ფარმაკოკინეტიკა

ფლუკონაზოლი აზოლინის ჯგუფის ძლიერ ანტიმიკოზური საშუალებაა. მისი მოქმედება დამყარებულია სოკოს უჯრედში სტეროლის სინთეზის ინჰიბირებაზე. ფლუკონაზოლი აქტიურია: Candida spp., Cryptococcus neoformans, Microsporum spp., Trichophyton spp., Blastomyces dermatitidis, Coccidiodes immitis, Histoplasma capsulatum მიკროორგანიზმებისადმი.
შიგნით მიღებისას ფლუკონაზოლი კარგად შეიწოვება. მის აბსორბაციაზე არ მოქმედებს საკვების ერთდროული მიღება. უზმოზე მიღებისას პრეპარატის მაქსიმალური კონცენტრაცია პლაზმაში აღინიშნება 0.5-1.5 სთ-ში, ნახევრადგამოყოფის პერიოდი შეადგენს 30 სთ-ს. ფლუკონაზოლის 80% გამოიყოფა თირკმელების საშუალებით უცვლელი ფორმით.
იგი კარგად აღწევს ორგანიზმის ბიოლოგიურ სითხეებში.
ჩვენებები
- კრიპტოკოკოზი, მათ შორის კრიპტოკოკული მენინგიტი და სხვა ლოკალიზაციის (ფილტვი, კანი და სხვა) კრიპტოკოკული ინფექციები, როგორც ნორმალური იმუნური პასუხის მქონე ავადმყოფებში, ასევე იმუნოსუპრესიის სხვადასხვა ფორმის შემთხვევაში. – გენერალიზებული კანდიდოზი, კანდიდემიის, დისემინირებული კანდიდოზისა და სხვა ფორმის (მუცლის ღრუს, ენდოკარდის, თვალის, სასუნთქი და საშარდე გზების) ინვაზიური კანდიდოზური ინფექციის ჩათვლით.
- ლორწოვანი გარსების კანდიდოზი, მათ შორის პირის ღრუსა და ხორხის, საყლაპავის, ბრონქებისა და ფილტვის არაინვაზიური კანდიდოზი, კანდიდურია, კანის კანდიდოზი, პირის ღრუს ატროფიული კანდიდოზი (პროთეზის მქონე პირებში), მკურნალობა შესაძლებელია ჩატარდეს ნორმალური და დაქვეითებული იმუნური სისტემის მქონე პაციენტებში, ოროფარინგეალური კანდიდოზის რეციდივების პროფილაქტიკაში შიდსით დაავადებულებში.
- გენიტალიუმის კანდიდოზი: ვაგინალური კანდიდოზი (მწვავე და ქრონიკული მორეციდივე), პროფილაქტიკის მიზნით ვაგინალური კანდიდოზის რეციდივების (3 და მეტი ეპიზოდი 1 წელში) შესამცირებლად.
- სოკოვანი დაავადებების პროფილაქტიკა ავთვისებიანი წარმონაქმნების მქონე ავადმყოფებში, რომელნიც წინასწარგანწყობილნი არია ამ ინფექციებისადმი სხივული თერაპიისა და ციტოსტატიკებით მკურნალობის გამო.
- კანის, ტერფების, საზარდულის არის მიკოზები; ონიქომიკოზი, კანის კანდიდოზი.
- ენდემური მიკოზი, კოკციდიომიკოზი, პარაკოკციდიომიკოზი, სპოროტრიქოზი და ჰისტოპლაზმოზი, რომელიც აღენიშნებათ ნორმალური იმუნური სისტემის მქონე პაციენტებს.
მიღების წესები და დოზები
ფლუკონაზოლის დღიური დოზა განისაზღვრება სოკოვანი ინფექციის ფორმითა და სიმძიმით. ვაგინალური კაქნდიდოზის სამკურნალოდ, როგორც წესი, საკმარისია ერთჯერადი მიღება, ყველა სხვა შემთხვევაში მკურნალობის ხანგრძლივობა განისაზღვრება კლინიკური და ლაბორატორიული აქტივობის აღმოფხვრის შემდეგ. მოზრდილებში: კრიპტოკოკული მენინგიტისა და სხვა ლოკალიზაციის კრიპტოკოკული ინფექციის, კანდიდემიის, დისემინირებული კანდიდოზისა და სხვა ინვაზიური კანდიდოზური ინფექციების დროს, პირველ დღეს ინიშნება 400 მგ, შემდეგ კი – 200-400 მგ ერთხელ გღეში.

ოროფარინგეალური კანდიდოზის დროს – 50-100 მგ ერთხელ დღეში, 7-14 დღის განმავლობაში.
პირის ღრუს ატროფიული კანდიდოზის დროს – 50 მგ ერთხელ დღეში, 14 დღის განმავლობაში. ამავე დროს საჭიროა ანტისეპტიკური ხსნარების გამოყენება. ვაგინალური კანდიდოზის დროს – ერთჯერადად 150 მგ.
კანის მიკოზური ინფექციების დროს (ტერფის, საზარდულის არისა და კანის კანდიდოზის ჩათვლით) რეკომენდებულია – 150 მგ კვირაში ერთხელ ან ყოველდღე 50 მგ ერთ მიღებაზე. ხანგრძლივობა 2-4 კვირა.
ბავშვებში: ლორწოვანი გარსების კანდიდოზის დროს – 3მგ/კგ დღეში; გენერალიზებული კანდიდოზისა და კრიპტოკოკული ინფექციების დროს – 6-12 მგ/კგ დღეში, დაავადების სიმძიმის გათვალისწინებით.
გვერდითი მოვლენები
იშვიათად – გულისრევა, მუცლის ტკივილი, დიარეა, მეტეორიზმი, კანზე გამონაყარი, თავის ტკივილი, კანის ექსფოლიატიური დაავადებანი, კრუნჩხვა, ლეიკოპენია, თრომბოციტოპენია, ალოპეცია, თუმცა ამ შემთხვევებში მიზეზობრივ შედეგობრივი კავშირი დაუდგენელია.
უკუჩვენება
პრეპარატის მიმართ მომატებული მგრძნობელობა.
სიფრთხილეა საჭირო
იშვიათ შემთხვევებში ფლუკონაზოლის გამოყენებისას აღინიშნება ღვიძლის ტოქსიკური ცვლილებები, მათ შორის ლეტალური გამოსავლით, რაც დაკავშირებული იყო მძიმე ფორმის თანდართულ დაავადებებთან. ამიტომ ღვიძლის დაზიანების კლინიკური გამოვლენისთანავე საჭიროა პრეპარატის მოხსნა.
ფლუკონაზოლით მკურნალობისას ავადმყოფებს ერთეულ შემთხვევაში გამოუვლინდათ კანის ექსფოლიატიური რეაქციები, როგორიცაა სტივენ-ჯონსონის სინდრომი და ტოქსიკური ეპიდერმული ნეკროლიზისი.
ფლუკონაზოლი ახანგრძლივებს პერორალური ჰიპოგლიკემიური საშუალებების (ქლორპროპამიდი, გლიბენკლამიდი, გლიპიზიდი, ტოლბუტამიდი) პლაზმიდან გამოყოფას.
ჰიდროქლოროთიაზიდისა და ფლუკონაზოლის ერთდროული გამოყენებისას უკანასკნელის კონცენტრაცია პლაზმაში იმატებს 40%-ით, ხოლო ფენიტოინთან კომბინაციაში ფლუკონაზოლი ზრდის აღნიშნული პრეპარატის კონცენტრაციას. რიფამპიცინი 20%-ით ამცირებს ფლუკონაზოლის ნახევრადგამოყოფის პერიოდს, ამიტომ რიფამპიცინთან ერთად დანიშვნისას საჭიროა ფლუკონაზოლის დოზის მომატება. ფლუკონაზოლის აბსორბციაზე არ მოქმედებს საკვების მიღება, ციმეტიდინი, ანტაციდები ან ძვლის ტვინის ტრანსპლანტაციის შემდგომი ტოტალური დასხივება. ფეხმძიმობის პერიოდში პრეპარატი ინიშნება სასიცოცხლო ჩვენებით. დედის რძეში ფლუკონაზოლის იგივე კონცენტრაციაა რაც პლაზმაში, ამიტომ ლაქტაციის პერიოდში მისი დანიშვნა მიზანშეწონილი არ არის.
შენახვის პირობები და ვადები
ვარგისიანობის ვადა: 3 წელი
პრეპარატი ინახება მშრალ, სინათლისგან და ბავშვებისგან დაცულ ადგილზე. მოარიდეთ ბავშვებს!
აფთიაქში გაცემის წესი
რეცეპტით

ფლუმედი

FLUMED

სავაჭრო დასახელება: ფლუმედი (FLUMED)

საერთაშორისო დასახელება: ფლუკონაზოლი.

სამკურნალო ფორმა: კაფსულები.

შემადგენლობა

1 მყარი ჟელატინის კაფსულა შეიცავს: ფლუკონაზოლს USP– 150 მგ-ს;

დამხმარე ნივთიერებები: ლაქტოზას მონოჰიდრატი, ნატრიუმის მეთილპარაბენი.

ფარმაკოთერაპიული ჯგუფი

სისტემური გამოყენების სოკოს საწინააღმდეგო საშუალება.

ათქ კოდი: J02AC01.

ფარმაკოლოგიური თვისებები

ფარმაკოდინამიკა

ფლუკონაზოლი ტრიაზოლის ჯგუფის სოკოს საწინააღმდეგო საშუალებაა. მოქმედების მექანიზმი განპირობებულია ციტოქრომი Р-450-ის მეშვეობით 14-ალფა-ლანოსტეროლის დემეთილირებით, რაც იწვევს სოკოს უჯრედში ერგოსტეროლის ბიოსინთეზის ინჰიბირებას. 14-ალფა-მეთილსტეროლების დაგროვებაზე დამოკიდებულია სოკოს უჯრედის მემბრანის მიერ ერგოსტეროლის დაკარგვა, რაც განაპირობებს ფლუკონაზოლის სოკოს საწინააღმდეგო ეფექტს.

ინ ვიტრო ფლუკონაზოლი აქტიურია შემდეგი კლინიკური შტამების მიმართ: Candida species (maT Soris, С. Albicans, С. parapsilosis, C. tropicalis). C. glabrata-ს ახასიათებს მგრძნობელობის ფართო დიაპაზონი, С. krusei რეზისტენტულია ფლუკონაზოლის მიმართ.

ინ ვიტრო ფლუკონაზოლი ასევე აქტიურია Cryptococcus neoformans -ს და Cryptococcus gattii-ს მიმართ, ასევე ენდემური ფორმების მიმართ: Blastomyces dermatiditis, Coccidioides immitis, Histoplasma capsulatum და Paracoccidioides Brasiliensis.

ფარმაკოკინეტიკა

პრეპარატის ვენაში შეყვანისას და პერორალური მიღებისას ფლუკონაზოლის ფარმაკოკინეტიკური თვისებები მსგავსია.

აბსორბცია

პერორალური მიღებისას ფლუკონაზოლი კარგად შეიწოვება და პლაზმაში მისი კონცენტრაცია (და სისტემური ბიოშეღწევადობა) შეადგენს ვენაში შეყვანისას პლაზმაში არსებული კონცენტრაციის 90%-ს. აბსორბცია პერორალური მიღებისას არ არის დამოკიდებული საკვების მიღებაზე. უზმოზე მიღებისას პრეპარატის კონცენტრაციის პიკი პლაზმაში აღინიშნება 0.5-1.5 სთ-ში. პლაზმური კონცენტრაცია დოზის პროპორციულია. 4-5 დღის განმავლობაში ფლუკონაზოლის ყოველდღიური ერთჯერადი გამოყენებისას სტაბილური კონცენტრაცია პლაზმაში აღწევს 90%-ს.

დისტრიბუცია

განაწილების მოცულობა უახლოვდება წყლის საერთო მოცულობას ორგანიზმში. მცირე ხარისხით (11-12%) უკავშირდება პლაზმის ცილებს. ფლუკონაზოლი კარგად აღწევს ყველა ბიოლოგიურ სითხეში. ფლუკონაზოლის კონცენტრაცია ნერწყვსა და ნახველში პლაზმის კონცენტრაციის ანალოგიურია. სოკოვანი მენინგიტის მქონე პაციენტებში ფლუკონაზოლის კონცენტრაცია თავ-ზურგ-ტვინის სითხეში შეადგენს 80%-ს სისხლის პლაზმასთან შედარებით. რქოვან შრეში, ეპიდერმისში, დერმასა და საოფლე ჯირკვალში კონცენტრაცია აღწევს მნიშვნელობებს, რომლებიც პლაზმურ კონცენტრაციას აჭარბებს.

მეტაბოლიზმი და ექსკრეცია

პლაზმიდან ნახევარგამოყოფის პერიოდი შეადგენს დაახლოებით 30 სთ-ს. პრეპარატი გამოიყოფა შარდით, დოზის დაახლოებით 80% აღინიშნება შარდში უცვლელი სახით. ფლუკონაზოლის კლირენსი კრეატინინის კლირენსის პროპორციულია.

ფარმაკოკინეტიკა თირკმლის უკმარისობის დროს

თირკმლის მძიმე უკმარისობის მქონე პაციენტებში (გლომერული ფილტრაციის სიჩქარე < 20 მლ/წთ) ნახევარგამოყოფის პერიოდი გაზრდილია 30 სთ-დან 98 სთ-მდე, რის გამოც დოზის შემცირება საჭირო არ არის. ფლუკონაზოლი გამოიყოფა ჰემოდიალიზით, ნაკლები ხარისხით – პერიტონეალური დიალიზით. 3 საათიანი ჰემოდიალიზის შემდეგ სისხლიდან გამოიყოფა ფლუკონაზოლის დაახლოებით 50%.

ჩვენებები

– ვაგინური კანდიდოზი, მწვავე ან რეციდიული; პროფილაქტიკური გამოყენება ვაგინური კანდიდოზების სიხშირის შემცირების მიზნით;

– კანდიდოზური ბალანიტი;

– დერმატომიკოზები, მათ შორის ტერფის, ტანის, საზარდულის მიდამოს მიკოზები, ფრჩხილის მიკოზები (ონიქომიკოზები) და კანის კანდიდოზური ინფექციები.

უკუჩვენებები

– მომატებული მგრძნობელობა ფლუკონაზოლის ან პრეპარატის სხვა კომპონენტის მიმართ;

– მრავალჯერადი გამოყენება თირკმლის უკმარისობის მქონე პაციენტებში.

განსაკუთრებული მითითებები და უსაფრთხოების ზომები

მკურნალობა გრძელდება კლინიკური სიმტომების და ლაბორატორიული ტესტების შედეგების მიღებამდე, რაც დაადასტურებს ინფექციის გაქრობას. არასრულმა მკურნალობამ შეიძლება გამოიწვიოს რეციდივი. ფლუკონაზოლი სიფრთხილით ინიშნება თირკმლისა და ღვიძლის დისფუნქციის დროს. ფლუკონაზოლის ჰეპატოტოქსიკურობა შექცევადი ხასიათისაა და მკურნალობის შეწყვეტისას გაივლის.

ორსულობა და ლაქტაცია

ფლუკონაზოლი სტანდარტული დოზებით და ხანმოკლე მკურნალობისთვის არ უნდა გამოიყენებოდეს ორსულობის დროს, განსაკუთრებული აუცილებლობის გარდა. ფლუკონაზოლი მაღალი დოზებით ან/და ხანგრძლივი სქემით არ უნდა გამოიყენებოდეს ორსულობის დროს, გარდა სასიცოცხლო საფრთხის მქონე ინფექციების მკურნალობისას. ფლუკონაზოლი გადადის დედის რძეში, მაგრამ მისი კონცენტრაცია გაცილებით დაბალია, ვიდრე პლაზმაში. ძუძუთი კვება შეიძლება გაგრძელდეს, თუ ფლუკონაზოლი გამოიყენება ერთჯერადად სტანდარტული დოზით 200 მგ ან ნაკლები. ძუძუთი კვება არ არის რეკომენდებული ფლუკონაზოლის მრავალჯერადი ან მაღალი დოზის გამოყენებისას.

დოზირება და მიღების წესი

ვაგინალური კანდიდოზის დროს ფლუკონაზოლის რეკომენდებული დოზა შეადგენს 150 მგ-ს ერთჯერადი პერორალური დოზის სახით. ვაგინალური კანდიდოზის რეციდივების შესამცირებლად ინიშნება 150 მგ ერთხელ თვეში. მკურნალობის ხანგრძლივობა ინდივიდუალურია და 4-დან 12 თვემდე მერყეობს. ზოგიერთ პაციენტებში პრეპარატი უფრო ხშირადაც ინიშნება.

კანდიდოზური ბალანიტის დროს ფლუმედი ინიშნება ერთჯერადად.

დერმატომიკოზების, მათ შორის ტერფის დერმატომიკოზის, საზარდულის ეპიდერმოფიტიის მიკოზების და კანის კანდიდოზური ინფექციების დროს რეკომენდებული დოზაა 150 მგ ერთხელ კვირაში. ჩვეულებრივ, მკურნალობის ხანგრძლივობა 2-4 კვირას შეადგენს, მაგრამ ტერფის მიკოზების დროს თერაპია 6 კვირამდე შეიძლება გაგრძელდეს.

ფრჩხილების მიკოზების დროს რეკომენდებული დოზაა 150 მგ ერთხელ კვირაში. მკურნალობა უნდა გაგრძელდეს ჯანმრთელი (არაინფიცირებული) ფრჩხილის ამოსვლამდე. ეს პერიოდი შეადგენს 3-6 თვეს ზედა კიდურების ფრჩხილებისთვის და 6-12 თვეს ქვედა კიდურების ფრჩხილებისთვის.

გვერდითი მოვლენები

ნერვული სისტემის დარღვევები: თავის ტკივილი, კრუნჩხვები, პარესთეზია, თავბრუხვევა, ტრემორი.

კუჭ-ნაწლავის ტრაქტის დარღვევები: გემოს შეგრძნების დარღვევა, მუცლის ტკივილი, ღებინება, ფაღარათი, გულისრევა, ყაბზობა, დისპეფსია, მეტეორიზმი, პირის სიმშრალე.

ღვიძლის ფუნქციის დარღვევები: ალანინამინოტრანსფერაზას, ასპარტატამინოტრანსფერაზას და ტუტე ფოსფატაზის დონის მომატება სისხლში, ქოლესტაზი, სიყვითლე, ბილირუბინის დონის გაზრდა, ღვიძლის უკმარისობა, ჰეპატოცელულარული ნეკროზი, ჰეპატიტი.

კანისა და კანქვეშა ქსოვილის დარღვევები: გამონაყარი, ჭინჭრის ციება, ქავილი, ოფლიანობა, ტოქსიკური ეპიდერმული ნეკროლიზი, სტივენს-ჯონსონის სინდრომი, ექსფოლიაციური დერმატიტი, კვინკეს შეშუპება, ალოპეცია.

სისხლისა და ლიმფური სისტემის დარღვევები: ანემია, აგრანულოციტოზი, ლეიკოპენია, თრომბოციტოპენია, ნეიტროპენია.

მეტაბოლიზმისა და კვების დარღვევები: ჰიპერლიპიდემია, ჰიპერტრიგლიცერიდემია, ჰიპოკალემია.

იმუნური სისტემის დარღვევები: ანაფილაქსია.

სხვა წამლებთან****ურთიერთქმედება

ფლუკონაზოლის ერთდროული გამოყენება უკუნაჩვენებია შემდეგ პრეპარატებთან: ციზაპრიდი, ტერფენადინი, ასტემიზოლი, პიმოზიდი, ქინიდინი, ერითრომიცინი.

ერთდროული გამოყენება არ არის რეკომენდებული შემდეგ პრეპარატებთან:

ჰალოფანტრინი: იზრდება კარდიოტოქსიკურობის (QT ინტერვალის გახანგრძლივება, პირუეტული ტაქიკარდია) და უეცარი სიკვდილის რისკი.

სიფრთხილის გამოჩენა და დოზის კორექციაა საჭირო ერთდროული გამოყენებისას შემდეგ პრეპარატებთან:

რიფამპიცინი: რიფამპიცინისა და ფლუკონაზოლის ერთდროული გამოყენებისას 25%- ით მცირდება ფლუკონაზოლის AUC და 20%-ით მისი ნახევარგამოყოფის პერიოდი. რიფამპიცინის მიღებისას საჭიროა ფლუკონაზოლის დოზის გაზრდა.

ამიტრიპტილინი, ნორტრიპტილინი: ფლუკონაზოლი ზრდის ამიტრიპტილინისა და ნორტრიპტილინის ეფექტს.

ბენზოდიაზეპინები (ხანმოკლე მოქმედების), მაგ., მიდაზოლამი, ტრიაზოლამი: პერორალურად მიდაზოლამისა და ფლუკონაზოლის ერთდროული გამოყენებისას იზრდება მიდაზოლამის კონცენტრაცია და ფსიქომოტორული ეფექტები. ტრიაზოლამის ეფექტის გაძლიერება და გახანგრძლივება აღინიშნება ფლუკონაზოლთან ერთდროული გამოყენებისას.

კარბამაზეპინი: ფლუკონაზოლი აფერხებს კარბამაზეპინის მეტაბოლიზმს და 30%-ით ზრდის მის კონცენტრაციას შრატში.

კალციუმის არხების ბლოკერები: ფლუკონაზოლი ზრდის კალციუმის არხების ბლოკერების სისტემურ მოქმედებას.

ცელეკოქსიბი: ფლუკონაზოლთან გამოყენებისას საჭიროა ცელეკოქსიბის დოზის განახევრება.

ციკლოფოსფამიდი: ციკლოფოსფამიდისა და ფლუკონაზოლის კომბინირებული გამოყენებისას იზრდება ბილირუბინისა და კრეატინინის კონცენტრაცია შრატში.

ფენტანილი: ფლუკონაზოლი ახანგრძლივებს ფენტანილის ელიმინაციას. ფენტანილის კონცენტრაციის გაზრდამ შეიძლება გამოიწვიოს სუნთქვის დათრგუნვა.

ციკლოსპორინი: ფლუკონაზოლი ზრდის ციკლოსპორინის კონცენტრაციას და AUC-ს.

სიროლიმუსი: ფლუკონაზოლი ზრდის სიროლიმუსის პლაზმურ კონცენტრაციას.

ტაკროლიმუსი: ფლუკონაზოლი 5-ჯერ ზრდის შრატში ტაკროლიმუსის კონცენტრაციას პერორალური მიღებისას, რაც იწვევს ნეფროტოქსიკურობას.

ლოზარტანი: ფლუკონაზოლი აინჰიბირებს ლოზარტანის მეტაბოლიზმს.

მეტადონი: ფლუკონაზოლი ზრდის სისხლში მეთადონის კონცენტრაციას.

ანთების საწინააღმდეგო არასტეროიდული პრეპარატები: ფლუკონაზოლი ზრდის ანთების საწინააღმდეგო არასტეროიდული პრეპარატების სისტემურ მოქმედებას.

ფენიტოინი: ფლუკონაზოლი აინჰიბირებს ფენიტოინის მეტაბოლიზმს ღვიძლში.

პრედნიზოლონი: ფლუკონაზოლის ხანგრძლივი გამოყენებისას პრედნიზოლონის ერთდროული მიღების დროს საჭიროა თიკმელზედა ჯირკვლის ქერქის ფუნქციის კონტროლი ფლუკონაზოლის შეწყვეტისას.

რიფაბუტინი: არსებობს მონაცემები უვეიტის განვითარების შესახებ რიფაბუტინის და ფლუკონაზოლის ერთდროული გამოყენებისას.

სულფონილშარდოვანები: საჭიროა გლუკოზის დონის კონტროლი სისხლში და სულფონილშარდოვანების დოზის შემცირება ერთდროული გამოყენებისას.

თეოფილინი: საჭიროა პაციენტების მონიტორინგი თეოფილინის ტოქსიკურობის სიმპტომების გამოსავლენად.

ზიდოვუდინი: პაციენტები, რომლებიც იღებენ ამ კომბინაციას, უნდა იმყოფებოდნენ დაკვირვების ქვეშ ზიდოვუდინთან დაკავშირებული გვერდითი ეფექტების განვითარების გამო.

ჭარბი დოზირების სიმპტომები და მკურნალობა

ჭარბი დოზირების შემთხვევაში რეკომენდებულია შემანარჩუნებელი და სიმპტომური თერაპია, აუცილებლობისას – კუჭის ამორეცხვა. ფლუკონაზოლი გამოიყოფა შარდით და ფორსირებული დიურეზი სავარაუდოდ გაზრდის გამოყოფის სიჩქარეს. 3 საათიანი ჰემოდიალიზის შემდეგ პლაზმური კონცენტრაცია მცირდება 50%-ით.

ზემოქმედება ავტომობილისა და მანქანა-დანადგარების მართვის უნარზე

ფლუკონაზოლის გამოყენებისას საჭიროა პაციენტების ინფორმირება შესაძლო თავბრუხვევისა და კრუნჩხვების განვითარების შესახებ. ასეთი სიმპტომების აღმოცენებისას არ არის რეკომენდებული ავტომობილის მართვა ან სხვა სამუშაოების შესრულება.

შეფუთვა

150 მგ კაფსულა. 1 კაფსულა ბლისტერში. 1 ბლისტერი გამოყენების ინსტრუქციასთან ერთად მუყაოს კოლოფში.

შენახვის პირობები

ინახება არა უმეტეს 25°C ტემპერატურაზე.

შეინახეთ ბავშვებისათვის მიუწვდომელ ადგილას.

ვარგისობის ვადა: 3 წელი.

შეფუთვაზე აღნიშნული ვადის გასვლის შემდეგ პრეპარატის გამოყენება დაუშვებელია.

გაცემის წესი

ფარმაცევტული პროდუქტის ჯგუფი II, გაიცემა ფორმა N3 რეცეპტით.

მწარმოებელი

“ZEE LABORATORIES”

უჩანი, ჯ. ტ. როუდი, კარნალი-132001, ინდოეთი

www.zeelaboratories.com