ცეფიციდი 400 მგ შემოგარსული ტაბლეტები

ცეფიქსიმი

პრეპარატის გამოყენებამდე ყურადღებით გაეცანით საინფორმაციო ფურცელს, რადგან ის შეიცავს თქვენთვის მნიშვნელოვან ინფორმაციას.

•    შეინახეთ ეს საინფორმაციო ფურცელი, შესაძლებელია კიდევ დაგჭირდეთ მისი წაკითხვა შემდგომში.
  

•    დამატებითი კითხვების შემთხვევაში მიმართეთ ექიმს ან ფარმაცევტს.
  

•    ეს პრეპარატი დაგენიშნათ თქვენ პირადად ნუ გადასცემთ მას მესამე პირს. პრეპარატმა შეიძლება ზიანი მიაყენოს მათ იმ შემთხვევაშიც კი, თუ მათ დააავდების ისეთივე სიმპტომები აქვთ, როგორიც თქვენ.
  

•    თუ აღგენიშნათ გვერდითი მოვლენები, მიმართეთ ექიმს ან ფარმაცევტს. ეს ეხება ყველა შესაძლო გვერდით მოვლენას რაც არ არის მითითებული ამ ფურცელში. იხილეთ პარაგრაფი 4.  
  

რას შეიცავს ეს საინფორმაციო ფურცელი:
1. რა არის ცეფიციდი და რისთვის გამოიყენება ის
2. რა უნდა იცოდეთ ცეფიციდის გამოყენებამდე
3. როგორ გამოიყენება ცეფიციდი
4. შესაძლო გვერდითი მოვლენები
5. როგორ ინახება ცეფიციდი

6. შეფუთვის შემცველობა და სხვა ინფორმაცია

1. რა არის ცეფიციდი და რისთვის გამოიყენება ის

ცეფიციდი ნაჩვენებია მგრძნობიარე ორგანიზმებით გამოწვეული შემდეგი ინფექციების სამკურნალოდ:

მწვავე შუა ყურის ანთება

ზედა სასუნთქი გზების ინფექციები (ფარინგიტი, ტონზილიტი, მწვავე სინუსიტი).

ქვედა სასუნთქი გზების ინფექციები (ქრონიკული ბრონქიტის გამწვავება და საზოგადოებაში შეძენილი პნევმონია).

საშარდე გზების ინფექციები (მწვავე ცისტიტი და გაურთულებელი მწვავე პიელონეფრიტი).

გაურთულებელი ურეთრიტი და გონოკოკური ცერვიციტი.

გათვალისწინებული უნდა იყოს ოფიციალური ეროვნული /ადგილობრივი სახელმძღვანელოები ანტიბაქტერიული საშუალებების სათანადო გამოყენების შესახებ.

2. რა უნდა იცოდეთ ცეფიციდის გამოყენებამდე

არ მიიღოთ ცეფიციდი

- თუ გაქვთ ალერგია ცეფიქსიმის ან ცეფიციდის რომელიმე სხვა ინგრედიენტის მიმართ (ჩამონათვალი მოცემულია მე-6 პუნქტში);

- თუ გაქვთ ალერგია (ჰიპერმგრძნობელობა) ნებისმიერი სხვა ცეფალოსპორინის მიმართ;

- თუ მანამდე გქონდათ ალერგიული რეაქცია პენიცილინის ან ბეტალაქტამის ანტიბიოტიკების მიმართ.

გაფრთხილებები და სიფრთხილის ზომები

მიმართეთ ექიმს ცეფიციდის მიღებამდე.

გამოიჩინეთ განსაკუთრებული სიფრთხილე ცეფიციდის გამოყენებისას:

- თუ წარსულში გქონდათ ნებისმიერი სახის ალერგიული რეაქცია პრეპარატების მიმართ, განსაკუთრებით ანტიბაქტერიული საშუალებების მიმართ, როგორიცაა ცეფალოსპორინები ან პენიცილინები. ცეფექსიმით მკურნალობა უნდა შეწყდეს, თუ განვითარდა ალერგიული რეაქცია.

- თუ გაქვთ თირკმლის უკმარისობა ან იმყოფებით ჰემოდიალიზზე. ორივე შემთხვევაში, შეგიძლიათ მიიღოთ ცეფიციდი, თუმცა უფრო დაბალი დოზით.

- თუ გაქვთ დიარეის მძიმე ფორმა, მუცლის ტკივილი, სპაზმები ან თუ შენიშნავთ სისხლს, ლორწოს ან ჩირქს განავალში, დაუყოვნებლივ აცნობეთ თქვენს ექიმს. არ შეიძლება ისეთი პრეპარატების გამოყენება, რომლებმაც შეიძლება გამოიწვიონ ნაწლავების (პერისტალტიკის) მოძრაობის დაქვეითება ან შეჩერება.

ცეფიქსიმის ხანგრძლივმა გამოყენებამ შეიძლება გამოიწვიოს არამგრძნობიარე ორგანიზმების ჭარბი ზრდა. ასეთ ვითარებაში, ექიმმა შეიძლება მიიღოს გადაწყვეტილება მკურნალობის შეწყვეტის შესახებ.

ეფექტები ლაბორატორიულ ანალიზებზე

როგორც სხვა ცეფალოსპორინების შემთხვევაში, ამ პრეპარატმა შეიძლება გამოიწვიოს ცრუ დადებითი რეაქციები შარდში კეტონის, გლუკოზის განსაზღვრის ლაბორატორიულ ანალიზებში (ბენედიქტის ან ფელინგის ანალიზი, რომლებიც, როგორც წესი, ტარდება დიაბეტის მქონე პირებში, შესაბამისად, ექიმს უნდა ეცნობოს, რომ მიიღება ცეფიქსიმი) და კუმბსის რეაქციაში (ანტისხეულების დადგენა).

სხვა პრეპარატები და ცეფიციდი

აცნობეთ თქვენს ექიმს ან ფარმაცევტს, თუ ამჟამად იღებთ, ახლო წარსულში იღებდით ან შეიძლება მიიღოთ ნებისმიერი სხვა პრეპარატი.

ეს პრეპარატი არ მიიღოთ სხვა ანტიბაქტერიულ საშუალებებთან ერთად თქვენი ექიმის მითითების გარეშე. აცნობეთ თქვენს ექიმს, თუ იღებთ ანტიკოაგულანტურ პრეპარატს, როგორიცაა ვარფარინი.

ცეფიციდის მიღება საკვებთან და სასმელთან ერთად

ცეფიციდი შეიძლება მიიღოთ საკვებთან ერთად ან მის გარეშე.

ტაბლეტები მიიღება მთლიანად, დაუღეჭავად სითხესთან ერთად.

ორსულობა და ძუძუთი კვება

თუ ხართ ორსულად ან ლაქტაციის პერიოდში, ფიქრობთ რომ ხართ ორსულად ან გეგმავთ ბავშვის ყოლას, ამ პრეპარატის მიღებამდე მიმართეთ ექიმს რჩევისათვის.

არ არსებობს მონაცემები ორსულობის დროს ცეფიქსიმის შესაძლო უარყოფითი ეფექტების შესახებ, შესაბამისად, მისი გამოყენება რეკომენდებული არ არის, თუ ექიმი არ მიიჩნევს შესაბამისად მის გამოყენებას.

ცეფიქსიმის გამოყენება ძუძუთი კვების დროს რეკომენდებული არ არის, ვინაიდან არ არსებობს მონაცემები დედის რძეში ექსკრეციის შესახებ.

ავტომობილის მართვა და მექანიზმების გამოყენება

როგორც წესი ცეფიციდი გავლენას არ ახდენს ავტომობილის მართვისა და მექანიზმების გამოყენების უნარზე. მიუხედავად ამისა, თუ განვითარდა თავბრუსხვევა, არ მართოთ ავტომობილი ან არ გამოიყენოთ დანადგარები.

3. როგორ გამოიყენება ცეფიციდი

ყოველთვის მიიღეთ ეს პრეპარატი ზუსტად ექიმის მითითებების შესაბამისად. თუ რაიმე შეკითხვა გაქვთ, ჰკითხეთ თქვენს ექიმს.

დოზირება

ჩვეულებრივ რეკომენდებული დოზა არის შემდეგი:

მოზრდილები და 11 წლიდან ასაკის მოზარდები (ან 30 კგ-ზე მეტი სხეულის წონით).

მოზრდილების რეკომენდებული დოზაა 200 მგ ერთ ჯერზე 12 საათში ერთხელ ან 400 მგ დღე-ღამეში ერთეული დოზის სახით.

გაურთულებელი საშარდე გზების ინფექციების შემთხვევაში ეფექტურია დღეში ერთხელ 200 მგ-ს მიღება.

ხანდაზმულები

ხანდაზმულ პაციენტებში რეკომენდებული დოზა არის იგივე რაც მოზრდილებისთვის, გარდა იმ შემთხვევისა თუ ადგილი აქვს თირკმლის მწვავე უკმარისობას (იხ. ქვემოთ).

თირკმლის უკმარისობა

ცეფიციდის გამოყენება შესაძლებელია თირკმლის უკმარისობის მქონე მოზრდილ პაციენტებში. ზემოთ მითითებული დოზების მიცემა შესაძლებელია პაციენტებისთვის არანაკლებ 20 მლ/წთ კრეატინინის კლირენსით. პაციენტებში რომელთა კრეატინინის კლირენსი 20მლ/წთ-ზე ნაკლებია, არ არის რეკომენდებული 200 მგ ერთხელ დღეში დოზის გადაჭარბება. დოზა და რეჟიმი იმ პაციენტებისთვის, რომლებიც იმყოფებიან ქრონიკულ ამბულატორიულ პერიტონეალურ დიალიზზე ან ჰემოდიალიზზე, უნდა შეესაბამებოდეს იგივე რეკომენდაციას, რაც 20 მლ/წთ-ზე ნაკლები კრეატინინის კლირენსის მქონე პაციენტებმა.

საკმარისი მონაცემები არ არსებობს ცეფიქსიმის გამოყენების შესახებ ბავშვებსა და მოზარდებში თირკმლის უკმარისობის არსებობისას; შესაბამისად, ცეფიქსიმის გამოყენება ამ ასაკობრივ ჯგუფში რეკომენდებული არ არის.

თუ მიიღეთ საჭიროზე მეტი ცეფიციდი

არ არსებობს ცეფიქსიმის ჭარბი დოზების მიღების გამოცდილება. ჯანმრთელ მოზრდილ პაციენტებში 2 გ-მდე დოზების მიღებამ გამოიწვია ზომიერი კუჭ-ნაწლავის მხრივი ფექტები, რომლებიც არ განსხვავდებოდა თერაპიული დოზების გამოყენებისას გამოვლენილი ეფექტებისგან. მწვავე ინტოქსიკაციის შემთხვევაში, მოსალოდნელია დიარეა, ღებინება და მუცლის ტკივილი.

სპეციფიკური ანტიდოტი არ არსებობს. შეიძლება ჩატარდეს კუჭის ამორეცხვა (თუ მიღებიდან გასულია არაუმეტეს 2 საათი) და პაციენტის ჰიდრატაცია და რებალანსირება ელექტროლიტებით, საჭიროების შემთხვევაში.

დაუყოვნებლივ დაუკავშირდით თქვენს ექიმს ან უახლოეს საავადმყოფოს, თუ გაქვთ რომელიმე ეს სიმპტომი. თან იქონიეთ ეს საინფორმაციო ფურცელი.

თუ დაგავიწყდათ ცეფიციდის მიღება

არ მიიღოთ ორმაგი დოზა გამოტოვებული დოზის კომპენსირების მიზნით. თუ გამოგრჩათ დოზის მიღება, მიიღეთ, როგორც კი გაგხსენდებათ. თუ თითქმის მოახლოებულია შემდეგი დოზის მიღების დრო, დაიცადეთ და პრეპარატის მიღება გააგრძელეთ დანიშნული რეჟიმის მიხედვით.

თუ შეწყვიტეთ ცეფიციდს გამოყენება

ექიმი მოგცემთ მითითებას ამ პრეპარატით მკურნალობის ხანგრძლივობის შესახებ. არ შეწყვიტოთ მკურნალობა აღნიშნულ დრომდე, ვინაიდან შეიძლება აღინიშნოს ისეთივე სიმტომები, როგორიც მკურნალობის დაწყების წინ გქონდათ.

თუ გაქვთ დამატებითი შეკითხვები ამ პრეპარატის გამოყენებასთან დაკავშირებით, ჰკითხეთ თქვენს ექიმს ან ფარმაცევტს.

4. შესაძლო გვერდითი ეფექტები

ყველა პრეპარატის მსგავსად, ამ პრეპარტმაც შეიძლება გამოიწვიოს გვერდითი ეფექტები, თუმცა, არა ყველა პაციენტში.

გამოვლენილი გვერდითი რეაქციების უმრავლესობა არის მსუბუქი და თვით-შემზღუდავი ხასიათის.

შემდეგი გვერდითი ეფექტების განვითარებისას, აუცილებელია მყისიერი მოქმედება. უნდა შეწყვიტოთ ცეფიციდის გამოყენება და დაუყოვნებლივ უნდა მიმართოთ თქვენს ექიმს, თუ განვითარდა შემდეგი სიმპტომები:

იშვიათი გვერდითი ეფექტები (ვლინდება 1000-დან 1-ზე ნაკლებ პაციენტში):

- სახის, ენის შეშუპება და სუნთქვის გაძნელება.

ძალიან იშვიათი გვერდითი ეფექტები (ვლინდება 10000-დან 1-ზე ნაკლებ პაციენტში):

- მძიმე დიარეა, შესაძლებელია სისხლის თანხლებით;

- მოულოდნელი ალერგიული რეაქცია, რასაც თან ახლავს ქოშინი, გამონაყარი, სუნთქვის გაძნელება და არტერიული წნევის დაცემა;

- მძიმე და გავრცელებული ერითემატოზური გამონაყარი.

გარდა ამისა, აღინიშნა შემდეგი გვერდითი ეფექტები:

ხშირი გვერდითი ეფექტები (ვითარდება 10-დან 1-ზე ნაკლებ პაციენტში):

- დიარეა

არახშირი გვერდითი ეფექტები (ვითარდება 100-დან 1-ზე ნაკლებ პაციენტში):

- თავის ტკივილი;

- მუცლის ტკივილი;

- გულისრევა;

- ღებინება;

- გამონაყარი;

- შრატში ღვიძლის ფერმენების (ტრანსამინაზები, ტუტე ფოსფატაზა) მომატება.

იშვიათი გვერდითი ეფექტები (ვითარდება 1000-დან 1-ზე ნაკლებ პაციენტში):

- ბაქტერიით გამოწვეული სუპერინფექცია;

- სოკოებით გამოწვეული სუპერინფექცია;

- ეოზინოფილია;

- ჰიპერმგრძნობელობა;

- თავბრუსხვევა;

- შებერილობა;

- ჰეპატიტი;

- სიყვითლე;

- ანგიონევროზული შეშუპება;

- ქავილი;

- ლორწოვანი გარსის ანთება;

- პირექსია;

- სისხლში შარდოვანას მომატება.

ძალიან იშვიათი გვერდითი ეფექტები (ვითარდება 10000-დან 1-ზე ნაკლებ პაციენტში):

- ანტიბიოტიკებთან ასოცირებული კოლიტი;

- ანაფილაქსიური შოკი;

- რევმატოიდული ართრიტი;

- ფსიქომოტორული ჰიპერაქტივობა;

- ინტერსტიციალური ნეფრიტი;

• სისხლში კრეატინინის მომატება.

გვერდითი ეფექტების შესახებ ინფორმაციის მიწოდება

გვერდითი ეფექტების განვითარებისას, მათ შორის, ისეთი გვერდითი ეფექტების, რომლებიც მითითებული არ არის ამ საინფორმაციო ფურცელში, მიმართეთ თქვენს ექიმს ან ფარმაცვტს. გვერდითი ეფექტების შესახებ ინფორმაციის მიწოდება ხელს შეუწყობს ამ პრეპარატის უსაფრთხოების შესახებ მეტი ინფორმაციის მოპოვებას.

5. როგორ ინახება ცეფიციდი

შეინახეთ არაუმეტეს 250C-ზე. შეინახეთ ორიგინალ შეფუთვაში სინათლისა და ნესტისაგან დაცვის მიზნით.

ეს პრეპარატი შეინახეთ ბავშვებისაგან მიუწვდომელ ადგილას;

არ გამოიყენოთ ეს პრეპარატი შეფუთვაზე “EXP” ნიშნით მითითებული ვარგისიანობის ვადის გასვლის შემდეგ. ვარგისიანობის ვადა ნიშნავს მითითებული თვის ბოლო დღეს.

არ შეიძლება პრეპარატების გადაყრა გამდინარე წყლებში ან საყოფაცხოვრებო ნარჩენებთან ერთად. ჰკითხეთ თქვენს ფარმაცევტს, თუ როგორ უნდა გადაყაროთ პრეპარატები, რომლებიც აღარ გჭირდებათ. ეს ზომები ხელს შეუყობს გარემოს დაცვას.

6. შეფუთვის შემცველობა და სხვა ინფორმაცია

რას შეიცავს ცეფიციდი:

- აქტიური ნივთიერება არის ცეფიქსიმი. ერთი შემოგარსული ტაბლეტი შეიცავს 400 მგ ცეფიქსიმს (რაც არის 448 მგ ცეფიქსიმის როგორც ტრიჰიდრატის ექვივალენტური).

- სხვა ინგრედიენტებია: სიმინდის სახამებელი პრეჟელატინირებული, მიკროკრისტალური ცელულოზა, ნატრიუმის სახამებლის გლიკოლატი, მაგნიუმის სტეარატი, კალციუმის ჰიდროგენ ფოსფატის დიჰიდრატი, ცელულოზას აცეტატ ფტალატი, თეთრი შემოსაგარსი სუსპენზია რომელიც შეიცავს ჰიპრომელოზას, ტიტანის დიოქსიდს (E171) და მაკროგოლ 400-ს და გასაპრიალებელი სუსპენზია რომელიც შეიცავს ჰიპრომელოზას, მაკროგოლ 400-ს და მაკროგოლ 6000-ს.

გაცემის წესი:

ფარმაცევტული პროდუქტის ჯგუფი - II , გაიცემა ფორმა №3 რეცეპტით

დასახელება - ცეფიციდი ტაბლეტი 400მგ #8
რა არის ცეფიციდი და რისთვის გამოიყენება ის
ცეფიციდი ნაჩვენებია მგრძნობიარე ორგანიზმებით გამოწვეული შემდეგი ინფექციების სამკურნალოდ:
მწვავე შუა ყურის ანთება
ზედა სასუნთქი გზების ინფექციები (ფარინგიტი, ტონზილიტი, მწვავე სინუსიტი).
ქვედა სასუნთქი გზების ინფექციები (ქრონიკული ბრონქიტის გამწვავება და საზოგადოებაში შეძენილი პნევმონია).
საშარდე გზების ინფექციები (მწვავე ცისტიტი და გაურთულებელი მწვავე პიელონეფრიტი).
გაურთულებელი ურეთრიტი და გონოკოკური ცერვიციტი.
გათვალისწინებული უნდა იყოს ოფიციალური ეროვნული /ადგილობრივი სახელმძღვანელოები ანტიბაქტერიული საშუალებების სათანადო გამოყენების შესახებ.
როგორ გამოიყენება ცეფიციდი
ყოველთვის მიიღეთ ეს პრეპარატი ზუსტად ექიმის მითითებების შესაბამისად. თუ რაიმე შეკითხვა გაქვთ, ჰკითხეთ თქვენს ექიმს.
დოზირება
ჩვეულებრივ რეკომენდებული დოზა არის შემდეგი:
მოზრდილები და 11 წლიდან ასაკის მოზარდები (ან 30 კგ-ზე მეტი სხეულის წონით).
მოზრდილების რეკომენდებული დოზაა 200 მგ ერთ ჯერზე 12 საათში ერთხელ ან 400 მგ დღე-ღამეში ერთეული დოზის სახით.
გაურთულებელი საშარდე გზების ინფექციების შემთხვევაში ეფექტურია დღეში ერთხელ 200 მგ-ს მიღება.
ხანდაზმულები
ხანდაზმულ პაციენტებში რეკომენდებული დოზა არის იგივე რაც მოზრდილებისთვის, გარდა იმ შემთხვევისა თუ ადგილი აქვს თირკმლის მწვავე უკმარისობას
როგორ ინახება ცეფიციდი
შეინახეთ არაუმეტეს 250C-ზე. შეინახეთ ორიგინალ შეფუთვაში სინათლისა და ნესტისაგან დაცვის მიზნით.
ეს პრეპარატი შეინახეთ ბავშვებისაგან მიუწვდომელ ადგილას;

დასახელება - ცეფიციდი ტაბლეტი 400მგ #8
რა არის ცეფიციდი და რისთვის გამოიყენება ის
ცეფიციდი ნაჩვენებია მგრძნობიარე ორგანიზმებით გამოწვეული შემდეგი ინფექციების სამკურნალოდ:
მწვავე შუა ყურის ანთება
ზედა სასუნთქი გზების ინფექციები (ფარინგიტი, ტონზილიტი, მწვავე სინუსიტი).
ქვედა სასუნთქი გზების ინფექციები (ქრონიკული ბრონქიტის გამწვავება და საზოგადოებაში შეძენილი პნევმონია).
საშარდე გზების ინფექციები (მწვავე ცისტიტი და გაურთულებელი მწვავე პიელონეფრიტი).
გაურთულებელი ურეთრიტი და გონოკოკური ცერვიციტი.
გათვალისწინებული უნდა იყოს ოფიციალური ეროვნული /ადგილობრივი სახელმძღვანელოები ანტიბაქტერიული საშუალებების სათანადო გამოყენების შესახებ.
როგორ გამოიყენება ცეფიციდი
ყოველთვის მიიღეთ ეს პრეპარატი ზუსტად ექიმის მითითებების შესაბამისად. თუ რაიმე შეკითხვა გაქვთ, ჰკითხეთ თქვენს ექიმს.
დოზირება
ჩვეულებრივ რეკომენდებული დოზა არის შემდეგი:
მოზრდილები და 11 წლიდან ასაკის მოზარდები (ან 30 კგ-ზე მეტი სხეულის წონით).
მოზრდილების რეკომენდებული დოზაა 200 მგ ერთ ჯერზე 12 საათში ერთხელ ან 400 მგ დღე-ღამეში ერთეული დოზის სახით.
გაურთულებელი საშარდე გზების ინფექციების შემთხვევაში ეფექტურია დღეში ერთხელ 200 მგ-ს მიღება.
ხანდაზმულები
ხანდაზმულ პაციენტებში რეკომენდებული დოზა არის იგივე რაც მოზრდილებისთვის, გარდა იმ შემთხვევისა თუ ადგილი აქვს თირკმლის მწვავე უკმარისობას
როგორ ინახება ცეფიციდი
შეინახეთ არაუმეტეს 250C-ზე. შეინახეთ ორიგინალ შეფუთვაში სინათლისა და ნესტისაგან დაცვის მიზნით.
ეს პრეპარატი შეინახეთ ბავშვებისაგან მიუწვდომელ ადგილას;