებისას მომდევნო დღეებში.

დოქსიციკლინის საშუალო მაქსიმალური კონცენტრაცია სისხლის შრატში 2,6-3,0 მგ/ლ მიიღწევა 2 საათის შემდეგ და მცირდება დაახლოებით 1,5 მგ/ლ-მდე 24 საათის შემდეგ.

განაწილება

დოქსიციკლინი უკავშირდება სისხლის პლაზმის ცილებს დაახლოებით 90%-ით.

განაწილების მოცულობა შეადგენს 1,6 ლ/კგ. დოქსიციკლინი კარგად აღწევს ორგანიზმის ქსოვილებსა და სითხეებში (გარდა ცერებროსპინალური სითხისა). დოქსიციკლინის კონცენტრაცია ცერებროსპინალურ სითხეში იზრდება მენინგიტის დროს.

დოქსიციკლინი გროვდება კბილებსა და ყბის ძვლოვან ქსოვილში (მათ შორის ნაყოფში).

დოქსიციკლინი გადის პლაცენტურ ბარიერში და აღწევს დედის რძეში.

კონცენტრაცია ნაყოფის სისხლსა და ამნიონურ სითხეში დაახლოებით 0,3-ჯერ აღემატება დედის სისხლში კონცენტრაციას. კონცენტრაცია დედის რძეში აღწევს შრატისმიერი კონცენტრაციის 30-40%-ს.

ბიოტრანსფორმაცია

დოქსიციკლინის მეტაბოლიზმის პირველადი გზები არ არის დადგენილი, მაგრამ ფერმენტების ინდუქტორები ამცირებს დოქსიციკლინის ნახევარგამოყოფის პერიოდს.

გამოყოფა

დოქსიციკლინის ნახევარგამოყოფის პერიოდი შეადგენს დაახლოებით 20 საათს. დოქსიციკლინის მიღებული დოზის 40%-ზე მეტი გამოიყოფა თირკმელებით გორგლოვანი ფილტრაციის გზით უცვლელი სახით. პრეპარატი ასევე გამოიყოფა ნაწლავებით არააქტიური მეტაბოლიტების სახით.

მიუხედავად იმისა, რომ პრეპარატის დოზის ძალიან მცირე პროცენტი გამოიყოფა ღვიძლით, ნაღველში კონცენტრაცია ჩვეულებრივ 5-10-ჯერ აღემატება პლაზმურ კონცენტრაციას.

პაციენტების განსაკუთრებული ჯგუფები

ღვიძლის ფუნქციის დარღვევები

არ არსებობს მონაცემები პრეპარატის ფარმაკოკინეტიკის შესახებ პაციენტებში ღვიძლის ფუნქციის დარღვევებით.

თირკმელების ფუნქციის დარღვევები

თირკმელების ნორმალური ფუნქციის მქონე პირებში დოქსიციკლინის თირკმელებით ექსკრეცია შეადგენს დაახლოებით 40%-ს 72 საათის განმავლობაში. თირკმელების ფუნქციის მძიმე დარღვევებისას (კრეატინინის კლირენსი ნაკლები 10 მლ/წთ-ზე) ეს მაჩვენებელი შეიძლება შემცირდეს 1-5%-ით 72 საათის განმავლობაში. კვლევებმა აჩვენა მნიშვნელოვანი განსხვავების არარსებობა დოქსიციკლინის ნახევარგამოყოფის პერიოდში თირკმელების ნორმალური ფუნქციის მქონე პაციენტებსა და თირკმელების ფუნქციის მძიმე დარღვევების მქონე პაციენტებს შორის, ვინაიდან თირკმელებით გამოყოფის შემცირება კომპენსირდება ნაწლავებით ექსკრეციით გაზრდით.

ჰემოდიალიზი არ ახდენს გავლენას დოქსიციკლინის პლაზმურ კონცენტრაციაზე.

გამოყენების ჩვენებები

დოქსიციკლინი ნაჩვენებია მოზრდილებსა და ბავშვებში ინფექციური დაავადებების სამკურნალოდ:

•      მსუბუქი სიმძიმის არაჰოსპიტალური პნევმონია, მათ შორის გამოწვეული შემდეგი ატიპიური პათოგენური მიკროორგანიზმებით: Chlamydophila (Chlamydia) pneumoniae, Mycoplasma pneumoniae და Chlamydophila (Chlamydia) psittaci;
  

•      ქრონიკული ბრონქიტის გამწვავება;
  

•      უროგენიტალური ინფექციები (სქესობრივი გზით გადამდები დაავადებები):
  

ინფექციები, გამოწვეული Chlamydia trachomatis, მათ შორის ურეთრის და ენდოცერვიკალური გაურთულებელი ინფექციები და სწორი ნაწლავის ინფექციები; არაგონოკოკური ურეტრიტი, გამოწვეული Ureaplasma urealyticum; დოქსიციკლინი ასევე ნაჩვენებია რბილი შანკრის, საზარდულის გრანულომის სამკურნალოდ და წარმოადგენს ერთ-ერთ ალტერნატიულ პრეპარატს გონორეისა და სიფილისის სამკურნალოდ;

•      კანის ინფექციები: ვულგარული აკნე, როდესაც საჭიროა ანტიბიოტიკოთერაპია;
  

•      კუჭ-ნაწლავის ტრაქტის ინფექციები, გამოწვეული Entamoeba spp. (როგორც დამხმარე საშუალება) და Vibrio cholerae (ქოლერა);
  

•      ლაიმის დაავადება;
  

•      თვალის ინფექციური დაავადებები (კონიუნქტივიტი), გამოწვეული Chlamydia trachomatis (ტრაქომა);
  

•      ქუ-ცხელება, გამოწვეული Coxiella burnetii;
  

•      რიკეტსიოზი;
  

•      სხვა ინფექციები: მუცლის ტიფი (Borrelia recurrentis), ჭირი (Yersinia pestis), ტულარემია (Francisella tularensis), ბრუცელოზი (Brucella spp.), ციმბირული წყლული (Bacillus anthracis), ორნიტოზი (Chlamydia psittaci);
  

•      ლეპტოსპიროზი;
  

•      პასტერელოზი (ჰემორაგიული სეპტიცემია);
  

•      მალარია, გამოწვეული ქლოროქინის მიმართ მდგრადი Plasmodium falciparum;
  

•      მალარიის პროფილაქტიკა.
  

ტეტრაციკლინები არ უნდა იქნას გამოყენებული ინფექციური დაავადებებისას, გამოწვეული Salmonella spp.

პრეპარატის გამოყენებისას გასათვალისწინებელია ოფიციალური რეკომენდაციები ანტიბაქტერიული პრეპარატების სათანადო გამოყენების შესახებ.

გამოყენების წესი და დოზები

დოზირება

დოქსიციკლინის ჩვეულებრივი დოზა და მიღების სიხშირე განსხვავდება უმრავლესი სხვა ტეტრაციკლინების დოზისა და მიღების სიხშირისგან. რეკომენდებული დოზის გადაჭარბებამ შეიძლება გამოიწვიოს არასასურველი რეაქციების სიხშირის ზრდა.

მოზრდილები და 12-დან 18 წლამდე ასაკის მოზარდები

დოქსიციკლინის ჩვეულებრივი დოზა მწვავე ინფექციების სამკურნალოდ მოზრდილებსა და 12-დან 18 წლამდე ასაკის ბავშვებში შეადგენს 200 მგ-ს 1 ან 2 მიღებაზე მკურნალობის პირველ დღე-ღამეს, შემდეგ 100-100 მგ-ს დღე-ღამეში. მძიმე ინფექციების დროს პრეპარატი ინიშნება დოზით 200 მგ დღე-ღამეში მკურნალობის მთელი პერიოდის განმავლობაში.

8-დან 12 წლამდე ასაკის ბავშვები

დოქსიციკლინის გამოყენება მწვავე ინფექციების სამკურნალოდ 8-დან 12 წლამდე ასაკის ბავშვებში გულდასმით უნდა შეფასდეს. დოქსიციკლინი გამოიყენება, როდესაც სხვა პრეპარატები მიუწვდომელია, არაეფექტურია ან უკუნაჩვენებია. ასეთ შემთხვევებში მწვავე ინფექციების სამკურნალოდ გამოიყენება შემდეგი დოზები:

•      45 კგ და ნაკლები წონის ბავშვები: საწყისი დოზა შეადგენს 4 მგ/კგ 1 ან 2 მიღებაზე მკურნალობის პირველ დღე-ღამეს, მომდევნო დღეებში - 2-2 მგ/კგ დღე-ღამეში 1 ან 2 მიღებაზე. მძიმე ინფექციის შემთხვევაში პრეპარატი ინიშნება დოზით 4 მგ/კგ დღე-ღამეში მკურნალობის მთელი კურსის განმავლობაში.
  

•      45 კგ-ზე მეტი წონის ბავშვები: ინიშნება მოზრდილებისთვის განკუთვნილი ჩვეულებრივი დოზა.
  

თუ 100 მგ-ზე ნაკლები დოზაა საჭირო, უნდა იქნას გამოყენებული დოქსიციკლინის შემცველი სხვა ხელმისაწვდომი პრეპარატი.

ბავშვები დაბადებიდან 8 წლამდე

დოქსიციკლინი არ უნდა იქნას გამოყენებული 8 წლამდე ასაკის ბავშვებში კბილების ფერის ცვლილების რისკის გამო.

მკურნალობის ხანგრძლივობა

მკურნალობა ჩვეულებრივ გრძელდება 5-დან 10 დღემდე. პრეპარატი უნდა იქნას მიღებული მინიმუმ 24-48 საათის განმავლობაში ცხელების სიმპტომების აღმოფხვრის შემდეგ.

ბეტა-ჰემოლიზური სტრეპტოკოკური ინფექციების დროს მკურნალობა უნდა გაგრძელდეს მინიმუმ 10 დღის განმავლობაში მწვავე ართრიტის ან გლომერულონეფრიტის თავიდან ასაცილებლად.

დოზირება ცალკეული ინფექციების სამკურნალოდ

უროგენიტალური ინფექციები

•      გაურთულებელი ურეთრიტი, ენდოცერვიკალური და რექტალური ინფექციები მოზრდილებში, გამოწვეული Chlamydia trachomatis; არაგონოკოკური ურეთრიტი, გამოწვეული Ureaplasma urealyticum: 100 მგ 2-ჯერ დღე-ღამეში 7 დღის განმავლობაში;
  

•      მწვავე ეპიდიდიმიტის და სათესლე ჯირკვლების ინფექციის, გამოწვეული Chlamydia trachomatis ან Neisseria gonorrhoeae, ალტერნატიული მკურნალობა: 100 მგ ორჯერ დღე-ღამეში 10 დღის განმავლობაში;
  

•      პირველადი და მეორადი სიფილისი: 200 მგ ორჯერ დღე-ღამეში 2 კვირის განმავლობაში;
  

•       საზარდულის გრანულომა (Lymphogranuloma venereum, LVG): 200 მგ დღე-ღამეში 21 დღის განმავლობაში;
  

•      ლაიმის დაავადება: 200 მგ ყოველდღიურად 14-21 დღის განმავლობაში (დაავადების საწყის ეტაპზე); 1 თვემდე - დაავადების უფრო გვიან სტადიებზე.
  

ციმბირული წყლული

•      პოსტკონტაქტური პროფილაქტიკა: 100 მგ 2-ჯერ დღე-ღამეში 60 დღის განმავლობაში;
  

•      კანის ფორმა: 100 მგ 2-ჯერ დღე-ღამეში 60 დღის განმავლობაში;
  

•      ინჰალაციური და გასტროინტესტინური ფორმა: საწყისი დოზა 100 მგ დოქსიციკლინი 2-ჯერ დღე-ღამეში, როგორც კომბინირებული თერაპიის ნაწილი; მკურნალობის საერთო ხანგრძლივობაა 60 დღე.
  

ვულგარული აკნე

ჩვეულებრივი დოზაა 50 მგ დღე-ღამეში 12 კვირის განმავლობაში.

პაციენტების განსაკუთრებული ჯგუფები

პაციენტები თირკმელების ფუნქციის დარღვევებით

კვლევებმა არ აჩვენა მნიშვნელოვანი განსხვავებები დოქსიციკლინის ნახევარგამოყოფის პერიოდში სისხლის პლაზმიდან (დაახლოებით 20 საათი) პაციენტებში თირკმელების ნორმალური ფუნქციით და პაციენტებში თირკმელების ფუნქციის მძიმე დარღვევებით. ამრიგად, თირკმელების ფუნქციის დარღვევების მქონე პაციენტებში დოზის კორექცია საჭირო არ არის.

პაციენტები ღვიძლის ფუნქციის დარღვევებით

დოქსიციკლინი სიფრთხილით უნდა იქნას გამოყენებული ღვიძლის ფუნქციის დარღვევების მქონე პაციენტებში.

გამოყენების წესი

პერორალური მიღებისთვის.

პრეპარატი გამოიყენება სუსპენზიის სახით, რომელიც მიიღება ტაბლეტის წყალში (არაუმცირეს 50 მლ) გახსნის გზით. სუსპენზია უნდა დაილიოს მომზადებისთანავე მჯდომარე ან მდგომარე პოზიციაში, დაძინებამდე დიდი ხნით ადრე, რათა შემცირდეს ეზოფაგიტის ან საყლაპავის წყლულის განვითარების რისკი. რეკომენდებულია სუსპენზიის მიღება ჭამის დროს.

უკუჩვენებები

- ჰიპერმგრძნობელობა დოქსიციკლინის ან პრეპარატის რომელიმე დამხმარე კომპონენტის მიმართ;

- ჰიპერმგრძნობელობა სხვა ტეტრაციკლინების მიმართ;

- ორსულობის მეორე და მესამე ტრიმესტრები;

- 8 წლამდე ასაკი კბილების ფერის ცვლილების რისკის გამო.

არასასურველი რეაქციები

არასასურველი რეაქციები ჩამოთვლილია ქვემოთ MedDRA-ს მიხედვით სისტემურ-ორგანული კლასების შესაბამისად.

არასასურველი რეაქციების სიხშირის პარამეტრები განისაზღვრება შემდეგნაირად: ძალიან ხშირად (≥ 1/10); ხშირად (≥ 1/100, მაგრამ <1/10); არახშირად (≥ 1/1000, მაგრამ <1/100); იშვიათად (≥ 1/10000, მაგრამ <1/1000); ძალიან იშვიათად (<1/10000); სიხშირე უცნობია (შეუძლებელია შეფასდეს არსებული მონაცემებით).

ინფექციური და პარაზიტული დაავადებები: ხშირად - ვაგინიტი, კანდიდოზი.

სისხლისა და ლიმფური სისტემის მხრივ: იშვიათად - ჰემოლიზური ანემია, თრომბოციტოპენია, ნეიტროპენია, ეოზინოფილია; სიხშირე უცნობია - პროთრომბინის დროის გახანგრძლივება.

იმუნური სისტემის მხრივ: იშვიათად - მედიკამენტური რეაქცია ეოზინოფილიით და სისტემური სიმპტომებით (DRESS-სინდრომი); ძალიან იშვიათად - ჰიპერმგრძნობელობის რეაქცია (მათ შორის, ანაფილაქსიური შოკი, ანაფილაქსია, ანაფილაქტოიდური რეაქცია, ანაფილაქტოიდური პურპურა, არტერიული ჰიპოტენზია, პერიკარდიტი, ანგიონევროზული შეშუპება, სისტემური წითელი მგლურას გამწვავება, ქოშინი, შრატისმიერი დაავადება, პერიფერიული შეშუპება, ტაქიკარდია და ჭინჭრის ციება); სიხშირე უცნობია - იარიშ- ჰერქსჰეიმერის რეაქცია.

ენდოკრინული სისტემის მხრივ: იშვიათად - ფარისებრი ჯირკვლის მუქ ყავისფრად შეფერვა (ხანგრძლივი გამოყენებისას).

ნივთიერებათა ცვლის და კვების მხრივ: იშვიათად - ანორექსია; სიხშირე უცნობია - პორფირია.

ნერვული სისტემის მხრივ: არახშირად - თავის ტკივილი; ძალიან იშვიათად - ყიფლიბანდის ამობურცვა, თავის ტვინის გარსების გაღიზიანება მხედველობის ნერვის დისკის შეშუპებით (სიმპტომები მოიცავს მხედველობის მკაფიოობის დარღვევას, გაორებას თვალებში, გულისრევას, ღებინებას, შუილს ყურებში, თავბრუსხვევას, ექსტრაოკულურ ტკივილს, ფოტოფსიას).

სმენის ორგანოს მხრივ და ლაბირინთული დარღვევები: იშვიათად - შუილი ყურებში.

გულის მხრივ: იშვიათად - პერიკარდიტი; სიხშირე უცნობია - ტაქიკარდია.

სისხლძარღვების მხრივ: არახშირად - ალები/სიმხურვალის შეგრძნება.

კუჭ-ნაწლავის ტრაქტის მხრივ: ხშირად - გულისრევა, ანალური ქავილი, „შავი ენა“ (ენის ძაფისებრი მორჩების ჰიპერტროფია), სტომატიტი, ანოგენიტალური ანთება; არახშირად - ღებინება, დიარეა, გლოსიტი; იშვიათად - მუცლის ტკივილი, დისფაგია, დისპეფსია, ენტეროკოლიტი (სტაფილოკოკური ენტერიტის ჩათვლით), პანკრეატიტი, ბაქტერიების სუპრესია, რომლებიც B ვიტამინს გამოიმუშავებს; ძალიან იშვიათად - ფსევდომემბრანული კოლიტი (Clostridium difficile ჭარბი ზრდით); სიხშირე უცნობია

• ეზოფაგიტი, საყლაპავის დაწყლულება, კბილების ფერის ცვლილება*.

ღვიძლისა და სანაღვლე გზების მხრივ: იშვიათად - ღვიძლის ფუნქციის დარღვევები, ჰეპატოტოქსიკურობა ღვიძლის ფერმენტების აქტივობის ტრანზიტორული მატებით, ჰეპატიტი, სიყვითლე, ღვიძლის უკმარისობა.

კანისა და კანქვეშა ქსოვილების მხრივ: არახშირად - მაკულოპაპულოზური და ერითემატოზული გამონაყარი, ფოტომგრძნობელობა; იშვიათად - მულტიფორმული ბულოზური ერითემა (სტივენს-ჯონსონის სინდრომი), ტოქსიკური ეპიდერმული ნეკროლიზი (ლაიელის სინდრომი), ჭინჭრის ციება, ექსფოლიაციური დერმატიტი; სიხშირე უცნობია - ფოტოონიქოლიზისი (ფრჩხილის ფირფიტის განშრევება ფრჩხილის ფსკერისაგან, რაც ზოგჯერ იწვევს ფრჩხილების სრულ განშრევებას მზის სხივების გავლენის ქვეშ).

ძვალ-კუნთოვანი და შემაერთებელი ქსოვილის მხრივ: ხშირად - ძვლოვანი ქსოვილის განვითარების დარღვევა; იშვიათად - ართრალგია, მიალგია.

თირკმელებისა და საშარდე გზების მხრივ: იშვიათად - სისხლში შარდოვანის დონის მომატება.

ზოგადი დარღვევები და დარღვევები ინექციის ადგილზე: ხშირად - კანის გაღიზიანება, კბილების განვითარების დარღვევა; სიხშირე უცნობია - კბილის მინანქრის ჰიპოპლაზია.

• იყო შეტყობინებები მუდმივი კბილების ფერის დროებითი ზედაპირული ცვლილების შესახებ დოქსიციკლინის გამოყენებისას, მაგრამ ამ მოვლენის სიხშირის შეფასება არსებული მონაცემებით შეუძლებელია.

შეტყობინებები საეჭვო არასასურველი რეაქციების შესახებ

შეტყობინებები საეჭვო არასასურველი რეაქციების შესახებ მნიშვნელოვანია სამკურნალო საშუალების რეგისტრაციის შემდეგ. თუ პაციენტს გამოუვლინდა სერიოზული არასასურველი რეაქცია სამკურნალო საშუალებაზე ან აღინიშნა ახალი არასასურველი რეაქცია, რომელიც არ არის აღწერილი ამ ნაწილში, გთხოვთ, მოახდინეთ ინფორმირება ფარმაკოზედამხედველობის ეროვნული სისტემის შესაბამისად.

განსაკუთრებული მითითებები

იყო შეტყობინებები ეზოფაგიტის ან საყლაპავის წყლულების განვითარების შემთხვევების შესახებ პაციენტებში, რომლებიც იღებდნენ მკურნალობას ტეტრაციკლინების რიგის სამკურნალო საშუალებებით, დოქსიციკლინის ჩათვლით ტაბლეტების ან კაფსულების ფორმით. ამ სახის არასასურველი რეაქციების თავიდან ასაცილებლად ტაბლეტების მიღება საჭიროა საკმარისი რაოდენობით წყლის მიყოლებით. ტაბლეტები მიღებული უნდა იქნას მჯდომარე ან მდგომარე პოზიციაში.

პაციენტებში, რომლებიც იღებდნენ დოქსიციკლინს, აღინიშნა მძიმე რეაქციები კანის მხრივ, როგორიცაა სტივენს-ჯონსონის სინდრომი, ტოქსიკური ეპიდერმული ნეკროლიზი (ლაიელის სინდრომი) და მედიკამენტური რეაქცია ეოზინოფილიით და სისტემური სიმპტომებით (DRESS-სინდრომი). კანის მხრივ მძიმე რეაქციების განვითარების შემთხვევაში, დოქსიციკლინის მიღება დაუყოვნებლივ უნდა შეწყდეს და დაინიშნოს შესაბამისი თერაპია.

ზოგიერთ შემთხვევაში შესაძლებელია ფოტომგრძნობელობა, რომელიც გამოიხატება მზის სინათლეზე გადაჭარბებულ რეაქციაში. პაციენტებს, რომლებიც ექვემდებარებიან მზის პირდაპირ ზემოქმედებას ან ულტრაიისფერ გამოსხივებას, ურჩევენ შეწყვიტონ თერაპია კანის ერითემის პირველი ნიშნებისთანავე.

ტეტრაციკლინების ანტიანაბოლურმა (კატაბოლურმა) მოქმედებამ შეიძლება გამოიწვიოს სისხლში შარდოვანის (აზოტის) დონის მომატება. თირკმელების უკმარისობის მქონე პაციენტების მონაწილეობით ჩატარებულ კვლევებში ნაჩვენებია, რომ ეს არ ხდება დოქსიციკლინის გამოყენებისას.

არ არსებობს ფარმაკოკინეტიკური მონაცემები დოქსიციკლინის გამოყენების შესახებ ღვიძლის ფუნქციის დარღვევების მქონე პაციენტებში. სიფრთხილე უნდა იქნას დაცული ღვიძლის ფუნქციის დარღვევების მქონე პაციენტებში ან პაციენტებში, რომლებიც იღებენ სამკურნალო საშუალებებს პოტენციური ჰეპატოტოქსიკური ეფექტებით.

არსებობს ჯვარედინი რეზისტენტობის შესაძლებლობა ტეტრაციკლინის რიგის სხვა პრეპარატებთან.

ანტიბიოტიკების მიღებამ შეიძლება გამოიწვიოს არამგრძნობიარე ორგანიზმების გადაჭარბებული ზრდა, Candida-ს გვარის სოკოების ჩათვლით. მეორადი ინფექციის განვითარებაზე ეჭვის არსებობისას (ინფექციები, გამოწვეული მიკროორგანიზმებით, რომლებიც არ არის მგრძნობიარე დოქსიციკლინის მიმართ), უნდა შეწყდეს ანტიბიოტიკების მიღება და დაინიშნოს შესაბამისი თერაპია.

პაციენტებში, რომლებსაც მკურნალობის პროცესში აღენიშნებათ ისეთი სიმპტომები, როგორიცაა მწვავე დიარეა ცხელებით, შესაძლოა დიაგნოსტირებული იყოს ფსევდომემბრანული კოლიტი ან სტაფილოკოკური ენტერიტი, რაც საჭიროებს აუცილებელი თერაპიის დანიშვნას. ასეთ სიტუაციაში დაუშვებელია ნაწლავის პერისტალტიკის ინჰიბიტორების გამოყენება. ჩვილებში, რომლებსაც უტარდებოდათ მკურნალობა ტეტრაციკლინებით, დაფიქსირდა ამობურცული ყიფლიბანდის შემთხვევები, ასოცირებული კეთილთვისებიან ინტრაკრანიალურ ჰიპერტენზიასთან. დოქსიციკლინი უკუნაჩვენებია 8 წლამდე ასაკის ბავშვებში.

მოზრდილებში დაფიქსირდა კეთილთვისებიანი ინტრაკრანიალური ჰიპერტენზიის შემთხვევები თავის ტვინის გარსების გაღიზიანებისა და მხედველობის ნერვის შეშუპების სიმპტომებით. ამას შეიძლება თან ახლდეს თავის ტკივილი, მხედველობის მკაფიოობის დარღვევა, გაორება თვალებში, გულისრევა, ღებინება, პულსირებადი შუილი ყურებში, თავბრუსხვევა, რეტრობულბარული (ექსტრაოკულური) ტკივილი და ფოტოფსია. ჩამოთვლილი სიმპტომები შექცევადია და ჩვეულებრივ ქრება თერაპიის შეწყვეტიდან რამდენიმე დღეში ან კვირაში.

პათოგენური სპიროქეტებით გამოწვეული ინფექციური დაავადებების მქონე ზოგიერთ პაციენტში შეიძლება განვითარდეს იარიშ-ჰერქსჰეიმერის რეაქცია დოქსიციკლინის გამოყენების დაწყებიდან მალევე. პაციენტები უნდა დავამშვიდოთ, რომ ამ რეაქციის აღმოცენება მითითებული ინფექციური დაავადებების ანტიბიოტიკოთერაპიის შედეგია და, როგორც წესი, ამ რეაქციის გამოვლინებები თავისთავად ქრება.

ტეტრაციკლინებს შეუძლია გაზარდოს პროთრომბინის დრო. ტეტრაციკლინების დანიშვნა კოაგულოპათიების მქონე პაციენტებში სათანადოდ უნდა გაკონტროლდეს.

ხანგრძლივი თერაპიის დროს აუცილებელია ორგანოთა სისტემების პერიოდული ლაბორატორიული გამოკვლევა, მათ შორის ჰემოპოეზის, თირკმელებისა და ღვიძლის ფუნქციების შემოწმება.

თუ მაჩვენებლები ნორმის ზღვარს სცდება, თერაპია უნდა შეწყდეს.

ტეტრაციკლინების ხანგრძლივი გამოყენებისას იყო შეტყობინებები ფარისებრი ჯირკვლის მიკროსკოპული მუქი ყავისფერი შეფერვის შემთხვევების შესახებ. არც ერთ შესწავლილ შემთხვევაში არ ყოფილა შეტყობინებები ფარისებრი ჯირკვლის ფუნქციის დარღვევის შესახებ.

ტეტრაციკლინების ხანგრძლივმა გამოყენებამ შეიძლება გამოიწვიოს B ვიტამინის დეფიციტი ბაქტერიების განადგურების მიზეზით, რომლებიც B ვიტამინს გამოიმუშავებს.

ბავშვები და მოზარდები

დოქსიციკლინს შეუძლია უარყოფითად იმოქმედოს კბილების განვითარებაზე და გამოიწვიოს მათი ფერის შეუქცევადი შეცვლა. დოქსიციკლინი უკუნაჩვენებია 8 წლამდე ასაკის ბავშვებში.

ტეტრაციკლინის რიგის პრეპარატების გამოყენებამ კბილების განვითარების დროს (ორსულობის მეორე ნახევარი, ჩვილები და 8 წლამდე ასაკის ბავშვები) შეიძლება გამოიწვიოს კბილების ფერის მყარი ცვლილება ყვითელ-რუხ-ყავისფერამდე. ეს არასასურველი ეფექტი უფრო ხშირია სამკურნალო საშუალებების ხანგრძლივი გამოყენებისას, მაგრამ ასევე შეიძლება გამოვლინდეს მკურნალობის მრავალჯერადი მოკლეხნიანი ციკლების შემდეგ.

ასევე იყო შეტყობინებები მინანქრის ჰიპოპლაზიის შესახებ.

დოქსიციკლინით მკურნალობა 8-დან 12 წლამდე ბავშვებში უნდა განიხილებოდეს მხოლოდ იმ შემთხვევაში, თუ მოსალოდნელი სარგებელი აღემატება პოტენციურ რისკს მძიმე ან სიცოცხლისათვის საშიში მდგომარეობებისას (მაგალითად, კლდოვანი მთების ლაქოვანი ცხელება) და მხოლოდ იმ შემთხვევაში, როდესაც სხვა შესაბამისი მკურნალობა ხელმისაწვდომი არ არის.

მიუხედავად იმისა, რომ მუდმივი კბილების ფერის შეცვლის რისკი 8-დან 12 წლამდე ასაკის ბავშვებში დაბალია, დოქსიციკლინის გამოყენება უნდა იქნას განხილული მხოლოდ მაშინ, როდესაც ყველა სხვა პრეპარატი მიუწვდომელია, არაეფექტურია ან უკუნაჩვენებია.

დამხმარე ნივთიერებები

სამკურნალო პრეპარატი მედაოქსი შეიცავს ლაქტოზას. პაციენტებმა გალაქტოზის იშვიათი მემკვიდრული აუტანლობით, ლაქტაზას დეფიციტით ან გლუკოზა-გალაქტოზის მალაბსორბციით არ უნდა მიიღონ ეს პრეპარატი.

პრეპარატი შეიცავს 1 მმოლზე ნაკლებს (23 მგ) ნატრიუმს ერთჯერად დოზაში, ანუ პრაქტიკულად „არ შეიცავს ნატრიუმს“.

ზემოქმედება ავტოტრანსპორტის ტარების და მექანიზმების მათვის უნარზე

დოქსიციკლინი ახდენს ზომიერ ზემოქმედებას სატრანსპორტო საშუალებების მართვისა და მექანიზმებთან მუშაობის უნარზე.

თავბრუსხვევის, მხედველობის მკაფიოობის დარღვევის ან თვალებში გაორების განვითარების შემთხვევაში, არ არის რეკომენდებული მანქანების ან მექანიზმების მართვა.

ფერტილობა, გამოყენება ორსულობისა და ლაქტაციის დროს

ორსულობა

დოქსიციკლინი უკუნაჩვენებია ორსულობის მეორე და მესამე ტრიმესტრებში.

სიფრთხილის მიზნით, თავიდან უნდა იქნას აცილებული დოქსიციკლინის გამოყენება ორსულობის პირველ ტრიმესტრში.

დღეისათვის დოქსიციკლინის გამოყენების კვლევებმა ორსულთა დიდ რაოდენობაში პირველი ტრიმესტრის მიმდინარეობისას არ აჩვენა თანდაყოლილი დეფექტების განვითარების რისკის ზრდა. ტეტრაციკლინების მიღება მეორე და მესამე ტრიმესტრებში იწვევს ბავშვის სარძევე კბილების ფერის მდგრად ცვლილებას და შეიძლება შეანელოს ძვლების ზრდა. ცხოველებზე ჩატარებული კვლევების შედეგებმა აჩვენა რეპროდუქციული ტოქსიკურობა ტერატოგენული ეფექტის გარეშე. ტეტრაციკლინები გადის პლაცენტარულ ბარიერში.

ლაქტაცია

თავიდან უნდა იქნას აცილებული დოქსიციკლინის გამოყენება ლაქტაციის პერიოდში. ტეტრაციკლინები აღწევენ დედის რძეში; თეორიულად, თუ დედა ღებულობს პრეპარატს, ძუძუთა ახალშობილებში/ჩვილებში შეიძლება შეიცვალოს კბილების ფერი და შენელდეს ძვლების ზრდა. ბავშვისთვის ძუძუთი კვების სარგებელისა და ქალისთვის თერაპიის სარგებელის გათვალისწინებით, აუცილებელია გადაწყვეტილების მიღება ძუძუთი კვების შეწყვეტის ან პრეპარატ მედაოქსით მკურნალობის შეწყვეტის შესახებ.

ფერტილობა

დოქსიციკლინის შეყვანისას სპრეგ-დოულის ხაზის მამრობითი და მდედრობითი სქესის ვირთხებში, აღინიშნებოდა უარყოფითი ეფექტი ფერტილობასა და რეპროდუქციულ ფუნქციაზე. არ არსებობს მონაცემები დოქსიციკლინის გავლენის შესახებ ადამიანის ფერტილობაზე.

ურთიერთქმედება სხვა სამკურნალო საშუალებებთან

დოქსიციკლინის შეწოვა შეიძლება დათრგუნული იქნას ბიოლოგიურად არააქტიური ქელატური კომპლექსების წარმოქმნით ლითონის იონებთან, რომლებსაც შეიცავს ანტაციდები, რკინის მარილები და ბისმუტის მარილები. თავიდან უნდა იქნას აცილებული ალუმინის, კალციუმის ან მაგნიუმის შემცველ ანტაციდებთან, რკინის ან ბისმუტის პრეპარატებთან ერთდროული გამოყენება (იგულისხმება პერორალური ფორმები). აქტივირებულ ნახშირს და იონმცვლელ პრეპარატებს (ქოლესტირამინი) შეუძლია დოქსიციკლინის შეწოვის შემცირება. ამიტომ ასეთი სამკურნალო საშუალებების მიღება უნდა მოხდეს დოქსიციკლინის მიღებიდან 2-3 საათის შემდეგ.

კვინაპრილმა შეიძლება შეამციროს დოქსიციკლინის შეწოვა კვინაპრილის ტაბლეტებში მაგნიუმის მაღალი შემცველობის გამო.

სამკურნალო საშუალებებმა, რომლებიც ზრდის კუჭის pH-ს, შეიძლება უარყოფითად იმოქმედოს ტეტრაციკლინების შეწოვაზე, რომლებიც უკეთესად იხსნება მჟავე გარემოში, ვიდრე ტუტეში.

გამომდინარე იქიდან, რომ დოქსიციკლინმა შეიძლება გამოიწვიოს პროთრომბინის დროის გაზრდა, ის ასტიმულირებს ანტიკოაგულანტების აქტივობას კომბინირებული თერაპიის შემადგენლობაში. შეიძლება საჭირო გახდეს ანტიკოაგულანტის დოზის შემცირება.

გამომდინარე იქიდან, რომ ბაქტერიოსტატულმა პრეპარატებმა შეიძლება იმოქმედოს ბეტა- ლაქტამური ანტიბიოტიკების ბაქტერიციდულ აქტივობაზე, როგორიცაა პენიცილინები, თავიდან უნდა იქნას აცილებული დოქსიციკლინის ერთდროული გამოყენება ბეტა-ლაქტამურ ანტიბიოტიკებთან.

ღვიძლის მიკროსომული ფერმენტების ინდუქტორებმა, როგორიცაა რიფამპიცინი, ბარბიტურატები, კარბამაზეპინი, დიფენილჰიდანტოინი, პრიმიდონი, ფენიტოინი, და ალკოჰოლის მუდმივმა მიღებამ შეიძლება გაზარდოს დოქსიციკლინის მეტაბოლიზმი ღვიძლში და ამით შეამციროს ნახევარგამოყოფის პერიოდი. ამან შეიძლება გამოიწვიოს დოქსიციკლინის სუბთერაპიული კონცენტრაციის შექმნა. განხილული უნდა იქნას დოქსიციკლინის სადღეღამისო დოზის გაზრდის შესაძლებლობა.

იყო შეტყობინებები ლეტალური შემთხვევების შესახებ ნეფროტოქსიკურობის განვითარების შედეგად ტეტრაციკლინებისა და მეტოქსიფლურანის ერთდროული გამოყენებისას.

დოქსიციკლინს შეუძლია გაზარდოს ციკლოსპორინის კონცენტრაცია სისხლის პლაზმაში; უნდა ჩატარდეს სათანადო მონიტორინგი ერთდროული გამოყენებისას.

ნაჩვენებია, რომ დოქსიციკლინი აძლიერებს სულფონილშარდოვანის წარმოებულების ჰიპოგლიკემიურ ეფექტს. ამ სამკურნალო საშუალებების კომბინირებული გამოყენებისას საჭიროა სისხლში გლუკოზის დონის სათანადო მონიტორინგი. აუცილებლობის შემთხვევაში საჭიროა სულფონილშარდოვანის წარმოებულების დოზის შემცირება.

დოქსიციკლინის გამოყენებისას რეტინოიდებით (მაგალითად, აციტრეტინის, იზოტრეტინოინის) მკურნალობის კურსამდე ცოტა ხნით ადრე, მსვლელობისას ან მის შემდეგ არსებობს შექცევადი ინტრაკრანიალური ჰიპერტენზიის განვითარების რისკი პრეპარატების მოქმედების ურთიერთგაძლიერების შედეგად. ამიტომ რეკომენდებულია დოქსიციკლინისა და რეტინოიდების ერთობლივი გამოყენების თავიდან აცილება.

ტეტრაციკლინებმა შეიძლება გავლენა იქონიოს შარდში გლუკოზის დონის ანალიზის შედეგებზე.

გავლენა ლაბორატორიული კვლევების შედეგებზე

შესაძლოა შარდში კატექოლამინების კონცენტრაციის ცრუ ზრდა ფლუორესცეინით ჩატარებული ტესტის შედეგებზე ზემოქმედების გამო.

ჭარბი დოზირება

სიმპტომები

ღვიძლის დაზიანება, რომელსაც თან ახლავს ისეთი სიმპტომები, როგორიცაა ღებინება, სხეულის ტემპერატურის მომატების ეპიზოდები, სიყვითლე, ჰემატომები, მელენა, აზოტემია, ტრანსამინაზების დონის მომატება და პროთრომბინის დროის გახანგრძლივება.

მკურნალობა

დოზის გადაჭარბებამ შეიძლება გამოიწვიოს საყლაპავის გაღიზიანება და დაწყლულება, რომელსაც თან ახლავს ტკივილი გულმკერდის არეში, დისფაგია და ეზოფაგიტი. ეს რეაქცია გამოწვეულია საყლაპავის ლორწოვანთან ადჰეზიით, რომელიც აღმოიფხვრება 200 მლ-მდე წყლის მიღებით (ბავშვებისთვის 125 მლ). არ არის რეკომენდებული ღებინების გამოწვევა საყლაპავის გაღიზიანების თავიდან ასაცილებლად. შეწოვის შესამცირებლად შეიძლება აქტივირებული ნახშირის და საფაღარათო საშუალების მიღება. ჰემოდიალიზი არ ახდენს გავლენას დოქსიციკლინის ექსკრეციაზე. სიმპტომური მკურნალობა ტარდება წყალ- ელექტროლიტური ბალანსის კონტროლით.

გამოშვების ფორმა

დისპერგირებადი ტაბლეტები.

10 ტაბლეტი ბლისტერში.

1 ბლისტერი გამოყენების ინსტრუქციასთან ერთად მუყაოს კოლოფში.

შენახვის პირობები

ინახება არაუმეტეს 25°C ტემპერატურაზე.

ინახება ბავშვებისთვის მიუწვდომელ ადგილას!

ვარგისიანობის ვადა

3 წელი წარმოების თარიღიდან.

არ გამოიყენოთ ვარგისიანობის ვადის გასვლის შემდეგ.

გაცემის რეჟიმი:

ფარმაცევტული პროდუქტის ჯგუფი - II, გაიცემა ფორმა №3 რეცეპტით