იბუპროფენი

სამკურნალო საშუალების შემცველობა:
მოქმედი ნივთიერება : იბუპროფენი; 1 ტაბლეტი შეიცავს 200 მგ იბუპროფენს.
1 ტაბლეტი შეიცავს 100 მგ ასკორბინის მჟავას; 877 მგ გლუკოზას მონოჰიდრატს;
დამხმარე ნივთიერებები: კარტოფილის სახამებელი, მაგნიუმის სტეარატი, შაქარი, ხორბლის ფქვილი, პოვიდონი, მაგნიუმის კარბონატი ძირითადი, აეროსილი, ტიტანის დიოქსიდი, ტალკი, ფუტკრის ცვილი, ვაზელინის ზეთი.

წამლის ფორმა. შემოგარსული ტაბლეტები.

ფარმაკოლოგიური ჯგუფი.
არასტეროიდული ანთების საწინააღმდეგო საშუალებები, რომლებიც ახდენს გამაყუჩებელ და სიცხის დამწევ მოქმედებას. მოქმედების მექანიზმი დაკავშირებულია ციკლოოქსიგენაზას აქტივობის არასელექტიურ დათრგუნვასთან (ცოგ-1 და ცოგ-2) – პროსტალგანდინების წინამორბედი არაქიდონმჟავას მეტაბოლიზმის ძირითადი ფერმენტი. მაანალგეზირებელი მოქმდება განპირობებულია როგორც პერიფერიული (პროსტალგანდინების სინთეზის დათრგუნვით), ასევე ცენტრალური მექანიზმით, რომელიც რეალიზდება ცანტრალურ ნერვულ სისტემაში პროსტალგანდინების სინთეზის დათრგუნვის ხარჯზე. ამცირებს თრომბოციტების აგრეგაციას.

ჩვენებები.
სახსრებისა და ხერხემლის ანთებით-დეგენერაციული დაავადებები (მ.შ. რევმატიული და რევმატოიდული ართრიტი, ანკილოზირებადი სპონდილიტი, ოსთეოართროზი), სახსრისმიერი სინდრომი პოდაგრის გამწვავებისას, ფსორიაზული ართრიტი, ანკილოზირებადი სპონდილიტი, ტენდინიტი, ბურსიტი, რადიკულიტი, რბილი ქსოვილებისა და საყრდენ- მამოძრავებელი აპარატის ტრავმული ანთება. ნევრალგიები, მიალგიები, ტკივილის სინდრომი ყელ-ყურ-ცხვირის ორგანოების ინფექციურ-ანთებითი დაავადებებისას, ადნექსიტი, ალგოდისმენორეა, თავისა და კბილის ტკივილი. ცხელება ინფექციურ- ანთებითი დაავადებებისას.

უკუჩვენებები.
კუჭ-ნაწლავის ტრაქტის ეროზიულ-წყლულოვანი დაზიანები გამწვავების ფაზაში, ბრონქოსპაზმები, დაკავშირებული არასტეროიდული ანთების საწინააღმდეგო საშუალებების მიღებასთან ანამნეზში, “ტრიადა” (ეოზინოფილური რინიტი, ცხვირის რეციდივირებული პოლიპოზი, ჰიპერპლასტიური სინუსიტი), მხედველობის ნერვის დაავადებები, სისხლწარმოქმნის დარღვევები, ჰემორაგიული დიათეზი, ორსულობის მესამე ტრიმესტრი, ლაქტაცია, 12 წლამდე ბავშვთა ასაკი, თირკმელების და/ან ღვიძლის ფუნქციის გამოხატული დარღვევები, ჰიპერმგრძნობელობა იბუპროფენის ან სხვა არასტეროიდული ანთების საწინააღმდეგო საშუალებების მიმართ.

სიფრთხილე გამოყენებისას.
პრეპარატი ფრთხილად გამოიყენება გულის ქრონიკული უკმარისობისას. მკურნალობის პროცესში აუცილებელია ღვიძლისა და სისხლწარმოქმნის ფუნქციის, პერიფერიული სისხლის სურათის სისტემატიური კონტროლი. პრეპარატს არ გააჩნია ტერატოგენული მოქმედება, რაც შესაძლებელს ხდის მის გამოყენებას ორსულობისდროს, III ტრიმესტრის გარდა (აუცილებლობის შემთხვევაში). პაციენტებს, რომლებსაც აწუხებთ ბრონქული ასთმა, ქრონიკული ბრონქიტი, შესაძლოა მწვავე რეაქცია ჰქონდეთ პრეპარატზე (ასთმის შეტევები, ცხვირის ლორწოვანი გარსის შეშუპება და სხვ.). საჭიროა თავის შეკავება სატრანსპორტო საშუალებების მართვისაგან, განსაკუთრებით იბუპროფენით თერაპიის ფონზე ალკოჰოლის გამოყენებისას.

ურთიერთქმედება სხვა სამკურნალო საშუალებებთან.
ერთდროული გამოყენებისას დიგოქსინთან, დიფენინთან, ლითიუმის პრეპარატებთან იბუპროფენმა შეიძლება შეცვალოს ზემოაღნიშნული პრეპარატების კონცენტრაცია. პრეპარატი ამცირებს შარდმდენი და ანტიჰიპერტენზიული საშუალებების მოქმედებას. ერთდროული გამოყენებისას კალიუმის შემანარჩუნებელ დიურეზულებთან შესაძლებელია ჰიპერკალიემიის განვითარება. იბუპროფენის შეთავსებისას გლუკოკორტიკოსტეროიდებთან და სხვა არასტეროიდულ ანთების საწინააღმდეგო საშუალებებთან იზრდება გვერდითი ეფექტების განვითარების რისკი კუჭ-ნაწლავის ტრაქტის მხრივ. იბუპროფენმა შეიძლება გაზარდოს მეტოტრექსატის კონცენტრაცია და ტოქსიკური ზემოქმედება ორგანიზმზე. აცეტილსალიცილის მჟავასთან ერთად გამოყენება ამცირებს იბუპროფენის დონეს სისხლის პლაზმაში. პრეპარატი სიფრთხილით გამოიყენება კომბინაციაში არაპირდაპირ ანტიკოაგულანტებთან, თიაზიდურ დიურეზულებთან.

გამოყენების წესი და დოზები.
დოზა განისაზღვრება ინდივიდუალურად, დაავადების ნოზოლოგიური ფორმის, კლინიკური გამოვლინებების გამოხატულობის მიხედვით. შიგნით მიღებისას ერთჯერადი დოზა მოზრდილებში შეადგენს 200-800 მგ, მიღებათა სიხშირე – 3-4-ჯერ დღე-ღამეში; 12 წელზე უფროსი ასაკის ბავშვებში – 20 მგ/კგ რამოდენიმე მიღებად. მაქსიმალური დღე- ღამის დოზა მოზრდილებში შიგნით მიღებისას – 2.4 გ.
ჭარბი დოზის სიმპტომები: იბუპროფენის ჭარბი დოზის მიღების შემთხვევაში შესაძლებელია თავის ტკივილი, თავბრუსხვევა, მოძრაობათა შენელება, გონების დაკარგვა, ასევე ტკივილები მუცელში, ღებინება, გულისრევა. გარდა ამისა, შესაძლებელია ჰიპოტენზია, სუნთქვის გართულება, ციანოზი.
მკურნალობა: სიმპტომატური. ჭარბი დოზის შემთხვევაში აუცილებელია კუჭის გამორეცხვა და ექიმთან მიმართვა.

გვერდითი ეფექტები.
საჭმლის მომნელებელი სისტემის მხრივ: ხშირად ღებინება, ანორექსია, გულისრევა, ეპიგასტრიაში დისკომფორტის შეგრძნება, დიარეა; შესაძლებელია კუჭ-ნაწლავის ტრაქტის ეროზიულ-წყლულოვანი დაზიანების განვითარება; იშვიათად – სისხლდენები საჭმლის მომნელებელი ტრაქტიდან; ხანგრძლივი გამოყენებისას შესაძლებელია ღვიძლის ფუნქციის დარღვევები.
ცენტრალური ნერვული სისტემის მხრივ: თავბრუსხვევა, ძილის დარღვევა, ძილიანობა, მხედველობითი და სმენითი აღქმის დარღვევა.
სისხლწარმოქმნის სისტემის მხრივ: ხანგრძლივი გამოყენებისას შესაძლებელია თირკმელების ფუნქციის დარღვევა, ჰიპერკალიემია, ჰიპერურიკემია, აზოტემია.
ალერგიული რეაქციები: ხშირად – გამონაყარი კანზე, კვინკეს შეშუპება; იშვიათად – ასეპტიური მენინგიტი (ხშირად პაციენტებში აუტოიმუნური დაავადებებით); ბრონქოსპაზმები.
ვარგისიანობის ვადა.
3 წელი.
პრეპარატის გამოყენება არ შეიძლება შეფუთვაზე მითითებული ვარგისიანობის ვადის გასვლის შემდეგ.
შენახვის პირობები. მშრალ, სინათლისაგან დაცულ, ბავშვებისათვის მიუწვდომელ ადგილას ტემპერატურაზე არაუმეტეს 25°C.
შეფუთვა. 50 ტაბლეტი კონტურულ დანაყოფებიან შეფუთვაში.
გაცემის პირობები. რეცეპტით.

მწარმოებელი. დსს სსც “ბორსჩაგოვოს ქიმიურ-ფარმაცევტული ქარხანა”.
მისამართი. უკრაინა, 03134, ქ.კიევი, მირის ქ, 17.

ფარმაკოლოგიური თვისება: არასტეროიდული ანთებისსაწინააღმდეგო საშუალება, პროპიონიკის მჟავის დერივატი.
ჩვენება: გამოიყენება ტკივილის და ანთებითი პოცესების სიმპტომური მკურნალობისას; რევმატიზმის სამკურნალოდ; ოპერაციის
შემდგომი შეშუპებისა და ანთების დროს; სახსრისა და ხერხემლის დაავადების სამკურნალოდ.
უკუჩვენება: არ გამოიყენება თუ პაციენტს აღენიშნება კუჭისა და თორმეტგოჯას წყლული ან სხვა სისტემის სისხლდენები; ალერგიულია
პრეპარატში შემავალი რომელიმე ინგრედიენტის მიმართ; ორსულობის ბოლო ტრიმესტრში; ბავშვებსა და მოზარდებში 15 წლამდე;
დოზირება და მიღების წესი: ტკივილის და სიცხის მკურნალობა: ეფექტურ დოზას წარმოადგენს 200-400 მგ იბუპროფენი. მთლიანი
დღიური დოზა არ უნდა აჭარბებდეს 2-3 შემოგარსულ ტაბლეტს დღეში. რევმატიზმის საწინააღმდეგო თერაპიის დროს: იბუპროფენის რეკომენდირებული დოზა შეადგენს 1-2 შემოგარსულ ტაბლეტი. ინდივიდუალური დოზა არ უნდა აჭარბებდეს 800 მგ-ს (2 ტაბლეტი).
ექიმი განსაზღვრავს მკურნალობის ხანგრძლივობას.
გვერდითი მოვლენები: თავის ტკივილი, თავბრუსხვევა, დაღლილობა, გაღიზიანება, გულისრევა, ღებინება, დიარეა, იშვიათ
შემთხვევებში სისხდენა, ყაბზობა, გულის უკმარისობა, ასტმური შეტევები.
ურთიერთმოქმედება სხვა მედიკამენტებთან: კომბინირებული მიღებისას, მას შეუძლია გაზარდოს ლითიუმის, ფენიტოინის, დიგოქსინის პლაზმური კონცენტრაცია, შეუძლია შეამციროს დეჰიდრატაციული და არტერიულ წნევაზე მოქმედი პრეპარატების ეფექტი. შეამციროს ანგიოტენზინგარდამქმნელი ფერმენტების ინჰიბიტორების (გულის უკმარისობის და არტერიული წნევის დამაქვეითებელი საშუალებები) ეფექტურობა. ერთდროულმა დანიშვნამ შეიძლება ასევე გაზარდოს თირკმლის ფუნქციის დარღვევის რისკი. კალიუმის დამზოგველ
პრეპარატებთან ერთად გამოყენებამ შეიძლება გამოიწვიოს შრატში კალიუმის მომატება.
წარმოების ლიცენზია და მწარმოებელი: დენკ ფარმა გმბჰ კო.კგ. პრინცრეგენტენშტრასე 79, 81675მიუნხენი, გერმანია.

აქტიური ნივთიერება: შეიცავს 200 მგ იბუპროფენს.

ჩვენება: ანთების საწინააღმდეგო და ტკივილგამაყუჩებელი პრეპარატი. მისი მიღების ჩვენებებია: ტკივილისა და ანთების სიმპტომური მკურნალობა ისეთი დაავადებების დროს, როგორიცაა: მწვავე ართრიტი (მათ შორის პოდაგრა); ქრონიკული ართრიტი, განსაკუთრებით რევმატოიდული ართრიტი (ქრონიკული პოლიართრიტი); მაანკილოზებელი სპონდილიტი და ხერხემლის სხვა ანთებითი რევმატიული დაავადებები; სახსრების და ხერხემლის დეგენერაციული დაავადებების გამწვავება (ართრიტი და სპონდილოართრიტი); შემაერთებელი ქსოვილის ანთებითი რევმატოიდული დაავადება; ტრავმის შემდგომი მტკივნეული შეშუპება და ანთება.

უკუჩვენებები: იბუპროფენის ან პრეპარატის სხვა კომპონენტების მიმართ ჰიპერმგრძნობელობა; ანამნეზში ასთმური შეტევა, ცხვირის ლორწოვანის შეშუპება ან კანის რეაქციები აცეტილსალიცილის მჟავის ან არასტეროიდული ანთების საწინააღმდეგო სხვა საშუალების მიღების შემდეგ; უცნობი ეტიოლოგიის სისხლწარმოქმნის დარღვევა; კუჭ-თორმეტგოჯა ნაწლავის წყლულის და კუჭ-ნაწლავიდან სისხლდენის რეციდივი, მათ შორის ანამნეზში წყლულისა და სისხლდენის სულ მცირე 2 ეპიზოდი; კუჭისა და თორმეტგოჯა ნაწლავის სისხლდენის ან პერფორაციის ეპიზოდი ანამნეზში, რომელიც დაკავშირებულია არასტეროიდული რევმატიზმის ანთების საწინააღმდეგო საშუალებებით ადრე ჩატარებულ მკურნალობასთან; ქალაშიდა ჰემორაგია ან სხვა ტიპის აქტიური სისხლდენა; ღვიძლის ან თირკმლის ფუნქციის დარღვევა; გულის უკმარისობა; ორსულობის ბოლო ტრიმესტრი; ბავშვები და 12 წლამდე ასაკის მოზარდები.
შენახვის წესი: ინახება ბავშვებისთვის მიუწვდომელ ადგილას. არ გამოიყენება შეფუთვზე მითითებული ვადის გასვლის შემდეგ. შენახვის ვადა გულისხმობს მოცემული თვის ბოლო დღეს.

** **შემადგენლობა:

ერთი აპკიანი გარსით დაფარული ტაბლეტი შეიცავს:

იბუპროფენი BP --------------------------------------- 400 მგ

ფარმაკოლოგიური მოქმედება: ტკივილგამაყუჩებელი, ანთების საწინააღმდეგო საშუალება

ჩვენებები:

სუსტი ან საშუალო სიმძიმის ტკივილი, მათ შორის რევმატიული ტკივილი ზურგის არეში, ნევრალგია, შაკიკი, თავის ტკივილი, კბილის ტკივილი, პერიოდული ტკივილი.

დოზირება:

სტანდარტული დოზირება: მოზრდილები, ხანდაზმულები და ბავშვები 12 წლის ასაკიდან - 1 ტაბლეტი ორ-სამჯერ დღეში ჭამის დროს ან ჭამის შემდეგ. პრეპარატის მიღება არ შეიძლება 4 საათში ერთხელ პერიოდზე უფრო ხშირად ან 3 ჯერზე მეტად ყოველ 24 საათში, ან გამოყენებულ უნდა იქნას ექიმის დანიშნულებით.

გამოყენების მეთოდი: პერორალური

** **უკუჩვენებები:

პაციენტები რომელთაც აქვთ ანამნეზში ან მიმდინარე კუჭის წყლული. პაციენტები რომელთაც აღენიშნათ მომატებული მგრძნობელობის რეაქციები (მაგ. ასთმა, რინიტი ან ურტიკარია) იბუპროფენზე, ასპირინსა ან სხვა არასეტროიდულ ანთების საწინააღმდეგო პრეპარატებზე.

იბუპროფენი უკუნაჩვენებია პაციენტებში ღვიძლის მწვავე უკმარისობით.

** **გაფრთხილება & სიფრთხილის ზომები:

კუჭის წყლულის, სისხლდენის და პერფორაციის რისკი არასტეროიდული ანთების საწინააღმდეგო პრეპარატებით მკურნალობისას:

კუჭის წყლულის ტოქსიკურობა როგორიცაა სისხლდენა, წყლული და პერფორაცია, შესაძლოა განვითარდეს ნებისმიერ დროს აღნიშნული სიმპტომებით ან მის გარეშე პაციენტებში რომლებიც მკურნალობენ მუდმივად არასტეროიდული ანთების საწინააღმდეგო პრეპარატებით. იბუპროფენის მუდმივად მიღებისას საჭიროა სიფრთხილის ზომები.

ანაფილაქტოიდური რეაქციები:

შესაძლებელია გამოვლინდეს იმ პაციენტებშიც კი რომლებიც არ აღნიშნავენ იბუპროფენზე ადრე გამოვლენილ ზემოქმედებას, საჭიროა განსაკუთრებული სიფრთხილე იბუპროფენის გამოყენებისას პაციენტებში პეპტიური წყლულით და ასთმით ან ცხვირის პოლიპების სინდრომით, ანგიოდემით და ასპირინის იოდიდის ან სხვა არასტეროიდული, ანთების საწინააღმდეგო პრეპარატების მიმართ ბრონქოსპასტიური რეაქციებით ინდივიდებში .

პროგრესირებული თირკმლის დაავადება:

ასეთ პაციენტებში რეკომენდებულია თირკმლის პარამეტრების მჭიდრო მონიტორინგი.

** **გვერდითი ეფექტები:

იბუპროფენთან დაკავშრებული ძირითადი გვერდითი ეფექტები არის ის ეფექტები რომლებიც გავლენას ახდენს კუჭნაწლავის ტრაქტზე. პეპტიური წყლული, კუჭის ძლიერი ტკივილი ან ღებინება წარმოადგენს ძირითად გვერდით ეფექტებს. პერიოდულად ვლინდება არასპეციფიური გამონაყარი. თავის ტკივილი, დეპრესია და ძილიანობა წარმოადგენს ძალიან იშვიათ გვერდით მოვლენებს.

** **წამლებთან ურთიერთქმედება:

წამლებთან სერიოზული ურთიერთქმედება არ ვლინდება.

ასპირინი: არ შეიძლება ასპირინის და იბუპროფენის ერთობლივად გამოყენება, რადგან ამან შესაძლოა გამოიწვიოს პლაზმაში იბუპროფენის დონეების დაქვეითება.

მეტოტრექსატი: იბუპროფენმა შეიძლება გაზარდოს მეტოტრექსატის ტოქსიკურობა. საჭიროა სიფრთხილის ზომები ერთობლივად გამოყენებისას. აგფ-ინჰიბიტორები: იბუპროფენმა სესაძლოა შეამციროს აგფ-ინჰიბიტორების ანტი-ჰიპერტეზიული ეფექტები.

** **ორსულობა და ლაქტაცია:

არ არსებობს კარგად კონტროლირებული და ადექვატური კვლევები ორსულ ქალებში, ეს პრეპარატი უნდა იყოს გამოყენებული ორსულობის დროს, მხოლოდ აუცილებელი საჭიროების შემთხვევაში.

არსებულ მცირე რაოდენობით კვლევებში, იბუპროფენი გამოიყოფა დედის რძეში ძალიან მცირე კონცენტრაციებით და ნაკლებად სავარაუდოა რომ ახდენდეს გავლენას ძუძუზე მყოფ ბავშვზე.

** **დოზის გადაჭარბება:

სიმპტომები, როგორიცაა ღებინება, გულისრევა, თავბრუსხვევა და იშვიათად გონების დაკარგვა. დიდი დოზით პერედოზირება ზოგადად კარგად გადაიტანება თუ არ არის ჩართული სხვა პრეპარატები. მკურნალობა მოიცავს კუჭის ამორეცხვას და საჭიროების შემთხვევაში შრატში ელექტროლიტების კორქციას და სათანადო დამხმარე ზომებს.

** **შენახვა:

შეინახეთ არაუმეტეს 300C-ზე.

შეინახეთ ბავშვებისათვის მიუწვდომელ ადგილას.

** **გამოშვების ფორმა:

10 X 10 ტაბლეტი.

** **გაცემის წესი:

ფარმაცევტული პროდუქტის ჯგუფი III, გაიცემა რეცეპტის გარეშე