შემადგენლობა: ყოველი 5 მლ (ერთი კოვზი) სიროფი შეიცავს 2,5 მგ დესლორატადინს. დამხმარე ნივთიერებები: პროპილენ გლიკოლი, სორბიტოლი 70%, ლიმონმჟავას მონოჰიდრატი, ნატრიუმის ციტრატი, ნატრიუმის ბენზოატი, ნატრიუმის ედეტატი, საქაროზა, მარწყვის არომატიზატორი ,,მარწყვი“, ყვითელი საღებავი FDC #6, ნატრიუმის ჰიდროქსიდი, გასუფთავებული წყალი.

ფარმაკოთერაპიული ჯგუფი: სისტემური გამოყენების ანტიჰისტამინური საშუალებები. H1

• ჰისტამინური რეცეპტორების ბლოკატორი.

ჩვენებები: სეზონური და წლის განმავლობაში არსებული ალერგიული რინიტი ცემინების, ცხვირიდან გამონადენის, ცხვირის გაჭედვის და ქავილის, ცრემლდენის, თვალების ქავილის და ჰიპერემიის სიმპტომების მოხსნის ან შემსუბუქების მიზნით. ქრონიკული ურტიკარია, კანის ქავილის და გამონაყარის შემცირებისა და გაქრობის მიზნით.

დოზირება და მიღების წესი: 6-დან 11 თვემდე ასაკის ბავშვებში ინიშნება სიროფის 2 მლ ერთხელ დღეში. 1-დან 5 წლამდე ასაკის ბავშვებში ინიშნება სიროფის 2,5 მლ ერთხელ დღეში. 6-დან 11 წლამდე ასაკის ბავშვებში - სიროფის 5 მლ ერთხელ დღეში. მოზრდილებში და 12 წლის ასაკზე უფროს მოზარდებში - სიროფის 10 მლ ერთხელ დღეში. მკურნალობის კურსი და მიღების ხანგრძლივობა განისაზღვრება დაავადების ხასიათიდან გამომდინარე, რომელსაც მკურნალი ექიმი განსაზღვრავს. სეზონური პოლინოზის მკურნალობისას პრეპარატის მიღებას წყვეტენ სიმპტომების გაქრობის შემდგომ. წლის განმავლობაში არსებული ალერგიული რინიტის მკურნალობისას პრეპარატს იღებენ განუწყვეტლივ, ალერგენთან კონტაქტის მთელი პერიოდის მანძილზე. ურტიკარიის დროს მკურნალობის ხანგრძლივობა უნდა განსაზღვროს მკურნალმა ექიმმა. სიროფის დოზის გადაყლაპვის შემდგომ უნდა დააყოლოთ წყალი.

გვერდითი მოვლენები: დაღლილობა, თავის ტკივილი და პირის სიმშრალე. ტაქიკარდია, გულისცემის შეგრძნება, ღვიძლის ფერმენტების აქტივობის მომატება, ალერგიული რეაქციები, ანაფილაქსიის და გამონაყრის ჩათვლით.

უკუჩვენებები: მომატებული მგრძნობელობა პრეპარატის კომპონენტების ან ლორატადინის მიმართ. ორსულობა და ლაქტაციის პერიოდი.

ურთიერთქმედება სხვა პრეპარატებთან: რაიმე სახის ცვლილებები ცნობილი არ არის.

განსაკუთრებული მითითებები: დოზის გამოტოვების შემთხვევაში, მისი მიღება გრძელდება პირველივე შესაძლებლობისას დადგენილი სქემით, მაგრამ გამოტოვებული დოზის ასანაზღაურებლად ორმაგი დოზის მიღება არ შეიძლება. პრეპარატის საკვებთან ერთად მიღება გავლენას არ ახდენს ორგანიზმში დესლორატადინის განაწილებაზე. დესლორატადინი არ აძლიერებს ცენტრალურ ნერვულ სისტემაზე ალკოჰოლის მოქმედებას. პრეპარატი სიფრთხილით გამოიყენება თირკმლის უკმარობის მწვავე ფორმის დროს.

ორსულობა და ლაქტაცია: პრეპარატი უკუნაჩვენებია ორსულობისა და ძუძუთი კვების პერიოდში.

მანქანისა და სხვა მექანიზმების მართვა: რეკომენდირებული დოზით მიღებისას დესლორატადინი არ მოქმედებს ავტომობილის მართვისა და ისეთ სამუშაოთა შესრულების უნარზე, რომელიც მოითხოვს სწრაფ ფსიქომოტორულ რეაქციას.

ჭარბი დოზირება: ჭარბი დოზირების შემთხვევაში უნდა მიემართოს ექიმს.

გარეგნული სახე და შეფუთვა: შეფუთვაშია 2,5 მგ-5 მლ სიროფი 150 მლ ქარვისფერ ბოთლში #1 საზომ კოვზთან ერთად.

შენახვის პირობები: ინახება ბავშვებისთვის მიუწვდომელ ადგილას, არაუმეტეს 25C ტემპერატურაზე.

ვარგისიანობის ვადა: მითითებულია შეფუთვაზე.

აფთიაქიდან გაცემის პირობები: რეცეპტის გარეშე.

სავაჭრო ლიცენზიის მფლობელი: ბერკო ილაჩ ვე კიმია სან ა.ს. ატასეჰირ, სტამბული, თურქეთი.

მწარმოებელი: ბერკო ილაჩ ვე კიმია სან ა.ს. სულთანბეი, სტამბული, თურქეთი