მიგ 400
MIG 400

გაიგე მეტი

საერთაშორისო დასახელება - ibuprofen

კლინიკურ-ფარმაკოლოგიური ჯგუფი - არასტეროიდული ანთების საწინააღმდეგო საშუალებები; პროპიონის მჟავას წარმოებული პრეპარატები გამოხატული ანალგეზიური ეფექტით

შემადგენლობა და გამოშვების ფორმა
10, 20, 30 და 50ც შემოგარსული ტაბლეტი

აქტიური ნივთიერება – იბუპროფენი.
1 შემოგარსული ტაბლეტი შეიცავს 400 მგ იბუპროფენს.
სხვა ინგრედიენტები:
ტაბლეტის ბირთვი
კარტოფილის სახამებელი (ევრ.ფარმ.), მაღალდისპერსული სილიციუმის ორჟანგი, ნატრიუმის კარბოქსიმეთილსახამებელი (A ტიპის) (ევრ. ფარმ.), მაგნიუმის სტეარატი (ევრ.ფარმ.) [მცენარეული].
გარსი
ჰიპრომელოზა, მაკროგოლი 4000, პოვიდონი K 30, ტიტანის ორჟანგი (E 171).
მიგ® 400, შემოგარსული ტაბლეტების არ შეიცავს ლაქტოზას. შესაბამისად, ის დასაშვებია პაციენტებისათვის ლაქტოზის აუტანლობით.

ჩვენებები
მიგ® 400 წარმოადგენს ანთების საწინააღმდეგო და ტკივილგამაყუჩებელი სამკურნალო საშუალებას (არასტეროიდული ანთების საწინააღმდეგო პრეპარატი/ანალგეტიკი) სიცხის დამწევი მოქმედებით.
მიგ ® 400 გამოიყენება
- მსუბუქიდან ზომიერი სიმძიმის ტკივილის დროს
- ცხელებისას
**
მიღების წესები და დოზები**

წონა(ასაკი) | ერთჯერადი დოზა
(ტაბლეტების რაოდენობა) | მაქს. საერთო დღიური დოზა
(ტაბლეტების რაოდენობა)
---|---|---
ტკივილებისა და ცხელების დროს
20 – 29 კგ 6-9 წ. | ½ შემოგარსული ტაბლეტი
(შეესაბამება 200 მგ იბუპროფენს) | 1½ შემოგარსული ტაბლეტი
(შეესაბამება 600 მგ იბუპროფენს)
30 – 39 კგ 10-12 წ. | ½ შემოგარსული ტაბლეტი
(შეესაბამება 200 მგ იბუპროფენს) | 2 შემოგარსული ტაბლეტი
(შეესაბამება 800 მგ იბუპროფენს)

40კგ (ბავშვები და
12 წელზეუფროსი მოზარდები, უფროსები) | ½ - 1 შემოგარსული ტაბლეტი
(შეესაბამება 200 - 400 მგ იბუპროფენს) | 3 შემოგარსული ტაბლეტი
(შეესაბამება 1200 მგ იბუპროფენს)

მიღების წესი
მაქსიმალური ერთჯერადი დოზის მიღების შემთხვევაში, საჭიროა მინიმუმ 6 საათი დაცდა შემდეგი დოზის მიღებამდე
. ხანდაზმული ავადმყოფები და პაციენტები კუჭისა და თორმეტგოჯა ნაწლავის ცნობილი წყლულოვანი დაავადებით:
პაციენტთა ამ ჯგუფმა უნდა დაიწყოს მინიმალური დოზით.
თირკმლის ან ღვიძლის უკმარისობა:
ავადმყოფებისათვის თირკმლის ან ღვიძლის მსუბუქიდან საშუალომდე შეზღუდვით დოზის შემცირება საჭირო არ არის.
მითითება ტაბლეტების გაყოფის შესახებ:
ტაბლეტი დაიჭირეთ ორივე ხელის საჩვენებელი და დიდი თითებით ნაზოლით ქვევით და, ნაზოლის გასწვრის დიდი თითების დაწოლით გატეხეთ ტაბლეტი.
გამოყენების ხანგრძლივობა
მხოლოდ ხანმოკლე გამოყენებისათვის.
პრეპარატის გამოყენება ოთხ დღეზე ხანგრძლივად ექიმთან კონსულტაციის გარეშე არ შეიძლება.
მიმართეთ ექიმს თუ გგონიათ, რომ პრეპარატის მოქმედება ძალიან ძლიერი ან ძალიან სუსტია.
გამოყენების წესი
მიგ® 400-ის შემოგარსული ტაბლეტები მიიღეთ დაუღეჭავად, დიდი რაოდენობა სითხის მიყოლებით (მაგალითად ერთი ჭიქა წყალი), არამშიერ კუჭზე. თუ მგრძნობიარე კუჭი გაქვთ, მიგ ® 400 მგ-ის მიღება რეკომენდებულია საკვებთან ერთად.
**
გვერდითი მოვლენები**
სხვა სამკურნალო საშუალებების მსგავსად, მიგ® 400 მგ-საც შეუძლია გამოიწვიოს გვერდითი მოვლენები. თუ შეამჩნიეთ ქვემოთ ჩამოთვლილი გვერდითი მოვლენების გამოვლინება, მიმართეთ ექიმს კონსულტაციისათვის, რომელიც მიიღებს გადაწყვეტილებას შემდეგი მკურნალობის შესახებ.
გვერდითი მოვლენების შეფასების საფუძველს სიხშირის შემდეგი კრიტერიუმები წარმოადგენს:
ძალიან ხშირად: 10 პაციენტიდან 1-ზე მეტი.
ხშირად: 10 პაციენტიდან 1-ზე ნაკლები, თუმცა 100 პაციენტიდან 1-ზე მეტი.
ზოგჯერ: 100 პაციენტიდან 1-ზე ნაკლები, თუმცა 1000 პაციენტიდან 1-ზე მეტი.
იშვიათად: 100 პაციენტიდან 1-ზე ნაკლები, თუმცა 10000 პაციენტიდან 1-ზე მეტი.
ძალიან იშვიათად: 10000 პაციენტიდან 1 ან 1-ზე ნაკლები ან შემთხვევები
უცნობია (არსებული მონაცემების საფუძველზე სიხშირის დადგენა შეუძლებელია).
შესაძლო გვერდითი მოვლენები:
შემდეგი გვერდითი მოვლენების ჩამონათვალი შეიცავს ყველა გვერდით მოქმედებას, რომლებსაც ადგილი ჰქონდათ იბუპროფენით მკურნალობისას, მ.შ. როდესაც ჩატარდა მკურნალობა მაღალი დოზებით რევმატიზმით დაავადებულ პაციენტებში. დადგენილი სიხშირე თითქმის ძალიან იშვიათ შემთხვევებამდე განეკუთვნება ხანმოკლე მკურნალობას ან დღიური დოზის მიღებას მაქს. 1200 მგ-მდე იბუპროფენი პერორალური წამლის ფორმისათვის (=3 ტაბლეტი) და მაქს. 1800 მგ-მდე სუპოზიტორიებისათვის.
მედიკამენტების მიღების შემდეგ უარყოფით მოვლენებთან მიმართებაში უნდა გავითვალისწინოთ, რომ ისინი დოზირებისა და პაციენტების ინდივიდუალური თავისებურებანის შესაბამისად ვარირებენ.
ყველაზე ხშირად აღინიშნებოდა საჭმლის მომნელებელი ტრაქტთან დაკავშირებული გვერდითი მოვლენები. შესაძლებელია კუჭისა და თორმეტგოჯა ნაწლავის წყლული (პეპტიური წყლულები), პერფორაციები ან სისხლდენები, ზოგჯერ ლეტალური გამოსავლით, განსაკუთრებით ხანდაზმულ პაციენტებში. პრეპარატის გამოყენების შემდეგ არსებობს გულისრევის, ღებინების, ფაღარათის, მეტეორიზმის, შეკრულობის, საჭმლის მონელების დარღვევის, მუცელში ტკივილის, ცვილისებრი განავალის, სისხლიანი პირღებინების, წყლულოვანი სტომატიტის, წყლულოვანი კოლიტისა და კრონის დაავადების გამწვავების შესახებ მონაცემები. Nნაკლები სიხშირით აღინიშნებოდა კუჭის ლორწოვანი გარსის ანთება(გასტრიტი).
არასტეროიდული ანთების საწინააღმდეგო პრეპარატების გამოყენებასთან დაკავშირებით აღწერილია შეშუპების, არტერიული წნევის მომატებისა და გულის უკმარისობის განვითარების შემთხვევები.
მიგ® 400 მგ ტიპის სამკურნალო პრეპარატებს, შეიძლება გარკვეული კავშირი ჰქონდეთ გულის შეტევების (“გულის ინფარქტი”) ან ინსულტების განვითარების მომატებულ რისკთან.
გულის დაავადებები
ძალიან იშვიათად: გახშირებული გულისცემა (ტაქიკარდია), გულის კუნთის სისუსტე (გულის უკმარისობა), მიოკარდიუმის ინფარქტი.
სისხლისა და ლიმფური სისტემის დაავადებები
ძალიან იშვიათად: სისხლწარმოქმნის დარღვევა (ანემია, ლეიკოპენია, თრომბოციტოპენია, პანციტოპენია, აგრანულოციტოზი).
პირველი ნიშნები შეიძლება იყოს: ცხელება, ტკივილი ყელში, ეროზიები პირის ღრუში, გრიპოზული სიმპტომები, ძლიერი დათრგუნვა, ცხვირიდან სისხლდენა, კანიდან სისხლდენები.
ამ შემთხვევებში აუცილებელია სასწრაფოდ შეწყვიტოთ პრეპარატის მიღება და მიმართოთ ექიმს. თვითმკურნალობა ნებისმიერი ტკივილგამაყუჩებელი და სიცხის დამწევი პრეპარატებით დაუშვებელია.
ნერვული სისტემის დაავადებები
ზოგჯერ, მაღალი დოზირების დროს ხშირად: ცენტრალური ნერვული სისტემის დარღვევები, როგორიცაა: თავის ტკივილი, თავბრუ, უძილობა, აგზნებადობა, გაღიზიანება, დაღლილობა.
თვალების დაავადებები
ზოგჯერ: მხედველობის დარღვევა.
ყურისა და შიდა ყურის ლაბირინთის დაავადებები
ძალიან იშვიათად: ხმაური ყურებში (ტინიტუსი), სმენის დარღვევა.
კუჭ-ნაწლავის ტრაქტის დაავადებები
ძალიან იშვიათად: კუჭ-ნაწლავის მხრივ სიმპტომები, როგორიცაა: გულძმარვა, ტკივილი მუცელში, გულისრევა, ღებინება, მეტეორიზმი, ფაღარათი, შეკრულობა და კუჭ- ნაწლავიდან უმნიშვნელო სისხლდნები, რომლებმაც გამონაკლის შემთხვევებში შეიძლება გამოიწვიოს ანემია.
ხშირად: კუჭის/თორმეტგოჯა ნაწლავის წყლულები (პეპტიური წყლულები), ზოგიერთ შემთხვევებში სისხლდენებითა და პერფორაციებით, პირის ლორწოვანი გარსის ანთება წყლულებით (წყლულოვანი სტომატიტი), წყლულოვანი კოლიტის ან კრონის დაავადების გამწვავება.
ძალიან იშვიათად: საყლაპავი მილისა (ეზოფაგიტი) და კუჭქვეშა ჯირკვლის (პანკრეატიტი) ანთება, წვრილ და მსხვილ ნაწლავში შეხორცებითი შევიწროებების წარმოქმნა (ნაწლავის სტრიქტურები).
მუცლის ზედა ნაწილში ძლიერი ტკივილების, სისხლიანი პირღებინების, სისხლიანი განავალის და/ან განავალის გაშავების დროს აუცილებელია პრეპარატის მიღების შეწყვეტა და ექიმთან კონსულტირება.
თირკმლებისა და საშარდე გზების დაავადებები
ზოგჯერ: სითხის შეკავების გახშირება შეშუპების წარმოქმნით, განსაკუთრებით პაციენტებში ჰიპერტონიით ან თირკმლების შეზღუდული ფუნქციით: ნეფროზული სინდრომი (ორგანიზმში სითხის დაგროვება [შეშუპებები] და შარდთან ერთად ცილის მნიშვნელოვანი გამოყოფა); თირკმლების ანთებითი დაავადებები (ინტერსტიციალური ნეფრიტი), რომელსაც შეიძლება თან ახლდეს თირკმლების ფუნქციის მწვავე დარღვევა.
ძალიან იშვიათად: შეიძლება გამოვლინდეს თირკმლის ქსოვილის დაზიანებები (თირკმლის დვრილების ნეკროზი) და სისხლში შარდმჟავას მომატებული კონცენტრაციები.
შარდის რაოდენობის შემცირება, ორგანიზმში სითხის დაგროვება (შეშუპება) და ზოგადი ცუდი განწყობილება შეიძლება თირკმლების დაავადებაზე მეტყველებდეს თირკმლების უკმარისობამდე.
აღნიშნული სიმპტომების გამოვლენისას ან გამწვავებისას აუცილებელია დაუყოვნებლივ შეწყვიტოთ წამლის მიღება და მიმართოთ ექიმს.
კანისა და კანქვეშა ქსოვილის დაავადებები
ძალიან იშვიათად: კანის მძიმე რეაქციები, როგორიცაა: კანზე გამონაყარი შეწითლებითა და ბუშტუკების წარმოქმნით (მაგალითად სტივენს-ჯონსის სინდრომი, ტოქსიკური ეპიდერმული ნეკროლიზი/ლაიელის სინდრომი). თმების ცვენა (გამელოტება).
გამონაკლის შემთხვევებში, ჩუთყვავილის და წითელი ქარის/შემომსალტველი ლიქენის დროს შესაძლებელია კანის მძიმე ინფექციები და რბილი ქსოვილების მხრივ გართულებების განვითარება (იხ. ასევე “ინფექციური პარაზიტული
ინფექციური და პარაზიტული დაავადებები
ძალიან იშვიათად: აღინიშნებოდა ინფექციური წარმოშობის ანთებითი პროცესების გამწვავება (მაგალითად, მანეკროზებელი ფასციტის განვითარება), რაც დაკავშირებული იყო გარკვეული არასტეროიდული ანთების საწინააღმდეგო პრეპარატების (მათ შორის მიგ® 400 მგ) გამოყენებასთან. ინფექციის პირველი ნიშნების (მაგალითად, შეწითლება, შესიება, ცხელება, ტკივილი) გამოვლენისას ან მათი გამწვავებისას აუცილებელია ექიმთან კონსულტაცია. იბუპროფენის გამოყენებისას აღინიშნებოდა თავის ტვინის გარსების ანთების სიმპტომები (ასეპტიური მენინგიტი), როგორებიცაა: თავის ძლიერი ტკივილები, გულისრევა, ღებინება, ცხელება, კეფის კუნთების რიგიდულობა ან ცნობიერების დაბინდვა. მომატებული რისკი დამახასიათებელია სავარაუდოდ პაციენტებისათვის გარკვეული აუტოიმუნური დაავადებებით (დისკოიდური წითელი მგლურა, შერეული კოლაგენოზი).
სისხლძარღვების დაავადებები
ძალიან იშვიათად: სისხლის მომატებული წნევა (არტერიული ჰიპერტონია).
იმუნური სისტემის დაავადებები (ჰიპერმგრძნობელობის რეაქციები)
ზოგჯერ: ჰიპერმგრძნობელობის რეაქცია კანზე გამონაყარითა და ქავილით, ასევე ასთმური შეტევებით (ზოგიერთ შემთხვევაში არტერიული წნევის დაქვეითებით).
ამ შემთხვევაში აუცილებელია დაუყოვნებლივ მიმართოთ ექიმს და შეწყვიტოთ მიგ ® 400 მგ-ის მიღება.
ძალიან იშვიათად: ჰიპერმგრძნობელობის ზოგადი მძიმე რეაქციები. გამოვლინებების შესაძლო ფორმები: სახის, ენისა და ხორხის შესიება სასუნთქი გზების შევიწროებით, ქოშინი, გახშირებული გულისცემა, არტერიული წნევის დაქვეითება სიცოცხლისათვის საშიშ შოკამდეც კი.
ამ სიმპტომთაგან ერთ-ერთის გამოვლენისას, საჭიროა გადაუდებელი სამედიცინო დახმარება. ასეთ შემთხვევებში აუცილებელია მიმართოთ ექიმს და შეწყვიტოთ მიგ® 400 მგ-ის მიღება.
ღვიძლისა და ნაღვლის ბუშტის დაავადებები
ძალიან იშვიათად: ღვიძლის ფუნქციის დარღვევა, ღვიძლის დაზიანება, განსაკუთრებით ხანგრძლივი თერაპიის დროს, ღვიძლის მწვავე უკმარისობა, ღვიძლის მწვავე ანთება (ჰეპატიტი).
ხანგრძლივი გამოყენებისას რეკომენდებულია ღვიძლის მაჩვენებლების რეგულარული კონტროლი.
ფსიქიატრიული დაავადებები
ძალიან იშვიათად: ფსიქოზური რეაქციები, დეპრესია. გთხოვთ აცნობოთ ექიმს ან აფთიაქის ფარმაცევტს ისეთი გვერდითი მოვლენების განვითარების შესახებ, რომელიც არ არის აღნიშნული ამ ინსტრუქციაში.
**
უკუჩვენება**
მიგ® 400-ის გამოყენება არ შეიძლება შემდეგი მდგომარეობების დროს:
- აქტიური ნივთიერება იბუპროფენის ან პრეპარატის შემადგენლობაში შემავალი ნებისმიერი კომპონენტის მიმართ ჰიპერმგრძნობელობა;
- წარსულში ალერგიული შეტევების არსებობა, აცეტილსალიცილის მჟავას ან სხვა რომელიმე არასტეროიდული ანთების საწინააღმდეგო პრეპარატის მიღების შემდეგ, როგორიცაა:
• ასთმის შეტევები
• ცხვირის ლორწოვანის შესიება
• რეაქციები კანის მხრივ (გაწითლება, გამონაყარი და სხვ.)v - სისხლის წარმოქმნის გაურკვეველი ეტიოლოგიის დარღვევები;
- არსებული ან წარსულში მრავალჯერადად განმეორებული კუჭის/თორმეტგოჯა ნაწლავის წყლული (პეპტიური წყლული) ან სისხლდენები (დადასტურებული წყლულის ან სისხლდენის სულ მცირე ორი სხვადასხვა ეპიზოდი);
- არასტეროიდული ანტირევმატული/ანთების საწინააღმდეგო პრეპარატების მიღებასთან დაკავშირებული სისხლდენა კუჭ-ნაწლავიდან ან პერფორაცია;
- შინაგანი სისხლდენა თავის ტვინში (ცერებრული სისხლდენები) ან სხვა აქტიური სისხლდენები;
- ღვიძლისა და თირკმელების ფუნქციის მძიმე დარღვევები;
- გულის მძიმე უკმარისობა;
- ორსულობის ბოლო ტრიმესტრი;
ბავშვები:
მიგ 400 6 წლამდე ასაკის ან 20 კგ-მდე წონის ბავშვებში არ გამოიყენება, ვინაიდან არსებული დოზირება, როგორც წესი, მათთვის შესაფერისი არ არის.
**
ორსულობა და ლაქტაცია
ორსულობა
თუ, მიგ® 400 მგ-ის გამოყენებისას დადასტურდა ორსულობა, უნდა აცნობოთ ამის შესახებ ექიმს, ორსულობის პირველი და მეორე ტრიმესტრების განმავლობაში იბუპროფენის გამოყენება დასაშვებია მხოლოდ ექიმთან კონსულტაციის შემდეგ. ორსულობის ბოლო ტრიმესტრში მიგ® 400 მგ-ის გამოყენება დაუშვებელია ნაყოფისა და დედის ორგანიზმში გართულებების განვითარების მომატებული რისკის გამო.
ლაქტაცია
აქტიური ნივთიერება იბუპროფენი და მისი დაშლის შესაბამისი პროდუქტები დედის რძეში მხოლოდ უმნიშვნელო კონცენტრაციებით გადადიან. ვინაიდან ჩვილისათვის უარყოფითი შედეგები ჯერ კიდევ უცნობია, იბუპროფენის ხანმოკლე გამოყენებისას, ძუძუთი კვების შეწყვეტას ადგენს ექიმი. მიუხედავად ამისა, ხანგრძლივი ვადით ან მაღალი დოზირებით პრეპარატის დანიშვნის შემთხვევაში შეიძლება მიზანშეწონილი აღმოჩნდეს ძუძუთი კვების ადრეული შეწყვეტა.
**
განსაკუთრებული მითითებები
გვერდითი მოვლენების შესამცირებლად სასურველია უმცირესი ეფექტური დოზის გამოყენება მინიმალური ვადის განმავლობაში, რომელიც აუცილებელია სიმპტომების გასაკონტროლებლად.
უსაფრთხოება კუჭ-ნაწლავის ტრაქტისათვის
მიგ ® 400-ის მიღება არ არის რეკომენდებული ერთდროულად სხვა არასტეროიდულ ანთების საწინააღმდეგო პრეპარატებთან ერთად, ე.წ. ცოგ-2-ის (ციკლოოქსიგენაზა-2-ის ინჰიბიტორები) ინჰიბიტორების ჩათვლით.
ხანდაზმული პაციენტები:
ხანდაზმულებში, არასტეროიდული ანთების საწინააღმდეგო პრეპარატების მიღების შემდეგ, გვერდითი მოვლენები უფრო ხშირად ვითარდება, განსაკუთრებით შინაგანი სისხლდენა და კუჭისა და ნაწლავების პერფორაცა, რომლებიც გარკვეულ პირობებში შეიძლება სიცოცხლისათვის სახიფათო აღმოჩნდეს. აქედან გამომდინარე, ხანდაზმულები განსაკუთრებულ სამედიცინო მეთვალყურეობას საჭიროებენ.
ნებისმიერი არასტეროიდული ანთების საწინააღმდეგო პრეპარატის მიღებისას აღინიშნებოდა კუჭ-ნაწლავის ტრაქტიდან სისხლდენების, წყლულებისა და პერფორაციების განვითარების შემთხვევები, მათ შორის ლეტალური გამოსავალით. ამ მოვლენებს ადგილი ჰქონდა წინასწარი გამაფრთხილებელი სიმპტომების გამოვლინებების ან ავადმყოფობის ისტორიაში თერაპიის ნებისმიერ მომენტში კუჭ-ნაწლავის მძიმე შემთხვევების გარეშე.
კუჭ-ნაწლავის ტრაქტიდან სისხლდენის, წყლულისა და პერფორაციის განვითარების რისკი მატულობს არასტეროიდული ანთების საწინააღმდეგო პრეპარატების დოზების მომატებასთან ერთად, წყლულით დაავადებულ პაციენტებში, განსაკუთრებით სისხლდენით ან პერფორაციით გართულებების დროს, ასევე ხანდაზმულ პაციენტებში. ასეთი ავადმყოფების მკურნალობა რეკომენდებულია დაწყებულ იქნეს მინიმალური დოზირებით.
ასეთ პაციენტებში, ასევე პაციენტებში, რომლებიც საჭიროებენ თანმხლებ თერაპიას აცეტილსალიცილის მჟავათი ან სხვა პრეპარატებით, რომლებიც ზრდიან კუჭ-ნაწლავის დაავადებების განვითარების საშიშროებას, შეიძლება ნაჩვენები იყოს კომბინაციური თერაპია კუჭის ლორწოვანი გარსის დამცავი პრეპარატების გამოყენებით.
თუ ადრე კუჭ-ნაწლავის ტრაქტის მხრივ აღინიშნებოდა გვერდითი მოვლენები, განსაკუთრებით ხანდაზმულ ასაკში, მაშინ აუცილებლად უნდა აცნობოთ მკურნალ ექიმს მუცლის ღრუში ნებისმიერი უჩვეულო სიმპტომის განვითარების შესახებ (უპირველეს ყოვლისა შინაგანი სისხლდენის სიმპტომების), განსაკუთრებით მკურნალობის დასაწყისში. განსაკუთრებული ყურადღება რეკომენდებულია იმ შემთხვევაში, თუ პაციენტი ერთდროულად ღებულობს პრეპარატებს, რომლებიც წყლულის ან სისხლდენების წარმოქმნის საშიშროებას ზრდიან, მაგალითად, პერორალური კორტიკოსტეროიდები, ვარფარინის ტიპის ანტიკოაგულანტები, სეროტონინის უკუ-მიტაცების სელექტიური ინჰიბიტორები, რომლებიც მათ შორის დეპრესიული მდგომარეობების სამკურნალოდ გამოიყენებიან, ან თრომბოციტების აგრეგაციის-აცეტილსალიცილის მჟავას ტიპის ინჰიბიტორები.
თუ მიგ® 400 -ით მკურნალობის დროს განვითარდა შინაგანი სისხლდენა კუჭ-ნაწლავის ტრაქტიდან ან წყლული, მკურნალობა უნდა შეწყდეს.
არასტეროიდული ანთების საწინააღმდეგო პრეპარატების გამოყენებისას, მდგომარეობის გაუარესების შესაძლებლობის გამო პაციენტებში კუჭ-ნაწლავის დაავადებებით (წყლულოვანი კოლიტი, კრონის დაავადება) სიფრთხილეა საჭირო.
გულ-სისხლძარღვთა სისტემაზე მოქმედება
მიგ® 400-ის ტიპის სამკურნალო პრეპარატებს, შესაძლოა კავშირი ჰქონდეთ გულის შეტევების (“მიოკარდიუმის ინფარქტი”) ან ინსულტების განვითარების რისკის უმნიშვნელო მომატებასთან. ნებისმიერი რისკი მატულობს დოზის მომატებასთან ერთად ან პრეპარატის ხანგრძლივი გამოყენებისას. რეკომენდებულ დოზირებას და მიღების ხანგრძლივობას ნუ გადააჭარბებთ (მაქსიმუმი 4 დღე).
გულის პრობლემების არსებობისას, გადატანილი ინსულტისას ან ამ დაავადებების განვითარების რისკის არსებობისას (მაგალითად, გამოვლენილი მაღალი არტერიული წნევა, დიაბეტი, ქოლესტერინის მომატება ან თუ პაციენტი თამბაქოს მწეველია), მკურნალობა განხილულ უნდა იქნას ექიმთან.
კანის რეაქციები
არასტეროიდული ანთების საწინააღმდეგო პრეპარატებით მკურნალობისას იშვიათად აღინიშნებოდა კანის რეაქციები კანის გაწითლებითა და ბუშტუკების წარმოქნით, ზოგჯერ ლეტალური გამოსავლით (ექსფოლიაციური დერმატიტი, სტივენს-ჯონსის სინდრომი და ტოქსიკური ეპიდერმული ნეკროლიზი/ლაიელის სინდრომი).
მსგავსი რეაქციების განვითარების ყველაზე დიდი რისკი არსებობს, განსაკუთრებით მკურნალობის დასაწყისში, ვინაიდან აღნიშნული რეაქციების შემთხვევათა უმრავლესობა მკურნალობის პირველი თვის განმავლობაში ვითარდებოდა.
კანზე გამონაყარის, პირის ღრუს ლორწოვანის დაზიანების ან ჰიპერმგრძნობელობის სხვა გამოვლინებების განვითარების პირველი ნიშნებისას აუცილებელია შეწყვიტოთ მიგ® 400 -ის გამოყენება და სასწრაფოდ მიმართოთ ექიმს.
სხვა მითითებანი
- გარკვეული აუტოიმუნური დაავადებების დროს (სისტემური წითელი მგლურა ან შერეული კოლაგენოზი) მიგ 400-ის გამოყენება შეიძლება მხოლოდ სარგებლისა და რისკის შეფასების შემდეგ. ეს ნაკარნახევია თავის ტვინის გარსის არაინფექციური ანთების სიმპტომების განვითარების რისკით (ასეპტიური მენინგიტი).
განსაკუთრებული სამედიცინო მეთვალყურეობა საჭიროა:
- კუჭ-ნაწლავის ტრაქტის დარღვევების ან ნაწლავის ქრონიკული ანთებითი დაავადებების (წყლულოვანი კოლიტი, კრონის დაავადება) არსებობისას დაავადების ისტორიაში
- სისხლის მაღალი წნევისას ან გულის უკმარისობისას
- ღვიძლისა და თირკმლების ფუნქციის დარღვევისას
- უშუალოდ მძიმე ქირურგიული ჩარევების შემდეგ
- ალერგიების დროს (მაგალითად, კანის რეაქციები სხვა მედიკამენტებზე, ასთმა, თივის ციება), ცხვირის ლორწოვანი გარსის ქრონიკული შესიების ან სასუნთქი გზების ქრონიკული დაავადებების დროს მათი შევიწროვებისას.
ჰიპერმგრძნობელობის მძიმე მწვავე რეაქციები (მაგალითად, ანაფილაქსიური შოკი) ძალიან იშვიათად აღინიშნებოდა. მიგ® 400-ის მიღების შემდეგ, ჰიპერმგრძნობელობის რეაქციის პირველი ნიშნების განვითარებისას მკურნალობა უნდა შეწყდეს.
იბუპროფენის შემცველი სამკურნალო საშუალებების ერთდროულმა გამოყენებამ შეიძლება გააუარესოს დაბალდოზირებული აცეტილსალიცილის მჟავას მაინჰიბირებელი მოქმედება თრომბოციტების აგრეგაციაზე (სისხლის თრომბების წარმოქმნის პროფილაქტიკა). ასეთ შემთხვევაში იბუპროფენის შემცველი პრეპარატების მიღება დაშვებულია მხოლოდ ექიმის დანიშნულებით.
თუ ერთდროულად ღებულობთ სისხლის შედედების ინჰიბიტორებს ან შაქრის დონის დამაქვეითებელ პრეპარატებს, რეკომენდებულია სისხლის შედებებისა და სისხლში შაქრის მაჩვენებლების კონტროლი პროფილაქტიკური მიზნებით.
მიგ® 400 მგ-ის ხანგრძლივი გამოყენებისას აუცილებელია ღვიძლის ფუნქციის მაჩვენებლების, თირკმლების ფუნქციისა და სისხლის სურათის რეგულარული კონტროლი.
ქირურგიულ ოპერაციამდე მიგ® 400 მგ-ის მიღებისას აუცილებელია ექიმთან ან სტომატოლოგთან კონსულტაცია.
ანალგეზიური საშუალებების ხანგრძლივი გამოყენებისას შეიძლება განვითარდეს თავის ტკივილები. მათი მკურნალობისათვის მედიკამენტის დოზის მომატება არ არის დაშვებული. თუ მიგ® 400 მგ-ის მიღების მიუხედავად ხშირია თავის ტკივილები საჭიროა ექიმთან მიმართვა.
პრინციპში, ჩვევად ქცეული ანალგეტიკის მიღებამ, განსაკუთრებით რამდენიმე ტკივილგამაყუჩებელ საშუალებასთან კომბინაციაში, შეიძლება გამოიწვიოს ქრონიკული ნეფროტოქსიურობა თირკმლების უკმარისობის განვითარების საშიშროებით (ანალგეტიკური ნეფროპათია).
პროსტაგლანდინების სინთეზის მაინჰიბირებელი სხვა მედიკამენტების მსგავსად, მიგ ® 400 მგ-ს შეუძლია გაართულოს დაორსულება. თუ დაორსულებას გეგმავთ ან სირთულეები გაქვთ დაორსულებასთან დაკავშირებით, მიმართეთ ექიმს.
საგზაო მოძრაობებში მონაწილეობა, ავტომობილის მართვა და მექანიზმებთან მუშაობა
ვინაიდან მაღალ დოზირებებში მიგ® 400 მგ შეიძლება ავლენდეს არასასურველ ზემოაქმედებას ცეტრალურ ნერვულ სისტემაზე, მაგალითად გამოიწვიოს ძილიანობა და თავბრუ, ცალკეულ შემთხვევებში შეუძლია რეაქციის შენელება და შესაბამისად საგზაო მოძრაობებში აქტიურად მონაწილეობის, ავტომობილის მართვისა და მექანიზმებთან მუშაობის უნარის გაუარესება. ეს ეფექტი ალკოჰოლის არსებობისას ძლიერდება. ამ შემთხვევაში თქვენ ვერ შეძლებთ საკმაოდ სწრაფად და ზუსტად მოახდინოთ რეაგირება გაუთვალისწინებელ, უეცარ შემთხვევებზე. მოერიდეთ ავტომობილის ან სხვა სატრანსპორტო საშუალებების მართვას! ნუ იმუშავებთ მანქანა-დანადგარებთან! ნუ იმუშავებთ პირობებში, როდესაც საშიშია წონასწორობის დაკარგვა
**
ჭარბი დოზირება**
მიგ® 400, შემოგარსული ტაბლეტები მიიღეთ ექიმის მითითებების ან ინსტრუქციაში მოცემული დოზირების შესაბამისად. თუ პრეპარატის მოქმედება თქვენ არასაკმარისად გეჩვენებათ, დამოუკიდებლად ნუ გაზრდით დოზირებას, მიმართეთ თქვენს მკურნალ ექიმს.
ჭარბი დოზირების სიმპტომები შეიძლება იყოს:
- ცენტრალური ნერვული სისტემის მხრივ დარღვევები, როგორიცაა: თავის ტკივილი, თავბრუ, მოძრაობის შენელება და ცნობიერების დაკარგვა (ბავშვებში ასევე მიოკლონური კრუნჩხვები),
- დარღვევები კუჭ-ნაწლავის მხრივ, როგორიცაა ტკივილები მუცელში, გულისრევა და ღებინება,
- ღვიძლისა და თირკმლების ფუნქციის დარღვევები.
- არტერიული წნევის დაქვეითება,
- ქოშინი (სუნთქვის დათრგუნვა),
- კანისა და ლორწოვანი გარსების სილურჯე (ციანოზი).
სპეციალური ანტიდოტი არ არსებობს.
ჭარბ დოზირებაზე ეჭვის დროს, გთხოვთ მიმართოთ თქვენს ექიმს. საჭიროების შემთხვევაში ექიმი დახმარების შესაბამის ზომებს მიიღებს, მოწამვლის სიმძიმის და მიხედვით.
თუ დაგავიწყდათ მიგ® 400-ის მიღება
თუ დაგავიწყდათ/გამოტოვეთ პრეპარატის მიღება, შემდეგი მიღებისას ნუ გაზრდით ჩვეულ რეკომენდებულ დოზას.
**
სხვა წამლებთან ურთიერთქმედება**
თუ პაციენტი ღებულობს ან ეხლახანს ღებულობდა სხვა მედიკამენტებს, მათ შორის ურეცეპტო პრერატებს, მან აუცილებლად უნდა აცნობოთ ამის შესახებ ექიმს ან აფთიაქის ფარმაცევტს.
სამკურნალო პრეპარატების ან ქვევით აღწერილი ჯგუფის პრეპარატების მოქმედება შეიძლება შეიცვალოს მიგ® 400-სთან ერთად გამოყენებისას.
მოქმედების და/ან გვერდითი მოქმედებების გაძლიერება:
• დიგოქსინი (კარდიოტონული პრეპარატი)
• ფენიტოინი (ეპილეფსიის სამკურნალო პრეპარატი) • ლითიუმთან (ფსიქიკური დაავადებების სამკურნალო პრეპარატი) ლითიუმის, დიგოქსინისა და ფენიტოინის სწორად გამოყენებისას პლაზმაში კონცენტრაციის კონტროლი, როგორც წესი, საჭირო არ არის (მაქსიმუმ 4 დღის განმავლობაში).
- სისხლის კოაგულაციის დამწევი საშუალებები
- მეთოტრექსატი (კიბოსა და რევმატიული ტიპის გარკვეული დაავადებების სამკურნალო საშუალებები): მიგ® 400-ის გამოყენებამ 24 საათის განმავლობაში მეთოტრექსატის გამოყენებამდე ან მის შემდეგ შეიძლება გამოიწვიოს მეთოტრექსატის კონცენტრაციის გაზრდა და მისი ტოქსიკური მოქმედების გაძლიერება.
- აცეტილსალიცილის მჟავა, ანთების საწინააღმდეგო ტკივილგამაყუჩებელი სხვა საშუალებები, ცოგ-2 (ასაპ) ინჰიბიტორების ჩათვლით, სეროტონინის უკუ-მიტაცების სელექციური ინჰიბიტორები (დეპრესიული მდგომარეობის სამკურნალო საშუალებები), ასევე კორტიზონის (გლუკოკორტიკოიდები): კუჭ-ნაწლავიდან სისხლდენის მომატებული რისკი;
- სამკურნალო საშუალებებს, რომლებიც შეიცავენ პრობენეციდს ან სულფინპირაზონს (პოდაგრის სამკურნალო საშუალებები) შეუძლიათ შეაკავონ ორგანიზმიდან იბუპროფენის გამოყოფა. ამის შედეგად შესაძლოა მოხდეს ორგანიზმში იბუპროფენის დაგროვება მისი არასასურველი მოქმედების შესაბამისი გაძლიერებით.
მოქმედების შესუსტება:
- შარდმდენი და ჰიპოტენზიული პრეპარატები (დიურეზულები და ანტიჰიპერტენზულები).
- აგფ-ის ინჰიბიტორები (ჰიპერტონიის სამკურნალო პრეპარატები) მოქმედების შესუსტება. შეიძლება გამოიწვიოს თირკმლის ფუნქციის დარღვევების განვითარების მომატებული რისკი.
- დაბალდოზირებული აცეტილსალიცილის მჟავა: თრომბოციტების აგრეგაციაზე დაბალდოზირებული აცეტილსალიცილის მჟავას მაინჰიბირებელი მოქმედება შეიძლება შესუსტდეს.
სხვა შესაძლო ურთიერთქმედებები:
- ზიდოვუდინი (შიდსის სამკურნალო საშუალება): აივ-ინფიცირებულ ავადმყოფებში სახსრებში სისხლჩაქცევებისა და ჰემატომების რისკის მომატება.
- ციკლოსპორინი (იმუნური პასუხის დამაქვეითებელი საშუალება, რომელიც გამოიყენება ტრანსპლანტაციის შემდეგ ან რევმატიზმის სამკურნალოდ): იზრდება თირკმლებზე უარყოფითი მოქმედების რისკი.
- ტაკროლიმუსი: ერთდროული გამოყენება ზრდის თირკმლების დაზიანების რისკს.
- კალიუმის შემანარჩუნებელი შარდმდენი საშუალებები (გარკვეული დიურეზულები): ერთდროულად გამოყენებამ შეიძლება გამოიწვიოს სისხლში კალიუმის კონცენტრაციის მომატების რისკი.
- სულფონილშარდოვანას ნაწარმები (სისხლში შაქრის დონის დამწევი საშუალებები): სულფონილშარდოვანასთან სამკურნალო ურთიერთქმედების შესახებ შესაბამისი ინფორმაციის არარსებობის მიუხედავად, ამ სამკურნალო საშუალებების ერთდროული გამოყენებისას პროფილაქტიკური მიზნებით რეკომენდებულია სისხლში შაქრის დონის კონტროლი.
- ანტიკოაგულანტები: არსებობს ცალკეული მონაცემები იბუპროფენისა და ანტიკოაგულანტების ურთიერთქმედების შესახებ. ერთდროულად გამოყენებისას საჭიროა სისხლის შედედების კონტროლი.
საკვებ პროდუქტებთან და სასმელებთან ერთად მიგ® 400 -ის მიღებისას
მიგ® 400-ის მიღებისას ალკოჰოლის მოხმარება არ არის რეკომენდებული, ვინაიდან იზრდება კუჭ-ნაწლავის ტრაქტზე ან ცენტრალურ ნერვულ სისტემაზე ზემოქმედების განვითარების რისკი.

შენახვის პირობები
წამალი შეინახეთ ბავშვებისათვის მიუწვდომელ ადგილას. მუყაოს კოლოფზე აღნიშნული ვარგისიანობის ვადის გასვლის შემდეგ პრეაპარატი გამოყენება აკრძალულია. ეს სამკურნალო საშუალება შენახვის სპეციალურ პირობებს არ საჭიროებს.
შენახვის ვადა __ 3წელი
**
აფთიაქში გაცემის წესი**
რეცეპტის გარეშე

მწარმოებელი ფირმა, ქვეყანა
BERLIN-CHEMIE AG
გერმანია

საერთაშორისო დასახელება - ibuprofen
კლინიკურ-ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → პროპიონის მჟავას წარმოებული პრეპარატები გამოხატული ანალგეზიური ეფექტით

ჩვენებები
სახსრებისა და ხერხემლის ანთებითი-დეგენერაციული დაავადებები (მათ შორის - რევმატიული და რევმატოიდული ართრიტები, მაანკილიზებელი სპონდილიტი, ოსტეოართროზი), სახსრების სინდრომი პოდაგრის გამწვავების პერიოდში;
ფსორიაზული ართრიტი, მაანკილოზებელი სპონდილიტი, ტენდინიტი, ბურსიტი, რადიკულიტი, რბილი ქსოვილების და საყრდენ-მამოძრავებელი აპარატის ტრავმული ანთება;
ნევრალგია, მიალგია, ტკივილის სინდრომი ყელ-ყურ-ცხვირის ინფექციურ-ანთებითი დაავადებების და ადნექსიტის დროს;
ალგოდისმენორეა, თავის ტკივილი, კბილის ტკივილი;
ფებრილური მდგომარეობა (ცხელება) ინფექციურ-ანთებითი დაავადებების დროს.

დოზირების რეჟიმი
ინდივიდუალურია, დაავადების ნოზოლოგიური ფორმისა და კლინიკურ გამოვლინებათა სიმძიმის მიხედვით.
პერორალური გზით მიღებული ან რექტალურად (სწორ ნაწლავში) შეყვანილი იბუპროფენის დოზა ზრდასრულებში 200-800 მგ შეადგენს, მიღების სიხშირე 3-4-ჯერ დღეში;
ბავშვებში სადღეღამისო დოზაა 20-40 მგ/კგ რამდენიმე მიღებაზე განაწილებული.
მაქსიმალური დოზა ზრდასრულებისათვის: 2-4 გ მიღების ორივე წესის შემთხვევაში (პერორალურად ან რექტალურად).

გვერდითი მოვლენები
მომნელებელ სისტემაში: ხშირია გულისრევა, უმადობა, ღებინება, დისკომფორტი ეპიგასტრიუმში, ფაღარათი; მოსალოდნელია კუჭ-ნაწლავის არხის ეროზიულ-წყლულოვანი დაზიანებაც, იშვიათად - სისხლდენა; ხანგრძლივი მიღების შედეგად მოსალოდნელია ღვიძლის ფუნქციის მოშლაც.
ცენტრალურ ნერვულ სისტემაში ხშირია თავის ტკივილი, თავბრუ, ძილის მოშლილობა, აგზნება, გადახრები მხედველობაში.
სისხლის წარმომქმნელ სისტემაში: ხანგრძლივი მიღების შედეგად მოსალოდნელია ანემია, თრომბოციტოპენია, აგრანულოციტოზი.
შარდის გამომყოფ სისტემაში: ხანგრძლივი მიღების შედეგად მოსალოდნელია თირკმლის ფუნქციის მოშლა.
ალერგიული რეაქციები: ხშირია კანზე გამონაყარი, კვინკეს შეშუპება; იშვიათად - ასეპტიკური მენინგიტი (უპირატესად აუტოიმუნური დაავადებების შემთხვევებში); ბრონქოსპაზმური სინდრომი.
ადგილობრივი რეაქციები: გარეგანი ხმარების დროს მოსალოდნელია კანის ჰიპერემია, წვისა და ჩხვლეტის შეგრძნება.

უკუჩვენებები

• კუჭისა და ნაწლავების ეროზიულ-წყლულოვანი დაავადებები გამწვავების ფაზაში;
• მხედველობის ნერვის დაავადება - „ასპირინული ტრიადა“, დარღვევები სისხლის წარმოქმნაში;
• აშკარა გადახრები თირკმლისა ან ღვიძლის ფუნქციებში;
• ჭარბი მგრძნობელობა იბუპროფენისადმი.

საერთაშორისო დასახელება - ibuprofen
კლინიკურ-ფარმაკოლოგიური ჯგუფი: ანთების საწინააღმდეგო საშუალებები → არასტეროიდული ანთების საწინააღმდეგო საშუალებები → არასტეროიდული ანთების საწინააღმდეგო საშუალებები სისტემური გამოყენებისათვის → პროპიონის მჟავას წარმოებული პრეპარატები გამოხატული ანალგეზიური ეფექტით

ჩვენებები
სახსრებისა და ხერხემლის ანთებითი-დეგენერაციული დაავადებები (მათ შორის - რევმატიული და რევმატოიდული ართრიტები, მაანკილიზებელი სპონდილიტი, ოსტეოართროზი), სახსრების სინდრომი პოდაგრის გამწვავების პერიოდში;
ფსორიაზული ართრიტი, მაანკილოზებელი სპონდილიტი, ტენდინიტი, ბურსიტი, რადიკულიტი, რბილი ქსოვილების და საყრდენ-მამოძრავებელი აპარატის ტრავმული ანთება;
ნევრალგია, მიალგია, ტკივილის სინდრომი ყელ-ყურ-ცხვირის ინფექციურ-ანთებითი დაავადებების და ადნექსიტის დროს;
ალგოდისმენორეა, თავის ტკივილი, კბილის ტკივილი;
ფებრილური მდგომარეობა (ცხელება) ინფექციურ-ანთებითი დაავადებების დროს.

დოზირების რეჟიმი
ინდივიდუალურია, დაავადების ნოზოლოგიური ფორმისა და კლინიკურ გამოვლინებათა სიმძიმის მიხედვით.
პერორალური გზით მიღებული ან რექტალურად (სწორ ნაწლავში) შეყვანილი იბუპროფენის დოზა ზრდასრულებში 200-800 მგ შეადგენს, მიღების სიხშირე 3-4-ჯერ დღეში;
ბავშვებში სადღეღამისო დოზაა 20-40 მგ/კგ რამდენიმე მიღებაზე განაწილებული.
მაქსიმალური დოზა ზრდასრულებისათვის: 2-4 გ მიღების ორივე წესის შემთხვევაში (პერორალურად ან რექტალურად).

გვერდითი მოვლენები
მომნელებელ სისტემაში: ხშირია გულისრევა, უმადობა, ღებინება, დისკომფორტი ეპიგასტრიუმში, ფაღარათი; მოსალოდნელია კუჭ-ნაწლავის არხის ეროზიულ-წყლულოვანი დაზიანებაც, იშვიათად - სისხლდენა; ხანგრძლივი მიღების შედეგად მოსალოდნელია ღვიძლის ფუნქციის მოშლაც.
ცენტრალურ ნერვულ სისტემაში ხშირია თავის ტკივილი, თავბრუ, ძილის მოშლილობა, აგზნება, გადახრები მხედველობაში.
სისხლის წარმომქმნელ სისტემაში: ხანგრძლივი მიღების შედეგად მოსალოდნელია ანემია, თრომბოციტოპენია, აგრანულოციტოზი.
შარდის გამომყოფ სისტემაში: ხანგრძლივი მიღების შედეგად მოსალოდნელია თირკმლის ფუნქციის მოშლა.
ალერგიული რეაქციები: ხშირია კანზე გამონაყარი, კვინკეს შეშუპება; იშვიათად - ასეპტიკური მენინგიტი (უპირატესად აუტოიმუნური დაავადებების შემთხვევებში); ბრონქოსპაზმური სინდრომი.
ადგილობრივი რეაქციები: გარეგანი ხმარების დროს მოსალოდნელია კანის ჰიპერემია, წვისა და ჩხვლეტის შეგრძნება.

უკუჩვენებები

• კუჭისა და ნაწლავების ეროზიულ-წყლულოვანი დაავადებები გამწვავების ფაზაში;
• მხედველობის ნერვის დაავადება - „ასპირინული ტრიადა“, დარღვევები სისხლის წარმოქმნაში;
• აშკარა გადახრები თირკმლისა ან ღვიძლის ფუნქციებში;
• ჭარბი მგრძნობელობა იბუპროფენისადმი.

1. მიგ® 400-ის აღწერა და გამოყენება.

მიგ® 400 წარმოადგენს ანთების საწინააღმდეგო და ტკივილგამაყუჩებელ სამკურნალო საშუალებას (არასტეროიდული ანთების საწინააღმდეგო პრეპარატი, აასს) სიცხის დამწევი მოქმედებით.

მიგ® 400 გამოიყენება სიმპტომური მკურნალობისთვის შემდეგ შემთხვევებში:

- მსუბუქი და საშუალო სიმძიმის ტკივილი;

- ცხელება.

**2. პრეპარატი მიგ® 400-ის მიღებამდე **

პრეპარატი მიგ® 400 არ გამოიყენება შემდეგ შემთხვევებში:

- მომატებული მგრძნობელობა იბუპროფენის ან პრეპარატის ნებისმიერი კომპონენტის მიმართ;

- წარსულში ალერგიული რეაქციების არსებობა, აცეტილსალიცილის მჟავის ან სხვა არასტეროიდული ანთების საწინააღმდეგო პრეპარატების მიღების შემდეგ, როგორიცაა:

• ასთმის შეტევები

• ცხვირის ლორწოვანის შესიება

• რეაქციები კანის მხრივ (გაწითლება, გამონაყარი და სხვ.);

- სისხლის წარმოქმნის გაურკვეველი ეტიოლოგიის დარღვევა;

- ამჟამად არსებული ან წარსულში კუჭის ან თორმეტგოჯა ნაწლავის მორეციდივე წყლული (პეპტიური წყლული) ან სისხლდენა (დადასტურებული წყლულის ან სისხლდენის ორი ან მეტი სხვადასხვა ეპიზოდი);

- არასტეროიდული ანთების საწინააღმდეგო საშუალებებით ჩატარებულ თერაპიასთან დაკავშირებული სისხლდენა კუჭ-ნაწლავის ტრაქტიდან ან პერფორაცია წარსულში;

- სისხლჩაქცევა თავის ტვინში (ცერებრო-ვასკულური სისხლდენა) ან სხვა სისხლდენა, რომელსაც ადგილი აქვს ამჟამად;

- თირკმელების ან ღვიძლის ფუნქციის მძიმე დარღვევა;

- გულის მძიმე უკმარისობა;

- ორსულობის ბოლო ტრიმესტრი.

ბავშვები

მიგ® 400 არ გამოიყენება 6 წლამდე ასაკის ან 20 კგ-მდე წონის ბავშვებში, ვინაიდან არსებული დოზირება, როგორც წესი, მათთვის შესაფერისი არ არის.

განსაკუთრებული სიფრთხილე პრეპარატი მიგ® 400 გამოყენებისას

გვერდითი მოქმედების მინიმუმამდე დაყვანა შესაძლებელია პრეპარატის უმცირესი ეფექტური დოზის რაც შეიძლება მოკლე დროის განმავლობაში მიღების გზით, რაც აუცილებელია მდგომარეობის გაუმჯობესებისათვის.

ანამნეზში ნებისმიერი ჩამოთვლილი მოვლენის არსებობის შემთხვევაში პრეპარატი მიგ® 400-ის მიღებამდე კონსულტაციისათვის მიმართეთ ექიმს.

უსაფრთხოება კუჭ-ნაწლავის ტრაქტის მხრივ

მოერიდეთ პრეპარატი მიგ® 400-ის და სხვა არასტეროიდული ანთების საწინააღმდეგო საშუალებების ერთდროულად მიღებას, ე.წ. ციკლოოქსიგენაზა-2-ის ინჰიბიტორების (ციკლოოქსიგენაზა-2-ის სელექციური ინჰიბიტორების) ჩათვლით.

ხანდაზმული პაციენტები:

ხანდაზმულ პაციენტებში მომატებულია არასტეროიდული ანთების საწინააღმდეგო საშუალებებზე არასასურველი რეაქციების სიხშირე, განსაკუთრებით სისხლდენები და პერფორაციები კუჭ-ნაწლავის ტრაქტიდან, რაც შესაძლოა სიცოცხლისათვის საფრთხეს წარმოადგენდეს. ამიტომ, ხანდაზმულები ექიმის განსაკუთრებულ მეთვალყურეობას საჭიროებენ.

არსებობს მონაცემები აასს გამოყენებასთან დაკავშირებით სისხლდენის, წყლულების და პერფორაციების განვითარების შესახებ კუჭ-ნაწლავის ტრაქტში, რაც, შესაძლებელია, პაციენტის სიცოცხლისათვის საფრთხეს წარმოადგენდეს მკურნალობის მთელი პერიოდის განმავლობაში - მიმანიშნებელი სიმპტომების გამოვლენის ან მის გარეშე, აგრეთვე ანამნეზში კუჭ-ნაწლავის ტრაქტის მხრივ სერიოზული დარღვევების არ არსებობისას.

კუჭ-ნაწლავის ტრაქტიდან სისხლდენის, წყლულების და პერფორაციის განვითარების რისკი იზრდება აასს-ის დოზის გაზრდისას, ანამნეზში კუჭ-ნაწლავის ტრაქტის წყლულის, განსაკუთრებით გართულებული სისხლდენის ან პერფორაციის მქონე პაციენტებში (იხ. პარაგრაფი 2 ~პრეპარატი მიგ® 400-ის გამოყენება არ შეიძლება~), და აგრეთვე ხანდაზმულ პაციენტებში. ასეთმა პაციენტებმა მკურნალობა მინიმალური შესაძლო დოზებით უნდა დაიწყონ.

ამ პაციენტებისათვის, და აგრეთვე მათთვის, ვისთვისაც აუცილებელია თანმხლები თერაპია აცეტილსალიცილის მჟავის (ASA) დაბალი დოზებით ან ისეთი პრეპარატებით მკურნალობა, რომლებიც იწვევს კუჭ-ნაწლავის ტრაქტის მხრივ დარღვევის რისკის გაზრდას, აუცილებელია განხილული იქნას დამცავი მოქმედების მქონე საშუალებებით (მაგალითად, მიზოპროსტოლი ან პროტონის ტუმბოს ინჰიბიტორები) კომბინირებული თერაპიის შესაძლებლობა.

ანამნეზში კუჭ-ნაწლავის ტრაქტის მხრივ გვერდითი მოვლენების შემთხვევაში, განსაკუთრებით თუ პაციენტი ხანდაზმულ ასაკშია, ექიმს უნდა ეცნობოს ყველა იმ უჩვეულო სიმპტომის განვითარების შესახებ, რომელიც დაკავშირებულია საჭმლის მომნელებელ სისტემასთან (მაგალითად, კუჭ-ნაწლავის ტრაქტიდან სისხლდენა), განსაკუთრებით მკურნალობის საწყის ეტაპზე.

განსაკუთრებული სიფრთხილეა საჭირო იმ შემთხვევაში, თუ პაციენტი ერთდროულად ღებულობს პრეპარატებს, რომლებიც წყლულის ან სისხლდენების წარმოქმნის საშიშროებას ზრდის. აღნიშნულ პრეპარატებს მიეკუთვნება პერორალური კორტიკოსტეროიდები, ანტიკოაგულანტები. როგორიცაა ვარფარინი, სეროტონინის უკუმიტაცების სელექციური ინჰიბიტორები, რომლებიც გამოიყენება დეპრესიის სამკურნალოდ, ან ანტიაგრეგანტები, მაგალითად, აცეტილსალიცილის მჟავა (იხ. პარაგრაფი 2 ~სხვა სამკურნალო საშუალებების მიღება~).

თუ მიგ® 400-ით მკურნალობის დროს განვითარდა სისხლდენა კუჭ-ნაწლავის ტრაქტიდან ან წყლული, მკურნალობა უნდა შეწყდეს.

არასტეროიდული ანთების საწინააღმდეგო პრეპარატები სიფრთხილით უნდა დაინიშნოს ანამნეზში კუჭ-ნაწლავის დაავადებების მქონე პაციენტებში (არასპეციფიური წყლულოვანი კოლიტი, კრონის დაავადება), რადგან მათი მდგომარეობა შეიძლება გაუარესდეს (იხ. პარაგრაფი 4 ~შესაძლო გვერდითი მოქმედება~).

ზემოქმედება გულ-სისხლძარღვთა სისტემაზე

ისეთმა პრეპარატებმა, როგორიცაა მიგ® 400, შეიძლება რამდენადმე გაზარდოს გულის შეტევის (მიოკარდიუმის ინფარქტის) ან ინსულტის განვითარების რისკი. ნებისმიერი გართულების განვითარების რისკი იზრდება დოზის გაზრდის და აღნიშნული პრეპარატით მკურნალობის ხანგრძლივობის შესაბამისად. არ გადააჭარბოთ რეკომენდებულ დოზას და მკურნალობის ხანგრძლივობას (მაქსიმუმ 4 დღე).

თუ თქვენ გაქვთ დარღვევები გულ-სისხლძარღვთა სისტემის მხრივ, წარსულში გადატანილი გაქვთ ინსულტი, ან თვლით, რომ არსებობს აღნიშნული მდგომარეობების განვითარების რისკი (მაგალითად, თუ გაქვთ არტერიული ჰიპერტონია, შაქრიანი დიაბეტი, სისხლში ქოლესტერინის მომატებული დონე ან ხართ მწეველი), აღნიშნული პრეპარატით მკურნალობის საკითხთან დაკავშირებით მიმართეთ მკურნალ ექიმს ან ფარმაცევტს.

კანის რეაქციები

არსებობს ცნობები იმის შესახებ, რომ ძალიან იშვიათ შემთხვევაში აასს-ის გამოყენება უკავშირდება კანის მძიმე რეაქციების განვითარებას გაწითლებით და ბუშტუკების წარმოქმნით, რომელსაც ზოგჯერ შესაძლოა ლეტალური შედეგი მოჰყვეს (ექსფოლიაციური დერმატიტი, სტივენს-ჯონსონის სინდრომი და ტოქსიური ეპიდერმული ნეკროლიზი/ლაიელის სინდრომი) (იხ. პარაგრაფი 4 ~შესაძლო გვერდითი მოქმედება~). როგორც ჩანს, მკურნალობის დასაწყისში რისკი უფრო მაღალია, რადგან, უმეტეს პაციენტში აღნიშნული რეაქციების განვითარება ხდება თერაპიის პირველი თვის განმავლობაში.

კანზე გამონაყარის, ლორწოვანი გარსების დაზიანებების პირველი ნიშნების ან ჰიპერმგრძნობელობის სხვა ნიშნების გამოვლინების შემთხვევაში შეწყვიტეთ პრეპარატი მიგ® 400-ის მიღება და მიმართეთ ექიმს.

სხვა მითითება

- გარკვეული აუტოიმუნური დაავადებების (სისტემური წითელი მგლურა და კომბინირებული კოლაგენოზები) შემთხვევაში მიგ® 400-ის მიღება შეიძლება მხოლოდ თერაპიის სარგებელი/რისკის თანაფარდობის საგულდაგულო შეფასების შემდეგ. არსებობს ტვინის გარსის არაინფექციური ანთების (ასეპტიური მენინგიტის) სიმპტომების გამოვლენის მომატებული რისკი (იხ. პარაგრაფი 4).

- ექიმის განსაკუთრებული მეთვალყურეობა საჭიროა შემდეგ შემთხვევებში:

- დარღვევები კუჭ-ნაწლავის ტრაქტის მხრივ ან ანამნეზში ნაწლავების ქრონიკული ანთებითი დაავადებები (არასპეციფიური წყლულოვანი კოლიტი, კრონის დაავადება);

- მომატებული არტერიული წნევა ან გულის უკმარისობა;

- თირკმელების ან ღვიძლის ფუნქციის დარღვევა;

- უშუალოდ მნიშვნელოვანი ქირურგიული ჩარევის შემდეგ;

- ალერგიის (მაგალითად, სხვა მედიკამენტების მიღებაზე გამოვლენილი კანის რეაქციები, ასთმა, პოლინოზი), ცხვირის ლორწოვანი გარსის ქრონიკული შეშუპების ან სასუნთქი გზების ქრონიკული დაავადებები, რასაც თან ახლავს მათი შევიწროვება;

- პრეპარატი მიგ® 400-ის გამოყენების დროს, ძალიან იშვიათად, შეიძლება განვითარდეს ჰიპერმგრძნობელობის მძიმე რეაქციები (მაგალითად, ანაფილაქსიური შოკი). პრეპარატი მიგ® 400-ის მიღების დროს ჰიპერმგრძნობელობის რეაქციის განვითარების პირველი ნიშნების გამოვლენის შემთხვევაში პრეპარატით მკურნალობა დაუყოვნებლივ უნდა შეწყდეს.

- იბუპროფენს, პრეპარატი მიგ® 400-ის აქტიურ ნივთიერებას, შეუძლია დროებით დათრგუნოს თრომბოციტების ფუნქცია (თრომბოციტების აგრეგაცია). ამის გამო აუცილებელია სისხლის შედედების სისტემის დარღვევების მქონე პაციენტების საგულდაგულო მეთვალყურეობა.

- იბუპროფენის შემცველი სამკურნალო საშუალებების ერთდროულად მიღებისას შეიძლება დაქვეითდეს აცეტილსალიცილის მჟავის დაბალი დოზების სისხლის შედედების საწინააღმდეგო მოქმედება (სისხლის კოლტების წარმოქმნის პროფილაქტიკა). ამ შემთხვევაში იბუპროფენის შემცველი პრეპარატების მიღება ნებადართულია მხოლოდ

ექიმის დანიშნულებით.

- სისხლის შედედების დამაქვეითებელი ან სისხლში შაქრის შემცველობის დამაქვეითებელი საშუალებების ერთდროულად მიღებისას, სიფრთხილის მიზნით, საჭიროა სისხლის შედედების ან სისხლში შაქრის შემცველობის მაჩვენებლების გაკონტროლება.

- პრეპარატი მიგ® 400-ის ხანგრძლივი მიღების შემთხვევაში საჭიროა ღვიძლისა და თირკმელების ფუნქციის, აგრეთვე სისხლის კლინიკური ანალიზის რეგულარული კონტროლი.

- ქირურგიული ჩარევის ჩატარებამდე აცნობეთ შესაბამის ექიმს ან სტომატოლოგს, რომ იღებთ პრეპარატ მიგ® 400-ს.

- ტკივილგამაყუჩებელი საშუალებების ხანგრძლივი გამოყენების დროს შეიძლება გამოვლინდეს თავის ტკივილი, რომელიც არ შეიძლება განიკურნოს ამ პრეპარატების დოზის გაზრდით. თუ პრეპარატი მიგ® 400-ის მიღების მიუხედავად, ხშირად გაწუხებთ თავის ტკივილი, ამ საკითხზე გესაჭიროებათ ექიმის კონსულტაცია.

- ტკივილგამაყუჩებელი საშუალებების ხშირმა, ~ჩვეულმა~ მიღებამ, განსაკუთრებით რამოდენიმე ტკივილგამაყუჩებელი პრეპარატის ერთდროულად გამოყენებამ, შეიძლება მიგვიყვანოს თირკმელების შეუქცევად დაზიანებამდე თირკმელების უკმარისობის განვითარების რისკის თანხლებით (~ანალგეზიური~ ნეფროპათია).

- ჩუტყვავილას დროს რეკომენდებულია პრეპარატი მიგ® 400-ის მიღებისგან თავის შეკავება.

სხვა სამკურნალო საშუალებების მიღება

აცნობეთ მკურნალ ექიმს ან ფარმაცევტს, თუ იღებთ, ან ახლო წარსულში იღებდით სხვა სამკურნალო საშუალებებს, ურეცეპტო სტატუსის მქონე პრეპარატების ჩათვლით.

იბუპროფენის მოქმედებაზე შეიძლება ზეგავლენა მოახდინოს ზოგიერთმა ანტიკოაგულანტმა (სისხლის შედედების საწინააღმდეგო პრეპარატები), მაგალითად, აცეტილსალიცილის მჟავა/ასპირინი, ვარფარინი, ტიკლოპიდინი; არტერიული წნევის დამაქვეითებელმა ზოგიერთმა პრეპარატმა (აგფ ინჰიბიტორები, მაგალითად, კაპტოპრილი, ბეტა- ბლოკატორები, ანგიოტენზინ II ანტაგონისტები), ასევე სხვა პრეპარატებმა. თავის მხრივ, იბუპროფენმაც შეიძლება მოახდინოს გავლენა ჩამოთვლილი პრეპარატების მოქმედებაზე. ამიტომ, იბუპროფენისა და სხვა სამკურნალო საშუალებების ერთდროულად მიღებამდე ნებისმიერ შემთხვევაში გაითვალისწინეთ ექიმის რჩევა.

ქვემოთ მითითებული მოქმედი ნივთიერებების ან ნივთიერებათა ჯგუფის ეფექტი შეიძლება შეიცვალოს პრეპარატი მიგ® 400-თან ერთდროულად მიღებისას.

მოქმედების გაძლიერება და/ან გვერდითი მოქმედება:

- შემდეგ პრეპარატებთან ერთდროულად მიღებისას შეიძლება გაიზარდოს სისხლში მათი კონცენტრაცია:

- დიგოქსინი (გულის მუშაობის გამაძლიერებელი საშუალება);

- ფენიტოინი (ეპილეფსიის სამკურნალო პრეპარატი);

- ლითიუმი (ფსიქიური დაავადებების სამკურნალო საშუალება).

სწორი გამოყენებისას (არა უმეტეს 4 დღის განმავლობაში) ლითიუმის, დიგოქსინისა და ფენიტოინის კონცენტრაციის განსაზღვრა პლაზმაში, როგორც წესი, არ არის საჭირო.

- სისხლის შედედების დამაქვეითებელი საშუალებები;

- მეთოტრექსატი (კიბოსა და გარკვეული რევმატული დაავადებების სამკურნალო პრეპარატი): არ გამოიყენოთ მიგ® 400 მეტოტრექსატის მიღებამდე ან შემდეგ 24 საათის განმავლობაში. წინააღმდეგ შემთხვევაში სისხლში მეტოტრექსატის კონცენტრაცია შესაძლოა გაიზარდოს, რასაც მივყავართ გვერდითი მოვლენების რისკის გაზრდასთან.

- აცეტილსალიცილის მჟავა და სხვა ანთების საწინააღმდეგო ტკივილგამაყუჩებელი საშუალებები, ცოგ-2 ინჰიბიტორების (აასს) ჩათვლით, სეროტონინის უკუმიტაცების სელექციური ინჰიბიტორები (დეპრესიული მდგომარეობების სამკურნალო პრეპარატები), ასევე კორტიზონის პრეპარატები (გლუკოკორტიკოიდები) – ზრდის კუჭ-ნაწლავის ტრაქტიდან სისხლდენის განვითარების რისკს.

- პრობენიციდს ან სულფინპირაზონის შემცველ სამკურნალო საშუალებებს (პოდაგრის სამკურნალო საშუალებები) შეუძლია შეაფერხოს იბუპროფენის ორგანიზმიდან გამოყოფა. შედეგად, შეიძლება მოხდეს ორგანიზმში იბუპროფენის დაგროვება და, შესაბამისად, გაძლიერდეს არასასურველი მოქმედება.

მოქმედების შესუსტება:

- შარდმდენი საშუალებები (დიურეზულები) და არტერიული წნევის დამაქვეითებელი საშუალებები (ჰიპოტენზიური პრეპარატები).

- აგფ ინჰიბიტორებმა (გულის უკმარისობისა და ჰიპერტონიის სამკურნალო პრეპარატები) შეიძლება გამოიწვიოს თირკმელების ფუნქციის დარღვევის რისკის გაზრდა.

- აცეტილსალიცილის მჟავას დაბალი დოზები: სისხლის შედედებაზე მოქმედ უჯრედებზე

აცეტილსალიცილის მჟავას დაბალი დოზების მოქმედება შეიძლება შემცირდეს (იხ. პარაგრაფი ~განსაკუთრებული სიფრთხილეა საჭირო პრეპარატი მიგ® 400-ის გამოყენებისას შემდეგ შემთხვევაში:”).

სხვა შესაძლო ურთიერთქმედება:

- ზიდოვუდინი (შიდსის სამკურნალო საშუალება): სახსრებში სისხლჩაქცევებისა და ჰემატომების რისკის მომატება ჰემოფილიის მქონე აივ-ინფიცირებულ პაციენტებში.

- ციკლოსპორინი (იმუნური პასუხის დამაქვეითებელი საშუალება, რომელიც გამოიყენება, მაგალითად, ტრანსპლანტაციის შემდეგ ან რევმატიზმის სამკურნალოდ): თირკმელების ფუნქციის დარღვევის განვითარების რისკი;

- ტაკროლიმუსი: თირკმელების ფუნქციის დარღვევის განვითარების რისკი;

- კალიუმის დამზოგველი შარდმდენი საშუალებები (გარკვეული დიურეტიკები): ერთდროულმა მიღებამ შეიძლება გამოიწვიოს სისხლში კალიუმის კონცენტრაციის გაზრდა.

- სულფონილშარდოვანას პრეპარატები (სისხლში შარდის შემცველობის დამაქვეითებელი საშუალებები): იბუპროფენისა და სულფონილშარდოვანას პრეპარატების ურთიერთქმედების შესახებ ინფორმაციის არ არსებობის მიუხედავად, სხვა აასს-გან

განსხვავებით, ამ სამკურნალო საშუალებების ერთდროულად მიღებისას პროფილაქტიკის მიზნით რეკომენდებულია სისხლში შაქრის დონის კონტროლირება.

- ანტიკოაგულანტები: არსებობს ცალკეული ცნობები იბუპროფენისა და ანტიკოაგულანტების ურთიერთქმედების შესახებ. ერთდროულად მიღებისას რეკომენდებულია სისხლის შედედების კონტროლი.

პრეპარატი მიგ® 400-ის საკვებთან და სასმელთან მიღება

პრეპარატი მიგ® 400-ით მკურნალობის დროს, შეძლებისდაგვარად, მოერიდეთ ალკოჰოლის მიღებას, რადგან ეს იწვევს გვერდითი მოქედებების რისკის გაზრდას, ძირითადად, კუჭ- ნაწლავის ტრაქტის ან ცენტრალური ნერვული სისტემის მხრივ.

ორსულობა და ძუძუთი კვების პერიოდი ორსულობა

პრეპარატი მიგ® 400-ის მიღების პერიოდის განმავლობაში დაორსულების შემთხვევაში აცნობეთ ამის შესახებ მკურნალ ექიმს.

იბუპროფენის მიღება ნებადართულია ორსულობის პირველი ექვსი თვის განმავლობაში მხოლოდ ექიმის კონსულტაციის შემდეგ.

მიგ® 400-ის მიღება არ არის რეკომენდებული ორსულობის ბოლო ტრიმესტრში დედისთვის და ბავშვისთვის მომატებული რისკის გამო.

მიგ® 400 მიეკუთვნება პრეპარატების ჯგუფს (არასტეროიდული ანთების საწინააღმდეგო საშუალებები), რომლებსაც შეუძლია უარყოფითი ზეგავლენა მოახდინოს ქალის რეპროდუქციულ უნარზე. ეს მოქმედება შექცევად ხასითს ატარებს პრეპარატის მიღების შეწყვეტის შემდეგ.

ძუძუთი კვების პერიოდი

მოქმედი ნივთიერება იბუპროფენი და მისი დაშლის პროდუქტები უმნიშვნელო რაოდენობით ხვდება დედის რძეში. ვინაიდან ჩვილისთვის უარყოფითი შედეგების შესახებ ცნობები დღემდე არ არსებობს, პრეპარატის ხანმოკლე გამოყენებისას ძუძუთი კვების შეწყვეტის აუცილებლიბა, როგორც წესი, არ დგება. თუმცა, პრეპარატის მაღალი დოზებით ან ხანგრძლივი თერაპიის შემთხვევაში განხილული უნდა იქნას საკითხი ძუძუთი კვების შეწყვეტის შესახებ.

ნებისმიერი პრეპარატის მიღების წინ რჩევისთვის მიმართეთ თქვენს ექიმს ან ფარმაცევტს. ზეგავლენა სატრანსპორტო საშუალებების მართვისა და მექანიზმებთან მუშაობის უნარზე,

რამდენადაც შესაძლოა, რომ პრეპარატი მიგ® 400-ის მაღალი დოზებით მიღებისას ადგილი ჰქონდეს გვერდით მოქმედებებს ცენტრალური ნერვული სისტემის მხრივ,

მაგალითად, როგორიცაა დაღლილობა და თავბრუსხვევა, ცალკეულ შემთხვევებში შესაძლებელია რეაქციის დაქვეითება და საგზაო მოძრაობაში აქტიური მონაწილეობის ან მექანიზმების მართვის უნარის დარღვევა. აღნიშნული რეაქციები განსაკუთრებით გამოხატულია ალკოჰოლთან ერთდროულად მიღებისას. თქვენ შეიძლება დაკარგოთ მოულოდნელ სიტუაციებზე სწრაფი და ზუსტი რეაგირების უნარი. ამ შემთხვევაში, არ შეიძლება ავტომობილის ან სხვა სატრანსპორტო საშუალებების მართვა! არ შეიძლება მექანიზმებთან ან ხელსაწყოებთან მუშაობა! არ შეიძლება მუშაობა ქვედა კიდურებისთვის საიმედო საყრდენის გარეშე!

3. მიგ® 400-ის მიღების წესი

მიგ® 400 მიიღება წინამდებარე ინსტრუქციის ზუსტად დაცვით. დამატებითი კითხვების შემთხვევაში კონსულტაციისათვის მიმართეთ ექიმს ან ფარმაცევტს.

დოზირება

ჩვეულებრივი დოზები:

სხეულის მასა (ასაკი) | ერთჯერადი დოზა | მაქსიმალური სადღეღამისო დოზა
---|---|---
20–29 კგ 6-9 წელი | აპკისებური გარსით დაფარული ½ ტაბლეტი (შეესაბამება 200 მგ იბუპროფენს) | აპკისებური გარსით დაფარული 1½ ტაბლეტი (შეესაბამება 600 მგ იბუპროფენს)
30–39 კგ 10-12 წელი | აპკისებური გარსით დაფარული ½ ტაბლეტი (შეესაბამება 200 მგ იბუპროფენს) | აპკისებური გარსით დაფარული 2 ტაბლეტი (შეესაბამება 800 მგ იბუპროფენს)

40 კგ (ბავშვები და მოზარდები 12 წელს ზემოთ, მოზრდილები) | აპკისებური გარსით დაფარული ½-1 ტაბლეტი (შეესაბამება 200- 400 მგ იბუპროფენს) | აპკისებური გარსით დაფარული 3 ტაბლეტი (შეესაბამება 1200 მგ იბუპროფენს)

იმ შემთხვევაში, თუ მიიღეთ მაქსიმალური ერთჯერადი დოზა, შემდეგი დოზის მიღებამდე უნდა გავიდეს სულ მცირე 6 საათი.ხანდაზმული პაციენტები და პაციენტები ანამნეზში კუჭისა და თორმეტგოჯა ნაწლავის წყლულოვანი დაავადებით:

მკურნალობა პაციენტების აღნიშნულ ჯგუფში უნდა დაიწყოს მინიმალური დოზით (იხ. პარაგრაფი 2 ~განსაკუთრებული სიფრთხილეა საჭირო პრეპარატი მიგ® 400-ის გამოყენებისას შემდეგ შემთხვევაში:”).

თირკმელების ან ღვიძლის ფუნქციის დარღვევა:

თირკმელების ან ღვიძლის ფუნქციის მსუბუქი ან საშუალო ხარისხის სიმძიმის დარღვევისას დოზის შემცირება საჭირო არ არის.

გამოყენების წესი

შიგნით მისაღები საშუალება.

აპკისებური გარსით დაფარული ტაბლეტები მიიღება დაუღეჭავად, დიდი რაოდენობის სითხის მიყოლებით (მაგალითად, ჭიქა წყლის), ჭამამდე ან ჭამის შემდეგ.

ტაბლეტის გაყოფა:

დაიჭირეთ ტაბლეტი ორივე ხელის საჩვენებელი და ცერი თითებით გამყოფი ხაზით ქვემოთ და გადატეხეთ გამყოფ ხაზზე ცერი თითის დაჭერით.

მკურნალობის ხანგრძლივობა მხოლოდ ხანმოკლე თერაპიისათვის.

მიგ® 400-ის მიღება არ არის რეკომენდებული 4 დღეზე მეტი დროის განმავლობაში ექიმის კონსულტაციის გარეშე.

აცნობეთ მკურნალ ექიმს, თუ ფიქრობთ, რომ პრეპარატი მიგ® 400-ის მოქმედება ძალიან ძლიერი ან სუსტია.

პრეპარატი მიგ® 400-ის დოზის გადაჭარბება

პრეპარატი მიგ® 400 მიიღება ექიმის მითითების დაცვით ან ჩანართში მოყვანილი პრეპარატის დოზირების შესახებ ინსტრუქციის შესაბამისად. თუ ვერ იგრძენით ტკივილის სათანადოდ შემსუბუქება პრეპარატის მიღების შემდეგ, დამოუკიდებლად ნუ გაზრდით დოზას – მიმართეთ მკურნალ ექიმს.

დოზის გადაჭარბების შესაძლო სიმპტომები:

- დარღვევები ცენტრალური ნერვული სისტემის მხრივ, როგორიცაა: თავის ტკივილი, თავბრუსხვევა, გულის წასვლის წინა მდგომარეობა და გონების დაკარგვა (ბავშვებში ასევე მიოკლონური კრუნჩხვა),

- დარღვევები კუჭ-ნაწლავის ტრაქტის მხრივ, როგორიცაა: მუცლის ტკივილი, გულისრევა, ღებინება და სისხლდენა კუჭ-ნაწლავის ტრაქტიდან;

- ღვიძლისა და თირკმელების ფუნქციის დარღვევა;

- არტერიული წნევის დაცემა;

- სუნთქვის შესუსტება (დათრგუნვა);

- კანისა და ლორწოვანი გარსების შინდისფერი შეფერილობა (ციანოზი). მოცემული პრეპარატის წინააღმდეგ სპეციფიური ანტიდოტი არ არსებობს.

პრეპარატი მიგ® 400-ის დოზის გადაჭარბების შესახებ ეჭვის შემთხვევაში დაუყოვნებლივ მიმართეთ ექიმს. მოწამვლის სიმძიმის მიხედვით ექიმი მიიღებს გადაწყვეტილებას საჭირო ზომების შესახებ.

მიგ® 400-ის დოზის მიღების გამოტოვება

გამოტოვებული დოზის კომპენსაციის მიზნით პრეპარატის ორმაგი დოზით მიღება არ შეიძლება.

მკურნალობასთან დაკავშირებით დამატებითი კითხვების შემთხვევაში მიმართეთ ექიმს ან ფარმაცევტს.

4. შესაძლო გვერდითი მოქმედება

როგორც სხვა სამკურნალო საშუალებას, მიგ® 400-საც შეიძლება ჰქონდეს გვერდითი მოქმედებები, თუმცა ის არ ვლინდება ყველა პაციენტში. ქვემოთ მითითებული გვერდითი მოვლენების შემთხვევაში მიმართეთ მკურნალ ექიმს, რომელიც მიიღებს გადაწყვეტილებას პრეპარატის შემდგომი გამოყენების შესახებ.

გვერდითი მოვლენების შეფასებას საფუძვლად უდევს სიხშირის შემდეგი მონაცემები:
ძალიან ხშირად: 10 პაციენტიდან 1-ზე მეტი შემთხვევა
ხშირად: 100 პაციენტიდან 1-10 შემთხვევა
ზოგჯერ: 1 000 პაციენტიდან 1-10 შემთხვევა
იშვიათად: 10 000 პაციენტიდან 1-10 შემთხვევა
ძალიან იშვიათად: 10.000 პაციენტიდან 1-ზე ნაკლები შემთხვევა
სიხშირე დადგენილი არ არის არსებული მონაცემების საფუძველზე შეფასებას არ ექვემდებარება.

შესაძლო გვერდითი მოქმედება

შემდეგი გვერდითი მოქმედებების სიაში მითითებულია ისეთი გვერდითი მოვლენები, რომლებსაც ადგილი ჰქონდა იბუპროფენით მკურნალობისას, მათ შორის გვერდითი მოვლენები, რომლებიც აღინიშნებოდა რევმატიზმის მქონე ავადმყოფებში მაღალი დოზებით ხანგრძლივი მკურნალობის შემდეგ. დადგენილი სიხშირე, ძალიან იშვიათი შემთხვევების ჩათვლით, მიეკუთვნება ხანმოკლე მკურნალობას იბუპროფენის დღე-ღამური დოზებით 1200 მგ-მდე პერორალური სამკურნალო საშუალების შემთხვევაში (= პრეპარატი მიგ® 400-ის 3 ტაბლეტს) და 1800 მგ-მდე სანთლების შემთხვევაში.

უნდა აღინიშნოს, რომ პრეპარატის შემდეგი გვერდითი მოქმედებები დამოკიდებულია დოზაზე და პაციენტთა ინდივიდუალურ თავისებურებებზე.

ყველაზე ხშირია გვერდითი მოქმედებები კუჭ-ნაწლავის ტრაქტის მხრივ.

მაგალითად, არსებობს წყლულის (პეპტიური წყლულის), პერფორაციის ან კუჭ-ნაწლავიდან სისხლდენის განვითარების რისკი, ზოგჯერ, განსაკუთრებით ხანდაზმულ პაციენტებში, ლეტალური შედეგით (იხ. პარაგრაფი 2: ~განსაკუთრებული სიფრთხილე პრეპარატი მიგ® 400-ის გამოყენებისას~).

არსებობს ცნობები გულისრევის, ღებინების, ფაღარათის, მეტეორიზმის, შეკრულობის, საჭმლის მონელების დარღვევის, მუცლის ტკივილის, კუპრისებრი განავალის, სისხლიანი ღებინების, წყლულოვანი სტომატიტის (პირის ღრუს ლორწოვანი გარსის წყლულოვანი ანთება) გამოვლენის შესახებ, ასევე არასპეციფიური წყლულოვანი კოლიტისა და კრონის დაავადების გამწვავების შესახებ (იხ. პარაგრაფი 2: ~განსაკუთრებული სიფრთხილეა საჭირო პრეპარატი მიგ® 400-ის გამოყენებისას შემდეგ შემთხვევაში~).

იშვიათია ცნობები კუჭის ლორწოვანი გარსის ანთების განვითარების შესახებ. კუჭ- ნაწლავის ტრაქტიდან სისხლდენის განვითარების რისკი დამოკიდებულია პრეპარატის დოზაზე და მიღების ხანგრძლივობაზე.

არსებობს ცნობები იმის შესახებ, რომ აასს-ით ჩატარებულმა მკურნალობამ შეიძლება გამოიწვიოს შეშუპება, არტერიული წნევის მომატება და გულის უკმარისობა.

ისეთი მედიკამენტების გამოყენება, როგორიცაა მიგ® 400, შეიძლება დაკავშირებული იყოს გულის შეტევის (მიოკარდიუმის ინფარქტის) ან ინსულტის განვითარების რისკის გაზრდასთან.

დარღვევები გულის მხრივ

ძალიან იშვიათად:

გულისცემის გახშირება, გულის უკმარისობა, გულის შეტევა (მიოკარდიუმის ინფარქტი).

დარღვევები სისხლისა და ლიმფური სისტემის მხრივ

ძალიან იშვიათად:

სისხლმბადი სისტემის ფუნქციის დარღვევები (ანემია, ლეიკოპენია, თრომბოციტოპენია, პანციტოპენია, აგრანულოციტოზი).

აღნიშნული მდგომარეობების პირველი ნიშნები შეიძლება იყოს ტემპერატურის მომატება, ყელის ტკივილი, ზედაპირული ჭრილობები პირის ღრუში, გრიპისმაგვარი სიმპტომები, გამოხატული სისუსტე, სისხლდენა ცხვირიდან და სისხლჩაქცევა კანში.

აღნიშნულ შემთხვევაში დაუყოვნებლივ შეწყვიტეთ პრეპარატის მიღება და მიმართეთ ექიმს. ნებისმიერი სახის ტკივილგამაყუჩებელი ან სიცხის დამწევი პრეპარატებით თვითმკურნალობა უკუნაჩვენებია.

დარღვევები ნერვული სისტემის მხრივ ზოგჯერ:

დარღვევები ცენტრალური ნერვული სისტემის მხრივ, მაგალითად, თავის ტკივილი, თავბრუსხვევა, გულის წასვლის წინა მდგომარეობა, აგზნება, გაღიზიანებადობა ან დაღლილობა.

დარღვევები მხედველობის ორგანოების მხრივ ზოგჯერ:

მხედველობის დარღვევა.

დარღვევები სმენის ორგანოებისა და ლაბირინთის სისტემის მხრივ იშვიათად:

შუილი ყურებში (ტინიტუსი).

დარღვევები კუჭ-ნაწლავის ტრაქტის მხრივ ხშირად:

ჩივილები კუჭ-ნაწლავის ტრაქტის მხრივ, მაგალითად, გულძმარვა, ტკივილი მუცლის არეში, გულისრევა, ღებინება, მუცლის შებერილობა, ფაღარათი, შეკრულობა, აგრეთვე კუჭ- ნაწლავის ტრაქტიდან უმნიშვნელო სისხლდენა, რომელმაც, ცალკეულ შემთხვევებში შეიძლება მიგვიყვანოს სისხლის წითელი სხეულების რაოდენობის შემცირებამდე (ანემია).

ზოგჯერ:

კუჭის/თორმეტგოჯა ნაწლავის წყლულები (პეპტიური წყლული) შესაძლო სისხლდენისა და პერფორაციის განვითარებით, პირის ღრუს ლორწოვანი გარსების ანთება წყლულების წარმოქმნით (წყლულოვანი სტომატიტი), არასპეციფიური წყლულოვანი კოლიტის ან კრონის დაავადების გამწვავება, კუჭის ლორწოვანი გარსის ანთება (გასტრიტი).

ძალიან იშვიათად:

საყლაპავის (ეზოფაგიტი) და კუჭქვეშა ჯირკვლის (პანკრეატიტი) ანთება, წვრილ და მსხვილ ნაწლავში ნაწიბურის მსგავსი შევიწროების წარმოქმნა (ნაწლავის დიაფრაგმისებრი სტრიქტურა).

მუცლის ზედა არეში ძლიერი ტკივილის, სისხლიანი ღებინების, სისხლიანი განავლის და/ან განავლის მუქი შეფერილობის გამოვლენის შემთხვევაში დაუყოვნებლივ შეწყვიტეთ პრეპარატი მიგ® 400-ის მიღება და მიმართეთ ექიმს.

დარღვევები თირკმელების და შარდმდენი ორგანოების მხრივ

ძალიან იშვიათად:

ქსოვილებში სითხის გაძლიერიერებული შეკავება (შეშუპების განვითარება), განსაკუთრებით არტერიული ჰიპერტონიის ან თირკმელების ფუნქციის დარღვევის მქონე პაციენტებში; ნეფროზული სინდრომი (ორგანიზმში სითხის დაგროვება [შეშუპება] და შარდთან ერთად ცილის მნიშვნელოვანი გამოყოფა); თირკმელების ანთებითი დაავადება (ინტერსტიციული ნეფრიტი), რომელსაც შეიძლება თან ახლდეს თირკმელების ფუნქციის მწვავე დარღვევა. შეიძლება აღინიშნოს თირკმლის ქსოვილის დაზიანება (თირკმლის დვრილების ნეკროზი) და სისხლში შარდმჟავას კონცენტრაციის მომატება.

გამოყოფილი შარდის რაოდენობის შემცირება, ორგანიზმში სითხის შეკავება (შეშუპება) და ზოგადი სისუსტის შეგრძნება შეიძლება იყოს თირკმელების ფუნქციის დარღვევების სიმპტომები, თირკმელების უკმარისობამდე.

აღნიშნული სიმპტომების გამოვლენის ან დამძიმების შემთხვევაში დაუყოვნებლივ შეწყვიტეთ პრეპარატი მიგ® 400-ის მიღება და მიმართეთ ექიმს.

დარღვევები კანის და კანქვეშა ცხიმოვანი ქსოვილის მხრივ

ძალიან იშვიათად:

კანის გამოხატული რეაქციები, მაგალითად, კანზე გამონაყარი გაწითლებით და ბუშტუკების წარმოქმნით (მაგალითად, სტივენს-ჯონსონის სინდრომი, ტოქსიური ეპიდერმული ნეკროლიზი, ლაიელის სინდრომი), თმის ცვენა (გამელოტება).

ჩუტყვავილას ან სახის წითელქარიანი ანთების/სარტყლისებრი ლიქენის დროს გამონაკლის შემთხვევებში შესაძლებელია კანის მძიმე ინფექციებისა და გართულებების განვითარება რბილი ქსოვილების მხრივ (იხ. ასევე ~ინფექციური და პარაზიტული დაავადებები~)

ინფექციური და პარაზიტული დაავადებები

ძალიან იშვიათად:

ძალიან იშვიათად აღწერილია ინფექციური ანთებითი დაავადებების გამწვავების შემთხვევები (მაგალითად, მანეკროზებელი ფასციიტის განვითარება), რომელიც უკავშირდება გარკვეული არასტეროიდული ანთების საწინააღმდეგო საშუალებების გამოყენებას (აასს, რომლებსაც აგრეთვე მიეკუთვნება მიგ® 400).

აღნიშნულია თავის ტვინის გარსის ანთების სიმპტომები (ასეპტიური მენინგიტი), მაგალითად, თავის ძლიერი ტკივილი, გულისრევა, ღებინება, ცხელება, კეფის კუნთების რიგიდობა და ცნობიერების დაბინდვა. აღნიშნული მოვლენების განვითარების რისკი იზრდება გარკვეული აუტოიმუნური დარღვევების (სისტემური წითელი მგლურა, კომბინირებული კოლაგენოზები) მქონე პაციენტებში.

ინფექციის პირველივე ნიშნების გამოვლენის შემთხვევაში (მაგალითად, გაწითლება, შეშუპება, სიცხე, ტკივილი, ცხელება) ან ამ სიმპტომების დამძიმებისას დაუყოვნებლივ მიმართეთ ექიმს.

სისხლძარღვოვანი დარღვევები

ძალიან იშვიათად:

არტერიული წნევის მომატება (არტერიული ჰიპერტენზია).

დარღვევები იმუნური სისტემის მხრივ (ჰიპერმგრძნობელობის რეაქციები)

ზოგჯერ:

ჰიპერმგრძნობელობის რეაქციები კანზე გამონაყარის და ქავილის თანხლებით, აგრეთვე, ასთმის შეტევები (ზოგ შემთხვევაში არტერიული წნევის დაცემით).

აღნიშნულ შემთხვევაში დაუყოვნებლივ შეწყვიტეთ პრეპარატი მიგ® 400-ის მიღება და მიმართეთ ექიმს.

ძალიან იშვიათად:

ჰიპერმგრძნობელობის მძიმე ზოგადი რეაქციები.

აღნიშნული რეაქციები შეიძლება გამოვლინდეს სახის, ენის და ხახის შეშუპებით სასუნთქი გზების შევიწროვების თანხლებით, ქოშინით, გულისცემის გახშირებით, არტერიული წნევის დაცემით შოკამდე, რაც სიცოცხლისათვის საფრთხეს წარმოადგენს.

რომელიმე ზემოთმოყვანილი სიმპტომის გამოვლენის შემთხვევაში, რომელიც შეიძლება გამოვლინდეს პრეპარატის პირველივე მიღებისას, თქვენ გესაჭიროებათ გადაუდებელი დახმარება.

დარღვევები ღვიძლისა და ნაღვლგამომყოფი გზების მხრივ

ძალიან იშვიათად:

ღვიძლის ფუნქციის დარღვევა, ღვიძლის დაზიანება, განსაკუთრებით ხანგრძლივი თერაპიისას, ღვიძლის მწვავე უკმარისობა, ღვიძლის მწვავე ანთება (ჰეპატიტი).

ხანგრძლივი მკურნალობის დროს რეკომენდებულია ღვიძლის ფუნქციის მაჩვენებლების რეგულარული კონტროლი.

ფსიქიკური დარღვევები

ძალიან იშვიათად:

ფსიქოზური რეაქციები, დეპრესია.

გვერდითი მოვლენების გაძლიერების ან ისეთი გვერდითი მოვლენის გამოვლენის შემთხვევაში, რომელიც არ არის აღნიშნული მოცემულ ჩანართში, აცნობეთ მკურნალ ექიმს ან ფარმაცევტს.

5. მიგ® 400-ის შენახვის პირობები

პრეპარატი შეინახეთ ბავშვებისათვის მიუწვდომელ ადგილას!

პრეპარატი მიგ® 400 არ გამოიყენება ვარგისიანობის ვადის გასვლის შემდეგ, რომელიც მითითებულია დასაკეც მუყაოს კოლოფზე ან ბლისტერზე წარწერა ~ვარგისია~-ს შემდეგ. ვარგისიანობის ვადა გადის მითითებული თვის ბოლო დღეს.

მოცემული პრეპარატი არ საჭიროებს შენახვის განსაკუთრებულ პირობებს. შენახვის ვადა: 3 წელი.

სამკურნალო საშუალებების კანალიზაციის მილში ან ნაგავთან გადაგდება არ შეიძლება. პრეპარატის უტილიზაციის საკითხთან დაკავშირებით მიმართეთ ფარმაცევტს. აღნიშნული ზომები ხელს შეუწყობს გარემოს დაცვას.

6. დამატებითი ინფორმაცია

პრეპარატი მიგ® 400-ის შემადგენლობა

პრეპარატის მოქმედ ნივთიერებას წარმოადგენს იბუპროფენი.

აპკისებური გარსით დაფარული თითო ტაბლეტი შეიცავს: 400 მგ იბუპროფენს. სხვა კომპონენტებს:

ტაბლეტის ბირთვი:

სიმინდის სახამებელი, კოლოიდური უწყლო კრემნიუმის დიოქსიდი, ნატრიუმის სახამებელგლიკოლატი (ტიპი A), მაგნიუმის სტეარატი.

აპკისებური გარსი:

ჰიპრომელოზა, მაკროგორლი 4000, პოვიდონი K30, ტიტანის დიოქსიდი (E171).

პრეპარატი მიგ® 400-ის აღწერა და შეფუთვა

თეთრიდან თითქმის თეთრ ფერამდე მოგრძო აპკისებური გარსით დაფარული ტაბლეტები გამყოფი ხაზით ორივე მხარეს. ზედა მხარეს აქვს ორი ამოტვიფრული წარწერა ~E~, რომლებიც განთავსებულია ხაზის ორივე მხარეს.

ტაბლეტის გაყოფა შეიძლება ორ თანაბარ ნაწილად.

პერგამინით დაფარული გაუმჭირვალე პვქ-ფირფიტისა და ალუმინის ფოლგისგან დამზადებული ბლისტერი. მუყაოს კოლოფში მოთავსებულია ბლისტერი აპკისებური გარსით დაფარული 10, 20, 30 და 50 ტაბლეტით.

შესაძლებელია, ბაზარზე ყველა სახის შეფუთვა არ იყოს წარმოდგენილი

აფთიაქიდან გაცემის წესი
ფარმაცევტული პროდუქტის ჯგუფი III – გამოიყენება ექიმის დანიშნულების გარეშე.