სავაჭრო დასახელება:
ფლუკო G
საერთაშორისო არაპატენტირებული დასახელება:
ფლუკონაზოლი
წამლის ფორმა:
კაფსულა
შემადგენლობა:
1 კაფსულა შეიცავს:
ფლუკონაზოლს 150მგ;
დამხმარე ნივთიერება: ლაქტოზა, პოვიდონი.
კლინიკურ-ფარმაკოლოგიური ჯგუფი
სისტემური მოქმედების სოკოს საწინააღმდეგო საშუალება.
ათქ-კოდი: J02AC01.
ფარმაკოლოგიური მოქმედება:
ფლუკო-G წარმოადგენს ტრიაზოლის ჯგუფის სოკოს საწინააღმდეგო საშუალებას, რომელიც იწვევს სოკს უჯრედში სტეროლების სინთეზის სელექტიურ ინჰიბირებას. ფლუკო-G აქტიურია ოპორტუნისტული მიკოზების, მათ შორის ჩანდიდა სპპ. (იმუნოდეპრესიის ფონზე განვითარებული გენერალიზებული ფორმების ჩათვლით), ჩრყპტოცოცცუს ნეოფრმანს და ჩოცციდიოიდეს სპპ. (ქალასშიდა ინფექციების ჩათვლით), Mიცროსპორუმ სპპ., თრყცჰოპყტონ სპპ.-ით გამოწვეული ენდემური მიკოზების, Bლასტომყცეს დერმატიტიდეის და Hისტოპლაზმა ცაპსულატუმ-ით გამოწვეული ენდემური მიკოზების დროს.
ფარმაკოკინეტიკა:
პერორალური მიღებისას ფლუკონაზოლი თითქმის მთლიანად აბსორბირდება კუჭ-ნაწლავის ტრაქტიდან. მის აბსორბციაზე არ მოქმედებს საკვების მიღება. პრეპარატის ბიოშეღწევადობა შეადგენს 90%-ს, ხოლო მისი 11-12% უკავშირდება პლაზმის ცილებს.პრეპარატის მაქსიმალური კონცენტრაცია სისხლის პლაზმაში მიიღწევა მიღებიდან 0.5-1.5 სთ-ში. პრეპარატის ნახევარგამოყოფის პერიოდი პლაზმიდან შეადგენს 30სთ-ს. თირკმლების საშუალებით გამოიყოფა 80% შეუცვლელი სახით, ხოლო 11% - მეტაბოლიტების სახით.
ჩვენებები:
• კრიპტოკოკოზი: კრიპტოკოკული მენინგიტი, ფილტვისა და კანის კრიპტოკოკული ინფექციები, შიდსით დაავადებულ პაციენტებში კრიპტოკოკული რეცედივების პროფილაქტიკა;
• გენერალიზებული კანდიდოზი: კანდიდემია, დისემინირებული კანდიდოზი და სხვა ფორმის (მუცლის ღრუს, ენდოკარდის, თვალის, სასუნთქი და საშარდე გზების) ინვაზიური კანდიდოზური ინფექციის ჩათვლით;
• ლორწოვანი გარსის კანდიდოზი: პირის ღრუს, ხახის, საყლაპავის, ბრონქების და ფილტვების არაინვაზიური კანდიდოზი, კანდიდურია, კანის და ლორწოვანი გარსების კანდიდოზი, პირის ღრუს ატროფიული კანდიდოზი (დაკავშირებულია კბილის პროტეზის ტარებასთან), ოროფარინგეალური კანდიდოზის რეციდივების პროფილაქტიკა შიდსით დაავადებულ პაციენტებში;
• გენიტალური კანდიდოზი: ვაგინალური (მწვავე ან ქრონიკული მორეციდივე), რეციდივების პროფილაქტიკის ჩათვლით, კანდიდოზური ბალანიტი;
• ავთვისებიანი სიმსივნის დროს სოკოვანი ინფექციების პროფილაქტიკა და მკურნალობა (მკურნალობა ციტოსტატიკებით და/ან სხივური თერაპია), ანტიბიოტიკოტერაპია, ტრანსპლანტაციის შემდგომ იმუნოდეპრესანტებით მკურნალობა;
• კანის მოკოზები: ტერფის, ტანისა და საზარდულის არის მიკოზები, ონიქომიკოზები, კანის კანდიდოზი;
• ღრმა ენდემური მიკოზები: კოკციდიომიკოზი, პარაკოკციდიომიკოზი, სპოროტრიქოზი და ჰისტოპლაზმოზი, რომელიც აღენიშნება ნორმალური იმუნური სისტემის მქონე პაციენტებს.
უკუჩვენება:
პრეპარატის კომპონენტების მიმართ მომატებული მგრძნობელობა
გვერდითი მოვლენები:
ყველაზე ხშირად გამოვლენილი გვერდითი ეფექტებია: ცნს-ის მხრივ: თავის ტკივილი;
დერმატოლოგიური რეაქციები: გამონაყარი;
საჭმლის მომნელებელი სისტემის მხრივ: მუცლის ტკივილი, დიარეა, მეტეორიზმი, გულისრევა, ღვიძლზე ტოქსიკური გავლენა, ტუტე ფოსფატაზის, ბილირუბინისა და ტრანსამინაზების მატება;
ასევე შესაძლებელია გამოვლინდეს:
ცნს-ის და პერიფერიული ნერვული სისტემის მხრივ: თავბრუსხვევა, კრუნჩხვები;
დერმატოლოგიური რეაქციები: ალოპეცია, კანის ექსფოლიაციური დაავადებანი, სტივენს- ჯონსონის და ლაიელის სინდრომის ჩათვლით(ტოქსიკური ეპიდერმული ნეკროლიზისი);
საჭმლის მომნელებელი სისტემის მხრივ: დისპეფსია, ღებინება, ღვიძლის ფუნქიის დარღვევა, ჰეპატიტი, სიყვითლე, სისხლის შრატში ალანინამინოტრანსფერაზისა და ასპარტატამინოტრანსფერაზის დონის მატება;
სისხლმბადი სისტემის მხრივ: ლეიკოპენია, ნეიტროპენიისა და აგრანულოციტოზის ჩათვლით, თრომბოციტოპენია;
ნივთიერებათა ცვლის მხრივ: პლაზმაში ქოლესტერინის და ტრიგლიცერიდების დონის მატება, ჰიპოკალიემია;
ალერგიული რეაქციები: ანაფილაქსიური რეაქცია, ანგიონევროზული შეშუპება, სახის შეშუპება და ქავილი.
სხვადასხვა: გემოს აღქმის დარღვევა.

ორსულობა და ლაქტაცია:
ფლუკო-G-ის გამოყენება რეკომენდებულია მხოლოდ იმ შემთხვევაში, როდესაც დედისათვის მოსალოდნელი სარგებელი მკვეთრად სჭარბობს ნაყოფზე მოსალოდნელი უარყოფითი მოქმედების რისკს. ფლუკონაზოლი გადადის დედის რძეში, ამიტომ ლაქტაციის პერიოდში მისი მიღება არ არის რეკომინდებული.
ურთიერთქმედება სხვა პრეპარატებთან:
ფლუკონაზოლი ზრდის პერორალური ჰიპოგლიკემიური პრეპარატების Т1/2 პლაზმიდან – სულფონილშარდოვანას წარმოებულებს. პრეპარატი ზრდის კუმარინის ტიპის ანტიკოაგულანტების ეფექტს (იზრდება პროთრომბინის დრო), საჭიროებისას რეკომენდირებულია ვარფარინის დოზის შეცვლა.. რიფამპიცინი ზრდის ფლუკონაზოლის მეტაბოლისმს და ამცირებს მის ნახევარგამოყოფის პერიოდს. ჰიდროქლორთიაზიდისა და ფლუკონაზოლის ერთდროული გამოყენებისას იზრდება ფლუკონაზოლის კონცენტრაცია პლაზმაში.
განსაკუთრებული მითითებები:
ფლუკონაზოლით მკურნალობა შესაძლებელია დაიწყოს დათესვის რეზულტატების მიღებამდე და სხვა ლაბორატორიულ ანალიზების გაკეთებამდე.
გამოყენების წესი და დოზირება:
ფლუკო-G-ს დღიური დოზა დამოკიდებულია სოკოვანი ინფექციის ფორმაზე და მიმდინარეობის სიმძიმეზე. Pპრეპარატი მიიღება პერორალურად, წყლის საკმარის რაოდენობასთან ერთად.
კრიპტოკოკული მენინგიტის, კანდიდემიის, დისემინირებული კანდიდოზისა და სხვა ინვაზიური კანდიდზური ინფექციების დროს პირველ დღეს ინიშნება 400მგ, შემდეგ კი 200-400მგ ერთხელ დღეში, 6-8კვირის განმავლობაში;
შიდსით დაავადებულ პაციენტებში კრიპტოკოკული რეცედივების პროფილაქტიკის მიზნით სრული პირველადი კურსის ჩატარების შემდეგ: 200მგ დღეში ერთხელ ხანგრძლივად.
პირის ღრუს ატროფიული კანდიდოზი (დაკავშირებულია კბილის პროტეზის ტარებასთან): 50მგ დღეში ერთხელ 10-14 დღის განმავლობაში.
ოროფარინგეალური კანდიდოზის რეციდივების პროფილაქტიკა შიდსით დაავადებულ პაციენტებში სრული პირველადი კურსის ჩატარების შემდეგ: 150მგ კვირაში ერთხელ.
ვაგინალური კანდიდოზის და კანდიდოზური ბალანიტის დროს: 150მგ ერთჯერადად. რეცედივების პროფილაქტიკის მიზნით: 150მგ თვეში ერთხელ 4-12 თვის განმავლობაში.
ავთვისებიანი სიმსივნის დროს სოკოვანი ინფექციების პროფილაქტიკა და მკურნალობა (მკურნალობა ციტოსტატიკებით და/ან სხივური თერაპია): 50-400მგ დღეში ერთხელ. გენერალიზირებული ინფექციის მაღალი რისკის განვითარების დროს: 400მგ ერთხელ დღეში მოსალოდნელ ნეიტროპენიის წარმოშობამდე რამოდენიმე დღით ადრე; ნეიტროფილების რიცხვის გაზრდის შემდეგ 1000/მმ3-მდე მკურნალობას აგრძელებენ კიდევ 7 დღის განმავლობაში.
კანის მოკოზები: ტერფის, ტანისა და საზარდულის არის მიკოზები, მათ შორის კანდიდოზური ინფექციები: 150მგ კვირაში ერთხელ ან 50მგ დღეში ერთხელ. ტერაპიის ხანგრძლივობა – 2-4 კვირა, ტერფის მიკოზის დროს – 6 კვირამდე.
ონიქომიკოზის დროს: 150მგ კვირაში ერთხელ არაინფიცირებული ფრჩხილის ამოსვლამდე (3-6 თვე ზედა კიდურების ფრჩხილებისათვის და 6-12 თვე ქვედა კიდურების ფრჩხილებისათვის).
ღრმა ენდემური მიკოზების დროს: 200-400მგ დღეში 11-24 თვე (კოკციდიოიდომიკოზი), 2-17 თვე (პარაკოკციდიომიკოზი), 1-16 თვე (სპოროტრიხოზი), 3-17 თვე (ჰისტოპლაზმოზი).
ბავშვებში ლორწოვანი გარსების კანდიდოზის დროს პირველ დღეს - 6მგ/კგ-ზე დღეში ერთხელ, შემდეგ – 3მგ/კგ-ზე დღეში ერთხელ, სისტემური კანდიდოზების ან კროპტოკოკკოზების დროს – 6-12მგ/კგ-ზე მკურნალობის სიმძიმის გათვალისწინებით. დაბალი იმუნიტეტის დროს პროფილაქტიკის მიზნით (გამოხატული ნეიტროპენიის შესაბამისად) – 3-12მგ/კგ დღეში ერთხელ.
დოზის გადაჭარბება:
სიმპტომები: გულისრევა, ღებინება, დიარეა, იშვიათად – კრუნჩხვები.
მკურნალობა: კუჭის ამორეცხვა, ფორსირებული დიურეზი, ჰემოდიალიზი (სამსაათიანი დიურეზი ამცირებს პრეპარატის კონცენტრაციას პლაზმაში დაახლოებით 50%-ით), სიმპტომური თერაპია.
ავტოსატრანსპორტო საშუალებების მართვის უნარზე ზემოქმედება: არ გააჩნია გამოხატული უნარი
სწრაფი ორიენტაციის რეაქციების შეცვლასთან დაკავშირებით.
ვარგისობის ვადა:
2 წელი. შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.
შენახვის პირობები:
ინახება ოთახის ტემპერატურაზე არაუმეტეს 25°C-ისა, მშრალ, სინათლისაგან და ბავშვებისაგან დაცულ ადგილას.
ვიზუალური დათვალიერების შედეგად აღმოჩენილი რაიმე სახის დეფექტის შემთხვევაში პრეპარატის მიღება დაუშვებელია.

გამოშვების ფორმა:
3 კაფსულა ათავსებენ კონტურულ უჯრედოვან შეფუთვაში, რომელიც დამზადებულია PVჩ/PVDჩ ფირისა და ალუმინის ფოლგისგან, ერთი კონტურული შეფუთვა, გამოყენების ინსტრუქციასთან ერთად მოთავსებულია მუყაოს კოლოფში.
გაცემის წესი:
ფარმაცევტული პროდუქტის ჯგუფი II, გაიცემა ფორმა N3 რეცეპტით.