”ნატრიუმის ქლორიდის 0,9% ხსნარი საინექციო”
(S O I U T I O N A T R I I C H L O R I D I 0,9% P R O I N J E C T I O N I B U S)

გენერიული დასახელება: Sodium Chloride (Natrii chloridum)
ფარმაკოთერაპიული ჯგუფი: სადეზინტოქსიკაციო საშუალება, გამხსნელი პარენტერალური მოხმარების სხვადასხვა სამკურნალო საშუალებისთვის.
ATC -კოდი: B05CB01
ფორმა : საინექციო ხსნარი ამპულებში.
შემადგენლობა : ყოველი მილილიტრი პრეპარატი შეიცავს 9 მგ ნატრიუმის ქლორიდს. დამხმარე ნივთიერებები: საინექციო წყალი.
ფარმაკოლოგიური თვისებები:
ფარმაკოდინამიკა : ნატრიუმის ქლორიდის 0,9% (იზოტონური) ხსნარი არეგულირებს პლაზმის ოსმოლარობას და წყალ-მარილოვან ბალანსს, აგრეთვე დროებით ზრდის სისხლძარღვებში მოძრავი სითხის მოცულობას.
ფარმაკოკინეტიკა : სისხლძარღვთა სისტემიდან პრეპარატი სწრაფად გადადის ინტერსტიციულ სივრცეში და უჯრედების შიგნით. შეყვანიდან ერთი საათის შემდეგ სისხლძარღვებში რჩება პრეპარატის შეყვანილი მოცულობის ნახევარზე ნაკლები.
ჩვენებები: გამოიყენება პარენტერული მოხმარების სამკურნალო საშუალებების გამხსნელად. ინტოქსიკაციების და უჯრედგარე სითხის დიდი ოდენობებით დაკარგვის შემთხვევებში (ტოქსიკური დისპერსია, ქოლერა, დიარეა, შეუჩერებელი ღებინება და სხვა).
მიღების წესი და დოზები : ინტრავენური და ინტრამუსკულური ინექციები. ინტრავენურად, პაციენტის მდგომარეობის სიმძიმის მიხედვით, წვეთოვანი მეთოდით დღეღამეში შეჰყავთ 3000 მლ-მდე პრეპარატი.
უკუჩვენებები: გასახსნელი სამკურნალო საშუალების შეუთავსებადობა ნატრიუმის ქლორიდის იზოტონურ ხსნართან.
გვერდითი მოვლენები : პრეპარატის დიდი მოცულობების შეყვანამ შეიძლება გამოიწვიოს ქლორიდული აციდოზი და ჰიპერჰიდრატაცია, აგრეთვე კალიუმის დანაკარგის ზრდა.
ორსულობა და ლაქტაცია : უკუჩვენებები არ არის.
სიფრთხილე და განსაკუთრებული მითითებები : პრეპარატის დიდი მოცულობები სიფრთხილით გამოიყენება თირკმლის გამომყოფი ფუნქციის დაქვეითების მქონე ავადმყოფებში. კორტიკოსტეროიდებთან ან კორტიკოტროპინთან ერთდროული დანიშვნა მოითხოვს სისხლში ელექტროლიტების კონცენტრაციის დონის კონტროლს. პრეპარატის მიღება არ ახდენს გავლენას მექანიზმებთან მუშაობაზე და ავტომანქანის მართვაზე.
ურთიერთქმედება სხვა პრეპარატებთან : თავსებადია უმრავლესობა სამკურნალო საშუალებებთან.
გამოშვების ფორმა : 5 მლ ან 10 მლ პრეპარატი ამპულაში. შეფუთვაში 10 ამპულა.
შენახვის პირობები : მშრალ ადგილას.
ვარგისიანობის ვადა : 5 წელი.
გაცემის წესი : ფარმაცევტული პროდუქტის ჯგუფი III, გაიცემა რეცეპტის გარეშე.
მწარმოებელი : ს/ს “ბიოფარმი”, გოთუას ქ.#3, 0160, თბილისი.
ტელ/ფაქსი : (99532) 225 29 56, ელ. ფოსტა : [email protected]

საერთაშორისო დასახელება - Sodium chloride
კლინიკურ-ფარმაკოლოგიური ჯგუფი: ანესთეზიოლოგია, რეანიმატოლოგია, ტრანსფუზიოლოგია → რეჰიდრატაციისა და დეზინტოქსიკაციის საშუალებები პარენტერალური გამოყენებისათვის → მარილოვანი ხსნარები
შემადგენლობა და გამოშვების ფორმა

1 ამპულა შეიცავს:
ნატრიუმის ქლორიდს _ 90 მგ-ს,
საინიექციო წყალს – 10 მლ-მდე.

ჩვენებები
პრეპარატი გამოიყენება უჯრედგარე სითხის დიდი დანაკარგის (ტოქსიკური დისპეფსია, ქოლერა, დიარეა, ღებინება, ვრცელი დამწვრობა ძლიერი ექსუდაციით და სხვა), გაუწყლოვანებით მიმდინარე ჰიპოქლორემიისა და ჰიპონატრემიის, ნაწლავების გაუვალობის, ინტოქსიკაციის დროს, ასევე ჭრილობის მოსაბანად, თვალის, ცხვირის ღრუს ლორწოვანი გარსის გამოსარეცხად, სხვადასხვა სამკურნალო საშუალებების გაზავებისა და გახსნისათვის, გადასახვევი მასალის დასანამად.

მიღების წესები და დოზები
პრეპარატი შეჰყავთ ვენაში (წვეთოვნად) და კანქვეშ, გამოიყენება ასევე რექტალურად და გარეგანად.
შეყვანამდე ხსნარს ათბობენ 36_38oC ტემპერატურამდე. პრეპარატის დოზა განისაზღვრება ორგანიზმის მიერ დაკარგული სითხის რაოდენობის მიხედვით. საშუალოდ შეჰყავთ 5 მლ-დან 2 ლ-მდე დღეში. ინტოქსიკაციებისა და დიდი რაოდენობის სითხის დაკარგვისას შესაძლებელია დღეში 3 ლ-მდე პრეპარატის შეყვანა. შეყვანის სიჩქარეა 540 მლ/სთ. აუცილებლობისას შეყვანის სიჩქარეს ზრდიან. ხანგრძლივი დროის განმავლობაში 0.9% ნატრიუმის ქლორიდის ხსნარის დიდი დოზებით შეყვანისას საჭიროა პლაზმასა და შარდში ელექტროლიტების შემცველობის კონტროლი.
კანქვეშ შეყვანისას ხსნარის მოცულობა შეადგენს 5 მლ-ს და მეტს ჩვენებების მიხედვით.
რექტალურად შეჰყავთ 75_100 მლ ერთ შეყვანაზე

გვერდითი მოვლენები
აციდოზი, ჰიპერჰიდრატაცია, ჰიპოკალემია.

უკუჩვენება
ჰიპერნატრემია, აციდოზი, ჰიპერქლორემია, ჰიპოკალემია, უჯრედგარე ჰიპერჰიდრატაცია; ცირკულატორული დარღვევები, რომლებიც ქმნის ტვინისა და ფილტვების შეშუპების საფრთხეს; ტვინის შეშუპება, ფილტვების შეშუპება, მარცხენა პარკუჭის მწვავე უკმარისობა, დიდი დოზებით გლუკოკორტიკოიდების ერთდროული დანიშვნა.

ორსულობა და ლაქტაცია
მონაცემები არ მოიპოვება.

განსაკუთრებული მითითებები
პრეპარატი განსაკუთრებული სიფრთხილით გამოიყენება თირკმლის ქრონიკული უკმარისობის (ოლიგურია, ანურია), გულის ქრონიკული დეკომპენსირებული უკმარისობის დროს.
შესაძლებელია პრეპარატის გაყინვა ამპულების ჰერმეტულობის შენარჩუნების პირობით.

ჭარბი დოზირება
მონაცემები არ მოიპოვება.

სხვა წამლებთან ურთიერთქმედება
სხვა სამკურნალო საშუალებებთან შერევისას საჭიროა შეთავსების ვიზუალური კონტროლი.

შენახვის პირობები და ვადები
ინახება სინათლისაგან დაცულ ადგილას, არა უმეტეს 25oC ტემპერატურაზე.
ინახება ბავშვებისათვის მიუწვდომელ ადგილას.
ვარგისობის ვადა 2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

სავაჭრო დასახელება: ნატრიუმის ქლორიდი
სამკურნალო ფორმა: 0.9% საინფუზიო ხსნარი
შემადგენლობა:
100 მლ ხსნარი შეიცავს:
ნატრიუმის ქლორიდი 0,9გ

აღწერილობა:
მარილიანი უფერო გამჭვირვალე სითხე
კლინიკო-ფარმაკოლოგიური ჯგუფი:
ორგანიზმის წყალ-მარილოვანი ბალანსის მარეგულირებელი საშუალება

ჩვენებები
დეჰიდრატაცია, რომელიც ვითარდება ღებინების, დიარეის, სხვადასხვა ეტიოლოგიის შოკის შედეგად, დიაბეტური კომის, დამწვრობების, ოპერაციის დროს და პოსტოპერაციულ პერიოდში პლაზმის მოცულობის შესანარჩუნებლად, მწვავე ცირკულატორული დარღვევების დროს, როდესაც აღინიშნება დეჰიდრატაცია, ინტოქსიკაციის დროს და ასევე როგორც სხვა პრეპარატების გამხსნელი.

დოზირება და მიღების წესი:
პრეპარატი ინიშნება ინტრავენურად, უფრო ხშირად წვეთოვანი გადასხმის სახით. დოზირება ინდივიდუალურია, დამოკიდებულია წყლის და ელექტოლიტების დეფიციტზე.

უკუჩვენებები
პრეპარატი არ შეჰყავთ ჰიპერნატრიემიის დროს, ცირკულატორული დარღვევების დროს, როდესაც ვითარდება თავის ტვინის და ფილტვების შეშუპება, კორტიკოსტეროიდული საშუალებებით დიდი დოზებით მკურნალობის დროს.
ხსნარის დიდი მოცულობა სიფრთხილით ინიშნება ავადმყოფებში თირკმელების გამომყოფის ფუნქციის დარღვევით.
ხსნარის დიდი რაოდენობით შეყვანამ შეიძლება გამოიწვიოს ჰიპერქლორემიული აციდოზი, ჰიპერჰიდრატაცია, კალიუმის გაძლიერებული გამოყოფა ორგანიზმიდან.

განსაკუთრებული მითითებები
პრეპარატის ხანგრძლივი გამოყენების დროს საჭიროა პლაზმის ელექტროლიტების და წყლის ბალანსის მონიტორინგი. სიფრთხილეა საჭირო ჰიპოკალიემიის დროს. ნატრიუმის ქლორიდის დიდი დოზებით გამოყენების დროს შესაძლოა განვითარდეს მარილების მოლეკულური კონცენტრაციის და კოლოიდური დისპერსიის დარღვევა.

შენახვის პირობები:
პრეპარატი ინახება ოთახის ტემპერატურაზე, სინათლისაგან და ბავშვებისაგან დაცულ ადგილას.

ნატრიუმის ქლორიდი ინტრავენური საინფუზიო ხსნარი BP
Sodium Chloride 0.9%
(0.9% წ/მ)

აღწერილობა
გამჭვირვალე და უფერო ხსნარი ინტრავენური ინფუზიისათვის.

შემადგენლობა
100 მლ შეიცავს:
ნატრიუმის ქლორიდი BP 0.9 გ
საინექციო წყალი BP ქ.ს.

მოქმედების მექანიზმი
ნატრიუმის ქლორიდი არის ელექტროლიტების დანამატი საშუალებები: ნატრიუმი და ქლორიდი ადამიანის ორგანიზმისათვის მნიშვნელოვანი ელექტროლიტები არიან და ძირითადად უჯრედგარეთა სითხეში არსებობენ, ისინი მნიშვნელოვან როლს თამაშობენ სისხლის ნორმალური მოცულობის და უჯრედგარეთა სითხის და ოსმოსური წნევის შენარჩუნებაში. შრატში ნატრიუმის ნორმალური კონცენტრაცია არის დაახლოებით 135-145 მმოლ/ლ, 92% პლაზმური კატიონით და 90% საერთო ოსმოსური წნევით, ისე რომ პლაზმის ნატრიუმის რაოდენობა გადამწყვეტ როლს თამაშობს ოსმოსური წნევისათვის; შრატში ქლორიდის ნორმალური კონცენტრაციაარის 98-106 მმოლ/ლ; ნატრიუმი და ქლორიდი ადამიანის ორგანიზმში რეგულირდება ჰიპოთალამუსით, ჰიპოფიზის უკანა წილით და თირკმლებით, და ინარჩუნებენ ორგანიზმის სითხის მოცულობის და ოსმოსური წნევის სტაბილობას.

ჩვენებები
სითხის დაკარგვასთან ერთად ალკალოზის არსებობისას, ნაჩვენებია ფიზიოლოგიური ხსნარი.
• მარილის გამოლევისშემთხვევაში, როდესაც მნიშვნელოვანია ელექტროლიტების სწრაფია აღდგენა, განსაკუთრებულად ღირებულია ნორმალური ფიზიოლოგიური ხსნარი.
• მარილის დეფიციტის მკურნალობის შემთხვევაში, რომელიც აღინიშნება გულის უკმარისობის, თირკმლების უკმარისობის, ოპერაციების დროს და ა.შ. აღნიშნულ შემთხვევებში ქლორიდის დანაკარგი ხშირად აღემატება ნატრიუმის დანაკარგს.
• ოფლიანობით, ღებინებით, ფაღარათით გამოწვეულ სითხის ჭარბ დაკარგვას მოჰყვება მარილის გამოლევა.

უკუჩვენებები
ფიზიოლოგიური ხსნარი არაადექვატურია უჯრედშიდა სითხის ჩართულობით ელექტროლიტების დეფიციტის აღსადგენად, ვინაიდან მას შეუძლია უჯრედშიდა დეფიციტის გაზრდა, უჯრედშიდა სითხის მთავარიელექტროლიტი არის კალიუმი.
ამჟამად, თუ ფიზიოლოგიური ხსნარი გამოიყენება კალიუმის დანაკლისიან პაციენტებში, დაკარგული კალიუმის ჩანაცვლდება ნატრიუმით, რაც თავის მხრივ ხელს უშლის ელექტროლიტების ბალანსს უჯრედშიდა სითხეში. ამ შემთხვევაში გამოიყენება ხსნარები, რომლებიც უზრუნველყოფენ უჯრედშიდა და უჯრედგარეთა ელექტროლიტებს.

გაფრთხილება
ნატრიუმის შემცველი ხსნარები განსაკუთრებული სიფრთხილით გამოიყენება პაციენტებში, რომლებსაც აღენიშნებათ გულის უკმარისობით, ციროზით ან თირკმლის უკმარისობით გამოწვეული მარილის შეკავების ტენდენცია.
ფიზიოლოგიური ხსნარის ინფუზიამ ოპერაციის დროს ან მას შემდეგ შეიძლება გამოიწვიოს ჰემოსტაზური მექანიზმებით განპირობებული ნატრიუმის ჭარბი შეკავება.

გვერდითი მოვლენები
ელექტროლიტების წონასწორობის დარღვევა.
ორგანიზმში ნატრიუმის ჭარბი შეკავება ჩვეულებრივ ვითარდება, როდესაც აღინიშნება თირკმლისმიერი ნატრიუმის დარღვეული ექსკრეცია. ეს იწვევს უჯ- რედგარე სითხის დაგროვებას ნორმალური პლაზმური ოსმოლარობის შესანარჩუნებლად, რაც იწვევს ფილტვის და პერიფერულ შეშუპებას.
ჰიპერნატრიემია (პლაზმური ოსმოლარობის მომატება) [ჰიპერტონული ფიზიოლოგიური ხსნარის ინტრავენური შეყვანის შემდეგ].
ჰიპერნატრიემიის ყველაზე რთული ეფექტი არის თავის ტვინის დეჰიდრატაცია, რომელიც იწვევს ძილიანობას და ცნობიერების დაბინდვას, კრუნჩხვებამდე, კომამდე, სუნთქვის უკმარისობამდე და სიკვდილამდე პროგრესირებით. სხვა სიმპტომები შეიძლება იყოს: წყურვილი, შემცირებული ნერწყვდენა და ლაკრიმაცია, სიცხე, ოფლიანობა, ტაქიკარდია, ჰიპერტენზია ან ჰიპოტენზია, თავის ტკივილი, თავბრუსხვევა, მოუსვენრობა, გაღიზიანება, სისუსტე და კუნთების კანკალი და რიგიდულობა.
ქლორიდების ჭარბმა გამოყენებამ შეიძლება გამოიწვიოს ბიკარბონატების დაკარგვა დამჟანგავი ეფექტით.

დოზირება
დოზა: 1 ლიტრი დღეში უფროსებისათვის

სიჩქარე: ნორმალური ფიზიოლოგიური ხსნარი უფროსებში შეიყვანება 400 მლ/სთსიჩქარით.

გამოყენებისწესი
შეყვანის გზა: ხსნარი შეიყვანება ინტრავენური გზით.

ჭარბი დოზირება
ნატრიუმის ქლორიდის ჭარბმა რაოდენობამ ორგანიზმში შეიძლება გამოიწვიოს შემდეგი ზოგადი მოვლენები კუჭ-ნაწლავის მხრივ: გულისრევა, ღებინება, ფაღარათი და კრუნჩხვები.
შემცირებულია ნერწყვდენა და ცრემლდენა მაშინ, როდესაც მომატებულია წყურვილი და ოფლიანობა.
შესაძლოა გამოვლინდეს სხვა სიმპტომები: ჰიპერტენზია, ტაქიკარდია, თირკმლის უკმარისობა, პერიფერული და ფილტვების შეშუპება და სუნთქვისგაჩერება.
ცნს-ის სიმპტომებია: თავის ტკივილი, თავბრუ, გაღიზიანება, მოუსვენრობა, სისუსტე, კუნთების რიგიდულობა, კრუნჩხვები, კომა და სიკვდილი.
მკურნალობა: პლაზმაში ნატრიუმის ნორმალური კონცენტრაციები უნდა აღდგეს არაუმეტეს 10 - 15 მმოლ/დღეში ინტრავენური ჰიპოტონური ფიზიოლოგიური ხსნარით. თირკმლის უკმარისობის დროს საჭიროა დიალიზი, იმ შემთხვევაში თუ პლაზმაში ნატრიუმის დონე აღემატება 200 მმოლ/ლ-ს ან პაციენტი მომაკვდავია. კრუნჩხვების მკურნალობა ხდება დიაზეპამით.

შენახვა
ინახება არა უმეტეს 30C ტემპერატურაზე.

შეფუთვა
100 მლ, 250 მლ, 350 მლ, 500 მლ, 540 მლ და 1000 მლ-იანი პლასტმასის ბოთლები.
გაცემის წესი:
ფარმაცევტული პროდუქტის ჯგუფი III, გაიცემა რეცეპტის გარეშე.
აკულაიფ®
წარმოებულია ინდოეთში:
აკულაიფ ჰელსქეა პვტ. ლტდ.
საჩანა, გუჯარათ 382150, ინდოეთი.