კაპტოპრილი ნორმონი 50 მგ ტაბლეტები

მედიკამენტის მიღებამდე საჭიროა გამოყენების ინსტრუქციის ყურადღებით წაკითხვა, რადგან შეიცავს პაციენტისათვის მნიშვნელოვან ინფორმაციას.

· საჭიროა ინსტრუქციის შენახვა, შესაძლოა წარმოიშვას მისი ხელახალი გაცნობის აუცილებლობა;

· დამატებითი კითხვების არსებობისას საჭიროა ექიმთან ან ფარმაცევტთან მიმართვა;

· აღნიშნული პრეპარატი განკუთვნილია მხოლოდ პაციენტისათვის. არ შეიძლება მისი მიცემა სხვა პირებისათვის. სიმპტომების მსგავსების მიუხედავად, ის შეიძლება საზიანო აღმოჩნდეს მათთვის;

· თუ გამოვლინდება ნებისმიერი გვერდითი მოვლენა, მათ შორის, რომელიც არ არის მითითებული ინსტრუქციაში, საჭიროა ექიმთან ან ფარმაცევტთან მიმართვა. იხ. პარაგრაფი 4.

ინსტრუქციაში მოცემულია:

1. რას წარმოადგენს კაპტოპრილი ნორმონი და მისი გამოყენება

2. რა უნდა იცოდეს პაციენტმა კაპტოპრილი ნორმონის მიღებამდე

3. კაპტოპრილი ნორმონის მიღების წესი

4. შესაძლო გვერდითი მოვლენები

5. კაპტოპრილი ნორმონის შენახვის წესი

6. შეფუთვის შემცველობა და სხვა ინფორმაცია

1. რას წარმოადგენს კაპტოპრილი ნორმონი და მისი გამოყენება

კაპტოპრილი ნორმონი მიეკუთვნება ანგიოტენზინის გარდამქმნელი ფერმენტის (აგფ) ინჰიბიტორების ჯგუფს. კაპტოპრილი აფართოებს სისხლძარღვებს და აქვეითებს არტერიულ წნევას.

კაპტოპრილი ნორმონი ნაჩვენებია:

- მაღალი არტერიული წნევის (ჰიპერტენზიის) სამკურნალოდ;

- გულის ქრონიკული უკმარისობის სამკურნალოდ (როცა გულს არ შეუძლია ადექვატური რაოდენობით სისხლის გადატუმბვა) დიურეტიკებთან და საგულე გლიკოზიდებთან და ბეტა- ბლოკატორებთან კომბინაციაში, საჭიროების შემთხვევაში;

- მიოკარდიუმის ინფარქტის (გულის შეტევის) შემდეგ;

- I ტიპის დიაბეტის მქონე პაციენტებში თირკმლის პრობლემების სამკურნალოდ.

2. რა უნდა იცოდეს პაციენტმა კაპტოპრილი ნორმონის მიღებამდე

დაუშვებელია კაპტოპრილი ნორმონის მიღება:

· თუ პაციენტი ალერგიულია კაპტოპრილის ან მედიკამენტის შემადგენლობაში შემავალი სხვა რომელიმე ინგრედიენტის მიმართ (იხ. პარაგრაფი 6);

· თუ პაციენტს ანამნეზში აღენიშნება ანგიონევროზული შეშუპება (სახის, ტუჩების, ენის და/ან ხორხის შეშუპება ყლაპვის ან სუნთქვის გაძნელებით), რომელიც დაკავშირებულია იყო იმავე ჯგუფის (აგფ ინჰიბიტორების) მედიკამენტებით მკურნალობასთან, რომელსაც მიეკუთვნება კაპტოპრილი;

· თუ პაციენტს აღენიშნება იდიოპათიური ან მემკვიდრეობითი ანგიონევროზული შეშუპება;

· თუ პაციენტს აღენიშნება დიაბეტი ან თირკმლის ფუნქციის დაქვეითება და მკურნალობდა ალისკირენის შემცველი არტერიული წნევის დამაქვეითებელი მედიკამენტით;

· ფეხმძიმობის დროს (განსაკუთრებით, ფეხმძიმობის მეორე ან მესამე ტრიმესტრში).

გაფრთხილებები და სიფრთხილის ზომები

კაპტოპრილი ნორმონით მკურნალობის დაწყებამდე საჭიროა მკურნალ ექიმთან, ფარმაცევტთან ან ექთანთან კონსულტაცია:

თუ პაციენტი იღებს მაღალი არტერიული წნევის (ჰიპერტენზიის) სამკურნალოდ შემდეგ მედიკამენტებს:

- ანგიოტენზინ II რეცეპტორების ბლოკატორებს (არბ) (ე.წ. „სარტანები“, მაგ.: ვალსარტანი, ტელმისარტანი, ირბესარტანი), განსაკუთრებით, თუ პაციენტს აღენიშნება თირკმელების პრობლემები, რომელიც გამოწვეული დიაბეტით;

- ალისკირენს.

მკურნალი ექიმი რეგულარული ინტერვალებით შეამოწმებს თირკმელების ფუნქციას, არტერიულ წნევასა და ელექტროლიტების დონეს (მაგ.: კალიუმის დონეს) სისხლში.

იხ. აგრეთვე, ინფორმაცია პარაგრაფში „დაუშვებელია კაპტოპრილი ნორმონის მიღება“.

განსაკუთრებული სიფრთხილეა საჭირო კაპტოპრილი ნორმონის მიღებისას, თუ:

- პაციენტს აღენიშნება ხელების, ფეხების, სახის, ტუჩების, ენის და/ან ხორხის შეშუპება ყლაპვის ან სუნთქვის გაძნელებით (ანგიონევროზული შეშუპება) ან აქვს ანგიონევროზული შეშუპების ანამნეზი. კაპტოპრილი ნორმონით მკურნალობის შემდეგ ამ სიმპტომების განვითარების რისკი უფრო მაღალია შავკანიან პაციენტებში;

- პაციენტს აღენიშნება მუცლის ტკივილი გულისრევითა და ღებინებით ან მათ გარეშე (ნაწლავების ანგიონევროზული შეშუპების შესაძლო სიმპტომები);

- პაციენტს აღენიშნება ინფექციის რაიმე ნიშანი (როგორიცაა ყელის ტკვიილი ან ცხელება), რომელიც სწრაფად არ ექვემდებარება სტანდარტულ მკურნალობას;

- პაციენტს აღენიშნება დაბალი არტერიული წნევა (შეიძლება გამოვლინდეს თავბრუსხვევით ან გულის წასვლით, განსაკუთრებით ადგომისას);

- პაციენტს აღენიშნება ძლიერი ან მუდმივი ღებინება ან ფაღარათი;

- პაციენტს აღენიშნება გულის, თირკმლის ან ღვიძლის დარღვევები ან დიაბეტი;

- პაციენტი იტარებს, ან გეგმავს დესენსიტიზაციის პროცედურას ფუტკრის ან კრაზანის ნაკბენის მიმართ ალერგიის გამო;

- უნდა ჩაუტარდეს ჰემოდიალიზი ან აფერეზი (სისხლის განცალკევების პროცედურა), რადგან შეიძლება განვითარდეს რეაქციები გამოყენებული მემბრანის ტიპის გამო;

- პაციენტს აღენიშნება კოლაგენოზი;

- პაციენტი იმყოფება მარილის შეზღუდული შემცველობის დიეტაზე;

- პაციენტს აღენიშნება ხველება.

თავიდან უნდა იქნას აცილებული ჭარბი ოფლიანობა და დეჰიდრატაცია, რომლებმაც შეიძლება გამოიწვიონ არტერიული წნევის მკვეთრი ვარდნა.

პაციენტმა ექიმს უნდა აცნობოს, რომ იღებს კაპტოპრილ ნორმონს, თუ აპირებს ქირურგიულ ოპერაციის ჩატარებას ან საანესთეზიო საშუალებების მიღებას.

როგორც სხვა არტერიული წნევის დამწევი მედიკამენტები, ეს მედიკამენტიც შეიძლება ნაკლებ ეფექტური იყოს შავკანიან პაციენტებში.

საჭიროა ექიმთან კონსულტაცია იმ შემთხვევაშიც კი, თუ პაციენტს არასოდეს ჰქონია ზემოთ ჩამოთვლილი მდგომარეობები.

სხვა მედიკამენტები და კაპტოპრილი ნორმონი

მკურნალ ექიმს ან ფარმაცევტს უნდა ეცნობოს, თუ პაციენტი იღებს, ახლო წარსულში იღებდა, ან აპირებს, მიიღოს ნებისმიერი მედიკამენტი,

ექიმმა შეიძლება შეცვალოს დოზა და/ან მიიღოს სხვა სიფრთხილის ზომები:

- თუ პაციენტი იღებს ანგიოტენზინ II რეცეპტორების ბლოკატორებს (არბ) ან ალისკირენს (იხ. აგრეთვე, ინფორმაცია პარაგრაფებში: “დაუშვებელია კაპტოპრილი ნორმონის მიღება” და “გაფრთხილებები და სიფრთხილის ზომები”).

ზოგიერთი მედიკამენტი შეიძლება ურთიერთქმედებაში შევიდეს კაპტოპრილ ნორმონთან. ამ შემთხვევაში შეიძლება აუცილებელი გახდეს დოზის ცვლილება ან ზოგიერთი მათგანით მკურნალობის შეწყვეტა.

მნიშვნელოვანია, ექიმს ეცნობოს, თუ პაციენტი იღებს რომელიმე ქვემოთ ჩამოთვლილ მედიკამენტს:

- დიურეტიკები

- კალიუმის შემცველი მედიკამენტები

- არტერიული წნევის დამწევი მედიკამენტები

- ანტიდიაბეტური საშუალებები

- ანტიანთებითი პრეპარატები

- ლითიუმი (გამოიყენება ზოგიერთი ტიპის დეპრესიის დროს)

- ანტიფსიქოზური/ტრიციკლური ანტიდეპრესანტები

- სიმპათომიმეტური საშუალებები ან აგენტები, რომლებიც მოქმედებენ სიმპათიკური ნერვული სისტემის აქტივობაზე

- ალფა-ბლოკატორები

- ალოპურინოლი

- პროკაინამიდი (გამოიყენება გულის რითმის დარღვევის დროს)

- იმუნოდეპრესანტები ან ციტოსტატიკური საშუალებები

- მედიკამენტები, რომლებიც გამოიყენება მიოკარდიუმის მწვავე ინფარქტის დროს.

კაპტოპრილი ნორმონის მიღება საკვებთან და სასმელთან ერთად

კაპტოპრილი ნორმონის მიღება შესაძლებელია როგორც საკვებთან ერთად, ისე მის გარეშე.

ექიმს უნდა ეცნობოს, თუ პაციენტი იღებს კალიუმის დანამატებს ან იმყოფება კალიუმით მდიდარ დიეტაზე.

**ფეხმძიმობა და ძუძუთი კვება **

ნებისმიერი მედიკამენტის მიღებამდე საჭიროა ექიმთან ან ფარმაცევტთან კონსულტაცია.

კაპტოპრილი ნორმონი არ არის რეკომენდებული ფეხმძიმობის პირველ ტრიმესტრში და უკუნაჩვენებია ფეხმძიმობის მეორე და მესამე ტრიმესტრში. საჭიროა ექიმთან დაუყოვნებლივ მიმართვა, თუ პაციენტი ფიქრობს, რომ ფეხმძიმედაა.

ფეხმძიმობის მეორე და მესამე ტრიმესტრში გამოყენებისას ანგიოტენზინის გარდამქმნელი ფერმენტის ინჰიბიტორებმა (რომელსაც მიეკუთვნება კაპტოპრილი) შეიძლება გამოიწვიონ ნაყოფის დაზიანება და სიკვდილი.

ფეხმძიმობის შემთხვევაში მედიკამენტის მიღება უნდა შეწყდეს რაც შეიძლება სწრაფად.
კაპტოპრილი ნორმონის გამოყენება ძუძუთი კვების დროს არ არის რეკომენდებული.

ავტომობილისა და სხვა მექანიზმების მართვა

მაღალი არტერიული წნევის მკურნალობის დროს ავტომობილისა და სხვა მექანიზმების მართვის უნარი შეიძლება დაქვეითდეს, განსაკუთრებით, მკურნალობის დასაწყისში, როცა დოზა იცვლება ან ხდება ალკოჰოლის მიღება. დაუშვებელია ავტომობილის ან სხვა მექანიზმების მართვა, თუ მედიკამენტი გავლენას ახდენს და შეუძლებელი ხდება ამ ქმედებების შესრულება.

კაპტოპრილი ნორმონი შეიცავს ლაქტოზას

ეს მედიკამენტი შეიცავს ლაქტოზას. თუ პაციენტს დადგენილი აქვს აუტანლობა ზოგიერთი შაქრის მიმართ, საჭიროა ექიმთან კონსულტაცია ამ მედიკამენტის მიღებამდე.

3. კაპტოპრილი ნორმონის მიღების წესი

მედიკამენტის მიღება ყოველთვის უნდა მოხდეს ზუსტად ექიმის დანიშნულების მიხედვით. თუ პაციენტი არ არის დარწმუნებული, უნდა მიმართოს ექიმს ან ფარმაცევტს.

საჭიროა დოზის შერჩევა, მკურნალი ექიმი განსაზღვრავს პაციენტისათვის საჭირო დოზას და მოახდენს მის ტიტრაციას საჭიროების მიხედვით.

არტერიული წნევა

მაღალი არტერიული წნევის სამკურნალოდ საწყისი რეკომენდებული დოზაა 25-50 მგ დღეში ორჯერ. დოზა თანდათანობით შეიძლება გაიზარდოს 100-150 მგ-მდე დღეში. ექიმმა შეიძლება ერთდროულად დანიშნოს წნევის დამწევი სხვა მედიკამენტები.

გულის ქრონიკული უკმარისობა

გულის ქრონიკული უკმარისობის სამკურნალოდ (გულის მიერ სისხლის სათანადო გადატუმბვისათვის) საწყისი რეკომენდებული დოზაა 6.25-12.5 მგ ორ-სამჯერ დღეში. ექიმმა დოზა შეიძლება თანდათანობით გაზარდოს 150 მგ-მდე დღეში. მკურნალობის პირველ კვირებში ექიმი მოახდენს პაციენტის მონიტორინგს ან შეიძლება შეცვალოს მედიკამენტის დოზა.

მიოკარდიუმის ინფარქტი

საწყისი საცდელი დოზაა 6.25 მგ. ექიმი თანდათანობით გაზრდის დოზას 150 მგ-მდე დღეში.

თირკმლის პრობლემები

I ტიპის დიაბეტის მქონე პაციენტებში თირკმლის პრობლემების სამკურნალოდ საწყისი რეკომენდებული დოზაა 75-100 მგ დღეში, რომელიც ინიშნება დღეში რამდენჯერმე.

ტაბლეტები უნდა გადაიყლაპოს მთლიანად, წყალთან ერთად და მისი მიღება შეიძლება როგორც საკვებთან ერთად, ისე კვებისგან დამოუკიდებლად.

პაციენტს უნდა ახსოვდეს მედიკამენტის მიღება.

თუ პაციენტი ფირობს, რომ კაპტოპრილი ნორმონის ეფექტი ძალიან ძლიერი ან ძალიან სუსტია, საჭიროა ექიმთან ან ფარმაცევტთან მიმართვა.

მკურნალი ექიმი განსაზღვრავს კაპტოპრილი ნორმონით მკურნალობის ხანგრძლივობას. დაუშვებელია მკურნალობის ნაადრევად შეწყვეტა, მკურნალმა ექიმმა იცის, თუ რა არის უმჯობესი პაციენტისათვის.

ბავშვებში გამოყენება

საწყისი რეკომენდებული დოზაა 0.30 მგ/კგ სხეულის წონა. ბავშვებში, რომლებიც საჭიროებენ განსაკუთრებული სიფრთხილის ზომებს, საწყისი დოზა უნდა იყოს 0.15 მგ/კგ სხეულის წონა. ამ მედიკამენტის გამოყენება ბავშვებსა და მოზარდებში უნდა მოხდეს ექიმის მკაცრი მეთვალყურეობის ქვეშ, ექიმი განსაზღვრავს, თუ რამდენჯერ უნდა მოხდეს დოზის მიღება დღეში.

ხანდაზმულებში გამოყენება

თირკმლის დაზიანების და სხვა ორგანული ცვლილებების მქონე ხანდაზმულ პაციენტებში უნდა დაინიშნოს რეკომენდებულზე დაბალი დოზები.

თირკმლის უკმარისობა

თირკმლის დარღვევების მქონე პაციენტებში უნდა დაინიშნოს რეკომენდებულზე უფრო დაბალი დოზები.

კაპტოპრილი ნორმონის დოზის გადაჭარბებისას

კაპტოპრილი ნორმონის დოზის გადაჭარბებისას საჭიროა ექიმთან ან ფარმაცევტთან დაუყოვნებლივ მიმათვა. დოზის გადაჭარბების სიმპტომები მოიცავს ძლიერ ჰიპოტენზიას, შოკს, სტუპორს, ბრადიკარდიას (შენელებულ გულისცემას), ელექტროლიტურ დისბალანსს და თირკმლის უკმარისობას.

კაპტოპრილი ნორმონის დოზის გამოტოვებისას

მედიკამენტის დოზის გამოტოვებისას საჭიროა წამლის მიღება გახსენებისათანავე, იმავე დღეს. თუ იმავე დღეს პაციენტს არ გაახსენდა წამლის მიღება, მკურნალობა უნდა გაგრძელდეს ჩვეულებრივი დოზით მეორე დღეს. დაუშვებელია დოზის გაორმაგება გამოტოვებული დოზის სანაცვლოდ.

დამატებითი კითხვების არსებობისას ამ პროდუქტის გამოყენებასთან დაკავშირებით, საჭიროა ექიმთან ან ფარმაცევტთან მიმართვა.

**4. შესაძლო გვერდითი მოვლენები **

ყველა სხვა მედიკამენტის მსგავსად ამ მედიკამენტმაც შესაძლებელია გამოიწვიოს გვერდითი ეფექტები, თუმცა არა ყველა პაციენტში.

აღინიშნა შემდეგი გვერდითი მოვლენები:

ხშირი (შეიძლება აღინიშნოს 10-დან 1-ზე ნაკლებ პაციენტში): ანორექსია (მადის დაკარგვა), ძილის დარღვევები, გემოს ცვლილება, თავბრუსხვევა, თავის ტკივილი და ჩხვლეტის შეგრძნება, ხველა და სუნთქვის გაძნელება, გულისრევა, ღებინება, კუჭის გაღიზიანება, მუცლის ტკვილი, ფაღარათი, ყაბზობა, პირის სიმშრალე, კუჭის წყლული, ქავილი კანზე გამონაყართან ერთად ან მის გარეშე (ზოგჯერ ცხელებით, სახსრების ტკივილით და ეოზინოოფილიით), კანზე გამონაყარი და თმის ცვენა.

არახშირი (შეიძლება აღინიშნოს ყოველი 100-დან 1-ზე ნაკლებ პაციენტში): ტაქიკარდია და ტაქიარითმია (აჩქარებული გულისცემა), მკერდის არეში ტკივილი, გულის თრთოლვა, ჰიპოტენზია, რეინოს სინდრომი (ხელის თითების სიფერმკრთალე, რომელსაც მოსდევს ციანოზი და სიწითლე), სიწითლე, სიფერმკრთალე, ხელების, ფეხების, სახის, ტუჩების, ენის და/ან ხორხის შეშუპება, მკერდის არეში ტკივილი, სისუსტე, დაღლილობა.

იშვიათი (შეიძლება აღინიშნოს ყოველი 1000-დან 1-ზე ნაკლებ პაციენტში): ძილიანობა, პირის ღრუს დაზიანებები, ნაწლავების ანგიონევროზული შეშუპება, თირკმლის ფუნქციის დარღვევები, მათ შორის თირკმლის უკმარისობა, თირკმლის დაზიანება და დიურეზის დარღვევა.

ძალიან იშვიათი (შეიძლება აღინიშნოს ყოველი 10,000-დან 1-ზე ნაკლებ პაციენტში): სისხლის რაოდენობის დარღვევები, ლიმფური კვანძების პათოლოგია, აუტოიმუნური დაავადებები, სისხლში კალიუმისა და გლუკოზის რაოდენობის ანალიზის ცვლილებები, ცნობიერების დაბინდვა, დეპრესია, ინსულტი, მხედველობის დაბინდვა, გულის გაჩერება, კარდიოგენური შოკი, რესპირატორული დარღვევები, ენის ანთება, პანკრეასის ანთება, ღვიძლის დაავადება და კანის გაყვითლება, ჰეპატიტი (ღვიძლის ანთება) ნეკროზის ჩათვლით, ღვიძლის ფერმენტებისა და ბილირუბინის დონის მომატება, კანზე ბუშტუკების განვითარება, რომელსაც თან ახლავს ქავილი, სტივენს-ჯონსონის სინდრომი, სინათლეზე მგრძნობელობა, კანის სიწითლე, კანის აქერცვლა, კუნთების ტკივილი, სახსრების ტკივილი, ნეფროზული სინდრომი, იმპოტენცია, მამაკაცებში სარძევე ჯირკვლების გადიდება, სისხლის უჯრედების რაოდენობის ცვლილებები და სისხლის ანალიზების ცვლილებები.

გვერდითი მოვლენების შესახებ შეტყობინება

ნებისმიერი გვერდითი მოვლენის განვითარებისას საჭიროა მკურნალ ექიმთან, ფარმაცევტთან ან ექთანთან მიმართვა. ეს მოიცავს ისეთ შესაძლო გვერდით მოვლენებს, რომლებიც არ არის ჩამოთვლილი ინსტრუქციაში.გვერდითი მოვლენების შესახებ შეტყობინება ხელს უწყობს წამლის უსაფრთხოების შესახებ მეტი ინფორმაციის შეგროვებას.

5. კაპტოპრილი ნორმონის შენახვის წესი

ინახება ბავშვებისათვის მიუწვდომელ ადგილას.

დაუშვებელია პრეპარატის გამოყენება კონტეინერზე მითითებული შენახვის ვადის გასვლის შემდეგ, შენახვის ვადა გულისხმობს მითითებული თვის ბოლო დღეს.

ინახება ორიგინალური შეფუთვით, არაუმეტეს 30°ჩ-ზე. შეფუთვა შენახულ უნდა იქნას თავდახურული ნესტისაგან დასაცავად.

6. შეფუთვის შემცველობა და სხა ინფორმაცია

რას შეიცავს კაპტოპრილი ნორმონი

- აქტიური ნივთიერებაა კაპტოპრილი. თითოეული ტაბლეტი შეიცავს 50 მგ კაპტოპრილს.

- სხვა დამხმარე ნივთიერებებია: მიკროკრისტალური ცელულოზა, ლაქტოზის მონოჰიდრატი (ლაქტოზა), ნატრიუმის კარბოქსიმეთილ სახამებელი (კარტოფილის სახამებელი) და სტეარის მჟავა.

პროდუქტის ფორმა და შეფუთვა

კაპტოპრილი ნორმონი არის თეთრი ან ოდნავ კრემისფერი, მრგვალი, ორმხრივ ამობურცული ტაბლეტები ორმაგი გამყოფი ხაზით და ცალ მხარეს ჩ/A აღნიშვნით. ტაბლეტი იყოფა ორ თანაბარ ნაწილად.

ტაბლეტები მოწოდებულია ბლისტერული შეფუთვით, შეფუთვა შეიცავს 30 ტაბლეტს ან 500 ტაბლეტს (ჰოსპიტალური შეფუთვა).

ყველა შეფუთვა ბაზარზე შეიძლება არ იყოს წარმოდგენილი.

** შენახვის სპეციალური პირობები**
ინახება არაუმეტეს 30ºC-ზე.

ინახება ორიგინალური შეფუთვით ნესტისაგან დასაცავად.

** გაცემის წესი**
გაიცემა ექიმის რეცეპტის საფუძველზე

შემადგენლობა: აქტიური ნივთიერებაა კაპტოპრილი.
ფარმაკოთერაპიული ჯგუფი: ჰიპერტენზიის საწინააღმდეგო, ანგიოტენზინ-გარდამქმნელი ფერმენტის ინჰიბიტორი.

ჩვენებები: არტერიული ჰიპერტენზია, გულის ქრონიკული უკმარისობა.

დოზირება და მიღების წესი: რეკომენდებული საწყისი დოზა ჰიპერტენზიის დროს: 25-50 მგ კაპტოპრილი დღე-ღამეში, მიღებული 2 დოზად. არტერიული წნევის სასურველი მაჩვენებლის მისაღწევად დოზა შესაძლებელია გაიზარდოს თანდათანობით საჭიროებისამებრ 100-150 მგ-მდე, დანიშნული 2 დოზად. თუმცა, აუცილებელია სულ მცირე 2 კვირიანი ინტერვალების დაცვა დოზის მომატებებს შორის. გულის ქრონიკული უკმარობა: კაპტოპრილის საწყისი დოზა ჩვეულებრივ მერყეობს 6.25-12.5, მიღებული დღეში 2-3-ჯერ. დოზა უნდა გაიზარდოს თანდათან, პაციენტის ინდივიდუალური რეაქციის გათვალისწინებით. კაპტოპრილის შემანარჩუნებელი დოზაა 75-100 მგ დღე-ღამეში, გაყოფილი რამდენიმე დოზად. კაპტოპრილის მაქსიმალური დოზაა - 150 მგ, გაყოფილი რამდენიმე დოზად. ხანდაზმულ და თირკმელის უკმარისობის მქონე პაციენტებში რეკომენდებულია მკურნალი ექიმის მიერ დოზის შემცირება - განსაკუთრებით მკურნალობის საწყის ეტაპზე. ბავშვები და მოზარდები: კაპტოპრილის საწყისი დოზა შეადგენს დაახლოებით 0.3 მგ სხეულის მასის კგ-ზე. თირკმლის უკმარობის მქონე დღენაკლულებში, ახალშობილ და ჩვილ ბავშვებში კაპტოპრილის საწყისი დოზა შეადგენს 0.15 მგ სხეულის მასის კგ-ზე. პრეპარატი მოწოდებულია შიგნით მისაღებად. კაპტოპრილი დენკი 25 მიღება შესაძლებელია კვებათა შორის ინტერვალში. ტაბლეტი უნდა გადაიყლაპოს 1 ჭიქა წყალთან ერთად. ტაბლეტი შეიძლება გაიყოს ორ თანაბარ დოზად. მკურნალობის ხანგრძლივობას განსაზღვრავს მკურნალი ექიმი.
უკუჩვენებები: მომატებული მგრძნობელობა კაპტოპრილის, სხვა აგფ-ინჰიბიტორის ან მედიკამენტის შემადგენელი რომელიმე ინგრედიენტის მიმართ. ანგიონევროზული შეშუპება განვითარებული აგფ ინჰიბიტორების მიღების ფონზე წარსულში. ქსოვილოვანი შეშუპებისაკენ მიდრეკილება, ორსულობა პირველი სამი თვის შემდგომ. შაქრიანი დიაბეტი,
თირკმლის დარღვეული ფუნქცია. ალსკირენის შემცველ პრეპარატებთან კომბინაციაში მიღება.

ორსულობა და ლაქტაცია: თუ პაციენტი არის ორსულად ან ლაქტაციის პერიოდში, ან ფიქრობს რომ შეიძლება იყოს
ორსულად ან აპირებს დაფეხმძიმებას, ამ მედიკამენტის მიღებამდე რჩევისათვის უნდა მიემართოს მკურნალ ექიმს,
არ არის რეკომენდებული კაპტოპრილი ს მიღება ორსულობის ადრეულ ეტაპზე და ლაქტაციის პერიოდში. უკუნაჩვენებია მისი მიღება ფეხმძიმობის პირველი ტრიმესტრის შემდეგ.

შენახვის პირობები: ინახება არაუმეტეს 25C ტემპერატურაზე, სინათლისგან დაცვის მიზნით ინახება ორიგინალ შეფუთვაში, ბავშვებისთვის მიუწვდომელ ადგილას.

აფთიაქიდან გაცემის პირობები: რეცეპტით.