მეტროლაგის ტაბლეტები

რა არის მეტროლაგი და რითვის გამოიყენება იგი?

მეტროლაგი შეიცავს აქტიურ ინგრედიენტს, რომელიც მოქმედებს ინფექციების გამომწვევი ბაქტერიების და ერთუჯრედიანი ორგანიზმების წინააღმდეგ. პათოგენური მიკრობები, რომელთა წინააღმდეგ ბრძოლა შესაძლებელია მეტროლაგის მეშვეობით, ცხოვრობებ ღარიბ ან ჟანგბადისგან თავისუფალ გარემოში და ძირითადად აზიანებენ სასქესო ორგანოებს ან კუჭ-ნაწლავის ტრაქტს.

მეტროლაგის გამოყენება შესაძლებელია მხოლოდ ექიმის დანიშნულებით.

თქვენი ექიმი დაგინიშნავთ მეტროლაგის ტაბლეტებს, თუ გაქვთ რომელიმე შემდეგი დაავადება: სასქესო ორგანოს ინფექცია გარდნერელა ვაგინალის (არასპეციფიკური ვაგინიტი) ან ტრიქომონასი; ნაწლავური ტრაქტის ინფექცია; ნაწლავების ან/და ღვიძლის ინფექცია ამებებით; ინფექცია ბაქტერიებისგან, რომლებიც ცხოვრობენ მეტ-ნაკლებად ღარიბ ან ჟანგბადისგან თავისუფალ გარემოში (ანაერობული ბაქტერიები).

რა არის კიდევ გასათვალისწინებელი მკურნალობის დროს?

მეტროლაგის მიღებისას, შარდი შეიძლება გახდეს მუქი.

სასქესო ტრაქტის ინფექციები გადამდები დაავადებებია. დაიცავით ზოგადი ჰიგიენის ნორმები, როგორიცაა რეგულარული პირადი ჰიგიენა. ჰკითხეთ ექიმს თქვენი პარტნიორის შესაძლო მკურნალობის შესახებ.

ეს წამალი დაგინიშნათ ექიმმა თქვენი მიმდინარე დაავადების სამკურნალოდ. მეტროლაგი არ მოქმედებს ინფექციის გამომწვევი ყველა მიკროორგანიზმის წინააღმდეგ. არასათანადო ან არასწორად დოზირებული მედიკამენტის გამოყენებამ, შესაძლოა გამოიწვიოს გართულებები. ამიტომ, პრეპარატი არ უნდა იქნას გამოყენებული სხვა დაავადებების დროს და არ უნდა გადაეცეს სხვა ადამიანებს. რეციდივის შემთხვევაში, მნიშვნელოვანია, რომ არ მოხდეს პრეპარატის ხელახალი გამოყენება, თუ ის ექიმმა კონსულტაციის შემდეგ ხელახლა არ დანიშნა.

როდის არ შეიძლება მეტროლაგის მოხმარება/გამოყენება?

თუ თქვენ გაქვთ ჰიპერმგრძნობელობა მეტროლაგის აქტიური ნივთიერების ან იმავე ქიმიური ჯგუფის სხვა ელემენტების მიმართ, არ უნდა გამოიყენოთ მეტროლაგი (აქტიური ნივთიერება = მეტრონიდაზოლი; ჯგუფი = იმიდაზოლის წარმოებულები).

როდის არის საჭირო სიფრთხილე მეტროლაგის მოხმარებისას/გამოყენებისას?

მეტროლაგით მკურნალობისას და მომდევნო დღეს, თავიდან უნდა იქნას აცილებული ალკოჰოლური სასმელები და ალკოჰოლის შემცველი მედიკამენტები, რადგან მათი ერთდროული მიღება იწვევს ღებინებას და კუჭის კრუნჩხვებს („ანტაბუზის ეფექტი”). მეტროლაგი არ უნდა დაინიშნოს მედიკამენტ ანტაბუზთან ერთად.

ამ მედიკამენტმა შეიძლება შეამციროს თქვენი რეაქციის, მანქანის მართვისა და დანადგარების ან მექანიზმების გამოყენების უნარი. თუ თქვენ განიცდით არასასურველ ეფექტებს, როგორიცაა გაბრუება, თავბრუსხვევა, ჰალუცინაციები, კრუნჩხვები, მხედველობის დროებითი დარღვევა ან მოძრაობის კოორდინაციის დარღვევა, არ უნდა მართოთ მანქანა ან გამოიყენოთ რაიმე დანადგარები ან მექანიზმები.

თუ მეტროლაგით მკურნალობა ხდება სასქესო ორგანოების ინფექციის დროს, მოერიდეთ სქესობრივ კავშირს.

დაუყოვნებლივ მიმართეთ ექიმს ან ფარმაცევტს, თუ შენიშნავთ რაიმე გვერდით მოვლენას (იხილეთ ნაწილი „რა გვერდითი ეფექტები შეიძლება ჰქონდეს მეტროლაგს?“).

თუ თერაპია 10 დღეზე მეტხანს გაგრძელდება, მაღალი დოზების მიღებისას და სისხლის სურათის ცვლილების შემთხვევაში, საჭიროა რეგულარული სამედიცინო მეთვალყურეობა.

მეტროლაგს შეუძლია გააძლიეროს სხვა მედიკამენტების მოქმედება, როგორიცაა სისხლის გასათხელებლად გამოყენებული მედიკამენტები და ციკლოსპორინი. ეპილეფსიის სამკურნალო მედიკამენტებმა (ფენიტოინი, ფენობარბიტალი) შესაძლოა შეამცირონ მეტროლაგის ეფექტურობა. სხვა მედიკამენტებმა შეიძლება გააძლიერონ მეტროლაგის მოქმედება (როგორიცაა ციმეტიდინი, კუჭის ჰიპერმჟავიანობის სამკურნალო საშუალება). ლითიუმთან ერთდროულმა თერაპიამ შესაძლოა გამოიწვიოს არასასურველი ეფექტები. ამიტომ, ლითიუმის დოზა უნდა შემცირდეს ან შეწყდეს მეტროლაგით მკურნალობის დასაწყისში ან გაგრძელდეს მხოლოდ მკაცრი სამედიცინო ზედამხედველობის ქვეშ.

ზოგიერთ ადამიანს, ვინც მკურნალობს მეტროლაგით, შესაძლოა განუვითარდეს ფსიქიკური ჯანმრთელობის პრობლემები, როგორიცაა ირაციონალური აზრები, ჰალუცინაციები, დაბნეულობა ან დეპრესია, მათ შორის, თვითდაზიანების ან სუიციდური აზრები. ასეთი სიმპტომები შესაძლოა აღმოჩნდეს იმ ადამიანებშიც, რომლებსაც მსგავსი პრობლემები აქამდე არასდროს ჰქონიათ. თუ თქვენ ან თქვენს გარშემო მყოფმა ადამიანებმა შეამჩნიეთ რომელიმე ეს გვერდითი მოვლენა, დაუყოვნებლივ მიმართეთ ექიმს და შეწყვიტეთ მკურნალობა. გარდა ამისა, თუ გაწუხებთ ალკოჰოლიზმი ან პარკინსონი ან მეტროლაგის განმეორებითი ან ხანგრძლივი გამოყენების შემთხვევაში, ექიმმა უნდა გამოიჩინოს სიფრთხილე ფსიქოზის განვითარების რისკთან მიმართებაში.

მეტროლაგით მკურნალობამ შესაძლოა გააუარესოს ცენტრალური და პერიფერიული ნერვული სისტემების სერიოზული დარღვევები. აცნობეთ ექიმს და შეწყვიტეთ მკურნალობა, თუ ამავე დროს გაგიჩნდებათ თავბრუსხვევა (ბრუნვის, ტრიალის შეგრძნება), თუ ადგილი აქვს ცნობიერების ხარისხის ცვლილებას და დაბნეულობას, განსჯის უნარის ცვლილებას, ძილიანობას, დამბლას, ცხელებას. თუ თქვენი კუნთები უნებურად იკუმშება, თუ თქვენ განიცდით რიგიდულობას ან ტკივილს კისრის არეში, მგრძნობელობას სინათლის მიმართ, მოძრაობისა და მეტყველების კოორდინაციის დაკარგვას, ტრემორს, მგრძნობელობის ცვლილებებს (პერიფერიული ნერვის დაზიანება). აცნობეთ ექიმს, თუ გაქვთ ღვიძლის მძიმე დაავადება ან კოკეინის სინდრომი. ღვიძლის მძიმე ტოქსიკურობის ან ღვიძლის მწვავე უკმარისობის შემთხვევები, ფატალური შედეგის ჩათვლით, დაფიქსირდა კოკეინის სინდრომის მქონე პაციენტებში, რომლებიც მკურნალობდნენ მეტრონიდაზოლის შემცველი პროდუქტებით.

თუ გაწუხებთ კოკეინის სინდრომი, ექიმმა ხშირად უნდა შეამოწმოს თქვენი ღვიძლის ფუნქცია მეტრონიდაზოლით მკურნალობის დროს და მის შემდეგ.

დაუყოვნებლივ აცნობეთ ექიმს და შეწყვიტეთ მეტრონიდაზოლის მიღება, თუ გამოვლინდება შემდეგი სიმპტომები: მუცლის ტკივილი, ანორექსია, გულისრევა, ღებინება, ცხელება, სისუსტე, დაღლილობა, სიყვითლე, მუქი შარდი, ღია ფერის განავალი ან ქავილი.

დაფიქსირდა სიცოცხლისთვის საშიში კანის რეაქციების შემთხვევები. თუ გაგიჩნდებათ ბუშტუკოვანი გამონაყარი ან აქერცვლა კანზე, რომელიც შეიძლება გავრცელდეს მთელ სხეულზე ან ბუშტუკები კანზე, განსაკუთრებით ტუჩების, თვალების, პირის ღრუს, ცხვირისა და სასქესო ორგანოების ირგვლივ, რომელსაც შესაძლოა თან ახლდეს ცხელება, შეწყვიტეთ მკურნალობა მეტროლაგით და დაუყონებლივ აცნობეთ ექიმს.

ასეთ შემთხვევაში, აღარასდროს მოიხმაროთ მეტრონიდაზოლი.

დაფიქსირდა ელექტროკარდიოგრამაზე ხილული გულის რიტმის ზოგიერთი ცვლილება, განსაკუთრებით მაშინ, როდესაც მეტრონიდაზოლი გამოიყენება მედიკამენტებთან ერთად, რომლებსაც შეუძლიათ ინტერვალის გახანგრძლივება.

QT. აცნობეთ ექიმს, თუ გაწუხებთ გულის პრობლემები ან/და თუ მოიხმართ სხვა სამკურნალო საშუალებებს, რომლებმაც შეიძლება შეცვალონ ელექტროკარდიოგრამა (გარკვეული ანტიარითმული მედიკამენტები, მედიკამენტები გულის რითმის დარღვევისთვის, ანტიბიოტიკები ან ფსიქოტროპული საშუალებები).

მეტროლაგის ტაბლეტები შეიცავს ლაქტოზას. თუ ექიმმა გითხრათ, რომ გაქვთ აუტანლობა გარკვეული შაქრის მიმართ, მიმართეთ ექიმს ამ მედიკამენტის მიღებამდე.

ეს მედიკამენტი შეიცავს 1 მმოლზე ნაკლებ (23 მგ) ნატრიუმს თითო ტაბლეტზე, ანუ არსებითად არის „ნატრიუმისგან თავისუფალი".

აცნობეთ თქვენს ექიმს ან ფარმაცევტს, თუ:

- გაქვთ სხვა დაავადებები;

- გაწუხებთ ალერგია;

- ან იღებთ სხვა მედიკამენტებს (სამედიცინო რეცეპტის გარეშე გაცემული მედიკამენტების ჩათვლით).

შეიძლება თუ არა მეტროლაგის მოხმარება/გამოყენება ორსულობის ან ლაქტაციის დროს?

არ ჩატარებულა სისტემატური სამეცნიერო კვლევები. ორსულობის დროს მეტროლაგის გამოყენების უსაფრთხოება საკმარისად არ არის შესწავლილი. მეტროლაგი არ უნდა იქნას გამოყენებული ორსულობის პირველ სამ თვეში. ორსულობის მეორე და მესამე ტრიმესტრში მეტროლაგის გამოყენება შესაძლებელია მხოლოდ იმ შემთხვევაში, თუ ის ექიმის მიერ არის დანიშნული.

მეტროლაგით მკურნალობის დროს, ლაქტაცია უნდა შეწყდეს (მეტროლაგის ბოლო გამოყენებიდან 24 საათამდე).

როგორ მოიხმაროთ მეტროლაგი?

თქვენი ექიმი განსაზღვრავს დოზას და მკურნალობის ხანგრძლივობას პათოგენის ტიპის მიხედვით.

დოზა:

1. გარნერელა ვაგინალის ინფექცია: შესაძლებელია ორნაირი მკურნალობა: ერთი 500 მგ ტაბლეტი 2-3-ჯერ დღეში, 5-7 დღის განმავლობაში 4 ტაბლეტი 500 მგ ერთსა და იმავე დროს პირველ დღეს და 4 ტაბლეტი 500 მგ ერთსა და იმავე დროს მე-3 დღეს. იგივე თერაპია მიზანშეწონილია პარტნიორისთვისაც.

2. ტრიქომონას ინფექცია: არსებობს ორი თერაპიული სქემა: თერაპია ერთჯერადი დოზით: 4 ტაბლეტი 500 მგ, მიიღება ერთდროულად, სასურველია საღამოს ან 10 დღიანი თერაპია: მიიღეთ 1 ტაბლეტი 250 მგ დილით და საღამოს, 10 დღის განმავლობაში. იგივე პერორალური დოზა (ტაბლეტები) სასურველია პარტნიორისთვის.

3. ლამბლიის ინფექცია: მკურნალობა ზედიზედ 5 დღე. მოზრდილები: 3 ტაბლეტი 250 მგ დღეში ერთხელ. ბავშვები: 15 მგ მეტრონიდაზოლი დღეში, სხეულის წონის თითეულ კილოგრამზე, დაყოფილი 3 დოზად. ტაბლეტების მიღება მიზანშეწოლილია ბავშვებისთვის, თუ მათ შეუძლიათ მათი გადაყლაპვა და მათი სხეულის წონა არის მინიმუმ 50 კგ. თუ თქვენი ექიმი ჩათვლის საჭიროდ, შეგიძლიათ გაიმეოროთ მკურნალობა 8 დღიანი შესვენების შემდეგ.

4. ამებური ინფექცია : მოზრდილები: 1 ტაბლეტი 500 მგ 3 - 4 ჯერ დღეში; ბავშვები: 40 მგ სხეულის წონის თითეულ კილოგრამზე დღეში, დაყოფილი 3-4 დოზად. ბავშვებისთვის ტაბლეტების მოხმარება მიზანშეწოლილია, თუ მათ შეუძლიათ გადაყლაპვა და მათი სხეულის წონა არის მინიმუმ 19 კგ. მკურნალობის ხანგრძლივობა: 7 - 10 დღე მწვავე დაავადების დროს.

5. ანაერობული ბაქტერიების ინფექცია: 1 ტაბლეტი 500 მგ 3-ჯერ დღეში, სულ მცირე 10 დღის განმავლობაში. ანტიბიოტიკებით დაწყებული მკურნალობა უნდა გაგრძელდეს ექიმის მიერ დანიშნული მთელი პერიოდის განმავლობაში. სიმპტომები ხშირად ქრება ინფექციის სრულ განკურნებამდე. მკურნალობის ხანგრძლივობის შემცირებამ ან მისმა ნაადრევად დასრულებამ შეიძლება გამოიწვიოს დაავადების რეციდივი.

მეტროლაგის 250 და 500 მგ ტაბლეტებს აქვთ გამყოფი ხაზი, რომელიც განკუთვნილია მხოლოდ დეკორაციისთვის და არ უნდა იყოს გატეხილი გამყოფ ხაზზე.

არ შეცვალოთ დანიშნული დოზა თქვენი ინიციატივით. თუ გრძნობთ, რომ წამლის მოქმედება ძალიან ძლიერი ან სუსტია, მიმართეთ თქვენს ექიმს ან ფარმაცევტს.

რა გვერდითი მოვლენები შეიძლება ჰქონდეს მეტროლაგს?

მეტროლაგის მიღების ან გამოყენების შემდეგ, შეიძლება გამოვლინდეს ქვემოთ მოცემული გვერდითი მოვლენები.

გარკვეული სიხშირით აღინიშნება კუჭ-ნაწლავის მსუბუქი დარღვევები, გულისრევა, ღებინება, დიარეა, მუცლის ტკივილი, გემოს ცვლილებები, მადის ნაკლებობა, ანორექსია. იშვიათია პირის ღრუს ლორწოვანი გარსის ანთება.

მძიმე და ხანგრძლივი დიარეის არსებობისას, დაუყოვნებლივ მიმართეთ ექიმს ან ფარმაცევტს. შეიძლება ასევე ადგილი ჰქონდეს ჰიპერმგრძნობელობის რეაქციებს, როგორიცაა გამონაყარი, ქავილი, ჭინჭრის ციება, კანის სიწითლე სითბოს შეგრძნებით, ცხელება და ძალიან იშვიათად, მძიმე ალერგიული რეაქციები სახის, ენისა და ყელის შეშუპებით, პალპიტაცია, სუნთქვის გაძნელება, დაქვეითება. არტერიული წნევა (კოლაფსამდე ან შოკამდე). ასეთი ჰიპერმგრძნობელობის რეაქციების განვითარების შემთხვევაში, დაუყოვნებლივ აცნობეთ ექიმს.

ხშირია თავის ტკივილი, თავბრუსხვევა და ქავილი.

იშვიათად დაფიქსირდა დეპრესიული განწყობა, დეპრესია, უძილობა, სისუსტე, მგრძნობელობის ცვლილებები, როგორიცაა სიყრუის შეგრძნება, რომელიც ძალიან იშვიათად იწვევს სმენის დაქვეითებას და სიყრუეს, ჩხვლეტის შეგრძნება და მოძრაობების, კოორდინაციისა და მეტყველების დარღვევა. დაფიქსირდა ცნობები ირაციონალური აზრების, ჰალუცინაციების, გაურკვეველი სიხშირით თვითდაზიანების ან სუიციდური აზრების (ფსიქიკური ჯანმრთელობის პრობლემები) შესახებ. დეპრესიული განწყობის ან ფსიქიკური ჯანმრთელობის პრობლემების შემთხვევაში, დაუყოვნებლივ მიმართეთ ექიმს.

ძალიან იშვიათად, შეიძლება ადგილი ჰქონდეს მხედველობის დროებითი დარღვევებს (მაგ. დიპლოპია, მიოპია), ჰალუცინაციები, დაბნეულობა და კრუნჩხვები. შეიძლება ადგილი ჰქონდეს ვერტიგოს (რატიოს მოძრაობის შეგრძნება). დაუყოვნებლივ აცნობეთ ექიმს ასეთი გვერდითი ეფექტების გამოვლენის შემთხვევაში. ძალიან იშვიათად, შეიძლება აღინიშნოს ღვიძლის ფუნქციური ტესტების პათოლოგიური მნიშვნელობები, პანკრეასის ანთება ან ნაღვლის სტაგნაციით გამოწვეული ღვიძლის ანთება. დაუყოვნებლივ აცნობეთ ექიმს, თუ გაქვთ მუცლის ძლიერი კრუნჩხვები, გულისრევა, ღებინება ან სიყვითლე (კანისა და თვალების გაყვითლება).

დაფიქსირდა სიცოცხლისთვის საშიში კანის რეაქციების შემთხვევები. თუ აღინიშნება ბუშტუკოვანი გამონაყარი ან კანის აქერცვლა, რომელიც შეიძლება გავრცელდეს მთელ სხეულზე, ან ბუშტუკები კანზე, განსაკუთრებით, ტუჩების, თვალების, პირის ღრუს, ცხვირისა და სასქესო ორგანოების ირგვლივ, რომელსაც შესაძლოა თან ახლდეს ცხელება, შეწყვიტეთ მეტროლაგით მკურნალობა და დაუყონებლივ აცნობეთ ექიმს.

დაფიქსირდა გულის არანორმალური რითმები (QT ინტერვალის გახანგრძლივება), რომელიც ჩანს ელექტროკარდიოგრამაზე, განსაკუთრებით მაშინ, როდესაც მეტრონიდაზოლი გამოიყენება მედიკამენტებთან ერთად, რომლებიც ახანგრძლივებენ QT ინტერვალს. თუ თქვენ გაქვთ ისეთი სიმპტომები, როგორიცაა პალპიტაცია, თავბრუსხვევა ან გულისცემა, დაუყოვნებლივ აცნობეთ ექიმს (იხილეთ ნაწილი „როდის არის საჭირო სიფრთხილე მეტროლაგის მოხმარება/გამოყენებისას?“).

სხვა შესაძლო გვერდითი მოვლენებია: ენის შეფერილობა სოკოს გამრავლების შემთხვევაში, წებოვნების შეგრძნება ენაზე და კანის ლოკალიზებული ნეკროზი.

იშვიათად, შეიძლება განვითარდეს ცისტიტი, შარდვის გაძნელება, შარდის შეუკავებლობა და გენიტალური მიკოზი.

თუ შენიშნეთ რაიმე გვერდითი მოვლენა, მიმართეთ თქვენს ექიმს ან ფარმაცევტს, განსაკუთრებით იმ შემთხვევაში, თუ ეს გვერდითი მოვლენა არ არის აღწერილი ამ ინსტრუქციაში.

კიდევ რა არის გასათვალისწინებელი?

მეტროლაგის გამოყენება შესაძლებელია მხოლოდ შეფუთვაზე „Exp“ მითითებულ თარიღამდე.

შეინახეთ მედიკამენტები ბავშვებისთვის მიუწვდომელ ადგილას. პრეპარატი ინახება დახურულ მდგომარეობაში, ორიგინალ შეფუთვაში, ოთახის ტემპერატურაზე (15-25°C) და სინათლისაგან დაცულ ადგილას.

მკურნალობის დასასრულს, დარჩენილი მედიკამენტი დაუბრუნეთ თქვენს ექიმს ან ფარმაცევტს, სათანადოდ განკარგვის მიზნით.

თქვენს ექიმს ან ფარმაცევტს, რომელსაც აქვს პროფესიული ინფორმაცია, შეუძლია მოგაწოდოთ მეტი ინფორმაცია.

რას შეიცავს მეტროლაგი?

აქტიური ნივთიერება

ტაბლეტები შეიცავს აქტიურ ნივთიერებას, მეტრონიდაზოლს, 250 ან 500 მილიგრამს.

დამხმარე ნივთიერებები

250 მგ ტაბლეტები: მიკროკრისტალური ცელულოზა, სიმინდის სახამებელი, ლაქტოზის მონოჰიდრატი, ჟელატინი, მაგნიუმის სტეარატი.

500 მგ ტაბლეტები: მიკროკრისტალური ცელულოზა, სიმინდის სახამებელი, ლაქტოზას მონოჰიდრატი, ჟელატინი, მაგნიუმის სტეარატი, ნატრიუმის კარბოქსიმეთილის სახამებელი.

გაცემის წესი:

ფარმაცევტული პროდუქტის ჯგუფი: II ჯგუფი, გაიცემა ფორმა №3 რეცეპტით.